Post: #1
Title: عاش جعفر نميري
Author: Hussein Mallasi
Date: 05-25-2006, 04:39 AM
25 مايو 2006
|
Post: #2
Title: Re: عاش جعفر نميري
Author: Hussein Mallasi
Date: 05-25-2006, 04:44 AM
Parent: #1
فلولا جعفر نميري لما استمعنا – و استمتعنا –
بأغنية مثل قدم الخير عليك يا بلادي.
|
Post: #3
Title: Re: عاش جعفر نميري
Author: Hussein Mallasi
Date: 05-25-2006, 04:48 AM
Parent: #2
و قدم الخير عليك يا بلادي من عيون الأغاني الوطنية المظلومة و .. المنسية.
|
Post: #4
Title: Re: عاش جعفر نميري
Author: Hussein Mallasi
Date: 05-25-2006, 04:53 AM
Parent: #3
أي زول تقول ليهو مايو يقول ليك: يا حارسنا و فارسنا؛
و في ذلك ظلم جهير لبقية من أبدع في الشدو لمايو.
|
Post: #5
Title: Re: عاش جعفر نميري
Author: Hussein Mallasi
Date: 05-25-2006, 04:58 AM
Parent: #4
انا شخصياً تعجبني أغنية – ربما نشيد – قدم الخير عليك يا بلادي
اكثر من نشيد يا حارسنا و .. فارسنا.
|
Post: #6
Title: Re: عاش جعفر نميري
Author: هشام المجمر
Date: 05-25-2006, 05:12 AM
Parent: #1
حسين ملاسى
سلام
بعيدا عن 25 مايو وعاش جعفر نميرى و الحركات بتاعت الشقلبة و القلبنة
فقد ذكر الأستاذ الموسيقار أنس العاقب فى واحد من أشهر برامجه الإذاعية أن نشيد قدم الخير عليك يا بلادى ماهو إلا نقل مسطرة لأغنية الراحل عبد الحليم حافظ وحياة قلبى وأفراحو ودلل على ذلك بمقتطف مسموع من الأغنية والنشيد.!!!
|
Post: #7
Title: Re: عاش جعفر نميري
Author: Hussein Mallasi
Date: 05-25-2006, 05:15 AM
Parent: #6
Quote: ذكر الأستاذ الموسيقار أنس العاقب فى واحد من أشهر برامجه الإذاعية
أن نشيد قدم الخير عليك يا بلادى ماهو إلا نقل مسطرة لأغنية الراحل
عبد الحليم حافظ وحياة قلبى وأفراحو ودلل على ذلك بمقتطف مسموع
من الأغنية والنشيد.!!! |
و ايه يعني!!
_____
|
Post: #8
Title: Re: عاش جعفر نميري
Author: اساسي
Date: 05-25-2006, 05:38 AM
Parent: #7
|
Post: #9
Title: Re: عاش جعفر نميري
Author: Mohamed Suleiman
Date: 05-25-2006, 05:47 AM
Parent: #8
السفاح نميري
و الإنقاذ إمتداد لعهد النميري
لماذا يحن البعض دائما الي عهود الديكتاتورية ؟؟؟
هل لأن حرية البلاد أتتهم " باردة " و هبة من المستعمر قبل " مخارجته " من السودان ؟؟؟
أم أن شعب لا يعرف كيف يحافظ علي " حريته " .. لا يستحق أن يكون حرا في المقام الأول !!!
|
Post: #10
Title: Re: عاش جعفر نميري
Author: Salah Abdulla
Date: 05-25-2006, 05:56 AM
Parent: #7
حسين ملاسي ..
إزيك ..
والله كل الأغاني والأناشيد الاتغنت في مايو ولمايو جميلة جداً ..
الى جانب قدم الخير للعملاق (جداً) شرحبيل .. هناك الكثير من العمالقة من تغنوا لمايو ، ومنهم أبوداؤود ( الشعب قسم يقولها نعم ليك يا القائد الملهم ) عاجباني والله ، والعاجبني فيها أكتر ( الزغرودة ) الفي نص الأغنية ..
