Post: #1
Title: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 03-30-2005, 02:30 PM
اقول ليكم حاجة ؟!!
شغلى بيحكم على مرات اسافر ..ومرات اقيل من صباح الرحمن لى اتناشر بالليل فى جامعة الدول العربية ..!!!
ولو فى اى اجتماع اها نطلع نحرس ونرجا من غير تحديد زمن ..!!
بكون دايرة ارسل خبرى الجريدة عشان الوكت مايروح على !!
اتمنى لو كمبيوترى بيطبق ويتشال فى شنطة يدى دى عشان من اى حتة انا قاعدة فيها ..تك تك تك اكتب خبرى قوام .. واباصيهو للجريدة وانزل من رأسى هم الارسال !!
لكن كمبيوترى كبيييييير وعوير مابتشال فى شنطتى !!
اها قمت فى الجامعة العربية يوم اجتماع وزراء الخارجية العرب اليوم داك شفت خديجة المغربية حلاتها قاعدة تكتب خبرها فى اللابتوب..وفى دقائق رسلتو وانا قاعدة اعد فى الساعات واقول اووووف عرب السجم ديل بيخلصوا متين عشان انا كمان امشى البيت واقعد قدام كمبيوترى الكبيييييير وعوير ده اكتب خبرى واشوتو ..وانزل هم الارسال من نافوخى ؟!!!
المهم والله ماحاسدة خديجة المغربية على لابتوبها !!
بس سألتها ..جبتيهو بى كم ياهناية ؟!!
قالت لى : فى الخليج اسعارالكمبيوتر اللابتوب كتير حلوة ورخيصة ..بدك واحد ؟!!
قلت ليها ..لا شكرا..التقول كانت ماشة تجيبو لى يعنى !!!
المهم ياجماعة مااطول عليكم فى ناس كتاااااااااار قالوا لى انو الكمبيوتر اللابتوب رخييييييييييص فى الخليج
اها انا يابورداب الخليج دايرة لى واحد بى حقو !!
يعنى شامل السعر الرسمى وحق الشحن وخلافه ..وماتنسوا تعملوا لصحبتكم دسكاوند كويس كده !!
اها.... من سيدق صدره اولا ويقول ..انا اخوك يانادية ..ويرسل لى لابتوب بتمنو او حقو زى مابقولوا ..والحساب ولد؟!!!
|
Post: #2
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: معتصم الطاهر
Date: 03-30-2005, 02:46 PM
Parent: #1
أنا زعلان منك يا نادية النعناعة ..
كنت معاك..
وقاعد جنبك .. وشايلو فى كتفى ..
ومن شدة ما مندهش .. ما نزلتو من كتفى
صغير وعمروا اسبوع ..
ما قلتى لى ليـــــــــــــــه ..
قايلانى بخيل يا نادية ..
والله ما بخيل .. بس كنت مندهش .. بس ..
|
Post: #4
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 03-30-2005, 05:52 PM
Parent: #2
معتصم الطاهر ..الزول الجميل جدا
والله وحشتنا جدا
| Quote: أنا زعلان منك يا نادية النعناعة .. |
انا الزعلانة منك انت وين مختفى ليك زمن لاجواب لاتلفون لاخبر؟
Quote: كنت معاك..
وقاعد جنبك .. وشايلو فى كتفى .. |
هو بالله الكنت شايلو فى الشنيطة الصغنونة ده لابتوب؟ خسارة لو كنت عارفة كنت قلت ليك جيب لى واحد زيو...ياكنت خليتك تكلم فيصل اخوى يجيب لى واحد انا موش جبت ليهو بسبوسة؟
Quote: ومن شدة ما مندهش .. ما نزلتو من كتفى
صغير وعمروا اسبوع ..
ما قلتى لى ليـــــــــــــــه ..
قايلانى بخيل يا نادية ..
والله ما بخيل .. بس كنت مندهش .. بس .. |
مندهش من شنو يامعتصم بالجد؟
طيب ياخى وكت ماشفنا الابتوب الفى شنطتك كنت تكلمنا نندهش معاك!!
لكن بالجد نندهش من شنو ؟!!
|
Post: #3
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: Dr.Mohammed Ali Elmusharaf
Date: 03-30-2005, 03:24 PM
Parent: #1
الاخت ناديه
سلامات
انا والله برضوا سمعت كده ولكن عرفته كمان حاجات الخليج دي اسامي ساكت من غير quality عندنا في اوروبا quality لكن الاسعار نار عديل كده, سمعت وما متاكد في امريكا ال quality موجوده والاسعار مناسبه. الرجاء من الاخوه والاخوات العندهم معرفه بالكمبيوتر (اللاب توب) والاسعار الافتاء عن الانواع الجديده الجيده والاسعار مع الشكر مقدما.
