Post: #1 Title: ها قد عدنا يا ... Author: أبو ساندرا Date: 03-05-2008, 07:23 AM
{ ها قد عدنا يا صلاح الدين } قالها الجنرال غورو بعد أن دق بكعب حذائه على صخرة عربية ركز فيها علم الإستكبار الفرنسي وصلاح الدين المعني هو صلاح الدين الأيوبي الكردي والمناسبة ، دخول الجيش الغازي دمشق
أعود اليوم لا غازيآ { ولا أبلآ وثقت }
أعود بعد أن عاد الضيي للعيون وعاد الصيي يملأ القلب والمتون
عدت فوجدت البورد يشرق بالدمع والأسف ويرفع رايات التضامن -------------------------------------- - على نضارة وجه سناء وإنطفاء بريق عينيها وجدت تراجي ثكلى ودومة محزونة وبكري منفعلآ وجموع الأعضاء والزوار رأيت المبادرات التي تعبر عن اجمل وأفضل ما فينا حنيتنا وتضامننا وإن جئت متأخرآ لايمكن أن أسجل ضمن غياب قدحي ومالي ومشاعري معاكم
- على لواعج الأسى في قلوب أعزاء لنا هنا فقدوا أعزاء لهم أمد يدي بالعزاء لهم جميعآ ، سائلآ المولى الكريم أن يرحم الراحلين وأن يزود أحبائهم بالصبر وحسن العزاء
- وجدت هارون دياب كعادته وبرفقة أم حاتم رندا ودومة يتفاعلون مع أميرة وظرفها الصحي الدقيق ويمدون يد المساعدة والعون والدعم غير المحدود ، يشاركهم الأعضاء والزوار والمتابعين حتى كللت جهودهم بصور القرار الملكي بعلاجها مجانآ في أفضل مستشفى سعودي وكعادته بكري التقط المبادرة وعلق الموضوع في الأعالي وكعادته شعبنا لم يقف مكتوف الأيدي ، بل سارع وتبرع وأجزل العطاء بلا من او اذى
Post: #2 Title: Re: ها قد عدنا يا ... Author: haroon diyab Date: 03-05-2008, 07:31 AM Parent: #1
اجمل الحلوين الحبيب ابو ساندرا ....... صباح الخير وانت تعود مرة اخري مزينا للمنبر صباح الخير وانت تعود مرة اخري مجملا ليالينا صباح الخير وانت تعود فاردا اجنحة المحبة بين البورداب صباح الخير وانت تعيد الاطمئنان الي قلب رشيدة صباح الخير وانت تعيد البسمة الي الجميلات الخمسة صباح الخير وانت دائما في القلب تبقي صباح الخير وانت تسعدني بعودتك المنتظرة . ابو ساندرا.... عل العينين صبحن بخير
عميق حبي واحترامي هارون دياب
Post: #3 Title: Re: ها قد عدنا يا ... Author: ابو جهينة Date: 03-05-2008, 07:49 AM Parent: #2
أبو ساندرا
حمدا لله على سلامة العيون
Quote: أعود بعد أن عاد الضيي للعيون وعاد الصيي يملأ القلب والمتون
Post: #33 Title: Re: ها قد عدنا يا ... Author: ناجية مصطفى Date: 03-05-2008, 12:34 PM Parent: #2
عزيزى ابو ساندرا حمدالله على السلامة اهلابك بين احبابك وأصحابك إنشاء الله نسعد بوجودك
Post: #4 Title: Re: ها قد عدنا يا ... Author: أبو ساندرا Date: 03-05-2008, 07:49 AM Parent: #1
وثلاث نساء رائعات وماجدات يجملن وجه المنبر: -------------------------------------------- عدت فوجدت المنبر العام مزدان بعضوية ثلاث نساء أعرفهن حق المعرفة فهن من أروع بنات السودان وعيآ ونبلآ و نضالآ فمرحبآ ب : 1- الأستاذة زينب بدر الدين -------------------------- استاذة ومربية فاضلة ، وأم رؤوم ، ومناضلة تخيرت وعر الدروب لتصعد ويصعد شعبنا لمرافي الوعي والإستنارة والتقدم فإرتبطت بمشروع وطني ديمقراطي يعلي من شأن الوطن ويستنهض الهمم لم تخلد استاذة زينب للراحة والدعة ففور تخرجها من الجامعة ربطت عملها وثقافتها المدعومة بحركة واسعة ونشاط لايعرف الكلل ولا الملل لتقوم بواجبها مشاركة في حلقات الوعي وفي قاعات الدرس وفي الحواري والرفقان من أجل كرامة المرأة برفقة شريكها الرجل ، مستوعبة إننا جناحين في طائر الوطن نحو العلى ربت وأحسنت فقدمت للبلاد ولاء أول رئيسة لإتحاد طلاب جامعة الخرطوم وأشقائها تحية لها وإحترام
2- الاستاذة محاسن زين العابدين : ------------------------------ رئيسة رابطة المرأة السودانية في دولة قطر وموظفة كبيرة في أهم صرح تعليمي في البلاد وناشطة وفعالة في قضايا المرأة وتبذل وعيها وجهدها من أجل مصالح المرأة السودانية المغتربة وهاهي تشترك مع زميلاتها وزملائها في إعداد ورشة تهتم بالنساء في بلاد الغربة وكيفية إستفادتهن من الوقت ومن الإغتراب وهي قبل ذلك من اوائل الضباط الإداريين حيث عملت في المجالس الشعبية وكانت خلال فترة عملها الطويلة قبل الإغتراب في الدوحة ، نصيرة للمهمشين وللفقراء ومحاسن قارئة ممتازة تراها تتحرك برشاقة بين المكتبات ايام معرض الدوحة الدولي للكتاب تطالع وتختار ، ولاتبخل بتوجيه النصح من خلال قراءاتها للأخرين ليغتنوا الإصدارات الجديدة الهامة رزأت محاسن بالترمل عندما رحل رفيق دربها وشريك حياتها استاذنا الراحل جعفر حسن عباس أشفقنا عليها ، لكننا اكبرناها حينما رأينها تخرج من ربقة الأحزان بسرعة وتعود تشارك وتبادر في أقبال رائع على الحياة ، تلك الحياة التي رهن لها الراحل جعفر كل وقته وحياته وتواصل المسيرة مدعومة بحب وتقدير وإحترام الجميع
3- عفاف عطا المنان { أم حمدي } ------------------------------- مناضلة نشأت في أسرة ضمن أشقاء مناضلين فلم تكن من خلفهم قط كانت و ظلت مبادرة وفي مقدمة الصفوف تفتح وعيها وتمرست وأكتسبت خبراتها النضالية في منازلة نظام السفاح نميري وكانت من الزميلات واسعات الحركة ثاقبات الرأي تزاملنا سنوات فعرفت عن قرب قدراتها التنظيمية وإنضباطها
مرحبآ بهن ضمن كوكبة كتاب سودانيز اونلاين وأثق بانهن سوف يغيرن وجه المنبر للأفضل والأجمل والأنفع
Post: #5 Title: Re: ها قد عدنا يا ... Author: Ishraga Mustafa Date: 03-05-2008, 07:54 AM Parent: #4
بركة الجيت يابركات وضون العيون البتضوى الدرب فى سبيل المعرفه
Post: #7 Title: Re: ها قد عدنا يا ... Author: أبو ساندرا Date: 03-05-2008, 08:04 AM Parent: #1
عدت فرأيت سرداق الفرح منصوب يافرحة القلب بأفراح :
1- سمرية و قوي ----------------- قبل ان أغيب بدقائق شاركت في بوست فرحة سمرية وعبدالرحمن حمد النيل بالخطوبة سعادتي لا توصف فهبة سمرية وعبدالرحمن قوي من أعز الناس هنا وأعتقد أنه أختيار موفق لهما فكلاهما يمتاز بالأصالة والحس العالي والقدرة على التعبير من خلال الكتابة ومشاركة الأخرين
2- بلقيس ملكة سبأ ---------------------- من ضمن حسنات المنبر التي لاتعد ولاتحصى أن عرفت العزيزة الغالية بلقيس زولة فيها تحتشد كل المعاني الجميلة ، حسن طلعة وبهاء روح وظرافة وكرم وادب وذوق فإنها وبدون أي مبالغة { الملكة الكامل كمالها } تدخل القلب مباشرة بإبتسامها البراق وحنيتها وإهتمامها
3- عبير خيري : ------------------ بنتي التي لم تلدها رشيدة تتقدم بثبات وبالخفاء نحو بيت الزوجية خصتني بالخبر السعيد ورجتني أن أكتمه حتى يحين يوم الزغاريد لكن فرحتي سالت وأعرف إنها سوف تعذرني ورفيقها الحبيب فلا استطيع كتمان الفرح
سعادتي لهن/م جميعآ قافلة العرسان التي أتمنى أن تصل إلى مراميها وميسها ومحطتها النهائية حيث الأفراح والليالي الملاح نحو أسر مزدانة بالجمال والأطفال والعقار والأموال والنضال
Post: #8 Title: Re: ها قد عدنا يا ... Author: محمد سنى دفع الله Date: 03-05-2008, 08:10 AM Parent: #7
ها قد عدت وتعود معك العافية ها قد عدت ومعك الأحلام بعالم سعيد دام صفانا
Post: #10 Title: Re: ها قد عدنا يا ... Author: azhary awad elkareem Date: 03-05-2008, 08:13 AM Parent: #8
والعود أحمد..
