Post: #1
Title: أحـنُ الــى شربوت أُمــي ..
Author: بدر الدين الأمير
Date: 11-26-2009, 02:52 PM
غدا الاول ايام عيد الاضحى
يكون قد مضى على اخر شربوت شربته من يد أمى الصانعة الماهرة
الحرم بت على ودنور الهادى عشرين سنة
|
Post: #2
Title: Re: أحـنُ الــى شربوت أُمــي ..
Author: بدر الدين الأمير
Date: 11-26-2009, 02:56 PM
Parent: #1
كم يرن فى سمعى صوتها الدافى وقولها
هاك ياولدى اشرب كباية الشربوت دى
عشان تهضم ليك وبعد القرطعة اتمطى
واقول ياسلام ياحة شربوت معتق ممكن
كباية تانية تقول ياولدى ماتكتر منو
بنفخك
|
Post: #3
Title: Re: أحـنُ الــى شربوت أُمــي ..
Author: sumah
Date: 11-26-2009, 03:02 PM
Parent: #2
***
**
*
تصنعه حبوبتى بت الحسن
وتجيد صنعه
وتتبارى الخالات فى تجويده
لكن لشربوت الام طعما خاصا
وفرحة تضج بالنشوى
معربدة
تسكر.
*
**
***
|
Post: #4
Title: Re: أحـنُ الــى شربوت أُمــي ..
Author: عبدالكريم الامين احمد
Date: 11-26-2009, 03:06 PM
Parent: #3
هلا يا بدر وسمعة
وعيدكم رابح سعدان ..
ويا بدر ما دام انت وسمعة طلعتو عندكم خلفية زكريات شربويتة
فبالله شكلو فولترون وضبو لينا شربوت ممكن الواحد يجي يضربو معاكم ويقيف قرد..
وبالمرة كدي شوفي معتز قريش فانا متاك الظلام ده عندو خبرة واسعة
في حكاية التقطير والتخمير دي.
|
Post: #5
Title: Re: أحـنُ الــى شربوت أُمــي ..
Author: abubakr
Date: 11-26-2009, 04:19 PM
Parent: #4
يالامير ..وتقولو قريبي "عزام" جن!!؟؟ قاعدين في الدوحة ودايرين شربوت كمان ..انتو الشربوت يعني شنو ؟؟؟ غايتو احنا النوبيون ما عندنا شربوت عشان كدة اصواتنا غنائية ساي زي قريبي الحيغني ليكم ...
|
Post: #6
Title: Re: أحـنُ الــى شربوت أُمــي ..
Author: بدر الدين الأمير
Date: 11-26-2009, 04:30 PM
Parent: #5
Quote: لكن لشربوت الام طعما خاصا
وفرحة تضج بالنشوى
معربدة
تسكر.
|
الملاحظ ياسمعة
فرحة عيد الاضحى وذبح الخراف ووفرة اللحمة
لابد من هضمها والاستمتاع بها من خلال الشربوت
والشربوت في تقديرى هو نوع من انواع الواين الشعبى
لكن بالمقابل العصير الذى يقدم في المنسابات
السعيدة يسمى شربات هل لان ثقافة الشرب هي
اصيلة في مجتمعنا المخلوطة ومخلبطة
|
Post: #7
Title: Re: أحـنُ الــى شربوت أُمــي ..
Author: بدر الدين الأمير
Date: 11-26-2009, 04:38 PM
Parent: #6
Quote: ويا بدر ما دام انت وسمعة طلعتو عندكم خلفية زكريات شربويتة
|
كيكى
بصحتك .. ياخى انت خبير بشرابيت الكنابى تعال احكى لينا عنها
تنهدات: يقال : أمران لايستطيع ان يخفيهما كائن من كان
كونك مخمور وكونك عاشق.
وفي المجتمع السودانى بين الخمر والخُمرة نشوة وانتشاء
|
Post: #8
Title: Re: أحـنُ الــى شربوت أُمــي ..
Author: بدر الدين الأمير
Date: 11-26-2009, 04:52 PM
Parent: #7
| Quote: انتو الشربوت يعني شنو |
ابوبكر ياعارف
الشربوت الذى يصنع من البلح ويخُمر قبل ثلاثة او اربعة ايام
من عيدالاضحى يقابله عندكم وعند اهل الشمال عموما(الدكاي)
تنهدات : الكلام للمتصوف الكبير ابن الفارض والبعض ينسبه للحلاج
مزجت روحى بروحك كما يمزج الخمر بالماء الزلال
إن مسك شىء مسنى إذ انت أنا في كل حال
|
Post: #9
Title: Re: أحـنُ الــى شربوت أُمــي ..
