لو جبت ليكم الجندريات الغايبات...تدونى كم؟؟

لو جبت ليكم الجندريات الغايبات...تدونى كم؟؟


21-03-2005, 06:53 AM


  » http://sudaneseonline.com/cgi-bin/sdb/2bb.cgi?seq=msg&board=81&msg=1134112487&rn=0


Post: #1
Title: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 06:53 AM

اشراقة جندرية ايمان.....


انا راهنت عليكم الدنيا...

راهنت عليكم الكتابة ...والكلمة تبصر وتسمع ونشم وتلمس....وتمشى على اسطح المستحيل ...وانفاق الزمن...

راهنت عليكم ...المرأة تتلمس طريقها لتكتمل..انسانة وعاشقة فوق عادية للارض والحياة...

راهنت عليكم ...الصداقة التى حطت ملاكا فى رحابنا..

راهنت عليكم الحب الذى استيقظ فى قلوب الالوف لكم..اصدقاء واعضاء وقراء..

راهنت عليكم الوطن...الذى يحلم بسلمة واحده يعلوها اطفاله بمحبة...او وردة واحده يزرعها اطفاله بمحبة..او قبلة واحده من محبة على جرحه الكبير.. او كلمة...فى حقة الهضيم..


راهنت عليكم عيد الام....


فمن فيكم مستعدة لكسر خاطرى وخاطر كل من وما اسلفت؟؟؟


"بعدين انا مفلسة الجماعه ديل يمكن يدفعوا لى جد جد مين عارف؟؟ ههههههههههههه

احبكن يا بنات...وافتقدكن الى حد السأم......تعالن وهذه اوامر....من قلب صدوق.....


واتمنى عودة بيان ورجاء وراوية .....فقلب بكرى سيلين حتما...تحت تأثير الجماعة ....متأكده

Post: #2
Title: Re: لو جبت ليكم الجندريات الغايبات...تدونى كم؟؟
Author: lana mahdi
Date: 21-03-2005, 06:59 AM
Parent: #1


ح يدوك المنبراب كمية دعوات صالحات ليكي و لى اولادك
عشان دخلتى الفرحة قلوبهم
وعشان نيتك الطيبة دى
فهم قد أعلنوا عليك الحب منذ زمن

Post: #4
Title: Re: لو جبت ليكم الجندريات الغايبات...تدونى كم؟؟
Author: Hussein Mallasi
Date: 21-03-2005, 07:03 AM
Parent: #2

حأديكي باليمين ما ساخذه بالشمال.

Post: #3
Title: Re: لو جبت ليكم الجندريات الغايبات...تدونى كم؟؟
Author: omar ali
Date: 21-03-2005, 07:01 AM
Parent: #1

Quote: بعدين انا مفلسة الجماعه ديل يمكن يدفعوا لى جد جد مين عارف؟؟ ههههههههههههه


اهي واحدة جات

الوسطاء يمتنعون

Post: #5
Title: Re: لو جبت ليكم الجندريات الغايبات...تدونى كم؟؟
Author: بلدى يا حبوب
Date: 21-03-2005, 07:05 AM
Parent: #1

بت الشيخ

الله معك ونحن معك بالدعاء لعودة الجندريات
تحياتى

Post: #6
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 07:06 AM
Parent: #5

قول 4

Post: #7
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 07:07 AM
Parent: #6

معاك "الواحده"

Post: #8
Title: Re: لو جبت ليكم الجندريات الغايبات...تدونى كم؟؟
Author: lana mahdi
Date: 21-03-2005, 07:12 AM
Parent: #6

Quote: قول 4

تماضر
انتى قاعدة تحسبي فى شنو؟؟
كدى طمنينا
لو بتحسبي فى الدخل القومى الجاييك فيبقو ثلاثة بس لانو حسين قال بيسحب باليسار ما اعطاهو باليمين،،،واعي

Post: #9
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 07:20 AM
Parent: #8

عمر على ولنا المهدى وحسين ملاسى وبلدى يا حبوب شكرا على الهمة دى بالله خليكم معانا لما نجيب ...اترهن ...

انا زمان كنت ببكى من نون النسوة....والله العظيم لما امى تتكلم معانا بيها بتغاظ لما ابكى ... لكن حسة بقت نون الجندر


وههههههههههه يا لنا المهدى عرفتينى كيف؟؟ بحسب فى الدخل "الفردى" وخليهو حسين ملاسى الماعارف انى اخطبوط زاتو...


قلت بس احيركم ....

Post: #10
Title: Re: لو جبت ليكم الجندريات الغايبات...تدونى كم؟؟
Author: Hussein Mallasi
Date: 21-03-2005, 07:22 AM
Parent: #8

لا يا لنا ما كدا؛

انا قلتا:

Quote: حأديكي باليمين ما ساخذه بالشمال.