لك المراحب والتحية والحب
Post: #11 Title: Re: ها قد عدنا يا ... Author: على محمد على بشير Date: 03-05-2008, 08:13 AM Parent: #8
دا اسمه رجوع القمره لوطن القمارى ..
Post: #9 Title: Re: ها قد عدنا يا ... Author: أبو ساندرا Date: 03-05-2008, 08:13 AM Parent: #1
أهلآ بالصديق الحبيب تعرف في ربقة الآلام والحقنة تنتح في العين قلت لرشيدة سوي الشاي مقنن الحليب وارح الفروسية قالت لي : لكن انت ح تتعب قلت لها : لازم نمشي فاليوم يوم فرحة هارون دياب كان عندي حدس لا يخيب بأن اليوم يوم فرحتك بالجائزة الكبرى
تاني بقول ليك مبروك وقبلها قلت ليك { تستاهل } فأنا من قلائل نعرف أن كل مال يدخل جيبك تبذل بعضه إلى اهلك وأحبائك تجود بكرم وتتصدق في الخفاء فالرب لايمد يده مباشرة بالعطاء ولكن يهييء للبعض وأنت منهم ، عرفوا ب { الخاصة } سبل الكسب المقرون بسبل الإنفاق على الناس أجمعين أعرف بأنك لن ترضى عن قولي هذا وح تتكشم خجلآ وتوشك أن تتوارى لكن ، هيهات فأعمالك واياديك البيضاء قد سبقت وأعطت فلله درك
بس يا معلم ما تمحقنا في الخروف نسق مع حسام صحافة وبيتنا جاهز او محمية الدوسري
Post: #12 Title: Re: ها قد عدنا يا ... Author: أبو ساندرا Date: 03-05-2008, 08:17 AM Parent: #1
كتب أبوجهينة:
Quote: أبو ساندرا
حمدا لله على سلامة العيون
تسلم يا جلال غايتو العين حرمتني العمرة الفاتت من النزول في الرياض التي مررت بها والناس مقيلة في القيلة لكن ليك علي قبل الحج أغشاك أختم باقي ذنوبي معاك ومع صديق الموج وتمبس وشباب الرياض خاصة طارق الحوري والحبيبة دكتورة رشا سالم
Post: #13 Title: Re: ها قد عدنا يا ... Author: أبو ساندرا Date: 03-05-2008, 08:26 AM Parent: #1
كتبت عالية الحس ، مطهمة الشعور إشراقة مصطفى :
Quote: بركة الجيت يابركات وضون العيون البتضوى الدرب فى سبيل المعرفه
يباركوا ليك النجاحات والإنجازات وعالي الشهادات
ومعآ ضد تكرار حالة سناء وضد سياسة قهر النساء والرجال كمان
ولايفوتني أن أهنئك بشكل شخصي على قدوم الأستاذة زينب بدر الدين فقوى الإستنارة في المنبر قد زادت عدد والق
Post: #14 Title: Re: ها قد عدنا يا ... Author: أبو ساندرا Date: 03-05-2008, 08:35 AM Parent: #1
تعرف مرة غافلت رشيدة وكانت ماهيتاب في العمل فجلست خلف الكمبيوتر وعندما طالت جلستي وانا مركز على الشاشة وكنت لسوء الحظ فاتح بوست جني بتاع بنات ساحل العاج والبتاعات
حسيت بألم في العين وصداع صادر منها مشيت رقدت وطلبت من رشيدة بعض المعالجات فقالت لي : لكن عيونك ما أذيتهن أنت بالبحلقة في مصائب بنات ساحل العاج
اتاري هي مرت وشافت بدون ماتنبهني فقد كنت سادرآ في غيي
ودي كانت أول مرة أعرف فيها إن الحاجات ديك إسمها { مصائب }
وبمناسبة البوست ده علمت أن تراجي مصطفى عرفت بأني مريض عندما لم تجدني في ذلك البوست ولا في بوست أبوعلوة بتاع الدوحة وانا ماعارف القال لي تراجيي انا بتاع كده منو ؟ تكون انت يا جلة ؟
إستنى ليها تراجينا دي
بيجي الخريف والعيون بتشيف
Post: #15 Title: Re: ها قد عدنا يا ... Author: أبو ساندرا Date: 03-05-2008, 08:38 AM Parent: #1
عدت فوجدت
أن كمال علي قد راح في حق الله وان الذي حل محله يدعى { كمال سالم }
فو أسفي على كمال علي ويا فرحي ب كمال سالم
Post: #16 Title: Re: ها قد عدنا يا ... Author: عثمان دغيس Date: 03-05-2008, 08:38 AM Parent: #1
أخوي وأخو الأخوان وأبو البنات ساندرا وأخواتها
حمدا لله على سلامتك ..
وبركة بالطلةمن جديد ...
كم كنت أتمنى أن أؤانس فترة نقاهتك بالبيت .. لكنك أول من يعلم تحركاتي الماكوكية في فائت الأيام ..
سلمت من كل بلية ..
وجاييك للشاي المقنن ..
وتحياتنا لرشيدة الرشيدة ...
Post: #17 Title: Re: ها قد عدنا يا ... Author: البشير دفع الله Date: 03-05-2008, 08:54 AM Parent: #1
العزيز ابو ساندرا
أهلا ومرحبا بحضورك الكريم مجددا
وحمد لله على السلامة
عدت ووجدت المنبر بين الأحزان العميقة والأفراح وتلك سنة الحياة
بوستات عدة فتحت للمواساة والتبرع لسناء
وبوستات خطبة وزواج
واضيف بوستات تناصر الرسول ( ص ) من الاستهزاء الذي لحق به .
بره الشبكه :
سمعت أن لك وشائج قرابه بأهل العسال ؟
أخوك من اللدية
كل الود وحمد لله على السلامة تاني .
ابو عواطف
Post: #18 Title: Re: ها قد عدنا يا ... Author: عبدالله كع Date: 03-05-2008, 08:57 AM Parent: #1
منتظرنك........
من ما نلنا شرف العضويه
يلا ورينا سبب الغياب
Post: #19 Title: Re: ها قد عدنا يا ... Author: أبو ساندرا Date: 03-05-2008, 09:20 AM Parent: #1
كتب الفنان الضخم الفخم محمد السني دفع الله :
Quote: ومعك الأحلام
يا خ إحلام دي معاك انت وكمان في إحلام مع فيصل عباس وفي إحلام كمان مع صاحبنا التلب ، بتوع التايوتا واللكزس
انا معاي رشيدة وتوابعها او زوابعها او نجمتها الخماسية زي مابيقولوا ناس علاء سنهوري وعاطف انيس وعاصم الحزين
أهلآ بيك يا خلاصة الفن الفي العالم
Post: #21 Title: Re: ها قد عدنا يا ... Author: Emad Abdulla Date: 03-05-2008, 10:02 AM Parent: #19
Quote: ها قد عدنا يا ...
فارات .. و أقول ليك زي ما قال صاحبك المثلث الراقد حُمبُك ( المثلث دي في رواية ديامية من فصيلة المثليين أو بابكر الجاهلة ) .. وقد كان صاحب مطعم سوداني طاعم في عاصمة عربية .. غبت منو كم يوم و أنا مريض , دخلت المطعم جاني جاري .. : هييي يا ود الناس .. وينك الأيام دي ؟ قلت ليهو عيان و الله . قال بلسان معووج عوجة حبيبك : بريه سلامتك . دحين بريّه سلامتك .
..... ثم ياخي كل يوم مرأة عالمي و إنت كده ( و أشاره بإبهامه إلى الأعلى ) .. و عيوناتك من هنا و لقدام ما يشوفن إلا كل سمح يهيج القلب و يديك في حنانك . أظننا في نفس اللحظة كنا نشوف في نصايب جني الساحل عاجية .. لأنو أخوك كان بيشوف و يردم في النوايا و يعد الزاد للحصول على تأشيرة لبلاد البوبار .. كلما أشوف يقول قلبي : شح .. و إنت بهناك عينيك تقول : تح .. نبقى الإتنين : شتح .. و دي تقرنجة متينة يسألني الله على وزن شطح .. بتذكر ( ليتبرهان Letebrahan ) و هي حسناء غنوج من عند المرتفعات النجاشية الخضر .. ( عُريها نصفٌ و نصفُ .. كخميلة ) , فنصفها طلياني يا كبير .. تديك واحد نظرة تفقهك .. و نصفها التاني قيافة .. و شخصياتو " بارزة " . غشتني البت " ليتّو " و كانت تقول و هي ضاحكة : رسح .. بَعلقي .. و نا إفتكرها : واي منك إنت .. فأفرح فرح . بعد ان تحررت أسمرا الجميلة , و ذهب مكياج الخرطوم مع الجميلات التقراي .. عرفت انها و بدل ما تقول لي : أريدك ياخ ( أفكركي بلبي ) كانت تشتمني بتلك الرسح و البعلقي .. ( و الشتيمة نوع من المزاح و التحبب عندهن .. لما بطنهن تفور عليك ) شفت كيف ! . دحين يا الحبيب .. أمسك فوران بطنك عليك .. لأنو بعد العمر أب كراضم ده الشرايين بتكون بقت قصيرة ياخ .. فورة البطن بتنقلب لفورة عين .. ( قالوا في عيون فوارة في جبل الشيخ في لبنان .. شفت الحقارة و الفرز ! ) . ده غير الفورة مية بتاعت تمبس ديك .