Author: بدر الدين الأمير
Date: 11-26-2009, 05:24 PM
Parent: #8
من بين كل اخوانى واخواتى
لعلنى كنت الاكثر تعذيبا وقلقا لها
متمرد يفعل كل ما يروق له ولايبالى
اين كان العقاب ولا احد من اخوتى جميعا
تعرض للضرب والتقريع مثلى لدرجة انى
كنت اشعر باننى لعنة حلت على هذه الاسرة
ذات المكانة المرموقة في مجتمع اربجى
المحافظ ناهيك عن كونى من بيت صوفي وجدودى
اصحاب كرمات كما يقال وامى الجعلية صاحبت
المثل والقيم طلعت لهم عفريت او جنى وصدرونى
في وقت مبكر الى قطر حيث عمى على الامير له الرحمة
عالم تخرج من الازهر عرف بالطيب واللين كيف يرودنى
وحين اعود للسودان في اجازاتى المتفرقة يحكى لى الاهل
والاصحاب ان حاجة الحرم حين تنده احد من ابنائها في الاول
تقوله يابدرالدين ثم تسددرك وتناديه باسمه وبالمقابل اخوتى
يجمعون على ان اكتر واحد فيهم بتحبه حاجة الحرم هو انا
|
Post: #10
Title: Re: أحـنُ الــى شربوت أُمــي ..
Author: محمد عبدالرحمن
Date: 11-26-2009, 06:25 PM
Parent: #9
لخالتنا الحرم بت على ودنورالهادى بت آمنه بت جبر الله كل التمنيات بعيد
سعيد وطول طول عمر لها ..ولدت وربت وعلمت رجالا يسدون قرص الشمس
ولك ولنا عيد بطعم الحنظل بعيدا عنهم ....
كل عام وانت بخير
|
Post: #11
Title: Re: أحـنُ الــى شربوت أُمــي ..
Author: انعام عبد الحفيظ
Date: 11-26-2009, 07:26 PM
Parent: #9
السر شنو انو كل الأمهات ماهرات جداً في صنع الشربوت ؟
أمي برضو بتعمل شربوت جميل جداً ربنا يديها الصحة والعافية
ـــــــ
انا في الحصاحيصا رأيك شنو كلها 7 دقايق
أمشي أشرب ليك من شربوتكم وأرجع تاني 
|
Post: #12
Title: Re: أحـنُ الــى شربوت أُمــي ..
Author: Huda AbdelMoniem
Date: 11-26-2009, 08:34 PM
Parent: #11
الامير
أحـنُ| Quote: الــى شربوت أُمــي |
واللة عندنا شربوت ينسيك حبيبــك من صنع الام تريزا
كل عـام و انت بخير
|
Post: #13
Title: Re: أحـنُ الــى شربوت أُمــي ..
Author: بدر الدين الأمير
Date: 11-26-2009, 09:36 PM
Parent: #12
Quote: لخالتنا الحرم بت على ودنورالهادى بت آمنه بت جبر الله كل التمنيات بعيد
|
محمد ياود خالتى
هناك لعبة شعبية إسمها طاب الامات
هل لعبتها
|
Post: #14
Title: Re: أحـنُ الــى شربوت أُمــي ..
Author: بدر الدين الأمير
Date: 11-26-2009, 09:45 PM
Parent: #13
Quote: انا في الحصاحيصا رأيك شنو كلها 7 دقايق
أمشي أشرب ليك من شربوتكم وأرجع تاني |
انعام
انتى لو شربتى من شربوت امى الحرم تانى ما بترجعى
|
Post: #15
Title: Re: أحـنُ الــى شربوت أُمــي ..
Author: حاتم الفاضل
Date: 11-26-2009, 09:45 PM
Parent: #13
صديقي بدرالدين
سبحان الله لتوارد الخواطر
لقد كتبت في نفس اللحظة بوستاً بنفس المعنى مع فارق السنوات
Quote:
14 عيداً للأضحى بالتمام والكمال بعيداً عن السودان
نسينا طعم العيد السوداني
الله يجازي الكان االسبب
|
كل عام وأنت بخير وعقبال الشربوت الكبير
....
|
Post: #16
Title: Re: أحـنُ الــى شربوت أُمــي ..
Author: بدر الدين الأمير
Date: 11-26-2009, 09:57 PM
Parent: #15
Quote: واللة عندنا شربوت ينسيك حبيبــك من صنع الام تريزا
كل عـام و انت بخير |
هدى
في طريق عودتنا المتاخرة من المكتب للمنزل انا وسمعة
كان هو يحدثنى عن مسعود وانا احدثه عن طاهرة وكلانا
ابكى لاخر بمجد مجدهما
|
Post: #17
Title: Re: أحـنُ الــى شربوت أُمــي ..
Author: بدر الدين الأمير
Date: 11-27-2009, 04:18 AM
Parent: #16
أحـــــــــــــــــــنُ لشــــربوت أمــــى
|
Post: #18
Title: Re: أحـنُ الــى شربوت أُمــي ..
Author: بدر الدين الأمير
Date: 11-27-2009, 04:23 AM
Parent: #17
Quote: واللة عندنا شربوت ينسيك حبيبــك من صنع الام تريزا
كل عـام و انت بخير |
هدى يابت عبدالمنعم
صباحاتك اعياد
الام تريزا بهجرتها لامريكا اضافت لغربتنا غربة اخرى
لكننا نسلى النفس بذكراها يابختكم بها ويالها من ام
|
Post: #19
Title: Re: أحـنُ الــى شربوت أُمــي ..
Author: doma
Date: 11-27-2009, 02:58 PM
Parent: #18
سلام يا مشربتين
عيدكم سعيد
ما ح اقدر احدثكم عن شربوت امي لاني لم اتذوق شربوت في حياتي او بقينيه او اي من المشروبات الحكوليه الا اللبن الرايب .
