Post: #2
Title: Re: أكثر من مليون طفل في دارفور محرومون من المساعدات
Author: أحمد الشايقي
Date: 12-22-2005, 05:57 AM
Parent: #1
قلنا نرفع معاك
Quote: [ملفات خاصه: أكثر من مليون طفل في دارفور محرومون من المساعدات
20-11-1426 هـ
الموضوع: النيلين
أطفال بعمر الزهور لم تبق منهم إلا هياكل عظمية
سلط تقرير صدر حديثا عن منظمة الأمم المتحدة للطفولة (اليونيسيف) الضوء على الأوضاع بالغة السوء التي يعانيها أكثر من مليون طفل في اقليم دارفور غرب السودان، نتيجة صعوبة الوصول إليهم بهدف تقديم معونات انسانية. وجاء في التقرير أن "النزاع الدائر في دارفور يؤثر على حياة 3 ملايين طفل يوميا، فهؤلاء معرضون لسوء التغذية
والأمراض والعنف". وأضاف أن "نحو 1,75 مليون من الأطفال النازحين يتلقون خدمات اجتماعية أولية، إلا أن نحو 1,25 مليون طفل لا يمكن الوصول اليهم بسبب انعدام الأمن وعدم معرفة أوضاعهم". وخلال تقديمه التقرير، وجه ممثل اليونيسيف في السودان تيد شيبان نداء الى حركتي التمرد في دارفور والسلطات في الخرطوم التي تواصل مفاوضاتها في أبوجا (نيجيريا) مناشدا إياها بالتوصل إلى حل عاجل للنزاع الذي أسفر عن مقتل ما بين 180 و300 الف شخص ونزوح نحو مليوني شخص. وقال شيبان إن "اطفال دارفور يستحقون أن ينعموا بالمكتسبات نفسها التي بدأ الاطفال المتاثرون بالصراع بين الشمال والجنوب يتمتعون بها الآن"، في إشارة الى اتفاق السلام الذي توصلت اليه حكومة الخرطوم والمتمردون الجنوبيون في يناير/كانون الثاني والذي أنهى 21 عاما من الحرب الأهلية بين الشمال والجنوب. ويدور النزاع في دارفور منذ فبراير/شباط 2003 بين مجموعات متمردة تقاتل من أجل تقاسم أفضل للسلطة والثروات وبين سلطات الخرطوم وميليشيات الجنجويد العربية.
|
|
Post: #3
Title: Re: أكثر من مليون طفل في دارفور محرومون من المساعدات
Author: نجود حسن عبد الرحمن
Date: 12-22-2005, 06:17 AM
Parent: #2
معا لمساعدته المحرومين
|
Post: #4
Title: Re: أكثر من مليون طفل في دارفور محرومون من المساعدات
Author: علي عبدالرحمن الزين
Date: 12-22-2005, 06:32 AM
Parent: #3
| Quote: معا لمساعدته المحرومين |
الأخت نجودأنت بلا شك مشكورة على الشعور الصادق,ولكن أرجو الا يفهم من طلبك لمساعدة المحرومين بأنك تناشدين اليهود.!
|
Post: #5
Title: Re: أكثر من مليون طفل في دارفور محرومون من المساعدات
Author: نجود حسن عبد الرحمن
Date: 12-22-2005, 06:34 AM
Parent: #3
قالت وزارة الخارجية الامريكية ان الكونجرس رفض طلب كوندوليزا رايس وزيرة الخارجية تخصيص 50 مليون دولار للقوات الافريقية التي تحاول اقرار السلام في دارفور بغرب السودان.