الراحل المقيم إبراهيم عوض :
لما طلعنا يوم اتنين وعشرين يوليو للشارع
شعب وجيش في تصميم نزود عن مايو وندافع
يا ريس براك شفت أروع وأعظم استفتاء
وكذلك أغنيته :
أيد بتبني وأيد تعمر وإيد بتحمل السلاح ..
والبلابل ،، وما أدراك ما البلابل :
تسلم يا أب عاج أخوي .... و أغنية الشمعة التالتة نضويها ، والتي ورد بها ( أورتشي وأخوانه يوم طلّوا علينا من الجنة ) ..
والكثير للراحل سيد خليفة :
ثورة مايو ، اشتراكية ، تبني تعمر... الخ وأغنية بالملايين .
والثنائي الوطني ..
وأكيد في فنانين كتار ، لكن ديل المتذكرهم هسي..
يا هشام .. إزيك .. في علم الموسيقى الاستلاف جائز ، ومثال على ذلك أغنية الوسيم القلبي رادو للاستاذ الراحل أحمد المصطفى ، ومقدمة أغنية عبده الصغير ( يا ذاتي من عبر القرون جيتك أنا ) والتي استلف مقدمتها من أغنية أستاذنا الكبير الموصلي ( سنين عمري الشقية ) والكثير من النماذج .. وألا نحن غلطانين يا أهل العلم ؟ .
وتسلم يا ملاسي ..
صلاح عبدالله
|
Post: #11
Title: Re: عاش جعفر نميري
Author: خالد الأيوبي
Date: 05-25-2006, 06:06 AM
Parent: #1
:Quote: ذكر الأستاذ الموسيقار أنس العاقب فى واحد من أشهر برامجه الإذاعية
أن نشيد قدم الخير عليك يا بلادى ماهو إلا نقل مسطرة لأغنية الراحل
عبد الحليم حافظ وحياة قلبى وأفراحو ودلل على ذلك بمقتطف مسموع
من الأغنية والنشيد.!!! |
ربما يعني أن هذا هو ســبب إعجابك بهــا
أنا بقول ربمــا
|
Post: #12
Title: Re: عاش جعفر نميري
Author: Hussein Mallasi
Date: 05-25-2006, 06:11 AM
Parent: #11
هو انت غير ربما بتقدر تقول حاجة!!
|
Post: #15
Title: Re: عاش جعفر نميري
Author: خالد الأيوبي
Date: 05-25-2006, 06:19 AM
Parent: #12
بعرف
|
Post: #16
Title: Re: عاش جعفر نميري
Author: اساسي
Date: 05-25-2006, 06:25 AM
Parent: #15
شنو البعرف
هو قال ليك بتقدر ؟
تقول ليهو بعرف
|
Post: #13
Title: Re: عاش جعفر نميري
Author: اساسي
Date: 05-25-2006, 06:13 AM
Parent: #11
انا كانت عاجباني حقت في رحاب ثورة مايو اووووو اووووو نبني نعمر
دي كانت ماخوذة من اغنية الفلم الهندي (الام) ولا امنا الهند ما عارف
بس كانت في السلك
|
Post: #14
Title: Re: عاش جعفر نميري
Author: hatim
Date: 05-25-2006, 06:13 AM
Parent: #11
غالبية الذين يسرحون على هذه الصفحات تعلموا على أكتاف مايو.......!!.
|
Post: #17
Title: Re: عاش جعفر نميري
Author: Hussein Mallasi
Date: 05-25-2006, 06:26 AM
Parent: #14
لكل من يرى أن أغنية يا حارسنا و فارسنا
هي أجمل ما قيل في مايو؛ أرجو أن لا يسيئهم
اختياري لقدم الخير عليك يا بلادي.
|
Post: #18
Title: Re: عاش جعفر نميري
Author: Osama Ahmed
Date: 05-25-2006, 06:44 AM
Parent: #1
سلام ملاسي
عجبتني امة الامجاد للثنائي الوطني
وفي لقاء مع احد مغنييّها ذكر أنها لم تكن مفصله لمايو ولا حتى سودانية
يا اساسي
الأغنية دي برضو فيها اوووووووو اووووووووو اووو بي طريقه سمحه شديد
|
Post: #19
Title: Re: عاش جعفر نميري
Author: Hussein Mallasi
Date: 05-25-2006, 06:55 AM
Parent: #18
قبال 4-5 سنين كدا مشيت لمجذوب بتاع
"استيريو الواحة بني مالك خلف مركز الشرق الأوسط"
قلت ليهو يا مجذوب دايرك تعمل لي شريط ساعة و نص
كلو اغنيات لمايو .. بتقدر !
