تفاحتى ياآدم !!!!!!!!!!!!!!!!

تفاحتى ياآدم !!!!!!!!!!!!!!!!


05-29-2005, 05:23 PM


  » http://sudaneseonline.com/cgi-bin/sdb/2bb.cgi?seq=msg&board=86&msg=1136673906&rn=0


Post: #1
Title: تفاحتى ياآدم !!!!!!!!!!!!!!!!
Author: نادية عثمان
Date: 05-29-2005, 05:23 PM

تفاحتى ياآدم



واحشنى

ماواحشاك !!

بايعنى

انا شارياك !!

هالكنى بعذابى

حائر قليبى وراك

ساكن هواى فى الروح

سيب حبى اتحداك !!

**** **** ***

غرقانة فى ريدتك

بحرك مدادو صفاك

وين حنّك الفياض

ياغالى ايه قسّاك

زعلان عشان لومتك

صدقنى مفتقداك

**** *** ***

زعلانة منك جد

حبك بقالى هلاك

انا كنت نجمة ليل

حولى البشر افلاك

هسع سكنى الهم

بقى همى كيف انساك!!

*** *** *****

كل يوم يمر ياحبيب

عمرى الحزين يرجاك

يالغبت عنى كتير

واحشنى ماواحشاك !!

تفاحتى ياآدم

عذبت ليه حواك ؟!!!


شعر .. نادية عثمان مختار
القاهرة فى يوم عصيب !!!

Post: #2
Title: Re: تفاحتى ياآدم !!!!!!!!!!!!!!!!
Author: munswor almophtah
Date: 05-29-2005, 08:13 PM
Parent: #1

حافظانى
يا أنتى
عارفانى موت
بهواك
بيعينى مايهمك
كل الأمانى
رضاك
لوكان عذابى
هناك
فى اليوم بموت
مرات
لو كان شقاى
أشجاك
شكينى فى
الأشواك
لو كنت قاسى عليك
شدينى فى
الأسلاك

نجمه وسطع
محياك
تهدى المجره
ضياك
كل الكواكب
جات
حتى الشمس
راجياك
محنانه
مستناك
كان مره تمشى
معاك
مضحاكه سابحه
وراك
يا ملكة
الأفلاك

أنناسه ما
أحلاك
عنبه وزحفتى
براك
تفاحه أيه
ياملاك
ماسة الملوك
ماسكاك
درر لخدور
عاشقاك
تفاحه أيه
يا ملاك
أنناسه
ما أحلاك




منصور

Post: #3
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 05-29-2005, 09:27 PM
Parent: #2

واحشني برضو كمان
هاك خلي قلبي معاك
بايعاني بي طيبتك
شارياني عفة صفاك
لو اسلى كل لناس
يا ستي ما بسلاك
لو تقسى دنيا الحب
بيهون معايا قساك
يا احلى من عيني
حلمك عليا عساك
تتمشي في دمي
وجوه العروق انساك

****

غرقان معاكي الغيم
بحرك عيونو بهاك
ما طالو عاشق يوم
او حتى شافه سماك
انشرى وسط الروح
ادي الطبيعة شذاك
يا ستي فرحان بيك
لو قلتا بس بهواك؟
تنزل دموع الشوق
وتجهجه الافلاك


عبدالله

Post: #15
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 05-30-2005, 05:32 PM
Parent: #3

المرهف عبد الله وداعة الامين

قلت :

Quote: واحشني برضو كمان
هاك خلي قلبي معاك
بايعاني بي طيبتك
شارياني عفة صفاك
لو اسلى كل لناس
يا ستي ما بسلاك
لو تقسى دنيا الحب
بيهون معايا قساك
يا احلى من عيني
حلمك عليا عساك
تتمشي في دمي
وجوه العروق انساك

****

غرقان معاكي الغيم
بحرك عيونو بهاك
ما طالو عاشق يوم
او حتى شافه سماك
انشرى وسط الروح
ادي الطبيعة شذاك
يا ستي فرحان بيك
لو قلتا بس بهواك؟
تنزل دموع الشوق
وتجهجه الافلاك



وهاك منى قول:

لو كنت جد واحشاك

كان تقبل الاعذار

ماكنت تبعد يوم

وتزيد عليا النار

اسرنى يامحبوب

يامكمن الاسرار

حبك ملك روحى

سكن الشرايين جار

*** ***

انا قلبى جد بهواك

رغم الطريق اخطار

كل املو يسعد بيك

جاك فى دروبك سار

ياريتنى اقدر اطير

وياريتك انت مطار

آدم نسائم الحب

مابتبقى يوم اعصار

مهما اختلفنا اكيد

تلد الليالى نهار !!!!

Post: #14
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 05-30-2005, 04:45 PM
Parent: #2

منصور الرائع جدا


قلت:
Quote: حافظانى
يا أنتى
عارفانى موت
بهواك
بيعينى مايهمك
كل الأمانى
رضاك
لوكان عذابى
هناك
فى اليوم بموت
مرات
لو كان شقاى
أشجاك
شكينى فى
الأشواك
لو كنت قاسى عليك
شدينى فى
الأسلاك

نجمه وسطع
محياك
تهدى المجره
ضياك
كل الكواكب
جات
حتى الشمس
راجياك
محنانه
مستناك
كان مره تمشى
معاك
مضحاكه سابحه
وراك
يا ملكة
الأفلاك

أنناسه ما
أحلاك
عنبه وزحفتى
براك
تفاحه أيه
ياملاك
ماسة الملوك
ماسكاك
درر لخدور
عاشقاك
تفاحه أيه
يا ملاك
أنناسه
ما أحلاك



وهاك منى قول :

يازولى انت براك

عارفنى حساسة

بكاية جد بالحيل

لكنى وناسة

زى وردة وسط الشوك

تنزف عشان ناسها

عارفنى ياآدم

تفاحة اناناسة

الكلمة فاضت حب

كاتباها كراسة

تعشق حبيب الروح

شايلاهو فوق رأسها

ماك فالصو ياآدم

بس حوتك ماسة !!

Post: #4
Title: Re: تفاحتى ياآدم !!!!!!!!!!!!!!!!
Author: Elnasri Amin
Date: 05-29-2005, 10:12 PM
Parent: #1

املى بموت شايفا براك
كفايه منك بس كلمات
اعيش بيها واموت بيها وفى الاخر تكون لى رفات
رضاك على هو الغايات و الرغبات
وعطفك لى يظللنى متل سموات

النصرى
1980

Post: #16
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 05-30-2005, 05:49 PM
Parent: #4

الاكرم النصرى امين

قلت:

Quote: املى بموت شايفا براك
كفايه منك بس كلمات
اعيش بيها واموت بيها وفى الاخر تكون لى رفات
رضاك على هو الغايات و الرغبات
وعطفك لى يظللنى متل سموات


وهاك قول :

الكلمة بيها تعيش

وحروفها ليك نبضات

املك بحيا اكيد

بس انت انسى الفات

حبك دوام خالد

فى سواد عيون ناعسات!!

Post: #135
Title: Re: تفاحتى ياآدم !!!!!!!!!!!!!!!!
Author: حسن الطيب يس
Date: 10-18-2005, 10:26 PM
Parent: #16

الست نادية
كلام و الله ادى الجماعه إستراحة بارده و طليلة
إنساء الله يكون الكلام ده للسودان
و انا ذاتي قاعد في الهمبريب ده
لك الشكر علي هذه الاريحة
عمك حسن

Post: #5
Title: Re: تفاحتى ياآدم !!!!!!!!!!!!!!!!
Author: ALGARADABI
Date: 05-29-2005, 10:17 PM
Parent: #1

أنا الما واحشك يا حوا
لمتين يحين لقياك
لو كل الخلوق حنت
محال تسيبى جفاك
انتي النسيم المار
طيبو من رياك
وانتي الهلال الهلا
نورو من محياك
ومهما الدروب طالت
محال أسيبو هواك

Post: #6
Title: Re: تفاحتى ياآدم !!!!!!!!!!!!!!!!
Author: تولوس
Date: 05-29-2005, 10:48 PM
Parent: #1





Quote: زعلانة منك جد

حبك بقالى هلاك

انا كنت نجمة ليل

حولى البشر افلاك

هسع سكنى الهم

بقى همى كيف انساك!!

لا اتمني ان تكون كل ايامك عصيبة .. ولكن فعلا هذا اليوم مميز لانه امطر حبا وعشقا صادقا ... تحياتي واحترامي

Post: #7
Title: Re: تفاحتى ياآدم !!!!!!!!!!!!!!!!
Author: ابو جهينة
Date: 05-30-2005, 02:30 AM
Parent: #6

الأخت الأستاذة نادية

Quote: القاهرة فى يوم عصيب !!!

لو كان يومك غير عصيبا .. فماذا كنت ستكتبين ؟
كلام زى العسل دون مجاملة ..

Post: #8
Title: Re: تفاحتى ياآدم !!!!!!!!!!!!!!!!
Author: خضر عطا المنان
Date: 05-30-2005, 03:16 AM
Parent: #7


شكرا نادية ..

خضرعطا المنان

Post: #9
Title: Re: تفاحتى ياآدم !!!!!!!!!!!!!!!!
Author: Dr. Moiz Bakhiet
Date: 05-30-2005, 03:32 AM
Parent: #8

Quote: سيب حبى اتحداك !!


لا أستطيع..

Post: #19
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 05-31-2005, 07:13 PM
Parent: #9

د. معز العزيز



Quote: لا أستطيع


وهاك منى قول :

لاتستطيع طبعا

كيفن تسيب حبى

ياغالى انا راسماك

خارطة طريق قلبى

بى روحى انا بفداك

يشهد على ربى

آدم طريقنا وحيد

اوعك تسيب دربى !!!

Post: #28
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-03-2005, 06:07 PM
Parent: #8

الرائع بلا حدود خضر عطا المنان




اسمعنى :


تزعل تخاصمنى

انا برضو فرحانة

شان انت ياآدم

خليتنى هيمانة

بى حبى سارحة بعيد

بى روحى نشوانة

خليتنى ياسيدى

زى غنية رنانة

بجمال كرم دفاق

كم جيتنا تغشانا

وهسع زعلت عشان

قايلنى زعلانة

ارجع وفيض يانيل

ياريد ملك نانا ..!!

Post: #21
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-01-2005, 03:36 AM
Parent: #7

الاكرم العزيز ابو جهينة


Quote: لو كان يومك غير عصيبا .. فماذا كنت ستكتبين ؟

لاادرى ..ولكن بالتاكيد لو لم يكن عصيبا لما جاء مخاض روحى عن آدم محركا لكل شجون العالم هكذا !!!



Quote: كلام زى العسل دون مجاملة ..



والله دى شهادة اعتز بيها جدا ووسام على رأسى ماحييت

شكرا كتييييييييير ابو جهينة

Post: #18
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 05-31-2005, 06:48 PM
Parent: #6

الاكرم تولوس

Quote: لا اتمني ان تكون كل ايامك عصيبة .. ولكن فعلا هذا اليوم مميز لانه امطر حبا وعشقا صادقا ... تحياتي واحترامي


ويومى هذا ايضا مميز جدا لان كلماتى قد لامست بعض وجدانك

وحركت كوامن الدهشة والاحساس بالجمال فى دواخلك الطيبة

شكرا جزيلا جدا

Post: #10
Title: Re: تفاحتى ياآدم !!!!!!!!!!!!!!!!
Author: هميمة
Date: 05-30-2005, 10:30 AM
Parent: #1




heeeeeeeeeeeeeeeeeeeeeeeeeeeeeeeeeeey



منو فيكم ادم؟؟؟؟؟؟؟؟؟؟؟؟؟؟؟؟؟؟


تشابه علينا البقر !!!!!!!!!!!!!!!

Post: #17
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 05-31-2005, 06:06 PM
Parent: #10

العزيزة هميمة الهميمة




Quote: heeeeeeeeeeeeeeeeeeeeeeeeeeeeeeeeeeey



منو فيكم ادم؟؟؟؟؟؟؟؟؟؟؟؟؟؟؟؟؟؟


تشابه علينا البقر !!!!!!!!!!!!!!!




لاحولااااااااااااااااااا ياهميمة بالغتى لكن !!!

يعنى انتى ناس ادم ديل من تفاح عملتيهم بقر ؟!!!


يالا ضيق ماعون اللغة !!!

Post: #11
Title: Re: تفاحتى ياآدم !!!!!!!!!!!!!!!!
Author: Adil Osman
Date: 05-30-2005, 10:58 AM
Parent: #1

ناديا عثمان
أنتى كاتبة ماهرة. واتساءل معك:

أين أنت يا آدم، رغم أننى لا أعرف غير آدم واحد، أبونا آدم!

Post: #20
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 05-31-2005, 07:46 PM
Parent: #11

الاكرم عادل عثمان (أخوى ود ابوى )


Quote: ناديا عثمان
أنتى كاتبة ماهرة. واتساءل معك:

أين أنت يا آدم، رغم أننى لا أعرف غير آدم واحد، أبونا آدم!



شهادتك لى بمهارة الكتابة وسام على صدرى ماحييت ..

وادم هنا معنا موجود وحبيبته حواء

نصفان تفاحة !!

Post: #12
Title: Re: تفاحتى ياآدم !!!!!!!!!!!!!!!!
Author: بلدى يا حبوب
Date: 05-30-2005, 11:13 AM
Parent: #1

نادية

ايه جمال الحروف لمن تقول الشعر ونرجع نقول اصلو الكلام الجميل لمن يكون طالع من زولن حنين والله ما روعه ذى العسل
برغم ان اليوم عصيب لكن المخاض روعه
مغ تمنياتى بالروعه عبرك بس بدون شقى
تحياتى

Post: #13
Title: Re: تفاحتى ياآدم !!!!!!!!!!!!!!!!
Author: jini
Date: 05-30-2005, 12:51 PM
Parent: #12

منورين يا سادة
آل ظلام دقم,فرانكلى ونوريتهم يمتنعون
جني

Post: #29
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-04-2005, 03:21 AM
Parent: #13

جنى الاكرم


Quote: منورين يا سادة


ده نورك ياباشا والله

تسلم على المرور الغالى

Post: #22
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-01-2005, 05:36 AM
Parent: #12

الزول الراااااااااااقى بلدى ياحبوب

Quote: ايه جمال الحروف لمن تقول الشعر ونرجع نقول اصلو الكلام الجميل لمن يكون طالع من زولن حنين والله ما روعه ذى العسل
برغم ان اليوم عصيب لكن المخاض روعه
مغ تمنياتى بالروعه عبرك بس بدون شقى


تسلم من كل شر انشاء الله

وسعيدة بان لامست كلماتى وجدانك المرهف الرقيق..

Post: #23
Title: Re: تفاحتى ياآدم !!!!!!!!!!!!!!!!
Author: ودقاسم
Date: 06-01-2005, 07:52 AM
Parent: #1

Quote: سيب حبى اتحداك !!


يا ريتني لو أقدر
أرجّع قلبي زي ما كان
واطلع من هزائم الريد
أداوي جراحي والأحزان
أتوه بين السكك والتيه
أسافر من مكان لي مكان
ألاقي الفي الأجل مكتوب
يقيف الجاري في الشريان
وأرجع لي الطريق مجبور
يشابي قليبي لي الخفقان
وألاقيك في محطة ريد
تقومي تعيدي ليّ أمان
تردي الروح على جسداً
هرب منّوالمنام أزمان


دي استجابة عاجلة ،،، وليك يوم يا تارك الصلاة ... شيلي الصبر ...
وحمدا لله على سلامة الوالد ،،، بلغيه تحياتي ..