وكان ان اتي احدهم مباركا العيد في غياب الوالده اقدم له مشروب الببسي كولا او شربات الليمون اذا توفر بعض الليمون الذي يستهلك بكميات كبيره في عيد اللحم .
اذكر ان زارنا احد ابناء البسابير وهو طالب معمار بجامعه الخرطوم فقدمت له الببسي
وقبل ان ينتهي من كوبه حضرت الوالده فقالت لي اجي يا زينب يا بتي مالك ما اديتيهو شربوت ؟؟!!
فصاح هو فرحا بالله انتوا عندكم شربوت ؟؟!!
وكان من نصيبه جك شربوت تمام .
|
Post: #20
Title: Re: أحـنُ الــى شربوت أُمــي ..
Author: سلمى الشيخ سلامة
Date: 11-27-2009, 03:52 PM
Parent: #19
بدرالبدور
كل سنة وانت طيب
شربوت ؟يعنى خلاس حبكت ؟
عليك الله انت قريب
اختف كراعك واقعد فى ضراها يومين وتعال
خسمتك
وسلم لى عليها
تسلم
|
Post: #21
Title: Re: أحـنُ الــى شربوت أُمــي ..
Author: doma
Date: 11-27-2009, 03:58 PM
Parent: #20
سلمي الشيخ سلامه
تخيلي بعد مرقت لمحتك
قلبي نطط بالفرح
جيت راجعه
اقو ل ليك كل سنه وانت بخير
واني بريدك كثير
|
Post: #22
Title: Re: أحـنُ الــى شربوت أُمــي ..
Author: بدر الدين الأمير
Date: 11-27-2009, 06:26 PM
Parent: #21
Quote: Quote:
14 عيداً للأضحى بالتمام والكمال بعيداً عن السودان
نسينا طعم العيد السوداني
الله يجازي الكان االسبب
|
المستشار حاتم الفاضل
ياخى وكماقال معين بسيسو:
طال الشتات وعافت خُخانا المدن
وانت تغول بعدا ايها الوطن)
|
Post: #23
Title: Re: أحـنُ الــى شربوت أُمــي ..
Author: بدر الدين الأمير
Date: 11-27-2009, 06:37 PM
Parent: #22
| Quote: ما ح اقدر احدثكم عن شربوت امي لاني لم اتذوق شربوت في حياتي او بقينيه او اي من المشروبات الحكوليه |
زيبن يابت الفحل
اكان كدى حقو تمشى تنضمى للجماعة السلفية وابقى انصارية سنة هههها
ياخى كل الاعوام وانت بخيرين وزيادة
|
Post: #24
Title: Re: أحـنُ الــى شربوت أُمــي ..
Author: بدر الدين الأمير
Date: 11-27-2009, 06:37 PM
Parent: #22
| Quote: ما ح اقدر احدثكم عن شربوت امي لاني لم اتذوق شربوت في حياتي او بقينيه او اي من المشروبات الحكوليه |
زيبن يابت الفحل
اكان كدى حقو تمشى تنضمى للجماعة السلفية وابقى انصارية سنة هههها
ياخى كل الاعوام وانت بخيرين وزيادة
|
Post: #25
Title: Re: أحـنُ الــى شربوت أُمــي ..
Author: سلمى الشيخ سلامة
Date: 11-27-2009, 06:39 PM
Parent: #21
يا بدرالدين السمح
زح لى شية من الزولة السمحةدى
زولة تفتح الروح ضلفتين
تخشك وتمرقك
يا دومة ياخ انا زاتى بحب كل الجمال الانتى لابساهو
فى روحك تجلى
وفى قامتك انسدل لكل الناس يغطى
كل سنة وانتى طيبة
|
Post: #26
Title: Re: أحـنُ الــى شربوت أُمــي ..
Author: بدر الدين الأمير
Date: 11-27-2009, 06:46 PM
Parent: #25
Quote: عليك الله انت قريب
اختف كراعك واقعد فى ضراها يومين وتعال
خسمتك
وسلم لى عليها
تسلم |
سلمى يا احن الناس
ياخى امى الحرم لايكفينى معها ماتبقى من عمر
وحا اجي واحكي ليك حين كانت مغتربة هنا في الدوحة
برفقة زوجها وعشيقها والدى متعهما الله بالصحة والعافية
سلمى انا امي صاحبتى شدييييييييييد
|
Post: #27
Title: Re: أحـنُ الــى شربوت أُمــي ..
Author: Dr. Salah Albashier
Date: 11-28-2009, 01:09 AM
Parent: #26
[green]الأخ العزيز ود الأمير
لك مني التحية وعظيم الود، وكل عام وأنت بخير
الشربوت رمز جميل لأشياء كثيرة تهدهد في المخيلة كل ما مر بنا عيد ونحن فى الشتات، أسأل الله أن يردك إلى حضنك ، ويردنا كذلك.
مع خالص تحياتي
د. صلاح البشير
|
Post: #28
Title: Re: أحـنُ الــى شربوت أُمــي ..