|
Post: #6
Title: Re: أكثر من مليون طفل في دارفور محرومون من المساعدات
Author: محمد حسن العمدة
Date: 12-22-2005, 06:44 AM
Parent: #5
لماذا لا توجه حصة اساسية من عائدات البترول من نصيب المؤتمر الوطني والحركة الشعبية الى اطفال دارفور ونسائها وشيوخها ؟؟؟؟
|
Post: #7
Title: Re: أكثر من مليون طفل في دارفور محرومون من المساعدات
Author: نجود حسن عبد الرحمن
Date: 12-22-2005, 06:50 AM
Parent: #6
| Quote: لماذا لا توجه حصة اساسية من عائدات البترول من نصيب المؤتمر الوطني والحركة الشعبية الى اطفال دارفور ونسائها وشيوخها ؟؟؟؟ |
سين سؤال؟
لكن تعتقد ياود العمدة فى زول سامعنا ولا جايب خبرناخليك من الكلام البنقولو احنا البحصل فى دارفور دة هازى منهم شعرة
|
Post: #8
Title: Re: أكثر من مليون طفل في دارفور محرومون من المساعدات
Author: أنور أدم
Date: 12-22-2005, 08:13 AM
Parent: #7
الفاضلة نجود
لك الشكر و التقدير و انت تتناولين ما عجز الكثرين من الالتفات اليه،
هذا الطفل سيقف المجتمع الدولي لنجدته ، و لسوف لن ينسي هذا ابدا، و في المستقبل المتوسط لن تكون هناك مقدسات يقف عند حدودها هذا الطفل ، لا دين و لا عرق .
|
Post: #9
Title: Re: أكثر من مليون طفل في دارفور محرومون من المساعدات
Author: نجود حسن عبد الرحمن
Date: 12-22-2005, 08:16 AM
Parent: #7
|
Post: #10
Title: Re: أكثر من مليون طفل في دارفور محرومون من المساعدات
Author: الجندرية
Date: 12-22-2005, 08:25 AM
Parent: #1
Quote: Quote: لماذا لا توجه حصة اساسية من عائدات البترول من نصيب المؤتمر الوطني والحركة الشعبية الى اطفال دارفور ونسائها وشيوخها ؟؟؟؟
سين سؤال؟
لكن تعتقد ياود العمدة فى زول سامعنا ولا جايب خبرناخليك من الكلام البنقولو احنا البحصل فى دارفور دة هازى منهم شعرة |
هم يا نجود كان عنده شعرة بتتهز من اساسو
كان عملو العملوه في البلد دا
|
Post: #11
Title: Re: أكثر من مليون طفل في دارفور محرومون من المساعدات
Author: منتصر حسن محمد
Date: 12-22-2005, 08:56 AM
Parent: #10
الكاتبة
لك التجلة والتقدير
| Quote: لماذا لا توجه حصة اساسية من عائدات البترول من نصيب المؤتمر الوطني والحركة الشعبية الى اطفال دارفور ونسائها وشيوخها ؟؟؟؟ |
كده بتخرب القسمة وبتزيدو العدد ... وأطفال دارفور وغيرهم من الذين يلتحفون العراء ديل ليهم الله مع الناس الشاعرهم .....
( وقاسمني دايماً مبتسم )
Quote: سين سؤال؟
لكن تعتقد ياود العمدة فى زول سامعنا ولا جايب خبرناخليك من الكلام البنقولو احنا البحصل فى دارفور دة هازى منهم شعرة |
قالوا أضان الحامل طرشه ( مع الإعتزار وعميق الاسف للمثل) لكن هم في لحظة وضوع السودان الجديد العينكم ما بتشوف فيه حتي النور ...وامسكو الخشب ... وح يظل معظم الشعب السودان مغترب في( بلاد بره) علي طريقة الخلا ولا الرفيق الفسل ...
