ده ولد قايلو بت انت؟؟؟؟؟؟؟؟؟؟؟

ده ولد قايلو بت انت؟؟؟؟؟؟؟؟؟؟؟


02-01-2007, 08:00 AM


  » http://sudaneseonline.com/cgi-bin/sdb/2bb.cgi?seq=msg&board=81&msg=1201040026&rn=47


Post: #1
Title: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 08:00 AM
Parent: #0

العبارة اعلاه كتبهاعلاء الدين حيمورة لدكين في بوست الدكتورة مي الاسيد.

اها العبارة دي مرفوعة لعناية الاخت ممكونة الفتحت بوست طويل وعريض وقالت انها مبسوطة شديد ومن ما اتولدت ما في راجل داس ليها علي طرف وبالتالي المراة السودانية ما عندها اي مشكلة في الحياة والرجال السودانيين اجدع ناس!!!!!!!!!



يا علاء الدين مبروك الوليد وطبعا جملتك دي ح تقول كانت هزار وكدة,, لكن الحقيقة انها موروثات ثقافية في مجتمعنا والدليل انو الراجل لما يتزوج بيدعوا ليهو ويقولوا ان شاء الله تبكر بالوليد..

وطبعا يا اخوانا مهما اتفلسفتوا وحاولتوا تجملوا المواضيع وتنحرفوا بالحوارات ح يفضل الفهم برضو قاصر, لانو دي حاجة وجدت من قديم الزمن,, من زمن كان الرجل اذا بشر بالانثى يظل وجهه مسودا وهو كظيم!! يعني دي طبيعة فيكم والطبيعة جبل!!

اها احنا من هذا المنطلق ح نعمل بالمثل البقول "كن كالنخيل عن الاحقاد مرتفعا فالنخل يرمى ليرمي اطيب الثمر" فخليكم انتو في طقيعكم دة واحنا ننجب ونربي ونجيب للبشرية ناس تاااااني زيكم عشان يستمر المسلسل دة الى ان يرث الله الارض وما عليها!!!!

Post: #2
Title: Re: ده ولد قايلو بت انت؟؟؟؟؟؟؟؟؟؟؟
Author: Tabaldina
Date: 02-01-2007, 09:25 AM
Parent: #1

..
.

يعنى انت شايفه كلام ممكونة مجرد خطرفات ساااى !!؟
والله يا دينا
هذه الطبيعة - الفهم - التى تتكلمين عنها ما موجودة
الا فى امخاخكم دى ..
لقد تم تجاوزها منذ وقت ليس بالقصير فى جميع المجالات
العملية والعلمية من واقع الحياة المعاش شرعاً وعرفاً
واعتقد مداخلات الاخوة فى البوستين المعنيين - بت الأسيد/ ممكونة - قد كفت
واوفت ..
هذا ان استثنيناء بعض الحالات النادرة ..
ولا اظن ان الحوار انحرف او تم تجميله أو فلسفته
__________________

Quote: فخليكم انتو في طقيعكم دة واحنا ننجب ونربي ونجيب للبشرية
ناس تاااااني زيكم عشان يستمر المسلسل دة الى ان يرث الله الارض وما عليها!!!!

هو انتو بتنجبوا وبتربوا براكم لاستمرارية هذا المسلسل !!؟

Post: #5
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 09:34 AM
Parent: #2

Quote: والله يا دينا
هذه الطبيعة - الفهم - التى تتكلمين عنها ما موجودة
الا فى امخاخكم دى ..


تبلدينا

انت بتتكلم هنا عن نفسك والا عن المجتمع؟؟؟
ما تقسم باسم كل الرجال وتشيل ذنبهم ساي,, لانو واقع الحياة المعاش الانت بتتكلم عنه دة ممكن تحسه من فرحة علاء الدين بالولد,, وما نظلم علاء الدين ونختوا مثل في كل حاجة,, انت زاتك قيس علي نفسك وحلتك وجيرانك,, ما تجي تكتب لينا كلام منابر ساي. الواقع دة احنا عايشينه وشايفينه.

Quote: ولا اظن ان الحوار انحرف او تم تجميله أو فلسفته


الحوار انحرف فعلا, لكن لم يتم تجميله, تم تشويهه.

Quote: هو انتو بتنجبوا وبتربوا براكم لاستمرارية هذا المسلسل !!؟


لا طبعا اكيد انتو معانا,, النص بالنص.

Post: #7
Title: Re: ده ولد قايلو بت انت؟؟؟؟؟؟؟؟؟؟؟
Author: Tabaldina
Date: 02-01-2007, 09:52 AM
Parent: #5

..
.
Quote: انت بتتكلم هنا عن نفسك والا عن المجتمع؟؟؟

عن المجتمع الانا عايشو طبعاً وليس العايشاهو انت !!

Quote: ما تجي تكتب لينا كلام منابر ساي.

عجبتنى الشوته دى .. بفهم رد الصاع
وبرضو بتقولى حقوق مهضومة مياكى بتردى وبتقالعى حقوقك قلع
وما بتفوتى ولو بعد حين !!

