Post: #1
Title: لحن الخميس ... عركي ... زول بكاي .. (للبكايين)
Author: 3mk-Tango
Date: 04-08-2004, 01:09 AM
احس بالمنفي يصعد من كبدي .. ينبت في القلب دفعة واحدة كالفيضان
أحس باليوم الوعد ياتيني نبيا مع خيط الفجر الدامي ومع ليال جيفة تأكلها البطاله و " الزلط" والجوع المزكوم بالجوع .
ما زلت امل ان " لوهران " وجها يثير الدهشة ...
ما زالت آذاني حية .. تلتقط صياحات الرفاق الليلية , مصحوبة بصوت امرأة تغني من الم الذبح وطفل يولمة شره الجوع ...
و " برنوس" فلاح .. أرضة جفت .. تلتحفه ريح البحر بقسوة .. يتامل الماء بحزن والأملاح والأوساخ التي تقياها الموج بعنف .. يتمني من جرح القلب ان يملأ الرئتين ويعتقل البحر لمدة لحظة ..
مازالت احلامي تفضل الحزن والعذاب والمنفي عن بيع مسامات الجلد للحكام في سوق الكلمات ...
صعب .. صعب ان نعجز عن تقديم عربون حب للوطن المدلل ..
صعب ان نقنع أرباب القبائل ان الحلم والبسمة فوق كل الاحكام ..
لنسم الشئ بأسمه ونواصل ..
فهذه القبور الباردة علمتنا ان من سقطوا طعنا من الخلف لم يكونوا يكرهون الحياة ... ولم يكونوا اقل حبا منا لسيف الموت ...
.............
بعيدا يا شاعرتي الغجرية ..
أصنع لك وجها شهيا .. احمل بكل قساوة اشعارك البالية والجديدة والتي لم تات بعد فانا اقاسمك الامها ..
أرتب وجهك الذي توارثته هموم الشوارع والبيت والشغل والمنفي ..
اترقب يوميا في المطارات القديمة ضفائر " لونجا" تاتيني من بعد يفصل بيني وبينة غسله موت في البحار ...
واغني ..
انا الذي رأيت *
" لونجا يا لونجا
شعرتك خباله
دلي لي سالفك نلطع "
في كامل وعي . مازلت ادرك ان لغة الاصرار وجه اخر للبوح الرسمي .. احمل حقائبي وامشي .. ابحث عن قطارات تصفر داخل قلبي
تذهب ولا تعود .
* اغنية جزائرية شعبية
د. واسيني الاعرج .... الم الكتابة عن احزان المنفي
منو القال لي من اول
احب عينيك كان ما أسال
قليبي المرهف الحساس
قال لي تعال وامشي معاي
بريتو وقلت في خاطري
الاقي الحب والقي هناي
ولما خلاص بقيت غرقان
في بحرك انتي يا دنياي
رجعت اقول صحي الاقدار بتجبر ناس
وحكم الدنيا ما بي راي
شوفو الشوق حكايتو معاي
عشان لاقيني زول بكاي
هجر دنياه عشق دنياي
يصحي عيوني من النوم
يشيلها يعدي بيها نجوم
الاقي نجومي شايله الشوق
عشان ناسيها برضو نقول
شوفو الشوق حكايتو معاي
عشان لاقيني زول بكاي
هاجر دنياه
عشق دنياي
|
Post: #2
Title: Re: لحن الخميس ... عركي ... زول بكاي .. (للبكايين)
Author: haneena
Date: 04-08-2004, 12:29 PM
Parent: #1
الله..الله ...يا عم تنقو
ما أجملها من كلمات
وأضاف عليها عركي من صوته الحنون
شوفو الشوق حكايتو معاي
عشان لاقيني زول بكاي
هجر دنياه عشق دنياي
أول مرة أسمع الاغنية دي
انا ما عارفة فاتتني كيف دي
الشاعر منو يا تنقو..او اي زول عارف؟؟؟
|
Post: #3
Title: Re: لحن الخميس ... عركي ... زول بكاي .. (للبكايين)
Author: haneena
Date: 04-08-2004, 12:46 PM
Parent: #2
عن إذنك يا عمو...الجندرية محلفة الخلق دي للنك
انت ما خايف من الدساتير؟؟؟
Save @ PC
زول بــكـــاي........