Post: #11
Title: Re: لو جبت ليكم الجندريات الغايبات...تدونى كم؟؟
Author: Hussein Mallasi
Date: 21-03-2005, 07:24 AM
Parent: #10

يا تماضر؛

تقدري تجيبي لينا اختنا الفاضلة؛

نجاة محمد علي؛ عليكي الله حاولي كدا.

Post: #12
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 07:31 AM
Parent: #11

امنية حياتى انه دكتورة نجاة تجى البورد..... وحقو ما افقد الامنية دى تحت ما احسست به" قنعه"....اشوف ممكن اكون بأثر قدر شنو وما ببخل وياريت هى ما تبخل....

Post: #15
Title: Re: لو جبت ليكم الجندريات الغايبات...تدونى كم؟؟
Author: Hussein Mallasi
Date: 21-03-2005, 07:42 AM
Parent: #12

اختي الكريمة نجاة محمد علي؛

لو في اي طريقة تجي راجعة البورد دا عليكي الله ارجعي؛

و لو مافي طريقة ترجعي؛ اتمنى انك تعرفي انو مكانك شاغر؛

و انو نحنا - و انا بالتحديد - افتقد وجودك غاية الافتقاد.

و تقبلي الاحترام و الاحترام.

Post: #13
Title: Re: لو جبت ليكم الجندريات الغايبات...تدونى كم؟؟
Author: الجندرية
Date: 21-03-2005, 07:40 AM
Parent: #1

ام سارية وسيرين
شفت كيف سلاسل محبتك ربطت شيطان حماقتي ؟
حتى ما قدرت انتظر لموعدنا
كل عيد ام وانت بخير

Post: #14
Title: Re: لو جبت ليكم الجندريات الغايبات...تدونى كم؟؟
Author: لؤى
Date: 21-03-2005, 07:41 AM
Parent: #1


كل سنة وانتي طيبة ياتماضر
كل سنة وانتي طيبة يا أماني
كل سنة وانتي طيبة ياإشراقة
كل سنة وانتي طيبة يا نجاة

كل سنة وكل الأمّهات بخير
وليت أماني تماضر تعيد نجاة كذلك لتعود للبورد إشراقته ويعود لنا إيماننا بإنتصار الخير ..


ماأنبلك وأروعك يا تماضر



Post: #16
Title: Re: لو جبت ليكم الجندريات الغايبات...تدونى كم؟؟
Author: Hussein Mallasi
Date: 21-03-2005, 07:47 AM
Parent: #14

واضح يا لؤي انو مافي اي شبه بينك و بين والدك.

Post: #17
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 07:49 AM
Parent: #14

نعم ؟؟؟؟


الجندرية كتبت هنا؟؟؟



يا جمااااااااعوووووووو انا فرحانووووووووووووووو



خلاص انا صالحة

حاعمل قبة

حابنى قبة فى البورد...

الداير يلحقوه يجينى فيها

جندرية شكرا

شكرا جميلا وهميما

شكرا كثيرا وحبا ضخما...

كل عام وانت بخير وام جميلة وبت لام جميلة وكلكم فى صحة وعافية ومترعين بانسانكم الجواكم...



اشراقة

ايمان

نجاة محمد على....


الحقونى دايرة ألحق حبايبكم والشايفين مكانكم شاغر.... ما تخذلونى تعالو

المكان ما بطيب الا لو عمرتوه بصادق اقلامكم ومشاعركم وفكركم وحروفكم الشعاع


شكرا جندرية....ما قادرة اعبر

حب سنامى......للغيامى

Post: #18
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 07:55 AM
Parent: #17


ياها دى الجندرية شوفوها ياناس...معانا فى بوردينا.....تانى .اليهزنا ما يرمينا هالة الاحمدى الجندرية معانا...شوفيها...



المتواجدون الان بالمنبر الحر 401 شخص » (24 )عضو و (377) زائرا
»Abdalla mohamed
»Adrob wad Elkhatib
»ahmed abdalla
»Ali Alhalawi
»Elsuhaili Magzoub
»Gehad Elghazali
»hala alahmadi
»Hussein Mallasi
»Izzeldin B. Eltayeb
»Mohamed Suleiman
»mustadam
»nahar osman nahar
»nile1
»omar ali
»Tumadir
»willeim andrea
»الجندرية
»ست البنات
»عامر الأمير
»عمر الفاروق شيخ الدين
»فجراوى
»لؤى
»محمد صلاح
»نصار
هذه الصفحة يعاد تحديثها كل 120 ثانية.

Post: #20
Title: Re: لو جبت ليكم الجندريات الغايبات...تدونى كم؟؟
Author: hala alahmadi
Date: 21-03-2005, 08:09 AM
Parent: #18

تمــاضر .. بس هم يرجعو و بعد داك نتفاهم ..

و بيني و بينيك لو انتي خايفه نحنا ننط عندك حق ..

من اسه انا برررره

Post: #21
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 08:13 AM
Parent: #20

عارفاكم حتاكلونى.......

يا هلولة ...