Author: بدر الدين الأمير
Date: 11-28-2009, 05:41 AM
Parent: #27
Quote: يردك إلى حضنك ، ويردنا كذلك.
|
دكتور صلاح البشير
ربنا يبشرك بكل ماهو سعيد ويسعدك
بالامس وفي منزل مولانا حسن طه شربت
وبرفقة الصديق سمعة ما يشبة شربوت
امى الحرم
|
Post: #29
Title: Re: أحـنُ الــى شربوت أُمــي ..
Author: Dr. Salah Albashier
Date: 11-28-2009, 06:50 AM
Parent: #28
الأخ ود الأمير
لك التحية والود
هنيئاً لك، وعقبالنا
مع خالص تحياتي
د. صلاح البشير
|
Post: #30
Title: Re: أحـنُ الــى شربوت أُمــي ..
Author: Emad Abdulla
Date: 11-28-2009, 08:01 AM
Parent: #29
قريت ( برهان العسل ) ؟
نصيبة يا بدر .. بينفع معاك .
اعمل حركة لو داير منو نسخة .. تصلك مع كتير اللعنات الجميلة .
.......
هذا و كل عام و انت مشتهي دايماً .. و مسلط زي الترتيب يا بدر الدين و د خالتي الحرم .
و متندل شربوت و كل المشهيات و الحنين و المحن الطيبات الجميلة .. تتكرفها حتى تعرف الله واحد .
|
Post: #31
Title: Re: أحـنُ الــى شربوت أُمــي ..
Author: doma
Date: 11-28-2009, 08:23 AM
Parent: #30
| Quote: اعمل حركة لو داير منو نسخة .. تصلك مع كتير اللعنات الجميلة |
العسل دا كلنا دايرنو الحضر القسمه يقسم
بس اللعنا ت حصريا لابن الحرم
|
Post: #32
Title: Re: أحـنُ الــى شربوت أُمــي ..
Author: بدر الدين الأمير
Date: 11-28-2009, 08:54 AM
Parent: #31
إتلمو عليا اصاحب الرجاء الغير تعيسين
زينب بت الفحل وعماد ود عبدالله بس خلونى
أشوف قضية ولدى الكفروهو وبجيكم وبطلع
دينكم دا لوكان عندكم دين ..........
|
Post: #33
Title: Re: أحـنُ الــى شربوت أُمــي ..
Author: Elsamani A.Malik
Date: 11-28-2009, 09:19 AM
Parent: #32
كل سنة وانت طيب أخ بدرالدين
أقدم لك هذه الهدية المتواضعة من الشربوت الأصلي ولو ماعجبك ممكن أمشي أربجي أجيب ليك شربوت الحاجة.
|
Post: #34
Title: Re: أحـنُ الــى شربوت أُمــي ..
Author: محمد فضل الله المكى
Date: 11-28-2009, 02:53 PM
Parent: #33
رأيتُ فيما يرى النائم إن أحدهم قد أوقف سبيلاً من الشربوت....أربعة أزيارٍ
تحت نيمه....عليها أغطية من الخشب على رأس كلٍ منها كوز مربوط بجنزير.
سألت الأمير ود الأمير عن الواقف والموقوف.... قال لا تسألوا عن أزيار إن
تُبد لكم تسعدكم..ألم تر تلك الطُشاته المليئة بالشية وبقربها سراويس الشطة
بالدكوة؟.... إذهب وخذ نصيبك من الدنيا.. إنها المدينة الفاضلة.
شكرت ود الأمير مثنى واتجهت إلى حيث السبيل،وكوزٌ يتبعه كوز حتى صار العدد
ستة كيزان.... وضعتُ عصاتي، وخلعتُ نعلاتي وجلست محتضناً أحد الطشاته وأنا أغني:
شربوت العيد مع الشيه
الحُبو ساهر بيَّه
شربوت تخين ومتين
دا بنصِّل الرُكبين
وفجأه قفزتُ من السرير على أثر ضربه على رأسي!!!! وإذ بأُم العيال تصيح:
ـ ياراجل لسه نايم وبرنامج المعايدة في نادي الغزال قرّب يبدا؟؟؟؟؟؟
إتشهدت ...واتحوقلت وأنا أردد في سري.. اللهم لا نسألك رد القضاء، ولكن
نسألك اللطف(فينا).
التحية لأمي الحاجة الحرم بت علي ود نورالهادي..التحية لكل أمهاتنااللائي
مازلن يزرعن بخطاهن المسافة بين (الدانقة)و(التُكل).
|
Post: #35
Title: Re: أحـنُ الــى شربوت أُمــي ..
Author: محمد فضل الله المكى
Date: 11-28-2009, 02:53 PM
Parent: #33
رأيتُ فيما يرى النائم إن أحدهم قد أوقف سبيلاً من الشربوت....أربعة أزيارٍ
تحت نيمه....عليها أغطية من الخشب على رأس كلٍ منها كوز مربوط بجنزير.
سألت الأمير ود الأمير عن الواقف والموقوف.... قال لا تسألوا عن أزيار إن
تُبد لكم تسعدكم..ألم تر تلك الطُشاته المليئة بالشية وبقربها سراويس الشطة
بالدكوة؟.... إذهب وخذ نصيبك من الدنيا.. إنها المدينة الفاضلة.
