Post: #1
Title: سارة خالد "سبعة أعوام" تحاضر عن دارفور ولا إجابات؟؟
Author: خالد الحاج
Date: 07-09-2004, 10:44 PM
Parent: #0
(إعلان في صحيفة محلية لجمع المساعدات لدارفور)
يوم السبت الساعة12:30 منتصف النهار..كعادتي "حاضن" الكمبيوتر ،سارة وجعفر يشاهدان مسلسل تلفزيوني،جرس الباب يرن بإلحاح ألتفت نحوهم : يا ود ما سامع الجرس ده أمش أفتح الباب ..مستدركآ : لو ديل ناس "جوهوفا وتنسس" قول ليهم بابا مشغول!! ينزل جعفر أسمع صوت الباب ثم حديث مبهم ثم :يا بابا في زول عايزك..أنزل السلم أكاد أصطدم بجعفر صاعدآ بسرعة للحاق بالمسلسل .. بصوت منخفض ده منو يا جعفر ناس جهوفا؟ لا يا بابا ده شحاد..شحاد؟؟ شخص مهندم جدآ "كان شحاد ما عارف" يحمل حصالة مغلقة بقفل "طبلة" (Dag) داخ _نهارك سعيد_ الرجل :إسمي فلان ممكن أخد من وقتك خمسة دقايق؟ أرد متجهم الوجه قليلآ _أسوأ شي أن تبدأ ونسة مع عجوز يحكي لك عن الحرب العالمية الثانية- بخصوص؟ دارفور!!! قالها وكأنه مولود في أم درمان.. أحس بيد سارة الصغيرة تمسك بيدي، لم ينتظر الخواجة حتي آذن له وبدأ في السرد : نحن نجمع تبرعات لضحاي الحرب في السودان دارفور ..موضحآ أكثر غرب السودان..سارة محاولة أن تتكلم "قرصة صغيرة مني في يدها أسكتتها" الخواجة مواصلآ السرد : هنالك آلاف اللاجئين ومرضي وأطفال وعجائز يحتاجون معونات عاجلة جدآ وأي مبلغ يجمع سيكون مفيد جدآ!! يا إلهي كم أحس بالضآلة!! مالذي يدفع بخواجة في العقد الخامس من عمره ليحمل "قرعة" من أجل إقليم في أقصي المجاهل الأفريقية..
إستطراد : Quote: صرح د.صابر محمد الحسن محافظ بنك السودان لصحيفة الرأي العام في عدد اليوم 8/يوليو/2004 إن تكلفة بناء المقر الجديد لبنك السودان 22 مليون دولار أي 22.000.000 دولار بالعملة المحلية الدينار = 5.742.000.000 بالجنية السوداني = 57.420.000.000 ملحوظة : سعر الدولار حسب سعر الصرف في البنوك =261 دينار ، 2610 جنية سوداني (نقلآ عن الزميل SSD ) . |
أخذ الخواجة بعض المال وذهب في حاله ، قفلت الباب لينفتح علي باب "جهنم" أسئلة سارة : يا بابا عمو ده قال في "أورلوخ" -حرب- في السودان ؟ طيب عايز تخلينا نمش هناك برانا ليه؟؟ إجابة : الحرب يا سارة في دارفور وإنتوا ماشين الخرطوم. دارفور دي وين بعيدة؟.. إجابة : بعيدة جدآ يا سارة من الخرطوم -ملاحظة مساحة السودان توازي مساحة هوولندا 77 مرة- . طيب يا بابا هم عاملين حرب ليه ؟؟ إجابة.. بلا بلا بلا.. غير مقنعة لها وكيف لي أن أقنعها وأنا نفسي أبحث عمن يقنعني!! طيب يا بابا الأطفال ليه ما لاقين ياكلوا وليه قاعدين في الشارع أبوهم وين؟؟ سؤال فسؤال فسؤال...وإجابات مني محاولآ أن لا أستخف بعقلها الصغير وفي نفس الوقت أن أكون مقنع بقدر الإمكان..جعفر يتدخل للمساعدة و "أطلس" الخرائط وأهرب أنا إلي الكمبيوتر.. لم تتوقف المسألة هنا إذا بسارة تنقل الموضوع برمته إلي المدرسة وإقتراح من مدّرسة الفصل أن تحكي سارة عن دارفور للفصل ويحضر ناظر المدرسة ويقوم بتصوير "المحاضرة" ولم تستطع سارة الإجابة علي أئلة الطلاب الكثيرة فعادت نصف غاضبة عليّ : يا بابا إنت ما بتعرف حاجة !! ليه الناس ديل عاملين "أورلوخ" -حرب- ... تاني يا سارة ؟ هل من يملك فيكم أن يجيب طفلة عن أسباب القتل وسفك الدماء في دارفور ؟ أنا وسارة ننتظر.