فاجابني: بعرف .
|
Post: #20
Title: Re: عاش جعفر نميري
Author: Hussein Mallasi
Date: 05-25-2006, 07:23 AM
Parent: #19
شكراً يا أساسي أن أتيت لنا بهذه الصورة الماكنة لرئسنا – السابق – الماكن.
|
Post: #21
Title: Re: عاش جعفر نميري
Author: Abureesh
Date: 05-25-2006, 07:25 AM
Parent: #19
الأخ حسين ملاسـى،
النميـرى خيـر رئيس مـر على الســودان.. وفى عهـده شهـدت البلاد حقن الدمـاء فى الجنـوب، والتنميـة والإعمـار رغـم الفسـاد المالى المحدود إذا قورن بفسـاد الإنقاذ (خاشـوقجى، عصابـة الأربعـة...الخ). ولو خطط هـو ومن حولـه بصـورة سليمـة لكنا اليوم نعيش السـودان الجديـد الذى نتحدث عنه ولا نعرف اليـه سبيلا..
ولقـد نحسـه الإسلاميون فى العامين الأخيـرين من حكمـه، فارتمى فى أحضانهـم، ولكن الشيوعيين هـم الذين (لزوه) إلى تلك الأحضـان، ويتحملون مسـؤوليـة سقـوطـه الى مستنقـع الهـوس الدينى، معهـم مناصفـة.
والأغانى أعلاه كان يغنيهـا الشعب مع الفنانين قبل قوانين سبتمبـر 1983 - كلهـا قبل سبتمبـر 1983.. وأجمل إغنيـة عن مايـو بعـد إرتداده للهـوس الدينى وسقوطـه فى شـرك الإسلاميين كانت أناشيـد إبريل:
السجن ترباسـو إنخلـع
تحت إنفجـار الزلزلـة
والشعب بأسـره اندلع
حـرر مسـاجينـو وطلـع
قــرر نهايـة المهـزلـة
وأجمل ما قرأت عن فتـرة العامين تلك التى سـاد فيهـا الهوس الدينى، الذى كان مقـدمـة للإنقاذ، ما كتبـه الراحل المقيـم عبد الله الطيب:
نحن قوم نعيش فى العالم الثالث وهـو المعـذب المنكــود
فـَتَنَتْنَا حـضــارة الغرب، لا الرفض إنتفعنا به ولا التقليــد
وأحتوتنا عماية من صــراع دائـم للقوى به تـبـديـد
صاح هل نحن مسلمون؟ أرى الإسـلام فينـا كأنه مفقــود
وكأن صار مظهـر الدين لا المَـخْـبَر فينا فاعلم هو المقصـود
فـشــت الآن برجوازية فى الدين من قبل عُلّقتها اليهــود
وتفان على الحطام كأن الدين أركــانه الشـداد النقود
كانت هـذه ارهاصـات دولـة التأصيل الحضـارى.. ولم يعرف صاحبنـا أنه كان مستدرجـا لمصيـره المحتوم، وكان مطيـة فقـط للمهوسين.. فسـار معصـوب العينين خلفهـم..
|
Post: #22
Title: Re: عاش جعفر نميري
Author: jini
Date: 05-25-2006, 08:05 AM
Parent: #21
Quote: فلولا جعفر نميري لما استمعنا – و استمتعنا –
بأغنية مثل قدم الخير عليك يا بلادي. |
أعذب الشعر أكذبه!
وتلك التى حقق فيه رغبة الشاعر:
واصل كفاحك خليك حريص
انت القائد وانت الرئيس
دايرين نشوف كل الغبش واقفين صفوف!
