Post: #1
Title: أبو ساندرا : إنصراف
Author: أبو ساندرا
Date: 09-12-2006, 06:27 AM
أزمع الإنصراف
وتقليل وجودي هنا للحد الأدنى
فشيعوني بدعواتكم الطيبة
|
Post: #2
Title: Re: أبو ساندرا : إنصراف
Author: saif massad ali
Date: 09-12-2006, 06:28 AM
Parent: #1
ربي يعدل حالك
|
Post: #3
Title: Re: أبو ساندرا : إنصراف
Author: ABU QUSAI
Date: 09-12-2006, 06:33 AM
Parent: #2
كان كدا عاد ما تقول اتكسر المرق
|
Post: #4
Title: Re: أبو ساندرا : إنصراف
Author: أبو ساندرا
Date: 09-12-2006, 06:36 AM
Parent: #1
سيف:
وخطوتك كمان
يللا قول آآآمييييييين
مع إنو دعوتك بتشبه : يللا شتت
علا برضو أحسن من { قطر عجيب يودي مايجيب }
تصدق ، كنت متوقع منك قطر عجيب دي
فخذلتني
حا أمشي واحلم بأنك إشتقت لأخوك { الشيخ السفيه }
شكرآ
|
Post: #5
Title: Re: أبو ساندرا : إنصراف
Author: saif massad ali
Date: 09-12-2006, 06:37 AM
Parent: #4
او ساندرا
لا والله انا لا احمل عليك شئ
دعوة صادقه
|
Post: #6
Title: Re: أبو ساندرا : إنصراف
Author: عدلان أحمد عبدالعزيز
Date: 09-12-2006, 07:00 AM
Parent: #1
.
أبوسـاندرا: أجــمع
.
|
Post: #7
Title: Re: أبو ساندرا : إنصراف
Author: Hussein Mallasi
Date: 09-12-2006, 07:13 AM
Parent: #6
الأب ساندرا* .. ماشي وين ياخي؟!
_____
* حق الجريفاوي محفوظ.
|
Post: #8
Title: Re: أبو ساندرا : إنصراف
Author: Ibrahim Algrefwi
Date: 09-12-2006, 08:26 AM
Parent: #1
الاب : ساندر
خذ حزرك واواقاتك ، انتبه لصحتك ،
واقم صلواتك في وقتها ، استعد لصيام الشهر المبارك ،
وخلي بالك من زوزو
|
Post: #9
Title: Re: أبو ساندرا : إنصراف
Author: Tragie Mustafa
Date: 09-12-2006, 08:29 AM
Parent: #8
ابو ساندرا
خذني معك.
تراجي.
|
Post: #10
Title: Re: أبو ساندرا : إنصراف
Author: خدر
Date: 09-12-2006, 08:50 AM
Parent: #9
|
Post: #11
Title: Re: أبو ساندرا : إنصراف
Author: فتحي البحيري
Date: 09-12-2006, 08:53 AM
Parent: #9
?????????????????????????????????????????????????????
?????????????????????
???????????????????????????????????????
??????????
???????????????????????????????????????????????????
??????????
?
??????????????
????????
??????????????????????????????????????
|
Post: #12
Title: Re: أبو ساندرا : إنصراف
Author: Elmosley
Date: 09-12-2006, 09:46 AM
Parent: #1
ولا على كيفك
تحسبو لعب
ده ماوقتو
أجججججججججججججججججججججججججججمع
زي ما قال عدلان
|
Post: #13
Title: Re: أبو ساندرا : إنصراف
Author: عثمان فضل الله
Date: 09-12-2006, 09:54 AM
Parent: #1
سبقناك وشتتنا.. علا لقينا بره اخير منها جوه.... وجوه اخير منها برة... والحر شديد... والبلد دى مكتوب عليها ما يتحكم فيها الا البليد... يا اخى خليك هنا تساجل وتنافح وتكافح ..
|
Post: #14
Title: Re: أبو ساندرا : إنصراف
Author: عبدالكريم الامين احمد
Date: 09-12-2006, 10:29 AM
Parent: #13
يا ابوساندرا...
انا معاك انو الحال مائل ولكن وجود امثالك في هذا المنبر ايها الكهل الديمي
يغرينا بالتواجد..
فعليك الله بطل حركات الجلاكين دي...وخليك( كما كنت).....
|
Post: #15
Title: Re: أبو ساندرا : إنصراف
Author: فاروق حامد محمد
Date: 09-12-2006, 10:54 AM
Parent: #14
أبو ساندرا
تتبعت نقاشاتك في بوست فاطمة احمد ابراهيم ودعوت لك
انه ربنا يصبرك على الابتلاءات ولكن ماذا نفعل يا أخي
هذا هو السودان ... نحبه كما هو ونسعى ما أمكننا
لتغييره.... كل ما أستطيع قوله لك أن تتداخل مع من تريد
التداخل معه ... وطنش ال........
أما الانصراف فهروب الى الذات وهذا ما لن تقدر عليه
ذلك ان المصادمين لا يستطيعون الهرب وان أرادوا.
اتدمدم ونوم وصباحة الله بخير
|
Post: #16
Title: Re: أبو ساندرا : إنصراف
Author: رشا سالم
Date: 09-12-2006, 11:00 AM
Parent: #15
نهون عليك تمشي تخلينا؟ 
|
Post: #17
Title: Re: أبو ساندرا : إنصراف
Author: عمر ادريس محمد
Date: 09-12-2006, 11:51 AM
Parent: #1
اها وكان الثورة قامت بى وراك نقولها
شنو ؟
شوف ياحبيب
عندك تلاتة يوم تزمع وتزمبع
فيها زى ماداير
وتلاتة يوم اخريات لستر جرستك فى بداية رمضان
وبعدها
Back
انت بى صحك
فاض الظلام ابحرا والرعب اخطبوط
امتدت القبور كالخيوط
واحتقنت شفاة الناس "بالسكوت"
والسلام
|
Post: #18
Title: Re: أبو ساندرا : إنصراف
Author: Ibrahim Adlan
Date: 09-12-2006, 12:59 PM
Parent: #1
Quote: اللقب: أبو ساندرا
الحالة: .