Quote: الواقع دة احنا عايشينه وشايفينه

أشك فى ذلك !! وان صح فأين !!

والحمدلله بقينا معاكم النص بالنص
كنت خايف تكونوا براكم..

والله الكلام كتير والوقت قليل ..
ارجعى لبوست ممكونة بليززززززززز

دمتى؛

_______________________

شنو موضه الحقوق الجندرية المهضومة
الهبت علينا اليومين دى !!؟
( ان شاء يطلع يشبه ابوهو

Post: #19
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 10:24 AM
Parent: #7

Quote: عن المجتمع الانا عايشو طبعاً وليس العايشاهو انت !!


وانت يا اللخو عايش وين؟؟؟؟؟؟


Quote: أشك فى ذلك !! وان صح فأين !!


في المجتمع الانا عايشاهو


Quote: شنو موضه الحقوق الجندرية المهضومة
الهبت علينا اليومين دى !!؟
( ان شاء يطلع يشبه ابوهو


طب ح نكون عملنا شنو يعني؟؟؟

Post: #3
Title: Re: ده ولد قايلو بت انت؟؟؟؟؟؟؟؟؟؟؟
Author: Adel Sameer Tawfiq
Date: 02-01-2007, 09:29 AM
Parent: #1

Quote: زمن كان الرجل اذا بشر بالانثى يظل وجهه مسودا وهو كظيم!!


ما كل الناس يا دينا..

أنا عندي بنتين زي القمر بحبهم حب شديييييد !!

بالمناسبة الكبيرة إسمها دينا !!

Post: #6
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 09:37 AM
Parent: #3

Quote: ما كل الناس يا دينا..

أنا عندي بنتين زي القمر بحبهم حب شديييييد !!

بالمناسبة الكبيرة إسمها دينا !!


اكيد ما كل الناس يا عادل,, والا ما كنا قاعدين هسي معاكم هنا


ربنا يخلي ليك الامورتين وسلم لي علي دينا

Post: #10
Title: Re: ده ولد قايلو بت انت؟؟؟؟؟؟؟؟؟؟؟
Author: Tabaldina
Date: 02-01-2007, 10:05 AM
Parent: #3

..
.
Quote: أنا عندي بنتين زي القمر بحبهم حب شديييييد !!

والله يا عادل الناس دى شايته بره الحدود الجفرافية
والأنثربلوجية للبيئة السودانية المعاشه ..
ما عارفين انو البت زى الولد لو ما بقت اهم منو
فى الدراسة والتعليم والعمل والمسؤلية والفهم واللماضة برضو
يعنى ما محتاجة للنظريات البكتبوها لينا هنا
وتبقي كلام ساااى ..
ياخى اى زول بقي عايز ليهو بنات - رغم الذى لا نود التطرق اليه هنا-
فهذا خيط سيسحبنا الى خيط اخر عن ما آل عليه الوضع ..

_____________________
ربنا يحفظهم ويغطيهم ليك يا عادل
واللهم ارزقنا بنص دسته من البنات..
والباقي كلو هين ..

Post: #18
Title: Re: ده ولد قايلو بت انت؟؟؟؟؟؟؟؟؟؟؟
Author: Adel Sameer Tawfiq
Date: 02-01-2007, 10:23 AM
Parent: #10

أتفق معاك تماما Tabaldina !!

ًتسلم يارب و يديك الفي مرادك !!

Post: #46
Title: Re: ده ولد قايلو بت انت؟؟؟؟؟؟؟؟؟؟؟
Author: Salah Waspa
Date: 02-01-2007, 02:46 PM
Parent: #3

وأنا كومااان (كمان بالصعيدي) يادينا جيت برشة عطر

وبقول زي ما قال عادل البنات عندي بالكوم وبكريتي

بنيه لكن بعشرة رجال وحنانها تجاهنا كوالدين بدون

مبالغة يكاد ينعدم وجه المقارنة مع إبني الويحيييد .


ربنا يحفظكم أو يحفظكن



صلاح واسبه

Post: #53
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 04:45 PM
Parent: #46

Quote: بنيه لكن بعشرة رجال وحنانها تجاهنا كوالدين بدون

مبالغة يكاد ينعدم وجه المقارنة مع إبني الويحيييد .



ربنا يحفظها ليك يا صلاح ويخلي ليك ابنك الويحيد

لكن طبعا زي كلامك دة والله انا سمعتو كتير,, بس يجوا هسي ناس قريعتي راحت ويعملوهو موضوع

واثبتي وهلمجرا,, لكن لو عملنا احصائية ح نلقى غالبية الاباء والامهات مبسوطين من بناتهم

وبيقولوا انهم مريحنهم اكتر من الاولاد.

Post: #4
Title: Re: ده ولد قايلو بت انت؟؟؟؟؟؟؟؟؟؟؟
Author: Adel Sameer Tawfiq
Date: 02-01-2007, 09:33 AM
Parent: #1

حذف للتكرار !