Quote: هم يا نجود كان عنده شعرة بتتهز من اساسو
كان عملو العملوه في البلد دا |
زماااااااااااان كان ديل الكيزان خامين السلطة والثروة اسي جابت ليها قسمة واحزاب متصالحة وكل زول عاوز يشوف نصيبو ... والسودان ده حق منو عشان يتقسم كده ؟
هل الحركة الشعبية تعني كل الجنوب ؟
وهل الحزب الحاكم يعني كل الشمال ؟
وإين الغرب والشرق ..؟
تخريمة:
وأطفال دار فور ديل بعدهم حيكون ياتوا أطفال في السودان وياتو جهة
الله يستر يا أختنا
أخر الكلام :
واصلي ولا تتوقفي
فتح الجراح أفضل من تضميده علي القيح
ولك المجد وصدق النضال
ود زبيدة
|
Post: #12
Title: Re: أكثر من مليون طفل في دارفور محرومون من المساعدات
Author: نجود حسن عبد الرحمن
Date: 12-22-2005, 09:11 AM
Parent: #11
الله فى .. وقاعد فى ميزان العدل
|
Post: #13
Title: Re: أكثر من مليون طفل في دارفور محرومون من المساعدات
Author: محمد حسن العمدة
Date: 12-22-2005, 10:21 AM
Parent: #12
اختي نجود ما ضاع حق طالما نطالب به باستمرار ولا فائدة من الاحزاب السياسية برمتها في الوقت الحالي
علينا نحن افراد الشعب السوداني اعادة اصطفافنا وفقا لمؤسسات مدنية شعبية اجتماعية طلاب ومهن واحياء
ان نعمل ما بوسعنا والباقي على الله
|
Post: #14
Title: Re: أكثر من مليون طفل في دارفور محرومون من المساعدات
Author: انتصار محمد صالخ بشير
Date: 12-22-2005, 10:27 AM
Parent: #1
الاخت نجود
سلام عليكم
يارب احفظ اطفال بلادى من الشرور الحروب
انتصار
|
Post: #15
Title: Re: أكثر من مليون طفل في دارفور محرومون من المساعدات
Author: Tragie Mustafa
Date: 12-22-2005, 10:52 AM
Parent: #14
شكرا نجود على البوست
وكل عام وانت بخير
وبوستك هذا صرخه آخرى في وادي الانسانيه فهل من مجيب؟؟؟؟؟؟
ود العمده يا كوز انت
Quote: لماذا لا توجه حصة اساسية من عائدات البترول من نصيب المؤتمر الوطني والحركة
الشعبية الى اطفال دارفور ونسائها وشيوخها ؟؟؟؟ |
يعني هم كان بيدوا اطفال دارفور حقهم من اساسه كان قامت حرب!!!!!
وبعدين كان ادوا اطفال دارفور حيدفعوا من وين رشاوي العالم
زي ناس معتمدية اللاجئين في القاهرهUNHCR
والاتحاد الافريقي وقواته الاشتروا لرئيسها
فيلا في اديس ابابا.
من وين حتفضل قروش بترول
انت خليك من اطفال دارفور فقراء الخرطوم بقوا كم؟؟؟؟؟؟
الاطفال البيقطعوا تعليمهم لعدم مقدرة اهلهم على مصاريف المدرسه بقوا كم؟؟؟؟؟؟
مرضى السل المشحوطين في صفوف ديوان الزكاة يحلمون بدعم لروشتاتهم الغاليه بقوا كم؟؟؟؟
كل هذا ونحن دوله بتروليه!!!!!
وبنحلم ننفذ ملاعب الغولف وكأن ما ينقصنا في السودان هو ملاعب الغولف فقط!!!!
تراجي.
|
Post: #16
Title: Re: أكثر من مليون طفل في دارفور محرومون من المساعدات
Author: محمد حسن العمدة
Date: 12-24-2005, 06:50 AM
Parent: #15
الغالية خالتو تراجي
| Quote: ود العمده يا كوز انت |
شفتي البقينا فيها يا تراجي ؟؟
اخر الزمن بقينا كيزان الناس عينهم في الكوز وعمايلو Quote: يعني هم كان بيدوا اطفال دارفور حقهم من اساسه كان قامت حرب!!!!!
وبعدين كان ادوا اطفال دارفور حيدفعوا من وين رشاوي العالم
زي ناس معتمدية اللاجئين في القاهرهUNHCR
والاتحاد الافريقي وقواته الاشتروا لرئيسها
فيلا في اديس ابابا.