وما عارفين انه انا بكون الماكلاكم........حب وفرح بيهم

بختنا بيها وعقبال الباقيات

يللا يا ايمان واشراقة ونجاة يدكن معانا

Post: #19
Title: Re: لو جبت ليكم الجندريات الغايبات...تدونى كم؟؟
Author: singawi
Date: 21-03-2005, 08:04 AM
Parent: #1



تماضر

لك التحيات النواضر

في البداية عجبني وسر بالي نجاح الذرية وهي من أكبر نعم المولى على عباده ، أدام الله نعمته عليكم ، وحظفكم وبلغكم المنى .

كانت الجندرية على قمة قائمة من أفتقد من الجندريات .. تلحقيني وتنجديني جبتيها قبل ما أطلب الشفاعة.
أها ليك علي البياض كان لحقتيني ببنات العم هالة ويمنى قوتة والأميرة ميسون نجومي والأخوات رمانة وسماح والسارا ونورا وشايننق استار ورباح الصادق وأم التومات ونهى جي وووووو .


Post: #22
Title: Re: لو جبت ليكم الجندريات الغايبات...تدونى كم؟؟
Author: Alia awadelkareem
Date: 21-03-2005, 09:03 AM
Parent: #19

طم طم

تلحقيني وتنجديني

اهلا بالعائدين

لكن تعرفي اتخيل لي اشراقة مصطفي عندها مشكلة في الجهاز

تبعها وانشاالله يكون صلحوهو

ويا ملاسي انا برضو فاقدة نجاة

محبتي

Post: #24
Title: Re: لو جبت ليكم الجندريات الغايبات...تدونى كم؟؟
Author: Kostawi
Date: 21-03-2005, 09:05 AM
Parent: #22


Post: #39
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 03:14 PM
Parent: #24

كوستاوى.....


برضو منك مقبولة....

Post: #36
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 03:00 PM
Parent: #22

عالية الحلوة:

عشان تآآآآآمنو

وكان عندك "غرد" اى غرض بالعربى...تانى قوليهو لى فى اضانى بنفذو ليك


اشراقة زى ما قلتى احتمال يكون جهازها بايظ....ننتظر..ان شا الله تسمعنا وتجبر خاطرنا..


تحياتى لها ولايمان وعشمى فيهم كبير..أى "عملى" فيهم كبير

Post: #23
Title: Re: لو جبت ليكم الجندريات الغايبات...تدونى كم؟؟
Author: hala alahmadi
Date: 21-03-2005, 09:05 AM
Parent: #19

الجنـــــدريه نـورتي

... كده نشيل نفسنا حبه

وين الباقيات ايمان، رجاء، اشراقه، بيان و راويه
.. ما بنرضي الأ بيهم كلهم

و اددددي قــــــعده

Post: #25
Title: Re: لو جبت ليكم الجندريات الغايبات...تدونى كم؟؟
Author: hala alahmadi
Date: 21-03-2005, 09:33 AM
Parent: #23

اينــاس، نور تاور، لنا مهدي، عشه بت فاطمه، ندي مصطفي

ندي امين، ست البنات، مريم بت الحسين

وووووينــكم

Post: #34
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 02:55 PM
Parent: #19

Quote: ببنات العم هالة ويمنى قوتة والأميرة ميسون نجومي والأخوات رمانة وسماح والسارا ونورا وشايننق استار ورباح الصادق وأم التومات ونهى جي وووووو



سنجاوى انت مشكلتك مستعصية شوية ال تجيب القايمة دى:

1-بوست ظلامى
2-هكرين
3- نملة حوصة
4-باسويرد بكرى
5-بخور تيمان
6- كتابين جندر
7- الكريدت كارد بتاعتك

وتختهم فى ويب سايت...تحت السرير..طول الليل والصباح ترسلهم لى فى المسنجر..

وتجى قبال افتح القبة...فى المده دى خشمك ما تفتحو مع بوردابى.....

واول من باب القبة يفتح...... تعطس...

بجيبهم ليك فى يدك...

Post: #26
Title: Re: لو جبت ليكم الجندريات الغايبات...تدونى كم؟؟
Author: Roada
Date: 21-03-2005, 09:49 AM
Parent: #1

thank you Tumadir

Post: #27
Title: Re: لو جبت ليكم الجندريات الغايبات...تدونى كم؟؟
Author: hala alahmadi
Date: 21-03-2005, 10:30 AM
Parent: #26

رودا العزيزه ..دعم متوقع من جندريه genuine

تسلمي

طم طم .. ارجعي سريع قبل ما استلم البوست

Post: #41
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 03:17 PM
Parent: #26

ًلاشكر على واجب يا رودا....نورتى

Post: #28
Title: Re: لو جبت ليكم الجندريات الغايبات...تدونى كم؟؟
Author: أبو ساندرا
Date: 21-03-2005, 11:16 AM
Parent: #1