احترامي
|
Post: #7
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 03-31-2005, 11:14 AM
Parent: #3
د. محمد على المشرف
تسلم على المرور الباهى
وانشاء الله ناس الخليج يشدوا حيلهم معنا لو بالمعلومات بس
كان اللابتوب غالى وموضوع الرخصة اشاعة برضو ادونا فكرة يابورداب الخليج مافيها حاجة يعنى !!!!
|
Post: #5
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: أبو ساندرا
Date: 03-31-2005, 00:22 AM
Parent: #1
الإستاذة نادية
غالي والطلب رخيص
و أخونا معتصم الطاهر جدآ في حاجتين بس في الدنيا دي بيخلوهو يندهش لمن يقهي
- لاتوب صغنن ولذيذ وجميل
- بسمة ترف من ثغر بليل
إنت حاولي إتذكري كان الحاصل شنو إذ هو قرب نبع الجمال وشايل في كتفو همو ،، وصادر من قلبو نمو،،
|
Post: #6
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 03-31-2005, 09:23 AM
Parent: #5
امانة مااتلومتوا يابورداب الخليج !!!
|
Post: #9
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 03-31-2005, 01:50 PM
Parent: #5
ابو ساندرا العزيز
التحايا السوامق
اها وبعد التخفيضات يبقى بى كم ؟
خلينا من الكلام الحلووو انا جادة ..اللابتوب عندكم بى كم ؟
| Quote: إنت حاولي إتذكري كان الحاصل شنو إذ هو قرب نبع الجمال وشايل في كتفو همو ،، وصادر من قلبو نمو،، |
الحاصل كان انا شايلة بسبوسة لى فيصل اخوى فى الدوحة ومعتصم كان وزنو تقيل لكنو ماقصر ود الرجال وشال لى اخوى البسبوسة ..ده كل ماازكره فى الليلة دييييييك!!!
|
Post: #8
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: Elnasri Amin
Date: 03-31-2005, 11:29 AM
Parent: #1
الاخت الكريمه ناديه
والله البوست ده خلانى اضحك براى زى المجنون
والغريبه كنت قبله بيومين بفكر اعمل بوست عن eBay
لمن شفت البوست بتاعك ده طوالى مشيت وعملتو
eBay......دلاله على الانترنت
وهنا ابعث لك بدعوه كريمه للتكرم لزيارتنا هناك.
بالنسبه لللابتوب اسعاره جيده جدا هنا فى كندا
بس المشكله تكلفة الشحن....
غايتو لو لقينا زول مسافر عليكم بنديك خبر
تحياتى
النصرى
|
Post: #23
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 04-01-2005, 09:46 AM
Parent: #8
النصرى امين الاكرم
Quote: بالنسبه لللابتوب اسعاره جيده جدا هنا فى كندا
بس المشكله تكلفة الشحن.... |
طيب مادى المشكلة زاتها ..لانو ممكن قروش الشحن تكون اكتر من قروش اللابتوب بكتيييييير
والصراحة كده انا شايفة الخليج احسن وارخص ..وجن بتعرفو!!!.....ولاشنو يانصرى ؟
| Quote: غايتو لو لقينا زول مسافر عليكم بنديك خبر |
عيييييييييييك كان كده حااستنى كتير ..الجواز الكندى بيأخد ستة سنين ومافى زول بيخاطر يطلع برة كندا قبل الجواز !!
|
Post: #10
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: معتصم الطاهر
Date: 03-31-2005, 02:47 PM
Parent: #1
يا نادية
السعر لحاجة تستحق ( 1000 دولار)
لكن لحدى 750 دولار موجود ..
وانا مندهش لسبب عارفوا ابو ساندرا ..
وقالوا ..
وما ناكر ..
وانت عارفة ..
بغباك ؟
|
Post: #11
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 03-31-2005, 03:26 PM
Parent: #10
معتصم الطاهر العزيز
| Quote: وانا مندهش لسبب عارفوا ابو ساندرا .. |
ممكن بعد اذنك انت وابو ساندرا تورونى سبب الدهشة شنو ؟!!
Quote: وقالوا ..
وما ناكر .. |
قالوا ..وماناكر كمان ؟!! انت ولا ابو ساندرا؟!!