شكرت ود الأمير مثنى واتجهت إلى حيث السبيل،وكوزٌ يتبعه كوز حتى صار العدد
ستة كيزان.... وضعتُ عصاتي، وخلعتُ نعلاتي وجلست محتضناً أحد الطشاته وأنا أغني:
شربوت العيد مع الشيه
الحُبو ساهر بيَّه
شربوت تخين ومتين
دا بنصِّل الرُكبين
وفجأه قفزتُ من السرير على أثر ضربه على رأسي!!!! وإذ بأُم العيال تصيح:
ـ ياراجل لسه نايم وبرنامج المعايدة في نادي الغزال قرّب يبدا؟؟؟؟؟؟
إتشهدت ...واتحوقلت وأنا أردد في سري.. اللهم لا نسألك رد القضاء، ولكن
نسألك اللطف(فينا).
التحية لأمي الحاجة الحرم بت علي ود نورالهادي..التحية لكل أمهاتنااللائي
مازلن يزرعن بخطاهن المسافة بين (الدانقة)و(التُكل).
|
Post: #36
Title: Re: أحـنُ الــى شربوت أُمــي ..
Author: محمد طه الحبر
Date: 11-28-2009, 03:36 PM
Parent: #25
كاك كاك كاك
حالتكم يبكو عليها
كل عام وانت بخير
|
Post: #37
Title: Re: أحـنُ الــى شربوت أُمــي ..
Author: Siddig A. Omer
Date: 11-28-2009, 06:00 PM
Parent: #36
بدرالدين و اسماعيل.........
خلاص كملتوا "شربوت" الدوحة و بقيتو تفكروا فى شربوت الحاجات.....
على كلٍ عيدكم سعيد....و عالمكم جديد....و صباحاتكم....بيض ذى "شربوت"..."ميرى".....
و شيتكم.....جمر......و خروفكم "حمر"......
ياخى و الله مفتقدكم......فى الخور البعيد
صديق القاعد بعيد
|
Post: #38
Title: Re: أحـنُ الــى شربوت أُمــي ..
Author: مدثر محمد ادم
Date: 11-28-2009, 06:05 PM
Parent: #37
الرائع بدر الدين سلامات وعيد سعيد
وشربت ليك معاي شربوت مكسور حنان
|
Post: #39
Title: Re: أحـنُ الــى شربوت أُمــي ..
Author: willeim andrea
Date: 11-28-2009, 06:24 PM
Parent: #38
يا ود الامير ياخي انا دخلته قلته القي لي عندكم كبايه بارده اهضم بيه غدوة العيد .... اجي القاهو نضمي :)
كل سنه انت وكل احبابك بالف خير وانشاء الله تامين لامين يا بركة كريم
|
Post: #40
Title: Re: أحـنُ الــى شربوت أُمــي ..
Author: بدر الدين الأمير
Date: 11-28-2009, 09:26 PM
Parent: #39
Quote: أقدم لك هذه الهدية المتواضعة من الشربوت الأصلي ولو ماعجبك ممكن أمشي أربجي أجيب ليك شربوت الحاجة.
|
ياصاحبى
اين التواضع هنا بل هو الفخر والتفاخرر
وفخور بشربوتك
|
Post: #41
Title: Re: أحـنُ الــى شربوت أُمــي ..
Author: اناهيد كمال
Date: 11-28-2009, 11:12 PM
Parent: #40
كل سنة وانت طيب يابدرالدين والبقية
انا ايضا ما عندى علاقة بالشربوت
ولكن اعرف معنى ما تقدمه الام الى ابنائها
مهما صغر
فله القء خاص
ونكهة حنونة
افتقد امى كثيرا
واحن اليها
|
Post: #42
Title: Re: أحـنُ الــى شربوت أُمــي ..
Author: سيف عبد العزيز
Date: 11-29-2009, 04:54 AM
Parent: #41
الأخ بدر الدين الأمير
والدتى أطال الله عمرها أنصارية على السكين ومابتعمل الشربوت ولكن جيراننا فى الحلة جعليين
وخالتى مريم الجعلية بتظبط لينا شربوت تزغلل بعده العيون وترتخى الركب وهاك
ياترخيمة. ومرة من المرات دخل الوالد على الصالون ولقى جك الشربوت ريحتو فايحة
وسالنا قال لينا يا أولاد ده شنو؟ قلنا ليهو ياحاج ده شربوت, قال لينا والله يا أولادى
شغلكم ده مريسة عديل ولكن بتتحايلوا على القانون بس.
لف الزمن يابدر الدين واتزوجت دنقلاوية بتزبط شربوت كارب وأنا الآن بكتب ليك من ولاية
كونيكتيكيت على الساحل الشرقى الأمريكى وضارب الشيه وقدامى جك شربوت جامد ولكن أمى لو
سألتنى بقول ليها بيبسى.