Post: #8
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 09:55 AM
Parent: #4

وين فيصل نوبي؟؟؟

Post: #28
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 10:52 AM
Parent: #8

Quote: وين فيصل نوبي؟؟؟



ما فاضي يا انور ياااخ
عندو اعباء بيشيل فيها

Post: #9
Title: Re: ده ولد قايلو بت انت؟؟؟؟؟؟؟؟؟؟؟
Author: عبد المنعم سليمان
Date: 02-01-2007, 10:01 AM
Parent: #1

انا لما اتزوج بت عاوزا تجيب لي بت عشان اسميها دينا









____

انور ودينا شنو ما عزمتونا السماية دي

قايلني ما بعرف البيت وللا شنو



منعم

Post: #11
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 10:07 AM
Parent: #9

Quote: انور ودينا شنو ما عزمتونا السماية دي

عشان ما تلهط الضلع يا شرفان

Post: #13
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 10:13 AM
Parent: #11

Quote: ما قلنا فيجيتاريان يااااخ



الله يجازي محنك يا منعم



Post: #12
Title: Re: ده ولد قايلو بت انت؟؟؟؟؟؟؟؟؟؟؟
Author: عبد المنعم سليمان
Date: 02-01-2007, 10:09 AM
Parent: #1

ما قلنا فيجاتاريان يااااخ


( وش مييييت من الضحك)


منعم

Post: #14
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 10:16 AM
Parent: #12

Quote: ما قلنا فيجاتاريان يااااخ

و الخروف الطلعو منو الضلع برضو فيجاتاريان

شنكل(ناذرR):
ما يجي واحد يقول لي قاصد سيدنا ادم

Post: #15
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 10:17 AM
Parent: #14

Quote: ما يجي واحد يقول لي قاصد سيدنا ادم



طب قاصد منو؟؟

Post: #17
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 10:22 AM
Parent: #15

Quote: ما يجي واحد

انا قلت ما يجي واحد مش واحدة، انتي جاية ناطه مالك.
قاصد وادي سيدنا(خليل بعد التعديل يا حريفه)

Post: #25
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 10:48 AM
Parent: #17

Quote: قاصد وادي سيدنا(خليل بعد التعديل يا حريفه)



ما خفت من جماعة التكفير والهجرة الحايمين الايامات دي يا انور



ما تحكها ياخ

Post: #16
Title: Re: ده ولد قايلو بت انت؟؟؟؟؟؟؟؟؟؟؟
Author: عبد المنعم سليمان
Date: 02-01-2007, 10:21 AM
Parent: #1

دينا وانور


ادوني ساعة وبجييكم والله البوست ده الحقوا ليكم أمات طة



انور طة ده منو ؟ عرفنا اماتو ناس دينا ونون ومن لف لفهن


منعم

Post: #20
Title: Re: ده ولد قايلو بت انت؟؟؟؟؟؟؟؟؟؟؟
Author: Tabaldina
Date: 02-01-2007, 10:25 AM
Parent: #1

..
.
منعم/انور/ دينا
خلاص قلبتوهو ونسه
منعم
أمشى اكل صحن فولك الما مصلح دا وتعال كمل

_______________________

منبر بقي كلام ساااى

Post: #21
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 10:31 AM
Parent: #20

Quote: أمشى اكل صحن فولك الما مصلح دا وتعال كمل

تبلدينا،
امشي انت تم مويتك و تعال قبل ما مكنتك تسيح ولا تقطع وش نحاس.

Post: #27
Title: Re: ده ولد قايلو بت انت؟؟؟؟؟؟؟؟؟؟؟
Author: Tabaldina
Date: 02-01-2007, 10:51 AM
Parent: #21

..
.
Quote: امشي انت تم مويتك و تعال قبل ما مكنتك تسيح ولا تقطع وش نحاس
.
من الطرمبة ولا من الباقة _ بالعودة لناذر والبطل _
يازول مكنه شنو !! دى ما بتسخن خااالص
سمعت بالكمبرسو..

____________________

يا منعم انور دا من اكلة لحوم البشر ولا حاجة
الحقكـ دينق ..

Post: #34
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 11:19 AM
Parent: #27

Quote: بالعودة لناذر والبطل

تبلدينا،
انت وين الناس دي ياخ

البطل عامل فيها وزير التعليم العالي
و ناذر لسه جاري من الفار؟

Post: #23
Title: Re: ده ولد قايلو بت انت؟؟؟؟؟؟؟؟؟؟؟
Author: Noon3
Date: 02-01-2007, 10:37 AM
Parent: #20

دينا سلامات ما تزعلي على الأقل في تبلدينا وعادل وانا حاسه بصدقهم هو مكسب...
شايفه سفرتنا بضعلها ونفس الجماعة بس عليك الله دسي منهم الضلع والفقرة اديهم الراس ولا النيفة احسن عشان ما بتكسرو الفاس.