عدد البوستات: 4294 تاريخ التسجيل: 26-02-2003
محل الاقامة: Doha-Qatar |
ينص العقد الموقع بيننا انه لا يمكنك مجرد التفكير في الانصراف قبل 10000 مداخلة و عليه فطلبكم مرفوض
ايها السفيه المتصابئ 
|
Post: #19
Title: Re: أبو ساندرا : إنصراف
Author: فيصل محمد خليل
Date: 09-12-2006, 02:35 PM
Parent: #18
الكومندنتا شرفة التاريخ ابوساندرا
اجمل من رائحة النضال لم اشم رائحة في صبحك الجليل
يا فخر هذا الجيل
اوجة العمال و الزراع
يا بركات
|
Post: #20
Title: Re: أبو ساندرا : إنصراف
Author: أبو ساندرا
Date: 09-12-2006, 03:23 PM
Parent: #1
يا شباب
شاكر جدآ
ويعز علي فراقكم
ويعز علي أكثر خذلان فتحي البحيري وأسئلته الحيرى
ودكتورة رشا بت أخوي وبنتي التي لم تنجبها رشيدة
وقالوا النجوم زادت عدد
وطائع أوامر الرفاق الأشاوس بأن أجمع وأبطل لعب عيال
بس في الأول لازم تعرفوا أسبابي
{ والحاصل بي انا شوق وحنين
واقيم الليل آهات وأنين }
حا أحكيها ليكم ولكم الحكم والقرار
بس أمهلوني حتى تنقشع عني إنفلونزا حادة وحمى أم برد
وحا أنفذ قرار الطبيب بالخلود للراحة لمدة 4 أيام
يعني إستراحة محارب
وحتى أعود وأشرح
ياريت خدوري أو لؤي ينزلوا لينا
{ هجع الأنام وانا وحدي مساهر
النحول على جسمي ياحبايب ظاهر
أه أسبابي الحب الطاهر }
ده أخو معتصم الطاهر لزم
وشرطآ تكون بصوت عوض الكريم عبدالله
دعواتكم حتى الأحد
ويا تراجي تمشي معاي وين؟
وكتفي مثقل بالأرامل
هسع أنا ناوي أنزل رشيدة وبناتها وأتفرغ
|
Post: #29
Title: Re: أبو ساندرا : إنصراف
Author: رشا سالم
Date: 09-13-2006, 07:42 PM
Parent: #20
سلامتك وما تشوف شر .......
راجين يوم الأحد عشان نعرف الحاصل
ومن هسه رمضان كريم...
|
Post: #21
Title: Re: أبو ساندرا : إنصراف
Author: Salwa Seyam
Date: 09-12-2006, 03:32 PM
Parent: #1
Quote: أزمع الإنصراف
وتقليل وجودي هنا للحد الأدنى
فشيعوني بدعواتكم الطيبة |
لا... لا...لا... ثم لا..
|
Post: #22
Title: Re: أبو ساندرا : إنصراف
Author: Salwa Seyam
Date: 09-12-2006, 03:36 PM
Parent: #1
Quote: بس أمهلوني حتى تنقشع عني إنفلونزا حادة وحمى أم برد
وحا أنفذ قرار الطبيب بالخلود للراحة لمدة 4 أيام
يعني إستراحة محارب |
كده ممكن..
مع امنيات بالشفاء العاجل .
|
Post: #23
Title: Re: أبو ساندرا : إنصراف
Author: Tragie Mustafa
Date: 09-12-2006, 03:42 PM
Parent: #22
ابو ساندرا سلامتك وكلنا كرامتك ان شاء الله
Quote:
ويا تراجي تمشي معاي وين؟
وكتفي مثقل بالأرامل
هسع أنا ناوي أنزل رشيدة وبناتها وأتفرغ |
مادام فيها انفلونزا بري يايابا ان قايلاها اجازه ساي.
بعدين ما تخاف نحن نسوان بنسدن اخوانا لما يفتروا من حمل المسؤليه.
دعواتي لك.
وكثر من الليمون والنوم المبكر
وياريت تستغل الحاصل عليكم من صداع وقرف وتعب
وتمتنع من الشاي و القهوة استعداد لرمضان
ماهي خربانه خربانه.
تحياتي لك.
تراجي.
|
Post: #25
Title: Re: أبو ساندرا : إنصراف
Author: Hashim Badr Eldin
Date: 09-12-2006, 04:23 PM
Parent: #23
أيوساندرا
كما يقول العساكر
(كما كنت)
|
Post: #24
Title: Re: أبو ساندرا : إنصراف
Author: عمر ادريس محمد
Date: 09-12-2006, 04:09 PM
Parent: #1
ابوساندرا
واحد : كفارة والبيك يزول
اتنين : ياليل ابقالى شاهد
بصوت بادى
كيف معاك ؟
تلاتة : أأخرابة الماسكاك دى
لاتبقى نزلة ود ابرق
|
Post: #26
Title: Re: أبو ساندرا : إنصراف
Author: النسر
Date: 09-12-2006, 06:04 PM
Parent: #24
ابوساندرا
ثابت عندك
ماشى وين والعسكر فى كل مكان
مد ايدك مسافة حضن
تلقانا جنبك ياجميل
عاجل الشفاء
|
Post: #27
Title: Re: أبو ساندرا : إنصراف
Author: kamalabas
Date: 09-12-2006, 09:11 PM
Parent: #1
قلنا ما ممكن!!!!!
لاتفعل.يا أبو ساندرا نريدك ترياقا ضد القبح وحلقةوسيطة في تواصل الاجيال ومتراسا تتحطم علي أعتا به دعاوي الشمولية....وشوكة في حلق الانقاذيين وأذيالهم......