برقيات عجولة

1- تماضر : رقم حسابك لأغراض التحويل
2- الجندرية : رقم تلفونك لأغراض التوبيخ
3-هاله الأحمدي : توجناك كفيلة ممولة في أيام الضنك والعوز المشاتر ، فلايليق بك الإنسحاب ، مافي :أنا براااه ، إنت جوووه ، يللا جهزي الشيك
4- إشراق : القهوة راميانا والشاي المنعنع
5-أيمان أحمد : إكتمل إحساسنا بالفقد
6-نجاة محمد علي :عشان خاطري ، وعشان خاطر الهم المشترك وأوجاع الغربة في الصحراء الكبرى ونحلفك بعدد حبات الرمل في المسافة بين سبها وأوباري ، وعدد قطرات الماء الشايلو السحاب في المسافة بين باريس والدوحة عن طريق الخرطوم ، تعالي وجيبيهو معاك


وبرقيات أخرى في الطريق { الشاقي الترام}

Post: #29
Title: Re: لو جبت ليكم الجندريات الغايبات...تدونى كم؟؟
Author: أبو ساندرا
Date: 21-03-2005, 11:16 AM
Parent: #1

برقيات عجولة

1- تماضر : رقم حسابك لأغراض التحويل
2- الجندرية : رقم تلفونك لأغراض التوبيخ
3-هاله الأحمدي : توجناك كفيلة ممولة في أيام الضنك والعوز المشاتر ،فلا يليق بك الإنسحاب ، مافي : أنا براااه ، إنت جووووه ، يللا جهزي الشيك
4- إشراق : القهوة راميانا والشاي المنعنع
5-أيمان أحمد : إكتمل إحساسنا بالفقد
6-نجاة محمد علي :عشان خاطري ، وعشان خاطر الهم المشترك وأوجاع الغربة في الصحراء الكبرى ونحلفك بعدد حبات الرمل في المسافة بين سبها وأوباري ، وعدد قطرات الماء الشايلو السحاب في المسافة بين باريس والدوحة عن طريق الخرطوم ، تعالي وجيبيهو معاك


وبرقيات أخرى في الطريق { الشاقي الترام}

Post: #42
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 03:21 PM
Parent: #29

ابو ساندرا..

رقم الحساب فى البروفايل....


"حسة يمشى البروفايل"


هههههههههه


والله مداخلة ظريفة....شغال فى البريد والبرق؟؟

Post: #30
Title: Re: لو جبت ليكم الجندريات الغايبات...تدونى كم؟؟
Author: صديق الموج
Date: 21-03-2005, 01:35 PM
Parent: #1

ينصر دينك يا تماضر وبعودة الجندرية تعود الروح
لجسد المنبر وتسلمى..وعالم الله وشاهد السويتى نحن الرجال
غلبنا،،،، لكن يا الجندرية الفيك اتعرفت
تسلمن كلكن،،،

Post: #44
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 04:03 PM
Parent: #30

صديق الموج...ينصر دينك انت برضو...وصدقت...فجسد المنبر عادت له روح واحده


"عندو سبعه ارواح"....


بركة العادت

Post: #31
Title: Re: لو جبت ليكم الجندريات الغايبات...تدونى كم؟؟
Author: معتصم الطاهر
Date: 21-03-2005, 01:49 PM
Parent: #1

Quote: لو جبت ليكم الجندريات الغايبات...تدونى كم؟؟

قدر ما حسبت أديك كم/شنو لقيتو راجع يزيدنى ويزيد الغلى والبى ..

قدر ما حسبت مقدار ديل كم ؟ ما لقيت إلا أوزنهم بكيايلك ..
وأنا ما عندى ميزان قدركن ..
دحين أقبلى تبركى بقبتك وتمسحى بتراب كتابتك ...
ومــدد ..

Post: #32
Title: Re: لو جبت ليكم الجندريات الغايبات...تدونى كم؟؟
Author: تراث
Date: 21-03-2005, 02:14 PM
Parent: #31

تماضر.
أحيي بشدة إسقاطك لنون النسوة .
وأعبر عن اعتقادي بأنها واحدة من أول الأشياء التي يجب الغاؤها في طريق المساوة والعدل الذي نرجوه بين الجنسين . وبصراحة لا أفهم حتى الآن لماذا يحرص نشطاء الحركة النسوية الكاتبين بالعربية على تثبيتها، وأرى إن هذا التثبيت يؤدي إلى خلاف ما يطمحون اليه

كلماتك حلوة زيك .
ونيتك واصلة ماشاء الله .
كل سة وانت طيبة .

