شعار سودانيز اون لاين

الى بكرى ابوبكر

الشعار دة مبدئيا لغاية ما تمدنا بالمواصفات التى تريدها للشعار عن جد نحنا فى انتظار المواصفات القياسية التى تود ان يكون عليها الشعار
هل تريدة متحرك علية بعض المؤثرات الحركية او جامد كصورة فقط






وياريت تمد فترة تسليم الشعار شوية نسبة لانشغالى بمعرض الخرطوم الدولى لتقنية المعلومات
(كيتكس) ومن هنا بوجه دعوة لبوردراب الخرطوم لحضور المعرض فى الفترة من 17/12 لغاية 22/12/2005
شركة داتس نت لخدمة تكنولوجيا المعلومات (Datis net (Dwar Technology & information services))

منتظرين المواصفات يابكرى

الأخت نجود تحياتي..

الشعار جميل جداً.. وأجمل ما فيه أنك أخذت الألوان التي يتكون منها الموقع وضمنتيها الكلمات.. غايته، رأيت فيما يرى النائم أمس ليلاً أن بكري (فاجأنا) ونزّل theme جديد للموقع كله يعتمد على اللونين الbaby blue (اللبني) والأزرق الغامق.. كان جميل جداً ومريح جداً.. لكن لو طلع حلمي صحيح خلي في بالك الألوان دي...


*دي مشاركة عشان أقول ليك إنه القلب ما بشيل ساي من الناس.. وإنه الأمر من ناحيتي انتهى من زمن سحيق..

خالص محبتي.. وأتمنى لك التوفيق في طريقك المهني، إحنا أولاد عم مهنة بالمناسبة

بنت الحسين

العزيزة بنت الحسين

شكرا على الالوان الطرحتيها وزى ذكرت فى البوست انى الايام دى مشغولة عن جد وانشاءالله بعد مابكرى يعطينا المواصفات المطلوبة نصل لشعار جميل للموقع

Quote: دي مشاركة عشان أقول ليك إنه القلب ما بشيل ساي من الناس.. وإنه الأمر من ناحيتي انتهى من زمن سحيق..

شكرا ليك وانا والله الامر من ناحيتى انتهى فى البوست نفسة

وشكرا لمشاركتك

Quote: ونزّل theme جديد للموقع كله يعتمد على اللونين الbaby blue (اللبني) والأزرق الغامق

قصدك الدرجات دى من الالوان

لا لا.. اللبني أفتح من كده.. لبني فااااااتح.. وأزرق غااامق... واللبني (baby blue) مسيطر على الشكل العام.. لكن فكرك بكري حيقلب الهوبة ويغير ألوان الموقع؟
وأقول ليك كمان التصميم كان كيف؟ على يسارك بتلقي قائمة المتواجدين الآن .. في frame براها.. وبتتحدث كل 120 براها.. يعني تكوني بتكتبي وشايفة القاعد والمافيش منو.. واول اسم كان Tumador!!!!

أعجبتني تصميماتك.. بالمناسبة انا منظراتيه درجة أولى.. وبملك الأدوات.. لكن ما بعرف أرسم دائرة زي العالم والناس ... ربنا يديك العافية..


بنت الحسين

Quote: فكرك بكري حيقلب الهوبة ويغير ألوان الموقع؟

ياريت يقلب الهوبة ويغير التصميم الموقع رااااائع من ناحية الخدمات ممتاز ومافيهو كلام


بس محتاج لشوية تنسيق وتصميم

رايك شنو يابكرى نتعاون سوى

ازرق كالمستعمل في ابواب المصالح الحكومية

واخضر كابواب الزنك في بيوت الاهالي

(ازرق حكومة واخضر بيوت)

لون الارض

لون التراب دا مريح جداً للعيون.

نبقى فى جنس دة يابكرى واحد يقول حومة والتانى يقول تراب

ماتورينا الوانتك الدايرة عشان نبدأ صاح














-------------------------------------------------------------
قولكم كوم وقول بكرى كوووووم براهو

الاخت نجود
" LOGO design is the applied art of arranging image and text to communicate a message "


if we exclude the red-backgroung, what is the message this logo will communicate? considering the objectives and structure of the logo you can design a
convenient logo...

WHAT LOGO DO?:
1. helps people understand your entity and enhances your profile and visibility
2. build kind of warm relation between ppl and your entity.
3. build strong reputation.
4. adding value to the entity.
5. considered as intnagible assetes.

and to gain these benifits , should be:
1. unique.
2. represent entity sprit
3. easy to remeber. stick on mind
4. economical. cost less in using (headed papers, visit cards, invitations...etc)


* nice try..