Post: #24
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-01-2005, 08:31 AM
Parent: #23

ود قاسم الغالى


قلت:


Quote: يا ريتني لو أقدر
أرجّع قلبي زي ما كان
واطلع من هزائم الريد
أداوي جراحي والأحزان
أتوه بين السكك والتيه
أسافر من مكان لي مكان
ألاقي الفي الأجل مكتوب
يقيف الجاري في الشريان
وأرجع لي الطريق مجبور
يشابي قليبي لي الخفقان
وألاقيك في محطة ريد
تقومي تعيدي ليّ أمان
تردي الروح على جسداً
هرب منّوالمنام أزمان


وهاك منى قول :

آدم تبرى من النوح

ويبرى حشاك من الاحزان

تعال لاقينى فى الافراح

وفى عصب المحبة حنان

بغطيك بى وشاح الروح

وبدفيك من صقيع حرمان

*** *** ***

نزلت عشانى من جنة

وبقيت ليك ياحبيبى جنان

بقيت فردوسى ياآدم

وبقيت انا ليك شؤاطى امان

نعيمك جوة فى قلبى

ومعاهو سنين حياتى ضمان!!

Post: #25
Title: Re: تفاحتى ياآدم !!!!!!!!!!!!!!!!
Author: Abulbasha
Date: 06-01-2005, 01:55 PM
Parent: #24

كتب لها ذات مساء في زمان مضي من شواطيء الخليج :
يا ملهمتي ..
إني أشهد
الله تعالي أكرمني
صورك وأبدع في المشهد
فله الشكر وله أحمد
****
من لايزال يحتفظ بها فلينشرها ياشاعرتنا المبدعه
وشكرا لك .. ولكم أيضا
مع تحياتي من الخرطوم الفرحانه والمحتقنة في ذات الوقت

Post: #30
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-04-2005, 03:32 AM
Parent: #25

الغالى صلاح الباشا

عليك الله تنزل القصيدة دى

والله خاتها فى وسط اوراق كتيييييييييرة وهسة مشغولة مع ابوى مابقدر انكت الورق ده كلووووووو

نزلها وليك الحلاوة !!

Post: #26
Title: Re: تفاحتى ياآدم !!!!!!!!!!!!!!!!
Author: محجوب البيلي
Date: 06-02-2005, 08:04 AM
Parent: #1

الجميلة نادية عثمان
أعرف أنني متأخر دوما في أداء الواجب: الزيارات والمجاملات (بمعناها الإيجابي) والاحتفاء.
ودخول "بوستاتك" كان دائما موضوعا مؤجلا.
وكان أول ما ورد بخاطري أن أرد عليك شعراً، لكني خشيت أن تمر الأيام ولا أفعل.
أهنئك ـ ونحن ـ بهذا الشعر الجميل.
هذا الشعر الجميل.
لم أشأ أن أستعمل تشبيهاتٍ أومجازاً وكنايات في وصفه. ولو شئت لفعلت، ولكني فضلت أن أصفه بأبسط وأعظم ما فيه: شعر جميل. وموزون. وعميق. وصادق. وشفاف. ومقعّــد.
ما أحوجنا لمثل هذا الإبداع، للرقي بذائقة الناس، وطرد الغث من "النظم" البائس من حيواتنا.
Quote: ياريتنى اقدر اطير
وياريتك انت مطار

غردّي ... ما شاء لك الإبداع
وطيري ... إن قدرت
واقتلينا بهذه الـ نيران الصديقة ... إن سمحت لك نفسك
ولولا بقية من إيمان، لدعوت الله أن يجعل أيامك كلها ... عصيبة

Post: #27
Title: Re: تفاحتى ياآدم !!!!!!!!!!!!!!!!
Author: خدر
Date: 06-03-2005, 01:26 AM
Parent: #26

تفاحتى ياآدم

عذبت ليه حواك ؟!!!

Post: #34
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-05-2005, 12:51 PM
Parent: #27

خدر ابو الولد (المشروع)


Quote: تفاحتى ياآدم

عذبت ليه حواك ؟!!!


تسلم على المرور العاجل ياابو الولد المحظوظ!!

Post: #31
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-04-2005, 05:23 AM
Parent: #26

الرائع محجوب البيلى



Quote: الجميلة نادية عثمان
أعرف أنني متأخر دوما في أداء الواجب: الزيارات والمجاملات (بمعناها الإيجابي) والاحتفاء.
ودخول "بوستاتك" كان دائما موضوعا مؤجلا.
وكان أول ما ورد بخاطري أن أرد عليك شعراً، لكني خشيت أن تمر الأيام ولا أفعل.
أهنئك ـ ونحن ـ بهذا الشعر الجميل.
هذا الشعر الجميل.
لم أشأ أن أستعمل تشبيهاتٍ أومجازاً وكنايات في وصفه. ولو شئت لفعلت، ولكني فضلت أن أصفه بأبسط وأعظم ما فيه: شعر جميل. وموزون. وعميق. وصادق. وشفاف. ومقعّــد.
ما أحوجنا لمثل هذا الإبداع، للرقي بذائقة الناس، وطرد الغث من "النظم" البائس من حيواتنا.

Quote: ياريتنى اقدر اطير
وياريتك انت مطار


غردّي ... ما شاء لك الإبداع
وطيري ... إن قدرت
واقتلينا بهذه الـ نيران الصديقة ... إن سمحت لك نفسك
ولولا بقية من إيمان، لدعوت الله أن يجعل أيامك كلها ... عصيبة



هذه المداخلة الحميمة جعلتنى اتمنى بعض ايام عصيبات اخر عل القصيد يداهمنى مخاضه المر فاكتبه هاهنا لتأتى انت وتنثر على دررك هذه وتطوّق جيدى بعقد الكهرمان

فانتشى واسعد ليس بالاطراء الرقيق فحسب وانما بصدق التعبير وسلاسة الاسلوب الذى تكتب به رأيك فيدخل الى القلب تووووووووش مباشرة

الف شكر لشخصك النبيل

وكان مارا من بيوتاتى دوما فوجودك يسعدنى

ولاتبخل على بقولك الطيب هذا فهو دافع لى للكتابة والسرد الصادق ..

Post: #32
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 06-04-2005, 09:50 AM
Parent: #31

ناديه كتبت:
Quote: لو كنت جد واحشاك

كان تقبل الاعذار

ماكنت تبعد يوم

وتزيد عليا النار

اسرنى يامحبوب

يامكمن الاسرار

حبك ملك روحى

سكن الشرايين جار

*** ***

انا قلبى جد بهواك

رغم الطريق اخطار

كل املو يسعد بيك

جاك فى دروبك سار

ياريتنى اقدر اطير

وياريتك انت مطار

آدم نسائم الحب

مابتبقى يوم اعصار

مهما اختلفنا اكيد

تلد الليالى نهار !!!!


و انا بقوليك:

واحشاني يا بت موت
بس الزمن غدّار
وعشان بريدك موت
بتقبّل الاعزار
دايراني امشي افوت
وتعيشي انتي ودار؟
ابدا وحاتك يوم
ما كنت فيك بحتار
لا سكتك مليت
لا اخترتا غيره مسار

*****
يا ستي فرحان بيك
اشواقي ليكي كتار
يا ساكنه ديمه معاي
مسكونة بي الاخطار
يا واحشه حتى الغيم
حبك كما الاعصار
بلقاكي مهما اروح
جوه الحنايا ازار
موجودة في دمي
وازدته بيكي فخار
موعود وبحلم بيك
جوه الحنايا نهار
يفضح ضلام الخوف
الفتّر المشوار
يا فرحي مشتاق ليك
ردي القليب الطار
خليني افرح بيك
ماتزيدي فيني النار


عبدالله وداعه
لندن 04.06.2005

Post: #33
Title: Re: تفاحتى ياآدم !!!!!!!!!!!!!!!!
Author: Abulbasha
Date: 06-04-2005, 01:07 PM
Parent: #32

شكراً ناديه
وجدنا النص - ياملهمتي- منشوراً بموقع ودمدني منذ ثلاثة أعوام ونزلناه هنا في بوست جديد
وللعلم فإن موقع ودمدني الرشيق الذي يصدر من شبابنا في جده بقيادة المبدع الأستاذ أبوبكر المبارك هو : www.wadmadani.com

Post: #35
Title: Re: تفاحتى ياآدم !!!!!!!!!!!!!!!!
Author: Safa Fagiri
Date: 06-05-2005, 01:44 PM
Parent: #33

نادية ......
جميل ذلك الشعر
النبطي....
شكرا لانسيابك
وروعة حروفك الثملة...

Post: #36
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-06-2005, 05:51 AM
Parent: #35

العزيزة صفاء فقيرى

Quote: نادية ......
جميل ذلك الشعر
النبطي....
شكرا لانسيابك
وروعة حروفك الثملة...


شكرا جزيلا على الرقة اللامتناهية

ومرورك الباهى اسعدنى جدا وتعبيرك الانيق اثلج صدرى

لك كل المحبة عزيزتى صفاء

Post: #37
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-06-2005, 04:37 PM
Parent: #33

صلاح الباشا

تسلم على الموقع يارائع

وشكرا على القصيدة الخالدة


واموت فى جمال وروعة واد مدنى الحلووووة

Post: #40
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-07-2005, 12:51 PM
Parent: #32

الرائع عبد الله وداعة الامين

قلت:



Quote: واحشاني يا بت موت
بس الزمن غدّار
وعشان بريدك موت
بتقبّل الاعزار
دايراني امشي افوت
وتعيشي انتي ودار؟
ابدا وحاتك يوم
ما كنت فيك بحتار
لا سكتك مليت
لا اخترتا غيره مسار

*****
يا ستي فرحان بيك
اشواقي ليكي كتار
يا ساكنه ديمه معاي
مسكونة بي الاخطار
يا واحشه حتى الغيم
حبك كما الاعصار
بلقاكي مهما اروح
جوه الحنايا ازار
موجودة في دمي
وازدته بيكي فخار
موعود وبحلم بيك
جوه الحنايا نهار
يفضح ضلام الخوف
الفتّر المشوار
يا فرحي مشتاق ليك
ردي القليب الطار
خليني افرح بيك
ماتزيدي فيني النار



وهاك منى قول:



غنيت عشان عينيك

ودوبيت وقت مسدار

انا عارفة ريدك جد

مافيهو اى هظار

لكن كمان مليت

طعم البعاد الحار

*** *** ***


آدم تعال القاك

سابح فى بحرى حنان

غذى الفؤاد والروح

انا قلبى ليك جيعان

يازولى كم بهواك

وكم عاشقك الشريان !!

*** *** ***


واحشنى من سنوات

ولو شفتك امبارح

مشغول تملى دوام

انا عقلى فيك سارح

انعل ابو الاشواق

آدم هواك جارح !!!


Post: #41
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 06-07-2005, 09:22 PM
Parent: #40

نادية قالت:


Quote: غنيت عشان عينيك

ودوبيت وقت مسدار

انا عارفة ريدك جد

مافيهو اى هظار

لكن كمان مليت

طعم البعاد الحار

*** *** ***


آدم تعال القاك

سابح فى بحرى حنان

غذى الفؤاد والروح

انا قلبى ليك جيعان

يازولى كم بهواك

وكم عاشقك الشريان !!

*** *** ***


واحشنى من سنوات

ولو شفتك امبارح

مشغول تملى دوام

انا عقلى فيك سارح

انعل ابو الاشواق

آدم هواك جارح !!!


وهاك دي يا ناديه

دوّّب غناك الشوق
وامتدى زي النار
يا ستي فرحان بيك
حبك بزيدني فخار
انا في البعاد مليت
وبالجد كمان محتار
السكة ليه بتخون
وتكتر الاعزار
ما دام هوانا عفيف
ما هزتو الاقدار

بلقاكي بحر الريد
جوة الحنايا امان
ممهورة في الانفاس
متساربة في الاشجان
يا ستي اهلا بيك
زيدي المحنة حنان
خليني افرح بيك
واعطر الوجدان
يا احلى من الناس
يا اغلى مني كمان

واحشاني قبل القاك
ولمن تكوني معاي
مشغول وعايش بيك
يا ساكنة في جواي
يا باسطة ايدك ريد
خلي المحبة دواي
وانسيني في جواك
امكن تلاقي هواي
مسكون وعايش بيك
وامكن تلاقي غناي



عبدالله وداعه الامين
لندن 08.06.2005

Post: #44
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-09-2005, 05:40 PM
Parent: #41

الرائع عبد الله وداعة الامين


قلت:



Quote: دوّّب غناك الشوق
وامتدى زي النار
يا ستي فرحان بيك
حبك بزيدني فخار
انا في البعاد مليت
وبالجد كمان محتار
السكة ليه بتخون
وتكتر الاعزار
ما دام هوانا عفيف
ما هزتو الاقدار

بلقاكي بحر الريد
جوة الحنايا امان
ممهورة في الانفاس
متساربة في الاشجان
يا ستي اهلا بيك
زيدي المحنة حنان
خليني افرح بيك
واعطر الوجدان
يا احلى من الناس
يا اغلى مني كمان

واحشاني قبل القاك
ولمن تكوني معاي
مشغول وعايش بيك
يا ساكنة في جواي
يا باسطة ايدك ريد
خلي المحبة دواي
وانسيني في جواك
امكن تلاقي هواي
مسكون وعايش بيك
وامكن تلاقي غناي



وهاك منى قول :

آدم هواك مكشوف

ماغطى نورو ستار

ياحبى ريدنا عفيف

زى روعة الازهار

مشروح امام الكون

ماقلنا ياستار

ريدنا المقدس جد

فعل القلوب السار

*** *** ***

الفين مراحب بيك

يانغمة ياالحان

آدم نهار الليل

عامر القلب تحنان

يامرهف الاحساس

ياملك ملوك انسان

يازولى من تبيت

ماشفت ملكا خان!!!

*** *** ***

عازف هواك قلبى

قانون يداعب نآى

اوعك تفارقنى

ترسم خطاوى شقاى

انت الفرح يوم فات

وانت الفرح لو جاى !!

عارفة الولف كتّال

آدم غرامو هناى !!!

نادية عثمان
القاهرة فى هذا اليوم ..عشرة يونيو 2005م

Post: #51
Title: Re: تفاحتى ياآدم !!!!!!!!!!!!!!!!
Author: نجود حسن عبد الرحمن
Date: 09-10-2005, 07:56 AM
Parent: #40

العزيزة ندويه العسسسسسسسسسسسسسسسل

طالعه منك أغنياتنا






بالجد كلامك معبر ورررررررررررررررائع

Post: #52
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-10-2005, 08:26 AM
Parent: #51

الغالية نجود حسن عبد الرحمن


Quote: طالعه منك أغنياتنا






طالعة منك انتى فرحة

شايلة من موناليزا لمحة

لابسة توب العز وشاحك

والعفاف يارائعة طرحة
*** ***


طالعة منك كلمة طيبة

زى قليب يالسمحة اخضر

كلو عاشق جاى باكى

تلقى فى بوستك معسكر

انتى حلوة وانتى سكر

انتى تحلية جاية طاعمة

قالوا منقة وقالوا كستر !!!

Post: #60
Title: Re: تفاحتى ياآدم !!!!!!!!!!!!!!!!
Author: نجود حسن عبد الرحمن
Date: 09-11-2005, 09:54 AM
Parent: #52

Quote: انتى حلوة وانتى سكر

انتى تحلية جاية طاعمة

قالوا منقة وقالوا كستر !!!




شكرررررررررررا كتيييييييييير على الكلام الرائع ده والله حيرتينى عديل كده
تسلمى الله يخليك












بس خايفه سجيمان يقرا الكلام دة يفتكر نجود دى سلطه فواكه

Post: #61
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-11-2005, 03:23 PM
Parent: #60

الغالية نجود حسن عبد الرحمن



انتى تشكيلة فواكه

انتى حزمة من الورود

جيتى من عند الله آية

بيكى ابتسم الوجود

سمحة زى عيدنا المبارك

دون فواصل او حدود

نور وجيهك استراحة

كلما نذهب نعود

شان نشوف عينيك جميلة

وحمرة فى لون الخدود

قادر الله الخلقك انتى

وتسلم الجابت نجود !!