دينا هاك نموذج وسمع اضاني واحد قال لي التاني جابوا ليك شنو قاليه ولد طبعـــــــأً أنا بجيب بنــــات ياربي أمه نوعها شنو.... غايتو يا دينا الواحد يقضي حياتو شي سردبه وشي منطق ونحفظ في القران والسنة والتفسير السليم الخالي من الغرض والمرض... تسلمي

Post: #26
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 10:51 AM
Parent: #20

Quote: منعم/انور/ دينا
خلاص قلبتوهو ونسه


موش احسن من نقلب الحكومة؟؟

Post: #22
Title: Re: ده ولد قايلو بت انت؟؟؟؟؟؟؟؟؟؟؟
Author: عبد المنعم سليمان
Date: 02-01-2007, 10:32 AM
Parent: #1

Quote: Tabaldina



انور ودينا ( اي فاوند نيو هارد وير هييا )






_________


منبر بقا بنبر



منعم

Post: #30
Title: Re: ده ولد قايلو بت انت؟؟؟؟؟؟؟؟؟؟؟
Author: Tabaldina
Date: 02-01-2007, 11:05 AM
Parent: #22

..
.
اها جابت ليها بنابر
وقعدة شااى اخضر - دا بتاع دينا - انت يا منعم وانور ما اظن بتعرفوهو
Quote: وانت يا اللخو عايش وين؟؟؟؟؟؟

فى جزر المالديف ..
قصدى حوش كبير مليان حريم..

Quote: في المجتمع الانا عايشاهو

BTW
انت عايشه ووين !!
شرقي ولا غربي !!

Quote: دينا سلامات ما تزعلي على الأقل في تبلدينا وعادل وانا حاسه بصدقهم هو مكسب...

تسلمى يا نون بس منو البقول ديل رجال ما تزعلوهم

__________________________

منعم مبروك الهارد وير الجديد
سلام يا ابو الدفاع

Post: #35
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 11:49 AM
Parent: #30

Quote: بس منو البقول ديل رجال ما تزعلوهم




دي علي وزن الديك؟؟

Post: #24
Title: Re: ده ولد قايلو بت انت؟؟؟؟؟؟؟؟؟؟؟
Author: معتصم دفع الله
Date: 02-01-2007, 10:42 AM
Parent: #1

ودينا وإيمانا انتو حلوين ..
بس خليكم كده ..

Post: #29
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 10:55 AM
Parent: #24

Quote: دينا سلامات ما تزعلي على الأقل في تبلدينا وعادل

هسي دينا قالت ليك زعلانه، انتي مالك بتاعة شبك كده
و بعدين انتي امبارح مش طردتينا من بوستك، عايزة تطردينا من هنا برضو، انتي قايله نفسك بكري ابو بكر ولا شنو؟

Post: #32
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 11:12 AM
Parent: #29

Quote: هسي دينا قالت ليك زعلانه، انتي مالك بتاعة شبك كده
و بعدين انتي امبارح مش طردتينا من بوستك، عايزة تطردينا من هنا برضو، انتي قايله نفسك بكري ابو بكر ولا شنو؟



وانت يا اللخو بقيت الناطق الرسمي متين؟؟؟

Post: #36
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 11:50 AM
Parent: #32

Quote: وانت يا اللخو بقيت الناطق الرسمي متين؟؟؟

انا ما نقلت وجهة نظر ولا تصريح عنك عشان اكون ناطق رسمي ولا شعبي، و بعدين انتي قايله نفسك كوندوليزا رايس؟؟!!، الموضوع انو ما شفت اي زعل في مداخلاتك الا تكوني بتزعلي بالاشعة تحت الحمراء.

Post: #31
Title: Re: ده ولد قايلو بت انت؟؟؟؟؟؟؟؟؟؟؟
Author: علاء الدين حيموره
Date: 02-01-2007, 11:09 AM
Parent: #1

الف تحية ليك أستاذة/ دينافيصل

وأن شاء الله يباركو ليك السمح

الحمد لله كثيرا على نعمه والحمد له وهو يهبنا غرة أعيننا ( أناثا وذكورا )

مدخل : قبل زفاف اي عريس وما جرت عليه عاداتنا السودانية ( ليلة حنة العريس ) وتتبع مراسم حنة العريس أغنية (العديلة) العديل والزين

الليل ليل العديل والزين والليلة العديلة تقدمو وتبرا

وتبدأ بمدح العريس .

يا نمر الشوام الفي عينو شرارة وده الكسر الباب وخلى العطرو يجارى .

يا مطر الرشاش الماك شافعينا وكان كمل العيش بالرز يكفينا .
غني وشكريه الليلة يا الراسي .. وأختو بتقول انا أخوي تاج راس ...
الى تصل الاغنية الى

تتبارك عليك ويوما يبقى سعيد وتبكر بالوليد والفايدة تملاء الايد ...


وتردف بالبنينة ..

ومنها :
عروستك يا عشاي عاجبانا واماتك عفافا ما انطرن في خيانة

امك يا عشاي خاتية العفن والنبه والبت النقر فوقو الصرامة اتربو

الى ان تقول

ابواتك تلوب ما بفدو الدانة والمجنون يطبو ويرقعو الخربانة
وا كدر اليخاصمكم .. اليخاصمكم يضوق الهانة واحمد ربي الفي طينتهم خلقانة ..

