Post: #1 Title: بيني وبين اسرار بابكر..«رقم سري».. Author: Dr. Moiz Bakhiet Date: 12-01-2008, 08:12 PM
انت عارف وجد بتدري انو هاتف شوق حنينك رقمو سري وانو يوم يصدح رنينك ببدا أحسب ليك عمري *** ولما أسأل عن حروفك كل قاموس حبي يسري في سطور شايلات قطوفك بين رحيق نديان وخمري لو أطول أنا بس واشوفك بي وله شفاف وعذري تسكر الأحلام ويرحل ليلي ويطلع بيك فجري *** يا صباح فجر المحنة نظرة منك تطفي جمري ويا فرح أهدانا جنة في زمن حالم وزهري مهما طال درب المظنة ببقى حبل الإلفة سُري وببقى نور وعدك وطنا وانت ساكن جوا صدري.
Post: #2 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-01-2008, 08:17 PM Parent: #1
Post: #12 Title: Re: بيني وبين اسرار بابكر..«رقم سري».. Author: خضر حسين خليل Date: 12-01-2008, 09:21 PM Parent: #1
سلمت يا دكتور والله نص محترم أتمني أن أسمعه قريباً بصوت الرائعة أسرار
يديك العافي من المافي
Post: #13 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-01-2008, 10:19 PM Parent: #12
شكراً ليك كتير خضر
سعيد جداً بك والله وبكلماتك الطيبة
وإن شاء الله نستمع قريباً للحن جميل بصوت الرائعة اسرار
لك الحب والتحايا النواضر
Post: #15 Title: Re: بيني وبين اسرار بابكر..«رقم سري».. Author: عبد الدائم سيد أحمد Date: 12-02-2008, 09:38 AM Parent: #13
العمل سميهو شريحة التوأمة يا بروف
وعيد سعيد
Post: #16 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-02-2008, 11:43 AM Parent: #15
تسلم عبد الدائم يا حبيب
وربنا يديك العافية
اقتراح جميل يا جميل
وكل سنة وانت طيب
Post: #17 Title: Re: بيني وبين اسرار بابكر..«رقم سري».. Author: Ishraga Mustafa Date: 12-02-2008, 11:51 AM Parent: #16
نص تريان يابروف وبيشبه صوت اسرار بابكر المليان شجن
Quote: يا صباح فجر المحنة نظرة منك تطفي جمري
كان الجمر ده انطفأ نلقى ووين تانى كتابة زى دى
خليهو مولع ياخ لانو دليل عافية الكتابة
Post: #21 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-02-2008, 06:37 PM Parent: #17
يا الللللللللللله
دكتورتنا الرائعة شخصياً هنا
أشرقت الأنوار والله بيك يا اشراقة
وزارنا الفرح وحياتك
شكراً ليك
شكراً كتير
وصدقيني الجمر ده اصلو ما بنطفي
كلام ساي..
Post: #18 Title: Re: بيني وبين اسرار بابكر..«رقم سري».. Author: خالد عبد الله محمود Date: 12-02-2008, 04:28 PM Parent: #1
نص جميل كالعادة يا بروف بس الأجمل هو أختياركـ لأسرار بابكر
النص الجميل ده فعلاً عايز زولة متمكنة زي أسرار
نتلهف لسماع العمل قريباً
تحياتي
Post: #19 Title: Re: بيني وبين اسرار بابكر..«رقم سري».. Author: نادية عثمان Date: 12-02-2008, 04:46 PM Parent: #18
Quote: يا صباح فجر المحنة نظرة منك تطفي جمري ويا فرح أهدانا جنة في زمن حالم وزهري مهما طال درب المظنة ببقى حبل الإلفة سُري وببقى نور وعدك وطنا وانت ساكن جوا صدري.
وهل يخرج من بين شرايينك غير كل جميل ياجميل الروح والحرف واللسان ؟!!
ربي يحفظك لكل البحبوك يارب
أسرار محظوظة بالنص الحلو ..
Post: #24 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-03-2008, 11:17 PM Parent: #19
نادية يا ست الحلاوة والغلاوة
مشتاقين وحياتك
وشكراً دايماً ليك
على كل حرف جميل زيك
تحياتي ومودتي التي تعرفين بلا حدود
Post: #23 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-03-2008, 07:03 AM Parent: #18
Post: #26 Title: Re: بيني وبين اسرار بابكر..«رقم سري».. Author: حواء سليمان ابراهيم Date: 12-03-2008, 11:37 PM Parent: #25
الجمال لا ياتى الا من الروح الجميلة
كن بخير اخى د.معز
Post: #37 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-07-2008, 06:16 AM Parent: #26
الغالية حواء،
شكراً لك يا حبيبة
ودائماً ما تسعدني وتشرفني كلماتك
كل سنة وانت بألف خير يا رب
وعيد سعيد
مع تحياتي الحارة
Post: #34 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-06-2008, 08:31 PM Parent: #25
الجميل فاروق أبو حوة،
ما أحلى اللقاء بك يا زول يا رائع
ونحن لو نكتلكم بعيش منو في الدنيا تاني..
تحياتي الحارة ليك
ومودتي العميقة
Post: #30 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-04-2008, 08:33 PM Parent: #22
حيدر عثمان يا غالي
شكراً ليك كتير حبيبنا
ومشتاقين والله
Post: #28 Title: Re: بيني وبين اسرار بابكر..«رقم سري».. Author: هاشم أحمد خلف الله Date: 12-04-2008, 12:36 PM Parent: #1
Quote: يا صباح فجر المحنة نظرة منك تطفي جمري ويا فرح أهدانا جنة في زمن حالم وزهري مهما طال درب المظنة ببقى حبل الإلفة سُري وببقى نور وعدك وطنا وانت ساكن جوا صدري.
