هذا هو صوت اسرار بابكر ..الفائزة في مهرجان الاغنية العربية

هذا هو صوت اسرار بابكر ..الفائزة في مهرجان الاغنية العربية


25-08-2003, 06:44 PM


  » http://sudaneseonline.com/cgi-bin/sdb/2bb.cgi?seq=msg&board=99&msg=1254354651&rn=0


Post: #1
Title: هذا هو صوت اسرار بابكر ..الفائزة في مهرجان الاغنية العربية
Author: 3mk-Tango
Date: 25-08-2003, 06:44 PM


.


تحياتي ايها الاحباب

هذا هو صوت المطربة اسرار بابكر التي فازت اغنيتها بالجائزة الاولي لافضل نص وافضل تلحين في مهرجان الاغنية العربية بالمغرب مؤخرا..
هذه الاغنية فقط لنتعرف علي صوتها ..والاغنية الفائزة جاري البحث عنها......
اعتقد ان صوتها مميز جدا...ويرافقها في هذه الاغنية الاخ مجاهد وهو من الاصوات المعروفه التي كانت تصدح مع عقد الجلاد في بداياتها
اغنية.. ياطير يا ماشي لي اهلنا..... لصالح الضي.....وهي رائعة تجبرك علي الاستماع اليها بلا ملل..

مبروك للفن السوداني

لكم الود ومزيد من التقدم للفن السوداني

تنقو




Post: #2
Title: Re: هذا هو صوت اسرار بابكر ..الفائزة في مهرجان الاغنية العربية
Author: HOPELESS
Date: 25-08-2003, 06:51 PM
Parent: #1

الحبيب عمك تنقو
تحياتي

تسلم علي الهديه القيمه
والله قمة الابداع
ومبروك للسودان
ومبروك لأسرار

بس بيني وبينك كدا انا انفضحته في العمل
خليت دموعي عشره عشره والله
كدي النقوم انستر بعيد

ودي

Post: #3
Title: Re: هذا هو صوت اسرار بابكر ..الفائزة في مهرجان الاغنية العربية
Author: 3mk-Tango
Date: 25-08-2003, 07:23 PM
Parent: #2


تسلم عزيزي هوب ليس

فعلا حاجة جميله جدا.. صوت مميز والواحد في شوق يسمع الاغنية التي فازت بها

اما حكاية البكي دا خليها ..انا يا طير دي كان ما طيرتني ما حاوقف السماع ليها



تحياتي

تنقو

Post: #4
Title: Re: هذا هو صوت اسرار بابكر ..الفائزة في مهرجان الاغنية العربية
Author: layon
Date: 26-08-2003, 05:14 AM
Parent: #3

سلام...
اطرشني ياتنقو لو سامعه حاجه...

المشكله وين يا ترى؟؟؟

Post: #5
Title: Re: هذا هو صوت اسرار بابكر ..الفائزة في مهرجان الاغنية العربية
Author: tabaldy
Date: 26-08-2003, 05:32 AM
Parent: #1

العم تنقو

ومن بعد السلام

فعلا صوت جميل وإختيارك جميل لأغنية صالح الضي رحمة الله عليه , تجبرك على السماع مرة ومرة

يا زول منتظرين الباقي ويا ريت نسمع أغنية المهرجان لأنو ما سمعناها غير مرة في التلفزيون

مجاهد الفي الأغنية دي وين هسع ؟

بالمناسبة وين الصورة ؟ لحقت صورتي ؟

سلام

ابنوسي

Post: #6
Title: Re: هذا هو صوت اسرار بابكر ..الفائزة في مهرجان الاغنية العربية
Author: tmbis
Date: 26-08-2003, 07:18 AM
Parent: #5

لا حول الله يا عمك

الشهادة والعمل الطيب

بلاهي دي اسرار صوته عامل كده ؟؟ من ما نزلت البوست وانا اعفص واعافر ما لاقي لي فرصه ..ما قدرت الا حسع دي .. وحات خوتك داخل في غيبوبة .. اسمع مجاهد كمان ؟؟
المشكلة يا تنقو ما قادر اعمل حاجه في ملف الاغنية وتاني عليك الله حاجات زي دي ما تحمله في الياهو ...