رد الله غربتك وجمعك مع أهلك وانشاء الله جك شربوت بشمالك يساوى الدنيا بحالها ودمت يا أخى.
|
Post: #43
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 05:14 AM
Parent: #42
Quote: التحية لأمي الحاجة الحرم بت علي ود نورالهادي..التحية لكل أمهاتنااللائي
مازلن يزرعن بخطاهن المسافة بين (الدانقة)و(التُكل). |
التحية ليك ياود المكى
ولام طارق التى اكرمتنا امس البشربوت الكارب
واقداح المشاوى والمرارة بيتكم دايما عامر
بالحب والاحباب
|
Post: #44
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 05:17 AM
Parent: #43
Quote: حالتكم يبكو عليها
كل عام وانت بخير |
ود الحبر
وكما يقال نسلى على النفس بالتأسى
|
Post: #45
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 05:21 AM
Parent: #44
Quote: يا ود الامير ياخي انا دخلته قلته القي لي عندكم كبايه بارده اهضم بيه غدوة العيد .... اجي القاهو نضمي :)
|
واليم
الشربوت كارب عشان كدا النضمى كتر
كل عام وانت طيب
|
Post: #46
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 05:28 AM
Parent: #45
Quote: خلاص كملتوا "شربوت" الدوحة و بقيتو تفكروا فى شربوت الحاجات.....
|
صديق ياقريب
صاحبك سمعة بقى كائن شربوتى ومن البداية
اتفقنا الناس المابعملو شربوت نلاقيهم في
نادى الغزال او نعيد عليهم بالتلفون بس
ياصديق صاحبك كل يشرب كبايتن شربوت يقول
داير غنى ومرة يقول داير يمدح ومرات يدوبى
اقوليهو ابقى على واحدة يقولى التنوع من
تنوع الشرابيت
|
Post: #47
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 05:30 AM
Parent: #46
| Quote: وشربت ليك معاي شربوت مكسور حنان |
مدثر
عيدك سعيد
ينفعك الشربوت محل يايسرى يمرى
|
Post: #48
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 05:34 AM
Parent: #47
Quote: انا ايضا ما عندى علاقة بالشربوت
|
اناهيد ماكنت قايلك حا تطلعى لى زي خالتك دوما
ياخى شن طعم العيد وخروف العيد من غير شربوت
كل الاعوام وانت بخيرين وزيادة
|
Post: #49
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 05:40 AM
Parent: #48
Quote: لف الزمن يابدر الدين واتزوجت دنقلاوية بتزبط شربوت كارب وأنا الآن بكتب ليك من ولاية
كونيكتيكيت على الساحل الشرقى الأمريكى وضارب الشيه وقدامى جك شربوت جامد ولكن |
سيف
بختك وفعلا انا ايقنت ان الدناقلة هم افضل من يظبط شربوت
ياخى امس الاول شربنا شربوت عند كبير الدناقلة مونا حسن
طه اسكت ساكت ..
ياخى كل الاعوام انت وسرتك بخيرين
وربنا يجمع شتاتنا فى وطن واحد
|
Post: #50
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 05:40 AM
Parent: #48
Quote: لف الزمن يابدر الدين واتزوجت دنقلاوية بتزبط شربوت كارب وأنا الآن بكتب ليك من ولاية
كونيكتيكيت على الساحل الشرقى الأمريكى وضارب الشيه وقدامى جك شربوت جامد ولكن |
سيف
بختك وفعلا انا ايقنت ان الدناقلة هم افضل من يظبط شربوت
ياخى امس الاول شربنا شربوت عند كبير الدناقلة مونا حسن
طه اسكت ساكت ..
ياخى كل الاعوام انت وسرتك بخيرين
وربنا يجمع شتاتنا فى وطن واحد
|
Post: #51
Title: Re: أحـنُ الــى شربوت أُمــي ..
Author: سمية الحسن طلحة
Date: 11-29-2009, 02:42 PM
Parent: #50
كل عام والجميع هنا بخير
الأمير بدر الأمير
أهنئك بالعيد وأغبطك على محبة أمك لك
وعلى هذا الكم من السحرة الذين حشدتهم
هنا التحية للكل
وياسلمى بت الشيخ سلامة
كلما أشوفك بسلم عليك بقول الشاعر:
"" سلام ياملكة الجيل ياالأبوك الشيخ
سلام ياالعندك قوانين الأدب تأريخ
سلام ياالفدنة مربوعة ومشيك مليخ
سلام ياالغيرك الجيل كله عندي مسيخ ""
وياودالأمير
نحن في بيتنا ليس من ثقافتنا الشربوت
ولذلك لايستهويني كثيرًا إنما دخلت لتحية الأم
يوم العيد بكون مريضة و في حالة شوق و بكاء
وبكتب القصائد التي مدادها الدموع ...
وأردد مع الحلاج :
،، ضحّى الحبيب بنفسي يوم عيدهم
والناس ضحّوا بمثل الشاء والغنم
للناس حج ولي حج إلى سكني
تُهدى الأضاحي وأهدي مهجتي ودمي ،،
Quote: تنهدات : الكلام للمتصوف الكبير ابن الفارض والبعض ينسبه للحلاج
مزجت روحى بروحك كما يمزج الخمر بالماء الزلال
إن مسك شىء مسنى إذ انت أنا في كل حال |
الكلام منسوب للحلاج حسب علمي وهو في :
( أروع ماقيل في الزهد )
من إعداد : إميل ناصيف
.
|
Post: #52
Title: Re: أحـنُ الــى شربوت أُمــي ..
