اهداء لكل الافاكين في المنبر الحر

اهداء لكل الافاكين في المنبر الحر


27-05-2004, 08:30 AM


  » http://sudaneseonline.com/cgi-bin/sdb/2bb.cgi?seq=msg&board=8&msg=1085646637&rn=0


Post: #1
Title: اهداء لكل الافاكين في المنبر الحر
Author: اساسي
Date: 27-05-2004, 08:30 AM



برز الثعلب يوما في ثياب الواعظينا

ومشى في الأرض يهدي ويسب الماكرينا

ويقول الحمد لله إله العالمينا

يا عباد الله توبوا ، فهو كهف التائبينا

واطلبوا الديك يؤذن لصلاة الصبح فينا

فأتى الديك رسول من إمام الناسكينا

عرض الأمر عليه وهو يرجو أن يلينا

فأجاب الديك عذراً ، يا أضل المهتدينا

بلغ الثعلب عني ، عن جدودي الصالحينا

من ذوي التيجان ممن دخل البطن اللعينا

مخطيء من ظن يوما أن للثعلب دينا

Post: #2
Title: Re: اهداء لكل الافاكين في المنبر الحر
Author: عبدالله
Date: 27-05-2004, 08:42 AM
Parent: #1

محال اليك الاهداء ايضا

Post: #3
Title: Re: اهداء لكل الافاكين في المنبر الحر
Author: اساسي
Date: 27-05-2004, 08:44 AM
Parent: #2

الطاقية طلعت مقاسك ولا شنو يا عبد الله

البس واقدل ساي

Post: #5
Title: Re: اهداء لكل الافاكين في المنبر الحر
Author: newbie
Date: 27-05-2004, 08:49 AM
Parent: #3

الأخ اساسي
مشكور وكتر خيرك وما تقصر

Post: #7
Title: Re: اهداء لكل الافاكين في المنبر الحر
Author: اساسي
Date: 27-05-2004, 08:53 AM
Parent: #5

الاخ newbie

اظنك تتحدث بلسان زوي التيجان في هذا الاهداء لك التحية

Post: #4
Title: Re: اهداء لكل الافاكين في المنبر الحر
Author: ebrahim_ali
Date: 27-05-2004, 08:47 AM
Parent: #2

الحبيب أساسي سلامي واحترامي
يأخي الفاضل ما أكثرهم وهم يعظون الناس ولا يعظون أنفسهم انهم قوم أخر زمن
يقولون بأفواهم ما ليس في قلوبهم

Post: #6
Title: Re: اهداء لكل الافاكين في المنبر الحر
Author: اساسي
Date: 27-05-2004, 08:51 AM
Parent: #4

الحبيب ابراهيم علي
لك الاشواق
كنت الي وقت قريب اعتقد جازما ان هذه الصفات تلازم ابي ين سلول ومنافقي ذلك الزمان .. في هذا المنبر شهدنا من يتقزم امامهم ابن سلول ومسيلمة نفسه في التناقض الواضح في المواقف المعلنة وكان الجميع لا يقرأ .. هم يراهنون علي نسيانا ولا يراهنون علي غبائهم
البعض يستغفلنا جهارا نهارا وله موقفين متناقضين في موضوعين متشابهين ...

Post: #8
Title: Re: اهداء لكل الافاكين في المنبر الحر
Author: ebrahim_ali
Date: 27-05-2004, 08:56 AM
Parent: #6

اساسي اللذيذ سلامي كميات كده
تعرف هم عارفين نفسهم وكتار جداً جداً
ولو عائز كمان نجيبهم ليك ممكن
1-
2-
0
0
0
لا كده معليش خليها مستورة، وعفا الله عما سلف كما يقولون وفي رواية السلام يجب ما قبله .

