Post: #1
Title: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا ؟؟
Author: نادية عثمان
Date: 11-28-2004, 01:48 PM
ياناس المنبر الحر اهلى الجداد والاحباء
انا طبعا جديدة عليكم برغم انى والحمد لله صديقة واخت لبعضكم ومعروفة لديهم ..لكن انا هسة بس عندى حاجة وسؤال صغييير مافاهماه ..كدى ياناس البورد القدامى بصفتكم خبرا قولو لى يعنى شنو انا اكتب رسالة ليكم بدمى وعميق ودى وكثير امتنانى على ترحيبكم بى وارسلها وهسة اجى افتش فيها سماء وارض ماالاقاها ؟انتو لامن رسائلكم تروح بتكون فاتت وين ؟لو فى الارشيف هو مكانو وين يااستاذ بكرى ابو بكر ؟
يعنى شنو لمن بوست يروح منكم وبتلقوهو وين تانى يابورداب الوطن الحر؟
المهم امبارح وفى رسالتى الراحت ديك فى ظروف غامضة كنت بحبكم كلكم فيها وماعارفة شوفتوها ولالا لانى كنت فى شغل برة وجيت هسة !! وهسة دايرة تاااانى اقول ليكم كتر خيركم ياعز الناس .
استاذ فضيلى جماع ماتتخيل شهادتك دى رفعت روحى لى ياتو مصاف ..حقيقة توجت مهنتى وابداعى بوسام رفيع وشهادة تقدير غالية
استاذ الموصلى ..سعيدة جدا بيك ياموسيقار يارائع وبالمناسبة انا اسمى بالاى وليس الواى لكن فى الصورة مكتوب ندية وليس نادية فقد رأى اخى ان المعنى واحدا فلاداعى لتغير الواى ولاانت رايك شنو ؟....انور كنج سعيدة بيك ،اشراقة مصطفى موش انتى زااتك البنوتة المثقفة الواعية المهذبة الكانت فى ندوة المرأة والابداع فى القاهرة مع دكتور حيدر ابراهيم؟..محمد الحسن العمدة انت فعلا عمدة وشكرا ليك..يمنى قوتة انتى متاكدة انى ماشفتك قبل كده؟..ود المايقوماانت بتعرف ناس امال بت عمتى ساكنين هناك؟..الصادق
|
Post: #2
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: نادية عثمان
Date: 11-28-2004, 01:59 PM
Parent: #1
ها دى مشكلة تانية برضو بيسووها كييييييييف؟
انا هسة كتبت رسالة طووووووووويلة لكن لامن رسلتها جات ناقصة ووقفت عند الصادق ..وبس اها باقى كلامى مفروض يكون مشى ويييييييييين؟
معليش ياجماعة استحملونى لانى لسة جديدة فى حكاية المنبر دى سمح؟
اها يااستاذ الموصلى قلت لى ندية ليه وانا اسمى نادية ؟ اقولك ياسيدى اصل وانا ماشة فى البورد لقيت صورة!!
فتحى البحيرى اها كنت معانا فى الخرطوم الجريدة موش كده ؟
|
Post: #4
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: Anwar Ahmed
Date: 11-28-2004, 02:06 PM
Parent: #1
ناديه سلام باقي كتابتك موجود فقط اعملي Edit ثم جمعي الكتابه مع بعض واعملي كوبي ونزليها في بوست تاني
|
Post: #5
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: jini
Date: 11-28-2004, 02:12 PM
Parent: #1
مرحب بيك وبكلالزملاء الجدد
ونتعشم ان ترو البورد وأن لا تكونوا كما يقول المئل المصري
العدد في الليمون
مرة أخرى مرحب بيك
جني
|
Post: #6
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: Elsadiq
Date: 11-28-2004, 02:25 PM
Parent: #5
هنا مساعدة اتمني ان تكون لائقة
هناك خياران للبحث عن مواضيعك
اما بالضغط علي الارقام الموجودة اسفل الصفحة الرئيسية للمنبر كما موضح في الصورة المرفقة حتي تصلي للصفحة التي يوجد فيها مشاركتك او بالضغط علي كلمة ابحث كما موضح في الصورة و بعدها سوف تنتقلين لصفحة اخري كما موضح في الصورة الثانية و لك الخيار بالبحث عن الموضوع باسم كاتبه او عنوان الموضوع او كلمات كتبت فيه
اتمني ان يكون شرحي واضح ويمكنني ان اوضح اكثر في المرات القادمة
اتمني لك التوفيق
ومرحب بك
|
Post: #7
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: Raja
Date: 11-28-2004, 02:31 PM
Parent: #5
نادية سلام ومرحب بيك..