|
Post: #7
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-08-2004, 09:46 PM
Parent: #2
حنينة .. اول البكايين لوووول
طبعا انا زاتي بفتش لي اسم الشاعر والله .. واتمني ان يدلنا عليه احد المتابعين... طبعااسم الاغنية دا زاتو نجرتو من راسي
تسلمي حنينة .. علي لنك الحفظ .. والله نحنا اولاد ماما ديل ما بتقدر علي زعلهم .. 
لك الود
تنقو
|
Post: #4
Title: Re: لحن الخميس ... عركي ... زول بكاي .. (للبكايين)
Author: osama elkhawad
Date: 04-08-2004, 12:51 PM
Parent: #1
شكرا لذوقك
انا برضو زول بكاي
وجدا جدا
بالرغم من انني "جعلي" جدا
تحياتي مرة اخرى
المشاء
|
Post: #8
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-08-2004, 09:53 PM
Parent: #4
الاخ اسامة الخواض .. البكاي جدا ..
يظن الكثيرين ان البكاء عيب .. الا تظن انه جزء مهم من تركيبتنا
ويجب ان لا تخفيه ؟؟
لك الود يا مشاء
تنقو
|
Post: #5
Title: Re: لحن الخميس ... عركي ... زول بكاي .. (للبكايين)
Author: Soumeta
Date: 04-08-2004, 03:07 PM
Parent: #1
عارف إنو ده صباح جميل رغم البكا المدفق ده،،
أنا غايتو فترت من شكرً،، و أبدعت و الكلام ده كلو،، و بعدين إنت كترتها،، ما ممكن زول إكون ما بجيب إلا الحاجات السمحة،، خالد إنت كان قاصدني قول لي يا غالي أنا باخد الموضوع من قاصرو و أخش أسمع و أبكي و أمرق،،
إنشاءالله يا عركي ما تشوف بكا،، إنت غني و أنأ،، نحن،، بنبكي ليك،،
منو القال لي من اول
احب عينيك كان ما أسال
قليبي المرهف الحساس
قال لي تعال وامشي معاي
بريتو وقلت في خاطري
الاقي الحب والقي هناي
ولما خلاص بقيت غرقان
في بحرك انتي يا دنياي
رجعت اقول صحي الاقدار بتجبر ناس
صحي الأقدار بتجبر ناس،،صحي الأقدار بتجبر ناس،،صحي الأقدار بتجبر ناس،،
خالد،، بس خلاس
|
Post: #9
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-08-2004, 10:02 PM
Parent: #5
سوميتا... صباحك خالي من الدموع
| Quote: خالد إنت كان قاصدني قول لي يا غالي أنا باخد الموضوع من قاصرو و أخش أسمع و أبكي و أمرق،، |
لووووووووووووول سوميتا دي بالغتي فيها.. والله عركي دا قاصدني انا زاتي .. قلت اوزع منو شوية ليكم .. انتي شيلي قدر البتقدري عليهو من البكاء وخلي الباقي انا بجي ليهو راجع تاني
لك الود ..
تنقو
|
Post: #6
Title: Re: لحن الخميس ... عركي ... زول بكاي .. (للبكايين)
Author: الجندرية
Date: 04-08-2004, 04:50 PM
Parent: #1
تنقو
لمن تنزل عركي مفروض تدفع لينا بدل مناديل
شكراً ليك ياخي
حنونة
تسلمي يا الواعية
والواعي ما بوصوه
|
Post: #22
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-09-2004, 10:45 PM
Parent: #6
الاخت الجندرية ..