(سارة تحاضر )
|
Post: #2
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Hani Abuelgasim
Date: 07-12-2004, 03:45 PM
Parent: #1
الخال الرائع العزيز الودود
قرأت هذا البوست الفريد هناك حيث طمرته بعض -قليل من- الجواهر والكثير مما لافائدة منه ..
أن فرغت من قراءة البوست لم أمتلك سوى أن أذرف الدمع لاشياء كثيرة .. ابنتك العزيزة بنت العزيز .. وسؤالها عن الأورلوخ!!!!! لماذا؟؟؟ وأين آباء الاطفال؟؟؟؟ الخواجة الذي لم توقف سنوات عمره عن أن يجوب المنازل لأجل أناس لا تربطه بهم سوى الانسانية!!! ونحن ماذا فاعلون لأجلهم؟؟؟؟ وهم أبناء وطننا الذي هو عندي بمنزلة جنة الخلد!!!
الدمع وحده لا يكفي .. فقد حان وقت العمل منذ أمد بعيد ولم يعد هناك من الوقت ما يكفي للتريث
الله يحفظها ويحفظ الآلاف الزيها في دارفور ...
|
Post: #3
Title: Re: سارة خالد "سبعة أعوام" تحاضر عن دارفور ولا إجابات؟؟
Author: الجندرية
Date: 07-13-2004, 01:44 AM
Parent: #1
****
|
Post: #4
Title: Re: سارة خالد "سبعة أعوام" تحاضر عن دارفور ولا إجابات؟؟
Author: خضر حسين خليل
Date: 07-13-2004, 02:05 AM
Parent: #1
العزيز خالد الحاج
تحياتي لك ولساره
انا بدوري انتظر الاجابه فهل من مجيب عموما سننتظر
|
Post: #5
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Ana Zaty Omdur
Date: 07-13-2004, 04:20 AM
Parent: #1
Dear kahlid and Sara I have no answer for your questions but let us hope that one day will stop and we will enjoy . BUT that will not happen unless each and every one of us put her/himself in the place of those who are suffering
Sara rebna ye7fa´9ek and
|
Post: #6
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Mohammed Tirab
Date: 07-13-2004, 09:12 AM
العزيز خالد
الدمع يغلبني واغالبه
الاسئلة حائرة
ابن الخمسين "الخواجة" الانسان يحمل عبئ السنين وهم دارفور....جاء للإنقاذ! غريب من بلاد بعيدة ,ولكنه قريب بضميره الانساني في حين القريب "لا ندري من أين أتوا"بعيدعن الانسانية... ويا للغرابة سارة زهرة الربيع السابع تغالبك بالحاح الطفولة وسؤال عن لما ال"ارلوخ"
وفطومة هناك وحواء لم يرو ربيعا ولا هواء بل وابل .....من عصابة الإنقاذ حقاً من أين اتى هؤلاء واي أم أنجبتهم؟؟!!!
