سلام للناس السمحين والشينين كمان

اعترف واقر اننى افتقدكم فى بعدى
افتقدت تسامحكم كما افتقدت مشاكلكم
افتقدت تحليلات البعض كما افتقدت ارتجالية البعض الاخر
ارحب بمن سجلوا فى غيابى ولمن غادروا لاقول لى سوى عبارة
صديقى دينق G.M.T
وازف التهانى لمن تزوجوا او خطبوا
او جكسوا ولا عزاء لمن طلقوا
الســـــلام لكل الحلوين والشينين ناس النصرى امين

ما فاتك شي؛

عليك امان الله مشاكل بالكوم؛

ادخل اي بوست من طرف ....

مولد يا عمو ..... اظنها تخفيضات نهاية العام.

____

حمدالله على السلامة؛
شمّر و تعال....

ملاسى
مرخب بك فى دارك
اها بيان مشاكله منو ؟
والفهم سجيمان غلط منو ؟
وعادل عبد العاطى مبهدل سبيل مالو ؟
وتاج السر ناوى على شنو ؟
لك التحايا
بجيب عكازى واجيك

كمال العزيز

انا فى ياتهم؟

افتقدناك والله
ونتمنى الا تتغيب مرة اخرى
وكل سنة وانت بالف خير واسرتك العزيزة وعموم ناس اوسلى من جنب

انت فى ناس السلم
مشاكلك لم تتعدى العشرين فى الشهر
يا بت تبطلى مشاكل ولا اتصل بولى امرك من وراء ظهر المحامى ؟

اسمع انت طوالى بتدى
الناس تلفون طاقى؟
انت ذاتك ما ولى امرى
ولا كيف ؟
التبنى دا بتجى معاه تبعات يا شقى..

بالله ادينى عنوان وتلفون فى حالة
الفاس وقع فى الراس...
تجى تاخد بتك يا حنفى وتتلهى

يا بتى
انت راسك قوى
مما جعل البعض يفكر جادا فى قلب المقوله الى
لو وقع الراس فى الفاس
اكيد حيقنعوا من الفاس لو وقع عليها مثل راســك ولا راس تاج السر
ولا راس انا ذاتى امدر
لك نحايا اهلك باوسلى من الحرازى للحرازى
ولك الرهبه والخوف من المحامى للمحامى

ابو النسب الشين
كيف حالك و مشتاقين والله ياخي اسال و طمنا عليك و جد البكاء من دونك ما عندو طعم و الناس كلها بتسال عنك.
و الزول كان ما من ديل ولا ديل زي حلاتي كدا يعني مافي لينا سلام؟ لووووووووووووووووول
كل الود و ليك التحايا مطر

عبدلله

مصيبى شوقى
ســلام
لو شوقك مطر يا شوقى نحن سيول
لو برقك لمع وفوقو السحابه تجول
نحن الفى الارض يا نسبى ليك نطول
مترين فى الارض والباقى شوق مبهول

النصرى امين ممكن يسجلك فى فريقه بس احذر من انزال الصوره

نحياتى

اوسلى ياحاقد
عاين العسل ده


احصل نشيل صورنا قبل البعاعيت يدونا عين

ولا دى

شلناهم ما يدونا عين

النصرى
ما شالله ولدك كبر ربنا يخليه ليك

التحايا لكما

سلام اوسلي العزيز ليك واولادك
واهلي المعاك

حمدا لله على سلامتكم يا اوسلي ولك فى القلب مكانه على الرغم من البعد الزمني والتاريخي فى ايام الارتجالات والانبساط الطبقي الغارق فى أحضان الماضي الجميل

Dear Osly 2,
I do not which category I belong/should belong to, but I also send you my salam,
Muna Khugali

قريبى عبد الله

اهلك المعاى حاليا فى الســـودان
زواج عبد الله سيكون فى الايام القادمه اوع تقول لى دا نمره كم
ما قادرين على حجة روضه وتجريدة الجندريات


المكاشفى

طول المدى بشقيه المكانى والزمانى مقدور عليه بالوجد والحس
بس ما وريتنى انت من ياتو فريق



منى خوجلى

خليك شايته مع فريق المجهجهين ودى على وزن المحايدين
فالماء الذى لا لون له ولا رائحه اصلح للوضوء
واكيد بعد سحب النصرى امين لصوره لن تغامرى بانزال صورتك


لكم التحايا

اهلا
اوسلي

حمد الله على السلامة



سجيمان\عميد سمحين البورد

يا أوسلى
أخوك تاج السر طلع أى كلام، أمبارح الناس كلهم وعلى راسهم بكرى شابكنى ليك (حمل وديع).(وشخصيتك ما بتشبه كتابتك)، وكلام من النوع ده ... قربت أتناول لى عصاية من أقرب محل وأقع ليك فيهم كسر، عشان ما أخيب ظنهم!!!