الف مرحب بالجندرية .. وكم نحن نحتاج لبقية الغائبات ( وهذه ليست نون نسوة ، بل صبغة أخرى تشير الى المؤنث .. لا أعترض عليها ، ولكن علينا أيضاً أن نبحث أمرها فإذا وجدنا أنها يجب ان تلغى فعلينا أن نسعى من أجل ذلك )

Post: #38
Title: Re: لو جبت ليكم الجندريات الغايبات...تدونى كم؟؟
Author: طيفور
Date: 21-03-2005, 03:11 PM
Parent: #32



طماطم...
ام سارية

بركاتك يا بت الشيخ
والف مبروك لسارية وسيرين

والفين هلا بالغالين جميع

اتمني ان تضيفي لباقة العطر تتبيلة

رقية وراق
نجلاء التوم
توما
وميرفت

كي تكتمل قطوف البنفسج


همسة في اذن صديقي تراث

حبابك وحباب يمنا في رحابك

عارف يا صديق..

عندي خلاف صغمبروتي معاك..

في موضوع اسقاط نون النسوة وتاء التانيث.. يمكن ما يكون موضوعي..
ولكن هكذا احساسي..

فنون النسوة وتاء التانيث تأكيد لتفرد الانثى.. يكفي بذاته عن كل الصفات

فهن اللائي نفرّ اليهن كلما حزبنا الامر

وهن اللائي يجعلن لحياتنا معنى.. و.. يهبننا الحياة

فهل هناك اسمى من هكذا فعل..؟

وهل علمت ابن انثى لاذ بصدر ابية؟؟



تحية لك ولنهرو وجورج وكل من بطرفكم

وتحية لكل انثى تحمل بذور الامومة وسلسال الحياة

Post: #46
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 04:55 PM
Parent: #38

تراث وطيفور...

حارد ليكم مع بعض ..لتلاته اسباب..

أذكر منها سبب واحد: نون النسوة..

انا قلت ببكى منها..لما كنت صغيرة...لما حبوبتى الله يرحمها ولا امى تتكلم معانا وتقول "انتن....." اخخخخخخ بحس بى حقارة ما عادية..وببكى...

المفروض ما ابكى...بس

لو دايرين تتناقشوا وتعملو مشاكل جندرية دى حاجة تانية كلمونى وانا بعمل ليكم مشكلة جندرية حسسسسسسسسسسة دى ...وممكن كمان احكى ليكم قصة المرة الفى "قبر كلب" لما مشينا نسجل وادى ام سدر المسلسل...لقيناها بتعمل هى وباقى النسوان كل حاجة..يبنوا الرواكيب يجيبوا الحطب للوقود..يسعوا بالبهايم يحلبوهن ويعملو اللبن روب يطبخو يغسلو..قلنا ليها طيب الرجال بعملو شنو؟؟؟ قالت لينا: "الرجال ديل ماااااا ساى!!!"

اها اتشاكلو لى فى دى...وانا فى المسافة دى بجيب باقى الجندريات...وانتو بس ابقو عشرة على الغلاط....هاهاهاهاها

شكرا شكرا شكرا ...وبركة النورتو البوست..وما افرحنا بها والعقبال عند الباقيات.

Post: #45
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 04:42 PM
Parent: #31

معتصم الطاهر...متوضى؟؟





ههههههه


الف حبابك عشرة...وانا لما قلت كم ...عارفاهم اكبر من كل الارقام...وما خيبت ظنى

Post: #33
Title: Re: لو جبت ليكم الجندريات الغايبات...تدونى كم؟؟
Author: seham_musa
Date: 21-03-2005, 02:37 PM
Parent: #1

الله معك ونحن معك بالدعاء لعودة الجندريات

Post: #47
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 05:00 PM
Parent: #33

سهام موسى...

اول مرة اصادف اسمك مرحب بيك فى البورد...وشكرا على دعوتك الحلوة..وربنا يوفقنا كلنا ننجح نجيبهم

Post: #35
Title: Re: لو جبت ليكم الجندريات الغايبات...تدونى كم؟؟
Author: Mohamed Elbashir
Date: 21-03-2005, 03:00 PM
Parent: #1


سلام قريبتنا تماضر

غايتو أنا عندي ليك كل السوفت وير العايزاهو بس كملي و جيبي الغايبات


تحياتي وودي

محمد علي

Post: #37
Title: Re: لو جبت ليكم الجندريات الغايبات...تدونى كم؟؟
Author: Outcast
Date: 21-03-2005, 03:09 PM
Parent: #35

لو قدرت يا تماضر (وعارفاك أدها و أدود)..

بنلم ليك دولار من كل قارئ (ليس فقط مشارك) للبوست .. طبعا ح يكونوا كم الف كدة .. وللناس البقروا اكثر من مرة .. كل قرية (not village) بى دولار ..

ما قصرنا .. مش؟؟

Post: #40
Title: Re: لو جبت ليكم الجندريات الغايبات...تدونى كم؟؟
Author: عبد المنعم سيد احمد
Date: 21-03-2005, 03:17 PM
Parent: #37

نديك
حمامة سلام البورد

Post: #50
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 05:11 PM
Parent: #40

عبد المنعم سيد احمد:

لو حمام السلام بنفع فى البورد ده كان عملنا برج عدييييل كده...حسة بعد يومين بتسمع بالكاسورى

لووووول...المرة دى قلنا نغير من هههههه...."طبعا فى ناس بيغتاظوا من الضحك ده لكن الله يجازى الكوميديا ويجازى يومها دايما حارجانا مع الناس الصارين"

شكرا على اقتراحك وطلتك الودودة....