لكن تعرف ؟!!اسرار دي كان مااخدت الجائزة كان تكون حقاره شديده جدا ..من الناس ديل انا بعتبره حقاره عديل كده ..ماشاء الله عليك يا اسرار ..ماشاء الله

اعمل حركة صغر حجم الملف ده يا تنقو ما قدرت اعمل فيهو حاجه انا .ولنك الحفظ ما داير يديني حاجه برضو

وررروووووووووووووووك

Post: #7
Title: Re: هذا هو صوت اسرار بابكر ..الفائزة في مهرجان الاغنية العربية
Author: nazar hussien
Date: 26-08-2003, 10:56 AM
Parent: #6



عمك تنقو الله يريحك دنيا وآخرة

بركة الليل العقل جناح اللمة والطير


والله الما سمع اسرار ومجاهد في
يا طير يا ماشي لي اهلنا

عمرو ضايع

عليك الله يا الزول البتسمع بعدي
تأمل جوة الجوة في الصوتين ديل
وطريقة الاداء

تخدر الما بخدر

ويا هوبلس ده نوع الكلام البسطل
ما ببكي

Post: #8
Title: Re: هذا هو صوت اسرار بابكر ..الفائزة في مهرجان الاغنية العربية
Author: hala guta
Date: 26-08-2003, 12:02 PM
Parent: #1

يا اخوانا انا ما سامعة حاجة
عمك تنقو وتمبس اتصرفوالى بسرعة

Post: #9
Title: Re: هذا هو صوت اسرار بابكر ..الفائزة في مهرجان الاغنية العربية
Author: الجندرية
Date: 26-08-2003, 12:13 PM
Parent: #1

سجمي
كل من كمبيوتر
بت قضيم واهل العوض
عادى لي حقي بالطرش

Post: #10
Title: Re: هذا هو صوت اسرار بابكر ..الفائزة في مهرجان الاغنية العربية
Author: aba
Date: 26-08-2003, 12:29 PM
Parent: #9

تنقو
انا قايل نفسي براي
ألحقونا بي الغنية

Post: #11
Title: Re: هذا هو صوت اسرار بابكر ..الفائزة في مهرجان الاغنية العربية
Author: almohndis
Date: 26-08-2003, 12:54 PM
Parent: #10

عم تنقو
ابت تطلع

Post: #12
Title: Re: هذا هو صوت اسرار بابكر ..الفائزة في مهرجان الاغنية العربية
Author: aba
Date: 26-08-2003, 02:57 PM
Parent: #11


Save @ PC


عزيزي تنقو
انا برضو قاعد احاول معاك والغريبة بتجي وتختفي وبالجد حاجة جميلة
اها يا جماعة لما الغنية تجي دوسو هنا بتنزل معاكم والمشكلة في الوب سايت علي ما يبدو بيظهر ويختفي

Post: #13
Title: Re: هذا هو صوت اسرار بابكر ..الفائزة في مهرجان الاغنية العربية
Author: Yasir Elsharif
Date: 26-08-2003, 03:34 PM
Parent: #1

عمك تنقو

لك الشكر والسلام والمودة

لقد سعدت برؤية أسرار بابكر في الفضائية السودانية وهي تؤدي هذه الأغنية مع مجاهد عمر ، إذا لم أكن قد نسيت الإسم الثاني.. وهو أيضا مبدع وعظيم الأداء.. وقد لاحظت أن أسرار تركز على متابعته وهو يؤدي قبلها ومعها باهتمام حتى تكون في الزمن، خاصة وهو الذي يقوم بالعزف على آلة العود . وهذا النوع من الأداء الثنائي هو من أصعب الأنواع حسب تقديري المتواضع..

تابعت أداءها في برنامج أصوات وأنامل، وهو أيضا برنامج متفرد يجبرك على الجلوس والمتابعة لإبداعات الشباب السودانيين في الرسم والتلوين والنحت والموسيقى والغناء..


ياسر

Post: #14
Title: Re: هذا هو صوت اسرار بابكر ..الفائزة في مهرجان الاغنية العربية
Author: 3mk-Tango
Date: 26-08-2003, 05:31 PM
Parent: #1


.