ياريت لو بتكفي المناديل كان وزعناها في كل شارع من شوارع الغربة
لك الود
تنقو
|
Post: #43
Title: Re: لحن الخميس ... عركي ... زول بكاي .. (للبكايين)
Author: Elkalakla_sanga3at
Date: 04-12-2004, 08:11 PM
Parent: #6
سسسسسلام الجندرية لوووووووووووو مبالغة لكن تنقو
لمن تنزل عركي مفروض تدفع لينا بدل مناديل معاك حق
|
Post: #10
Title: Re: لحن الخميس ... عركي ... زول بكاي .. (للبكايين)
Author: Abu Muhja
Date: 04-08-2004, 11:39 PM
Parent: #1
الحبيب جدا .. و سيد البكائيين خالد
فعــلا صرت سيدهم بهذه البكائية الرائعة .. و لكن كيف هو الحال عندما تصبح الدمعة أكبر من مساحة الأجفــان ...
شكرا ثانى خالد و فى إنتظــارك كل خميس و ملء الأيدى مناديل الدنيا و العالمين
|
Post: #11
Title: Re: لحن الخميس ... عركي ... زول بكاي .. (للبكايين)
Author: ensana
Date: 04-09-2004, 00:03 AM
Parent: #10
لحن جميل و صوت حنين
البكى اصلوا ما ضعف...بالعكس قوة...بعدين عزانى الوحيد الدموع
|
Post: #24
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-09-2004, 11:09 PM
Parent: #11
مرحب انسانة
| Quote: البكى اصلوا ما ضعف...بالعكس قوة |
اوافق بدون تحفظ
تنقو
|
Post: #23
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-09-2004, 11:05 PM
Parent: #10
حبيبنا ابو مهجة .. سائلين عنك ويوماتي رحيل
| Quote: و لكن كيف هو الحال عندما تصبح الدمعة أكبر من مساحة الأجفــان ... |
في الحالة دي مزيد من البكاء حتي تمتلئ الاجفان .. حل سادي مش كدا ؟
او ::... داوني بالتي كانت هي الداء
ليست باليد يا ابو مهجة .. واعتقد هذه البكائية تنقصها لمسات من حبيبنا الغائب الحاضر حسن 6 ..
لك الود
تنقو
|
Post: #12
Title: Re: لحن الخميس ... عركي ... زول بكاي .. (للبكايين)
Author: ملكة سبأ
Date: 04-09-2004, 02:40 AM
Parent: #1
ياخالد انا غايتو مافضلت ليكم حاجة بوراى
|
Post: #25
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-09-2004, 11:15 PM
Parent: #12
ملكة سبأ
مرحب بيك في بوست البكا ..
ياريتو لو بكمل يا ملكة.. كان زمان الناس اكتفت لكن دا عامل كدا زي دورة الحياة يتجدد كل يوم .. لكن انتي خلصتي نصيبك شكلك كدا
.. اي حاجة تاني تعتبر تعدي علي بكاء الاخرين .. لووووول
تسلمي
تنقو
|
Post: #13
Title: Re: لحن الخميس ... عركي ... زول بكاي .. (للبكايين)
Author: osama elkhawad
Date: 04-09-2004, 03:07 AM
Parent: #1
البكاء هوجزء من "دور الجندر"
والذي - اي البكاء- يرتبط اساسا بالنساء
ولذلك يقولون "اغلى الدموع" هي دموع الرجال
وكون ان النساء "بكايات" كان ذلك سببا لاتهامهن بالضعف
ومن ثم كان ذلك مبررا من المبررات التي استندت عليها العقلية
الذكورية لتاكيد ضعف النساء
ومن هنا كان الكلام عن انهن "ناقصات عقل"
وفي المقابل نرى ان مؤسسة مثل "الكلية الحربية"- رمز القوة
والجبروت- تعتبرها "مصنعا للرجال"
والذين -كرجال مقاتلين شرسين - لا يبكون الا نادرا
لزمن طويل كنت مستبطنا هذه الايديولوجية الذكورية باعتباري "ذكرا"
واكثر من ذلك " زول جعلي",
لكنني غيرت ذلك
واكتشفت ان من الطرق المهمة لتخفيف الضغط النفسي والاكتئاب ان " تبكي"
واخر مرة بكيت عندما كتبت نصي الموجز "نعي مبكر"
دعونا نتخلى عن اقنعتنا الذكورية قليلا
ارقدوا عافية
المشاء
|
Post: #14
Title: Re: لحن الخميس ... عركي ... زول بكاي .. (للبكايين)
Author: حبيب نورة
Date: 04-09-2004, 03:34 AM
Parent: #13
عمك تنقو !!!! 