Post: #72
Title: Re: تفاحتى ياآدم !!!!!!!!!!!!!!!!
Author: نجود حسن عبد الرحمن
Date: 09-14-2005, 00:35 AM
Parent: #61

يموجُ القلبُ في كونٍ رحيبِ

و يشدو الحبّ في لحنٍٍ غريبِ

فبعضُ اللّحنِ صمتي و دموعي

وبعضُ اللّحنِ قولي........ يا حبيبي

Post: #38
Title: Re: تفاحتى ياآدم !!!!!!!!!!!!!!!!
Author: مهدى الصادق السيد
Date: 06-06-2005, 08:19 PM
Parent: #1

مساجلات رائعة
اتحفونا بالمزيد
تحياتى لكل المبدعين وشكرنا استاذه نادية على البوست الرائع
الذى جعل الجميع يحاول ان يخرج ما بداخله نرجو المزيد
ابو الصادق

Post: #39
Title: Re: تفاحتى ياآدم !!!!!!!!!!!!!!!!
Author: ديامي
Date: 06-06-2005, 09:26 PM
Parent: #38

Quote: لاتستطيع طبعا

كيفن تسيب حبى

ياغالى انا راسماك

خارطة طريق قلبى

الشاعرة الرقيقة نادية
ليت كل خرط الطريق تؤدي إلى مثل هذا القلب

Post: #46
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-10-2005, 02:15 AM
Parent: #39

ديامى العزيز


شفتك وابتهجت

وين ياغالى انت ؟!!!



Quote: الشاعرة الرقيقة نادية
ليت كل خرط الطريق تؤدي إلى مثل هذا القلب



تسلم ويسلم قلبك الحنين يارب

هذا القلب له خارطة وبوصلة تتجه دوما باتجاه الرائعين من امثالك ياديامى الغالى

كن بالف خير ولك منى كل التقدير

Post: #42
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-08-2005, 04:51 PM
Parent: #38

الاكرم مهدى الصادق السيد


Quote: مساجلات رائعة
اتحفونا بالمزيد
تحياتى لكل المبدعين وشكرنا استاذه نادية على البوست الرائع
الذى جعل الجميع يحاول ان يخرج ما بداخله نرجو المزيد


شكرا على التشجيع والكلام الجميل

وشكرا على مرورك الباهى جدا

كن معنا هنا شاهدا على ميلاد القصيد يارجلا عاشقا للحرف الانيق

Post: #43
Title: Re: تفاحتى ياآدم !!!!!!!!!!!!!!!!
Author: صلاح شعيب
Date: 06-08-2005, 06:05 PM
Parent: #42

الزميلة نادية عثمان


انا سعيد بالحيوية دي ويلا واصلي في ابداعك شان تؤكدي للملأ انو الصحفيين قادرين يبدعوا كمان مع تحياتي

Post: #45
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 06-09-2005, 08:24 PM
Parent: #43

ناديه قالت:


Quote: آدم هواك مكشوف

ماغطى نورو ستار

ياحبى ريدنا عفيف

زى روعة الازهار

مشروح امام الكون

ماقلنا ياستار

ريدنا المقدس جد

فعل القلوب السار

*** *** ***

الفين مراحب بيك

يانغمة ياالحان

آدم نهار الليل

عامر القلب تحنان

يامرهف الاحساس

ياملك ملوك انسان

يازولى من تبيت

ماشفت ملكا خان!!!

*** *** ***

عازف هواك قلبى

قانون يداعب نآى

اوعك تفارقنى

ترسم خطاوى شقاى

انت الفرح يوم فات

وانت الفرح لو جاى !!

عارفة الولف كتّال

آدم غرامو هناى !!!


اها هاكي مني دي:


مكشوف هوانا زمان
ما شابتو الاسرار
لاعاشو عاشق يوم
لا غنتو الاطيار
شروهو وسط الغيم
اتلافتو الازهار
زرعوهو في الانسام
اتوشحو النوار
غرسوهو جوة الروح
الروح غشاها ستار
يفضح جمال عينيك
الخبتو الانظار
يا ستي فرحان بيك
فرح الحطب بي النار
خليني اسعد بيك
ونكمل المشوار

لو الولف كتال
انا بالفك كل بوم
يا سارقة مني الشوف
انا بي هواك مغروم
خليني في جواك
اصحى ومعاكي انوم
احضن مراسي هواك
جوه الخلايا احوم
وارمي الملامة علي
لو كان بفيد اللوم
يا اغلى من نفسي
حبك علي مقسوم

قلبي وهواك احباب
قبال اشوف عينيك
قبال عيون الشوف
تحكي الجمال الفيك
يا ساكنة جوة الروح
ومعايا بحلم بيك
ختيني وسط الشوق
امكن احاكي مشيك
او صدفة تستناك
مني الخطاوي تجيك
مسكونة بي الافراح
من العشق تهديك
بيتين محبة وريد
من الحنان تسقيك
وتكوني ليا ملاذ
دنياي واحلى شريك


عبدالله وداعه الامين
لندن 09.06.2005

Post: #47
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 06-10-2005, 06:37 AM
Parent: #43

الزميل الصحافى المخضرم صلاح شعيب

لك التحايا الباسقات

ولك التقدير على مرورك الانيق من دوحتى هذه ايها الرجل الاخضر القلب..

تقابلنا كثيرا فى القاهرة فهل تزكرنى ؟!!

Quote: انا سعيد بالحيوية دي ويلا واصلي في ابداعك شان تؤكدي للملأ انو الصحفيين قادرين يبدعوا كمان مع تحياتي



اصل الصحافة ابداع ياصديقى وانت خير مثال على روعة الصحفى المبدع

كن بالف خير ولاتغب عن بيوتاتى فوجودك يسعدنى جدا ..

Post: #48
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 07-18-2005, 06:33 PM
Parent: #47

فووووووووووووووووووووووووق يا نادية مشتاقين

Post: #49
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 09-10-2005, 00:04 AM
Parent: #48

و فوق تاني عشان نادية وكل الحلوين

Post: #50
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-10-2005, 05:18 AM
Parent: #49

تسلم كتييييييييييير ياعبد الله

ويلا نواصل الغنا هنا وهناك وهناك وفى كل بوستاتنا الحلوة

سمح؟!!

Post: #53
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 09-10-2005, 09:03 AM
Parent: #50

Quote: تسلم كتييييييييييير ياعبد الله

ويلا نواصل الغنا هنا وهناك وهناك وفى كل بوستاتنا الحلوة

سمح؟!!


تسلمي انتي نادية
ويلا نشيل كتف الغنى الميل

ودي

Post: #54
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-10-2005, 04:11 PM
Parent: #53

Quote: ويلا نشيل كتف الغنى الميل



نشيل انغامنا تحضن نأى

نجر النمّة والدوبيت

نحب الهامنا لما يقول

نرص القافية بيت فوق بيت

حروفنا السامية مابتتعب

ولابترفض تقولها ابيت !!

تعال ياأدم المحبوب

ياما عشانك اتحديت

نسيتنى خلاص نقول يعنى ؟!!

ولا مشيت واتناسيت ؟!!

بحبك ياعشوق جدا

لو حبيتنى لو صديت !!!!

Post: #55
Title: Re: تفاحتى ياآدم !!!!!!!!!!!!!!!!
Author: Abureesh
Date: 09-10-2005, 07:13 PM
Parent: #54

طبعـا بعـدمـا ضـربـوا التفاحـة، أمنـا حـواء نزل فى الهنـد، وأبونـا أدم نزلت فى دنقلا.. وبعـد تعب شــديـد إتلاقـوا فى ســواكن

Post: #58
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-11-2005, 08:49 AM
Parent: #55

الاخ الاكرم ابو الريش

امنا امنة دى امنة بت وهب تقصد ؟!!

طيب علاقتها شنو بامنا حواء زوجة ابونا ادم الضربوا التفاحة ؟!!

اها ولاقصدك امنة محمد اوشيك ؟!!


هههههههههههههههه


تسلم على المرور المفرح

Post: #110
Title: Re: تفاحتى ياآدم !!!!!!!!!!!!!!!!
Author: القلب النابض
Date: 10-08-2005, 10:39 AM
Parent: #55

والمشكلة يا ابو الريش ... حواء فتشت لما كرعيها اتغبروا .. ولمن لقت ادم قشت

كرعيها وقالت ليه انا نزلت هنا اصلي ما اتحركت...

Post: #56
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 09-10-2005, 08:09 PM
Parent: #54

Quote: نشيل انغامنا تحضن نأى

نجر النمّة والدوبيت

نحب الهامنا لما يقول

نرص القافية بيت فوق بيت

حروفنا السامية مابتتعب

ولابترفض تقولها ابيت !!

تعال ياأدم المحبوب

ياما عشانك اتحديت

نسيتنى خلاص نقول يعنى ؟!!

ولا مشيت واتناسيت ؟!!

بحبك ياعشوق جدا

لو حبيتنى لو صديت !!!!


كيف انساكي يا روحي؟
منوالقال ليك انا اتناسيت
وانتي براكي عارفة الشوق
بعذب فيني من تاتيت
عشان يا حسي بتمناك
وبستناك اقول ياريت
يجيني هواكي في الانسام
وتسكني فيني بالتقصيت
وتحلمي في مراسي هواي
حلم زولا نسى الدوبيت
وسلم امرو لي الايام
وقال ياروح انا اتبريت
عنادك هدّى فيني الحيل
اربت والله ما باريت
عذاب الدنيا غير عينيك
وغربة شديدة ساده البيت
لانو هواكي جد مني
اريت يا روحي ماني صحيت
وما صحيت خيوت النور
عشان القاكي مهما ابيت
موهطة جوة ساكنة معاي
وفوق عينك انا اتمديت
وسحر الدنيا مالي سماي
ومن سحرك انا اتغتيت


عبدالله وداعه الامين
11.09.2005

Post: #57
Title: Re: تفاحتى ياآدم !!!!!!!!!!!!!!!!
Author: HOPEFUL
Date: 09-10-2005, 10:57 PM
Parent: #56

حواء


خار تجلدي
وأندلق الصبر


خذي تفاحتك
وكل الصور


واختلي بنفسك
بقية العمر


فقد تعبت


آدم
سودانيز اون لاين
11/9/2005م

Post: #59
Title: Re: تفاحتى ياآدم !!!!!!!!!!!!!!!!
Author: magdi elmahi
Date: 09-11-2005, 09:18 AM
Parent: #57

ناديه
تتاوقى من شرفة وجع النيل
زى نزول المطر وبروق العينة
........
التحبه لك وانت تحركين كل المشاعر والاغنيات
المدسوسة لى زمن الوجع والفرحة والليل زالشجون
والتحيةه لك وانت تهطليين فى جدباء الابداع
فنرى جمال المداخلات بذات الروعة المكتومة
بذات النفس بذات الشق المموسق احرفاً وجمالاً
امطرى واسقى
وليمطر العشاق من اهل البورد .
فلم نكن نعرف انهم كثر
لكم عبق التحايا جميع المتداخليين الرائعين

مجدى الماحى

Post: #62
Title: Re: تفاحتى ياآدم !!!!!!!!!!!!!!!!
Author: Abureesh
Date: 09-11-2005, 03:33 PM
Parent: #59

ناديـة،

صلحتهـا..

بعدين أقول شعـر قديـم مقفى.

Post: #67
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-12-2005, 06:34 AM
Parent: #62

العزيز ابو الريش


Quote: ناديـة،

صلحتهـا..

بعدين أقول شعـر قديـم مقفى.




حلو التصليح .. وامنة بت وهب برضو امنا !!

اها منتظرين طلتك الحلوة ..

Post: #68
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-12-2005, 08:38 PM
Parent: #59

الرائع دون فواصل مجدى الماحى



Quote: ناديه
تتاوقى من شرفة وجع النيل
زى نزول المطر وبروق العينة
........
التحبه لك وانت تحركين كل المشاعر والاغنيات
المدسوسة لى زمن الوجع والفرحة والليل زالشجون
والتحيةه لك وانت تهطليين فى جدباء الابداع
فنرى جمال المداخلات بذات الروعة المكتومة
بذات النفس بذات الشق المموسق احرفاً وجمالاً
امطرى واسقى
وليمطر العشاق من اهل البورد .
فلم نكن نعرف انهم كثر
لكم عبق التحايا جميع المتداخليين الرائعين

مجدى الماحى


فى الساعات الاولى من بزوغ فجر جديد ..طالعت بوحك الحميم هذا

فشعرت بالفرحة تسرى فى وجدانى .. ودم القصيد يفور فى ثنايا الهامى فرحا لكونه حاز على هذا الاعجاب من رائع مثلك ..

لك التحايا السوامق

وشرفنى مرورك الباهى جدا

Post: #63
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-11-2005, 03:34 PM
Parent: #57

هبفول .. جمال .. آدم


تسلم على المرور المفرح

ومنى اليك تفاحة شهى طعمها

هدية من فراديس الود الباقى بين الناس الصالحين الانقياء ابد الدهر

الف شكرا علىالطلة الحلوة

Post: #65
Title: Re: تفاحتى ياآدم !!!!!!!!!!!!!!!!
Author: عبدالعظيم عبدالله
Date: 09-11-2005, 05:30 PM
Parent: #63

أيتها الرائعة نادية لك كل الود وتهنئة خاصة لهذا الابداع الذي اثلج صدورنا وجعلنا ننفض الغبار عن اوراقنا القديمة عسى ان نضفي لهذا الالق قليلا من البريق رغم انك وبريقك الساطع قد كفيت ووفيت لكن ارجو ان تسمحي لي بهذه الكلمات .



في إنتظارك

أين أنت يا ست البشر
أنا في انتظارك أبد الدهر
في دجى الليالي وضوء القمر
تحت الشمس وتحت المطر
في البر وفي السماء وفي البحر
أناجي طيفك كل العمر
فأنتظترك رغم الخطر
رغم بلوغي الكبر
فجفت دموعي من القهر
قهر الشوق والامل والضجر
فذابت شموعي فما الامر
إنه الحب وطول السهر
فأين أنت يا ست البشر
****
ها أنا بين يديك
ها أنا ألامس خديك
ها أنا أجلس بين رجليك
فلا أتركك تقلّب كفيك
****
معا نقتسم خبز الحيات
معا نسير في الدرب حفات
معا نرسمه حتى الممات
فلا سبيل لتدخل الجنات
بسموم القول والنمنمات
مهما قالوا فها أنا آت
يكفيني حبك فهو سر الحياة

كلمات : عبدالعظيم عبدالله
بيروت : 17/1/2005

Post: #74
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-14-2005, 02:15 PM
Parent: #65

الاكرم عبد العظيم عبد الله



Quote: في إنتظارك

أين أنت يا ست البشر
أنا في انتظارك أبد الدهر
في دجى الليالي وضوء القمر
تحت الشمس وتحت المطر
في البر وفي السماء وفي البحر
أناجي طيفك كل العمر
فأنتظترك رغم الخطر
رغم بلوغي الكبر
فجفت دموعي من القهر
قهر الشوق والامل والضجر
فذابت شموعي فما الامر
إنه الحب وطول السهر
فأين أنت يا ست البشر
****
ها أنا بين يديك
ها أنا ألامس خديك
ها أنا أجلس بين رجليك
فلا أتركك تقلّب كفيك
****
معا نقتسم خبز الحيات
معا نسير في الدرب حفات
معا نرسمه حتى الممات
فلا سبيل لتدخل الجنات
بسموم القول والنمنمات
مهما قالوا فها أنا آت
يكفيني حبك فهو سر الحياة

كلمات : عبدالعظيم عبدالله
بيروت : 17/1/2005





فى انتظارك برضو قلبى

انت بس ماتغيب كتير

روحى فى بعدك عذابها

نار فراقك من سعير

انت حبى الاصطفيتو

ايوة توّجتك أمير

اوعا ماتطوّل غيابك

ويذبل العمر النضير !!