الاحباب الاعزاء

لي عودة معكم للتعليق علي اسرار ومجاهد والاغنية الفائزة...ولكن قبل ذلك دعونا نحاول حل المشكلة الفنية دي

طبعا نلاحظ البعض بقول انو سمع الاغنية والبعض الاخر بقول ما سمعها..طبعا المشكلة في موقع الياهو الذي تم رفع الاغنية اليه..فهو معروف لا يتحمل عدد كبير من الزوار في وقت واحد..لذلك اذا لم تسطيع سماع الاغنية في وقت معين يمكن اعادة المحاوله بعد فترة وجيزة وغالبا حتشتغل انشاء الله

نسوي شنو عمنا بكري حكمنا بي 650 بس واكثر الاغاني السودانية يزيد حجمها عن 900 عشان كدا الواحد مضطر يحمل الاغنية في موقع زي ياهو

في مشكلة تاني وما عندي ليها تفسير رغم انه بعمل محاولات وجدت احدها ناجح تماما....احيانا لايستطيع برنامج الريل التمكن من فتح الموقع وتشغيل الاغنية.. يعني لو كانت المشكلة من الريل بلير فقط يمكن عمل الاتي....شغل الريل بلير خارج الموقع وكانك تريد تشغيل اغنية من الهاردسك..وانتظر زي دقيقتين كدا او تلات دقائق ..بعد ذلك اغلق الريل بلير من الخارج..وافتح الصفحة..وغالبا بتشتغل الاغنية
طبعا الكلام دا ما كلام فنيين ولكن اكتشفته بالممارسة ..والله اعلم

وفي انتظار النتيجة..

ولنا عودة للحديث عن الاغنية

ولكم الود

تنقو


Post: #15
Title: Re: هذا هو صوت اسرار بابكر ..الفائزة في مهرجان الاغنية العربية
Author: Kudouda
Date: 26-08-2003, 10:35 PM
Parent: #1

سلام لكل الاحبه...
في الاول الشكر للاخ عمك تنقو...ولله الزوله دي صوته سمح عديل كده..فيهو حنيه عجيبه..وأداء مجاهد تم الناقصه..كنت سمعت نفس الاغنيه من طارق ابوعبيده وكانت بنفس الجمال..رحم الله صلاح الضي..واتمني انو الطير يوصل كل تحايا الناس المغربه لي كل الاهل..
ولي قدام
غازي

Post: #16
Title: Re: هذا هو صوت اسرار بابكر ..الفائزة في مهرجان الاغنية العربية
Author: Kudouda
Date: 26-08-2003, 10:39 PM
Parent: #1

ورد خطا في الطباعه..
رحم الله صالح الضي

Post: #17
Title: Re: هذا هو صوت اسرار بابكر ..الفائزة في مهرجان الاغنية العربية
Author: nazar hussien
Date: 27-08-2003, 02:57 PM
Parent: #16

ده كلام يمشي الصفحة التانية

امانة جاتكم

Post: #18
Title: Re: هذا هو صوت اسرار بابكر ..الفائزة في مهرجان الاغنية العربية
Author: Elmosley
Date: 27-08-2003, 03:02 PM
Parent: #1

الكومبيوتر فيهو مشكلة صوت لكن
حامشي اسمع بعدين في الجمعه متشوق والله
وشكرا مقدما

Post: #19
Title: Re: هذا هو صوت اسرار بابكر ..الفائزة في مهرجان الاغنية العربية
Author: Halema2
Date: 27-08-2003, 08:57 PM
Parent: #1

الاخ عمك تنقو
سلام
رائعه جدا الاغنيه ،،
صوت اسرار فيه دفئ جميل واداءها للاغنيه مع المبدع مجاهد زادها دف وحنين.
حقيقة ملأتنى واشبعتنى وابكتنى
لك التحايا ولاسرار الف قبلة حب واحترام

Post: #20
Title: Re: هذا هو صوت اسرار بابكر ..الفائزة في مهرجان الاغنية العربية
Author: haneena
Date: 28-08-2003, 03:48 PM
Parent: #19

عمك تنقو

الله يديك الفي مرادك يا رب
علي قدر ما اعجبتني الاغنية بدفئ اصوات مؤدييها
عل قدرابكائها لي وتجرسي وادرار دموعي
سمعتها مثني وثلاث ورباع وما زلت لا استطيع التوقف
لا ادري ما هذا الشعور الذي انتابني
هل هو السكر بدون خمر كما قال احدهم؟؟