هسة مالك علينا يا اخوي؟؟؟
تتجازي .....
ياخي الاغنية دي انا لي ساعة
بفتش فيها في مجموعة الاشرطة
زهجت منها وفتحت كمبيوتري
اجي ألقاها في وشي؟؟؟؟؟؟؟؟
ياخي كلنا بنحبك
نسوي شنو نحن معاك؟؟؟؟؟؟؟؟؟؟؟
|
Post: #27
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-09-2004, 11:23 PM
Parent: #14
حبيب نورة الحبيب
القلوب عند بعضيها زي ما بقولوا اخوانا المصريين
اصبروا معاي يا حبيبن نورة ما عندك حل غير كدا .. فقط احاول ان نتشارك المشاعر .. نخفف علي بعض ..
لك الحب
تنقو
|
Post: #15
Title: Re: لحن الخميس ... عركي ... زول بكاي .. (للبكايين)
Author: الجندرية
Date: 04-09-2004, 11:02 AM
Parent: #1
عفواً
نزل رد في غير موضعه
عذراً مرة اخرى
|
Post: #16
Title: Re: لحن الخميس ... عركي ... زول بكاي .. (للبكايين)
Author: osama elkhawad
Date: 04-09-2004, 11:30 AM
Parent: #1
يا الجندرية انت وانا نكتب عن الجندر
لماذا لم تعقبي عن اشارتي للعلاقة بين "الجندر" والبكاء في الثقافة
السودانية؟؟
ارقدي عافية
واتمنى ان اسمع منك قريبا
المشاء
|
Post: #17
Title: Re: لحن الخميس ... عركي ... زول بكاي .. (للبكايين)
Author: مراويد
Date: 04-09-2004, 11:42 AM
Parent: #1
تنقو
اكان حق رجال و لا نسوان...ما خصانا انا غايتو "مخاخيتى" اندلقن و البشتنه حصلت
تنقو ما تكمل "خيرك" فينا و نواصل الفراش ده، عندى لسته من عركى :
اقيفى ارجينى يا ريدتى
واحشنى (عود)
فى عينيك دنيا غريبه (عود)
سيره (شعر المجذوب)
وبجيك بباقى القائمه
لك الود يا جميل
|
Post: #30
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-10-2004, 12:57 PM
Parent: #17
مراويد ...
احييك علي روحك البكائية العالية .. وزي ما قال الشاعر
جودا فقد اودي نظيركما عندي ...
كن علي الوعد وسوف يظل عركي دائما فارس لحن الخميس ..
في انتظار القائمة .. وانا في الخدمة
تنقو
|
Post: #18
Title: Re: لحن الخميس ... عركي ... زول بكاي .. (للبكايين)
Author: الجندرية
Date: 04-09-2004, 11:44 AM
Parent: #1
معليش يا تنقو على التخريمة دي
ومستعدين لدفع الغرامة حسب القانون الاصدرته رجاء العباسي
العزيز اسامة
عندما نقول ان مفاهيم الجندر سلطت الضوء على مفاهيم الذكورة ايضاً
ونقلت الرجل من موقع النصير للمطالب العادلة للنساء إلى موقع الشريك في مهمة تفتيت هذه الثقافة لانها تصادر انسانيته ايضاً
يتهموننا بمحاولة تمرير المثلية والشذوذ
وكأنما مفاهيم الذكورة السائدة هي التي تسبق صفة الرجولة من عدمها على الرجل
فبمجرد ان يبكي الرجل او ان يعبر عن مشاعره ايناً كان شكلها علناً
او ان يساهم في الاعمال المنزلية .. تلاحقة تهمة ( الخيابة ).
بمجرد ان تعمل النساء في حقول جديده ( خارج الدور المقر سلفاً ) تلاحقهن تهمة الاسترجال .