Post: #11
Title: Re: اهداء لكل الافاكين في المنبر الحر
Author: اساسي
Date: 27-05-2004, 09:02 AM
Parent: #8

الحبيب ابراهيم

تعرف مافي داعي وخليها مستورة ..لكن بيني وبينك هم من الغباء بحيث يأتوا الي الطاقية مجربين مقاسها وحتما سيناسهم تباعا

Post: #9
Title: Re: اهداء لكل الافاكين في المنبر الحر
Author: newbie
Date: 27-05-2004, 08:59 AM
Parent: #6

أخي اساسي
اتكلم عن نفسي الأمارة بالسوء أو الراضية أو المرضية

Post: #12
Title: Re: اهداء لكل الافاكين في المنبر الحر
Author: اساسي
Date: 27-05-2004, 09:04 AM
Parent: #9

newbie اخي

لم نري سؤ نفسك في منبرنا او امرها به لذا حتي الان هي لدينا من ذوي التيجان

Post: #10
Title: Darfur in UN
Author: nahar osman nahar
Date: 27-05-2004, 09:01 AM
Parent: #1

[size=24]مسيرة واعتصام ابناء دارفور امام الامم المتحدة بنيويورك
تقيم رابطة ابناء د ارفور بمدينة نيويورك الامريكية مسيرة احتجاج واعتصام- اضراب عن الطعام- امام الجمعية العامة للامم المتحدة بنيويوك وذلك يوم الثلاثاء الموافق 1\6\2004 من الساعة10 صباحا حتي الساعة10 مساءاولك احتجاج لملارسات التطهير العرقي وحرق القري وقتل الابرياء واغتصاب النساء من حكومة الخرطوم ومليشيات الحكومة الجنجويد وذالك تضامن مع ابناء دارفور بولايات المتحدة الامريكية
كما تدعوا الرابطة جميع اناء دارفور بصورة خاصة وابناء السودان الصادقين والمنظمات الانسانية وجمعيات حقوق الانسان المشاركة من اجل منع التطهير العرقي المنظم من الحكومة السودانية ضد ابناء غرب السودان

الكفاح مستمر

التاريخ 1\6\2004
اليوم االثلاثاء
المكان حدائق الامم المتحدة بنيويورك
UN @ 1 Ave & 47 St
اعلام رابطة ابناء دارفور بنيويورك الكبرى
للاستفسار
[email protected]
[/size]

Post: #13
Title: Re: Darfur in UN
Author: ابو يسرا
Date: 27-05-2004, 09:10 AM
Parent: #10

تعرف يااساسي دخلت هذا البوست لكى ابرهن لك ان ليس كل من دخل ستكون الطاقية مقاسة والا كمان عندك راى فى ابي يسرا؟؟؟؟

Post: #14
Title: Re: Darfur in UN
Author: اساسي
Date: 27-05-2004, 09:11 AM
Parent: #10

لووووووووووووووووووووووووووول
يا نهار
ياخي والله انا بحيك من هنا لحدي كلفورنيا وجنجويدها وزغاوتها وفورها
تعرف والله حزنتني جدا بحيث اظهرت ضعفكم الشديد كمكاتب اعلامية لا تستطيع تسويق بضاعتها البائرة الخاسرة الا بمزاحنا
اذا الامر عندكم اهون من المزاح .. وقضيتكم بائرة لدرجة انكم فشلتم في عرضها كقضية قائمة بزاتها وتستمد قوتها من كونها قضية عادلة
حسرت قلبي علي هكذا بضاعة بائرة هشة ضعيفة واهنة
وبكثرة مكاتبكم الاعلامية والتي هي اكبر من جيشكم المقاتل في الارض
لا تستطيعون دعوة مجتمعيكم ...
وتبقي فضيحة يا للعار ...
علي اني اقر بانه هذا مكانها المناسب الطبيعي والطليعي لتسوق تحت اسمه فما الافك ولا النفاق بمفارق دربكم قيد انملة
علي اني اشكركم لثقتكم الكبيرة فينا
لنشر فشلكم عبرنا وبواركم وكساد بضاعتكم

Post: #15
Title: Re: Darfur in UN
Author: اساسي
Date: 27-05-2004, 09:15 AM
Parent: #14

هلا هلا بشرانا بزيارة ابو امورتنا يسرا
بالطبع ليس كل من يورد مائنا يشرب كدرا وطينا
انت منا وفينا عزيزا ومكرما
اصدقك القول
انت من القلائل الذين احترمهم
اولا لصدقهم مع انفسهم وثانيا لاني رايتك راي العين
وعرفت من اي الرجال انت ولو قصرت بنا الازمان
قليل من يعود الي السودان منتصرا لنفسه ولقناعاته هذا الزمن (الكعب)
لك التحية دوما ابا يسرا ومثلك عندنا من الذين نوقرهم ونعطيهم قدرهم
اها رايك شنو في كسير التلج دا