عارفة شنو ؟ والله يخربنى كان عارفة شئ!!!
بغبانى تب !!
دحين محيرنى فى شنو ..؟.........ماتقول تانى وخلاص يامعتصم يعنى !!!
|
Post: #12
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: Bakhaf
Date: 03-31-2005, 03:50 PM
Parent: #11
الاخت نادية
في امريكا فعلا اسعار الاجهزة هنا رخيصه جدا مقارنة باوربا او الخليج بالاضافه الي الجوده ونصيحتي لك اعفصي اللنك الوضعه الاخ النصري امين وانشاء الله تجدي ما يروقك ويناسبك
بالتوفيق
|
Post: #20
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 04-01-2005, 08:05 AM
Parent: #12
الاكرم بخاف
| Quote: في امريكا فعلا اسعار الاجهزة هنا رخيصه جدا مقارنة باوربا او الخليج بالاضافه الي الجوده ونصيحتي لك اعفصي اللنك الوضعه الاخ النصري امين وانشاء الله تجدي ما يروقك ويناسبك |
يااخوى كلام النصرى ده كبار كبار وصعب ..انا دايرة لابتوب ببساطة ويسر كده من الخليج وبى حقو !!
|
Post: #13
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: ghariba
Date: 03-31-2005, 04:09 PM
Parent: #1
اختي نادية
حتى شهر ستة الجاي اذا مافي واحد ساعدك في الموضوع
اناوالعائلة نازلين القاهرة وساحضره معي
وعد مني
صلاح غريبة
|
Post: #15
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 03-31-2005, 04:42 PM
Parent: #13
الاكرم العزيز صلاح غريبة
Quote: حتى شهر ستة الجاي اذا مافي واحد ساعدك في الموضوع
اناوالعائلة نازلين القاهرة |
والله ده خبر باربعمائة الف لاتوب ..تجوا بالسلامة باذن الله وبالله لازم تورينى موعد حضورك تحديدا عشان ننتظركم فى المطار ياصلاح
Quote: وساحضره معي
وعد مني |
ياسيدى جيتك بالدنيا وعارفاااااااااااك مابتقصر كلو كلو ..انشاء الله مانعدمك ياااااارب
والف شكر على الهمة والكرم والله
|
Post: #14
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: Mamoun Ahmed
Date: 03-31-2005, 04:23 PM
Parent: #1
الاخت نادية
الاسعار في السعودي تتراوح مابين اربعة الاف وخمسماية الى
تسعة الف ريال
لكن الاسعار الجيدة في دبي
لانو السعودية تستوردهم من الامارات
والشركات الرئيسية كلها في دبي
وهذا ما انصح به
|
Post: #16
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: ود المدفع
Date: 03-31-2005, 04:57 PM
Parent: #14
الاخت ناديه عثمان
تحيه طيبه
عندنا في الامارات الاسعار تتفاوت حسب النوعيه من 4000 درهم ولغاية 11000 درهم والمواصفات طبعا ولكن يمكن بسهوله ايجاد مستعمل بحاله جيدة .. ايه رايك؟ المهم انا على استعداد لتقديم الخدمه .
ولك الشكر والتوفيق
|
Post: #17
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 03-31-2005, 08:47 PM
Parent: #16
العزيز ود المدفع
| Quote: عندنا في الامارات الاسعار تتفاوت حسب النوعيه من 4000 درهم ولغاية 11000 درهم |
انا بحساب الدراهم مابعرف ..يعنى كم بالدولار ..ولاكم بالجنيه المصرى ؟
| Quote: والمواصفات طبعا ولكن يمكن بسهوله ايجاد مستعمل بحاله جيدة .. ايه رايك؟ |
عارف ياود المدفع ..عندى حساسية ضد الاشياء المستعملة ماعارفة ليه !!!
هسة كمبيوترى وحتى جهاز الفاكس رفضت تماما اجيبهم مستعملين ..بحب الحاجات الجديدة لنج ..وبتكيف من ريحة الكرتونة !!
| Quote: المهم انا على استعداد لتقديم الخدمه . |
تسلم ياود الاصول وعارفاك مابتقصر والله..
|
Post: #18
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: مريم بنت الحسين
Date: 04-01-2005, 05:51 AM
Parent: #17
نادية ازيك.. ما مسكني من مواصلتك إلا الشديد القوي.. احنا زااااااتنا في الخليج.. خليني اترجم لكي الارقام دي في البداية..