مؤخراً هذه المطالب واستخدام مصطلح الجندر الذي يقول بان كل هذا اجتماعي ثقافي .. صار يجلب تهمة الخيانة ـ والولاء للغرب والاستعمار ـ والمروق من الملة والى اخر قائمة التهم ، لا والحكاية كمان بقت انه في جهات بتدفع ليهن .
يبدو اننا نأذن في مالطة يا صديق
ربك يعين
|
Post: #19
Title: Re: لحن الخميس ... عركي ... زول بكاي .. (للبكايين)
Author: osama elkhawad
Date: 04-09-2004, 11:58 AM
Parent: #1
يا الجندرية هذه مسالة طبيعية
وعرفناها قبل اكثر من ربع قرن عندما كنا نبشر بالمناهج النقدية
الحديثة وقد اتهمونا بالعمالة للغرب وال سي اي اي
وعدت هذه العاصفة المفتعلة واتضح اننا نتحدث عن مسالة معرفية
ولذا ارى ان علينا الا نابه بهذه الاتهامات
عموما يبدو ان وضعنا هنا يتيح لنا قدرا كبيرا من الحرية
والشكر اجزله للديمقراطية الامريكية
ولي قدام
المشاء
|
Post: #20
Title: Re: لحن الخميس ... عركي ... زول بكاي .. (للبكايين)
Author: وحيد
Date: 04-09-2004, 12:23 PM
Parent: #1
ههههههههههههه يا بكاي.....ده اصلو حال ناس دقس
الاستاذ ابوعركي انسان لزمان لم ياتي بعد
والتقيك فنا رفيعا يا تنقو (يا بكاي)
|
Post: #31
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-10-2004, 01:00 PM
Parent: #20
وحيد او azaza
ياصديقي في الوطن وفي المنافي ... وهل كانت شلة " دقس " الا مجموعة من البكائين .. المعروفين ... ففي كل مدينة من العالم يوجد اثر خنجر اصيب به احد افرادها ... افصح لي علي هذا الملاء كم طعنه اصابتك وانت شيخ البكائين .. لووول
بالمناسبة دي ما تتصل لينا علي عركي وتجيب لينا اسم الشاعر منو ... وبالمرة تشوف لينا اخر اعماله وتنفحنا بيها ...
لك الحب
تنقو
|
Post: #21
Title: Re: لحن الخميس ... عركي ... زول بكاي .. (للبكايين)
Author: يا بت يا نيل
Date: 04-09-2004, 12:34 PM
Parent: #1
الاخ تنقو
كلمات جميلة وحنينة من قلب ابو عركي الحنين
لك كل الشكر
|
Post: #26
Title: Re: لحن الخميس ... عركي ... زول بكاي .. (للبكايين)
Author: معتصم دفع الله
Date: 04-09-2004, 11:21 PM
Parent: #21
( احس بالمنفي يصعد من كبدي .. ينبت في القلب دفعة واحدة كالفيضان
أحس باليوم الوعد ياتيني نبيا مع خيط الفجر الدامي ومع ليال جيفة تأكلها البطاله و " الزلط" والجوع المزكوم بالجوع ) .
عمنا تنقو
ياخي أبوعركي دا زول سمح بلحيل ..
ربنا يكفيه شر أعداء الإنسانية والجمال ..
وبرضو شوفوا الشوق حكايتو معاي ..
شكراً يا زوق يا فنان ..
|
Post: #28
Title: Re: لحن الخميس ... عركي ... زول بكاي .. (للبكايين)
Author: Mandela
Date: 04-10-2004, 01:41 AM
Parent: #26
أححححححححححححححححححححححح
الله يا يجازيك يا تنقو
|
Post: #34
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-10-2004, 01:08 PM
Parent: #28
Mandela
استغفر الله ...
كلنا في الهم شرق يا صديقي ...
ابشرك واحذرك فبعد كل بكاء دائما هناك بكاء اخر ... لوووول
تنقو
|
Post: #33
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-10-2004, 01:05 PM
Parent: #26
الاخ معتصم دفع الله
ما قلت الا الحق ... دعواتنا له .. فهو من المبدعين الذين لم يفكروا يوما بترك الوطن .. لذلك هو ملازم للنبض الحي
شكرا
تنقو
|
Post: #32
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-10-2004, 01:02 PM
Parent: #21
يابت يا نيل ...