المهم .. عويناتك دايما طيبات يا كبير .. و العمش ما يجيك إلا نكمّل كوتتنا من الشوف الدايرنو .. و عين تراجي فيها العود .. قول يامين .
Post: #20 Title: Re: ها قد عدنا يا ... Author: Alsa7afa_30 Date: 03-05-2008, 09:56 AM Parent: #1
Post: #26 Title: Re: ها قد عدنا يا ... Author: ايهاب Date: 03-05-2008, 11:02 AM Parent: #25
عودا حميدا ابو ساندرا
Post: #27 Title: Re: ها قد عدنا يا ... Author: أبو ساندرا Date: 03-05-2008, 11:12 AM Parent: #1
وكتب الحبيب أزهري عوض الكريم :
Quote: لك المراحب والتحية والحب
ولك مثل ما قلت وأكثر خاصة من جهة الحب ، من تالا اليسار ، أقصى شمال القلب يا زول يا رائع يا زين
Post: #28 Title: Re: ها قد عدنا يا ... Author: أبو ساندرا Date: 03-05-2008, 11:21 AM Parent: #1
كتب علي محمد علي بشير:
Quote: دا اسمه رجوع القمره لوطن القمارى ..
تعرف يا علي { رجعنالك } دي واحدة من أفضل الأغنيات شعرآ ولحنآ واداءآ وموسيقى ودايمآ كنت بتسائل : هل ممكن يصدر مثل هذا الشعر الرقيق الراقي من نفس وروح مخربة بعشق الجنرالات
قلت سؤالي هذا لصديق ناقش فقال لي : لقد كتبها عندما كان كويس
انا ماعارف الناس دي بتتعولق وتتعلقن كده كيف ؟
فتأمل ما كتب الزول ده { كيف تقوقي على نخيلاتنا القماري وأنت واحش نيل وطنا علينا شمت الصحاري } شوف الحنية دي هل ممكن تتسق مع فعايل الشاعر في غابر ايامه ؟
المهم رجعنالكم
Post: #29 Title: Re: ها قد عدنا يا ... Author: Tayseer Elmobarak Date: 03-05-2008, 11:34 AM Parent: #1
و العيون كيفنها خلي بالك منها ..
الأستاذ أبو ساندرا .. عدت و العود أحمد .. حمداً لله على السلامة .. و منتظرين مشاركاتك الجميلة..
إحترامي
Post: #31 Title: Re: ها قد عدنا يا ... Author: حيدر حسن ميرغني Date: 03-05-2008, 11:47 AM Parent: #29
عودا حميدا يا أبوساندرا
Post: #30 Title: Re: ها قد عدنا يا ... Author: عاطف عمر Date: 03-05-2008, 11:41 AM Parent: #1
Quote: ها قد عدنا يا ...
وكنا نعد الزمان ساعة ساعة إنتظاراً لمجئ هذه الساعة وجودك يعطي أماناً ويعطي معرفة ويعطي رأياً نصيحاً في وجودك تكون البسمة الصافية وفي وجودك يكون الأنس البرئ ويكون أيضاً ذلك الأنس ( الذي يكيف أختنا آمنة مختار ) " أو كما قالت "
أبوساندرا ياخي والله مبسوطين بعودتك والله لا جاب فراق
Post: #32 Title: Re: ها قد عدنا يا ... Author: الشفيع عوض شوشتا Date: 03-05-2008, 11:57 AM Parent: #30
الرجل الجميل في الزمن الشين سلامات .. سعيد جداً بعودتك ... ودمت بعافية
Post: #34 Title: Re: ها قد عدنا يا ... Author: طارق جبريل Date: 03-05-2008, 12:57 PM Parent: #1
افتقدناك شديد
Post: #35 Title: Re: ها قد عدنا يا ... Author: tayseer alnworani Date: 03-05-2008, 01:15 PM Parent: #34
عزيزناو ابونا ابوساندرا بركة بالطلة و الشوفة و حمدا لله على سلامة عيونات ام صالح ما تفرط فيهن بشويش على البحلقة عشان راجيهن كتير وعودا حميدا مزدانا بالدعوات بدوام الصحة و العافية.
Post: #36 Title: Re: ها قد عدنا يا ... Author: أبو ساندرا Date: 03-05-2008, 02:05 PM Parent: #1
كتب العزيز الغالي عثمان دغيس "
Quote: أخوي وأخو الأخوان وأبو البنات ساندرا وأخواتها
وعثمان صادق دغيس القانوني الضليع والفنان الموهوب والشايقي القح [ بمكنة جعلي ْ} هو الذي يصدق فيه القول المأثور : { رب أخ لك لم تلده أمك } والذي أعدله أنا ب : { رب شقيق لك لم تلده أمك من أبوك } وممكن برضو اقول : { رب توئم لك لم يولد معك في ذات اللحظة }
هو واحد من قلائل ، قسمهم لي الرب وبراني بهم رجل جزل العطاء تراه في تواضع العلماء وفي إهاب الحكماء
بنته الوسطى مقطعة في بنتي الكبرى ساندرا ملامح وروح وأميمته تماثل رشيدتي في الطول والوسامة والصبر على المكاره { ديل نحن ، انا وهو } أو { انا مش هو } والبطن المليانة بنات وسيمات جادت عليه اميمة باثلاث زي القمر كما جادت علي رشود بخمس في عين العدو كل واحدة أحلى من التانية انا قاصد البنات عشان لو قلت قاصد رشيدة وأميمة يطلعوا لي عيال سند ويندموني الحقيقة
إفتقدتك يا دغيس ولكن عزائي كان في كونك تشق طريقآ نحو الوفرة والمستقبل
عبد لنا الطريق وهييء لنا الأسباب والمعينات وتذكر أن لك أخ هو أنا وأنا لي أخ معاك هو عماد عبدالله الباحث عن الثراء ولو شال يده من الوراهو
Post: #37 Title: Re: ها قد عدنا يا ... Author: خضر حسين خليل Date: 03-05-2008, 02:21 PM Parent: #1
بركة الجيت بركة الجيت آي
والله حمدلالك بالسلامة يا بركة ياخ
ثم : مليون مرة ناشدناك أدينا تلفونك فعلي شنو رافع القزاز يا خينا دايرين نطمن عليك أكتر وأكتر وماتشوف الا خير ياصاحب
Post: #38 Title: Re: ها قد عدنا يا ... Author: كمال سالم Date: 03-05-2008, 02:55 PM Parent: #1
ها قد عدنا ....
علينا تخمين الكلمه التى مكانها نقط , ياربى تكون يا ( أحباب ) أو ( ياعواليق ) أو ( يارمم ) أو ( يارعاع ) أو( يافرد ) كما قال عماد عبدالله
لكنى متأكد أنها ( ياحلوين ) ,, حلاوتنا ياأبوساندرا لاتكون الا مـن حلاوة وجـودك بيننا فى المنبر وأنت توزع القفشات والتعليقات الظريفه ( يمينا) ( ويسارا ) وتعطى كل ذى حـق حقه , وماترحيبك واحتفاءك فى هـذا البوســت بالقادمين الجـدد والذين تزوجـوا والمتوفين بل حتى الذين عدلوا أسمائهم فى فترة غيابك , الا دليل على حلاوة نفسك . حفظك الله أخـى أبوساندرا فعثمان دغيس ليس وحـده الذى لم تلده أمك , وحفظ الله لنا عيونك الكحيله حتى ترى لنا بها مالا نراه . هـل تصـدق أن أحبائك بالمنبر كانوا على أهـبة الاستعداد للتبرع بعيونهـم , غايتو حتكـون محتاج ليك لبنك عـيون ,, على الاقـل تحفظ به تـلك التى فـى طرفها حور ,,
سالمه دايما عيونك يارب
Post: #39 Title: Re: ها قد عدنا يا ... Author: aml gadora Date: 03-05-2008, 06:14 PM Parent: #38
الرائع ابوساندرا
كنا فرشنا السكة ورود......... لو كلمتنا كان بالجية
الف حمدلله على السلامة..........نورت المنبر
Post: #40 Title: Re: ها قد عدنا يا ... Author: خالد علي محجوب المنسي Date: 03-05-2008, 06:19 PM Parent: #39
Quote: أعود اليوم لا غازيآ { ولا أبلآ وثقت }
أعود بعد أن عاد الضيي للعيون وعاد الصيي يملأ القلب والمتون
الأخ العزيز / أبوساندرا تحية طيبة سلاااام حمدالله على سلامة العيون وربنا يحفظهما لك يا سيدي وماتشوف شر مرة أخرى يعني بعد دا تقدر من الدوحة تشوف فيسل هليل في المجر ولا ما لي الدرجة دي ؟؟؟؟
تحياتي واحترامي
Post: #41 Title: Re: ها قد عدنا يا ... Author: Tragie Mustafa Date: 03-05-2008, 07:16 PM Parent: #40
ابو ساندرا منورنا وبكره الجيت وسلامت عيونك.