من وين حتفضل قروش بترول
انت خليك من اطفال دارفور فقراء الخرطوم بقوا كم؟؟؟؟؟؟
الاطفال البيقطعوا تعليمهم لعدم مقدرة اهلهم على مصاريف المدرسه بقوا كم؟؟؟؟؟؟
مرضى السل المشحوطين في صفوف ديوان الزكاة يحلمون بدعم لروشتاتهم الغاليه بقوا كم؟؟؟؟
كل هذا ونحن دوله بتروليه!!!!!
وبنحلم ننفذ ملاعب الغولف وكأن ما ينقصنا في السودان هو ملاعب الغولف فقط!!!!
|
ويجو يشبكو في ود العمدة الهوينان المسكين الطلع من بلدو عشان ياكل لقمة عيش نقية وشريفة وبعرق يدو وكان له لو كان كوزا ان يجد نصيبه من بترول شعب السودان واطفال دارفور والجنوب والشرق والشمال وان يشرب ما يشاء من دماء شعب السودان
عفوا نجود ولك خالص الاعتذار
|
Post: #17
Title: Re: أكثر من مليون طفل في دارفور محرومون من المساعدات
Author: عبدالقادر علي عبدالرحيم
Date: 12-24-2005, 07:23 AM
Parent: #1
شكرا تلأخت نجود لأهتمامك بالموضوع
سندعمهم بعدما ننهي اعمال مؤتمر الأتحاد الأفريقي بالخرطوم ونقوم نبيع الفلل الرئاسية التي كلفت اربعين مليون دولار.
سندعمهم بعدما ينتهي البرلمان من مناقشةموضوع مرتبات و مخصصات شاغلي المناصب الدستوريةوالبالغ عددهم مافي زرول عارفو .
|
Post: #18
Title: Re: أكثر من مليون طفل في دارفور محرومون من المساعدات
Author: يوسف السماني يوسف
Date: 12-24-2005, 08:14 AM
Parent: #1
الاخت / نجود
لك الود
وانتي توقدين مشعل الانسانية في غياهب الشمولية والطفيلية السارقة لقوت اطفال دار فور الملتحفون للثري واللابسون شعاع الشمس .
* اقترح فتح حساب باسم اطفال دارفور .
وانا اول المتبرعين 50دولار
يوسف السماني يوسف
المويايل 0502129715
|
Post: #19
Title: Re: أكثر من مليون طفل في دارفور محرومون من المساعدات
Author: نجود حسن عبد الرحمن
Date: 12-24-2005, 08:52 AM
Parent: #18
العزيزة انتصار
(يارب احفظ اطفال بلادى من الشرور الحروب )
يسمع منك ربنا
العزيزة تراجى
(انت خليك من اطفال دارفور فقراء الخرطوم بقوا كم؟؟؟؟؟؟)
انت عارفه ياتراجى الشعب السودانى عامهً بيشتكى من المعيشة والتعليم
فى حين انو تمشى الى اى مدرسة خاصة رسوم دراسته بتكون بالدولار ولا اليورو تلقياها ابناء وزراء وسفراء وطبقات عليا واول ما يبقوا على المراحل الجامعية طواااالى يتخارجو الى الخارج من غير خدمة وطنية ولا يحزنون
تجى الشارع العام وخصوصا فى المواصلات العامه تجدى الكل يسخط ويسب عارفه السبب ؟
انا اقوليكى :
اولا ومن صباحات الرحمن الناس ماشه لى عمله يلاقوكى بتاعين الحركة ويوقفو المركبة بالساعه والنص ساعه ودة كلو عشان يقلعو من السواق المسكين حق الرخصة التجارية المانعين ترخيصة
ومانعين ترخيصة عشان يلهفو من المساكين التعبانين يومن كلو ديل حق الفطور ولا كباية شاى الواحد نفسو يشربة تتخيلى حق كباية الشاى ماعندهم
ودة كلو سببو انو بلدنا بلد بترول بالاسم بس