حتى وقفت بلادنا كلها فى صفوف بنزين وعيش !
العبرة بالأفعال وليس بالأقوال زى دفن النفايا وترحيل الفلاشا وازهاق الأرواح!
خيبة الله النميرى سيظل ملعونا فى الأرض والسماء بما كسبت يديه عاش أو مات يا صديقى
جنى
|
Post: #74
Title: Re: عاش جعفر نميري
Author: doma
Date: 05-27-2006, 04:35 AM
Parent: #22
الله الله يا جني
يا اخي انت صحيح من جيلي انا .
الجماعه كلهم طلعوا سدنه
|
Post: #23
Title: Re: عاش جعفر نميري
Author: Salah Abdulla
Date: 05-25-2006, 08:15 AM
Parent: #21
يا أساسي ...
الاغنية القاصدها إنت كان بيغنيهافنان شعبي من مركز شباب السجانة إسمه عبدالجليل أبو حراز ...
وبداية الأغنية : يا بلادي مايو نفخر بيك .. في رحاب ثورة مايو ..أووووووو أووووووو.....
|
Post: #24
Title: Re: عاش جعفر نميري
Author: Hussein Mallasi
Date: 05-25-2006, 08:39 AM
Parent: #23
سلامات يا اساسي و صلاح
Quote: انا كانت عاجباني حقت في رحاب ثورة مايو اووووو اووووو نبني نعمر
دي كانت ماخوذة من اغنية الفلم الهندي (الام) ولا امنا الهند ما عارف |
Quote: يا أساسي ...
الاغنية القاصدها إنت كان بيغنيهافنان شعبي من مركز شباب السجانة إسمه عبدالجليل أبو حراز ...
وبداية الأغنية : يا بلادي مايو نفخر بيك .. في رحاب ثورة مايو ..أووووووو أووووووو..... |
دعوني آتيكم ببوستر الفيلم قبل ان يسبقني عادل عثمان لذلك!
|
Post: #25
Title: Re: عاش جعفر نميري
Author: بدر الدين الأمير
Date: 05-25-2006, 08:54 AM
Parent: #24
ملاسى
مايو معهد الموسيقى والمسرح
مايو البلابل وهل لازم يكون مدخلنا لتلقى وقبول الابداع سياسى
شرنو فسكى خلد هتلر موسيقياوكلاهم رحل ولكن لم يرحل الابداع عن موسيقى
شرنوفسكى فى هتلر
|
Post: #26
Title: Re: عاش جعفر نميري
Author: عمار عبدالله عبدالرحمن
Date: 05-25-2006, 05:09 PM
Parent: #25
25 مايو 2006
ذكرياتي
تحسب لعب ترتار وغيرة (ابوعبيدة حسن)
في تلك الايام كنا نبكي اهلنا في ود نوباوي والجزيرة ابا سرا
من الضمير والفم قلناه نعم
ملايين ملايين قلناها نعم
في تلك الحظات كان ابناء شعبنا يوصفون بانهم مرتزقة
جبت اللقمة للجعان وجبت الموية للعطشان
في تلك الساعات اشرقت شمس الخرطوم عن ملايين الجوعي هاربين من مجاعة 1983
اب عاج اخوي يا دراج المحن (البلابل)
دراج المحن في تلك اللحظة يرسل الفلاشا الي اسرائيل
الثورة تراجع ولا تتراجع (القائد الملهم)
استشهاد طه يوسف عبيد في انتفاضة يناير المجيدة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
25 مايو
تو تو نميري عتود
يا بثينة حمارك عينة
لن يحكمنا طيش حنتوب
اربع عقر قلو السكر (ارتفاع اسعار السكر)
نحن الطلبة سلاحنا الطوب
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
25 مايو
لن يحكمنا البنك الدولي
داون داون يو اس ايه
العصيان المدني
الاضراب السياسي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
25 نميري
انفض المولد
وانصرف موظفي الاتحاد الاشتراكي بحثا عن عشاء آخر
وجده البعض في الجبهة الاسلامية,,,,,,,,,,,,,,,,,
وآخرين مازالوا في حالة بحث مضنية