قلت لي تراجي فقدتك في بوست جني كيف؟؟ واتاريه سبب مرضك؟؟يجازى جني البقى لك سبب.
وبعدين ما عارفني رشديتك منبريا؟؟؟ ومسؤلة من ضبطك لما تقوم على الطبيز اها بالله بطل بحلقة وارحم نفسك شوية.
ومبروك مجيء زميلاتك 1)د.عفاف الصادق 2)زينب بدر الدين و عقبال.... 3)د.نور الصادق
Post: #42 Title: Re: ها قد عدنا يا ... Author: عوض محمد احمد Date: 03-05-2008, 07:41 PM Parent: #41
عودا حميدا يا أبوساندرا
Post: #43 Title: Re: ها قد عدنا يا ... Author: رشا سالم Date: 03-05-2008, 07:57 PM Parent: #42
welcome dady...we miss u soooo much
Post: #44 Title: Re: ها قد عدنا يا ... Author: AMNA MUKHTAR Date: 03-05-2008, 08:22 PM Parent: #1
Quote: بركة الجيت بركة الجيت آي
سمح انت وبسكويت ..آآآآآى سمح انت وعسل انت آآآآى هنا شامة وهنا قصة آآآآى ايووووووووى..
معليش مدورة لى كم شكلة بهناك قلت أجى اغنى بجاى.. وهل يحلو الغناء الا فى حضرة أبو البنات وصحبه..
حمد الله على السلامة
Quote: احسيت بألم في العين وصداع صادر منها
سجمى ..ربنا يستر...ده نفس الألم البشعر بيهو فى عينى الشمال كلما أقعد قدام النت..
Quote: انا ماعارف الناس دي بتتعولق وتتعلقن كده كيف ؟
والله دى ملاحظة فى محلها يا ابا ساندرا.. ما بحيرونى الا الناس البكونوا كويسين وفجأة يتسخطوا ديل !!!!
Quote: وفي وجودك يكون الأنس البرئ ويكون أيضاً ذلك الأنس ( الذي يكيف أختنا آمنة مختار ) " أو كما قالت "
أخونا عاطف عمر.. أبو ساندرا ده الوحيد البنقبل منو كل شئ.. فعين الرضا زى ما بقولوا عن كل عيب كليلة..
Quote: أو( يافرد ) كما قال عماد عبدالله
عماد عبد اللع قال فارات...ولم يقل فرد يا فارة انت
Post: #45 Title: Re: ها قد عدنا يا ... Author: عاطف عمر Date: 03-05-2008, 08:39 PM Parent: #44
Quote: وفي وجودك يكون الأنس البرئ ويكون أيضاً ذلك الأنس ( الذي يكيف أختنا آمنة مختار ) " أو كما قالت "
Quote: أخونا عاطف عمر.. أبو ساندرا ده الوحيد البنقبل منو كل شئ.. فعين الرضا زى ما بقولوا عن كل عيب كليلة..
الغالية آمنة سلامات ياخ كنت قايلك ( أحرف ) من كدا بوظتي ( الدردقة ) ... كان أبو ساندرا ( تجلى ) بقنبلة يعني لو ( فوتيها ) مداخلتين تلاتة كان حصل شنو في البورد دا ؟؟؟
Post: #46 Title: Re: ها قد عدنا يا ... Author: أبو ساندرا Date: 03-05-2008, 09:16 PM Parent: #1
Quote: يا فارة انت
جن يجازي محنك
أها كده كويس يا كمال علي ؟
الله يجيبك لي يا عماد عبدالله
Post: #47 Title: Re: ها قد عدنا يا ... Author: haroon diyab Date: 03-05-2008, 09:21 PM Parent: #1
Post: #48 Title: Re: ها قد عدنا يا ... Author: أبو ساندرا Date: 03-05-2008, 09:22 PM Parent: #1
Quote: الله يجيبك لي يا عماد عبدالله
أو يجيبك لفارة الرزق المعروف هنا ب كمال سالم
تجيبو سالم
غايتو يا أمونة ما بسألك
والله انا ما متذكر ضحكت زي كده متين
جن مسلط
Post: #49 Title: Re: ها قد عدنا يا ... Author: Deng Date: 03-05-2008, 09:28 PM Parent: #1
Quote: أعود بعد أن عاد الضيي للعيون وعاد الصيي يملأ القلب والمتون
مرحبا بالزعيم أبوساندرا.
الفريق من بعدك أصبح خلا.
وما شفته ناس عماد عبدالله وصديق الموج ماذا فعلوا بالبورد.
دينق.
Post: #50 Title: Re: ها قد عدنا يا ... Author: محمد مكى محمد Date: 03-05-2008, 09:42 PM Parent: #1
والعود احمد والف سلامه ..يلا واصل يابركه الدرب لسه طويل..
Post: #51 Title: Re: ها قد عدنا يا ... Author: Elawad Date: 03-05-2008, 10:09 PM Parent: #1
Quote: أعود بعد أن عاد الضيي للعيون وعاد الصيي يملأ القلب والمتون
أدام الله ضيك و ضي عيونك و أسعدك و أسرتك. مرحبا بك بين أهلك. لكن الصبى يا حليلو و ياريت إعود و برضو نطمن نفسنا و نقول الشباب شباب القلب.
Post: #52 Title: Re: ها قد عدنا يا ... Author: كمال سالم Date: 03-06-2008, 00:18 AM Parent: #1
بتضحك أنت ياقط !! ما أنا بقيت فاره ,,
لكن : اذا جاءك نعت من لبوة بأنك فارة فهى الشهادة بأنك أسد هصــــورا
أمنه مختار ,, طلعتى دياميه ,, بس أحسن ليك أمسكى فى عماد عبدالله قوى لانو ديامى مستنير , صحبك العميان ده ضلامى !!
أبو ساندرا : أنا نطيت من كلامى الفوق ,,
Post: #53 Title: Re: ها قد عدنا يا ... Author: أبو ساندرا Date: 03-06-2008, 05:52 AM Parent: #1
حبة شوق: ------- يا هارون دياب والله العظيم وكأنك تقرأ مافي قلبي صدقني ، أمس عصرآ كنت بشاهد قناة النيل الأزرق برنامج { أغنيات من البرامج } سمعت { حبة شوق } كلمات محجوب سراج ولحن وغناء صلاح مصطفى فسرحت لسنوات بعيدة حينما كنا نجوب الخرطوم ، الخرطوم القديمة التي كانت تغسل في كل صباح ونوافيرها تجود على الناس بالدعاش وبناتها كما الرتائن
يا هارون ، أمس تمنيت لو واحد وتحديدآ لو حسام صحافة إنتبه للأغنية وسجلها وحفظها لي ليوح حوجة
فإذا بك تزين بها عودة ديجانقو هذه
حفظك الرب ورعاك
Post: #54 Title: Re: ها قد عدنا يا ... Author: أبو ساندرا Date: 03-06-2008, 06:06 AM Parent: #1
المبالغة الأولى :
Quote: غيرنا راينا
بالغت يا عماد خفت على أخوك ؟ ندمتني على تلفون نص الليل
ما أنت كنت عارف أنا حا أشوتو ضفاري كنت ح أقول ليك لو كان عندي إحتمال 1% غنه ح يغني لي كنت ذهبت اليه حافي حالق لكنه يتمنع علينا مثل اللتي في الفتنة ترغب او كما قال صلاح أحمد إبراهيم
يتمنع علينا نحن أولاد الديم وأصحاب ما بعد { الديم شرق إتنين } من جاد الله ود خالتي فاطمة الجعلية بت أمرضى وكسكتة في طيارة وكده لغاية مواسم الارضاع في كوريا وإخلاص الحبشية ، التي كنا نغادرها فجرآ والوليد الغتيت ده يا دوبو قايم من نومو وبيتسوك في الشارع واللا مرسلنو يجيب الفول من الدكان
يتمنع علينا ثم نراه يلفح عودو ويطبق خالو { ابوالسيد } ويمشي يشرخ حلقومو عند شركة { نقليات القرعي }
لكن برضو كنت ح أمشي ليهو فالدم الذي يجري في شرايينا دم واحد والحليب الذي لهطناه من أسوار بيوت العمارات أم كمرتآ بره فخر إنتاج كافوري من الهولنديات ذلك الحليب قد آخى بيننا
وتسالي كع وبونية جبر الدار
بالمناسبة دي ، انت وين ود جبر الله ؟
المهم غير رأيك تاني ورجع المنقة الكانت هنا
عشان انا مغروض فيها بالحيل
Post: #55 Title: Reها قد عدنا يا ... Author: Marouf Sanad Date: 03-06-2008, 06:30 AM Parent: #54
dear abu sandra
how are things
i phoned you from Doha in my way back to U.S. but i could't get hold of you
Post: #59 Title: Re: ها قد عدنا يا ... Author: Emad Abdulla Date: 03-06-2008, 07:36 AM Parent: #54
رشا سالم قالت ليك : ويلكم باك ( دادي ) .. شوف ليك جنس تِخِرّط .. غايتو .. ديامة ناكرين .. لكن الله غالب .. حليل دادي كوول .. أسألي جمال سالم منها دادي كوول دي يا دكتورة .. أب عيون كحيلة ده كان بيرقص بيها في الحفلات مع عوض حلاوة - يطراهو بالخير - و ياها الرقصة عوينة أم صالح القادينا بيها .. كان غنا رق كان دادي كوول .. تلاتة خطوات جنبة و إتنين قدام مع هزة راس و نطة لورا و كرنك واقع .. و بس .. الحي الله و الدايم الله , تاني يمرقو شيخي الشريف من وسط الدايرة . أها بركوتة ده غير الغنية دي و سيدي المختار ولد ( دادا ) ما كان عندو علاقة بالدادات .. إلا في حالة يكون ( كويس ) و خاشي الكضمي .. تسألو : يا باشا .. كيف ؟ .. يقول ليك : دا دا و قُراده , إنتو كيف ؟!!!! طوالي تاخد خاطرو و تاخد بعضك .. و مجارخة .