كمال
|
Post: #28
Title: Re: أبو ساندرا : إنصراف
Author: حيدر حسن ميرغني
Date: 09-13-2006, 00:34 AM
Parent: #27
عزيزنا ابو ساندرا
في ناس فرحانة ... ولسان حالها يقول:
يلَلا ماتعتر ليك قشة
وانت عارفهم
عاوزين يخمَو الناس ويغبَشو وعيهم
في غياب امثالك
لذلك وجودك واجب الساعة
ريَح شوية وتعال تلقانا نحنا يانا نحنا
|
Post: #30
Title: Re: أبو ساندرا : إنصراف
Author: عماد محمود علي
Date: 09-14-2006, 01:07 AM
Parent: #28
Quote: أزمع الإنصراف
وتقليل وجودي هنا للحد الأدنى
فشيعوني بدعواتكم الطيبة |
أخي الوضاء الكريم أبو سـاندرا
على فين العزم إن شاء الله ؟
عسكري : إجمع ، كما كنت .
عزيزي : صدقني سأكون أول من يضع قلمه ( الكي بورت ) هنا إذا ما ودعت أنت ، نحن نعلم علم اليقين بأن هنالك حال مايل في هذا البورد من قبل القليل ، ولكن من أجل الكثيرون الأنقياء الذين يحبونك هنا وأنا أول محب لك يجب أن تبقي حتى لا تدع الساحة لمن هم دونك ، فهيا أخي واصل النضال حتى يقضي الله أمراً كان مفعولا . أبقي أخي رجاءاً وليس أمراً .
|
Post: #31
Title: Re: أبو ساندرا : إنصراف
Author: Masoud
Date: 09-14-2006, 01:25 AM
Parent: #1
انت غير قابل للانصراف ولا الصرف!!!
أبقى مع التصاريف يا ظريف!!
من صرف لك هذه اللغة ؟
ولماذا التأخير في الصرف؟
هل استلمت اخر صرفيتك؟
هل تحب المصارف يا بركة البركات؟
أقصد مصارف الصدقات!!
ما خبر برج بركتك يابركات؟
برج أم صريف؟لا فرق عند الانصراف!!!
و ما رميت اذ.........
سلام عليك وعلى من معك من الجميلين..
انصراف؟؟؟؟؟
|
Post: #32
Title: Re: أبو ساندرا : إنصراف
Author: وائل طه محى الدين
Date: 09-14-2006, 01:47 AM
Parent: #1
ربما يفقد البوست مذاقه الخاص بغيابك...
ياخي نحنا ما صدقنا جينا وده أول بوست ماشي خالينا وين؟
إذا كنت مريض... ( قالوا متألم شويه ياخي بعد الشر عليك)
إذا كنت محبط ...( إنتظر عند المصب سيحمل لك النهر جثة عدوك)
إذا كنت مستاء... (يوم بكرة جميل )
إذا كنت زهجان... (غيب وتعال تلقانا نحنا يانا نحنا)
إذا كنت .........(,,,,,,,,,,)
ماعندك أي سكة
|
Post: #33
Title: Re: أبو ساندرا : إنصراف
Author: خدر
Date: 09-14-2006, 02:06 AM
Parent: #32
Quote: أأخرابة الماسكاك دى
لاتبقى نزلة ود ابرق |
واهااهههاهاهاهاااا
واااااااااااااي
|
Post: #34
Title: Re: أبو ساندرا : إنصراف
Author: Randa Hatim
Date: 09-14-2006, 02:14 AM
Parent: #33
طلب مرفوض
ورغم الخلافات والمهاترات والمشاكل المالية المنبر ... ح يفضل عشمنا فى الاخلاق السودانية انها تطغى وتسود .. وساعتها ح تلقى الكل احباب..
لكن الانسحاب مرفوض
وبعدين ده ما قرارك براك ... البيدخل المنبر ده بيصبح تروه قومية وملك عام وبالتالى قرارو لازم يخضع للتصويت وموافقة الاغلبية ....
خليك من هترشات الكبر دى ... يظهر انو عامل السن بدا ياثر عليك ... ولا اقول ليك تكون دعوتى ليك فى الكعبة يا ود اسماء جابت مفعول عكسى ... اها دى نحلها كيف .. اقوم ليك عمره تانى ولا شنو؟!!!!!!!!!!!
|
Post: #35
Title: Re: أبو ساندرا : إنصراف
Author: كمال قسم الله
Date: 09-14-2006, 02:14 AM
Parent: #1
يا أباساندره العزيز
الحرب لسه فى أول السكه، صحيح أنه فمن شهد منكم الشهر فليصمه ، لكن ذلك لايمنع من الوجود والأختلاط والمشاركه ، بل هى عباده، خاصة فى هذا الشهر الفضيل ، الذى انزل فيه القرآن هدىً للناس وبينات من الهدى والفرقان.
اللهم أجعله رحمة لنا من كوارث الأنقاذ السياسيه والكوراث الطبيعيه ، وقنا أمراض اليساريه الطفوليه ، وتذبذب البرجوازيه الصغيره ، وعقلية المنتج الصغير ،والممارسات الصحراويه الشنيعه التى تمثلت فى أغتيال الأستاذ/ محمد طه محمد أحمد.