Post: #64
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-11-2005, 05:22 PM
Parent: #56

Quote: كيف انساكي يا روحي؟
منوالقال ليك انا اتناسيت
وانتي براكي عارفة الشوق
بعذب فيني من تاتيت
عشان يا حسي بتمناك
وبستناك اقول ياريت
يجيني هواكي في الانسام
وتسكني فيني بالتقصيت
وتحلمي في مراسي هواي
حلم زولا نسى الدوبيت
وسلم امرو لي الايام
وقال ياروح انا اتبريت
عنادك هدّى فيني الحيل
اربت والله ما باريت
عذاب الدنيا غير عينيك
وغربة شديدة ساده البيت
لانو هواكي جد مني
اريت يا روحي ماني صحيت
وما صحيت خيوت النور
عشان القاكي مهما ابيت
موهطة جوة ساكنة معاي
وفوق عينك انا اتمديت
وسحر الدنيا مالي سماي
ومن سحرك انا اتغتيت


عبدالله وداعه الامين
11.09.2005




روحى الفى هواك بتروح

اعلنت الغرام والبوح

ملانة بهم حزن وجروح

وبانية عشان هواها صروح

عشانك ياحبيب غنيت

حاكيت القمارى تنوح

نافست الوتر والنآى

حاكيت ليك بلابل الدوح

تعال انا شوقى فات الحد

ودموعى هطولة نازلة تسوح !!!

Post: #66
Title: Re: تفاحتى ياآدم !!!!!!!!!!!!!!!!
Author: HOPEFUL
Date: 09-12-2005, 04:46 AM
Parent: #64


رأيت آدماً يوماً
وكأن الهم على رأسه قد انهمر
قلت أيا آدم
مالي أراك شاحب الوجه منكسر؟
خبرني فاني شغوف عليك
ولا تدع النار فيني تستعر
قال والحزن لصيق بصوته
مهلاً بني ولا تستعجل الخبر
ما بي ثقيل حمله عليك يتعثر
قلت وجلاً عليه
دع الهم بيننا ينشطر
اطرق قليلا ثم قال
اليك بني سري وأياك أن ينتشر
قلت وحقك عندي سرك محفوظ
حفظ الؤلوة في احشاء البحر
قال حواء..
حواء
غدر من صنع القدر
صرخت من هولي مزمجراً
ابتااااااه
حواء .. حواء؟!
أهي من جعل صفوك يكتدر
قال حواء ضلعة مني
ارتدت اليه كتلة من جمر
قلت
كف..

حواء لوحة معلقة علي قلبي
فلا تبهت فيني اجمل الصور

قال بني
ألم اقل لك
اني ما بي حمله عليك يتعثر؟
؟؟؟؟
؟؟
؟

ومضى أبي.. فجلست مكانه ..وأنتظرت ابني

ستار




12/سبتمبر2005
سودانيزاون لاين

Post: #75
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-14-2005, 03:41 PM
Parent: #66

قال حواء..
حواء
غدر من صنع القدر
صرخت من هولي مزمجراً
ابتااااااه
حواء .. حواء؟!
أهي من جعل صفوك يكتدر
قال حواء ضلعة مني
ارتدت اليه كتلة من جمر
قلت
كف..

Quote: حواء لوحة معلقة علي قلبي
فلا تبهت فيني اجمل الصور

قال بني
ألم اقل لك
اني ما بي حمله عليك يتعثر؟
؟؟؟؟
؟؟
؟

ومضى أبي.. فجلست مكانه ..وأنتظرت ابني

ستار




جمال

اقول ليك حاجة ؟!!

والله لى كم يوم امشى واجى غلبنى الارد بيهو على كلامك ده !!

اقايتو نحنا الكلام الكبار ده مابنقدر نرد عيهو .. بنقراهو بس !!

تسلم على المرور الباهى

Post: #69
Title: Re: تفاحتى ياآدم !!!!!!!!!!!!!!!!
Author: محمد ادم ابوكيفو
Date: 09-13-2005, 05:52 AM
Parent: #1

الاستاذه ناديه عثمان
ان كانت الايام العصيبه كذلك فكيف تكون الكلمات في الايام غير العصيبه؟؟؟
هل تصدقين اعددت شيئا جميلا لكنني وجدته ضد التيار السائد فآثرت الاحتفاظ به ليوم اخر
ابوكيفو

Post: #70
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-13-2005, 06:35 AM
Parent: #69

الخ الاكرم محمد آدم ابو كيفو

اسعدنى مرورك الوسيم من هذا البوح العصيب!!


Quote: ان كانت الايام العصيبه كذلك فكيف تكون الكلمات في الايام غير العصيبه؟؟؟


وللايام غير العصيبة بوحها ..ولكنه بطعم ونكهة اخرى اكثر رفاهية ودلال ونعومة !!


Quote: هل تصدقين اعددت شيئا جميلا لكنني وجدته ضد التيار السائد فآثرت الاحتفاظ به ليوم اخر


رجاء خاص جدا :

ليتك تبثه فى وجداننا الان وليس يوما اخرا فالحزن والبؤس يكادان يعصفان بالروح الطيبة فى هذا الوطن الافتراضى !!

Post: #71
Title: Re: تفاحتى ياآدم !!!!!!!!!!!!!!!!
Author: محمد ادم ابوكيفو
Date: 09-13-2005, 07:00 AM
Parent: #70

الاستاذه ناديه
حينما وجدت الجميع يغردون بصوت واحد مع السرب قلت في نفسي ولماذا لا اغرد بعيدا عن السرب يعني اتجاه فيصل القاسم
فانا لي اسبابى مع حواء واظنها من بوح واندياحات احدى الايام العصيبات

وهي ما جادت به القريحه الان

ظلامه يا حواء
مسكين انا البهواك
ما كنت هاني البال
لي يوم غشاني هواك
زرعتي فيني الشيب
هلكتي روحي هلاك
انا كنت فارس الحوبه
وسحري قوي فتاك
وهسع بقيت مجنون
من يوم جريتا وراك
اصلوا لومك حار
ذي طعنة الاشواك
قبلان تحديكي
وقسما برب البيت
قادر اسيبه هواك



ابوكيفو

Post: #77
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-14-2005, 04:18 PM
Parent: #71

Quote: ظلامه يا حواء
مسكين انا البهواك
ما كنت هاني البال
لي يوم غشاني هواك
زرعتي فيني الشيب
هلكتي روحي هلاك
انا كنت فارس الحوبه
وسحري قوي فتاك
وهسع بقيت مجنون
من يوم جريتا وراك
اصلوا لومك حار
ذي طعنة الاشواك
قبلان تحديكي
وقسما برب البيت
قادر اسيبه هواك





ظالمنى ياآدم

من قلبى جد بهواك

لايوم جفيت شخصك

لاقلت راح انساك

مالك بقيت قاسى

ورميتنى فى الاشواك

انا ليكا تفاحة

روعة وقليبى ملاك

تهوانى دون كيفك

وبى كيفك اتحداك !!!!

Post: #90
Title: Re: تفاحتى ياآدم !!!!!!!!!!!!!!!!
Author: محمد ادم ابوكيفو
Date: 09-18-2005, 10:15 AM
Parent: #77

الاخت نادية تحياتي

تفاحتي يا حواء
حبك ملكني سكن
شاريكي بي كيفي
ودافع قليبي تمن
يالساكنه في عمقي
ومنداحه منو لحن
كل ما اقول ابعد
القاكي عايشه فيني وطن
ذي طابية ام درمان
ورفيرا والمقرن
هم في القلب راسخين
متجزرين زمام ورسن
تفاحتي الزمن فرقنا
ومن عزه ما اتمكن
مستني بس عوده
وبي قربك اتسلطن
يا بت ملوك النيل
بي كيفي جد بهواك
يا راقية المعدن

Post: #92
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-22-2005, 05:44 PM
Parent: #90

العزيز محمد ادم ابو كيفو

انتظرنى بجيك تانى للرد بى مزااااااااااج

Post: #96
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-25-2005, 05:04 AM
Parent: #90

الشاعر محمد ادم ابو كيفو



Quote: تفاحتي يا حواء
حبك ملكني سكن
شاريكي بي كيفي
ودافع قليبي تمن
يالساكنه في عمقي
ومنداحه منو لحن
كل ما اقول ابعد
القاكي عايشه فيني وطن
ذي طابية ام درمان
ورفيرا والمقرن
هم في القلب راسخين
متجزرين زمام ورسن
تفاحتي الزمن فرقنا
ومن عزه ما اتمكن
مستني بس عوده
وبي قربك اتسلطن
يا بت ملوك النيل
بي كيفي جد بهواك
يا راقية المعدن



تفاحتى ياآدم

ليك منى كم غنية

ادخل شرايينى

متعنى بالدنيا

يامبهج الارواح

يامنتهى المنية

** **


ياغالى يااشراق

انا ليك وهبت الدم

ياسيدى لينا فرح

لاغربة لاتقول هم

انا جاية ليك شمسة

فى الوحدة حب وعشم

*** ***

لو عارف الاشواق

ودتنى وين فاتت ؟!!

ماكنت تبعد يوم

للغربة تتهافت

قبال تعود راجع

تلقى الدموع ماتت !!

Post: #99
Title: Re: تفاحتى ياآدم !!!!!!!!!!!!!!!!
Author: محمد ادم ابوكيفو
Date: 09-26-2005, 07:59 AM
Parent: #96

الاستاذه والشاعره نادية
لك كل التحايا
هل تصدقين يا اختاه لقد توقفت منذ وقت بعيد عن قول هذه الكلمات التي اسميها
تجاوزا شعر وخاصة العامي منها الا ان دخلت جنتك هذه اوصالونك اذا صحت التسميه
فوجدت نفسي فيها بعيدا عن ساس يسوس الذي غمسنا انفسنا فيه
صدقيني يا اختاه انت بارعة جدا ولا تعتزي كثيرا بهذه الشهاده لانها من شخص غير ذي المام بهذا الضرب نرجوا فقط ان نكون خفيفي الظل علي هذا الصالون وان يظل مفتوحا كصالون مي زياده وفوز بنت المورده ورصيفتها بنت العباسيه
وسوف اعود بمزآآآآآآج ايتها الاخت الرقيقه.

ابوكيفو

Post: #100
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-26-2005, 09:10 AM
Parent: #99

الشفيف محمد ادم ابو كيفو



لوجودك طعم السعادة فى هذا البوست ومرحبا بك دوما اضافة نوعية ثرة جدا لهذا المكان


Quote: نرجوا فقط ان نكون خفيفي الظل علي هذا الصالون وان يظل مفتوحا كصالون مي زياده وفوز بنت المورده ورصيفتها بنت العباسيه
وسوف اعود بمزآآآآآآج ايتها الاخت الرقيقه.



والله لقد اسعدنى هذا الكلام وشرفنى كثيرا ..صالون مى زيادة وفوز بت الموردة وبت العباسية ؟!!

يالها من سعادة !!

كن دوما هنا ايها الشفيف..

Post: #106
Title: Re: تفاحتى ياآدم !!!!!!!!!!!!!!!!
Author: محمد ادم ابوكيفو
Date: 09-28-2005, 10:02 AM
Parent: #100

تفاحتي يا حواء
يا منبع الافراح
بهدي لي نفسي
يا شمسي والاصباح
يكفيني بس شوفتك
ليمك سلافة الراح
رسمك ملاك طاهر
جبينك ندي ووضاح
ياسامقة ابنوس بور
نفسك عبير فواح
البقربك في الجنة
واليبعدك بتلازمو الاتراح
يانوارة البقعة
فتيهو مونليزا وصبايا ارض الشام
بجمالك المنداح
اتهنئ بي عزه
وفي مرافي الكون
درويش انا وسواح

+ + + +

تفاحتي ياحواء
اسيان وبتألم
فارقتهم اتنين
عزه تاج راسي
وحواء الللجراح بلسم
وبقيت رصيف اتنين
سفر بهد الحيل
ووحشة وكترة هم
بتحملمو خاشع
خاطر بلادنا تتقدم
وتبقي سلطانة
واطفالنا تتعلم
برضو الامل باقي
حلمان ومتعشم
يا نبض الحروف الحلوة
في سودان جديد نتلم
امسح دميعاتك
نتصافح ونتسالم
نعوض زمنا الفات
ولقساوتو نترحم
جاييكي يا قدري
يانصفي يا ملهم
تفاحة واتقّّسمت نصين
نفرح ونتباسم

ابوكيفو

Post: #93
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-23-2005, 06:05 PM
Parent: #77

تفاحتى !!

Post: #111
Title: Re: الاختلاف لا يفسد الود
Author: shak
Date: 10-08-2005, 02:27 PM
Parent: #71

الاستاذة نادية
لك الود .. ومساهماتك القيمة فى البورد
عفوا لدى سؤال.. ودعينا نمارس ثقافة الاختلاف عبر اسئلة اعتقد انها مشروعة .. هل كل ما نكتبه يمكن ان ننشره بغض النظر ان كان جيدا او عاديا ؟ وهل هذه القصيدة تعتبر من القصائد المميزة بالنسبة لك حتى تنشريها ؟ لقد قرات لك مسادير فى غاية الروعة .. والتفاحة التى امامى الان وهذا راى الشخصى "وهو غير ملزم لاى احد" .. هذه القصيدة عادية جدا ولا تستحق ان تنشر ولن تضيف الى دفتر ابداعك الثر شيئا فلماذا الاستعجال فى نشرها ؟ ولن يكون مبررها اطلاقا " الايام العصيبة " .. كثير من الناس يتعرضون لايام عصيبة " وليس بالضرورة ان يعبروا عنها شعرا؟واذا فشلوا فى تمرير التجربة الانسانية عبر مفاعل الابداع لا يجب ان يجبروا انفسهم على نشر قصيدة هشة غير متماسكة فقط لانهم مروا بتجربة قاسية .. تذكرى اننى الوحيد الذى غرد خارج سرب امتداح القصيدة ومجاراتها . والمسالة ليست طق حنك .. والاختلاف لا يفسد الود لك احترامى وتقديرى لابداعك ودمت لاخيك
شاك

Post: #73
Title: Re: تفاحتى ياآدم !!!!!!!!!!!!!!!!
Author: نجود حسن عبد الرحمن
Date: 09-14-2005, 08:00 AM
Parent: #1




كنوز جواك مابتكمل تضوي الليل وتتجمل

زي عصفوره حامت فوق وركت في قليب أنبل
كنوز من شهدك الفياض ونكهة روحك الصندل
ماانت سواحلك الأفراح و منبع نيلك المنهل
وصورتك شرفة الأيام مشاهد نجمة تتجول

Post: #79
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-14-2005, 05:57 PM
Parent: #73

نجود الحبيبة


Quote: كنوز جواك مابتكمل تضوي الليل وتتجمل

زي عصفوره حامت فوق وركت في قليب أنبل
كنوز من شهدك الفياض ونكهة روحك الصندل
ماانت سواحلك الأفراح و منبع نيلك المنهل
وصورتك شرفة الأيام مشاهد نجمة تتجول




تسلمى ياشبيهة الدر

جميلة وناعمة كالمخمل

زولا شاف جمال عينيك

محال عن ريدها يتحوّل

زى شحات غرام مكتول

يقيف فى بابك يتسوّل

صفوف العاشقين بالكوم

جات فى الجنة تتجوّل

حبوك يانجود فرسان

وانتى غرامهم الاوّل !!!

Post: #76
Title: Re: تفاحتى ياآدم !!!!!!!!!!!!!!!!
Author: Adil Osman
Date: 09-14-2005, 03:51 PM
Parent: #1



نادية عثمان، اختى بت ابوى..
ادم وحوا.. هم سبب المشاكل دى كلها!!
للفنان احمد الجابرى اغنية لذيذة فيها كلام عن اغراء حواء لادم لحدى ما ساب الجنة ذاتها!
للاسف ما متذكر الكلمات.
ساعدونا يا جماعة!!