أمونة طلعت أصلية .. نعم إنها ما خالية من بعض حنكشة .. لكن نيتها واصلة . أمونة ياخ كلام سر .. بركوتة ده قال شاف تراجي في مظاهرات 66 بتاعت الخضار في بورسودان .. كان هو في مامورية نضالية وكتها لشرق البلاد , حلف بشرفو البلشيفي قال إفتكرا " محمد ولد " .. طبعا سنة 66 دي النظر كان لسه زي نظر عمك " علي إزيرق كتال الكلاب " .. ستة على ستة .. ( عشان تراجي ما تجي تنكر و تتهم الزول في كليل نظرو ) .. و يشهد الله كان شوّاف أخونا ده .. بنات الديم كانو بيتغزلو في عيونو الدعجاء أم فلجة .. و كان يعتمد علي كشافاتو دي في الحفلات .. ( أيام الحفلات أم رتينة ) .. قيافة و وجيه كده و بيقيف جنباوي دايما .. مكتف يدينو .. رجل في الأرض و التانية في الكرسي ( نظام حقارة ) .. تعجبو البلية يروح قاشطا عين .. طوالي ترخي .. الما بتفصل دي بيكون الغماز حقها ما استان .. فطوالي فتحي بركية . الوكت داك نحنا بنابيز لسه , بيرسلونا هم .. نجيب ليهم الغان و الدور .. و نشجع اللعبة الحلوة . يقومو يدونا فول حجات و جبنة مضفرة , نظام مكافآت تنظيمية و دعم شبيبة و كده .
.... الحاجة التانية يا كبير : غنية " عاد الحبيب " أتت أكلها , فسحبناها .. ألعب غيرا .. أو خلي صلاح عبدالله يغنيها ليك .. و يديك من ( زدني صدودا ) .. عشان يقودوك من عندو طافي لمبة .. و أبشرك .. القرعي بقى يسمع من ( جارة الوادي ) و لي قدام .. خليك إنت في : هووي يا جاهلة و طيبك عبق .
Post: #56 Title: Re: ها قد عدنا يا ... Author: haroon diyab Date: 03-06-2008, 06:39 AM Parent: #1
الحبيب / ابو ساندرا عل العينين صبحن بخير .....عاد الحبيب المنتظر ...... وانا في ديك الساعة...... لمن القي توارد الخواطر.....للدرجة دي . بس ماتمرض لينا كتير ....لانوا الراجيك كتييييييييييير .... وبعدين في ناس بتمرض براها .... وفي ناس لمن تمرض بيمرض الكون معاها....
( وبقيت حبيب للناس للعدو والقريب)
شكرا ....صحافة 30 والجميل ....جميل
كل الود هارون دياب
Post: #57 Title: Re: ها قد عدنا يا ... Author: أبو ساندرا Date: 03-06-2008, 06:40 AM Parent: #1
المبالغة التانية:
Quote: بوظتي ( الدردقة ) ... كان أبو ساندرا ( تجلى ) بقنبلة يعني لو ( فوتيها ) مداخلتين تلاتة كان حصل شنو في البورد دا ؟؟؟
تعرف يا عاطف انا كنت حاسي بحاجة أخطر من الدردقة الا وهي { القنطرة } والزول لمن يقنطرو ليهو مفروض يعمل شنو ؟
ايوا بالضبط هي دي يشوت طوالي وضفاري كمان
إلا بس أمونة دي بيني وبينها تآخي منبري
لكن لو كانت فلانةبعلتنا المنبرية
كنت حا احير ليك أوباما الواقف وراها ده ذاتو وإمكن حيرت ليك معاهما هيلاري
Post: #58 Title: Re: ها قد عدنا يا ... Author: Atif Makkawi Date: 03-06-2008, 07:27 AM Parent: #1
Quote: أعود اليوم لا غازيآ
. . . .
Quote: { ولا أبلآ وثقت }
Post: #60 Title: Re: ها قد عدنا يا ... Author: أبو ساندرا Date: 03-06-2008, 08:27 AM Parent: #1
يا شباب آسفين على تجاوز الصف والدور لكن لابد من مواكبة العماد عون الشريف قاسم الذي وعد بتقاسم حكايات هذا البوست معي قال:
Quote: " علي إزيرق كتال الكلاب "
والذي ركز الأرض معبد يا عماد لو عايز تنفق أو تهلك ، سيان ، من الضحك أقنع دكتورة رشا سالم تحكي ليك حكايتها مع { كتال الكلاب } والله ح تنشرط من الضحك
Post: #61 Title: Re: ها قد عدنا يا ... Author: عثمان دغيس Date: 03-06-2008, 11:09 AM Parent: #60
أخوي الحبيب أبو ساندرا ..
أعجبني بشدة وأخجلني وأحرجني أمام نفسي ..
كل الكلام اللذيذ في حقي ..
هل أنا بكل هذا الألق ؟؟
لعلِي لا أحمل من هذا الألق إلا صدقي ووضوحي ...
في حبي وعدائي وبس ...!
اللهم أجعلني خير مما يظن أبو ساندرا
برضو جاييك للشاي المقنن ....
Post: #62 Title: Re: ها قد عدنا يا ... Author: محمد أبوالعزائم أبوالريش Date: 03-06-2008, 11:19 AM Parent: #1
ناس عادل سالم قالوا "يا عواليق .. ويا فردة" ,يا حاجات كتيرة
وناس عماد عبدالله قالوا يا فارات ويا كدايس وشنو شنو ما عارف ..
يعني بالعربي ما فضل لينا حاجة.
حبابك .. أبقى داخل
Post: #63 Title: Re: ها قد عدنا يا ... Author: أبو ساندرا Date: 03-06-2008, 11:30 AM Parent: #1
كتب البشير دفع الله :
Quote: سمعت أن لك وشائج قرابه بأهل العسال ؟
أخوك من اللدية
أهلآ بود عمنا
الأصولي
مش وشيجة قربى وبس بأهل العسال بل هم أهلي فأنا العبد المفتقر لله عبدالرحمن أحمد بركات سليمان الماحي والدي عليه رحمة الله ورضوانه من رموز العسال مسقط رأس أجداده وعمي الأبرز هناك الراحل عبدالجليل محمود سليمان وابناء عمي عمدة العسال عوض القاسم محمود سليمان وبالطبع أنت بتكون عارف عزالدين محمد محمود سليمان وإبن عمي لزم بركات عبدالقادر بركات في الخرطوم تلاتة والحلة الجديدة
أما أمي ، اسماء إبراهيم حسن الزين أو أسماء بت السرة فوالدها من مسرة وامها من العسال
يعني انا من بقية أهل العسال لكنا ولدنا في الخرطوم التي نشأ فيها وترعرع الوالد وجدي لأمي
يعني يا ود عمي انت عندك ضهر هنا في المنبر وفي الدنيا وانت بالطبع عارف اؤلئك الأعراب النشامى
Post: #94 Title: Re: ها قد عدنا يا ... Author: البشير دفع الله Date: 03-09-2008, 08:13 AM Parent: #63
Quote:
أهلآ بود عمنا
الأصولي
مش وشيجة قربى وبس بأهل العسال بل هم أهلي فأنا العبد المفتقر لله عبدالرحمن أحمد بركات سليمان الماحي والدي عليه رحمة الله ورضوانه من رموز العسال مسقط رأس أجداده وعمي الأبرز هناك الراحل عبدالجليل محمود سليمان وابناء عمي عمدة العسال عوض القاسم محمود سليمان وبالطبع أنت بتكون عارف عزالدين محمد محمود سليمان يعني يا ود عمي انت عندك ضهر هنا في المنبر
مرحبا بابن العم ابو ساندرا
نعم أعرفهم جميعا , فهم رموز في قرية العسال والمنطقة عموما .
وقد زاملت الاخ عادل عوض القاسم في الثانوية بتريعة البجا , وهو صديق مقرب
وقد زرته في بيته في الاحساء منذ سنوات خلت .
سعيد انا بوجودي معكم عبر هذا المنبر , وسعيد ( بكفالتك ) .