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
| Quote: استاذ ملاسي خالص احتراماتي ولكنها ذكريات لفترة اغتيلة فيها طفولتي وسجن شبابي ,,, |
|
Post: #27
Title: Re: عاش جعفر نميري
Author: Marouf Sanad
Date: 05-25-2006, 05:35 PM
Parent: #26
يقال ان جعفر نميري لحظة هروبه في 71 وهو يمتطي الحائط , التفت فجأه
للوراء فرأى فوهة مدفع موجهه نحوه و لكنه قفز الى الشارع في آخر لحظة ,
وفعلاً عاش ولكن عوضاً عن طلوع روحه طلعت حاجات أشد نتانه من روحه ,وكلما أتذكر
موقف سيد خليفة لحظتها فإني اشفق عليه , فلا بد انه عاش لحظات عصيبة , وأظن ان سيد
خليفة بطيبته المعهودة أكثر من الثناء على مايو وقائدها حتى يجنبه الحرج ويقول ليهو
انو الموضوع بتاع اليوم داك كان عادي وممكن يحصل to the best of us
|
Post: #28
Title: Re: عاش جعفر نميري
Author: Mohamad Shamseldin
Date: 05-25-2006, 05:56 PM
Parent: #27
ابوالريش
خلصت من كلامك ان ابعاج بعد ضرب الشيوعيين و حتى المصالحة كان الافضل
ابعاج على الاقل كان عنده كلمة سمح لنقد بحضور يوبيل حنتوب و اعطاه الامان
جماعتنا الحاليين سلموا كارلوس لفرنسا
سالت عضو اول مجلس سيادة عن احسن عهد مر بالسودان فقال لى "للاسف يا ابنى عهد عبود"
|
Post: #30
Title: Re: عاش جعفر نميري
Author: عصمت العالم
Date: 05-25-2006, 06:06 PM
Parent: #28
العزيز حسين ملاسى..
واين موقع ..الاغنيات الاتيه..من تصنيف..المساخر المايويه..
انت يا مايو الخلاص.يا جدارا.من رصاص..
وخليك حريص ..انت القائد.وانت الرئيس..
عميق التقدير
|
Post: #29
Title: Re: عاش جعفر نميري
Author: Salah Abdulla
Date: 05-25-2006, 06:04 PM
Parent: #1
عايزين تقلبوها لينا سياسية ؟؟
الموضوع عن أغنيات حقبة مايو ..
آراءكم السياسية لن تغيرمن الأمرشيئاً ..
بدرالدين قال :
Quote: وهل لازم يكون مدخلنا لتلقى وقبول الابداع سياسى
شرنو فسكى خلد هتلر موسيقياوكلاهم رحل ولكن لم يرحل الابداع عن موسيقى
شرنوفسكى فى هتلر |
وهكذا الأمر هنا .. كلامكم السياسي وذكرياتكم وتحليلاتكم السياسية ما ح تنقص من جمال الانتاج الفني الغنائي في فترة مايو .. وسيظل ميرغني المأمون وأحمد حسن جمعة صاحبي أغنية جدودنا زمان ,,, ووتصل كفاحك خليك حريص ... ويظل هو شرحبيل في قدم الخير عليك يا بلادنا ,,,, و تعال يا ليل خليك معايا ،،، وسيد خليفة بالملايين قلناها نعم ،،، وأغنية أنشودة الجن ..
ياهم ذاتهم الغنوا هنا وهناك .
فرجاء دعونا نستمتع بالبوست ده في حصر ومعرفة أغنيات مايو .. وفكونا من سياستكم الحاشرينها لينا في كل بوست دي ..
تحياتي
صلاح عبدالله
|
Post: #31
Title: Re: عاش جعفر نميري
Author: Abomihyar
Date: 05-25-2006, 06:47 PM
Parent: #1
كنت ولا زلت أعجب لأغنية تقول :
بفكرك ووعيك يا ريس
يا داب سوداننا بقى كويس
أرجو الأنتباه لكلمة أعجب (بفتح الهمزة وتسكين العين وفتح الجيم)
|
Post: #32
Title: Re: عاش جعفر نميري
Author: عزيز
Date: 05-25-2006, 07:05 PM
Parent: #31
الأخ الحبيب ملاسى
كل سنه وانت طيب
وحنان إبراهيم ( حنان الصغيرة ) تغنت بـ..