أخيرا لا أملك الا أن أدعوك للأستمرار معنا لأنه الزول بدور الزول هشان..........
|
Post: #36
Title: Re: أبو ساندرا : إنصراف
Author: ملكة سبأ
Date: 09-14-2006, 02:24 AM
Parent: #1
سلاااامتك يا ابو السمحات
وكفارة انشاء الله
|
Post: #37
Title: Re: أبو ساندرا : إنصراف
Author: nashaat elemam
Date: 09-14-2006, 03:10 AM
Parent: #36
لن نزيد على كلام هاشم ميرغني الجابو خدر
غيب وتعال.. تلقانا نحنا يانا نحنا
|
Post: #38
Title: Re: أبو ساندرا : إنصراف
Author: خالد العبيد
Date: 09-14-2006, 03:27 AM
Parent: #1
اقتراح :
تكوين لجنة تحقيق من الزملاء الاتية اسمائهم
عمر ادريس / امريكا
حسن النور / استراليا
هنادي يوسف / القاهرة
حسام يوسف / بلجيكا
وفتح عينك يازميل اللجنة دي قارية
وممكن تسميها اممية
لذا ما تتوصل اليه من قرارات ينفذ فورا
والزميل ملزم بذلك
|
Post: #39
Title: Re: أبو ساندرا : إنصراف
Author: Abdalhameed Mohamed Al-amein
Date: 09-14-2006, 04:13 AM
Parent: #1
صعبة شوية حركة الإنصراف دي يا ابو ساندرا نحن يا دوب ابتدينا.
|
Post: #40
Title: Re: أبو ساندرا : إنصراف
Author: علاء الدين حيموره
Date: 09-14-2006, 05:15 AM
Parent: #39
تقعد وتصرف النظر عن الماهتر ايا كان .
|
Post: #41
Title: Re: أبو ساندرا : إنصراف
Author: معتصم الطاهر
Date: 09-14-2006, 07:14 AM
Parent: #1
Quote: { هجع الأنام وانا وحدي مساهر
النحول على جسمي ياحبايب ظاهر
أه أسبابي الحب الطاهر }
ده أخو معتصم الطاهر لزم |
و تومى كمان ..
بعدين العرفتو انك معاش ..
جنـــــابك
|
Post: #42
Title: Re: أبو ساندرا : إنصراف
Author: أبو ساندرا
Date: 09-18-2006, 06:56 AM
Parent: #1
وعدت ان أعود الأحد وأكتب الأسباب
وأخلفت
وده ياهو ذاتو الخايف منو
عدم الوفاء بالوعود والإلتزامات والعهود
مازالت الحالة منيلة
لا لاقي زمن للكتابة ، مع إنو الرأس يضج بموضوعات هامة وعاجلة
ولا لاقي مزاج
حتى ولو تحايل فيصل الزبير
و هاشم كرار
وكل المستهبلين الحلوين أعلاهو
دعواتكم
وصبركم الشوية
|
Post: #43
Title: Re: أبو ساندرا : إنصراف
Author: معتصم الطاهر
Date: 09-18-2006, 07:11 AM
Parent: #1
ما قلنا ليك
ما صدقت
يا خوى العمر ليهو ظروفو و فروضو
خلى الشلاقة
ما بتقدر تعوِّض
ألحق الجاي ...
|
Post: #44
Title: Re: أبو ساندرا : إنصراف
Author: أبو ساندرا
Date: 09-18-2006, 07:31 AM
Parent: #1
الحبيب معتصم الطاهر تماهى مع ناس خدر ومن لف لفهم
الذين يعتمدون التفسير الجنسي للتاريخ
لدرجة السيد هاشم كرار أمبارح سألني عن رشيدة التي كانت منهمكة في مانشيستر والأرسنال
وووين بت أبرق؟
انا ماعارف قت ليه : يبركو فيك شنو .
|
Post: #45
Title: Re: أبو ساندرا : إنصراف
Author: أبو ساندرا
Date: 09-18-2006, 07:48 AM
Parent: #1
طيب
عشان خاطرك يا فيصل
الموضوع فيهو تهديد بالذبح
وبالقطع
وبيني وبينك انا ماخايف من الضبح
|
Post: #46
Title: Re: أبو ساندرا : إنصراف
Author: بدر الدين الأمير
Date: 09-18-2006, 08:02 AM
Parent: #45
انت مش روحت بعد، ماغنيناليك :
قاعدين ليه ماتقومو تروحو
هو انت رجعت وله رجعوك
فلاش : الجابرى عندو اغنية بتقول: مانسيناك
نهديها الى كل الزملا فى الحوش وليس الزملا فى البورد
المهم هل هى عودة حليمة ؟
|
Post: #47
Title: Re: أبو ساندرا : إنصراف
Author: lana mahdi
Date: 09-18-2006, 08:05 AM
Parent: #45
Quote: اقتراح :
تكوين لجنة تحقيق من الزملاء الاتية اسمائهم
عمر ادريس / امريكا
حسن النور / استراليا
هنادي يوسف / القاهرة
حسام يوسف / بلجيكا
وفتح عينك يازميل اللجنة دي قارية
وممكن تسميها اممية
لذا ما تتوصل اليه من قرارات ينفذ فورا
والزميل ملزم بذلك |
وما دايرين مراقبين خارجيين؟
أبو ساندرا قال إنصراف يا خالد العبيد قايل القصة هينة!!!
|
Post: #48
Title: Re: أبو ساندرا : إنصراف
Author: Mohamed Abdelgaleel
Date: 09-18-2006, 08:13 AM
Parent: #47
Quote: اها وكان الثورة قامت بى وراك نقولها
شنو |
وكان لقتك مافي .. وكتبت ليك في الباب
حضرت ولم أجدكم .
تحياتي وكفارة
|
Post: #49
Title: Re: أبو ساندرا : إنصراف
Author: أبوبكر حامد الأمين
Date: 09-18-2006, 08:16 AM
Parent: #1
Quote: الموضوع فيهو تهديد بالذبح
وبالقطع
وبيني وبينك انا ماخايف من الضبح |
حلاتو الضبح فى فقرتك الغليدة دى هههههههه
أبو ساندرا أياً كانت الأسباب فلا مناص من البقاء لأنك أحد ركائز المنبر ودعاماته الموضوعية ، ولايفوتنى أن أنقل لك اعجابى بكتاباتك المتميزة ، حتى فى بوستات التعزية أجد التعزية لديك صادقة وبها عمق المتصوفة .