ان وجدت لهذه الاسئلة الاجابة ستجد الاجابة للابنة الغالية سارة لٍم اللخ والطخ والارلوخ على اطفال دارفور
بالمناسبة يا خالد العزيز لا زلت ابحث عن كيفية الوصول الى اللينك: تسجيلات صوتية بين طيار وقاعدته الأرضية وأوامر بحرق القري في دارفور ونهبها
فقد تعذر عليَ الوصول
لك الود ولسارة التحية وللجندي المجهول "الخواجة" الخمسيني انحناءة بقدر قامة دارفور *** قال عمر البشير :ان الاوربيون ليسوا احرص منا على دارفور. وأقول: الحرص أنواع
د.تيراب
|
Post: #7
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Mohammed Tirab
Date: 07-14-2004, 03:27 AM
Parent: #6
up
up
up
|
Post: #8
Title: Re: سارة خالد "سبعة أعوام" تحاضر عن دارفور ولا إجابات؟؟
Author: ابو مهند
Date: 07-14-2004, 10:31 AM
Parent: #1
الله يحفظ سارة ويحفظ كل اطفال السودان,ياريت لو يجي الزمن الفلاني,رد على التلفون ياخالد اتصلت بيك امس ومالاقي عنوانك عشان اواصلك واعزيك في عمك
|
Post: #9
Title: Re: سارة خالد "سبعة أعوام" تحاضر عن دارفور ولا إجابات؟؟
Author: إيمان أحمد
Date: 07-14-2004, 11:34 AM
Parent: #8
*
|
Post: #10
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Nada Amin
Date: 07-14-2004, 11:47 AM
Parent: #1
ليت الأمر انحصر فقط على سارة و طفولتها البريئة لكن كل نساء و ورجال السودان لديهم/ن أسئلة حائرة تبحث بلا أمل عن اجابات.
|
Post: #11
Title: Re: سارة خالد "سبعة أعوام" تحاضر عن دارفور ولا إجابات؟؟
Author: الجندرية
Date: 07-14-2004, 11:14 PM
Parent: #1
*
|
Post: #12
Title: Re: سارة خالد "سبعة أعوام" تحاضر عن دارفور ولا إجابات؟؟
Author: خالد الحاج
Date: 07-15-2004, 03:21 AM
Parent: #11
التحية لكل من وقع هنا.. الأعزاء.. هاني الجندرية.. خضر حسين.. أنا زاتي أم در.. محمد تيراب.. أبو مهند.. إيمان أحمد.. ندا أمين..
لكم المعزة..
الأخ تيراب هنا تجد ما تبحث عنه. لك مودتي : http://www.sudaniyat.com/news//fullnews.php?id=11
|
Post: #13
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Ibrahim Algrefwi
Date: 07-15-2004, 03:37 AM
Parent: #1
واخو امي خالي خالد الحاج وردتي الاخيرة عبرك لسارة
بس
الشمس حتطلع وترفرف جنحات الحرية...
بس وصل رسائلنا ...لي أهلنا
________________________________________________________
وأتمني لك وقتاً طيباً وحصاداً مُبهجاً لايامك وعبئك العميق ولاتنسي ان تبلغ سارة حُبي الشديدة وأن تحضر لها من ماء النيل لحوض وردتي التي اهديتها لك لها
ابراهيم عزالدين حسن ابراهيم النور الجرفاوي أُمدرمان _الشهداء 15-7-2004 الساعه 2:30 مساءً فمساء الورد
وأتمني لك وقتاً طيباً وحصاداً مُبهجاً لايامك وعبئك العميق ولاتنسي ان تبلغ سارة حُبي الشديدة وأن تحضر لها من ماء النيل لحوض وردتي التي اهديتها لك لها
ابراهيم عزالدين حسن ابراهيم النور الجرفاوي أُمدرمان _الشهداء 15-7-2004 الساعه 2:30 مساءً فمساء الورد