Post: #16
Title: Re: Darfur in UN
Author: ابو يسرا
Date: 27-05-2004, 09:23 AM
Parent: #15

كان كدة ان زول ماساهل كون اساسي يقول فيني مثل هذا الحديث الطيب
بارك الله فيك اخي العزيز ومرحب بك فى سودانك وستجدنا سندالة لكل قادم خاصة بعد ان وقعنا امس الاتفاقية وهي اتفاقية بين الشايقية الذين انتمني لهم وبين الدينكا اهل قرنق يعني من امس البلد بلدنا نحن والدنيكا وسنعطيعك نصيب من الثروة بناءاً على كلماتك الطيبات عني
الف شكر اخي ورد الله غربتك

Post: #17
Title: Re: اهداء لكل الافاكين في المنبر الحر
Author: awadnasa
Date: 27-05-2004, 09:32 AM
Parent: #1

الاخ اساس

ما قلت خليها "مستورة".... اذا واصلت في هذه الاستثناءات ستصبح "مكشوفة"

تحياتي

Post: #19
Title: Re: اهداء لكل الافاكين في المنبر الحر
Author: اساسي
Date: 27-05-2004, 10:13 AM
Parent: #17

الاخ ابو يسرا
لا خير فينا ان لم نقل الحق ونعطي الرجال قدرهم وانت زولا ماك هين
لكن وحاتك انا مبسوط من سلام الشوايقة والدينكا وان شاء الله نراه في الواقع بيننا سلاما سمحا

عوض ناس
تحية يا رجل بالامس كنت ابحث في بعض البوستات ووقعت فين عيني بعض كتاباتك قراتها بمزاج عالي لا ادري ولكن لك وجهات نظر ذكية احيانا
دا ما موضوعنا طبعا لكن موضوعنا انه الطاقية اسيادها عارفين نفسهم
ونحن هنا نعالج وقع التعميم الذي يراه البعض مرا احيانا من زارنا
وجد طيب مسكنا او اشتري عطرا منا ون اتي للطاقية فهي اما تحرق ثيابه ويجد منها ما يزكم انفه ولكل لما سهل له


بتوقيع اساسي مزاجو عالي

Post: #18
Title: Re: اهداء لكل الافاكين في المنبر الحر
Author: adil amin
Date: 27-05-2004, 09:59 AM
Parent: #1

اساسى حبيبى
سلام عليك
يا مسكى وطيبى
سلام عليك

انت عارف ان بوستاتك لها قدرة غير عادية على جذب الزوار والكيزان على حد السواء..عشان كده نحن بنستثمرا
ما هو الافك..وما حكم الافاك فى الاسلام؟
الايام دى التفزيون عندى قاطع لا شفت وجع النهار ولا قطوف؟
من هو اكبر افاك فى الشرق الاوسط؟ وله لحية صفرا تسر الناظرين..تجده دائما فى فضائية الجزيرة(امراءة لوط)اسم الدلع لهذه الفضائية

ونعود للقصيدة وانت بتشكر الديك. او الراكوبة فى المطر .نهديك هذا البوست
كانو فى زيارة ابنهم ال(ديك..تور)

Post: #20
Title: Re: اهداء لكل الافاكين في المنبر الحر
Author: اساسي
Date: 27-05-2004, 10:18 AM
Parent: #18

عادل امين صديقي بعض احيان

اتدري صديقي انا اغمطك دأبك علي ما تقتنع به وموالاته في كل بوستاتي ..هذا البوست بعنوان كل الافك بكل الوانه واشاكله
وتحديدا قصدنا به افاكي المنبر من منافقي المواقف
معركتك مع الحكومة هي حق لك تواليه اينما شئت ومن حقنا ان
لا نتشعب بالمواضيع او ضل بها عن هدفها الذي انشئت له
لذا ردك هذا سيشعب موضوعنا في فضاءات هلامية ما اريد لها بهذا البوست
فوالي ما تراه ونوالي من نراه وكل حشاش يملا شبته