طبعا عادل وانور ما قصًروا..
ممكن تفتشي مواضيعك بطريقة ساهلة في باقي الصفحات بمعاونة الأرقام الموجودة أسفل الصفحة دي.. وحتلاقي كل المواضيع.. وممكن تكتبي فيها إضافات..
اكتبي رسائلك بطريقة قصيرة.. يعني غير مطوًلة.. واعملي "Preview" عشان تراجعي الرسالة قبل ارسالها بأضف رد.. وبكده تتأكدي من اي شئ حتبعتيه..
تخريمة: يا جني سلام..
|
Post: #8
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: nour tawir
Date: 11-28-2004, 11:53 PM
Parent: #7
مساء الخير نادية
مدخلك فيه خفة دم وأدارتك للبوست فيها مسحة أدارية لطيفة والصورة أحلى.
الاْبتسامة دى مهمة جدا هنا, لاْنه هنا بعيد عنك النكد كتير.
على الاْقل تحفظى لينا التوازن بالاْبتسامة دى.
لما دخلت أفتكرتك بتفتشى عن أجابة لسؤال الزول يخت الحاجة ومايلقاها.
و الحالة دى مرض بعيد عنك أسمه Retroactive amnesia وهو فقدان الذاكرة.
ولكن لقيتك بتحاورى المرحبين والمرحبات, اللى أنا واحدة منهم.
الف مرحب
سلام...
|
Post: #9
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: ودقاسم
Date: 11-29-2004, 00:13 AM
Parent: #1
نادية
أهلا بيك ،، اكتبي ، لا تتوقفي ، فكل ما تكتبينه مقروء ومحفوظ ، واستفيدي من مما قدمه لك الزملاء والزميلات من استشارات ،، وادفعي حق الاستشارة مزيدا من الكتابة .
|
Post: #10
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: samo
Date: 11-29-2004, 00:30 AM
Parent: #1
انتى بالله جديدة ..
غريبة ... ليه طيب الواحد بيحس انو بيعرفك من زمااان ..
الف مرحب يا نادية ..
|
Post: #11
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: نادية عثمان
Date: 12-04-2004, 08:42 AM
Parent: #10
ود قاسم الاستاذ..والله فرحت بمداخلتك وترحيبك جدا وانشاء الله ادفع الفاتورة بتاعة الاستشارة كاااملة مواد متنوعة ومفيدة
الاستاذة نور تاور الراقية انا بعرفك جدا وكنت متابعة نشاطك العظيم فى القاهرة انتى ماشوفتينى ابدا فى مكتب جريدة الخرطوم بالقاهرة؟ بتعرفى احمد عبد المكرم؟
رجاء العباسى مراحب هتون ..دائما مبادرة وسباقة لى عمل الخير وياهو حال الجعليات بنات العباسى كلهن ..حااعمل بنصيحتك تسلمى من كل شر
الصادق تسلم على الاستشارة المجانية ..علم وينفذ
سوما مراحب ..انا برضو عندى احساس انى بعرفك من زماااااان..انتى ساكنة الشعبية بحرى؟
جنى انشاء الله بعد ماشفت بوستاتنا طلع ليمونا ماحمضان !!
انور احمد ليك التحية ياراقى والله انا قايلة كلامى ده كلو راح فى الهوا تسلم من كل شر
|
Post: #12
Title: Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا
Author: صديق الموج
Date: 12-12-2004, 09:22 AM
Parent: #1
لاتتردى فى الاتصال يا نادية ولكننا نتقاضى اتعابا فى كل استشارة ولكن عشان نحرضك
اكتر انت بنشتغل ليك مجانا ومرحب بيك مثنى وثلاث ورباع وووو حتى لاتهدك اللانهايات
ومنتظرين قلمك الذى يرطب الدواخل...تسلمى،،،
|
|