الواحد في المنبر ده لازم يكون عنده ضهر وسند قوي , وانت ما شاء الله شعبيتك
من كل الاتجاهات ,
وبعدين في صفة مشتركة بيناتنا أنا ابو بنيات بدبورتين ما نقيب زي عثمان الدغيس
كل الود
ابو عواطف
Post: #64 Title: Re: ها قد عدنا يا ... Author: انعام عبد الحفيظ Date: 03-06-2008, 12:45 PM Parent: #1
ابو ساندرا
سلامتك والألم أكيد بزول
فقدتك والله وسألت منك
سلامي للتومات وأمهم
Post: #65 Title: Re: ها قد عدنا يا ... Author: Safia Mohamed Date: 03-06-2008, 12:51 PM Parent: #1
عودا حميدا مستطاب
يا زول والله مفتقدنك شدييد
صفية
Post: #66 Title: Re: ها قد عدنا يا ... Author: Emad Abdulla Date: 03-06-2008, 01:15 PM Parent: #65
Quote: فأنا العبد المفتقر لله عبدالرحمن أحمد بركات سليمان الماحي والدي عليه رحمة الله ورضوانه من رموز العسال مسقط رأس أجداده وعمي الأبرز هناك الراحل عبدالجليل محمود سليمان وابناء عمي عمدة العسال عوض القاسم محمود سليمان وبالطبع أنت بتكون عارف عزالدين محمد محمود سليمان وإبن عمي لزم بركات عبدالقادر بركات في الخرطوم تلاتة والحلة الجديدة
و النِعَم ..
Post: #67 Title: Re: ها قد عدنا يا ... Author: معتصم ود الجمام Date: 03-06-2008, 01:26 PM Parent: #66
بركـــه بالرجعه وبركه ( بالشوفه ) حمد لله بالسلامه يا ابوساندرا
Post: #68 Title: Re: ها قد عدنا يا ... Author: كمال سالم Date: 03-06-2008, 01:35 PM Parent: #1
أها يا أبوساندرا , أبو الريش قال عادل سالم بدل كمال سالم ,,
برضو يقولوا ليهو فاره ,,؟
Post: #69 Title: Re: ها قد عدنا يا ... Author: محمد أبوالعزائم أبوالريش Date: 03-06-2008, 01:44 PM Parent: #1
Quote: أبو الريش قال عادل سالم بدل كمال سالم ,,
لبدت لي بي دي يا أبو كمال؟ يا زول العتب على (البال) ... مش كويس الما قلت (عادل سالم وصلاح عبدالله)؟
غايتو مشكلتك مشكلة ... خلصت من كمال علي .... وقعت في عادل سالم.
Post: #70 Title: Re: ها قد عدنا يا ... Author: نسرين جمال Date: 03-06-2008, 01:45 PM Parent: #1
العزيز ابو ساندرا
الف حمد لله علي سلامتك
والمنبر نور بيك تاني
Post: #71 Title: Re: ها قد عدنا يا ... Author: غادة عبدالعزيز خالد Date: 03-06-2008, 01:57 PM Parent: #70
العزيز أبو البنيات
حمد الله الف على السلامة... سعيدة بك وبعودتك... وأسعد الله قلب رشيدة وساندرا وأخواتها
معزتي غادة
Post: #72 Title: Re: ها قد عدنا يا ... Author: أبو ساندرا Date: 03-06-2008, 02:10 PM Parent: #1
Quote: لكن : اذا جاءك نعت من لبوة بأنك فارة فهى الشهادة بأنك أسد هصــــورا [/QUOT
يا عادل سالم والله أمونة بت خالي دي هزبرلبؤة بتاع قلبك ؟ ارعى بعيد يا عدولة
غايتو أحسن حاجة طالما ما إنك مرابط هنا فلابد ان تأتي الدكتورة
Post: #73 Title: Re: ها قد عدنا يا ... Author: خدر Date: 03-06-2008, 02:25 PM Parent: #72
Quote: لبوة
Post: #74 Title: Re: ها قد عدنا يا ... Author: على محمد على بشير Date: 03-06-2008, 04:41 PM Parent: #73
Post: #75 Title: Re: ها قد عدنا يا ... Author: فيصل محمد خليل Date: 03-06-2008, 05:43 PM Parent: #74
يا هلا
Post: #76 Title: Re: ها قد عدنا يا ... Author: نهال الطيب Date: 03-06-2008, 09:53 PM Parent: #75
حمد لله على سلامة
عمنا العزيز أبوساندرا
Post: #77 Title: Re: ها قد عدنا يا ... Author: أبو ساندرا Date: 03-07-2008, 01:14 AM Parent: #1
الف مليون هلا بالأحباب الفوق كلهن/م { حركات الجندرية وكده }
فقط دعوني أرحب بالأخت الصديقة عواطف حسين المعروفة دوحيآ ب عواطف نجدي التي أرسلت لي رسالة رقيقة على الموبايل قالت من ضمن ماقالت فيها :
{ جيدآ جيت - بعودتك عادت البوستات الممتعة سامحني على الإنشغال وهذه دعوة لزيارتي بجمعية السكري لأقوم بما تستحقه من واجب وعناية بصديق } شكرآ جزيلآ يا هميمة
Post: #78 Title: Re: ها قد عدنا يا ... Author: أبو ساندرا Date: 03-07-2008, 09:47 AM Parent: #1
كتب عبدالله كع :
Quote: يلا ورينا سبب الغياب
من ضمن أسباب الغياب ان المنبر صار فيه : { كع } ولبع
نورت المنبر يا عبدالله
بس السبب الأساسي كنا طافين لمبة
Post: #79 Title: Re: ها قد عدنا يا ... Author: طلعت الطيب Date: 03-08-2008, 04:38 AM Parent: #78
الاخ ابوساندرا مرحبا بعودتك ونتمنى لك دوام الصحة والعافية
Post: #80 Title: Re: ها قد عدنا يا ... Author: HAYDER GASIM Date: 03-08-2008, 05:13 AM Parent: #79
Quote: أعود بعد أن عاد الضيي للعيون وعاد الصيي يملأ القلب والمتون
ده قلبت فيها الهوبة ... يا عبدالرحمن,
وأتمناك كل الصحة ... يا زول يا زين.
عجبني موضع { أحلى بنات } ... وإن طلعت { أشني } زول فى العيلة الكريمة.
... ومودتي
Post: #81 Title: Re: ها قد عدنا يا ... Author: أبو ساندرا Date: 03-08-2008, 12:41 PM Parent: #1
كتبت منى خوجلي :
Quote: وما أجملها عوده..
وما أجملك أنت يا منى يا ست البنات لي حدهن
يسعدني حضورك
الطاغي
Post: #82 Title: Re: ها قد عدنا يا ... Author: الطاهر عثمان Date: 03-08-2008, 01:02 PM Parent: #1
الف سلامة يا ابوساندرا وانشاء الله اخر الغيبات وسلامة العيون....
--- كلامك في ود الدغيس زادني فخراً -وماقلت إلا الحق- فالرجل (ونسابته) نعم الأهل والأصدقاء أعتز وأفتخر جداً بصداقتهم
Post: #83 Title: Re: ها قد عدنا يا ... Author: الجندرية Date: 03-08-2008, 04:49 PM Parent: #1
بركة يابا الجيتو طيبين
Post: #85 Title: Re: ها قد عدنا يا ... Author: Salah Abdulla Date: 03-08-2008, 06:13 PM Parent: #83
يا بركة
حمد الله على السلامة رغم أني أرى أنك لم تغب ويا غايب عن العين .... الخ أما بعد .. فقد بلغني أنك وشقيقنا عماد قد تسامرتما بليلٍ وأنك قد تأبطت شراً ، ونويت فيا صديقي القديم ، قديماً قالوا ، إذا عُرف السبب بَطَل العجب فلا تتسرع يا أصلي ، وأما عن السبب فسأقولو ليك لمن أقابلك (فيستو فيستو) وبعدين يا بركة أنا أتمنع عليك ؟؟ معقولة بس ؟؟ راجع خريطة كل بيوتك (العزابية) إبتداءاً من مدينة خليفة وانتهاءاً بما قبل (الفيلا) فستجد هناك مكاناً محدداً ومعروفاً للسيد (العود) وبعدين ونسة بيت بدرالدين ، وخالك أبو السيد ، فهي من تدبير صاحبك عماد عبدالله والله يا عبدالرحمن العود ده آخر مرة شلتو متين ما متذكر ، ويا حليل أيام الونسات الظريفة المزاج ما عالي ، والقصة ما بتحتمل فرح (لتلك الدرجة) ،، وخليها على ربك وبعدين بالنسبة لى غزواتك الليلية التي تبدأ بعد ساعات الصباح الاولى لتنتهي عند (يا أرحم الراحمين ارحمنا) وشوفتك لي بتسوك وواقف بره أكشف فدي يا أخو بنراجع ونستكشف موقع المعارك الليلية ونرى أن كان هنالك ثمة آثار قد تركناها خلفنا .. يعني تنتهي معاركنا عند بداية معارككم ، وفي نفس (المكان) يا حليل الايام ديك ، ويا زمان هل من عودة هل ؟؟ ما أظن.
بيننا كلام ..