تسلمي ويسلم لينا عركي .. عمدناه سفيرا في تمثيل المشاعر ..
لك الود
تنقو
|
Post: #29
Title: Re: لحن الخميس ... عركي ... زول بكاي .. (للبكايين)
Author: عاصم المهدي
Date: 04-10-2004, 08:55 AM
Parent: #1
الاخ الكريم تنقو تحياتي لشخصك المبدع
ابو عركي البخيت دائما مبدع ورائع
نتمني ان نراه دوما في القمة.
|
Post: #35
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-10-2004, 01:11 PM
Parent: #29
الاخ عاصم المهدي
ابوعركي نخلة سامقة ..
كل الشكر لك
تنقو
|
Post: #36
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-10-2004, 01:18 PM
Parent: #1
الاعزاء أسامة .. الجندرية
لعلكم يا أصدقائي تتحدثون هنا عن البكاء كحالة حزن .. وما يقابله الضحك او الفرح ...
واقول .. " خلوني ارفع الكورنر دي " او ضربة الزاوية... بلغة اهل الكورة
انا ابكي اذن انا عاشق
هناك بكاء جديد في قاموس الدارجة السودانية ..اصبح مصطلح معروف حتي للحبوبات اللواتي اصبحن يتكلمن بمثل هذه المصطلحات " او الرندوق " كما هو متعارف عليه .. .. فمثلا كلمة شتات كثيرا ما كنت اسمعها من جارتنا التي تجيد هذه المصطلحات اكثر من بعض الشباب مما اكسبها حب خاص بين كل الاعمار ..
بكائنا اليوم مصطلح خاص وهو بكاء لا ينتمي للجندر ولا يقبل التفصيل .. تم الاتفاق عليه بدون جلسات تثقيفيه ليغطي علي المفهوم السائد لكلمة بكاء المتعارف عليها .. وهو بكاء مباح للجميع .. تتفاوت درجاته بين البكاء في صمت والبكاء في شعر .. وما بينهما .. وهو لا يعترف بالجعلنة ولا يعترف بالعمر ولا بالنوع ... ولا يعترف بمالطا ايضا
وابشرك عزيزي اسامة ابكي كما شئت ... لن يستطيع احد ان يصيبك بحجر عندما تكون كل المساكن من زجاج ..
لا يمكن ان نطلق علي " مجنون ليلي " في هذا الزمن نفس الاسم ... ففي حالته يعتبر هو " بكاي ليلي " وعندما يطلق علي احدهم صفة بكاي فهي مرحلة من العشق المسكون بالبعد حتي ولو كانت المسافة امتار .. فالاصل هو الامتناع من احد الطرفين وحالة ازمة " ودوشة " وشوق انعدام وزن من الطرف الاخر . اصبحت كل حالة من حالات عدم التواصل بين العشاق .. او احدهم وما يليها من هيام هي بكاء ..
مع الاشارة الي انه كثيرا ما يتداخل البكاء مع البوح... ولكن يجب التفريق بين كل منها ولكلٍ صفاته الخاصة .. رغم العلاقة القوية بينهما فيمكن ان يكون البوح بكاء ويمكن ان يكون البكاء بوحا .. ويمكن ان يلتقياء في نقطة واحدة ولكن لكل منهما جيناته الخاصة التي تميز اصلة ... لذلك لزم التنوية ..
وعذرا للخروج عن النص ...
تنقو
|
Post: #37
Title: Re: لحن الخميس ... عركي ... زول بكاي .. (للبكايين)
Author: نادر
Date: 04-11-2004, 10:44 AM
Parent: #1
تنقو
عارفني في عركي ده ... بتخوزق النهار كلو وما بتلملم بالساهل
مشتاقين ليك شديد ... واصل امتاعك فينا ...