قريبي كيمو

مرحبا بعودتك
و ان شاء الله تكون الدار الجديدة رحبت بيك


و يكون التواصل

سجيمان

تابعت بكاءك فى ذاك البوست الطريف ومشيك الحريف فى حوض
الضريسه خوفا من الوقوع فى فخ العنصريه
سالت عنك وعن دكتور معز الاخت هى ذاتا امدر
كانت اجابتها الاثنين بقو سجمانين ورمدانين وينفعو باكات فى
تيم النصرى امين


قريبى نصار

يعجبنى فيك طولة بالك واصرارك على فرض واقع افضل لحوار جاد
ينتشل الامه مما هى فيه من تردى
وقديما قيل من سار على الدرب وصل
كيف اخبارك واخبار القبيله البالتوكيه وهل لازال حسن سته يعرض
خارج اطار القفص الذى كنا نعتقد انه ذهبى

لكما التحايا

تاج الشر الحريف
حكاية حمل وديع دى ما بتفوت على
اكيد رسلت ليهم ولدك الكبير على اساس انه دا تاج السـر
ودا ضرب العصفورين بالحجر الواحد
ادعاء الوداعه وزوغة من معرفة العمر الحقيقى
والله مشتاقين

نورت البورد

ولو انك طارح نفسك كانسان شايقى وكده ...الا انه ليك وحشة..

بالدنقلاوى الفصيح كده: فاقدنك

بى جنك..

بركة الجيت وان شا الله ام الاولاد وصلت واستقريت ابداعيا

مرحبتين حبابك يا اوسلى
لو برقك شلع وفوقو السحابة تجول
-----

واحدة قريبتنا قالت ( خدرة اختى طلقوها )
سألناها ( مالها ?)
قالت ( قعد تجول )
---
ست البنات .

Don't worry, I will never put my photo, I want to keep people friendly to me,
Muna

أوسلييي،،

مالك تريان و مندي،، زي الكنت في السودان،،

و أنا بصفة ألغائبة دوماً لكني إفتقدتك،،

سوميتا

تماااااضر بت الشيخ
يا نسمحه قوليلن محال ما بنتفرق
لو حتى انهد السماء وفوق الارض يجى منطبق
مابنتفرق مابنتفرق
معقول يفرقنا القدر
يا نسمه قولى دا ما بكون
قوليها لى كل الخلق
مابنتفرق مابنتفرق
الاولاد وامهم فى الطريق وهم الان فى القاهره
واكيد يا تماضر لما المدام تصل يا جنيت بى عدلى يا كمان عقلت زى سجيمان


ست البنات
الله يرد خدره لبيتها
بس خدره احسن حالا من نفيسه التى طلقوها بعد اسبوع
وعندما سالها عمها عن سبب الطلاق قالت
* خلاص اكلنا عيشنا *
فرد عليها قائلا
انتى يا شقية الحال كتى طاحنه ملوه واحده ؟

بس ما قلتى لى البنات الانتى ستهم ديل وين ؟

منى خوجلى

مرحب بالزياره الثانيه ومرحب بك صديقة جديده
ولازلت اامل الا تكونى من فريق النصرى

سوميتا
غنى يا سيزونا غنى
وشدى اوتار المغنى

ان انسى فلن انسى تلك الايام الجميله التى امضيناها فى رحاب البالتوك
وبينى وبينك من دخلت فيه امدرمانيه الناس طفشوا طفشة عدوك

اعملى حسابك الموصلى ومبيوع ما يسرقوا الحانك

التحايا لكن

الصديق كمال اوسلي تحايا بكمية الجليد المنهمر كالمطر

افتقدناك كثير و افتقدنا طرافتك اتمني ان تكون علي طول بيننا.