Post: #78
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 09-14-2005, 05:30 PM
Parent: #76

ما اصلو قالوا الريدة ذاته
بتعلم الزول العبادة
وحوه من زمنا بعيد
زايدة دايما في عناده
واصلو كان ادم بريدة
مسكين يغالب في غلاته
يبرى في حوه وحلاته
لما فات الجنة ذاته


عادل لك الود وشكرا للطلة

Post: #80
Title: Re: تفاحتى ياآدم !!!!!!!!!!!!!!!!
Author: HOPEFUL
Date: 09-15-2005, 01:03 AM
Parent: #78


ندويه العسل سلام ومحبة وكثيف احترام ...
ارجو أن تجدوا لي العذر فأنا لست ضليعا في هذا المجال بما يتناسب مع هذا الجمال .. ولكن تجدوا لي العذر ان احببت هذا المكان لاتنفس فيه بين الحين والحين كلما احسست برغبه في نجر شئ جديد من باب التنفيس والترويح ...
فاعذروني علي شغل هذه المساحة بما هو اقل
ولنا في ابداعك انتي وضيوفك السلوى


****
برانا
انا وحوا
في جنة هوانا
اتبادلنا
الحب النفيس

وعلي ايقاع قلوبنا
الدافقة شباب
اتجاذبنا
اطراف الرقيص

وحكينا اجمل لغه
مازجنا احلا كلام
وانسجم فينا الحديث

طربانه قلوبنا
فرحانه حروفنا
رقصت حلفت تقيف

ولو شفتوا يا ناس انبسطنا كيف..





سودانيز اون لاين
14/9/2005م

Post: #81
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-15-2005, 09:43 AM
Parent: #80

بجيك ياجمال ماشة مشوار

سمح ؟

Post: #82
Title: Re: تفاحتى ياآدم !!!!!!!!!!!!!!!!
Author: معتصم دفع الله
Date: 09-15-2005, 12:15 PM
Parent: #81

جميل كل هذا يا ندوية ..


بس خلوني أجي راجع بـ ..

آدم وحواء للراحل المقيم الجابري ..

Post: #86
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-16-2005, 08:32 PM
Parent: #80

جمال


Quote: برانا
انا وحوا
في جنة هوانا
اتبادلنا
الحب النفيس

وعلي ايقاع قلوبنا
الدافقة شباب
اتجاذبنا
اطراف الرقيص

وحكينا اجمل لغه
مازجنا احلا كلام
وانسجم فينا الحديث

طربانه قلوبنا
فرحانه حروفنا
رقصت حلفت تقيف

ولو شفتوا يا ناس انبسطنا كيف..

سودانيز اون لاين
14/9/2005م




آدم وحواء

رمز الحب

وعشاق الزمن اخضر

نزلو عشان نعيش اتنين

من دنيا الغرام نسكر

نسكر بى نبيذ احساس

وبى عشقا نبيل أكبر

آدم وحواء

سر الكون مااظن اصلو يتفسّر !!!

Post: #84
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-16-2005, 06:20 AM
Parent: #78

الغالى عبد الله وداعة الامين



Quote: ما اصلو قالوا الريدة ذاته
بتعلم الزول العبادة
وحوه من زمنا بعيد
زايدة دايما في عناده
واصلو كان ادم بريدة
مسكين يغالب في غلاته
يبرى في حوه وحلاته
لما فات الجنة ذاته




ياسلاااااااااااااااااام



ياريت تنزلوا لينا الاغنية الحلوة دى بالله ياعبد الله

Post: #83
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-15-2005, 07:42 PM
Parent: #76

عادل ود ابوى


Quote: نادية عثمان، اختى بت ابوى..
ادم وحوا.. هم سبب المشاكل دى كلها!!
للفنان احمد الجابرى اغنية لذيذة فيها كلام عن اغراء حواء لادم لحدى ما ساب الجنة ذاتها!



يازول ادم وحواء سبب وجودنا على ارض الحب ..

والله نحنا اولادهم ديل البتاعين مشاكل من زمن هابيل وقابيل !!

Post: #85
Title: Re: تفاحتى ياآدم !!!!!!!!!!!!!!!!
Author: عثمان البشرى
Date: 09-16-2005, 06:56 AM
Parent: #1

أيتها المرأة ذات الحضور
أعرف كل هذا البهاء
وأعرف أيضا أنك تتواكبين
ولماذا لا نتلاقى فى السؤال عن محجوب!؟؟؟؟؟؟

Post: #91
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-18-2005, 06:35 PM
Parent: #85

عثمان البشرى .. يادهشتى التى تمشى على رجلين !!


الله..... لكم يسعدنى حضورك الذى اتوق اليه واشتاق كاشتياق فتاة التاسعة عشر لارتداء وشاح التخرج من الجامعة .. ثم بلوغ الخامسة والعشرين لارتداء فستانها الابيض المزركش المسمى زفافا ..


Quote: أيتها المرأة ذات الحضور
أعرف كل هذا البهاء
وأعرف أيضا أنك تتواكبين
ولماذا لا نتلاقى فى السؤال عن محجوب!؟؟؟؟؟؟



ياصديقى عثمان

نحن خلقنا للتلاقى فى الاساس !!

وعند خيمة الجمال الشريف وفى حضرة محجوب ..تجدنى امسك بجلبابك الاخضر لنذهب سويا الى ساحات التصوّف والعشق الابدى ..!

Post: #87
Title: Re: تفاحتى ياآدم !!!!!!!!!!!!!!!!
Author: منصوري
Date: 09-16-2005, 09:55 PM
Parent: #1

نادية.. شعر رائع وسلس ورقيق وينساب بدون عترسة قوافي شعرية.. وسهل التلحين..ويعبر عن مشاعر إنسانية رفيعة خاصة وعامة..وأحسن كتير جداً من الأشعار المقدمة ومتغني بيها ومسجلة في التلفزيون أو الإذاعة... بس خايف الديوان يكون إنطبع وفيهو الغلطة دي..
Quote: يالغبت عنى كتير

إنت كاتباها كدة .. وما أظن غايبة عليك.. وهي يجب أن تكتب هكذا..(يا الغبت عني كتير) طبعا الغلطة الصغيرة زي دى في المنبر الواحد بمر عليها مرور الكرام.. ومرات من اثر السرعة كلنا نكتب غلطات زي دي.. لكن أن تنطبع في ديوان يخص حضرتك ويكون خالد ودايم ارجو أن تصححيها..
أخوك
صديق منصوري

Post: #89
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-17-2005, 05:00 PM
Parent: #87

العزيز صديق منصورى


Quote: نادية.. شعر رائع وسلس ورقيق وينساب بدون عترسة قوافي شعرية.. وسهل التلحين..ويعبر عن مشاعر إنسانية رفيعة خاصة وعامة..وأحسن كتير جداً من الأشعار المقدمة ومتغني بيها ومسجلة في التلفزيون أو الإذاعة...


الله على الشهادة العظمة .. والله كلامك وسام على صدرى ايها النبيل ..


Quote: بس خايف الديوان يكون إنطبع وفيهو الغلطة دي..



لا ماتخاف لانو القصيدة دى انا كتبتها فى الرد هنا طوالى يعنى الهام فى ساعتو وانشاء الله لما انزلها فى الديوان القادم بصلحها ياغالى .. وياريت تلحنها لى وكت عجبتك !!

Post: #88
Title: فيض من الجمال النضير
Author: Yasir Abdulhai
Date: 09-16-2005, 11:55 PM
Parent: #1

نادية .. الشابة الخضراء وزيتونة ..

أدهشني هذا الفيض العذب الندي الذي ينعش الروح المتعبة .. انتي زوله رائعه يا بت عثمان وقلبك اخضضضضضضضضضضضار خضرة جروفنا.. الله يخليك .. قولى آمين .. نحتاجك بشدة.. نحتاج الى همساتك الحانية ولمساتك الشافية نعافر ونباصر بها ليالي الغربة الموحشة..

لك التحية والتقدير

ياسر عبد الحي
أبوظبي

Post: #95
Title: Re: فيض من الجمال النضير
Author: نادية عثمان
Date: 09-24-2005, 06:21 PM
Parent: #88

Quote: نادية .. الشابة الخضراء وزيتونة ..

أدهشني هذا الفيض العذب الندي الذي ينعش الروح المتعبة .. انتي زوله رائعه يا بت عثمان وقلبك اخضضضضضضضضضضضار خضرة جروفنا.. الله يخليك .. قولى آمين .. نحتاجك بشدة.. نحتاج الى همساتك الحانية ولمساتك الشافية نعافر ونباصر بها ليالي الغربة الموحشة..



الصديق النبيل ياسر عبد الحى

الله .....مااروع كلماتك الطيبة ايها الولد الطيب!!

سعيدة بأن تجد فى كلماتى حروفا تداعب وجدانك المرهف ..وتزيد سعادتى كلما وجدتك فى بيوتاتى لتعطيها رائحة الدفق الحميم ...

كن دوما هاهنا فوجودك يخفف شعور الغربة عن الوطن ياياسر ..

Post: #94
Title: Re: تفاحتى ياآدم !!!!!!!!!!!!!!!!
Author: Emad Abdulla
Date: 09-24-2005, 08:52 AM
Parent: #1

ناديه .. الحميله

حلمك شويه نادية .. الناس دي متسببه .. يفتشوا لي كواريك يفشوا بيها الوجع القديم الساكن جواهم .. و ما صدقوا لقوا كلماتك و انبهلوا ..
أشهد انك فنانه .. ذكيه .. و الطفل الفيك مشاغب لذيذ .. والأنثي الفيك جميله .. والجنون الخلاق جواك ولا أحلي ..
.....
رفقا بـ ( الأوادم ) يا ناديه يا بتي
تحياتي

Post: #97
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-25-2005, 01:46 PM
Parent: #94

النبيل عماد عبدالله

مرحبا بك بيننا مرة ومرات كتاااااااااارات جدا


Quote: حلمك شويه نادية .. الناس دي متسببه .. يفتشوا لي كواريك يفشوا بيها الوجع القديم الساكن جواهم .. و ما صدقوا لقوا كلماتك و انبهلوا ..
أشهد انك فنانه .. ذكيه .. و الطفل الفيك مشاغب لذيذ .. والأنثي الفيك جميله .. والجنون الخلاق جواك ولا أحلي ..
.....
رفقا بـ ( الأوادم ) يا ناديه يا بتي


اولا شهادتك وسام اضفته لقائمة اوسمتى النادرة والتى اعتز بها كثيرا

واما عن البكاء البوردابى فماتخاف على البورداب ببكوا واقفين ومابقعوا تب !!

Post: #98
Title: Re: تفاحتى ياآدم !!!!!!!!!!!!!!!!
Author: munswor almophtah
Date: 09-25-2005, 05:08 PM
Parent: #97

يا حواء بيتك كان
جوا الصدر منقوش
لا مبنى من عشه
أو من شعر منفوش
أو من حديد صادئ
أو من خليط مغشوش
بالدم مداميكو
مخلوطه خالقه عروش
مفروش بصدق الروح
والحب برش مفروش
مافيش مثل زيو
ما بتبنى زيو قروش
كل البشوفو بجن
بلغيس تغير وتهوش
خالص من التزوير
من كل خداع ورتوش
كل الجمال فيهو
مافيهو ذره وحوش
كلمة سلام ليهو
باب الدخول التوش
ترعاك كم فيهو
سحر العيون ورموش
ويا حواء لطفك بى
أنا أصلى زول مهبوش
صادق لطيف مخلص
يألف أليف مو شوش
ضحاك وناس جد
هادئ وظريف وبشوش
يا حواء قولى سلام
بتدخلى هسع توش
يا حواء قولى سلام
بتدخلى هسع توش


منصور كالقرى سبتمبر 25 005

Post: #101
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-26-2005, 07:21 PM
Parent: #98

Quote: يا حواء بيتك كان
جوا الصدر منقوش
لا مبنى من عشه
أو من شعر منفوش
أو من حديد صادئ
أو من خليط مغشوش
بالدم مداميكو
مخلوطه خالقه عروش
مفروش بصدق الروح
والحب برش مفروش
مافيش مثل زيو
ما بتبنى زيو قروش
كل البشوفو بجن
بلغيس تغير وتهوش
خالص من التزوير
من كل خداع ورتوش
كل الجمال فيهو
مافيهو ذره وحوش
كلمة سلام ليهو
باب الدخول التوش
ترعاك كم فيهو
سحر العيون ورموش
ويا حواء لطفك بى
أنا أصلى زول مهبوش
صادق لطيف مخلص
يألف أليف مو شوش
ضحاك وناس جد
هادئ وظريف وبشوش
يا حواء قولى سلام
بتدخلى هسع توش
يا حواء قولى سلام
بتدخلى هسع توش


منصور كالقرى سبتمبر 25 005




الفين سلام آدم

فارس حضارة كوش

صافى الضمير ابيض

طعم الفطير مرشوش

مرشوش لبن أبيض

مافيهو اى رتوش

ياغالى ياحبى

حبيت حكم قرقوش

اسجنى فى الشريان

قلبك وسيع الحوش

عاشقاك حرف نازف

يسكر كحرف الدوش

خلينى اسكن فيك

واهدينى تاج وعروش !!


القاهرة ..هذه اللحظة 27ـ9 /2005م

Post: #102
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-27-2005, 05:54 AM
Parent: #101

تفاحتى !!

Post: #103
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-27-2005, 09:55 AM
Parent: #102

عشان عيان بقيت قاسى ؟!!

لامنك سؤال فى يوم لاقدّرت احساسى

بموت من خوف قليبى عليك

وانت اظن بقيت ناسى !!

*** **

عشان عيان شفقت عليك

وسهرت الليل اقول يارب

وانت هناك عياك خلاك

لابتعرف حبيب لاحب

همك بس الم جسدك

وناسى الكاتلو هم القلب

*** ***

الف سلامة ليك آدم

رغم المر سكن جواى

يوم اللقيا بيك مسحور

اصلا قلبى زول بكاى

لو حسيت بنشوة حب

بشيل الهم لحزنى الجاى

فرحنا المابيدوم يومين

اريتو يدوم ويمحى شقاى !!!

Post: #104
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 09-27-2005, 06:13 PM
Parent: #103

بدعو الرب يقدرنى

ازيلك من صميم الروح

حبك صار جحيم الكون

مليتو كيانى هم وجروح

ملعون حبى ليك آدم

هدم جوايا ياما صروح

*** ***


بدعو الهى ينجدنى

من قلبى الرهيف بالحيل

كتير قررت انسى هواك

تانى اعود وليك اميل

نقطة ضعفى حب واشواق

وقليب مليان دموع وعويل !!

Post: #105
Title: Re: تفاحتى ياآدم !!!!!!!!!!!!!!!!
Author: munswor almophtah
Date: 09-27-2005, 09:09 PM
Parent: #104

مجنونه يا حواء
مسكونه بالإبداع
جذاب كلامك جد
صادق أصيل وشجاع
مشكوره يا حواء
عندك بيان ويراع
بعرف جميل القول
ماهو اللئيم مناع
للناس جميع واحد
من دون رياء وخداع
مشكوره يا حواء
مشكوره بالإجماع
مشكوره صادق جد
من غير غطاء وقناع
ربك يزيدك خير
ويديك صلاح ومتاع
يديك سعادة الروح
ويديك خصال وطباع
مشكوره يا حواء
مشكوره بالإجماع


منصور

Post: #107
Title: Re: تفاحتى ياآدم !!!!!!!!!!!!!!!!
Author: محمد ادم ابوكيفو
Date: 10-08-2005, 07:39 AM
Parent: #105

غبتي يا نادية شن جبتي؟؟
امل ان يكون العود احمد يزيل هذا الغبار عن هذا البوست

ابوكيفو

Post: #109
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-08-2005, 09:16 AM
Parent: #107

ابو كيفو


تسلم ياغالى

وخليك هنا وبلاش تسافر !!

Post: #108
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-08-2005, 08:02 AM
Parent: #105

Quote: مجنونه يا حواء
مسكونه بالإبداع
جذاب كلامك جد
صادق أصيل وشجاع
مشكوره يا حواء
عندك بيان ويراع
بعرف جميل القول
ماهو اللئيم مناع
للناس جميع واحد
من دون رياء وخداع
مشكوره يا حواء
مشكوره بالإجماع
مشكوره صادق جد
من غير غطاء وقناع
ربك يزيدك خير
ويديك صلاح ومتاع
يديك سعادة الروح
ويديك خصال وطباع
مشكوره يا حواء
مشكوره بالإجماع


منصور



مجنون كمان آدم

طعم العشق نعناع

رايداهو حد الموت

قلبى الولوف طماع

عايزاهو ليا براى

يلهمنى بالابداع

جننى ياآدم

زيد القليب اوجاع

وصلنى حد البوح

نشوة وهوى وامتاع

عذبنى بالهجران

غرقانة كايسة شراع

اسكنى جوة الروح

غيرك حياتى ضياع

شبّعنى ريدة ونم

اطعم قليبى الجاع

لو يوم تفوت أدم

قسما ارد الصاع !!