أرى بعضهم أمرك بالإعتدال ، أخشى ما أخشاه أن يطلب منك أحدهم " على اليمين دور "
|
Post: #50
Title: Re: أبو ساندرا : إنصراف
Author: عمر ادريس محمد
Date: 09-18-2006, 02:08 PM
Parent: #1
لاعليك
ياخالد
قامت اللجنة كاجراء اولى بالاستفسار عن حالة المتهم العتيق فوجدناهو بكل اسف (يكتكت)وهذا من الامراض المؤجلة من زمن الطفولة ...وحكمة ربنا فى مناطق بعض اعضاء اللجنة الموقرة كالحجير مثلا يسمى هذا المرض اللعين (بالنعيتى) وهو يصيب الدواب وبعض الشيوخ فى مقتبل الشياخة ويعالج بالقرض والحسكنيت والدعاء ...
منة
اللهم ياشافى الزول اب رويس يقوم بكرة
اللهم ياشافى ام لبن كتير تقوم بكرة
علية ارجو منكم
خالص الدعاء
للعزيز ابوساندرا يقوم بكرة
التوصـيـات
اى مستجدات او كانى مانى
التهمة جاهزة
الإنكفاء الذاتى وعدم الاهتمام بقضايا العصر
ولانامت
والتحايا
ملحوظة
يالنا
كنا دايرين "نزمع" نستعين بيك
لكن
شايف الحبيب ذكر السندكالية تانى
والله غالب
|
Post: #51
Title: Re: أبو ساندرا : إنصراف
Author: ريهان الريح الشاذلي
Date: 09-18-2006, 02:29 PM
Parent: #50
لا ياخي............. نحتاج لوجودك لتخفيف بعض المأسي فلا ترحل
|
Post: #52
Title: Re: أبو ساندرا : إنصراف
Author: احمد الامين احمد
Date: 09-18-2006, 02:33 PM
Parent: #50
الاخ ابو ساندرا فى بوست ترحيب بورداب الدوحه بالشاعر فضيلى جماع شهد لك الشاعر فضيلى " هو بصير بالجرح والتعديل"بالوطنيه فى بوستاتك ومواقفك ومداخلتك وهذه شهاده صافيه فى زمن معتم ..تابعت تقريبا كل ما كتبته بهذا المنبر فاعجبنى فيك الوضوح والشجاعه والانسانيه والتواضع والشهامه وهذه المفردات ليست انشاء بل استطيع التدليل عليها ان وسعتنى المساحه كذلك يلحظ من يتابعك رغم انتمائك الايدليوجى " ان صحت متابعتى" لحزب اختلف معه كثيرا الا انك تعبر احيانا عن مواقفك الخاصه حتى ان اختلفت مع الحزب تتشابه فى هذا المقام مع المراه التى توزن ملايين من الرجال الذين يحكمونناوالذين حكمونا والذين يريدون ان يحكموننا فاطنه احمد ابراهيم مع اختلافى معها كذلك فى الكثير من ارائها.
مما سبق وجودك بالبورد ضرورى مثل وجود ابىذر بالشام كى لا يفسد بنى اميه ذاكرتنا لذا لاتبتعد كثيرا... ولك الاحترام.
|
Post: #53
Title: Re: أبو ساندرا : إنصراف
Author: أبو ساندرا
Date: 09-18-2006, 04:29 PM
Parent: #1
قامت اللجنة كاجراء اولى بالاستفسار عن حالة المتهم العتيق فوجدناهو بكل اسف (يكتكت}
------------------------------------
يتكتك
يا فجراوي
رتب الحروف كويس
مع شكري الجزيل لإتصالك الطويل الجميل
في ميزان حسناتك يا زميل
|
Post: #54
Title: Re: أبو ساندرا : إنصراف
Author: أبو ساندرا
Date: 09-18-2006, 04:52 PM
Parent: #1
Quote: الاخ ابو ساندرا فى بوست ترحيب بورداب الدوحه بالشاعر فضيلى جماع شهد لك الشاعر فضيلى " هو بصير بالجرح والتعديل"بالوطنيه فى بوستاتك ومواقفك ومداخلتك وهذه شهاده صافيه فى زمن معتم ..تابعت تقريبا كل ما كتبته بهذا المنبر فاعجبنى فيك الوضوح والشجاعه والانسانيه والتواضع والشهامه وهذه المفردات ليست انشاء بل استطيع التدليل عليها ان وسعتنى المساحه كذلك يلحظ من يتابعك رغم انتمائك الايدليوجى " ان صحت متابعتى" لحزب اختلف معه كثيرا الا انك تعبر احيانا عن مواقفك الخاصه حتى ان اختلفت مع الحزب تتشابه فى هذا المقام مع المراه التى توزن ملايين من الرجال الذين يحكمونناوالذين حكمونا والذين يريدون ان يحكموننا فاطنه احمد ابراهيم مع اختلافى معها كذلك فى الكثير من ارائها.
مما سبق وجودك بالبورد ضرورى مثل وجود ابىذر بالشام كى لا يفسد بنى اميه ذاكرتنا لذا لاتبتعد كثيرا... ولك الاحترام |
العزيز / أحمد الأمين أحمد
مع إعتزازي بشهادتك التي أقبلها بكل تواضع
عايز أعبر عن سعادتي عن إلتفاف أولاد عم الأمين
فقبل سويعات غادرني كيكي بعد أن اسال دمعي وأنا اضحك ضحك مشوب بكحة ناشفة
من تعليقاته الذكية
بعدها بدقائق رأيت تحرش هوان بصديقي الرجل الموقف صلاح الأمين
حسنآ أخرجت عضلاتك هناك
ويمنك الوثوق في قبضتي المدمرة
إذا ما إحتدم الوغى
ياخ كتر خيرك
وياريت أقدر أواصل برغم الظرف العصيب
|
Post: #55
Title: Re: أبو ساندرا : إنصراف
Author: أبو ساندرا
Date: 09-18-2006, 04:58 PM
Parent: #1
| Quote: كان كدا عاد ما تقول اتكسر المرق |
المناضل العتيد أبوقصي
لا حاينكسر مرق
ولا حا يتشتت الرصاص
طول ما أنت هنا تنافح بقلم طلق
وطلقة مدفع
هي إستراحة محارب
قبل أن ينجلي غبار المعركة
شكري الجزيل
|
Post: #56
Title: Re: أبو ساندرا : إنصراف
Author: Tumadir
Date: 09-18-2006, 05:01 PM
Parent: #55
حاولناها قبلك وغلبتنا
أحسن ليك "انطج" فى بطن ا########## دى معانا ...