لكن ما شايفين اى حاجة جديده غير مبانى ضخمة بتتبنى لزوم البترول شركة (.....) بتاعت بترول والشركة ال(........) برضو بترول مبانى ضخمة وفخمة والبشوفة بقول القبة تحته فكى
فى حين انو التعليم هنا اتدهور والطلبة مالاقيين الكتب ولا مهيئ ليهم الجو للتعليم بسبب العجز الحاصل داك يطرد من فصلو بسبب الرسوم او بسبب انو اهلو ما وفرو ليهو الكتاب تبع المادة كذا ..الخ
وبعده بقولو فى بترول طيب ويييييييييييين؟؟؟؟؟
|
Post: #20
Title: Re: أكثر من مليون طفل في دارفور محرومون من المساعدات
Author: القلب النابض
Date: 12-24-2005, 12:11 PM
Parent: #19
العزيزة نحود
شكرا للبوست المعبر
الدنيا شتاء والبرد قارص
والناس هناك محتاجين للغطاء
ممكن تخلي الحملة دي جادة لإرسال ملابس واغطية للذين يجلسون في العراء
لماذا لانحس الطلاب في الجامعات ليقوموا بهذا العمل
لماذا لا نضغط على المنظمات المحلية " منظمات المجتمع المدني " ان ترسل كسوة الشتاء
الاطفال في الشتاء يتعروضون للنزلات القاتلة
يتعرضون للحمى
وفي هذه المعسكرات بتعرضون للجوع والعطش
والذين هم في سن المدرسة تسرق منهم السنوات ويضيع العمر بلا تعليم
الدعوة الاهم لوقف هذه الحرب اللعينة
المظلوم الاول فيها الطفل والمرأة
تشكري يا نجود
هذه لمسة انسانية
لك الود
|
Post: #21
Title: Re: أكثر من مليون طفل في دارفور محرومون من المساعدات
Author: وفاء تاج الدين
Date: 12-24-2005, 12:25 PM
Parent: #20
العزيزة نجود
شكرا للبوست المعبر
| Quote: فتح الجراح أفضل من تضميده علي القيح |
|
Post: #22
Title: Re: أكثر من مليون طفل في دارفور محرومون من المساعدات
Author: نجود حسن عبد الرحمن
Date: 12-26-2005, 02:41 AM
Parent: #20
Quote: اقترح فتح حساب باسم اطفال دارفور .
وانا اول المتبرعين 50دولار
يوسف السماني يوسف
المويايل 0502129715 |
Quote: ممكن تخلي الحملة دي جادة لإرسال ملابس واغطية للذين يجلسون في العراء
لماذا لانحس الطلاب في الجامعات ليقوموا بهذا العمل
لماذا لا نضغط على المنظمات المحلية " منظمات المجتمع المدني " ان ترسل كسوة الشتاء
الاطفال في الشتاء يتعروضون للنزلات القاتلة
|
انشاء الله فى مساعى عشان نخلى الحملة جادة ونحاول نساعد ابناء دارفور
|
Post: #23
Title: Re: نجود الصور دي من وين..!!
Author: A.Razek Althalib
Date: 12-26-2005, 04:04 AM
Parent: #22
مع لعنة الله على الكذابين...
وعشانا نحن أبناء دار فور..
وحكاية المتاجرة بمسألة قضايانا البقت في خشم كل من هب ودب..
بنسأل..
الصور دي..
يا الكلك ذوق ومشوار الإنسانية... المفتقر لمعني الأخلاق...
بنقول...
تاني الصور دي مصدرها..
من وين...
وفي ياتو حته...
يا نجــــوووووووووووووود.... 
|
Post: #24
Title: Re: نجود الصور دي من وين..!!
Author: نجود حسن عبد الرحمن
Date: 12-26-2005, 04:38 AM
Parent: #23
Quote: بنسأل..
الصور دي..
يا الكلك ذوق ومشوار الإنسانية... المفتقر لمعني الأخلاق...