بفكرك وعيك ياريس .. ياداب سودانا بقى كويس
مودتى
عزيز
|
Post: #33
Title: Re: عاش جعفر نميري
Author: Elmuez
Date: 05-25-2006, 07:14 PM
Parent: #1
( فرجاء دعونا نستمتع بالبوست ده في حصر ومعرفة أغنيات مايو)
سمح,
أكتر أغنية مرتبطة بي مايو و نالت إعجابي هي:
بلا و انجلي
حمد الله ألف علي السلامة
إنهد كتف المقصلة
و السجن ترباسو انخلع
تحت انفجار الزلزلة
و الشعب بي أسرو اندلع
قرر ختام المهزلة !
كذلك:
شعبا صمم فردا فرد
هب و هدم حكم الفرد
و جاهو عديييييييييييييييييل !
لكن طالما الفكرة هنا ( قعدة مايوية )
فممكن: ( نقولها نعم ) عشان خاطر أبو داؤود ( الله يسامحو ) !
|
Post: #34
Title: Re: عاش جعفر نميري
Author: سيد أحمد خليفة
Date: 05-25-2006, 09:34 PM
Parent: #33
Quote: لكن طالما الفكرة هنا ( قعدة مايوية )
|
طالما ذلك كذلك ياملاسى
هنالك نشيد خفيف الظل لااتذكره جيدا
لكن المقطع الاكثر حماسا فيها يقول
خليتنا نحس بالعزة تهز كل كيانا
واعتقد انها للشاعر عزيز التوم وغناها الثنائى الوطنى
والملاحظ ان الفنانين دون استثناء غنوا
خاصة الكبار
وردى ،خوجلى،سيد خليفة ،ابراهيم عوض ، عثمان حسين ..الخ
وعلى الرغم من ان الفنانين يهيمون فى كل واد
لكن غناهم كان حماسيا ومن القلب لذلك تركوا
من خلال الاناشيد الحماسية فى مايو تراثا موسيقيا ضخما
يجب ان ننظر للجانب الابداعى فيه
ولانتافف منه
|
Post: #35
Title: Re: عاش جعفر نميري
Author: Khalid Kodi
Date: 05-25-2006, 11:36 PM
Parent: #1
Quote: السفاح نميري
و الإنقاذ إمتداد لعهد النميري
لماذا يحن البعض دائما الي عهود الديكتاتورية ؟؟؟ |
لأنهم لايعرفون سوى أن يكونوا عبيد، فهم يحتاجون الى الأخذ بيدهم الى ماذا يعنى أن يكون الانسان حرا
...إالى معنى الحرية
|
Post: #36
Title: Re: عاش جعفر نميري
Author: jini
Date: 05-26-2006, 02:26 AM
Parent: #35
Quote: فرجاء دعونا نستمتع بالبوست ده في حصر ومعرفة أغنيات مايو .. وفكونا من سياستكم الحاشرينها لينا في كل بوست دي ..
تحياتي
صلاح عبدالله |
البوست عنوانه عاش جعفر نميرى والبوست الرئيسى 25 مايو !!
دعكم من سياسة بسمارك الداخلية ولنتكلم عن سياسة بسمارك الخارجية!
يا خوى الاسبوتنق ما بالعافية!!
تحياتى
جنى
|
Post: #37
Title: Re: عاش جعفر نميري
Author: newbie
Date: 05-26-2006, 02:36 AM
Parent: #36
من خور عمر ,,,,, من خوووووور عمر
|
Post: #38
Title: Re: عاش جعفر نميري
Author: عبدالكريم الامين احمد
Date: 05-26-2006, 03:42 AM
Parent: #37
يعجبني...
سدنة ديل ما تصوتو ليهم...
في الفساد مافيش مثيلهم سدنة ديل
ده النميري كان عديلهم سدنة. ديل...