لما يسودوا لينا البورد
وعمرك طويل ..
|
Post: #57
Title: Re: أبو ساندرا : إنصراف
Author: عصام أحمد
Date: 09-18-2006, 08:58 PM
Parent: #56
Quote: هي إستراحة محارب
قبل أن ينجلي غبار المعركة
|
أو هي إستراحة محارب قبل أن تبدأ المعركة الفاصلة..
سلامتك والألم بيزول ..
والكفارة ليك يا أبوساندرا..
عصام أحمد..
|
Post: #58
Title: Re: أبو ساندرا : إنصراف
Author: أبو ساندرا
Date: 09-20-2006, 02:31 AM
Parent: #1
Quote: أبوسـاندرا: أجــمع
|
عدلان احمد عبدالعزيز يصدر الأوامر العصية على الرفض
|
Post: #59
Title: Re: أبو ساندرا : إنصراف
Author: أبو ساندرا
Date: 09-20-2006, 02:33 AM
Parent: #1
Quote: الأب ساندرا* .. ماشي وين ياخي؟!
_____
* حق الجريفاوي محفوظ |
نيافة الأنباء حسين ملاسي
أنا ماشي نيالا
|
Post: #60
Title: Re: أبو ساندرا : إنصراف
Author: أبو ساندرا
Date: 09-20-2006, 05:22 AM
Parent: #1
Quote: الاب : ساندر
خذ حزرك واواقاتك ، انتبه لصحتك ،
واقم صلواتك في وقتها ، استعد لصيام الشهر المبارك ،
وخلي بالك من زوزو |
يا إبراهيم الجريفاوي يا ولدي
فيما تناهى لي فإن زوزو يخلي بالهم منها شبان كثر
بيضعوا العسل على السنتهم وبيتقنوا الحوار والإقناع
لقد تركت لزوزو الحبل على القارب وإختياراتها
ومخلي بالي من امها حيث مكان نفوذي وعزوتي
مالي ومال حريم الناس ؟
|
Post: #61
Title: Re: أبو ساندرا : إنصراف
Author: أبو ساندرا
Date: 09-20-2006, 05:26 AM
Parent: #1
Quote: ابو ساندرا
خذني معك.
|
وين لقيتك لامن آباك ؟
يا تراجي مصطفى
منك وكفى
|
Post: #62
Title: Re: أبو ساندرا : إنصراف
Author: أبو ساندرا
Date: 09-20-2006, 07:32 AM
Parent: #1
خدر:
لا غيرتنا ظروف لاهدتنا محنة
فتحي البحيري
Quote: ?????????????????????????????????????????????????????
?????????????????????
???????????????????????????????????????
??????????
???????????????????????????????????????????????????
??????????
?
??????????????
????????
?????????????????????????????????????? |
ليك حق تندهش
إلا ما باليد حيلة
|
Post: #63
Title: Re: أبو ساندرا : إنصراف
Author: أبو ساندرا
Date: 09-20-2006, 11:39 AM
Parent: #1
Quote: ولا على كيفك
تحسبو لعب
ده ماوقتو
أجججججججججججججججججججججججججججمع
زي ما قال عدلان |
الفنان الضخم الفخم الموصلي
عارفو مالعب ، شليل ترتار وقيرة
ولا نطيط بطان فوق الدميرة
عارف الوجود هنا من الواجبات الهامة جدآ
في ظل سيطرة سلطة الموبقات على أجهزة الإعلام
المنبر بيمثل مثابة مهمة جدآ للفضح ولإشاعة الوعي
بعمايل السلطة وكشف زيفها ودجلها
علا بس
في واجبات أخرى ضاغطة لابد من التفرغ لها
شوف أحكي عنها حالما إنتهي من واجب الرد على الأصدقاء المتداخلين هنا
|
Post: #64
Title: Re: أبو ساندرا : إنصراف
Author: معتصم الطاهر
Date: 09-20-2006, 04:17 PM
Parent: #1
اتصال بالأب أبو ساندرا
وقد وجدته مَــوَتّك
ولما كنا سريعى الالتقاط للسمحة والشينة
قلنا الهاتف أحسن ..
بس زولكم مناضل جرسة ..
|
Post: #65
Title: Re: أبو ساندرا : إنصراف
Author: أبو ساندرا
Date: 09-20-2006, 11:25 PM
Parent: #1
| Quote: سبقناك وشتتنا.. علا لقينا بره اخير منها جوه.... وجوه اخير منها برة... والحر شديد... والبلد دى مكتوب عليها ما يتحكم فيها الا البليد... يا اخى خليك هنا تساجل وتنافح وتكافح |
عثمان فضل الله
صديقي الصحفي البارع ، هاوي المتاعب
طبعآ أنت صاحب تجربة لايمكن تجاهلها
في الشتات والإختفاء
طيب عامل كيف مع { الرقابة القبلية }
يخربني لو فهمتها
يعني رقابة قبل ما تكتب ذاتو ؟!