بس سؤال بسيط كده ... مالك بالبكا؟؟؟ قالوا الأمور ماشة تمام ومنتظرين المفاجأة في إجازة الصيف ... الشمار على مسئولية مصدر موثوق ...
|
Post: #38
Title: Re: لحن الخميس ... عركي ... زول بكاي .. (للبكايين)
Author: ابو جهينة
Date: 04-11-2004, 11:47 AM
Parent: #37
تنقو
تحية عارمة لك أيها العزيز
( مازالت احلامي تفضل الحزن والعذاب والمنفي عن بيع مسامات الجلد للحكام في سوق الكلمات ...
صعب .. صعب ان نعجز عن تقديم عربون حب للوطن المدلل )
الحمد لله أنني لم أسمعها يوم الخميس ،، فقد كان القلب شعلة حزن متوهجة
سمعتها اليوم ،،
يديك العافية ،، فالدمع أحيانا ( مريييييييييييييييييييييييح )
|
Post: #39
Title: Re: لحن الخميس ... عركي ... زول بكاي .. (للبكايين)
Author: walid taha
Date: 04-11-2004, 12:30 PM
Parent: #38
عمك تنقو ازيك ...
شكراً على هذا الجمال
_______استاذ ابو جهينة ..تحياتى
(الحمد لله أنني لم أسمعها يوم الخميس ،، فقد كان القلب شعلة حزن متوهجة)
تلك شعلة تتراقص ولا تنطفئ..
ما زالت اذكرطعم(العشاء الآخير)
عامرين..
دمت
|
Post: #40
Title: Re: لحن الخميس ... عركي ... زول بكاي .. (للبكايين)
Author: nazar hussien
Date: 04-11-2004, 04:24 PM
Parent: #39
والله انت من ارقي الناس هنا يا عمك تنقو...
وتفتيحة...
|
Post: #48
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-13-2004, 00:04 AM
Parent: #40
الاخ نزار حسين
لك الحب يا اخي .. والله كل الناس هنا راقية لانها بتتفاعل مع الحاجة الجميله
لك الود
تنقو
|
Post: #46
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-12-2004, 09:10 PM
Parent: #39
الاخ وليد طه
كل الشكر يا عزيزي .. هي دعوه نتشارك فيها البكاء قليلا
تنقو
|
Post: #44
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-12-2004, 09:03 PM
Parent: #38
ابوجهينة يا سليل النيل
هي متعبة في كل الاوقات يا ابو جهينة... فقط احزم الامر واصبر
لك الحب
تنقو
|
Post: #41
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-12-2004, 02:50 PM
Parent: #37
نادر العزيز
عارفك في عركي دا ما بتتهبش ... (انت صاحبتني عشان عركي دا مش كدا ؟ ) لوول
امس فاتك الصادق الرضي والله .. امتعنا فعلا في البالتلك .. لمن قال
الحزن لا يتخير الدمع ثيابا كي يسمي في القواميس بكاء ..
جاوب علي سؤالك بتاع البكا ...
ملحوظة بالجنبة :
لا تسمعو الشمار .. كثيرة مضر وقليله مضر .. خدها حكمة من عمك دا
|
Post: #42
Title: Re: لحن الخميس ... عركي ... زول بكاي .. (للبكايين)
Author: Elkalakla_sanga3at
Date: 04-12-2004, 07:39 PM
Parent: #41
سسسسسلام هوووووووووي خالد يا مكشوف الحال البكاء دى بحيل يا سوميتا اخوتي البكاء زاتو كمل لكن برضو بنبكي مادام في عركي وبرضو بخاف
|
Post: #45
Title: Re: لحن الخميس ... عركي ... زول بكاي .. (للبكايين)
Author: خالد الحاج
Date: 04-12-2004, 09:08 PM
Parent: #42
خالد تنقو العزيز..
وحاشني خميسك ..
يديك عافية تكفي وتفيض..
|
Post: #50
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-13-2004, 00:13 AM
Parent: #45
العزيز خالد الحاج
تسلم تسلم .. وبالجد فاقدك .. ما تغيب يا خالد .. ما بتحلي الا بي وجودك الرائع .. حمد لله علي السلامة
تنقو
|
Post: #49
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-13-2004, 00:09 AM
Parent: #42
الكلاكلة الحبيب
مرحبا بي حضورك البهي ...