4000- 11000 درهم بتساوي بالدولار حوالي 1095-3016 ... ده بالتقريب كده..
بس يا عسل الموضوع كمان ماركات.. انا شخصيا بفضّل التوشيبا.. لابتوبات قوية.. ومحترمه خالص.. بس دايره الدفع.. انا ماشه بعدين عندي صاحبتي موصياني اشوف ليها اسعارهم عندنا.. وبجيب ليك الquotation... اتفقنا يا ست البنات؟ برضه شويه الVaio.. ديل طالعات جديد.. قويات وستاتيات خالص.. والله بشبهنك يا ستهم كلهم.. بشوف ليك اسعارهم برضه.. وبجيك بعدين...
ليك كل الحب والمعزة كميات..من هنا لحدي النيل العندك
بنت الحسين
|
Post: #25
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 04-01-2005, 03:00 PM
Parent: #18
مريومة بت الحسين العسسسسسسسسسسسسسسسسسسسسسل
يازولة انتى وين مليون سنة مختفية ؟
| Quote: ما مسكني من مواصلتك إلا الشديد القوي |
زى شنو كده ؟ عرس ولاخطوبة ؟
Quote: .. احنا زااااااتنا في الخليج.. خليني اترجم لكي الارقام دي في البداية..
4000- 11000 درهم بتساوي بالدولار حوالي 1095-3016 ... ده بالتقريب كده.. |
يخربنى كان فهمت حاجة من الارقام دى
| Quote: بس يا عسل الموضوع كمان ماركات.. انا شخصيا بفضّل التوشيبا.. لابتوبات قوية.. ومحترمه خالص.. بس دايره الدفع.. انا ماشه بعدين عندي صاحبتي موصياني اشوف ليها اسعارهم عندنا.. وبجيب ليك الquotation... اتفقنا يا ست البنات؟ برضه شويه الVaio.. ديل طالعات جديد.. قويات وستاتيات خالص.. والله بشبهنك يا ستهم كلهم.. بشوف ليك اسعارهم برضه.. وبجيك بعدين... |
اها انا دايرة احلى نوع ..من ابو كديس !!
اتاخرتى لكن عند صحبتك دى ياستو ..وانا كاتلنى الشمار !!
اها فى لابتوب ولاناكل باستة ؟!!
| Quote: ليك كل الحب والمعزة كميات..من هنا لحدي النيل العندك |
وحبى ليك بالشولات الكبااااااار يافردة .. والشوق بحررررر
|
Post: #24
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 04-01-2005, 09:54 AM
Parent: #14
الاكرم مامون احمد
Quote: لكن الاسعار الجيدة في دبي
لانو السعودية تستوردهم من الامارات
والشركات الرئيسية كلها في دبي |
تسلم على الاستشارة الغالية ..واها ياناس دبى رايكم شنو ؟
|
Post: #19
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: ali elhassan
Date: 04-01-2005, 06:30 AM
Parent: #1
Quote: Quote: حتى شهر ستة الجاي اذا
مافي واحد ساعدك في الموضوع
اناوالعائلة نازلين القاهرة |
تحية طيبة لك ولى العائلة
استاذ صلاح غريبة
الكلام شلتو من حلقى.
الاستاذة نادية انا غاشى
القاهرة انشاء اللة شهرستةوهدية
منى عدد واحد لاب توب لاغير ولو
عندك زول جاى القاهرة
من هنا ارسلو لكى هسعى
وحق البوستة حتى يصل
حتى يصل لية منى اها
قصرت .
|
Post: #28
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 04-02-2005, 06:20 PM
Parent: #19
على الحسن
والله لو عارفة موضوع اللابتوب ده بورينى مواعيد جية الناس الحلوة للقاهرة كنت قلت دايرة لابتوب من زمااااااااااااااان!!!
Quote: شهرستةوهدية
منى عدد واحد لاب توب لاغير |
ياخى جيتك بالدنيا والله
انت بس تعال وبعد داك كلو يهووووووووووون
والله ماقصرت ..يقصر الملح يازول يارائع ...تسلم من كل شر
|
Post: #21
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: ALGARADABI
Date: 04-01-2005, 08:47 AM
Parent: #1
الأخت نادية
أنا غايتو ما بعرف فى اللاب توب...لكن لو رسلتى صورة جوازك ممكن أعمل
ليك زيارة تجى دبى..و تختارى العاوزاهو..وكمان تحضرى حفلة الموصلى...