************

يا طير يا ماشي لاهلنا بسراع وصل رسايلنا
والشوق ما تنسي يا طاير لكل البسألك عنا

قول ليهم علي العهد مازلنا
زكراهم انفاسنا ومشاغلنا
كيف حال بستانا وخمايلنا
ربطنا مجمع شمايلنا

انا في انتظارك يا طاير علي داري
وصل رسايل يا طاير وطن البشاير
وافرد جناحك يا طاير علي داري

قبال تعود لازم تروح من تاني مرة
ما تنسي زول في الحلة إلا
تسلم عليهو وتبوس ايديه


تسلم يا ابا علي وصلة الحفظ
عشان نتجرس وقت الحاجة


شاعر الاغنية منو يا جماعة؟؟
سلمتم

حنـيـنـة

Post: #21
Title: Re: هذا هو صوت اسرار بابكر ..الفائزة في مهرجان الاغنية العربية
Author: 3mk-Tango
Date: 28-08-2003, 08:41 PM
Parent: #1


.

حبايبنا الاعزاء...تحيه الفرحة والاشراق ليكم

عفوا..اعتذر عن عدم تمكني من الرد..في الوقت المناسب ..لظروف طارئة

ليون...الجندرية..هاله .. أبا .. المهندس ... والموصلي ..اتمني ان تكون اتحلت المشاكل الفنية وتمكنتم من سماع الاغنية ..فهي فعلا تستحق التعب من اجلها..وفاتتكم كمية من الدموع والجرسة ..كدي حاولو تاني وادوني خبر ..

تبلدي .. تسلم يا حبوب ..ولك وعد بان تسمع اغنية المهرجان قريبا

الحبيب تمبس ...تحياتي ..والله يا اخوي انا عارف الدموع اربع اربع.. غايتو نسال الله يطلعنا من الغنية دي بي اقل خسائر ممكنه... وبالنسبة للتنزيل ..والله غلبني وما لقيت لي موقع كدا كويس ممكن اعمل فيهو ابلود للملفات دي ..كدي كان عندك خبر اديني علامة ..
نزار حسين.. ..مش عليك الله الماسمع الناس ديل ما سمع غني..والمابكي معاهم ..خليهو يشوف ليهو بيت بكاء..

ابا... الله يديك العافية ..وكدي اعمل لينا حركة كدا وشوف لينا موقع كويس ممكن نرفع فيهو الاغاني دي لو امكن

ياسر الشريف .. فعلا كان برنامج اصوات وانامل موفق في اختيار هذا الثنائي ..وهو من البرامج القليله الجيدة المتوفرة في تلفزيون السودان الان ..اما كنت اتمني فعلا ان يكون الفيديو جاهز في ذلك الوقت لاتمكن من تسجيل الاغنية فيديو .زولكن كان الكمبيوتر الاقرب ..
كدودة ..... تسلم يا عزيزي ..انا ايضا اول مرة اسمع فيها هذه الاغنية كانت من خلال هذا البورد..وقد انزلها الاخ خواض المختفي حاليا... هذه الاغنية ساحرة فعلا.. واعتقد انها كانت من اجمل اعمال العصر الذهبي
نزار حسين الله يرفع منازلك كمان وكمان ...
حليمة 2 ..... تحياتي... والله كان لي البكي كملناهو مع الاغنية دي غايتو .. اتصبري عشان في حاجة جميله برضو حتنزل قريبا للثنائي دا ...
حنينة..... تسلمي يارب ..الحمد لله تمكنتي من سماعها اخيرا.. اها فعلا تستاهل تكون صعبة الوصول مش كدا ؟؟

لكم الود جميعا احبابي

تنقو


Post: #22
Title: Re: هذا هو صوت اسرار بابكر ..الفائزة في مهرجان الاغنية العربية
Author: aba
Date: 28-08-2003, 08:54 PM
Parent: #21

أخي تنقو
سلام
قمت بإنزال الفايل بعد جهد والمشكلة ان الفايل نازل
Real Player Presentation File
و لو تمكنت من إرسال الفايل لي في شكله الأصلي
WAV
MP3
WAM

أو أي نوع من
Audio Files
أستطيع المساعدة بضغطه ليناسب الحجم المطلوب لسودانيس أون لاين
بإمكانك إرساله عن طريق الميل
[email protected]

وحقيقي الأغنية تستحق الجهد
ولك ودي

Post: #23
Title: Re: هذا هو صوت اسرار بابكر ..الفائزة في مهرجان الاغنية العربية
Author: Elmosley
Date: 28-08-2003, 08:56 PM
Parent: #1