بايعوه وقالو زولهم سدنة ديل...
سدنة ديل
سدنة ديل...
وهكذا..
|
Post: #39
Title: Re: عاش جعفر نميري
Author: Hussein Mallasi
Date: 05-26-2006, 05:22 AM
Parent: #38
سلامات يا محمد سليمان
| Quote: السفاح نميري والإنقاذ إمتداد لعهد النميري |
بما أن الشيء بالشيء يذكر فقد جاء بصحيفة الوان
الصادرة صباح اليوم- الجمعة - بأحد العناوين:
نميري يشيد بالاتحاد الافريقي و فصيل أركو.
_____
أنا ايضاً أشيد بفصيل السيد مناوي.
|
Post: #66
Title: Re: عاش جعفر نميري
Author: زول ساكت
Date: 05-27-2006, 01:36 AM
Parent: #38
Quote: يعجبني...
سدنة ديل ما تصوتو ليهم...
في الفساد مافيش مثيلهم سدنة ديل
ده النميري كان عديلهم سدنة. ديل...
بايعوه وقالو زولهم سدنة ديل...
سدنة ديل
سدنة ديل...
وهكذا.. |
الغريبه ياعبدالكريم
انو الشعب كأنه لم يسمع
هذه الاناشيد
وصوت
|
Post: #40
Title: Re: عاش جعفر نميري
Author: سفيان بشير نابرى
Date: 05-26-2006, 05:39 AM
Parent: #1
ملاسي ...
سلام يا حاج وكيفك ؟
نميري ده فعلاً تحفة يا ملاسي وفعلاً عاش تصدق الزول ده مفروض يكون مات زمان
لكن اهو ده ربنا ودي حكمتو والراجل ده عاش واي زول يفهم اليفهمو انا غيتو فاهم
انو عايش عشان ح يتعذب بي عيشتو دي لحدود المطالبنو بالدم يحققوا مرادهم وبعد مرادهم
يبقي في يدهم يقولو عفوهو (عشان هق يموت براهو) هاهاهاهاها معليش لكن انا ده الشايفو
اها الحاجة التانية الزول ده تحفه والله انا حيرني لما استضافو الزول البشبهو داك بتاع
برنامج :- أسماء في حياتنا هاهاهاهاها شفته عليك الله الاسماء كيفنها اها نميري ده الزول داك استضافو في البرنامج وسالو عن حاجة حصلت من الناصريين اها نميري عايز يقول الناصرين دي يلا طارت من راسو كلو كلو قام قال :- ياخ الناس العملين حزب باسم الرئيس المصري المات داك والعرب ديل كلهم بكوا عليهو هاهاهاهاها والله الزول ده اتحف من المتحف زاتو .
اما بخصوص الغناء اسكت ساي صلاح ادريس دفع لفنانين كتار قروش بقوا يغنو غناهو براهو وما بغنو اي حاجة تانية .
يلا يا صاحب انا غايتو يوم 25/ مايو ده لقيت لي عيد عالمي اسمو عيد الاصدقاء والحمدلله احتفلته بيهو شديد هاهاهاها.
|
Post: #41
Title: Re: عاش جعفر نميري
Author: Hussein Mallasi
Date: 05-26-2006, 05:46 AM
Parent: #40
سلامات يا ابو مهيار
Quote: كنت ولا زلت أعجب لأغنية تقول :
بفكرك ووعيك يا ريس
يا داب سوداننا بقى كويس
( أرجو الأنتباه لكلمة أعجب ) |
أما أنا فأعجب – برضو بفتح الهمزة وتسكين العين وفتح الجيم – لأغنية تقول:
يا حارسنا و فارسنا
يا بيتنا و مدارسنا
لينا زمن نفتش ليك و جيتنا الليلة .. كايسنا!