خارج النص
رايك في العناق بين علي عثمان وقرنق بالامس يهمنا
افتح ليهو بوست براهو وبنجيك فيهو تعمره ليك

Post: #30
Title: Re: اهداء لكل الافاكين في المنبر الحر
Author: adil amin
Date: 27-05-2004, 03:28 PM
Parent: #20

Quote: وتحديدا قصدنا به افاكي المنبر من منافقي المواقف

هذا المنبر للشعب السودانى وليس لصراعات الشخصية..والافاكين هنا فى البورد هم الكيزان.. ونحن ما خرجنا من النص بس العتب على النظر
الايام دى يا اساسى عندى بحث علمى يتعلق بالكيزان فى هذا البورد وعايز رايك..وايه رايك نعمل (شراكة ذكية )
موضوع البحث:استعمال قاعدة ارخميدس للكشف عن كيزان البورد
ادوات التجربة
1- قائمة باسماء المشتبه فيهم
2- مروحة طربيزة
3- طشت مليان موية
4- سواند سستم
5- بالة قطن
***************
الاخ نهار لك التحية...النضال سكة طريقنا مهما عمر السكة طول

Post: #21
Title: Re: اهداء لكل الافاكين في المنبر الحر
Author: bushra suleiman
Date: 27-05-2004, 11:27 AM
Parent: #1

ياخوى قدر مافتشت فى الطواقى ديل لى مقاسى ابت تركب، باقى ليك يا اخوى اساسى تنفع معاى طاقيه نيجيريهواللا عمانيه؟
شكرا ليك مع كل الود

Post: #22
Title: Re: اهداء لكل الافاكين في المنبر الحر
Author: اساسي
Date: 27-05-2004, 11:36 AM
Parent: #21

شاعرنا بشري

اتدري الشعراء ممنوعين من الصرف غايتو طواقينا دي ما
قاصدين بيها اهل النغم والكلم المموسق
انت داخرنك لي المنا تطيبنا بي جميل ابياتك
الطاقية دي محروسة وسيدها يكوس

Post: #23
Title: Re: اهداء لكل الافاكين في المنبر الحر
Author: مراويد
Date: 27-05-2004, 11:46 AM
Parent: #1

اساسي
شايفك مهدى البوست لى..........
و...........ليك

Post: #24
Title: Re: اهداء لكل الافاكين في المنبر الحر
Author: اساسي
Date: 27-05-2004, 11:53 AM
Parent: #23

مراويد في بيتنا
مرحب يا زول
يا مراويد انا ما بتزكرك الا لمن اشوفك صدق
عشان كدا ما تفكها كبيرة كدا لسع ما وصلت
عندي لدرجة اهدي ليك بوست كامل قول اقول ليك
كلمة كلمتين لكن بوست لسع ...
تعرف انت برغم انك ورل ساكت الا انه عندك قضية
بتدافع عنها برغم فساد فكرك لدي الا انه يحسب
لك فكرا ... المشكلة انك ما عندك مواقف
عشان نقيمك بيها لسع انت سايط وجايط ساكت
شفت ساكت دي امشي اقراها منحوننها نجونة وجننوها جن
بس انت ساكت دي بشبهك شبه شديد اذا وجدت ما بطله
وفي اغلب الاحيان يمكن الاستغناء عنها
انت لسع ورل صغير يا لسع مهوس بملابسك الداخلية
لمن تصل مرحلة وغد حقيقي ننظر في اهدائنا اليك
لذلك الوقت انا بسمح ليك تبرطع ساكت يا ساكت

Post: #25
Title: Re: اهداء لكل الافاكين في المنبر الحر
Author: المسافر
Date: 27-05-2004, 12:07 PM
Parent: #24