القاهرة فى هذه اللحظة 8 اكتوبر 2005

Post: #112
Title: Re: الاختلاف لا يفسد الود
Author: shak
Date: 10-08-2005, 02:32 PM
Parent: #108

الاستاذة نادية
لك الود .. ومساهماتك القيمة فى البورد
عفوا لدى سؤال.. ودعينا نمارس ثقافة الاختلاف عبر اسئلة اعتقد انها مشروعة .. هل كل ما نكتبه يمكن ان ننشره بغض النظر ان كان جيدا او عاديا ؟ وهل هذه القصيدة تعتبر من القصائد المميزة بالنسبة لك حتى تنشريها ؟ لقد قرات لك مسادير فى غاية الروعة .. والتفاحة التى امامى الان وهذا راى الشخصى "وهو غير ملزم لاى احد" .. هذه القصيدة عادية جدا ولا تستحق ان تنشر ولن تضيف الى دفتر ابداعك الثر شيئا فلماذا الاستعجال فى نشرها ؟ ولن يكون مبررها اطلاقا " الايام العصيبة " .. كثير من الناس يتعرضون لايام عصيبة " وليس بالضرورة ان يعبروا عنها شعرا؟واذا فشلوا فى تمرير التجربة الانسانية عبر مفاعل الابداع لا يجب ان يجبروا انفسهم على نشر قصيدة هشة غير متماسكة فقط لانهم مروا بتجربة قاسية .. تذكرى اننى الوحيد الذى غرد خارج سرب امتداح القصيدة ومجاراتها . والمسالة ليست طق حنك .. والاختلاف لا يفسد الود لك احترامى وتقديرى لابداعك ودمت لاخيك
شاك

Post: #113
Title: Re: الاختلاف لا يفسد الود
Author: عبدالله وداعه الامين
Date: 10-08-2005, 04:53 PM
Parent: #112

ناديه الناديه
كيفك يا ست البيت ؟

اولا رمضان كريم وتصومي وتفطري على خير
وثانيا الف حمدلله على السلامة.
ليك وحشه وجد فاقدنك
كل التحايا والود
انا طبعا لي مدة ما جيت بي جاي وشكلي كدى ضليت الدرب
واصلي ابداعاتك وانحنا جد مستمتعين ويديك الف عافية


ودي

عبدالله

Post: #115
Title: Re: الاختلاف لا يفسد الود
Author: نادية عثمان
Date: 10-08-2005, 09:32 PM
Parent: #113

عبد الله وداعة الامين


عودتك الى هذا البيت امر حتمى فارجو ان لاتتاخر ابدا ..

Post: #114
Title: Re: الاختلاف لا يفسد الود
Author: نادية عثمان
Date: 10-08-2005, 07:45 PM
Parent: #112

الاخ الاكرم شاك


التحايا السوامق وموفور التقدير وجزيل الاحترام وغزير السعادة بطلتك الباهية

ورمضانك كريم وتصوم وتفطر على خير يارب


مع كامل احترامى لوجهة نظرك وهى بالتأكيد لاتفسد للود اى قضية الااننى لاادرى عن اى قصيدة تتحدث فلدى فى هذا البوست وحده قرابة الاربعين قصيدة ؟!!

عموما ايا كانت القصيدة المعنية فهى حبيبة الى نفسى وتعبر عن موقف انسانى نبيل وقد لامست هذه الكلمة الهام كل من جاءوا يكتبون ردودهم عليها ولااظن ان كل هؤلاء يجاملون قصيدتى الهشة !! كما وجدتها انت !!

شكرا على المرور مرة اخرى .. ولك كل التقدير اخى شاك ..

Post: #116
Title: Re: الاختلاف لا يفسد الود
Author: نادية عثمان
Date: 10-09-2005, 06:09 AM
Parent: #114

تفاحتى !!

Post: #117
Title: Re: الاختلاف لا يفسد الود
Author: نادية عثمان
Date: 10-09-2005, 04:22 PM
Parent: #116

تفاحتى مرة عسل

ومرات مرارها شديد

آدم بكون مرات

زولا خصامو عنيد

ساعات بكون طيب

وقلبو الحنين غريد

بشتاق ويموت فى يوم

ومرات قساوتو تزيد

يقعد شهر دون شوف

وانا قلبى نارو تقيد

مرات يكون زى هم

وساعات بشائر العيد !!

Post: #118
Title: Re: الاختلاف لا يفسد الود
Author: garjah
Date: 10-10-2005, 02:02 AM
Parent: #117

نادية

سلام بحجم وطنا السودان





شايفك اون لاين خلي التقلة

عاملة صعبة مع ناس قر...قر

ومعانا بس... بغلة

ما تدينا نظرة وخليك من ناس هناي

اصلهم..... ثقلا

نباري بوستاتك نبنشر نقعد

نقرقر ساااي في السهلة

رسلي لي صورة اصلي خاتي ليك في راسي

صورة ....سخلة

رسلي لا تتاخري سريع قبل ما اقوم

سداري بالعجلة


شنو ليك راجيك وانتي بهناك تتراشقي


التقول بس... نحلة



خيمة حلمنتيش

سبتمبر2004

Post: #119
Title: Re: الاختلاف لا يفسد الود
Author: نادية عثمان
Date: 10-10-2005, 10:37 AM
Parent: #118

النبيل قرجة


Quote: نادية

سلام بحجم وطنا السودان


سلام وأمان من الله العظيم يغشاك اينما كنت اخى الاكرم

شكرا لمرورك المفرح والف مرحبا بك فى هذا الركن الآدمى ..

قصيدتك تنم عن روح الدعابة والمرح وهى هدية مقبولة منك ايها الرجل الكريم قرجة

رمضانك كريم

ومنتهى تقديرى وموفور احتراماتى لشخصك المهذب النبيل ..

Post: #120
Title: Re: تفاحتى ياآدم !!!!!!!!!!!!!!!!
Author: فيصل نوبي
Date: 10-10-2005, 10:53 AM
Parent: #1

Quote: تفاحتى مرة عسل

ومرات مرارها شديد

آدم بكون مرات

زولا خصامو عنيد

ساعات بكون طيب

وقلبو الحنين غريد

بشتاق ويموت فى يوم

ومرات قساوتو تزيد

يقعد شهر دون شوف

وانا قلبى نارو تقيد

مرات يكون زى هم

وساعات بشائر العيد !!


ممكن اسالك حواء كيف لما يكون ادم كده ؟

Post: #121
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-10-2005, 04:09 PM
Parent: #120

الغالى فيصل نوبى

تسلم على المرور المفرح جدا


Quote: ممكن اسالك حواء كيف لما يكون ادم كده ؟



حواء القلب مكسور

بتدور حبيب حانى

تتوكأ فوق فرحو

حنيتو علشانى

انا عاشقة طيبة زول

ماكان على جانى

غلطانة بغفر لى

لون الدموع قانى

غيرانة فاهمنى

وحاسس بوجدانى

انا لو قسيت آدم

ماتمشى تنسانى !!

Post: #122
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-10-2005, 05:49 PM
Parent: #121

Quote: تفاحتى مرة عسل

ومرات مرارها شديد

آدم بكون مرات

زولا خصامو عنيد

ساعات بكون طيب

وقلبو الحنين غريد

بشتاق ويموت فى يوم

ومرات قساوتو تزيد


ادم بينده ليك

يا سارقة منو الريد

ياساكنة جوة الجوف

والجوف حرارتو تزيد

موعود وبحلم بيك

موسم فرح غريد

يا جارية في دمو

باقيالو برضو وريد

يتماشى في الاحساس

زي الوهج عربيد

يقراكي يحلم بيك

يالبيكي حلمو نشيد

منضوم وخيتو بهاك

وبهاكي دربو بعيد

ما شافو عاشق يوم

او لاقى دربو وليد

ياستي فرحان بيك

واحشاهو انتي شديد

لو جاهو شوقك يوم

تلقيهو بيكي سعيد

ويباهي بيكي الكون

يا احلى من الغيد



عبدالله وداعه الامين
لندن هسّه دي 11.10.2005

Post: #123
Title: Re: تفاحتى ياآدم !!!!!!!!!!!!!!!!
Author: Kostawi
Date: 10-10-2005, 06:32 PM
Parent: #122

http://www.m-huether.de/ram/salim2.ram




Eve Gave Adam the Apple

Marie-Lynn Hammond

they say Eve gave Adam the apple
Adam didn’t want it at all
but though Adam was fussy that old Eve was a hussy
she talked him right into the fall

they say Eve gave Adam the apple
the poor man didn’t know what for
but as soon as he gave in to her original sin
the Big Boss kicked them out the door


chorus:
o-oh Eve, you got a bum rap, sister
Eve, I think you’ve been framed
whoever wrote the Bible should be sued for libel
’cause since then all your daughters
have been taking the blame

they say we’d still be in the garden of Eden
having picnics if it weren’t for Eve
at least that’s what the Pope and the Ayatollah
and guys like that would have you believe

oh but let’s take a look at what happened
after paradise was no more
Eve invented agriculture and art
Adam invented war...

...and nuclear technology to threaten our ecology
and sneaky male theology to dictate our biology
I think Adam and his buddies owe us all a big apology

chorus

they say Eve gave Adam the apple
now pardon me if I sound crude
but no matter who they say seduced who that day
Eve was the one who got screwed

chorus

we’re either whores or witches, madonnas or bitches
Eve, I think we’ve been framed
enough of this invective, let’s have some perspective
it’s been ten thousand years and we’re still taking the blame
but Eve we’ve had enough and things are starting to change
oh Eve we’re gonna clear your name

Post: #124
Title: Re: تفاحتى ياآدم !!!!!!!!!!!!!!!!
Author: محمد ادم ابوكيفو
Date: 10-11-2005, 09:09 AM
Parent: #123

السلام امان الاخت ناديه
لاتخافي لن اسافر
ابوكيفو

Post: #125
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-12-2005, 08:06 PM
Parent: #124

للتفاحة العودة دوما !!

Post: #126
Title: Re: تفاحتى ياآدم !!!!!!!!!!!!!!!!
Author: محمد ادم ابوكيفو
Date: 10-15-2005, 07:23 AM
Parent: #125

up

Post: #127
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-15-2005, 06:41 PM
Parent: #126

Quote: ادم بينده ليك

يا سارقة منو الريد

ياساكنة جوة الجوف

والجوف حرارتو تزيد

موعود وبحلم بيك

موسم فرح غريد

يا جارية في دمو

باقيالو برضو وريد

يتماشى في الاحساس

زي الوهج عربيد

يقراكي يحلم بيك

يالبيكي حلمو نشيد

منضوم وخيتو بهاك

وبهاكي دربو بعيد

ما شافو عاشق يوم

او لاقى دربو وليد

ياستي فرحان بيك

واحشاهو انتي شديد

لو جاهو شوقك يوم

تلقيهو بيكي سعيد

ويباهي بيكي الكون

يا احلى من الغيد



عبدالله وداعه الامين
لندن هسّه دي 11.10.2005




ناديت عليك آدم

ماسمعت منك رد

جيت أبكى كايسة الريد

شوقى الشديد اشتد

ولهانة سهرانة

جد عشقى فات الحد

من غربتك أرجع

اقلدنى جذر ومد

صابحنى بالافراح

سالمنى حضن ويد

مشتاقة لعينيك

أرجع تعال بالجد

آدم خصالو ملاك

لابتحصى لابتعد !!

بديك حياتى تعال

ادينى لهفة وود


القاهرة فى هذه اللحظة 16 اكتوبر 2005م

Post: #128
Title: Re: تفاحتى ياآدم !!!!!!!!!!!!!!!!
Author: معتصم دفع الله
Date: 10-15-2005, 06:47 PM
Parent: #127

وأنا جايي هسه دي ..


أقول ..
سلام يا نادية ..

Post: #129
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-15-2005, 07:03 PM
Parent: #128

Quote: وأنا جايي هسه دي ..


أقول ..
سلام يا نادية ..




قوام تعال آدم

الشوق غلبنى عديل

يامالك الشريان

يادمى دافق سيل

تاج رأسى ياآدم

فارس جسور بالحيل

النخوة ليك عنوان

كرمك تملى دليل

فرحانة بالطلّة

راجياها لياّ قبيل

يلاك تعال نحلم

يادوبو دخل الليل

الدنيا جنة ريد

وهابيل بيحب قابيل!!

القاهرة ..هسة دى 26 اكتوبر 2005م

Post: #130
Title: Re: تفاحتى ياآدم !!!!!!!!!!!!!!!!
Author: salamat
Date: 10-15-2005, 08:39 PM
Parent: #129

سلام يا نادية

Post: #131
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-15-2005, 10:56 PM
Parent: #130

Quote: ناديت عليك آدم

ماسمعت منك رد

جيت أبكى كايسة الريد

شوقى الشديد اشتد

ولهانة سهرانة

جد عشقى فات الحد

من غربتك أرجع

اقلدنى جذر ومد

صابحنى بالافراح

سالمنى حضن ويد

مشتاقة لعينيك

أرجع تعال بالجد

آدم خصالو ملاك

لابتحصى لابتعد !!

بديك حياتى تعال

ادينى لهفة وود



ناداني حس الشوق

يا احلى من الشهد

واحنّه من الناس

ورقيقة فايته الحد

مشتاق وبنده ليك

يا ست فؤادي مدد

دسيني في ريدك

بمسك حروفو عدد

واتلاشى في جواك

لو تبقي ليا سند

اقطع سراط الخوف

يديك قليبي الرد

ويقول بريدك موت

يابنية حبي الجد

تقريهو في عيوني

لايوم لهيبو خمد

لا فات بحار عينيك

لاريدو ليكي هجد

يقراكي في الانسام

لوفاح اريجك ند

اوجيتي في الاحلام

يا ستي سايقه المد

دافقاهو فيني حنين

لامرة يوم اتعد

لاعاشو عاشق يوم

لا مرة زارو الصد

ياروحي جيبي هواك

لو تبقي ليا عضض

بسقيكي من دمي

واقفل عليكي السد

يا نادية زيي كمان

وجماله ما بتحد



عبدالله وداعه الامين
لندن هسّه دي
16.10.2005

Post: #132
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-18-2005, 08:26 PM
Parent: #131

Quote: ناداني حس الشوق

يا احلى من الشهد

واحنّه من الناس

ورقيقة فايته الحد

مشتاق وبنده ليك

يا ست فؤادي مدد

دسيني في ريدك

بمسك حروفو عدد

واتلاشى في جواك

لو تبقي ليا سند

اقطع سراط الخوف

يديك قليبي الرد

ويقول بريدك موت

يابنية حبي الجد

تقريهو في عيوني

لايوم لهيبو خمد

لا فات بحار عينيك

لاريدو ليكي هجد

يقراكي في الانسام

لوفاح اريجك ند

اوجيتي في الاحلام

يا ستي سايقه المد

دافقاهو فيني حنين

لامرة يوم اتعد

لاعاشو عاشق يوم

لا مرة زارو الصد

ياروحي جيبي هواك

لو تبقي ليا عضض

بسقيكي من دمي

واقفل عليكي السد

يا نادية زيي كمان

وجماله ما بتحد



عبدالله وداعه الامين
لندن هسّه دي
16.10.2005




حزنانة ياأدم

جواى وجع مدفون

دمعى الغزير هاطل

الغيمة كاسية عيون

احساس مرير علقم

حسرة والم وشجون

بادلنى احساس ريد

عارفاك وديع وحنون

أحلى الغرام آدم

لو يبقى ريد مجنون

عايزاك قريب منى

ازرعنى وين ماتكون

زى شتلة فى الأعماق

عطّر شذاها الكون

أرسمنى جوّة بهاك

زى لوحة عشقت لون

عايزاك توأسينى

انا قلبى بيك مفتون !!

