وردي يهطل علي سماء مسقط

هطل علينا البارحة ليلا ..هطل علينا العظيم الانسان وردي مطرآ سخيا نديآغاسلا لاثار مطر الغربة الحامض الذي عرآنا حتي العصب والعظم ..في هذه الغربةالغاربة التي كلستنا وتركتنا منهوبي الاحلام والخواطر ..
في هذه الغربة الساكنة التي لاتحركها الاحداث الجلل والعظام والتي تسكن داخلناخفوتآ وبهوتا لاقبل لكل الصبغات والصيغات به.

تابعت خلال شهر رمضان (ورديات )ذلك البرنامج الذي لاادري كيف افلت من لجام الرقابة ام انه جزء من برنامج التهوية الذي قذفت به رياح السلام المرتقب. اقول تابعت ورديات فاعاد احساس قديم ومفقود بتلفزيون السودان داخلي فاثار حنينآلخرطوم وسودان ونادي ضباط فقدناه وفقدناهم.....واثار فيما اثار بغرآ (من بغر -يبغر -بغرانآ)اثار غيرة وبغرآمن فرقة ساورا وبناتها وهن يصدحن بالغناء خلف وردي وباالحان وردي التي بدات اشتم في طيات نوتاتها ومازوراتها رائحة (عبد الوهاب )..تمنيت ان اكون هناك خلف وردي او ربما من ضمن الناس الحاضرين امامه ....فساقته الينا رياحا طيبةواشياء كثر (جوليا -النادي السوداني .....)فياأهل البورد وردي معنا فمن اراد ان يتكرف نسيما ورديآفلياتي الينا او ليرسل الينا..... اذن فليبغر البغران وليدندر الدندر وليعطبر العطبراوي العظيم(بعد الأذن من د/بشري )

الهام عبد الخالق
والحكمة في مر السحاب
وبكية طفلة في الكتاب
تفتش عن قلم رصاص وقع في الباص
(عشرة مقاطع للحياة-محجوب شريف)

يلغه التحيه والامنيات بدوام الصحة والعافيه

حا توصل التحايا والتحية ليك كمان وعقبال جيتك ياموصلي.
الهام

تشكر ونتمني اللقاء بكم هناك يوما وسلامي للاسرة

ياموصلي سلام وشوق كتير من مسقط واهلها وبلغنا وردي السلام ..
مارايك ان نبداء في ترتيبات لجيتك عندنا ودة في اطار مزيد من الطمع في تشريف الطلات البهية لينا.
الهام

لي عظيم الشرف
ان ازوركم وليت ذلك يكون مع نهاية الشتاء وقبل بداية الصيف ان شاء الله
وتسلمو

العزيز الموصلي لقد كانت البارحة مهرجانا وفرح ممتد حدثنا وردي عن رحلته الرائعة من مدرسة الديم وحتي دهاليز الاذاعة حدث الجماهير حديث الروح للروح واحتفل مع سوداني مسقط بثورة اكتوبر وغني لها فطربنا وافرحنا ودوزن دواخلنا ...ووعدوردي جماهير مسقط بالحضور في يناير حتي يحتفل معهم بعيد الاستقلال ونحن الان نطمح ان يتحول هذا الاحتفال الي مهرجان كبير فياريت ان يكتمل ما نتمناها ويشرفنا موصلي واصل العطاء ونحن منجانبنا سنعمل علي ان يتم هذا .
دمت ياموصلي .
طهالهام.

تسلم ياطه

والله يا الهام انا اول البغرانين لكن زي ما قالوا الدنيا دوارة و كراع البقرة جيابة و الله يدي وردي العافية و يطوف علينا كلنا..
حديثك عن ساورا وليالي الخرطوم الهب مشاعري و ساقني الي زكريات جميلة
تحياتي لجعفر و الجميله الصغيرة
الصاوي

الهام/وطه
سلام ورمضان كريم -انا اصلا عارفة وردي لازم بجيبكم للنادي وانشاالله كمان نتلاقى عشان يوم الورداب بمسقط ما لاما فيكم بدر الدين والناس البورد في الانتظار -تحياتي

عشة بت فاطمة اقصد فاطنة اذيك ياخ والله كاننا ماقاعدين في بلد واحد بقيت الاقيك بس في البوردياريت لو لمة بورداب مسقط الجاية تكون فاتحة للمات قادمة .مارايك ان نصعد اليوم خشبة المسرح خلف وردي ونغني ونتفشي ونفضفض الجوانا ؟ التقيك هناك
الهام

وييين ياصاوي والله مشتاقين وحليل زمان وايام زمان .وانشاالله (البغرة )حقتكم تكون جيابة زي (بغرتي ) تحياتي للصاوي الكبير حامد ولزينب وتقبل سلام طه وسلام كمان من (جعفر )ده ولد ياخ ما بت .

العزيزة الهام

فعلا امطرت مسقط رذاذا معبق بروح هذا الفنان الجميل امير الحسن ، ونتمنى نعيش غدا يوما جميلا معه في يوم تكريمه
شكرا يا الهام دايما سباقة لتقديم كل ما هو جميل