Author: بدر الدين الأمير
Date: 11-29-2009, 04:07 PM
Parent: #51
Quote: وياودالأمير
نحن في بيتنا ليس من ثقافتنا الشربوت
ولذلك لايستهويني كثيرًا إنما دخلت لتحية الأم
يوم العيد بكون مريضة و في حالة شوق و بكاء
وبكتب القصائد التي مدادها الدموع ...
وأردد مع الحلاج :
،، ضحّى الحبيب بنفسي يوم عيدهم
والناس ضحّوا بمثل الشاء والغنم
للناس حج ولي حج إلى سكني
تُهدى الأضاحي وأهدي مهجتي ودمي ،،
|
بت الحسن ياحُسن الطالع
هُزى إليك بجزع النخلة
يتساقط رطبا ... وممكن
ان يتحول شربوت هنيئا مريئنا
او كما كلماتك ومفرداتك ...
وفي القلب شيي من حتى
وحتى انت طلعتى زي صاحبتك
زينب بت الفحل وماعندك علاقة
بالشربوت هو في ضلال جديد
اكثر من كون ابى يلفح ملفحته
ذاهبا للجامع تناوله حاجة الحرم
كباية شربوت يشربها ويمضى الى
سبيل ربه حامد شاكر
|
Post: #53
Title: Re: أحـنُ الــى شربوت أُمــي ..
Author: doma
Date: 11-30-2009, 02:42 PM
Parent: #52
Quote: وفي القلب شيي من حتى
وحتى انت طلعتى زي صاحبتك
زينب بت الفحل وماعندك علاقة
بالشربوت |
لووووووووول عاد يا ود الامير ما تشيل حالي ما عندي نفقه في المرايس دي
وما في مدسه عليك حارين نشر ب من عين مزاجها زنجبيلا .
|
Post: #54
Title: Re: أحـنُ الــى شربوت أُمــي ..
Author: بدر الدين الأمير
Date: 12-01-2009, 03:22 PM
Parent: #53
Quote: وما في مدسه عليك حارين نشر ب من عين مزاجها زنجبيلا .
|
يت الفحل
عدلى زنجبيلا بكافورا قبال مايجو ناس الطقى يطقوك
|
Post: #55
Title: Re: أحـنُ الــى شربوت أُمــي ..
Author: doma
Date: 12-01-2009, 04:18 PM
Parent: #54
| Quote: عدلى زنجبيلا بكافورا قبال مايجو ناس الطقى يطقوك |
هوي يا ود الامير انا بشرب البعرفو
لان الكافور البعرفو لوشربتوا بوديك في ستين داهيه
|
Post: #56
Title: Re: أحـنُ الــى شربوت أُمــي ..
Author: سمية الحسن طلحة
Date: 12-01-2009, 04:21 PM
Parent: #54
Quote: هو في ضلال جديد
اكثر من كون ابى يلفح ملفحته
ذاهبا للجامع تناوله حاجة الحرم
كباية شربوت يشربها ويمضى الى
سبيل ربه حامد شاكر |
أولئك هم أهل الضلال الجديد
الذين يبدل الله سيئآتهم حسنات
الذين يشربون من عيون
وليس عين واحدة
وبكل الأمزجة
هنيئا لهم ولينا بحالهم
قول آمين
|
Post: #57
Title: Re: أحـنُ الــى شربوت أُمــي ..
Author: عزام حسن فرح
Date: 12-01-2009, 04:32 PM
Parent: #56
بدرالدين الأمير ...
Quote: يكون قد مضى على اخر شربوت شربته من يد أمى الصانعة الماهرة
الحرم بت على ودنور الهادى عشرين سنة |
على كِده لو مُت حتخُش الجنة طوااالي ، (20) سنة ما شِرِبت < شربوت > ... دقيقة بِالله ما تكَعَوِج كلامي ... أنا قصدي الشربوت البِنَعْنِش الراس والحللو أبو حنيفة الفسر < الخمر > في الآية بعصير العِنب بس ، مُسْتنِدًا إلى المعنى اللَغَوي لكلِمة < الخمر > وأدى بِهِ إجْتِهادِهِ إلى تحليل بعض أنواع مِن < الأنبِذة > كنبيذُ التمر والزبيب ، وده ياهو ظاتوووو < شربوت > امْك المُشتهيهو يا لئيم ... يا نِمْس ... وياهو ظاتوووو < دكاي > بلدنا منقوع تمُر مِن غَير طبخ
أنا زاتي مُشْتهيهو ، شكيتك على الله ... مَوعِدُنا < الحوض >
|
Post: #58
Title: Re: أحـنُ الــى شربوت أُمــي ..
Author: بدر الدين الأمير
Date: 12-01-2009, 04:39 PM
Parent: #57
ود حسن فرح
يقال ان الخليفة العادل عمربن عبدالعزيز كان
ينتبذ كل خميس وعلامتنا الراحل عبدالله الطيب
مفسر القران الكريم كان بينتبذ...
|
Post: #59
Title: Re: أحـنُ الــى شربوت أُمــي ..