Post: #84 Title: Re: ها قد عدنا يا ... Author: Nasr Date: 03-08-2008, 05:29 PM Parent: #1
حمد لله علي السلامة أبو ساندرا، لا يعمي من يري بإنسان القلب والعقل. وترحاب بالمناضلات الجدد, محاسن وزينب وبت ناس عطا المنان وبالمرة ما تجيب لي خبر أبو نصير، سمعت عن عملية أجريت له في السعودية؟؟؟
Post: #86 Title: Re: ها قد عدنا يا ... Author: أبو ساندرا Date: 03-08-2008, 06:16 PM Parent: #1
Quote: وبالمرة ما تجيب لي خبر أبو نصير، سمعت عن عملية أجريت له في السعودية؟؟؟
مصطفى نصر ؟
كر ماله؟ اوع يكون دسك ومشاكل الشاسي
Post: #87 Title: Re: ها قد عدنا يا ... Author: أبو ساندرا Date: 03-08-2008, 07:36 PM Parent: #1
ناجية مصطفى محمد البشرى الخضر ايهاب
أسعدتني كلماتكم / دعواتكم / امنياتكم الطيبات في أفراحكم يا أحباب
Post: #88 Title: Re: ها قد عدنا يا ... Author: أبو ساندرا Date: 03-09-2008, 05:34 AM Parent: #1
لكم عاطر التحايا وكثير الحب وطبعآ ما غلطان في لكم هذه فقد يقول قائل أن الصحيح { لكن } بس تيسير زيادة هذا عصبكم فأبدلنا النون ميمآ عملآ بقواعد اللغة العربية
Post: #89 Title: Re: ها قد عدنا يا ... Author: محمد أبوالعزائم أبوالريش Date: 03-09-2008, 05:51 AM Parent: #1
Quote: وقد كان صاحب مطعم سوداني طاعم في عاصمة عربية
مطلوب من عماد عبدالله التوضيح. الضمير في ما تحته خط راجع للمطعم والا صاحب المطعم. بتفرق معانا كتير.
Post: #90 Title: Re: ها قد عدنا يا ... Author: أبو ساندرا Date: 03-09-2008, 07:02 AM Parent: #1
الأعزاء: محمد عثمان ابوالريش حيدر حسن ميرغني الشفيع عوض شوشتا طارق جبريل خضر حسين خليل
انا سعيد بيكم جدآ وتقبلوا مني حبآ صافيآ ويارب ما نجيكم في شين قط ولا يجيكم
Post: #91 Title: Re: ها قد عدنا يا ... Author: حسن طه محمد Date: 03-09-2008, 07:19 AM Parent: #90
أخي بركات
يا دوب الواحد يدخل علي المنبر بمزاج.
عارف ليه؟
أولا تأكدنا والحمد لله من سلامة العيون بس أوصيك خلي بالك من العين .
وثانيا حنقرأ الروائع المصحوبة بخفة الدم .
وينزاح الزعل الممكون فيني بعد ما سمعت أن السودان بيستورد النبق الفارسي والمعروض بالبنط العريض في اعلانات سيوبرماركات الخرطوم .
Post: #92 Title: Re: ها قد عدنا يا ... Author: أبو ساندرا Date: 03-09-2008, 07:45 AM Parent: #1
كتب خالد علي محجوب المنسي:
Quote: يعني بعد دا تقدر من الدوحة تشوف فيسل هليل في المجر ولا ما لي الدرجة دي ؟؟؟؟
وشكرآ جزيلآ يا خالد المنسي ولابد من زيارتكم وأيفاء وعدناللعزيز فيسل هليل وبالمناسبة الوضع الحالي يمكنني من رؤية فيصل هليل في المجر وبلباس البحر
من هنا والدنيا صيف
أهلآ بالكومندنتا فيصل محم خليل رفيق الأيام المجيدة
عارف يا فيصل اليوم وجدت رسالة عزيزة من دكتور صلاح أحمد إدريس وقبل كم يوم كنا في سيرة عبدالحفيظ وعبدالحليم شنان
Post: #93 Title: Re: ها قد عدنا يا ... Author: محمد أبوالعزائم أبوالريش Date: 03-09-2008, 08:02 AM Parent: #1
Quote: محمد عثمان ابوالريش
بختك يا كمال سالم .... أهو أبوساندرا جاب ليك حقك وغير إسمي لامن ما عرفتو
أصحى يا جُلُك
Post: #95 Title: Re: ها قد عدنا يا ... Author: Salah Abdulla Date: 03-09-2008, 05:36 PM Parent: #93
يُرفع ,,,, لسبب في نفس يعقوب....
Post: #96 Title: Re: ها قد عدنا يا ... Author: Emad Abdulla Date: 03-09-2008, 06:27 PM Parent: #95
Quote: لسبب في نفسيعقوب....
ياغوب القِطّي ؟
Post: #97 Title: Re: ها قد عدنا يا ... Author: ASHRAF TAHA Date: 03-09-2008, 06:33 PM Parent: #1
يا بركة انا جاييكم قرررررررريب جدا ... جايب ليك معاي قطرات عيون من دبي ... قول لي صلاح حضر العود
Post: #98 Title: Re: ها قد عدنا يا ... Author: أبو ساندرا Date: 03-09-2008, 06:56 PM Parent: #1
يا شباب أسمحوا لي بفط الطابور والأسبقيات عشان هنا في اولويات فالمداخلات الثلاث أعلاه ديامية صرف بل من ديم كوريا تحديدآ شمال الديم شرق 2 إتنين منهم أخوان أشقاء وأخواني في الإنسانية وثالثهما الشقيق الأصغر لصديق قديم ما لبث ان تزاملنا في أحلى وأعظم إنجازات الديم
أهلآ يا عماد الذي شال معاي عبء البوستات وماغاب عني يومآ وأهلآ صلاح المشغول عنا ببنتين وماعارف لو عمل خكسة زينا ح يعمل شنو وأهلآ بأشرف طه وقطرات الندى وشذاه وننتظر جيتو على جمر
أما بشأن العود يا أشرف غايتو إلا يعمل ليك خاطر أنت أو يتدخل صاحب النقليات التي بسببها فر معتز القريش من المنبر وعمل الديمقراطية حيلة
يا صلاح انا جاييك تاني بمهل
ويا عماد انا ناوي أخمرك هنا وهناك في { أحلى بنات } عشان يكون ختام البوستين مسك
يا ود مسيكة ،، الحقنا
اما ياغوب القطي بيكون دخل صلاح في غيبوبة من الضحك
Post: #99 Title: Re: ها قد عدنا يا ... Author: sari_alail Date: 03-09-2008, 07:29 PM Parent: #1
العم أبوساندرا..... أو الزميل في بعض الأحيان.... welcome back to the party .... تخريمة: طولة البال اللي عملتو بيها الافرو جبتوها من وين???