Post: #133
Title: Re: تفاحتى ياآدم !!!!!!!!!!!!!!!!
Author: osly2
Date: 10-18-2005, 09:54 PM
Parent: #132

Quote: واحشني برضو كمان
هاك خلي قلبي معاك
بايعاني بي طيبتك
شارياني عفة صفاك
لو اوسلى كل لناس
يا ستي ما بسلاك
لو تقسى دنيا الحب
بيهون معايا قساك
يا احلى من عيني
حلمك عليا عساك
تتمشي في دمي
وجوه العروق انساك

يا شوقى سلام
ما دام حشرت اسمى هنا شيل شيلتك
انا جاى لى حقى فى الورثه

Post: #134
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-18-2005, 10:01 PM
Parent: #133

ابو النسب الله يجازي محنك انا بكتب ليك بي هناك تنط لي بي هنا؟
هههههههههههههههههههههههههههههههههههههههههههههههه
والله ليك وحشة وطولتا من بكاك يا كمال
والله انا دموعي غرقتني وانتا غايب تعال يلا نشيل كتف البكا الميل

مع الاعتزار للقصيدة

ودي وتحياتي ومستننك

Post: #136
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-19-2005, 12:29 PM
Parent: #134

بختى والله

كان كده البوست ده حايكون فووووووووووق طوالى

كمال ووداعة هنا ؟!!

يامرحبا يامرحبا

Post: #139
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-19-2005, 05:50 PM
Parent: #130

سلامات

شكرا كتييييييييييير على الطلة الحلوة

Post: #137
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-19-2005, 04:07 PM
Parent: #123

كستاوى العزيز

تسلم على كل الروعة ايها الرجل الفاضل

وياليت الهامى انجليزيا لكنت رددت بقصيدة تناسب لطفك وجمال روحك الطيبة ..

Post: #138
Title: Re: تفاحتى ياآدم !!!!!!!!!!!!!!!!
Author: عماد شمت
Date: 10-19-2005, 04:55 PM
Parent: #137

الحبيب عبدالله وداعه والاخت الرقيقه ناديه وكل الحلوين ..
راكوبتكم همبريبها ضارب فوق .. وانا بقول ليه حواء وادم نزلوا من
فوق خلو الجنه وقعدو في الراكوبه ..
جيت ولبيت الدعوه ياوداعه لكن اكتب اقول شنو؟؟؟ والله الا اجيب كتاب الاغاني.
واصلوا.. المقام طيب والكلام حلو، يعني قعدنا في الهمبريبه .. بعد اذنكم طبعا
وبتمني لكل جميل في الراكوبه يتلفح بتوب العافيه ..

Post: #140
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-20-2005, 06:14 PM
Parent: #138

عماد شمت الرجل النبيل

سعدت جدا بمرورك الباهى الراقى

لك التحايا السوامق والشكر الجميل على بديع قولك الطيب مثل قلبك ايها العماد الشامخ..

Post: #141
Title: Re: تفاحتى ياآدم !!!!!!!!!!!!!!!!
Author: osly2
Date: 10-20-2005, 08:29 PM
Parent: #140


Post: #142
Title: Re: تفاحتى ياآدم !!!!!!!!!!!!!!!!
Author: osly2
Date: 10-20-2005, 09:01 PM
Parent: #141

جاييك ابوى ادم
شان اقسم التفاح
واديك كوم نبقك
باكر يجيك صباح
ومعاه بقجة دوم
تكسر سنون تمساح
عبدالله يا ابويا
داير نصيبى الراح
امرق حقوق ولدك
ما تبقى زول لفاح
وانا حالى من بعدك
ماسك وتد مساح
لمن اقيس القيف
الحد يكون رحراح
امسح صحارى الهم
جنزيرى تيه ورواح
عائش بعيد منك
ما لاقى لى مصباح
منى الشعور هارب
ويا حليلو قلبى الراح

Post: #143
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-21-2005, 07:11 AM
Parent: #142

Quote: جاييك ابوى ادم
شان اقسم التفاح
واديك كوم نبقك
باكر يجيك صباح
ومعاه بقجة دوم
تكسر سنون تمساح
عبدالله يا ابويا
داير نصيبى الراح
امرق حقوق ولدك
ما تبقى زول لفاح
وانا حالى من بعدك
ماسك وتد مساح
لمن اقيس القيف
الحد يكون رحراح
امسح صحارى الهم
جنزيرى تيه ورواح
عائش بعيد منك
ما لاقى لى مصباح
منى الشعور هارب
ويا حليلو قلبى الراح



وشعورى بيك أدم

مصباح بدون شمعة

خليتنى للاحزان

لشجونى واللوعة

زادى النهار الهم

وبالليل مرار دمعة

سايبنى ياآدم

لاراحة لاهجعة

منك حصادى عذاب

وقليب ملان وجعة

لو مت ذنبى عليك

لانجدة لافزعة

الحقنى ياآدم

زيد الغرام جرعة

من دمك أسقينى

احى الوريد سرعة !!!!

Post: #144
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-21-2005, 07:46 AM
Parent: #143

السحاب ما بدس مطر

شعر ..نادية عثمان مختار



يا سلام!!

انت قايل يعنى بعدك

ما بعيش في الدنيا ساعة

ولاّ فاكر انو دونك

نفسي بيضيق اتساعها

عامل انك انت مفرد

يسوى بين الناس جماعة ؟

يا سلام!!

**** **** ***

انت جواك شايف انك

مافى زى شخصك بشر

حاسس انو المولى خالقك

فى ثنايا الغيب خطر

الغرور ألفيك ظاهر

والسحاب ما بدس مطر

يا سلام !!

*** **** ***

انت شاهر فينا حبك

سيف مسلط في الرقاب

ريدك الاجبارى جدا

فيهو كم عشنا العذاب

الله بيحررنا منو

لا نظامي ولا انتساب

يا سلام !!

انت جبروتك هلكنا

ونحنا ما ناقصين شقا

قلت مخلوق طينة تانية

ونحنا فينا البقى بقى

انت ياهو الربي أداه

فيض جمال بيهو ارتقى
يا سلام !!

Post: #145
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-21-2005, 07:54 AM
Parent: #144

فوق كم

شعر : نادية عثمان مختار


ليه يأثرنى حبك

وانت مامهتم ؟

من ريدك هلكت

واتمليت بالهم

لااهديتنى قلبك

لا وريد الدم

وفوق كم ؟
*** *** **

هواي الجوّة روحي

بثير فيك الوجل

تخاف من صدق حبي

كأنو فعل خجل !!

أريت لا يوم هويتك

لاكان الحصل

وفوق كم ؟
*** *** ***

شايف انك أكبر

من ما تكون حبيبي

مستهتر بشخصي

وبي قدري ونصيبي

لا بتجبر خواطر

لا بهزك نحيبي

وفوق كم ؟

*** *** ***

ما ندمانة أبدا

وشن بيجدى الندم

انت الخاسر انت

وماكان العشم !!

وهبتك فيض محنة

وماصنت النعم

وفوق كم ؟
*** *** ***

حبنا لو جريمة

بعفيك من غرامي

لا تخاف تانى همسة

لا لهفة سلامي

بقدر أقول وداعا

وليك فائق احترامي

وفوق كم ؟

فوق كم ؟!!!!

Post: #146
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-21-2005, 05:19 PM
Parent: #145

فوق كم ؟؟

Post: #147
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-21-2005, 09:43 PM
Parent: #146

الحبيب والزول الرقيق عماد شمت
تحياتي وودي ايها الشفيف
تدهشنا دوما بطلتك الحلوة ودفئ روحك الطاهرة
سعيد هذا المكان-الروعة بروعت حروفك وهمس كلامك
وسعيد انا لانك مني
ودي وتحيات غلاد

ولسه مشتهنك يالمافي احلى منك

محبتي


عبدالله

Post: #148
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-21-2005, 09:46 PM
Parent: #147

اوسلي ابو النسب
كان الكلام حرقك يا ابوي انا خلاص بتك ما عاوزة ودا طرفي منها
بس بجيك الراس جايط والصداع هدى حيلي والله
كل التحايا وبحاول اديك تلفون ان شاءالله
تحياتي للمعاك ولك ودي

عبدالله

Post: #149
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-21-2005, 09:50 PM
Parent: #148

نادية النادية ازيك؟
تحياتي ووي بقدر جمال روحك وروعة حروفك
بعدين يا بتي ماقلتليك ماترمرمي كتير في رمضان دا؟
الرمرمة دي هي الجابت ليك الاسهال دا
اغيب ساعتين القاكي ملتي البوست كلو؟
عيني باردو وماشاءالله وبث
ودي وتحياتي


عبدالله

مسعلة من الخير
انتي ست البنات صايمة لسة؟
شايفه مختفيا خالص
تحياتي ليها

Post: #150
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-21-2005, 09:55 PM
Parent: #149

بقراك حرف لازم غناي
يا راسمة لي حروف الغنا
وبلقاكي في نبض الكلام
موسيقى حلوة مدندنة
واتنفسك بين السطور
روعة مشاعر احضنة
يازارعة جواي الحنين
ووجميلة تدينا الهنا
وقتين يغالبنا الزمن
ويودره الروح العنا
والشوق يساسق في العيون
والروح حنانه يحننه

****

اقراكي بي كل اللغات
واتوسدك جواي كتاب
واقالد الشوق البجيب
حرفينو ذكراكي الغياب
ياغايبة بي وهجك سنين
لو بغلب الشوق العتاب
اشتقتا ليك في كل يوم
واريتو لو بجدي العزاب
بفرح معاك رغم الزمن
والغربةوالسكة السراب
بس كوني لي كل الحروف
بقراكي لو ساكنة السحاب
واديكي من فرحي الكتير
ومحبة تمسح لي ضباب
الفرقة والزمن القديم
وسنينو يا اغلى الصحاب

عبدالله وداعه
21.10.2005

Post: #151
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-23-2005, 08:27 PM
Parent: #150

مكتولة بالاحباط!!!

Post: #152
Title: Re: تفاحتى ياآدم !!!!!!!!!!!!!!!!
Author: salamat
Date: 10-23-2005, 08:30 PM
Parent: #151

ليه كده بس

Post: #153
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-23-2005, 08:34 PM
Parent: #152

تسلم سلامات


Quote: ليه كده بس


بسبب التفاحة !!

Post: #154
Title: Re: تفاحتى ياآدم !!!!!!!!!!!!!!!!
Author: salamat
Date: 10-23-2005, 08:49 PM
Parent: #153

لابأس

هي تستعيد قوتها للبدء من جديد

Post: #155
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-23-2005, 09:10 PM
Parent: #154

سلامات


Quote: لابأس

هي تستعيد قوتها للبدء من جديد




مكتولة بالاحباط

ماقادرة ابدأ جديد

زعلنى محبوبى

ماراعى قرب العيد

معروف قليبى رهيف

غايظنى قلبو حديد

النجمة قالت لى

آدم هلالو سعيد

غشاشة يانجمة

زولك خصامو عنيد

الشمسة قالت لى

زول بعشق التجديد

صالحينى ياشمسة

مع زول بحبو شديد!!!

Post: #156
Title: Re: تفاحتى ياآدم !!!!!!!!!!!!!!!!
Author: salamat
Date: 10-23-2005, 09:20 PM
Parent: #155

الزول دا ياناديه
بتصنع التطنيش
ماأنت كلك زوق
عملتي ليه ريش
مابنافس العاشقين
قطعا حيجي الطيش

Post: #157
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-23-2005, 09:29 PM
Parent: #156

سلامات

Quote: الزول دا ياناديه
بتصنع التطنيش
ماأنت كلك زوق
عملتي ليه ريش
مابنافس العاشقين
قطعا حيجي الطيش




ختيتو زول واحد

فى قلبى من جوّة

شمسى وقمر ليلى

مهما البعاد سوّة

مكتولة فى ريدو

لاحولا لا قوّة

آدم ظلوم بالحيل

عذّب قليب حوّة !!

Post: #158
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-23-2005, 09:30 PM
Parent: #156

نادية سلامتك تاني
مالكي يا بتنا؟
ماكنتي كويسه الحاصبل شنو؟

Post: #159
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-23-2005, 09:47 PM
Parent: #158

Quote: نادية سلامتك تاني
مالكي يا بتنا؟
ماكنتي كويسه الحاصبل شنو؟



الحب عذاب بالجد

ياريتنى ماحبيت

انا اصلو كان مالى ؟!

للحب برايا مشيت

لا .. الحب براه جانى

فى الاول انا صديت

بس ماقدرت عليه

من كاسو تانى مليت

سكرانة بيهو الريد

للعالم اتحديت

آدم كفاى تعذيب

جد لى فؤادى أذيت !!!!


القاهرة .. فى اليوم ده 24 اكتوبر 2005

Post: #160
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-23-2005, 11:14 PM
Parent: #159

Quote: الحب عذاب بالجد

ياريتنى ماحبيت

انا اصلو كان مالى ؟!

للحب برايا مشيت

لا .. الحب براه جانى

فى الاول انا صديت

بس ماقدرت عليه

من كاسو تانى مليت

سكرانة بيهو الريد

للعالم اتحديت

آدم كفاى تعذيب

جد لى فؤادى أذيت !!!!


القاهرة .. فى اليوم ده 24 اكتوبر 2005



الحب عزاب معروف

ان درتو ولا ابيت

وعزابو نوع تاني

لو انتا بيهو سقيت

كل الخلق تسكر

وكمان تقول دوبيت

وانا بي عزابك جد

فرحان وهسّه مشيت

القاكي في نومي

بالفرحة سادة البيت

كاسياني بي نورك

بي عشقك اتدفيت

ايدك تنادي علي

وكمان تقول ياريت

تسقيني من ريدك

يا سيدي لو بس جيت

بديك حنان الكون

ومحنة ما حسيت

معناها في انسان

يا روحي من تييت

او باحو بيها عيون

لي زول بيقول حبيت

وعرفتا معنى الحب

وعزاب سنينو رضيت



لندن
24.10.2005

وحاتك يا نادية الكلام دا كتبتو في اقل من 5 دقايق
اها في داعي للسهر دا؟
الساعه 6.00 وانا لسه مانمتا

Post: #161
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-24-2005, 11:45 AM
Parent: #160

زهجانة منّ الحب

قاسى وشرابو مرير

آدم بيكون مرات

سادى ووقح شرير

ومرات بيكون نسمة

تلفح ليالى هجير

متشائمة من ذلك

ومن هذا حظى عسير

ندمانة شان حبيت

ياخى المحبة تطير

قد لايكون الريد

للطيبة ديمة سفير

وقد لايكون الكأس

للروح دوام اكسير

ونبيذ عديل قانى

قلبى العشوق سكّير

مامعنى هذا العشق

مرض الاحبة خطير

بتمنى قلبى يتوب

سيفا يعود لجفير !!

القاهرة .. الان ../ 24اكتوبر 2005م

Post: #162
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-24-2005, 11:45 AM
Parent: #160

زهجانة منّ الحب

قاسى وشرابو مرير

آدم بيكون مرات

سادى ووقح شرير

ومرات بيكون نسمة

تلفح ليالى هجير

متشائمة من ذلك

ومن هذا حظى عسير

ندمانة شان حبيت

ياخى المحبة تطير

قد لايكون الريد

للطيبة ديمة سفير

وقد لايكون الكأس

للروح دوام اكسير

ونبيذ عديل قانى

قلبى العشوق سكّير

مامعنى هذا العشق

مرض الاحبة خطير

بتمنى قلبى يتوب

سيفا يعود لجفير !!