Author: عزام حسن فرح
Date: 12-01-2009, 04:45 PM
Parent: #58
البِنبِذ الإنْتباذ ما بِعْرِف الإرتِكاز
بتصِل بيك في تلفونك السجمان ده ، بِديني < الرقم خارِج التغطِية > يا زول إتْ في ياتو كمبو مُصنقِر ... أسمع معاك سُمعه حتو؟
|
Post: #60
Title: Re: أحـنُ الــى شربوت أُمــي ..
Author: احمد محمد بشير
Date: 12-01-2009, 05:00 PM
Parent: #59
يازول الشربوت دا موضة قديمة
انت ما شفت البورداب ديل قاعدين
يتوجعو كيف في بوست أحححح,
بتاع عمك ود الصايم 
في حاجات جديده يا بركة.
________
كل سنة وانت بي الف خير.
|
Post: #61
Title: Re: أحـنُ الــى شربوت أُمــي ..
Author: بدر الدين الأمير
Date: 12-01-2009, 05:42 PM
Parent: #60
| Quote: أسمع معاك سُمعه حتو؟ |
ودحسن فرح
معى سمعة وحتى الان في المكتب لو عندك لينا دكاي
بندور نجيك
|
Post: #62
Title: Re: أحـنُ الــى شربوت أُمــي ..
Author: بدر الدين الأمير
Date: 12-01-2009, 05:46 PM
Parent: #61
Quote: يازول الشربوت دا موضة قديمة
|
احمد محمد البشير
عيدك سعيد
كدي قولينا انت من ناس الشربوت
ولا من ناس الدكاى
|
Post: #63
Title: Re: أحـنُ الــى شربوت أُمــي ..
Author: عزام حسن فرح
Date: 12-01-2009, 05:54 PM
Parent: #61
بدرالدين الأمير وآخرون ...
Quote: معى سمعة وحتى الان في المكتب لو عندك لينا دكاي
بندور نجيك |
تعالو بكرة أشربو < جبنه طين > بس ... بس يا ودالأمير ... يلعَن أبو الغُربة ظاطا ... الظاهِر السقِف أصلو ما حأقدر أتِمو ... تعالو ياخ إن شاءالله أموت ظاتووو عِندكُم مِن الساعة (4) إلى الساعة (6) مساءً
لو جاي قولي لو ما جاي قولي ... ولو حصل بُكرة أي ظرف إتصِل بي
|
Post: #64
Title: Re: أحـنُ الــى شربوت أُمــي ..
Author: nazar hussien
Date: 12-02-2009, 07:03 AM
Parent: #63
الشربوت والدكاي في الوسط والشمال
والميس والكولميت الحبشي في الشرق
والمريسة في الغرب...ديل كلهن مشروبات
افريقية...فنحن قوم تحاصرنا الرايات
من زمان قديم...حتي علقت علي ضرائح
الاولياء...
كل سنة وانت واحبابي من ضيوفك هنا بألف خير وعافية
|
Post: #65
Title: Re: أحـنُ الــى شربوت أُمــي ..
Author: بدر الدين الأمير
Date: 12-02-2009, 08:48 AM
Parent: #64
Quote: ...فنحن قوم تحاصرنا الرايات
|
نزار
عاطف خيرى قال في سيناريو البحث عن يابسة التى غناها مصطفانا
نحن البلاد الشاكية جُرحها للصديد
جاتنا القوافل بالضجيج
جرتنا من حلبة رقيص
ورتنا كيف صلبو المسيح
ورتنا كيف قتلو الحسين
بكينا اكتر منهم
وساقونا فى الاخر عبيد.
عيدك سعيد وتسعد ايامك
|
Post: #66
Title: Re: أحـنُ الــى شربوت أُمــي ..
Author: بدر الدين الأمير
Date: 12-17-2009, 07:23 PM
Parent: #65
مضى عيد الشربوت ولحم الخراف
لنستعد لعيد النبيذ ولحوم الديوك
تنهدات: قال الخل للنبيذ أنا أصبا منك
قال النبيذ بلا ولكن في العام القادم حا
تصبح انت خل عتيق واكون انا نبيذ معتق
|
Post: #67
Title: Re: أحـنُ الــى شربوت أُمــي ..
Author: محمد طه الحبر
Date: 12-17-2009, 07:26 PM
Parent: #66
يابدر الامير
ياخي الشربوت لي هسه يكون لو
وجات عليهو شراره بولع نار
والله انا قايل استعملوهو وقود للسيارات
|
Post: #68
Title: Re: أحـنُ الــى شربوت أُمــي ..
Author: بدر الدين الأمير
Date: 12-17-2009, 07:48 PM
Parent: #67
يا ود الحبر
ماقلنا خلاص عيد الشربوت ولا
ونحن نستعد لعيد النبيذ
تتذكر كلمات دكتور بشرى الفاضل وغناء مصطفنا أغنية (حلوة عينيك زي صحابى)
والمقطع البقول زي عنب طول معتق في الخوابى
|
Post: #69
Title: Re: أحـنُ الــى شربوت أُمــي ..
Author: محمد طه الحبر
Date: 12-17-2009, 08:18 PM
Parent: #68
برانا بقينا نجيب في الكلام
الاغنيه دي شايفه بتهزك كتير
كما لاحظتك في فيديو حفل شيراتون ورامادا
|
|