رقابة على الضمير ؟
مشتاق ليك وجاييك في الأسبوع الأخير من ديسمبر
يعني مروس معاكم
حضر البيض الفاسد
|
Post: #66
Title: Re: أبو ساندرا : إنصراف
Author: معتز القريش
Date: 09-21-2006, 00:42 AM
Parent: #65
شنو يا فردة القضية انتهت والحكومة سقطت ؟
والنضال انتهى ؟
ولا خاب ظنك في الانتفاضة؟
ولا الجماعة دفعوا ليك وماشي تتلم علي كتلة الحزب الشيوعي الفي البرلمان ؟
ولا ها عشان الشيوعية سقطت في بلدها قلتو أخير نتخارج من بدري ؟
قبيل قلنا ليكم الطير بياكلكم .
|
Post: #67
Title: Re: أبو ساندرا : إنصراف (Re: أبو ساندرا)
Author: Ahmed Daoud
Date: 09-21-2006, 04:25 AM
Parent: #1
لا ... ابوساندرا
قرب تعال ما تبتعد .
احمد داود
|
Post: #68
Title: Re: أبو ساندرا : إنصراف
Author: أبو ساندرا
Date: 09-22-2006, 07:09 AM
Parent: #1
Quote: يا ابوساندرا...
انا معاك انو الحال مائل ولكن وجود امثالك في هذا المنبر ايها الكهل الديمي
يغرينا بالتواجد..
فعليك الله بطل حركات الجلاكين دي...وخليك( كما كنت)..... |
العزيز اللذيذ / كيكي
زارني كيكي - كتر الله من أمثالوا - ثلاثة أيام على التوالي
ليطمئن عن الحال والصحة
لم يفعلها بالتلفون زي المعتصم بالله الخايف من العدوى
إستضافته رشيدة بكوب عصير تبلدينا مندي
تجرعه ولزوم الذوق ترك قليل في قعر الكاس
قالت له رشيدة : ياكيكي ، كمل عصيرك عايز تبور لي بناتي
وكرمآ يقول الناس لضيفهم ذي الذوق هذا حتى يلحس الكوب ويقطروا تعاطفآ مع آنسات البيت
علا كيكي رفض
قائلآ ،: تورا بورا لبناتك نهيي .
جدآ يا كيكي
حركان جلاكين ، نهيي
|
Post: #69
Title: Re: أبو ساندرا : إنصراف
Author: عبدالكريم الامين احمد
Date: 09-22-2006, 09:11 AM
Parent: #68
Quote: قائلآ ،: تورا بورا لبناتك نهيي .
|
مرحب بالصديق الكبير ابوساندرا
وبركة الجيت..بركة الجيت
واما بخصوص التورا بورا نهي
الرجاء نقل قولي للاخت رشيدة مرة اخرة وقول ليها
بورا نهي..
والحمد الله الما بقيتو هنود يا ابوساندرا كان عرس البنات ديل ح يحت جيبك
وراء وقدام...(طبعا كما تعلم عند الهنود اسرة الفتاة هي من تجهز كل شي حتي الدهب)
|
Post: #70
Title: Re: أبو ساندرا : إنصراف
Author: أبو ساندرا
Date: 09-29-2006, 11:01 PM
Parent: #1
Quote: أبو ساندرا
تتبعت نقاشاتك في بوست فاطمة احمد ابراهيم ودعوت لك
انه ربنا يصبرك على الابتلاءات ولكن ماذا نفعل يا أخي
هذا هو السودان ... |
الشقيق الكبير فاروق حامد
شكرآ على الدعوات الصالحات ونأمل أن تكون من الذين دعائهم مستجاب
المؤلم يا فاروق إنو السودان ماكان كده
والناس كانت بتختلف
لكن بأدب وإحترام
وشعارهم : إختلاف الرأي لايفسد للود قضية
هسع في لؤم غريب
|
Post: #71
Title: Re: أبو ساندرا : إنصراف
Author: عبدالمنعم الرزوقي
Date: 09-29-2006, 11:24 PM
Parent: #70
لاادرى مـاذا اقول بـعد توسلات الاخوة اعـلاه
احـيانا يـصـيبنا بـعض الاحـباط مـن الـلـغةالـعقيمة التي ياتي بها بعض الـمفلسين
لـكن عــزاءنا
العلم يرفع بيتا لا عماد له
والـجهل يهدم بيت الـعز والشرف
|
Post: #72
Title: Re: أبو ساندرا : إنصراف
Author: تراث
Date: 09-30-2006, 05:44 PM
Parent: #71
ابو ساندرا خليك منضبط.. قلنا:
أجمع
|
Post: #73
Title: Re: أبو ساندرا : إنصراف
Author: فاروق حامد محمد
Date: 09-30-2006, 06:55 PM
Parent: #70
Quote: المؤلم يا فاروق إنو السودان ماكان كده
والناس كانت بتختلف
لكن بأدب وإحترام
وشعارهم : إختلاف الرأي لايفسد للود قضية
هسع في لؤم غريب |
لؤم وبس يا أبا ساندرا
ده لؤم وقلة أدب عجيبة
تعرف أنا مرات بتهيج عندي القولون العصبي
وأصاب بحالة من الاكتئاب (القرفي) حين أرى بعض
الشباب يستعملون ألفاظا لم نكن نسمعها حتى
في (أبوصليب) الذي كان بالقرب من الجريدة التي
كنا نعمل بها.. ومع من؟؟؟ مع نساء في عمر أمهاتهم.
يبدو ان مايو والانقاذ لم يتسببا في الانهيار الاقتصادي
ومحو الطبقة الوسطى من الخريطة الاجتماعية بل زادا على
ذلك بانهيار القيم الاجتماعية السوداناوية تماما... فلم
تعد هناك قيم تضبط سلوكيات المجتمع والأفراد ولم يعد العيب
عيبا .. بل صار سلوكا عاديا لا ترتفع له حتى الحواجب دهشة!!