ويكون منها مرارة ومنها كمونيه.
|
Post: #22
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: أبوالريش
Date: 04-01-2005, 09:13 AM
Parent: #21
الأخت ناديـة،
ســلام..
أنا غايتو مســاهـم بالـ linksys wireless PC card لأنو قاعـد وما مستعملـو.. بعدين
لو عنـدك لقيمـات ورسلتيهـم لينـا ما حنرجعم.
|
Post: #31
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 04-04-2005, 10:38 AM
Parent: #22
ابو الريش العزيز
والله انا بتكلم جد
Quote: أنا غايتو مســاهـم بالـ linksys wireless PC card لأنو قاعـد وما مستعملـو.. بعدين
لو عنـدك لقيمـات ورسلتيهـم لينـا ما حنرجعم. |
اللقيمات ده بحقو ..ولا شركة مساهمة سودانية ؟!!!
|
Post: #29
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 04-03-2005, 09:25 AM
Parent: #21
الاكرم القاردابى
Quote: أنا غايتو ما بعرف فى اللاب توب...لكن لو رسلتى صورة جوازك ممكن أعمل
ليك زيارة تجى دبى..و تختارى العاوزاهو..وكمان تحضرى حفلة الموصلى...
ويكون منها مرارة ومنها كمونيه. |
ياخى ده كرم زااااااااايد شديد والله
انشاء الله ماعدمناك يارب
وفعلا مفكرة فى زيارة للخليج لكن قدام شوية ..وهسة عايزة عدد واحد لابتوووووووب بى حقو ياناس الخلييييييييييييج!!!
|
Post: #26
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: فريد ودالمسيد
Date: 04-01-2005, 11:37 PM
Parent: #1
الأخت نادية
ألف لاب توب يجوك
قولي المواصفات شنو
والمتوسط عندنا في دبي 1100 دولار
وبعدين تعالي وينو الديوان القلتي حترسليهو لي وأنل أديتك
صندوق البريد وضربتي طناش
|
Post: #33
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: نادية عثمان
Date: 04-05-2005, 04:26 PM
Parent: #26
الغالى فريد ود المسيد
العريس
Quote: ألف لاب توب يجوك
قولي المواصفات شنو |
| Quote: والمتوسط عندنا في دبي 1100 دولار |
يالهوووووى...بالغت يافريد ..ياخى حرام عليك احبطتنى ..الف ومائة متوسط ؟
Quote: وبعدين تعالي وينو الديوان القلتي حترسليهو لي وأنل أديتك
صندوق البريد وضربتي طناش
|
انت عارف انا ماطنشت لكن كتابى ده باين منحوس كل ماارسلو حتى يجينى راجع !!!
|
Post: #27
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: abdalla BABIKER
Date: 04-02-2005, 01:50 PM
Parent: #1
| Quote: والمتوسط عندنا في دبي 1100 دولار |
|
Post: #30
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: ايهاب
Date: 04-03-2005, 11:13 AM
Parent: #27
الارخص وف ينفس الوقت مواصفاتو كويسه حوالي 833 دولار (من غيرالشحن ) والخنصره
مريم
تقول ليك رخيص تقولي ليها توشيبا
|
Post: #32
Title: Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
Author: عمر الفاروق شيخ الدين
Date: 04-04-2005, 10:54 AM
Parent: #1
نادية بت عثمان :
اللاب توب خشم بيوت ...
في لاب توب بيكون بي 3000 الف ريال سعودي خصوصاً مع مواسم التخفيضات ..
اللاب توب السعروا مناسب ويقضي ليك حاجاتك دي بيكون بي 4500 ريال ...
بعدين اللاب توب زاتو بيعتمد علي حركات الحناكيش ديك ..يعني في لاب توب نوعو (موبايل) ودي معناها ما بيسخن شديد خصوصاً للناس البيختو اللاب توب علي رجلينهم وبطاريتو بتشتغل لفترة أطول ..
وبعدين يا نادية الزييك دي ما تقول يا جماعة وروني اللاب توب بي كم !!!! عيب والله
الزييك دي تقول لينا هوووووووووووي يا ناس الخليج عايزة لي لاب توب إتكربوا معاي ورسلوهو لي ومابديكم ولااااااااااااااا تعريفة مش إنتو أخواني ؟؟؟؟؟؟؟؟؟؟؟؟؟؟؟
تخريمة :
إنتي قلتي لاب توب ولا لاب كوت
(ده عشان لو فكرتي تقولي رسلوهو لي )
|
|