وكثيرة هي اغاني الفرح بالعريس ويختلف نظم ابيات التمجيد بحسب البيئة ولكن ببقى الفهم مشترك
وتبقى الرغبة في الولد كأول مولود لاشياء كثيرة :
الولد حامل الاسم .. الولد هو الساعد لابوه .. الولد حامي حمى الاسرة اذا ما مات الاب ..
والكثير من التكاليف الموكولة للولد ولا تستطيع ان وكلها للبنت ..

لا غنى عن البنت فهي مصدر التفاؤل بالرزق وهي الحنون وهي ست الواجب وهي جمال البيت وفرحتو ..


حباني الله بأجمل بنت فكتبت فيها بوست ( هبة الله .. غزال في عيون كل الناس )
هبة الله ... غزال في عيون كل الناس ..

وكنت وما زلت احس بحب كل الناس لها الذين يعرفونها والذين لا يعرفونها ..

أنا وهبة الله كنا لوحدنا وننظر الى بعض نظرات الحب ونحن نقف عند مدخل العملية منتظرين مقدم شقيقها .. كنا لوحدنا ولكن أحسست وكأنما معنا الدنيا كلها ونحن نتحرك في نظرات صامتة في ممر المستشفى .. سمعنا صرخة المولود .. ابتسمت هبة الله وعانقتني عناقا حارا سالت به دموعي فرحا وأخذنا نقبل بعضنا ..
أستأذنت هبة الله ذات ال 14 شهرا وقلت لها نكلم ناس حبوبة في السودان ..

أتصلت بالوالد ثم بالشقيقة انعام حيموره ( زميلتنا في البورد يا دينا )

أمي الحنون الله يخليها بعد المباركة قالت لي اترقب بوست في سودانيزاون لاين بكرة .. ابتسمت وباقي الحاجة فنجرية وبتحب السمح وكانت كلماتها في البوست الذي فتحته الشقيقة انعام :
هبة الله علاء الدين حيمورة .. لها شقيق .. انا فرحانة

وكانت قصدية الحاجة وهي فرحة بالوليد :



يا عٌمار البلد علاء الدين جاب الولد

انشاء الله لي ابوك سند انشاء الله للسودان عضدد

&&&&&&&&&&&&&&&&&&&&&&&&&&&&&&&&&&&&&&&&&

عشنا الليلة الفريدة واشرقت شمسا جديدة

جاءت الاخبار السعيدة مواهب شافت وليدها

&&&&&&&&&&&&&&&&&&&&&&&&&&&&&&&&&&&&&&&&

الهواتف جات من بعيد تهني بالحدث السعيد

ونطلب من الله المزيد الوليد ورا الوليد

&&&&&&&&&&&&&&&&&&&&&&&&&&&&&&&&&&&&&&&

ياسر طل كالهلال فرح العم وفرح الخال

سموه على سمح الخصال يعيش ابوك الصبر ونال

&&&&&&&&&&&&&&&&&&&&&&&&&&&&&&&&&&&&&&&

يا عٌُمار البلد علاء الدين جاب الولد

انشاء الله لي ابوك سند انشاء الله للسودان عضدد


ما بقدر اقول كلام تحت القصيدة لكن حااواصل في مداخلة اخرى للموضوع الاساسي ...

Post: #37
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 11:57 AM
Parent: #31

Quote: لا غنى عن البنت فهي مصدر التفاؤل بالرزق وهي الحنون وهي ست الواجب وهي جمال البيت وفرحتو ..


حباني الله بأجمل بنت فكتبت فيها بوست ( هبة الله .. غزال في عيون كل الناس )



ما بحلك الكلام دة يا علاء الدين

موش لو كتبت ليها بوست, لو فتحت ليها منبر زاتو

انت قلت كلام واضح وصريح,, وحتى لما جيت تبرره قلت انه الولد هو المنتظر كاول مولود عشان يشيل

الاسم,, هسي ما كلنا شايلين اسم ابهاتنا يعني؟؟

غايتو كان ما جيت راجع تاني واخليت طرفك من الكلام القلته ده واعتذرت لينا, انا بالم ليك البوست

دة وارسله لنك لهبوية اول ما تفك الخط

Post: #33
Title: Re: ده ولد قايلو بت انت؟؟؟؟؟؟؟؟؟؟؟
Author: Deng
Date: 02-01-2007, 11:15 AM
Parent: #1

يا دينا.

الجماعة ديل لاوزم تختيها ليهم عديل كده. وتقولي ليهم.
المجتمع السوداني مجتمع زكوري وبس.
عزائنا يا دينا هو أن الامهات في السودان يربوا الاولاد تربية جديدة.

يا منعم.

البنبر الانا بعرفوا هو بنبر وعبار, لكن جيت لقيت البنبر بقا معاهو شاي.
حتى نازر الخليفة لمن جبت ليهو سيرة العبار هرب مني زي هربت بريمة محمد أدم.

دينق.

Post: #38
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 12:18 PM
Parent: #33

Quote: عزائنا يا دينا هو أن الامهات في السودان يربوا الاولاد تربية جديدة.