القاهرة .. الان ../ 24اكتوبر 2005م

Post: #163
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-24-2005, 05:54 PM
Parent: #162

Quote: زهجانة منّ الحب

قاسى وشرابو مرير

آدم بيكون مرات

سادى ووقح شرير

ومرات بيكون نسمة

تلفح ليالى هجير

متشائمة من ذلك

ومن هذا حظى عسير

ندمانة شان حبيت

ياخى المحبة تطير

قد لايكون الريد

للطيبة ديمة سفير

وقد لايكون الكأس

للروح دوام اكسير

ونبيذ عديل قانى

قلبى العشوق سكّير

مامعنى هذا العشق

مرض الاحبة خطير

بتمنى قلبى يتوب

سيفا يعود لجفير !!

القاهرة .. الان ../ 24اكتوبر 2005م


زعل الاحبة كمان

بنقولوا برضو خطير؟

ابدا وحاتك لا

بس عيدي لي التفكير

امرك بحير جد

شيتك بدورلو فقير

يا "اوسلي"* انجدنا

البت قليبه بطير

لو غبته بس لحظة

او قلتا ريده عوير

تلقاهه ماده البوز

زي عقدة الجنزير

البت تكون مرضت

عاداها مرض الطير؟

الكنا نحنا زمان

بنقول عليهو سمير؟

ياحوة حبك جد

في داخلي ديمه كبير

بهواك وانتي الروح

بالجد هواك اكسير

ياساكنة في دمي

وحنينة زيي كتير


ـــــــــــــــــــــــــــ
* كمال اوسلي


عبدالله وداعه الامين
لندن
بدايه يوم الثلاثاء 25.10.2005

Post: #166
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-24-2005, 08:58 PM
Parent: #163

Quote: زعل الاحبة كمان

بنقولوا برضو خطير؟

ابدا وحاتك لا

بس عيدي لي التفكير

امرك بحير جد

شيتك بدورلو فقير

يا "اوسلي"* انجدنا

البت قليبه بطير

لو غبته بس لحظة

او قلتا ريده عوير

تلقاهه ماده البوز

زي عقدة الجنزير

البت تكون مرضت

عاداها مرض الطير؟

الكنا نحنا زمان

بنقول عليهو سمير؟

ياحوة حبك جد

في داخلي ديمه كبير

بهواك وانتي الروح

بالجد هواك اكسير

ياساكنة في دمي

وحنينة زيي كتير


ـــــــــــــــــــــــــــ
* كمال اوسلي


عبدالله وداعه الامين
لندن
بدايه يوم الثلاثاء 25.10.2005




عاتبنى ياآدم

أجرحنى على كيفك

أقلب حياتى جحيم

لوّن ربيع صيفك

أشتلنى جوة النار

أقلعنى من قيفك

هاك أقطع الشريان

أكتلنى بى سيفك !!!!



القاهرة هذا اليوم خمسة وعشرين اكتوبر ...سنة الفين وخمسة ميلادية

Post: #164
Title: Re: تفاحتى ياآدم !!!!!!!!!!!!!!!!
Author: salamat
Date: 10-24-2005, 08:47 PM
Parent: #1

فوق لحين عوده الشاعره القاهريه ناديه

Post: #168
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-24-2005, 09:31 PM
Parent: #164

Quote: فوق لحين عوده الشاعره القاهريه ناديه



سلامات سلام يازول

ياطيب الاحساس

ياغالى زى الروح

روعة ومسك أنفاس

ريحة شذى الياسمين

عبق الأحبة أساس

عشقك ملانى فرح

مابترضى فينى مساس

ياغالى راق دمى

ياأغلى من الماس

شوفة وهج عينيك

تعدل مزاج الرأس

آدم غرامك جد

فاض سيل ملا الكراس !!!!

Post: #165
Title: Re: تفاحتى ياآدم !!!!!!!!!!!!!!!!
Author: salamat
Date: 10-24-2005, 08:52 PM
Parent: #1

أتمني أن لايكون هناك احباط الي الابد وكل الازدهار للتفاحة النديه

Post: #167
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-24-2005, 09:19 PM
Parent: #165

ناديه والله نعسان وماشي انوم
الساعة تجاوزت الاربعه صباحا ولسه صاحي
وفوق دا كلو قافيتك جبتيها ذكورية دي اجيب ليها نون النسوة من وين وراسي لافي
لووووووووووووووووووووووووووووول
اشاور ادم واجي
وشكلك لسه زعلان وعاوزة لبانة
اجيبا من وين والدكاكين كلها قفلت؟


كل الود وتحياتي
عبدالله

Post: #171
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-25-2005, 05:45 PM
Parent: #167

عبد الله


Quote: وشكلك لسه زعلان وعاوزة لبانة
اجيبا من وين والدكاكين كلها قفلت؟


لسة مافتحت دكاكينكم ؟!!

Post: #170
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-24-2005, 10:10 PM
Parent: #165

Quote: أتمني أن لايكون هناك احباط الي الابد وكل الازدهار للتفاحة النديه



الاحباط مرض لعين انشالله ربنا يبعدو عن طريق كل الناس يارب


وكن بالف خير سلامات

Post: #169
Title: Re: تفاحتى ياآدم !!!!!!!!!!!!!!!!
Author: salamat
Date: 10-24-2005, 09:53 PM
Parent: #1

سلامات ياست الكل
والله قلبك عــــاد
ابيض وزي الفـــل
شايل حنان وشجن
زي شجره راميه الضل
بت ناس عزاز ولطاف
زي نغمه .. زي الطل

Post: #172
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-25-2005, 06:21 PM
Parent: #169

Quote: عاتبنى ياآدم

أجرحنى على كيفك

أقلب حياتى جحيم

لوّن ربيع صيفك

أشتلنى جوة النار

أقلعنى من قيفك

هاك أقطع الشريان

أكتلنى بى سيفك !!!!



القاهرة هذا اليوم خمسة وعشرين اكتوبر ...سنة الفين وخمسة ميلادية




ياخي العتاب مقبول

من زول يحس طيفك

يقراكا في الانسام

قبال يزور قيفك

اصل المحبة عتاب

لو ابقى بس ضيفك

اسقيني من هجرك

جرّح علي كيفك

مادام هواك مني

داويني بي سيفك

عبدالله وداعه
لندن
صباح 26.10.2005

Post: #175
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-25-2005, 09:09 PM
Parent: #172

Quote: ياخي العتاب مقبول

من زول يحس طيفك

يقراكا في الانسام

قبال يزور قيفك

اصل المحبة عتاب

لو ابقى بس ضيفك

اسقيني من هجرك

جرّح علي كيفك

مادام هواك مني

داويني بي سيفك
عبدالله وداعه
لندن
صباح 26.10.2005






جدلا بدور بينا

أكبر دليل للريد

وعتاب وكت يحصل

بنغنى بعدو نشيد

تحضن عيونى غرام

تهدينى قبلة عيد

خاصمنى بس مرات

يومين واوعا تزيد

صالحنى بالاشواق

ضمّة وحنان بيزيد

لو قلت بس معليش

تلقى الوتر غريد

ونغنى حتى الليل

يصبح صباحنا جديد

أفهمنى بس ارجوك

بتعيش معايا سعيد

لو جد بتهوانى

ماتبقى ياخى عنيد !!!!!

Post: #173
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-25-2005, 07:55 PM
Parent: #169

Quote: سلامات ياست الكل
والله قلبك عــــاد
ابيض وزي الفـــل
شايل حنان وشجن
زي شجره راميه الضل
بت ناس عزاز ولطاف
زي نغمه .. زي الطل





سلامات عليك ايضا

ياصافى قلبو عسل

سابحين فى بحر الريد

للشاطئ هل سنصل ؟؟

قلبى الهميم رياد

آدم غرامو كسل

الزول بريدو شديد

عشقا مصاحبو جدل

حيث الامان فى الكون

احساسى فيهو وجل

تفاحة بس فى الكون

بشرية تبقى أهل

جنتنا فوق الارض

فردوس نبيذها هطل

ياعشقى هل بالجد

فعل الخطيئة حصل ؟!!!!!!!!!!

Post: #174
Title: Re: تفاحتى ياآدم !!!!!!!!!!!!!!!!
Author: salamat
Date: 10-25-2005, 08:16 PM
Parent: #1

الله عليك يانادية ياحوة
آدم دازول غلبان
حباك من جوه
سهران يفكر فيك
شفتيه شن سوة?
الريدقسم وعذاب
وآدم اخو مروه
آدم دازول حبوب
وماهوزول عوة
صادق وماكضاب
من حبك اتلوي

Post: #176
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-25-2005, 09:39 PM
Parent: #174

عاين جنبك تلقانى مصنقرة فى كرسيك

فتش جواك تلقانى بعاين بى عينيك

اللقمة الماشة على خشمك

ادينى الكرم المن ايديك

فتش شريانك تلقانى

متوهّطة قاعدة اشاغل فيك

القلب القاعد ضاخى الدم

بدفّق فينى ومنى اليك

انا مطرك جيت فى الزمن الشين

شان اروى القحط الغشى واديك

أسمعنى فى روحك سارحة

اكورك واناديك

الدنيا الكعبة تبكيك يوم

ومرات تتشتت فرحا ليك

أمسك فى دربى ربيع ونضار

الحقد الحايم بيعضيك

سعرانة الدنيا بعد مرات

بالمر الحنضل بتداويك

ومرات تتفلهم فوقك جد

واجيك انا منك وانجيك

فتشنى فى دولابك مرات

ومخدة نومك ولون ماضيك

بدخل لى نفسك يامحبوب

وبقفل ابواب العمر عليك !!

Post: #177
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 10-25-2005, 10:04 PM
Parent: #176

اصلي من تبيت وقمتا ماضي في حرمان زماني
لا الفرح صحاني مرة ولا الوقت نقّص ثواني
لا الزمن وقف مسيرتو ولا ابتدا الزمن الفلاني
لاخطاي قدرت تواصل لا خطاك زارتني تاني
وعمري بس قضيتو غربة وفرقه تتوسد حناني
وانبهم حسي البهاتي وهجرت الساحات مكاني

***
اصلي من تبيت وقمتا ماضي مكتوب بالاماني
وفرحة من زمنا مشاتر لي زمن هجر المعاني
لي ديار مشحونه غربة وليل بيسال فجر داني
عن طيور مشتاقة تسال ولسه تحلم بالمواني
وانو طعم الفرحة اجمل لو نزل مطرك غشاني
وبلّة ريق الدنيا غيمك وعبى من نورك كساني

***
اصلي من تبيت وقمتا ديمه بديكي المحنة
ياما اسقيتك حناني وياما قلبك ليّا حنّا
بي حنين ريدي اصطفيتك يوم لقيتك انتا جنّة
فيها سافرنا وفرحنا وفي ظلال شوقا انتظرنا
بس لقيتك انتي قاسية واقسى من ظلمك زمنا
زي قليبك ديمه جافي وياما بي هجرو امتحنا


عبدالله وداعه
لندن
25.10.2005

Post: #180
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-27-2005, 09:09 PM
Parent: #177

Quote: اصلي من تبيت وقمتا ماضي في حرمان زماني
لا الفرح صحاني مرة ولا الوقت نقّص ثواني
لا الزمن وقف مسيرتو ولا ابتدا الزمن الفلاني
لاخطاي قدرت تواصل لا خطاك زارتني تاني
وعمري بس قضيتو غربة وفرقه تتوسد حناني
وانبهم حسي البهاتي وهجرت الساحات مكاني

***
اصلي من تبيت وقمتا ماضي مكتوب بالاماني
وفرحة من زمنا مشاتر لي زمن هجر المعاني
لي ديار مشحونه غربة وليل بيسال فجر داني
عن طيور مشتاقة تسال ولسه تحلم بالمواني
وانو طعم الفرحة اجمل لو نزل مطرك غشاني
وبلّة ريق الدنيا غيمك وعبى من نورك كساني

***
اصلي من تبيت وقمتا ديمه بديكي المحنة
ياما اسقيتك حناني وياما قلبك ليّا حنّا
بي حنين ريدي اصطفيتك يوم لقيتك انتا جنّة
فيها سافرنا وفرحنا وفي ظلال شوقا انتظرنا
بس لقيتك انتي قاسية واقسى من ظلمك زمنا
زي قليبك ديمه جافي وياما بي هجرو امتحنا

عبدالله وداعه
لندن
25.10.2005



أصلى من تبيت وقمتا

مالقيت قلبا حنين

وهسة لما لقيتك انتا

قلبى عاش فرح السنين

انت معنى البسمة عندى

وانت سر سرى الدفين

عاشقة فيك معنى الرجولة

وقلبك المخلص أمين

جيتنى فى زمنا حرقنى

واتمسح بيك الانين

همسة فى دنيا الاحبة

ومين عشق زول زى مين ؟!!

Post: #178
Title: Re: تفاحتى ياآدم !!!!!!!!!!!!!!!!
Author: salamat
Date: 10-26-2005, 10:59 PM
Parent: #1

هل نامت حواء هانئه ونسيت آدم النهارده

Post: #179
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 10-27-2005, 05:01 PM
Parent: #178

بس نظرة ياآدم ..

Post: #181
Title: Re: تفاحتى ياآدم !!!!!!!!!!!!!!!!
Author: salamat
Date: 10-28-2005, 06:45 AM
Parent: #1

up

Post: #182
Title: Re: تفاحتى ياآدم !!!!!!!!!!!!!!!!
Author: عبدالله وداعه الامين
Date: 11-24-2005, 09:48 PM
Parent: #181

ولسه نادية غايبة

Post: #183
Title: Re: تفاحتى ياآدم !!!!!!!!!!!!!!!!
Author: عماد شمت
Date: 11-27-2005, 04:30 PM
Parent: #182

كفاية تعال شغلت البال بألف سؤال ...

وين الحلوين وين راحوأ....

انشاء الله متعافيين ....

جيتونا وجيناكم ياحبايبنا.. للعلالي فوق... ننثر العبير ونتحلي بجمال الكلام
وننشر الخير والمحبه.....

كيف اخباركم الحبيب عبدالله وداعه والحبيبه ناديه والعقد الفريد

اتحفونا بروئعكم عطروا لينا المكان عشان يطيب المقام

تلبسوا دوما توب العافيه ولي فوق ولي قدام


Post: #184
Title: Re: تفاحتى ياآدم !!!!!!!!!!!!!!!!
Author: هشام آدم
Date: 12-03-2005, 03:13 PM
Parent: #183

شبّاك مرحلي


كلمة منك
دنيا كاملة
تبني جواي الفرح
وابتسامة ولو مجاملة
تشفي قلبي الانجرح


النص

الحنين المن عيونك
لمن يفتح فيني بابو
ألقى أضيق حتّة أوسع
من مكان عامر رحابو
وأنا دونما عينيكِ ببقى
زي مكان فاقد صحابو
في حضورو أعيش مفرهِد
وأبقى تايه في غيابو
يا سلام أنا من عيونك
لمن أشتاق لي عتابو
نظرة منك ليّ تكفي
إنو أغرق في سحابو
والكلام المن شفايفك
ما الكلام الكُنتَ عارفو

* * * * * * * *

لو أكون أنا من عيونك
أيّ حتّة تعايني ليها
أيّ فجّة ولو مكان
مافيهو إلاّ أتر مشيها
لو أكون أنا حتّة منِك
حتّى لو بتعذبيها
دي العيون يا نور عيوني
تبكي لو تتجاهليها
من قزاز أنا قلبي .. حاذري
والضلوع ما تكسريها

هشام آدم مايو 2000م
الرياض (لحظة عصيبة أيضاً)


الأستاذة ندى عثمان

أما زالت (حواء) تذكر (آدم) بهذه اللمسات الرومانسية الراقية؟
لقد كدنا ننسى طعم فاكهة الحنين
أُحييكِ من كل قلبي وأشكرك على هذا البوست الرائع

Post: #185
Title: Re: تفاحتى ياآدم !!!!!!!!!!!!!!!!
Author: Elmosley
Date: 12-03-2005, 06:41 PM
Parent: #184


Post: #186
Title: Re: تفاحتى ياآدم !!!!!!!!!!!!!!!!
Author: نادية عثمان
Date: 12-04-2005, 06:20 AM
Parent: #184

لكل الاحبة الهنا سلام

لآدم المعشوق سلام

ولحواء الرائعة سلام

وبجيكم راجعة تااااااااااااااانى !