حلوين والله ياعمك تنقو
لكن صوت مجاهد طاغي في الاغنيه ديه
تحياتي

Post: #24
Title: Re: هذا هو صوت اسرار بابكر ..الفائزة في مهرجان الاغنية العربية
Author: zola123
Date: 28-08-2003, 09:25 PM
Parent: #1

عمك تنقو شكرا على الاغنية
طبعا بعد صبر 3 ايام تمكنت من الاستماع لها
معظم محاولاتي الفاشلة كانت نهارا
واعتقد لها علاقة بالموقع نفسه الذي تظهر عليه علامة مغلق في تلك الاوقات

شكرا مرة تانية

زولة123

Post: #25
Title: Re: هذا هو صوت اسرار بابكر ..الفائزة في مهرجان الاغنية العربية
Author: hala guta
Date: 28-08-2003, 10:32 PM
Parent: #1

عمك تنقو
نقول ليك شنو؟؟شكرا ما كفاية
لكن البتعملوا فينا دة حرام عليكم نحن ما حمل كدة
برانا الغربة هدت حيلنا وكمان ابا خلاها لينا لوقت اللزوم
زى ما قال اهل العوض يوم اغانيكم دى بتكتل ليها زول /ة

Post: #26
Title: Re: هذا هو صوت اسرار بابكر ..الفائزة في مهرجان الاغنية العربية
Author: 3mk-Tango
Date: 29-08-2003, 03:53 PM
Parent: #1

......
aba

تسلم علي المجهود..وسوف ارسل ليك الاغنية انشاء الله علي بريدك لتتصرف فيها

الموصلي البدع

ليك الود..طبعا يا استاذنا نحن ناس سمع ساي الحاجات الفنية دي انتو اهلها..ولسة نحن في انتظار قصيدة حميد مغناه

zola123
حمد لله علي السلامة
انا سعيد انك قدرتي تسمعيها.. والشوق ما تنسي يا طائر لكل البسالك عنا..دا كلام ما بتفات

hala

والله يا هاله نحنا رحنا زمان في الغنية دي..غايتو بس باقي الروح الفاضله دي روح للفرفره ساي..انا روحي معلقة في صاله القدوم في مطار الخرطوم..الله يرجعها

ولكم الحب جميعا

تنقو

Post: #27
Title: Re: هذا هو صوت اسرار بابكر ..الفائزة في مهرجان الاغنية العربية
Author: الجندرية
Date: 30-08-2003, 04:34 PM
Parent: #1

باركوا/ ن لي
سمعتها
هي لكن ما مبالغة
بعدين دي غنية البكاء حقت بدر الدين شنا
ابو مهيار .. كان ما سمعت عوجة كبيرة ؟
دايرة احفظها عندي في الجهاز
نزلوا لكن الحفظ ولا اشكيكم علي الله

اضافة :
يا شباب
خلاص لقيت اللنك
مشكور ابا
والشكر لسيد البوست
ولي صاحب الدار بكري نزلها في صفحة الاغاني السودانية
تلقوها هناك في الصفحات الاخيرة بعد صفحة 15
بس ادعوا معاي انه ابو مهيار يسمع معانا

Post: #28
Title: Re: هذا هو صوت اسرار بابكر ..الفائزة في مهرجان الاغنية العربية
Author: بلدى يا حبوب
Date: 30-08-2003, 06:08 PM
Parent: #1

عمك تنقو
سلام يا مبدع مع التحايا حقيقة الصوت جميل والاداء كذالك ويعبر بمثابة ميلاد فنانة اذا توفرت لها الظروف من نا س الموصلى وزملاءه ستكون عندنا فيروز السودانية قريبا تشكر وقى انتظار ابداعاتك

Post: #29
Title: Re: هذا هو صوت اسرار بابكر ..الفائزة في مهرجان الاغنية العربية
Author: Kudouda
Date: 30-08-2003, 06:45 PM
Parent: #1

قبال تعود لازم تروح من تاني مره
ما تنسي زول في الحله الا
تسلم عليهو وتبوس ايديهو

Post: #30
Title: Re: هذا هو صوت اسرار بابكر ..الفائزة في مهرجان الاغنية العربية
Author: Agab Alfaya
Date: 30-08-2003, 07:38 PM
Parent: #1