التحيه لكى ايتها الحنينه..
حقيقة كان منظرا رائعا حد الدهشه .. مزيج من الوفاء والشجن ونبرات السلام ولقاء الاحبه ..الاهل مع الصحبه .. عند حضوره لصالة مطار السيب فى تلك الامسيه الورديه ..
خاطبت الوجدان والحنايارائعنا الشامخ شموخ بلادى .. قبل ان تتخاطب الايدى ..كان لقاء يجب ان يوثق .. مشهد قمة فى الروعه .. الاطفال الشباب والشياب من اقارب ومحبى درة بلادى ..
حين ظهوره من خلف البوابه الرئيسيه صمت الجميع ..حتى الاخت الحبيبه جوليا ..لغتنا كانت متابعته بالنظر فقط ..شعور لا ارادى .. خاصة وقد طالت فترة وجوده داخل الصاله بعد وصول الطائرة ارض المطار .. اختلط الفرح بالترغب والخوف نسبة للتاخير الملحوظ لظروف لا نعلمها فى لحظتها .. وبعدها اول من ركضت تجاهه وكسرت صمت الجميع ..كانت هى الاموره آيتن حفيدته ..حضنها حضن الابوه الصادقه بعد فراق دام ما يقارب ال6 شهور ..يحسها اكثر بكثير .. ثم التف حوله لفيف الاطفال ببقات الورود والابتسامات البريئه وبعضهم يحمل صور الاستاذ وردى .. مع بقية العقد الفريد من الحضور .. مشهدا ادهش الجميع من اجانب وعرب داخل صالة المطار ..
حللت اهلا ونزلت سهلا ضيفنا الوطن .. حبابك وحبابك واليوم السعيد اللينا جابك ..
التحيه لكم جميعا والتحيه مثنى وثلاث ورباع والى ما لا نهاية للحنينه صاحبة البوست .. الاخت الهام وكل الود
نلتقيكم باذن الله غدا الخميس فى النادى .. واديكم بشاره بينى وبينكم بس ..شمار يعنى لووول .. باذن الله حايشارك فى ليلة الغد بالنادى مع ابنائه الاوفياء شباب الكورال بالنادى .ربنا يديه الف صحة ان شاء الله ...دعواتكم فى هذا الشهر الفضيل وفى هذه الايام المباركه ..آمين ..

الاخوان طه والهام
كل سنة وانتوا طيبين
والله بغرانيين منكم خالص ومتمنين الاستاذ يتكرم علينا في السعودية (مشتاقين للمطر والغنا الجميل ) بالله أمانة بلغوهو سلامنا وامنياتنا بعيد سعيد انشاء الله

سلام كتير ياعويس حا يوصل سلامك والسلام امانة واقول لو البغرة دي من جوة القلب وماحسد حا يجيكم وردي لانو بغر خالص لوردي زثحياتنا لكل بورداب السعودية
الهام وطه

العزيزة الانسانة المرهفة سوما سعيدة ان التقيك ف يالبورد لاول مرة وسعيدة ان يشرفني قلمك في هذا البوست الذي اهديه لاعظم من قدم واعطي في مسيرة الفن السوداني العظيم وردي وامتدادآ للمشهد الرائع الذي وصفتيه بروعة تصوير مبالغ في جمالها احكي لك مشهد من الجانب الآخر روي لي بعض الاصدقاء ( ان احد الاخوة العمانين من الذين كانو بالمطار التفت اليه وساله عن هذا القادم ولما هذا الحشد الضخم اهو وزير ام سفير ؟؟؟؟؟ فاجابة هذا الصديق ان هذا الشخص لدي السودانيين اعظم وزير واعظم سفير ولكنه متوج من قبل الشعب وكل الناس فاعاد السؤال اهو معروف اكثر من عمر البشير رئيسكم فقال له بل اكثر من اي رئيس مر بتاريخ بلادي ؟؟
هذا هو الشعب السوداني المنتمي لكل ماهو جميل ذو الذوق المرهف والراقي رغما عن كلاحة مامر بهم ..فلتحية مجددا لوردي والتحية للشعب السوداني ولكل السودانيين في المنافي .

الهام عبد الخالق

مايا الغالية ربما جية وردي الينا وكريفتنا لي نسيمه ورياح الاهل في الوطن ربما تعيد بعض ما فقدناه من الق التقيك هناك وليكن شعار المرحلة القادمة ( فلنجعل من لقاء بورداب مسقط محاولة لاسترجاع الالق )
الهام

يا ناس مسقط بختكم
أنا قريب منكم
مسقط من العين 4ساعات بالعربية ما اكتر من كدة
بس لوفي حفلة كلمونا بالله عليكم
الاستاذ اتاكد لي من انو الاستاذ احتمال يجي الامارات من مسقط
وسلام مربع

اهلا باهلي الفي مسقط

سلام من السودان خاص من دموعكم الغاليه

كان بودي اعيد معاكم بس الظروف
اتمنى اشوفكم قريب



سلام خاص لكل ناس النادي و خصوصا ناس الخوير

اكيد ما حتقصروا مع فنانكم الكبير وردي


دموع التحايا

ساري الليل سلام كتير ليك ولبورداب الامارات وسوداني الامارات وعسي ان يغشاكم مطر وردي .


dmoo3 ناس النادي وناس الخوير بسلمو عليك وواضح انو بغرنا حا يمتد ليشملك سلام للاهل بالسودان واستمتع بالعيد هناك واذان العيد.
عن اهل مسقط طه / الهام

الاح طه: غالبا ماتتحقق الامانى لكن ليس فى الوقت المناسب نحن سعداء ولكن بهدوء

بالامس كان وردي في النادي الاجتماعي للجالية السودانية بمسقط الخميس20-11-2003 كان شامخا و مجيدا كجبل سوداني مجيد مجد الداير المابنطلع لي زول . استقبله النادي بجمال يليق بقامته العالية تحدثوا حديث الروح بروعة البيان و صدق الشعور. واجمل هدية لوردي كانت تدشين فرقة جيل العطاء الكورال الذي غني غناء اثني عليه الاستاذ وردي لا وبل غني معه تدشينهم لباكورة انتاجهم كان ثمرا غرسه المجد الذي زارنا منه طائف وردي المطر الهاطل.