شكلك مشهور هنا

اها انا واحد من البرالمة بسلم عليك

قريبى
اوسلى
كيفك يا ولدنا والله مشتاقيين كيمان كيمان
بالله رسلنا تلفونك الجديد
وتحياتنا للاسرة الكريمة

انور احمد
كابتن فريق السمحين بالانابه
تحايا سخنه كجو مدينتى الجديده سافانا
بالله عليك جايب سيرة الجليد دا مالك ؟
انا بحاول امسح من ذاكرتى سيرة برد نيويورك الذى اكتويت بناره
ثلاثه سنوات . دا اذا كان عندو نارا زى بقية فصول السنه

وليد المبارك
تابعت بوستك الشيق . اوعك تقراها الشايقى
ونصيحه ليك لو عملت بوست تانى شيل عكازك واقيف فى بابو
وامنع سجيمان من يعتب رجله فيه

قريبى منعم العريس
كيف حالك وحال العروسه مع امشير كندا التى شهرها بعشرين وفصل شتاءها 13 شهر
التلفون 0013474958298

تعرف يا اوسلى (والله مشتاقين) دى ذكرتنى أغنيه بحبها بى صورة غير طبيعيه
للرائع عثمان مصطفى ( قدر ما ننسى العلينا برضو مشتاقين).
تعرف أخوك كان فتح موضوع الأغانى دى (الجندريه) ح تسكن عديل!!

تعرف يا أوسلى فعلا رسلت ولدى (الكبير) قال لى الجماعه حقروا بى شابكين يا وديع يا ظريف، قلت ليهو طيب أنتظرهم لى فى الحفله الجايه ولا اقول ليك بشيل عصاتى وبمشى ليهم فى محلهم.

ســــلام يا كمال، مرحب بيك وعـودا حميـدا.. إن شـاء الله إجازة ممتعـة
يا أخى دى جيـرة شنـو دى.. والله متلومين معاكم يا ناس كوينــز شـديــد

أوسلي،
في الليلة الظلماء يفتقد البدر

أين انت يا رجل

شوقنا ليك فات حد الصبر

أوسلى
حباب

اوسلى ازيك
معليش ما شفناك من العجاجة القايمة دى

اوسلى الاخو ازيك


جينا نتعرف ونرحب بالعود الاحمد

والله حتى لو قصدتنا نحنا الناس الجداد ديل بقولة الشينين برضو مابنزعل ومقبولة منك اياكا اللاخو الكبير ياود ابوى !!

دى انا زولة جديدة

الامضاء نادية

تاج الشر الخشن

يا يت لو مشيت انت بدل ارسال الولد على الاقل كنت ستثبت للزملاء
ان كلام اوسلى عن كبرك لا يخلو من مغالاة بدليل وجود اكثر من سبعه
شعرات سود على راسك

أبوالريش

مرحب بيك هنا وهناك وهناااااك
ولازلت فى انتظار البارد
لم اعد جار لك فقد رحلت الى جورجيا وسارسل لك شوية حر فى
البوست القادم


Dr. Moiz Bakhiet

امدر قطعت فوقك وعشان انا لااحب الفتنه سانزل قطيعتها فى بوست
منفصل ولانى ما بدور شيل الحال سأعمل على ألا يتجاوز زواره الالف زائر
كفاره ليك قالوا كنت مطارد

كوستاوى
الف مرحب بك
وكيف اخبار صديقى دينق

برهان تاج الدين
نزل حذائك من وجهى عشان اقدر اسلم عليك
وين صاحبك شمهروش


لكم التحايا

أوسلى أخوى
النكتة ظريفة تب !
والبنوت الأنا ستهن -
السمحات
الكريمات
العفيفات
الطيبات
الوطنيات
بنات الرجال
أخوات الرجال
الشجاعات
ولى حقهن قالعات
وماب ينداسن
ولابيوطن روسيهن
لى زول تب
---
كفاك ولا أزيد ???

وتحية الى عبد المنعم ود سيد احمد وندوية !
وتحياتى

ست البنات .

كمال ازيك يا حبيب ..انت سجلت من جديد ولا شنو عارف البرالمة ح يغيرو منك وكمان وازنا مع السنة الجديدة وكل سنة وانت طيب


نصيحة ليك والله وبنية طيبة شديد اوعك تسمع كلام ملاسي وتدور عكازك اهلك الشوايقة ناس كلمة ونغمة ولحن جميل خليك بعيد كلنا بقينا بعاد

Quote: أخوك تاج السر طلع أى كلام، أمبارح الناس كلهم وعلى راسهم بكرى شابكنى ليك (حمل وديع).(وشخصيتك ما بتشبه كتابتك)، وكلام من النوع ده

تاج السر وانت طوالي صدقت كلامهم يا حبيب ؟؟؟ ما سمعت بالمثل الشكرو قدامو نبزو ؟؟

وحاشاك وحاشاهم من النبيز بعدين ياخ ما وريتنا اخبار بلدياتنا شنو ؟؟

حمدلله على سلامه العوده


وفى امان الله

لا اله الا الله

WHAT IS UP MAN

ناديه عثمان
اهلا بك زميله وصديقه جديده
قريت ليك مداخله شعريه جميله فى واحد من بوستات ست البنات
الشئ الذى يبشر بان لك مستقبل باهر فى مهنة نجر الشعر
انت أكيد ما معنيه فاذا كان العنوان يكفى فى الجواب فالصورة تكفى
فى التقييم
ربنا يستر عليك من عين المعز وسجيمان اوع يكون شافوك