المقطع ده قطعني حتة حتة
دائماً مبدع وجميل يا بروف
على أمل ان نستمتع بالعمل كامل والتحية عبرك للمطربة ( أسرار بابكر ) وايضاً للملحن الذي سيقوم بالتلحين .
Post: #32 Title: Re: بيني وبين اسرار بابكر..«رقم سري».. Author: عوض الله الفولانى Date: 12-04-2008, 09:51 PM Parent: #29
علمني العشق بأن العشاق مجانين فأكثرهم جنا أكثرهم عشقا و ان الشعراء العشاق و اصحاب ألأقلام النازفة الحس ذوي ألاشواق المهرقلة لا ينفكون يقيمون الليل و ينتجعون ألأسحار ...... دا كلام الشاعر عالم عباس فهو أثار فينا الدهشة في بيروت بالأمس القريب ليتك زرنافي بيروت يا حبيبنا البروف المعز ... كم نحن بحاجة اليك لتعطر مسامعنا ... بكلامك المتقطر عسل .. لك التحية يا رائع .. و عبرك الف سلام لرقمك السري ...
الفولاني
Post: #33 Title: Re: بيني وبين اسرار بابكر..«رقم سري».. Author: خالد سمارة Date: 12-05-2008, 08:49 AM Parent: #32
د.معز دة انت (مشفر الحس والكلام السمح مش سرى)
تحياتى
Post: #44 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-10-2008, 12:03 PM Parent: #29
هارون دياب يا جميل
شكراً على القلب الأحمر النابض
وكل سنة وانت بألف حير يا حبيب
Post: #42 Title: Re: بيني وبين اسرار بابكر..«رقم سري».. Author: Dr. Moiz Bakhiet Date: 12-08-2008, 12:08 PM Parent: #28
Post: #36 Title: Re: بيني وبين اسرار بابكر..«رقم سري».. Author: Abuelgassim Gor Date: 12-06-2008, 08:39 PM Parent: #1
Quote: انت عارف وجد بتدري انو هاتف شوق حنينك رقمو سري وانو يوم يصدح رنينك ببدا أحسب ليك عمري *** ولما أسأل عن حروفك كل قاموس حبي يسري في سطور شايلات قطوفك بين رحيق نديان وخمري لو أطول أنا بس واشوفك بي وله شفاف وعذري تسكر الأحلام ويرحل ليلي ويطلع بيك فجري *** يا صباح فجر المحنة نظرة منك تطفي جمري ويا فرح أهدانا جنة في زمن حالم وزهري مهما طال درب المظنة ببقى حبل الإلفة سُري وببقى نور وعدك وطنا وانت ساكن جوا صدري
أنا بحرش ليك أسرار .......
أصلا هى بتنا بتقرأ فى معهد الموسيقى...
عشان ما تغنى ليك قصيدتك ....
شن قولك يا د.المعز كل عام وأنت بخير وأتذكرك من أيام.... أحمد عبد الله عجب الدور الذى هو اليوم أستاذ علم الباثولوجى بجامعة كردفان
Post: #38 Title: Re: بيني وبين اسرار بابكر..«رقم سري».. Author: داليا حافظ Date: 12-07-2008, 08:10 AM Parent: #36
Quote: ولما أسأل عن حروفك كل قاموس حبي يسري في سطور شايلات قطوفك بين رحيق نديان وخمري لو أطول أنا بس واشوفك بي وله شفاف وعذري تسكر الأحلام ويرحل ليلي ويطلع بيك فجري
بختك يا أسرار
أسرار برضو بتستاهل ..صوت رهيب وحضور 100%.
بالتوفيق .
Post: #39 Title: Re: بيني وبين اسرار بابكر..«رقم سري».. Author: شهاب الفاتح عثمان Date: 12-07-2008, 04:00 PM Parent: #1
اذا كانت ارقام التلفون سريه .. فان ارقامنـا في هــواك علنيـــه !..
التحيه لاســـرار , وفي انتظار الموسيقى . وكل عام وانتم بخير.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
Post: #40 Title: Re: بيني وبين اسرار بابكر..«رقم سري».. Author: عبد المنعم سيد احمد Date: 12-07-2008, 07:59 PM Parent: #39
شكرا د/ معز لاهداءنا هذا الجمال والكلمات النابعة من القلب وفى انتظارها عملا مكتملا لحنا وادء لتكتمل الرؤية الفنية ومزيد من الابداع..ولغناء صادق وكلمات معبرة ومن نجاح الى نجاحات دوما
Post: #41 Title: Re: بيني وبين اسرار بابكر..«رقم سري».. Author: Yassir Tayfour Date: 12-08-2008, 03:52 AM Parent: #40
Quote: نص جميل كالعادة يا بروف بس الأجمل هو أختياركـ لأسرار بابكر
___ Full stop
Post: #43 Title: Re: بيني وبين اسرار بابكر..«رقم سري».. Author: كمال سالم Date: 12-08-2008, 09:44 PM Parent: #41
رائع كالعاده ,,
مودتى ,,
Post: #45 Title: Re: بيني وبين اسرار بابكر..«رقم سري».. Author: هند محمد Date: 12-10-2008, 12:14 PM Parent: #1
النص فى غاية الجمال والروعة ومبروك للفنانة أسرار بابكر هذه الرائعة دكتور معز كل عام وانت بألف ألف خير وكل أمنياتك محققة تسلم مشاعرك