زي السودان الجديد؟؟

Post: #39
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 12:22 PM
Parent: #38

Quote: وانت يا اللخو بقيت الناطق الرسمي متين؟؟؟

انا ما نقلت وجهة نظر ولا تصريح عنك عشان اكون ناطق رسمي ولا شعبي، و بعدين انتي قايله نفسك كوندوليزا رايس؟؟!!، الموضوع انو ما شفت اي زعل في مداخلاتك الا تكوني بتزعلي بالاشعة تحت الحمراء.

Post: #40
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 12:32 PM
Parent: #39

Quote: انا ما نقلت وجهة نظر ولا تصريح عنك عشان اكون ناطق رسمي ولا شعبي، و بعدين انتي قايله نفسك كوندوليزا رايس؟؟!!




انور

قول بسم الله ياخ

وانت قايل نفسك كولن باول؟؟




لفة

منعم,, انت الفكي المشيت ليهو دة عمل ليك شنو بالضبط؟؟

Post: #41
Title: Re: ده ولد قايلو بت انت؟؟؟؟؟؟؟؟؟؟؟
Author: انور تاج السر
Date: 02-01-2007, 12:36 PM
Parent: #40

Quote: منعم,, انت الفكي المشيت ليهو دة عمل ليك شنو بالضبط؟؟

يا دينا،
الفكي يتاعو ده بيحرث في البحر، و حايكمل قريشات منعم اللاميها كلها.

Post: #42
Title: Re: ده ولد قايلو بت انت؟؟؟؟؟؟؟؟؟؟؟
Author: عبد المنعم سليمان
Date: 02-01-2007, 01:28 PM
Parent: #1

انا جييييت تاني



في واحد صاحبي قلت ليهو قبل شوية انا ماشي قال لي مستعجل مالك لسودانيزاونلاين

قلت ليهو ماشي لناس دينا

قال لي : العن دينا ياخ اقعد اتونس


قلت لية استغفر الله بعداااااك فهمت قصدو


القصد التاني يستاهل اعوذبالله


وللا شنو يا ضلــــع


ناس منعم

Post: #43
Title: Re: ده ولد قايلو بت انت؟؟؟؟؟؟؟؟؟؟؟
Author: tariq
Date: 02-01-2007, 01:33 PM
Parent: #1

صاحبي قال لي انه جده ساله يوم عن اسمه فقال له الاول واردفه بالثاني ثم الثالث وتوقف عند الرابع . .او قول الخامس . . .!!!!!

Quote: وحتى لما جيت تبرره قلت انه الولد هو المنتظر كاول مولود عشان يشيل

الاسم,, هسي ما كلنا شايلين اسم ابهاتنا يعني؟؟

Post: #44
Title: Re: ده ولد قايلو بت انت؟؟؟؟؟؟؟؟؟؟؟
Author: Noon3
Date: 02-01-2007, 02:22 PM
Parent: #43

أنور ... اطلع منها ما نحن جبهة كفاح واحدة ضدجاهلية الالفية... ويا سلام على دينق ينادي بتربية جديدة بمفاهيم جديدة ولسودان جديد خالي من وزراة لمحو الأمية...

Post: #45
Title: Re: ده ولد قايلو بت انت؟؟؟؟؟؟؟؟؟؟؟
Author: عبد المنعم سليمان
Date: 02-01-2007, 02:22 PM
Parent: #1

الغروب وين


ما قصدي الغروب اخو الشروق


قصدي المجموعة


دينا ااااااخ

نون


انور يااااااخس


نوبي


تبلدينا احيييييييي



وانا وووووووووووب انا

منعم

Post: #47
Title: Re: ده ولد قايلو بت انت؟؟؟؟؟؟؟؟؟؟؟
Author: عبد المنعم سليمان
Date: 02-01-2007, 03:10 PM
Parent: #1

ياااااخ دينق ده الجابو بجاااي شنو


كرهنا الخرطوم وما صدقنا سافر



يجي هسة يكمل مننا الضلع ده



وللا انحنا فيجاتاريان يااااخ


( وش واقعععع عديل)

منعم

Post: #48
Title: Re: ده ولد قايلو بت انت؟؟؟؟؟؟؟؟؟؟؟
Author: DKEEN
Date: 02-01-2007, 03:16 PM
Parent: #1

Quote: "كن كالنخيل عن الاحقاد مرتفعا فالنخل يرمى ليرمي اطيب الثمر"



ثمارا طيبة قد اينعت وعايزة تشذيب

Post: #49
Title: Re: ده ولد قايلو بت انت؟؟؟؟؟؟؟؟؟؟؟
Author: تماضر الخنساء حمزه
Date: 02-01-2007, 03:21 PM
Parent: #1

بالقلب الكبير ..والكلمة الحنينة ..تستطيع المرأة أن تأخذ أكثر من حقوقها برضاء الرجل ..

Post: #50
Title: Re: ده ولد قايلو بت انت؟؟؟؟؟؟؟؟؟؟؟
Author: تماضر الخنساء حمزه
Date: 02-01-2007, 03:30 PM
Parent: #1

خلق الله الإنسان في أحسن تقويم ..وإن تحكَّمت العاطفة في تفكير المرأة ..أراها ميزة تضيف من جمالياتها ..فإن خلت من العاطفة ..ماعادت كائناً حنوناً يُظلل من حوله بدفئه ..