سحابات الهموم
عمر الطيب الدوش
*************
سحابات الهموم .. ياليل
بكن بين السكات والقول
وباقات النجوم الجن
يعزن فى المطر..
فاتن عزاك .. رجعن
وشوق رؤياك زمان مشدود
على أكتاف خيول... هجعن
وصوت ذكراك .. مكان يجرى
يلاقى السيل ...
وسر مدفون بصدر النيل
**********
ولولا الذكرى مافى أسف
ولا كان التجنى ... وقف
وصوت ذكراك رزاز صفق
على خطوات بنات .. سجعن
وشوق رؤياك ..
حنين لى رحلة فى المجهول
ولولا الذكرى مافى ..وصول
ولولا الذكرى مافى ..
إصول..
ولولا الذكرى مافى شجن
********

Post: #26
Title: Re: اهداء لكل الافاكين في المنبر الحر
Author: اساسي
Date: 27-05-2004, 12:23 PM
Parent: #25

المسافر فارق اوطانه
انا غايتو بخلي القصيدة دي كلها
وبركز علي الشجن الفي النهاية دا
القصيدة حلوة وانت احلي

وحطياطا كدا الابيات دي ما عجبتني

ولا كان التجنى ... وقف
ولولا الذكرى مافى ..
إصول..

Post: #27
Title: Re: اهداء لكل الافاكين في المنبر الحر
Author: المسافر
Date: 27-05-2004, 12:46 PM
Parent: #26


الأخ أساسي
القصيدة التي بدأت بها مداخلتك ساقت الذكرى إلى التعليم الأساسي (الستينات من القرن الماضي)
و(الإمام) تحت الشجرة
تنويه غير مهم: (بعض الناس يستخدمون كلمة: (الشيخ) = (الإمام)

والبرنامج التلفزيوني للأطفال: جزيرة العجائب التي فيها ترنيمة من طفل تقول: (يعني حنفضل كدة على طول واحد شجرة وواحد بقرة)

وعقود المكر والدهاء التي زاد عليها نوم النواطير عن الثعالب
والأفاك مقطوع الذنب (هذه الجملة ليست لديها علاقة بمقطوع النسب مرمي فوق في الشديرة)
والعتب على الذكرى
والعتب على الأصول

ولولا الذكرى مافي أسف
وعقود المكر كانت وقف

أصحاب المكر وقف
لم ينالوا هدايا
وكثر هم
وكثرت الأوقاف

Post: #29
Title: Re: اهداء لكل الافاكين في المنبر الحر
Author: مراويد
Date: 27-05-2004, 02:36 PM
Parent: #26

Quote: وحطياطا

لووووووول

قلت لى لسه انا ورل يا تفتيحه

غايتو اعمل احطياطاطك كلها .... ولو غلبك اقيف حياطى

اساسي انت كلك تعجب لكن اكتر حاجه عاجبانى فيك ثقتك فى نفسك و قوة عينك دى

ياخى اشكرك على التواضع و التكرم علينا ببضعة اسطر
غايتو انا حا اشد حيلى عشان اترقى لمرتبة "بوست من اساسي"

Post: #28
Title: Re: اهداء لكل الافاكين في المنبر الحر
Author: ABUHUSSEIN
Date: 27-05-2004, 01:01 PM
Parent: #1

أساسي ســـــلام

يا خـوي المقاسات العندك شــنو؟؟؟ نحن لم نجي نشتري لينا طاقية بنتعب تعب شـديد

بعيد عنك الراس ماكن........... عسى و لعل تكون جهزت كـل المقاسات

تحياتي

Post: #31
Title: Re: اهداء لكل الافاكين في المنبر الحر
Author: PLAYER
Date: 27-05-2004, 03:59 PM
Parent: #28

اساسي الفرده[خوفي يقولو انت معي في الامن]
قلتا لي الواحد يشيل كم طاقيه
اصلو انا لقيت اكثر من واحده مقاسي
قلت: رايين مختلفين في موضوعين متشابهين
الصاح
رايين مختلفين في الموضوع الواحد لشخصين مختلفين

Post: #32
Title: Re: اهداء لكل الافاكين في المنبر الحر
Author: yasiko
Date: 27-05-2004, 04:18 PM
Parent: #1

اساسي سلام
الطاقية وجدت راساً خالياً على جسد يرتدي سديري (صديري) فقط فتمكنت " وتم تشنيقا كمان" من جانب ، وانزالها تحت الحاجب المعقود من الجهة الأخرى
لك الاحترام