لكن يا كلكول يا اخوي ما تعملني سبب انت من يومك بكاي
ما تشوف ليك خيمة الا تجي تعزي ...
والخيمة دي لقيتها 5 نجوم
لوووول 
لك الود
تنقو
|
Post: #47
Title: Re: لحن الخميس ... عركي ... زول بكاي .. (للبكايين)
Author: Elkhawad
Date: 04-12-2004, 09:32 PM
Parent: #1
تنقو اخوي
واحات الله جريت بالحوش جاي وجاي ..... عشان ما ابكي سااااااي
علا غلبني تب .. وخاصه حرشوني .. علي البكاء
مبسوط من فرح البكاء اللمي الناس
ناس البيت كيف قيلتو
صنقرو خير
|
Post: #51
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 04-13-2004, 00:20 AM
Parent: #47
خواض العزيز جدا...
حبابك واليوم السعيد الليله جابك
قلت لي جريت .. ما انا عارفك زول شفاف وقلبك نظيف.. وسمعك نظيف
خواض يا اخوي ما تغيب كدا ياخي .. تعال وغالب الظروف ورجع البورد لي ايام عزو .. انت رقم مهم والله
لك الود
تنقو
|
Post: #52
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 05-08-2004, 07:37 PM
Parent: #1
شوفوا الشوق حكايتو معاي
|
Post: #53
Title: Re: لحن الخميس ... عركي ... زول بكاي .. (للبكايين)
Author: توما
Date: 05-09-2004, 01:35 AM
Parent: #1
يا سلاام عليك يا تنقو يا سلام
|
Post: #54
Title: Re: لحن الخميس ... عركي ... زول بكاي .. (للبكايين)
Author: عمر بانقا
Date: 05-09-2004, 02:50 AM
Parent: #53
حبك ياتنقو واحب اى حاجه قريه منك
|
Post: #55
Title: Re: لحن الخميس ... عركي ... زول بكاي .. (للبكايين)
Author: nazar hussien
Date: 05-09-2004, 08:11 AM
Parent: #54
انا زاتي الشوق حاقر بي
|
Post: #58
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 05-10-2004, 10:18 AM
Parent: #55
الاخ نزار حسين
مرة اخري اجدك تنحاز الي قبيلة البكايين .. وقد صرت عمدة .. هل ياتري هو الشوق ام هو الشوق .. ؟ اعتقد انه الشوق
تنقو
|
Post: #57
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 05-10-2004, 10:11 AM
Parent: #54
عمر بانقا
لك الحب المتبادل ... ياعزيزي ... اكثر من كتاباتك ومداخلاتك في البورد انا حساب ليك ومتابعك .. فما احوجنا الي مثلك في هذه المساحة وفي هذا الزمن .
تنقو
|
Post: #56
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 05-10-2004, 10:06 AM
Parent: #53
توما العزيزة .. زمن ما اتقابلنا في بوست ...
ليك تحيه كبيرة وانت تهزي بجزع الشوق
تنقو
|
Post: #59
Title: Re: لحن الخميس ... عركي ... زول بكاي .. (للبكايين)
Author: Zongiya
Date: 05-11-2004, 07:25 AM
Parent: #1
..
.
انا ما سامعه حاجه
بس لقيت عركي و لقيت تنقو..
عشان لاقيني زول بكاي
شديد كمـــان
|
Post: #60
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 05-11-2004, 02:59 PM
Parent: #59
العزيزة زنجية ... الشوق بحور والله .. و شوفتك عيد ..
اما آن لهذا الفارس ان يترجل ( الجندرة سقطت عن قصد ؟ J .. )
تنقو
|
Post: #61
Title: Re: لحن الخميس ... عركي ... زول بكاي .. (للبكايين)
Author: 3mk-Tango
Date: 05-11-2004, 02:59 PM
Parent: #59
العزيزة زنجية ... الشوق بحور والله .. و شوفتك عيد ..
اما آن لهذا الفارس ان يترجل ( الجندرة سقطت عن قصد ؟ J .. )
تنقو
|
|