Post: #51
Title: Re: ده ولد قايلو بت انت؟؟؟؟؟؟؟؟؟؟؟
Author: DKEEN
Date: 02-01-2007, 03:45 PM
Parent: #1

Quote: ماكلنا شايلين اسم ابهاتنا


انتي بالذات يادنيا فيصل الواحد مابقدر يناديكي إلا بي (دينا فيصل)..
فعلا شايلة اسم ابوكي...



انتي بصراحة بدون اسم فيصل ده
نِكرة ســاي..

Post: #52
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-01-2007, 04:41 PM
Parent: #51

Quote: فعلا شايلة اسم ابوكي...



انت قاصد الgod father والا شنو؟؟؟؟

Post: #54
Title: Re: ده ولد قايلو بت انت؟؟؟؟؟؟؟؟؟؟؟
Author: DKEEN
Date: 02-02-2007, 08:27 AM
Parent: #52

دينا بت عمو فيصل..

امس اتعشينا مع علاء حيمورة
عجل حنيذ..

هسي لوكانت بت كان شلنا همها تمرق لينا لميضة زيك كده..

Post: #55
Title: Re: ده ولد قايلو بت انت؟؟؟؟؟؟؟؟؟؟؟
Author: Dina Faisal
Date: 02-02-2007, 10:15 AM
Parent: #54

Quote: هسي لوكانت بت كان شلنا همها تمرق لينا لميضة زيك كده..




موش احسن من ولد مجهجه؟؟؟

Post: #56
Title: Re: ده ولد قايلو بت انت؟؟؟؟؟؟؟؟؟؟؟
Author: showgi idriss
Date: 02-02-2007, 11:12 AM
Parent: #55

Quote: موش احسن من ولد مجهجه؟؟؟

ليكم كلكم تحياتي الحميمة

بت تمام ولا ولداً مجهجه!!!!!!!!!!!

عموماً إنو في بوست بالفهم دا معناهو في مشكلة معناهو الناس تشوف حل
الكلام دا بساوي = السودان دولةضكورية( انفو الكلام دا أو أمنو عليهو( واحدة من اتنين
ناس مافي زول داس لي طرف دا كلام ( موسط) وما بخدم إذا منا إنو البوست دا "موجود"
معناهو البت بت والولد ولد
وكل زوول عندو "حاجتو" البختس بيها من غير رفيقو

لذا اخير كل واحد يلزم حدو

عشان ما تتداخل الإختساسات

تسلمو كلكم ولاد على بنات

Post: #57
Title: Re: ده ولد قايلو بت انت؟؟؟؟؟؟؟؟؟؟؟
Author: Emad Abdulla
Date: 02-02-2007, 11:16 AM
Parent: #55



فاكيها فيك فاكيها فيك يا دينا ..
رغم إنه الكلام ده فكيتو قبل كده ..
بس وين , و الضحية كان منو .. ما عارف .
فاستحمل عزيزي المشاهد ..
و كمان - تحت تحت كده - بيكون عشان بناتي عاجباتني , و الكلام دخل الحوش