شعار جميل







واجمل مافيه الوانه وتصميه

اقترح


والاثنين الواقفين ديل ممكن تخليهم ناس كتار

ياجماعة ياحلوين الشعار الختيتو دة تجريبى بس عشان بكرى يدينا المواصفات العاوزة للشعار ما ختيتو كشعار رسمى انا مشاركة بيهو

Quote: ياجماعة ياحلوين الشعار الختيتو دة تجريبى بس عشان بكرى يدينا المواصفات العاوزة للشعار ما ختيتو كشعار رسمى انا مشاركة بيهو

نجووووود..

يعني لابدة بالسبانخ يا.. سكينة؟؟


غايتو بعتذر..
لاني نزلت بوست بنفس المضمون
قبال ما اشوف بوستينك دا..
( هسي دي يحلوها كيف؟؟)

Quote: يعني لابدة بالسبانخ يا.. سكينة؟؟ غايتو بعتذر.. لاني نزلت بوست بنفس المضمون قبال ما اشوف بوستينك دا.. ( هسي دي يحلوها كيف؟؟)

طيفور يا اخوى ولا يهمك كلنا ناس مهنة واحدة

Quote: والاثنين الواقفين ديل ممكن تخليهم ناس كتار

كدة لكن مابيبقو ناس سودانيز اون لاين

يا نجووود


يا فنانـة ,


إبـداع والله,


تحياتي

نجود العزيزة
عن جد فكرة الشعار جميلة
واجمل ما فيه تناسق الالوان
لانه الالوان الاخترتيها جد حلوة وبراقة
واتوقع لو انه الشعار به مؤثرات حركية ( متحرك ) حيكون اجمل
وطبعا دي كلها تجارب بس اتوقع لما بكري ينزل المواصفات المعيارية للشعار
ممكن تبداي بتعديل اتلشعار وفقا للمواصفات المطلوبة من ادارة المنبر
عموما بس حبيت ابدي اعجابي بفكرة الشعار
وما شاء الله طلعتي موهبة في التصميم
شكرا يا رائعة
ومزيد من التوفيق والرقي والابداع

انا لابعرف اصمم لا حاجتين لكن مقدما بقول ليكم سوف يفوز الشعار الذى سوف ينزله
اخونا عماد عبد الله من قطر اذا انكرب وسخا..الولد موهوب خلاص بس الله يهديه.
نجود ده مع التامين على الوان المريخ المريحة دى،،،،

أباية ثغمبروتة
لي (سكيننة) برضو

Quote: أباية ثغمبروتة لي (سكيننة) برضو

مالو لسانك ياطيفور اتعوج فجعه

يا اخوانا افتوني

ياهو دا الشعار راسمو في الواطه
جنب كراع العنقريب
كنت منبطح...

بس البشيلو يدخلو في الصندوك دا شنو !!!

باقي خايف اعملو UPLOAD يقولو سرقو
باقي الايام دي بوليس الانترنت حايم

خايف من الفضيحه بعد الكبر
افتوني

انا في رجاكم

نجود

يا بت اتاريك ماك ساهلة والله

وانا حاقر بيك ساكت هنا قايلك زينا وجاى ( قريعتى راحت )

لكن طلعت بت فنانة جدا جدا ..

اها اللوقو بتاعك على الايمان يفوز فى جائزة

لكن طولة لساننا ما بتسلمى منها

مش مجانى الكلام ؟؟؟؟

اها اول القصيدة ......

ياخى ما تفكينا من اللون الطوبى ده بالله

كم سنة نحن ما اتحررنا من اللون ده فى الموقع ده هنا

شنو ليك

نقاد ولا ما نقاد

(اها اللوقو بتاعك على الايمان يفوز فى جائزة

لكن طولة لساننا ما بتسلمى منها

مش مجانى الكلام ؟؟؟؟)



بى حليفتة كمان

بس كان خليت طولت اللسان دى ماعندك عوجة

نجود شعارك سمح..... يا السمحة


لكن لو دايراهو يبقى سمح اكتر.... ختي صديقي ابراهيم بقال بالدلة الجديدة وختيني انا بي جلابيتي المشختة ديك

Quote: لكن لو دايراهو يبقى سمح اكتر.... ختي صديقي ابراهيم بقال بالدلة الجديدة وختيني انا بي جلابيتي المشختة ديك

صوركم انتو وبقال ما ابو يدونى ليها الكانو شايلين كميرات اسوى شنو عاد وبالمرة كان الناس شافت سفنجتك الخدرة الجديده بدل الراحت

انا وسجيمان عاوزين صورنا بتاعت الجلسه ,, والا تانى مابنحضر ليكم جلسات