ست البنات
يا جايه من عمق الشمال
يا شايله فيك طيبة البلد
بهديك سلام زادو التمر
اشواقو من طين الجروف
احساسو خالد للابد

ود العمدة

قلت لى جدو تاج السر مالو ؟
وزى ما قلت انت الجماعه خاتين صور عمرها الافتراضى انتهى قبل
عشره سنوات

فى امان الله
ولا اله الا الله

ما حتصدفى لو قلت ليك شوقى ليك شوق براهو
ربنا يحفظك وتسلمى يا اصيله

PLAYER
كنت بفتش ليك فى سماعات ومكرفون
اتمنى سماع صوتك


لكم التحايا

مرحب أوسلى مالك يا أوسلى تهضرب بأمدر???

Quote: لو وقع الراس فى الفاس اكيد حيقنعوا من الفاس لو وقع عليها مثل راســك ولا راس تاج السر ولا راس انا ذاتى امدر

Quote: سالت عنك وعن دكتور معز الاخت هى ذاتا امدر كانت اجابتها الاثنين بقو سجمانين ورمدانين وينفعو باكات فى تيم النصرى امين

Quote: ان انسى فلن انسى تلك الايام الجميله التى امضيناها فى رحاب البالتوك وبينى وبينك من دخلت فيه امدرمانيه الناس طفشوا طفشة عدوك

Quote: Dr. Moiz Bakhiet امدر قطعت فوقك وعشان انا لااحب الفتنه سانزل قطيعتها فى بوست منفصل ولانى ما بدور شيل الحال سأعمل على ألا يتجاوز زواره الالف زائر كفاره ليك قالوا كنت مطارد

بعدين شايفاك عايز تعمل لى مشاكل معز هادى و راضى لكن باقى ليك سجيمان ده بنقدر???

أمدر\عميدة سمحات و سمحين البورد

اوسلي

وعليكم السلام ورحمة الله وبركاته

تصدق ليك وحشة شديدة

هي عاين ؟
بالله شملك انجمع
بركة والف بركة
وانا اقوووووووول الزول دا قطع الطلة في المسنجر مالو
تقبل تحيات تراث

امدر
يهضرب الما عندو دقيق
نعم انت عميدة ال ....ن وال....ن
الناس كلها بقت تكتب ال..... . قلت اجربها فيك وأخلى الباب فاتح وراى

اساسى الظلامى
كيف حالك يا عدو المرأه وهاضم حقوق الانسان
التحايا لك ولاهلى جيرانك

الجندرية
عميدة السمحين بالبورد وما جاوره من منتديات
الشمل لسه ما اتجمع .الاولاد بالقاهره وسيكونوا معى بعد شهر
اسألى تراث هل لازال عند وعده باحضار الخروف ولا امشى لجارى
البذبح كيرى اجيب واحد ؟
التحايا لك وله وللصغار

أوسلى العزيز

Quote: نعم انت عميدة ال ....ن وال....ن الناس كلها بقت تكتب ال..... . قلت اجربها فيك

قولت لى ال......و ال...... شنو?????
تمها يا عنصرى يا.... و....
قلت أتعلم الشتيمه فيك أصلو الحاله فى البورد ده مامضمونه

أوسلى اخوى ،
حبابك وحباب هديتك ،
---
هدية جات منك
مسافرى من البلد
طاوى التمر
فى عبها
وشايلى السلامات
من أهل
----
ريحة الجروف
صوت السواقى
ولون السبيط
نازل مدلى الخير
أحمر نجض
أصفر
ودفيق
زى وميض
ضوا شلع
-----
وقولة حباب
تروى القلوب
تعزف طرب
طنبور محبة
ناس حنان
قاعدين تحت
سام المحنة
وفوق شخوت
كوشار الكبد!!!

----
ست البنات .

ست البنات ست ستهم
مظروف سلامك لى وصل
مش فيه هينين من تمر
وقبضة محنه من الاهل ؟
واخبار مردمه بالرزم
الفات مرق
ساب البلد روح طفش
المات خضارو من العطش
الباع بهايمو وفزه فات
ولى همو كم مرات طقش
الجبهة خربت البلد
بابورنا واقف من زمن
عايشين نسوط بين المحن
ولى باكر الشايل الامل
عازمين نعزك يا وطن

تحياتى