بنقول...
تاني الصور دي مصدرها..
من وين...
وفي ياتو حته...
|
راسماهم براى ياعبد الرازق
مشكلة دارفور ماهى المشكلة الوحيده فى افريقيا
لكن الصوربتمثل جزء من المعاناه البيعانيها ابناء دارفور
|
Post: #25
Title: Re:أكثر من مليون طفل في دارفور محرومون من المساعدات
Author: محمدين محمد اسحق
Date: 12-26-2005, 05:12 AM
Parent: #24
أختي نجود حسن ..
لك التحية والتقدير علي حسك الانساني العالي وعلي فتحك لهذا البوست
المعبر ..
نعم القضية ..قضية انسانية قبل أن تكون سياسية ..
|
Post: #26
Title: Re: نجود الصور دي من وين..!!
Author: A.Razek Althalib
Date: 12-26-2005, 05:13 AM
Parent: #24
نجــــوووووووود...
من بعد التحية..
| Quote: راسماهم براى ياعبد الرازق |
الجاآآآآك...
بس تصدقي وتآمني بالله...
يا أختي نجود..
رسمك ده..
ما فاتو إلا خالد كودي وحكاية معالجاتو بنيرانو تحت ظلال المندكورو...
وبعدين..
شايفك زعلتي يعني..
أتحملينا يعني ولا بد...
عشان ما يكون...
أمرك غريب شوية ..
وقولك كيفن متناقض تناقض الهدف....
| Quote: مشكلة دارفور ماهى المشكلة الوحيده فى افريقيا |
وبعدين قولي ولا حتى المشكلة الوحيدة في العالم...
بس..
المرتزقة وتجار الأزمات والحروب..
وخصوصاً ناس قبيلة أهل الفن والمعارض والمتكسبون..
ديل على كتف من يشيل...
حليلك..
قلت لي..
| Quote: لكن الصوربتمثل جزء من المعاناه البيعانيها ابناء دارفور |
وعشان كده أنا سألتك..
الصور دي..
مصدرها من وين..
سؤال لازم زي ما إنت شايفهو...
لزوم الإجابة كده ويعني...
وناس الهلوكوست ما خلو صورة إلا وجابوها..
نعم .. تصدقي وتآمني بالله...
في دار فور أزمة..
ولكن...
من المسؤول عن المعاناة...
حتى لا نقول الخراهو يخمو...
فنحن في وطن مأزوم بسلوكيات أبناؤه..
نسأل الله العافية...
بس.. قولك.. حكاية فتح حساب..
وحكاية تجمعو قروش باسم المعاناة دي..
تعرفي.. ياما ناس كتار جمعو قروش.. باسم الإنسانية..
وكتلو بيها ملف...
وواحدين للأسف الشديد..
من هم كانو وراء إفتعال هذه الأزمة...
سواء أكانو مؤتمرجية أو أعدائهم من حملة الأيدلوجية الإشتراكية...
وواحدين راكبين حمار العنصرية...
وكلهم وصاروا مطية في يد..
الهلوكوست...
بس يا الغالية..
عشان يطمئن قلبي..
لنبل الهدف..
وما تطلع الحكاية... حكاية غاية ووسيلة..
وزيادة في بلة في الطين..
الصور دي تاني برضو من ياتو حته...
|
Post: #27
Title: Re: نجود الصور دي من وين..!!
Author: نجود حسن عبد الرحمن
Date: 12-26-2005, 06:35 AM
Parent: #26
Quote: وعشان كده أنا سألتك..
الصور دي..
مصدرها من وين..
سؤال لازم زي ما إنت شايفهو... |
الصور دى ياسيدى جات لى احد زملائى فى العمل على الايميل تبعو وكنا بناقش فى قضية دارفور والبحصل فيها فقام ورانى الصور ورسله لى على الايميل تبعى
اها عرفت المصدر
Quote: بس يا الغالية..
عشان يطمئن قلبي..
لنبل الهدف..