Post: #43
Title: Re: لو جبت ليكم الجندريات الغايبات...تدونى كم؟؟
Author: معتصم دفع الله
Date: 21-03-2005, 03:37 PM
Parent: #37

تماضر قريبتي

كل سنة وأنت بألف خير ..

لك كل الحب والتقدير ..

Post: #49
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 05:07 PM
Parent: #37

ياريت يا اوت كاست لو بنقدر نلم قروش ونزيل فقر العالم..انا طبعا فاتحة لى موضوع قدر الضربة...ومشغولة عنو..

خليك قريبة..طريقتك دى عجبتنى..


ومابتقصرى ..انت "ال أأد" ههههه التصريف ده ما يشوفو محسن خالد يجى يسلخنا..

تحياتى

Post: #48
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 21-03-2005, 05:04 PM
Parent: #35

محمد على...

تحياتى القلبية..

والله حقو اكلم الناس عن كرمك ولطفك يوم طلبت منك المساعدة فى انزال الاغنية

يعنى كان اكتر من تكنكال سبورت...وطلعت زوجتك قريبتى..والله شرف كبير لى معرفتك.. شكرا شديد..

لو كده حاجيب ليك جندريات ام درمان كلهن..بس انت رسل السوفت وير

Post: #51
Title: Re: لو جبت ليكم الجندريات الغايبات...تدونى كم؟؟
Author: نادية عثمان
Date: 21-03-2005, 07:03 PM
Parent: #48

حبيبة الى قلبى جدا انت يابنت شيخ الدين


والله ان فى روحك نقاء لو وزع على الدنيا لانتفت من دهاليزها الشرور!!


انشاء الله لاتموتى لاتفوتى ياااااااارب!!


ومرحب بعودة الجندرية وعقبال كل الجندريات الاخريات..

Post: #52
Title: Re: لو جبت ليكم الجندريات الغايبات...تدونى كم؟؟
Author: elsharief
Date: 21-03-2005, 07:20 PM
Parent: #51

الاخت تماضر

انا طماع وغير مؤمن بنظرية(الطمع ودر ما جمع)
وننتظر منك عودة:_
د.نجاة محمدعلى
د.نجاة محمود
راوية العباسى
رجاء العباسى
والف شكر لبداية المشوار وعودة الجندرية,اشراقة مصطفى,ايمان احمد

Post: #53
Title: Re: لو جبت ليكم الجندريات الغايبات...تدونى كم؟؟
Author: hala alahmadi
Date: 22-03-2005, 01:00 AM
Parent: #52

ابو ساندرا العزيز ..

ما دام فيها زرزير كده ..خلأص..

مــافى مشكله بكتب لى تماضر شيك على بياض ..

... بس الجندريات يرجعو

Post: #54
Title: Re: لو جبت ليكم الجندريات الغايبات...تدونى كم؟؟
Author: Hussein Mallasi
Date: 22-03-2005, 01:05 AM
Parent: #52

سلامات تاني يا تماضر؛

كمان يا تماضر لو قدرتي تخليهم بعد ما يرجعوا؛

يورونا السبب الخلاهم يمشوا شنو يكون كويس.

على الاقل عشان تاني ما نعمل* كدا.




* اي لا يفعل من فعل.

Post: #55
Title: Re: لو جبت ليكم الجندريات الغايبات...تدونى كم؟؟
Author: ودقاسم
Date: 22-03-2005, 01:15 AM
Parent: #1

الشيخة تماضر
النظام يقول باستلام البياض أولا ،،، وبيناتنا مافي مدسّة ، قبضتي كم ؟
الجندرية مرااااحب ،،،
بس يا تماضر أنا حلفت على الجندرية بالطلاق عشان ترجع ، وما رجعت ، وكسرت بخاطري ، وخسّرت فوزية الجولة الأولى ،، إنتي قريتي ليها ياتو سورة ؟
إشراقة ، إيمان ، نجاة ، مارسوا الانتهازية ولو مرة في حياتكم ، تعالوا راجعين ، كسّبوا تماضر ، واتقاسموا معاها ،،
بكري أبوبكر : عليك بإعادة بنات العباسي ، وبيان ،،، وعلينا المصالحة بالاعتذار المتبادل ...