التحية لك يا اخ تنقو وانت تتحفنا بالروائع
والتهنئة عبرك للاخت اسرار للفوز المشرف
والتحية ايضا للاخ مجاهد الذي اختفي فجاة من عقد الجلاد
حيث لم يظهر معاهم سوي في شريط الحلقة التلفزيونية التي سجلها معهم الاستاذ عاصم الخليقة والتي كانت البداية في تعرف الناس اليهم
اعتقد اختفاء مجاهد ومنال المبكر من الفرقة، ترك فراغ لم يتمكن من جاء بعدهم من سده.وياريت لو سمعنتا- الاهلية كملت- بصولو مجاهد ونقرشاته العجبية علي العود
اعتقد ان صوت صالح الضي في هذه الاغنية يصعب مجاراته جدا
رغم الدويتو الجميل من اسرار ومجاهد
وتسلم يا تنقو

Post: #31
Title: Re: هذا هو صوت اسرار بابكر ..الفائزة في مهرجان الاغنية العربية
Author: Tumadir
Date: 30-08-2003, 10:07 PM
Parent: #30

ياجماعة دة ما موت احمر...عدييييييييل كدة

جرستونا معاكم

مجاهد واسرار؟؟؟؟


الشهااااادة يا مولاى

Post: #32
Title: Re: هذا هو صوت اسرار بابكر ..الفائزة في مهرجان الاغنية العربية
Author: Rawia
Date: 30-08-2003, 10:28 PM
Parent: #1

Ya jama3a ana ma sam3a ay 7aja and I always have this messageGeneral Error has occurred

Post: #33
Title: Re: هذا هو صوت اسرار بابكر ..الفائزة في مهرجان الاغنية العربية
Author: 3mk-Tango
Date: 31-08-2003, 06:47 PM
Parent: #1

.....

الجندرية
حمد لله علي انك سمعتيها... كدا مافي شكوي يعني..بس دعواتك لينا

بلدي ياحبوب

فعلا صوت جميل ..ويحتاج الي رعاية واهتمام ..ليت اصحاب الشان يتابعو هذه الموهبة ..اعتقد المفروض تكون دائما مع مجاهد لانو فعلا لهم اكتر من اغنية مع بعض ويبدو بينهم تناسق رائع ..

Kudouda

ما تنسي زول في الحلة الا تسلم عليهو ...شفت المحلة دي بالذات انا بتتعبني جدا ..وبتذكر كل شبر من الحلة...
ربك يقرب البعيد ..

Agab Alfaya

نسلم علي الطله ...كنا نتحدث انا واحد اصدقائي قبل عدة ايام عن عقد الجلاد وظهورهم الاول وتحديدا تسجيل التلفزيون ..واغنية امونه ..وصوت منال بدر الدين..والاصوات الجديدة في الفرقة..طبعا التغير صفة الحياة ولكن يحمد للفرقة انها ظلت علي نفس النهج رغم احنفاء اعضاء وظهور جدد ..بالنسبة للاغنية المسومعة الان ..اعتقد ما فعلة فيها هذا الثنائي هو ان بثوا فيها روحهم الخاصة ..ويظل صالح الضي هو الاساس ..وسمح الغني في خشم سيدو ..

Tumadir
تماضر يا حساسة ..الجرسة عامة والبكي جماعي ..ولا عزاء للصابرين والمتصبرين...

Rawia
حاولي اطلعي فوق شوية حتلقي حل خاص قاعد اعملو لمن امر بي مشكلتك دي ..كدي حاولي ..عسي ولعل

ولكم الحب

تنقو

Post: #34
Title: Re: هذا هو صوت اسرار بابكر ..الفائزة في مهرجان الاغنية العربية
Author: tmbis
Date: 31-08-2003, 09:36 PM
Parent: #33

اسرار ومجاهد في القمة يا تنقو


Post: #35
Title: Re: هذا هو صوت اسرار بابكر ..الفائزة في مهرجان الاغنية العربية
Author: hammama
Date: 01-09-2003, 04:49 AM
Parent: #34

يا عمك تنقو ياخ بالله حاول نزل الاغنيه دي هنا تاني..... ولا اقوم اجيك بالدرب عديل كده ومعاي الشفع واكلفك ما لا تطيق . اها رايك شنو؟