Post: #100 Title: Re: ها قد عدنا يا ... Author: أبو ساندرا Date: 03-10-2008, 05:26 AM Parent: #1
كتب العزيز الغالي عاطف عمر :
Quote: وجودك يعطي أماناً ويعطي معرفة ويعطي رأياً نصيحاً في وجودك تكون البسمة الصافية وفي وجودك يكون الأنس البرئ ويكون أيضاً ذلك الأنس ( الذي يكيف أختنا آمنة مختار ) " أو كما قالت "
خلاص عايز تقولها يا عاطف ؟ { وجه عامل مكفهر }
العزيزة آمنة مختار بالفعل أختنا وحبيبتنا زولة أوضح ما يكون { إنسانة أبسط ما يقال } ..... .... تمشي وما بتطاطي مابين بير وشاطي ... ... وعمرها للنضال }
وبينا وبين سوق الديم ، مكتبة علي فقير ومكتبة صلاح إسماعيل ودكان جون وسوالف وسلاحف ونسوان وونسات وزحمة في زنك اللحمة
Quote: و بيننا و حي الزهور .. شارع فاتح على القلب . وبينا وبين أرض الحيوان سينما ونوادي وأنادي { الجو } وناس فارات وكدايس ومرايس
وبعد ده كلو كمان بتحكي وبتوصف
يا عماد عايزك بس تتأمل معاي الحتة دي ، في الأغنية المرافقة { إندس في قلبي الألم }
Post: #103 Title: Re: ها قد عدنا يا ... Author: أبو ساندرا Date: 03-12-2008, 07:10 AM Parent: #1
نرفعو برانا
Post: #104 Title: Re: ها قد عدنا يا ... Author: أبو ساندرا Date: 03-13-2008, 07:39 AM Parent: #1
ملائكة -------------- بالإضافة إلى التيسيرات أعلاه نستقبل بفرح غامر : أمل قدورة تراجي مصطفى رشا سالم امنة مختار انعام عبدالحفيظ صفية محمد نسرين جمال غادة عبدالعزيز خالد نهال الطيب الجندرية
شياطين: --------- خالد المنسي عوض محمد أحمد عاطف عمر دينق محمد مكي محمد العوض { بالانجليزي } معروف سند عاطف مكاوي محمد ابوالعزائم معتصم ودالجمام خدر علي محمد علي بشير فيصل محمد خليل طلعت الطيب حيدر قاسم الطاهر عثمان حسن طه
شاكر ومقدر مروركن/م ويارب نجيكم في السمح والافراح والليالي الملاح
وانوي العودة لبعض المدخلات من الوسيمين أعلاه
فقط ودت أن أوضح التالي: 1- في تصنيف ملائكة وشياطين ترددت في تصنيف البعض في كلا القائمتين فمثلآ صعب وضع طلعت الطيب وحيدر قاسم والطاهر عثمان وعاطف ضمن الشياطين وكذلك صعب وضع أمونة وتراجينا وصفصف ضمن الملائكة 2- الاخوان عبدالله { عماد و صلاح } أرجئتهم عشان عايز احلي بيهم
Post: #105 Title: Re: ها قد عدنا يا ... Author: فيصل محمد خليل Date: 03-13-2008, 08:23 AM Parent: #104
وين يا حمام
Post: #106 Title: Re: ها قد عدنا يا ... Author: Salah Abdulla Date: 03-14-2008, 00:01 AM Parent: #105
تعرف يا بركة الديامة بينهم وبين الجميع علاقات لا تنتهي .. وليس بيننا وبين غيرنا من الجيران (عماراتيون كانوا أم سجانيون) غير ود باقٍ.. زمان كنا نُغير على العمارات (غازين) محلات ميريا للحلويات في شارع 15 ( ودي أسألو منها أشرف طه) نخمش بعضاً من حلوياتها ، ونتوجه صوب الفلل ونشرب ما يكفينا من لبن كافوري (أبو بقرة) حد الارتواء ثم نعود إلى أهلنا نتمطى (وبين هذه وتلك أحداث لا تُحكى) .. ومع تقدم العمر ، اصبحنا (نجكس) من مدرسة الخرطوم القديمة وتكون شوارع العمارات الهادئة الجميلة (في ذلك الزمان) مرتعاً للحب والغرام.. كلام العمدة الفوق ده يا بركة محاولة (للتملص) صحبانو كلهم من العمارات أولاد العمارات ديامة حقيقيين ، بس بينوموا في العمارات أما كوريا وحكاياتها ، وشوارعها المتربة ، فهي تحتاج الى بوست منفصل (وقوة قلب) وحي (زهورو) الفاتح على (القلب) ده ، فما محتاج لى شرح ، والا شنو يا عمدة ؟؟؟؟
Post: #107 Title: Re: ها قد عدنا يا ... Author: أبو ساندرا Date: 03-14-2008, 08:03 AM Parent: #1
Quote: كلام العمدة الفوق ده يا بركة محاولة (للتملص) صحبانو كلهم من العمارات أولاد العمارات ديامة حقيقيين ، بس بينوموا في العمارات أما كوريا وحكاياتها ، وشوارعها المتربة ، فهي تحتاج الى بوست منفصل (وقوة قلب) وحي (زهورو) الفاتح على (القلب) ده ، فما محتاج لى شرح ، والا شنو يا عمدة ؟؟؟؟
جاوب يا عمدة أبو ينتين ورطك عديل خاصة بجكاية { وقوة قلب } وأضيف أنا { وحمرة عين } و كمان { شنب مكين }
تعرف يا صلاح مرة كده ذات إختفاء إخترقت العمارات متلفعآ بالليل والصمت حشست بالشوارع عايزة تسألني : مالك براك يا صاحبنا ، فقد كنت أجوب تلك الشوارع إما مع رفقة حسنة أو مع بعض فارات الديم الحميمين
أما حكايات كوريا فهذه عايزة ليها كأس
Post: #108 Title: Re: ها قد عدنا يا ... Author: فيصل محمد خليل Date: 03-14-2008, 08:15 AM Parent: #107
Post: #109 Title: Re: ها قد عدنا يا ... Author: Emad Abdulla Date: 03-14-2008, 08:44 AM Parent: #107
.. إتلميتو ؟؟
...... عمك حسن المصري خال ود الناجي كان بيصرفا لينا لما نمكر عليهو : الصبر طيب يا أولاد الـ ......
Post: #110 Title: Re: ها قد عدنا يا ... Author: أبو ساندرا Date: 03-15-2008, 08:49 PM Parent: #1
Quote: عمك حسن المصري
وعمك حسن البصري كيف يا عمدة ؟
Post: #111 Title: Re: ها قد عدنا يا ... Author: Emad Abdulla Date: 03-15-2008, 10:17 PM Parent: #110
Quote: أبو ينتين ورطك عديل خاصة بجكاية { وقوة قلب }
صاح و الله .. داك ( أبو ينتين ) .. و أنت ( أبجكايات ) ..
.... أرشّكم ؟؟؟؟
Post: #112 Title: Re: ها قد عدنا يا ... Author: Salah Abdulla Date: 03-15-2008, 10:52 PM Parent: #111
أنا ( أبو ينتين ) يا أبوساندرا ؟؟ إنت ما قلت عينك دي بقت كويسة ؟
Post: #113 Title: Re: ها قد عدنا يا ... Author: أبو ساندرا Date: 03-24-2008, 11:21 AM Parent: #1
كتب العزيز عماد عبدالله :
Quote: المهم .. عويناتك دايما طيبات يا كبير .. و العمش ما يجيك إلا نكمّل كوتتنا من الشوف الدايرنو .. و عين تراجي فيها العود .. قول يامين .
تطيب يا الحبيب أو كما غنى إبراهيم عوض العمش فال اليخونك ويزدريك والكوتة لم يتبقى إلا القليل لتكمل ونكمل وننشتل أدعوا لي فقط بالرفقة الحسنة وحسن الخاتمة
أما تراجي فتبرى يا صاحبي فهي الآن مدمية ومحروقة { تتأرجح} بين الغضب الحارق وبين الصبر الجميل
فدعها مفتحة حتى تقتلع حقها
وساندها وأسندها
Post: #114 Title: Re: ها قد عدنا يا ... Author: أبو ساندرا Date: 03-31-2008, 05:18 AM Parent: #1
كتب العماد عبدالله :
Quote: مع الحشمة يااا .. كوريا بتاع طيارتك ؟؟ ديم التعايشة يا غان .. التعاااااااااااايشة ..
لا كووووووووووريا ولو مغالطنا اسأل صلاح وبوسته الرامي في منبرنا
Post: #115 Title: Re: ها قد عدنا يا ... Author: أبو ساندرا Date: 04-01-2008, 10:05 PM Parent: #1
كتب الشفيع عوض شوشتا :
Quote: الرجل الجميل في الزمن الشين
مشكور يا الحبيب لكن هسع بيجن ناس إشراقة وأمونة ويشقلبن العبارة لتقرأ { الرجل الشين في الزمن الجميل } ولو جات صفية واللا شادية ح يصلوا بالشنا إلى نهاياتها ويقولن :{ الرجل الشين في الزمن الشين }
بالمناسبة ، وين بدر الدين شنا عشان يجي يثأر من المتآمرات أعلاه
Post: #116 Title: Re: ها قد عدنا يا ... Author: الشفيع عوض شوشتا Date: 04-02-2008, 06:48 AM Parent: #115
مهما يقولو ( الدهن فى العتاقى )
Quote: أخبرنا محمد بن ناصر قال: أخبرنا ثابت بن بندار قال: أخبرنا أبو بكر البرقاني قال: حدثنا عمر بن نوح قال: حدثنا عبيد الله بن سليمان قال: حدثنا محمد بن يحيى النيسابوري قال: حدثنا نعيم بن حماد عن عبد الله بن إدريس عن إسماعيل بن أبي خالد قال: افتض زر بن حبيش جارية( أى كانت عذراء بكرا فنام معها وأزال بكارتها ) وهو ابن مائة وعشرين سنة وتوفي وهو ابن اثنين وعشرين ومائة سنة.
Post: #117 Title: Re: ها قد عدنا يا ... Author: Samer Osman Date: 04-02-2008, 07:24 AM Parent: #1
أبونا كلنا
العود أحمد يا جميل ورايق وشاي عصر يا ونسة في رقراق يازول سليم وكتاب حلو
يا حنين وملان حكا اشتقت ليك حد الوله وحد ما الكلام ستف عيونك بالبكا
Post: #118 Title: Re: ها قد عدنا يا ... Author: أبو ساندرا Date: 05-22-2008, 05:59 AM Parent: #1
Quote: يا حنين وملان حكا اشتقت ليك حد الوله وحد ما الكلام ستف عيونك بالبكا
أهلآ ياسامر عثمان عساك طيب ومرتاح
Post: #119 Title: Re: ها قد عدنا يا ... Author: NGABY AJOOZ Date: 05-22-2008, 06:16 AM Parent: #1
رجع الاسد لي عرينه الف حمدلله علي السلامة ياحبيب بالعودة الميمونة بالرغم من انها جاءات متأخرة ةالله العظيم ما شفت البوست ده بكري كان مدكنه ولا شنو ما فاهم
Post: #120 Title: Re: ها قد عدنا يا ... Author: Amira Osman Date: 06-03-2008, 03:35 PM Parent: #1
ابو ساندرا، بعودتك بوردنا نور يا منور سلامتك و سلامه العيون و ........كرامتك ... سافرت لحضور مؤتمر ما و عند العوده و جدت (مظاهره) الترحيب بيك و قلت معقول ده افوتنا، ابقي عشره علي العيون...و المبادئ (هسي الجاب المبادئ هنا شنو؟) و تسلم للكل