Post: #56
Title: Re: لو جبت ليكم الجندريات الغايبات...تدونى كم؟؟
Author: اسامة الخاتم
Date: 22-03-2005, 01:41 AM
Parent: #1

تمااااااااااااااااااااضر سلامات
الرهان دا بكم

لكى الياسمين
و للجندريات الياسمين برضو
أما الحاقدين فلهم الرماد

Post: #57
Title: Re: لو جبت ليكم الجندريات الغايبات...تدونى كم؟؟
Author: zola123
Date: 22-03-2005, 04:45 AM
Parent: #1

باديك ديل

Heart Glasses

Kisses

Clapping Hands

Post: #58
Title: Re: لو جبت ليكم الجندريات الغايبات...تدونى كم؟؟
Author: لؤى
Date: 22-03-2005, 05:00 AM
Parent: #1


ملاسي
Quote:
واضح يا لؤي انو مافي اي شبه بينك و بين والدك.
إنتظر لمّا تشوف صورة الوالد في عيد الأب


معليش ياتماضر

Post: #59
Title: Re: لو جبت ليكم الجندريات الغايبات...تدونى كم؟؟
Author: عثمان فضل الله
Date: 22-03-2005, 05:21 AM
Parent: #1

اديك مليون زهرة تبارك ليك يوم عيدك
ومليون شجره تخضر ليك فى طريقك
ومليون نسمه من بلدا يهاتى لى شوفة ساريه وسيرين ويعانى من بعدك
واهديك مليون توقيع من ناس البورد اللبدعموا مجهودك

Post: #60
Title: Re: لو جبت ليكم الجندريات الغايبات...تدونى كم؟؟
Author: shiry
Date: 22-03-2005, 06:09 AM
Parent: #59

سلام مربع

تماضر
نكهة الفواكه الاستوائية

يا سمحةا لخصال ، كل ما عندنا ان نحن
وهبناك اياه ، لن يساوي شيئا
مقابل هذه البساتين اليانعةالتي
تنوين اهدانا اياها

اشراقة الجميله وايمان وجندرية

تعالوا نخط الكورة واطه ، ونمارس حقوقنا
في هذا العالم الوردي

يخليك يا رب

Post: #61
Title: Re: لو جبت ليكم الجندريات الغايبات...تدونى كم؟؟
Author: Ali Alhalawi
Date: 22-03-2005, 06:44 AM
Parent: #60

تماضـر يا بنت الشيخ يا أصيلة

و عدك لم يقع واطا .. و ها هى الألمعية الجندرية تزيد "كمّـك" .. لم يبق إلا أن ننتظر عودة البقية .. واثقون من عودتهن .. للعظمة التى تسكن السائل و المسئول

Post: #62
Title: Re: لو جبت ليكم الجندريات الغايبات...تدونى كم؟؟
Author: لؤى
Date: 23-03-2005, 05:03 AM
Parent: #1


وبالطبع الأخت صفاء فقيري




Post: #64
Title: Re: لو جبت ليكم الجندريات الغايبات...تدونى كم؟؟
Author: Mayada
Date: 24-03-2005, 03:29 AM
Parent: #62

Quote: وليت أماني تماضر تعيد نجاة كذلك لتعود للبورد إشراقته ويعود لنا إيماننا بإنتصار الخير
Quote: ببنات العم هالة ويمنى قوتة والأميرة ميسون نجومي والأخوات رمانة وسماح والسارا ونورا وشايننق استار ورباح الصادق وأم التومات ونهى جي وووووو
وكمان اغلب الجندريات الغائبات...

Post: #65
Title: Re: لو جبت ليكم الجندريات الغايبات...تدونى كم؟؟
Author: لؤى
Date: 26-03-2005, 04:02 AM
Parent: #62


إلهام عبد الخالق




Post: #63
Title: Re: لو جبت ليكم الجندريات الغايبات...تدونى كم؟؟
Author: لؤى
Date: 23-03-2005, 10:20 AM
Parent: #1

المتواجدون الان بالمنبر الحر 323 شخص » (34 )عضو و (289) زائرا

»abdalla BABIKER
»Balla Musa
»Dr. Moiz Bakhiet
»fagyra
»Gazaloat
»keiga2000
»Mamoun Zain
»Marouf Sanad
»MUNA OBIED
»munswor almophtah
»Murtada Gafar
»NAZIM IBRAHIM ALI
»singawi
»Sudnawi
»willeim andrea
»Yasir Elsharif
»Zahir M. Mustafa
»أبوالريش
»أسامة معاوية الطيب
»إيمان أحمد
»ابراهيم حموده
»الطيب بشير
»بهاء بكري
»ثروت سوار الدهب
»ست البنات
»طارق اسماعيل
»علاء الدين يوسف علي محمد
»على اسماعيل
»معتز تروتسكى
»نادية عثمان
»نصار
»ود شندي
»وضاحة
»يحيي مصطفي
هذه الصفحة يعاد تحديثها كل 120 ثانية.

يااااااااااااارب


Post: #66
Title: Re: لو جبت ليكم الجندريات الغايبات...تدونى كم؟؟
Author: تراث
Date: 26-03-2005, 12:06 PM
Parent: #63

أنا كنت جاهز لشكلة لي رب السماء في مسألة التأنيث دي , الحاجة دي غايظاني من زمان . لكن عٍييت والله . خلوني أبقى كويس واجيكم .