وما تطلع الحكاية... حكاية غاية ووسيلة..
وزيادة في بلة في الطين..
|
اما عشان قلبك يطمئن فإطمئن خالص لانى ما من الفى بالك
وانا كنت جادة فى موضوع المساعده وكان على بالى اتصل بالاخ ابراهيم بقال ونحاول فى حكاية المساعده دى ونخلى الموضوع جادى بعد ماكان مجرد فكرة
|
Post: #28
Title: Re: نجود الصور دي من وين..!!
Author: A.Razek Althalib
Date: 12-26-2005, 07:27 AM
Parent: #27
نفيدك بالأرواح نجود...
سبقتك المناضلة تراجي في الحته دي...
خصوصاً حكاية جاتني بالإيميل دي...
بس ناس دار فور..
في كندا لامن كشفوها قامو طردوها...
نجوووووووود
وتسلم يا وطني..
ويسلم الوطن الدايرة تديهو لبقال صُرة في خيط ده..
وبعدين إنتي عايزة تسليم التبرعات لإبراهيم بقال صُرة في خيط..
ولا دايرة تتناقشي معاهو بخصوصها..
تعرفي عندنا مثل في دار فور بقول..
موت الولد ولا خراب البلد...
حليلك..
شوف جنس الشيطنة عند المسكينة دي...
تاني برضو..
شماعة أخوي إبراهيم بقال...
|
Post: #29
Title: Re: نجود الصور دي من وين..!!
Author: نجود حسن عبد الرحمن
Date: 12-26-2005, 07:45 AM
Parent: #28
مافهمت قصدك ؟؟
انت بتشكك فى قدرات بقال ولا بتشكك فى اخلاقياتو من حيث الامانة ,, بقال هنا بقى معروف من الجميع وهو زول بحب الخير لى بلدو وناسو وانا كنت عاوزة اخد رأى بقال فى الموضوع لانى شايفة انو مؤهل ليقوم بالدور المطلوب, وبعدين فيها شنو لو اديناها بقال مش هو برضو ولد بلدك ومن دارفور برضو ولا رايك شنو؟؟
اما حكاية شماعه بقال دى مافهمتها؟؟
لو قصدك انى عاملة بقال شماعه تكون غلطان ما انا البشيل اموال الناس الدور والباقى على البشككو فى قدرات اولاد بلدوا
|
Post: #30
Title: Re: نجود الصور دي من وين..!!
Author: ابراهيم بقال سراج
Date: 12-26-2005, 08:18 AM
Parent: #29
الاخت / نجود
لم اقراء الموضوع الا اليوم بعد الرسالة التي ارسلتها لي وحقيقة دون مجاملة انها
فكرة جميلة ورائعة ولم يسبقك فيها احد سوي اكانو من ابناء دارفور او غيرهم كتر
الله من امثالكم ,
في اقتراحات عملية قدمت لك يمكنك العمل بها من الان ليساعدك في تطوير
العمل من فكرة
الي واقع وانا كما ذكرتني كأحد ابناء دارفور علي استعداد
بالتعاون معكي لايصال ما تتحصلين عليها من تبرعات الي اطفالنا
في المعسكرات
ودمت زخراً لنا وللوطن وكتر الله امثالك .
|
Post: #31
Title: Re: نجود الصور دي من وين..!!
Author: نجود حسن عبد الرحمن
Date: 12-26-2005, 08:49 AM
Parent: #28
Quote: تعرفي عندنا مثل في دار فور بقول..
موت الولد ولا خراب البلد...
حليلك..
|
إنت عارف بكلامك دة انا رثيت على حالك وعلى حال اهلك فى دارفور
لانو المثل القلتو بنطبق عليك بالظبط
شوف بقال الانت بتتكلم عنو عمل شنو
وياريت تدخل البروفايل تبعو وتشوف عمرو كم سنة http://بقال..دابي الكر.. والكادر النشط ..يعلن مولد نجم .....حيوا معى هذا الفتى
|
|