الأنثى هي الأصل ( و دكين موافق .. كدي يقول لأ ) !! ..
يقوم قانون البقاء في الأصل - أظنه - على هذه الحقيقة ..
( الأم القائد ) - لاحظ كيف نذِّكر صفة القيادة هنا - نحن الذكور المثقفاتية .. أعضاء المجمعات اللغوية -
و ما بنقول الأم ( القائدة ) .. حكمة الله !!!
يحضرني هنا لفظ يدغدغني كثيرا عند سماعه ( لشيء في نفس يعقوب ) ..
لفظ ( Mother Nature ) الأفرنجي .. نترجمه - بعد إذنك - : الطبيعة الأم ..
الطبيعة الأم .. عجيب هذا .. ومتوافق حد الجزل .
طيب .. كيف نفسر سلوك الحيوان يسلم قيادة القطيع ( لأكبر أنثاه عمرا وحكمة ) ..
أيوه ، حكمة اختبرها القطيع و جمعُها طوال فترة نشؤ جنسه .. و مخزونه التجريبي الكبير ..
يقال : أحكم من بومة ( مؤنث ) .. ( لم يقولوا أحكم من بوم ) .
و نحن نصف الشخص الدلاهة و الغبي بالبوم ( مذكر ) فنقول : هااا البوم إتَّ . ( شغل عجيب .. ) .
ينسحب ذلك السلوك الإجتماعي الأمومي المتقدم على : اللابنات .. و اللواحم .. و القممامات .. وذوات المنسر و المخلب .. وذوات الدماء الباردة .. و الحارة .. و البين بين ..
الأنثى هي من يلد , و من يصطاد .. و من يطعم الصغار .. ومن يعلمهم فنون الصيد .. ومن يلعق جراح الصغار .. و من .. ومن ..
بعض الكائنات الدقيقة تحمل الجينين و الصفتين معا , ذكر و أنثى مع بعض ( زيتنا في دقيقنا ) ..
لا محتاجين ذكر ولا حنفشة و نفيخ , و تتناسل و تتوالد في أمانة الله .
طيب ..
وين ( الضكر ) في هذه المعادلة ؟..
ياهو ده :
كسول .. ينام تحت الشجرة أو فوقها ( على كيفو ) .. يختلق الحروبات الصغيرة .. و( يهرش إنتاياتو ) .. ثم يتخير أحلاهن و أصغرنهن عمرا ليعاشرها ( أبو الزفت .. فحل و الله ) ..
و .. يكون أول من يقضم من فريسة الصيد ( شفتي المسخرة ) !!
لا يُُسأل الذكر - عند الحيوان - عن مواسم الهجرات ...
ولا يُُفتى عن مكامن القنص الجديدة ..
و لايُُأبه له عند اختيار ( قائدة ) للقطيع أو المجموعة ..
هو فقط ( دَلَمه ) .. و ( طيره و مبارية السيرة ) ..
يتفوحل .. يأكل .. ينام ..
و يُُنفى عند شيخوخته أو عند هزيمة ذكورته ( الفالصو ) لدى بروز أول ( فتوة ) .. بصوتٍ أعلى و ( مكياجٍ ) أضل ..
حلوووو .. قيافهههههه .. نبّااااااااح .. و كضااااااااب .
فالثابت أن الذكر - و ما زلنا في عالم الحيوان .. خلي بالك - أجمل من الأنثى ،،، تخيل !!!؟
عُُرف مهيب .. ذيل ملونٌ فخيم .. " لعلوع " أو " علعول " أحمر قاني .. صوت جاذب - زعيقاً أو غناء أو كواريك كده سااااكت لله و الرسول - مع حبة ألوان لازوردية و أرجوانية جذابة لأعضاءه التناسلية .. جسد عملاق " مفتّل " .. و شوية شنكبات فشنك عندما ينازل ذكراً آخر ) .. و بس .. كان الله يحب المحسنين .
و تظل الأنثى هناك .. دورها لم يتغير .. حكمتها في البقاء وسط طغيان ( قانون الغاب ) ذاك تظل ميزانآً عدلآً تحفظ نسل فصيلها .. و تحافظ على توازن ( الطبيعة الأم ) ..
الإله الخالق العظيم ده , اختط هكذا نهجٌ لحيوات مخلوقاته في الكويكب الأتعس هذا ..
بهذا الهارموني الإلهي المتسق ..
الإنسان هو ( حيوان ناطق ) .. لسؤ حظه - لاحظي حيوان دي -
أما ناطقٌ هذي فهي أُس البلاء ..
أي أنه يعقل الأشياء .. فيطوّر ملكاته القادرة .. و غيرها .
و منها ملكة التفكير .. و من ثم النطق بأفكاره - وليته لم يفعل - ..
الإنسان ده فنان كبير ( ملحوظة : الفنان هو من " يرتكب " الخيال .. ويبيعك الحلم في سوق الحقيقة ) فنان كبير في تزيين و مكيجة و تلوين و نفش و تضخيم أشياؤه - طبيعتو المسكين .. يسوي شنو ؟؟ - ..
فكر .. فـ .. نطق : دُووووول كذبته الكُبرى : أنا ..
( هذه الأنا التي سحرت الأنثى ألوانها و زيف و كبر حجمها .. )
نطق بها : أناااااااااا
و نطقها إفكا ..
و ( لخبط و جاط ) معادلة الوجود الجميل ..
فغدى ( هذا المنفوش حمبوكة ) هو الآمر الناهي ..
و ( ذكّّرنا ) ثوابت الوجود و كيمياء معادلته المنضبطة ..
( مسبة كُبرى هي أن يقال لشخص : عامل فيها ضبان ضكر ) .. شفتي !!

الله أقام ناموسه الأمومي بحكمة الخلق .. و دراية الصانع بخبايا صنعته ..
و قامت على ذلك القسط العادل كافة المجتمعات الأُوَل .. إنسانها و الحيوان ..
قامت في أصلها الخيِّر أمومية ..
( أصل الوجود هو الخير المطلق .. لأن الإله صانعه هو ذاك المطلق ) ..
فأبدلناها .. أبوية / ذكورية .


Post: #58
Title: Re: ده ولد قايلو بت انت؟؟؟؟؟؟؟؟؟؟؟
Author: علاء الدين حيموره
Date: 02-02-2007, 12:40 PM
Parent: #57

عماد اخوي

الف تحية

بشوفك خليت دينا تجر نفس وتخت نفس ..

الله يريحك..

تخريمة :

بس ان شاء الله بت الاسيد ما تاوق في البوست ده عشان ما تطالب بحظ الانثى مثل حظ الذكرين في الميراث .. مستشهدة بكلامك ده وتقول ناس المانيا عملو بيه ..


رايك شنو يا دكين ,,

دينا : اتصلت بأنعام لتتصل بيك عشان تعزمك لسماية الوليد أصلو حا يكون عندو 3 سمايات بس ( الرياض _ الشارقة _ الخرطوم )

البت بسوي ليها كده ؟؟؟؟؟

أن شاء الله تعرسي وتجيبي 10 بنات ,,