وأتمني لك وقتاً طيباً وحصاداً مُبهجاً لايامك وعبئك العميق ولاتنسي ان تبلغ سارة حُبي الشديدة وأن تحضر لها من ماء النيل لحوض وردتي التي اهديتها لك لها
ابراهيم عزالدين حسن ابراهيم النور الجرفاوي أُمدرمان _الشهداء 15-7-2004 الساعه 2:30 مساءً فمساء الورد
وأتمني لك وقتاً طيباً وحصاداً مُبهجاً لايامك وعبئك العميق ولاتنسي ان تبلغ سارة حُبي الشديدة وأن تحضر لها من ماء النيل لحوض وردتي التي اهديتها لك لها
ابراهيم عزالدين حسن ابراهيم النور الجرفاوي أُمدرمان _الشهداء 15-7-2004 الساعه 2:30 مساءً فمساء الورد
|
Post: #14
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Ishraga Mustafa
Date: 07-15-2004, 03:43 AM
Parent: #13
سارة يابنيتى
سؤالك صعب والاجابة اصعب ان يستوعبها قلبك النبيل
|
Post: #15
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Mohammed Tirab
Date: 07-15-2004, 06:18 AM
Parent: #14
شكرا خالد
لك معزّتي
ولسارة اعتزازنا
لقد وجدت ما ابحث عنه الا انني و"لجهلي"بتفاصيل فن الانترنت لم استطع تخزين المادة
كل الود
د.تيراب
|
Post: #16
Title: Re: سارة خالد "سبعة أعوام" تحاضر عن دارفور ولا إجابات؟؟
Author: ABU QUSAI
Date: 07-15-2004, 07:52 AM
Parent: #15
ربنا يخليك ويخلي ليك سارة ياابن العم ، واسمح لي أنا أحكي ليك حوار آخر دار بيني وأبني حسام 11 سنة عندما كنا ذاهبين للمشاركة في المسيرة الضخمة التي نظمتها بعض الفعاليات السودانية أمام مبني برلمان أونتاريو في تورنتو بكندا . المسيرة موعدها الساعة 11 ونحن في مدينة سانتكاثرنز يعني عايزين ليناساعة وشوية بالعربية . أمهم صحتهم من النوم هو وقصي الساعة ثمانية صباحا بعد ما اتجهزوا جاء وجلس جنبنا في الصالون ، وطوالي قال لي يا بابا والله أنت كريزي ، مجنون ، قلت ليهو ليه يا حسام ، قال لي كندا دخلها شنو في الحرب ، الحروب دي بتعملها أمريكا ، كان عايز تظاهروا أمشوا اتظاهروا في امريكا ، قلت ليهو يا حسام حربنا دي لا أمريكا ولا كندا ما عندهم فيها دخل ، دي حرب أشعلتها الحكومة ضد المواطنين ، وبقت تقتل فيهم وشردت أطفالهم وأسرهم ، رد علي بسرعة شديدة جدا جدا طيب You Have to change the goverment يعني غيروا الحكومة ، ومعها زعل ، قلت ليهو يا حسام الحكومة نحن ما جبناها عشان نغيرها ، مافي ديمقراطية ، الحكومة حكومة عسكرية جاءت بالقوة ، عصابة بالليل اتآمرت على الشعب السوداني واستلموا الحكومة بقوة السلاح وشردوا الناس ودخلوهم السجن وقتلوا بعضهم وبعضهم طلع خلا البلد زي ما نحن كدا جالسين في كندا ، صمت لفترة حسبته اقتنع باجاباتي وفجأة التفت علي وسألني يابابا هم كم راجل المسكوا الحكومة ديل ؟ يعني الناس في السودان عددهم كم والمسكوا الحكومة بالقوة ديل عددهم كم ؟ وأسقط في يدي أفهموا ليها كيف دي ؟ وقبل أن أبدأ في الحديث فاجأني بطلب أخف : قال طيب ممكن تكلمنا عن دارفور والحاصل فيها ؟ وفعلا بدأنا الحديث ونحن في طريقنا إلى السيارة ، وساهمت الأوراق التي وزعت أثناء المظاهرة في توضيح الأمر بالنسبة لهم أكثر . والأروع في الموضوع عندما وصلنا ووجد المنظمين يجهزون الشعارات أمام ساحة البرلمان أختار لوحة مكتوب عليها ٍSTOP CHILD ABUSE وعلقها في رقبته وتدلت حتى رجليه وما أن بدأت المسيرة إلا ووجدته يتقدمها وهو يردد مع المتظاهرين STOP KILLING IN DARFOUR - STOP CHILD ABUSE - MORE MORE CANADIAN ROLL - SHAME SHAME UNITED NATION - وطبعا كانت مظاهرة ضخمة لا ينقصها إلا رائحة البمبان وعصي العسكر ، لانه رجال البوليس كانوا يسيرون بدراجاتهم إلى جانب المسيرة وهم يتآنسون مع المتظاهرين . رجع حسام إلى البيت وهو في غاية السعادة لما قام به وخاصة بعد أن رآى صورته تتصدر نشرات الأخبار في محطات التلفزة الكندية ولكن عاد إلى نفس السؤال الذي طرحته سارة عندما رأى الخبر في التلفزيون مربوط بصور اللائجين في دارفور على الحدود التشادية ورأى صور الأطفال الجوى والعراة ، طيب يا بابا لماذا يضايقون الاطفال ؟ هم الكبار ما يتشاكلوا لحالهم ليه بدخلوا الأطفال معاهم ؟ وأنا وأمه نجلس لا نجد إجابة غير قولنا يا حسام هي الحرب كدا ... فرد في عفوية هازا رأسه GOD HELP ME
|
Post: #17
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Kobista
Date: 07-16-2004, 00:37 AM
Parent: #1
SARA is our GREAT hope i can't stop crying ya khalid
|
Post: #18
Title: Re: سارة خالد "سبعة أعوام" تحاضر عن دارفور ولا إجابات؟؟
Author: خالد الحاج
Date: 07-16-2004, 02:21 AM
Parent: #17
أبراهيم العزيز.. شكرآ ليك بقدر المعزة.. سارة قادمة إليكم تحمل شوقها الطفولي وحنين والدها..
إشراقة.. سلام بقدر شموخك ..وكوني كما أنتي أوعي من الجهل وأقوي من فرسان القرون الوسطي.. ودعيهم يحاربون طواحين الهواء.
تيراب العزيز.. راسلني علي إيميلي وسأعالج ما إستشكل عليك [email protected]
العزيز أبو قصي.. هم الأمل في في غد أفضل..علم حسام الهتاف ضد الظلم..وبلغه محبتي..
كوبيستا.. سيأتي يوم يا صديقي نكف فيه عن البكاء..
|
Post: #19
Title: Re: سارة خالد "سبعة أعوام" تحاضر عن دارفور ولا إجابات؟؟
Author: إيمان أحمد
Date: 12-30-2004, 12:28 PM
Parent: #18
.
خالد!
هل وجد العالم إجابات؟
|
Post: #20
Title: Re: سارة خالد "سبعة أعوام" تحاضر عن دارفور ولا إجابات؟؟
Author: Sawsan Ahmed
Date: 12-30-2004, 01:16 PM
Parent: #19
ساره ياخالد تصرخ بهدوء منطقها البرئ
لها ودي
|
Post: #21
Title: Re: سارة خالد "سبعة أعوام" تحاضر عن دارفور ولا إجابات؟؟
Author: خالد الحاج
Date: 12-30-2004, 02:38 PM
Parent: #20
العزيزة إيمان
ولا أنا وجدت إجابة؟؟
هل يا ربي من أمل في عام قادم يحمل القليل من الخير لبلادي؟؟
العزيزة سوسن.. تحياتي وسارة. وألف شكر.
|
Post: #22
Title: Re: سارة خالد "سبعة أعوام" تحاضر عن دارفور ولا إجابات؟؟
Author: lana mahdi
Date: 12-30-2004, 02:41 PM
Parent: #21
[QUOTE]هل يا ربي من أمل في عام قادم يحمل القليل من الخير لبلادي؟؟
|
تفتكر يا خالد؟؟ الامل موجود فى عام مقبل يحمل الخير للبلاد ولسارة التى حمَلناها هماً اكبر من سنوات عمرها و ربيعها الغض
|