لماذا حدث هذا ال Total collapse of the sense of values
هذا مجال بحث في غاية الأهمية يجب أن تشارك فيه فرق بحثية
متخصصة من التربويين وعلماء الاجتماع والسياسيين والاقتصاديين
والاعلاميين والأباء والأمهات وكافة شرائح المجتمع.
والى أن يحدث هذا وايجاد حلول ناجعة ليكن الله في عوننا.
ودمت ... مع خالص محبتي
أخوك/فاروق حامد
|
Post: #74
Title: Re: أبو ساندرا : إنصراف
Author: أبو ساندرا
Date: 10-02-2006, 05:34 AM
Parent: #1
كتبت الدكتورة/ رشا سالم :
| Quote: نهون عليك تمشي تخلينا؟ |
لا والله يا دكتورة مابيهون
بوجودك هنا يصير المنبر العام مكان جاذبآ
كنا نحتاج لإضافة نوعية تتسم بالوعي والإلتزام بقضايا الوطن المصيرية
كنا نحتاج لعمقك في التفكير ووضوح الرأي والرؤيا لديك
ومواقفك الناصعة ومنها { بلاد النور ....}
حانبقى
قولي لهم حانبقى
أرضك والبيوت
بس
لابد من توقف قصير
سوف أشرح أسبابه بعد مانرد على الأعزاء المتداخلين
|
Post: #75
Title: Re: أبو ساندرا : إنصراف
Author: أبو ساندرا
Date: 10-04-2006, 01:52 AM
Parent: #1
Quote: كده ممكن..
مع امنيات بالشفاء العاجل |
سلوى صيام
زينك الله بعقلك
وخلقتك
{ وكل شيء في الحياة ممكن }*
مع أمنياتي الطيبة بصوم مقبول
وذنب مغفور ، إن وجد
* حكمة مستمدة من أغنية لترباس مطلعها :
العندي أنا ما بدي
|
Post: #76
Title: Re: أبو ساندرا : إنصراف
Author: أبو ساندرا
Date: 10-05-2006, 01:33 PM
Parent: #1
كتب : عمر إدريس محمد :
Quote: اها وكان الثورة قامت بى وراك نقولها
شنو ؟
|
لو الثورة قامت يا فجراوي فتأكد إنها ماقامت بي وراي
مابتقوم بي وراي
وضع ضمن إحتمالاتك أن إنصراف أبو ساندرا كان لأعمال التحضير
ممكن ، مافي حاجة بعيدة
|
Post: #77
Title: Re: أبو ساندرا : إنصراف
Author: عصام عبد الحفيظ
Date: 10-05-2006, 07:09 PM
Parent: #76
فايت مودر ويين ما لسة الوقت بدرى
ــــــــــــــــــــــــــــــــــــــــــــــــــــــــــ
ولك انسام الديم فى نهاية السبعينيات ... وبعض من صبا ووجد
|
Post: #78
Title: Re: أبو ساندرا : إنصراف
Author: أبو ساندرا
Date: 10-19-2006, 03:14 AM
Parent: #1
كتب / هاشم بدرالدين :
Quote: أيوساندرا
كما يقول العساكر
(كما كنت) |
يا كوماندر
انا طائع أوامرك
كما كنت ، كما كنت
عاد بنقدر نقول لا
شكرآ يا كوماندر
|
Post: #79
Title: Re: أبو ساندرا : إنصراف
Author: أبو ساندرا
Date: 10-19-2006, 03:47 AM
Parent: #1
Quote: Quote: اللقب: أبو ساندرا
الحالة: .
عدد البوستات: 4294 تاريخ التسجيل: 26-02-2003
محل الاقامة: Doha-Qatar
ينص العقد الموقع بيننا انه لا يمكنك مجرد التفكير في الانصراف قبل 10000 مداخلة و عليه فطلبكم مرفوض
ايها السفيه المتصابئ
(عدل بواسطة Ibrahim Adlan on 12-09-2006, 01:00
|
الشقيق الرفيق إبراهيم عدلان
عشرة الف مداخلة ، لاحولا دي تأبيدة عديل ، مابقدر عليها
انت عايزني أخرف هنا
خريف أبوالسعن
كتب / فيصل محمد خليل :
Quote: الكومندنتا شرفة التاريخ ابوساندرا
اجمل من رائحة النضال لم اشم رائحة في صبحك الجليل
يا فخر هذا الجيل
اوجة العمال و الزراع
يا بركات
|
لسع فاكر يافيصل ؟
انا برضو متذكرك وعزالدين عبدالتام وعثمان الحاج
لمن صحت الخرطوم في صباح بهي في السبعينات
ووجدت كل الجدران مزينة بالأحمر القاني
- عاش نضال الشعب السوداني
- لن ترتاح يا سفاح
والتوقيع :
الحزب الشيوعي السوداني
كتبت / رشا سالم :
Quote: سلامتك وما تشوف شر .......
راجين يوم الأحد عشان نعرف الحاصل
ومن هسه رمضان كريم... |
يادكتورة
نحن برضو راجين طلتك البهية
وياريت تجي ومتأبطة حبك
وتأكدي فرحنا حا يتضاعف
أعتذر ، فقد طال إنتظارك ، دون أن أفصح عن أسباب زعمي الإنصراف
حا اقولها ليك لمن تجي
كتبت المناضلة / سلوى صيام :
Quote: كده ممكن..
مع امنيات بالشفاء العاجل . |
وكانت سبقت ذلك ب لا كبيرة
أنا طائع أوامرك يا سلوى
الزعيمة / تراجي مصطفى كتبت
Quote: ما تخاف نحن نسوان بنسدن اخوانا لما يفتروا من حمل المسؤليه.
دعواتي لك.
وكثر من الليمون والنوم المبكر
|
قبل أن أشرع في التنفيذ داهمتني دكتورة رشا بوصفة طبية ناجعة
ومع ذلك أفرطت في الليمون في رمضان
مش عشان النزلة
عشان بطني كانت طامة { كبرى }
|
|