Post: #67
Title: Re: لو جبت ليكم الجندريات الغايبات...تدونى كم؟؟
Author: عشة بت فاطنة
Date: 26-03-2005, 12:26 PM
Parent: #66

تماضر المترعة بالحنان والغنية بالمحبة نشكرك لعودة أماني عبد الجليل وفي إنتظار الباقيات .
اشراقة
نجاة محمد علي
نجاة محمود
ايمان
ورجاء العباسي
وراوية العباسي

وأنا .. وبقية العقد الفريد

Post: #68
Title: Re: لو جبت ليكم الجندريات الغايبات...تدونى كم؟؟
Author: انا بنت النيل
Date: 26-03-2005, 12:50 PM
Parent: #67

نديك الدايراه ياغالية.. ياصاحبة انقي سريرة ..كلامك بالدنيا ودعوتك تلين الحجر وفعلا البورد ينقصة الملح ..وهاهو يطعم الساحة قليلا قليلا ..وبإستجابة الغايبات ..تكتمل النكهة الطيبة..
يديك العافية ياعسل ..وكل سنة وانت احلي أم

Post: #69
Title: Re: لو جبت ليكم الجندريات الغايبات...تدونى كم؟؟
Author: إيمان أحمد
Date: 01-05-2005, 05:37 PM
Parent: #1

حسناً يا تماضر..

في البدء عليك وكل الأحبة (هنا وهناك) السلام،

وشكرا علي ندائك لي (رغم أني لا أعدّني من الجندريات) ....

وبعد..

ربما كانت القطيعة ـ كصيغة نهائيةـ ليست الأمثل لعلاقة حبلي السُرِّي بهذا المكان!!



...

ربما كان ـ يا سوزانا، وعادل، وفاضل ـ تقطيب الحياة إلي قطبين، أحدهما يجمع كل المواد المؤدية للإدمان، كالتبغ والكوكا كولا والحبيب ـ والآخر يضم كل ماهو ضد قوانين الجاذبية، ليس الأفضل في التعامل معها!!

ربما، يا صديقي الشاعر، تجدني منشورة يوماً في كتاب ـ تتصفحه بيديك ـ مثل الضوء الذي يشبه الماء، وتلك التي تبيعُ أحلامها. ذلك إن وجدت من يجمعني من صناديق القمامة؛ يلملم آثاري المبعثرة!

ربما، يا مني عبيد سنجلس يوماً، نرتشف القهوة، ونجتر الذكريات......... طويلاً، كثيراً.

ربما، أجد القوة بداخلي، وليس خارجي!!

ربما ـ يا أستاذ ود رملية، لنا أن تواصل أنت الكتابة هنا، فقد قرأتك تلوح بالغياب في تلافيف هذا الفضاء.


ربما يا سجيمان كان التشبه بالنخل هو الأصعب، لأنه الأطول والأكثر عرضةً للرياح! إني أُفَضِّلُ الاسماك، لأن المياه تبلل أجسادها دائما، فلا تحتاج أن تكون كالصَبَّار.


وربما أستطيع مواصلة هذه الكتابة يوماً ما.................................................

لكِ شكري وعلي أخوات/ن الفضاء السلام
هنا وهناك


ويا (لنا مهدي) عليك الحب أينما حللتِ.

(كما شكرا لكوستاوي ـ دائماً)



*ملحوظة: لا أدخّنُ التبغَ، وأشربُ الكوكا كولاـ بدون إدمان.

إيمان

Post: #70
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 01-05-2005, 06:26 PM
Parent: #69

ايمان يا تبغ البورد وادمانه الذى طال علينا..الحرمان منه..

اهلا بزمنك الطيع ومحافلك المشرقة..اينما وكيفما ووقتما تجيئين تجىء الطيوب..


وشكرا لانك حققت لنا هذه الامنية التى بدت مستحيلة قبل خطوتك العزيزة..

اهلا.. وشكرا

Post: #71
Title: Re: لو جبت ليكم الجندريات الغايبات...تدونى كم؟؟
Author: Tumadir
Date: 01-05-2005, 06:28 PM
Parent: #70

نسيت اقول


الجابك

يجيب عقابك "بفتح العين يا حناكيش"

Post: #72
Title: Re: لو جبت ليكم الجندريات الغايبات...تدونى كم؟؟
Author: ست البنات
Date: 02-05-2005, 01:10 AM
Parent: #1

نديك يا تماضر ،

فوق محنتك محنة ،

وفوق حبك حب ،

وفوق جمالك جمال ،

وألف باقة ورد الى وردة البورد النضرة دائما !

وتحت تحت ، نديك البياض لما تبنى البنية ( القبة )

ست البنات .

Post: #73
Title: Re: لو جبت ليكم الجندريات الغايبات...تدونى كم؟؟
Author: lana mahdi
Date: 02-05-2005, 01:41 AM
Parent: #1

اليوم السعيد الليلة جابك يا ايمان يا غالية
تماضر سرك باتع