______
أرجو الانتباه لكلمة .. كايسنا!!
|
Post: #42
Title: Re: عاش جعفر نميري
Author: Hussein Mallasi
Date: 05-26-2006, 06:02 AM
Parent: #41
سلامات يا كودي
Quote: لأنهم لايعرفون سوى أن يكونوا عبيد، فهم يحتاجون
الى الأخذ بيدهم الى ماذا يعنى أن يكون الانسان حرا |
اسه لو زول غيرك جاب سيرة العبيد تقعد تزبد!!
|
Post: #43
Title: Re: عاش جعفر نميري
Author: Hussein Mallasi
Date: 05-26-2006, 07:21 AM
Parent: #42
يا ريت بكري يثبت البوست دا في واجهة المنبر!
|
Post: #44
Title: Re: عاش جعفر نميري
Author: Salah Abdulla
Date: 05-26-2006, 07:42 AM
Parent: #1
ياالمعز ..
تحياتي
الاغنيات الإتكلمت عنها دي نتاج لمايو ، وهي فعلاً تضاف الى تلك الحقبة ، والقعدة مش مايوية ، لكنها قعدة (لأغنيات) أتغنت في / وبسبب مايو ..( نقولها نعم خطيرة بالجد )..
سيد أحمد خليفة ..
ده المقصود .. لكن البيفهم منو ؟؟
| Quote: الاناشيد الحماسية فى مايو تراثا موسيقيا ضخمايجب ان ننظر للجانب الابداعى فيه ولانتافف منه |
جني .. هسي الجاب بسمارك وموسيليني هنا شنو ؟؟ هسي ده محلها ؟؟؟؟؟
Quote: يا خوى الاسبوتنق ما بالعافية!!
|
!! ؟؟ (( بالصافية ))..
والله أنتو أحسن سياسيين ووطنيين ,,,,, وأي حاجة ... بس عليكم الله فكوا الكرفتة شوية هنا ، ولوعايزين أربطوها بي غادي ...
بالله الواحد ما يفتح خشمو الا يجوك (المسغفاتية) ويبدوأ تنظيرهم المسيخ ده .. الحصة ما سياسة ، ما سياسة يا عالم ( يفهموكم كيف بس ؟؟؟) ...
ملاسي بالله ألعب كورتك ،،، وخليني من ناس ساس يسوس ديل ..
صلاح عبدالله
|
Post: #45
Title: Re: عاش جعفر نميري
Author: wesamm
Date: 05-26-2006, 08:42 AM
Parent: #44
انت ياملاسي ونكرة اخر يدعىغريبة تحتقرون الشعب السودانى الكريم الذي احترمكم وكرمكم واداكم اعتبار وانتم اليوم تمجدون السفاح نميري وتحيون ذكري انقلابه المشئوم في 25 مايو الشعب السوداني قال كلمته في مايو ونظامها الديكتاتوري عندما هب في انتفاضته المجيدة في ابريل1985
انت وامثالك مثل الجنادب لاتعيش الا في وسط القاذورات والاماكن المظلمة فبالامس تطبل لظلام مايو واليوم تطبل لظلامات الانقاذ ولكن ليكم يوم وبعدين ماتجي تبكي تتجرس وتقول عليكم الله عشان خاطر اولادي
|
Post: #46
Title: Re: عاش جعفر نميري
Author: jini
Date: 05-26-2006, 09:12 AM
Parent: #45
Quote: جني .. هسي الجاب بسمارك وموسيليني هنا شنو ؟؟ هسي ده محلها ؟؟؟؟؟
|
الترجمة على الشريط
عنوان البوست عاش نميرى معناهو سياسة و 25 مايو تعنى ثورة والموضوع معناهو سياسة وانت الاسبوتنق حقك غناء فهمت ولا العمة دى لافيها فى الهواء!!
تمام عمة تاجر بقر!!
جنى
|
Post: #47
Title: Re: عاش جعفر نميري
Author: Hussein Mallasi
Date: 05-26-2006, 09:12 AM
Parent: #45
Quote: انت ياملاسي ونكرة اخر يدعى غريبة تحتقرون الشعب
السودانى الكريم الذي احترمكم وكرمكم واداكم اعتبار |
عقبال ما يحترمك انتي كمان يا وسام!!
|
Post: #48
Title: Re: عاش جعفر نميري
Author: Hussein Mallasi
Date: 05-26-2006, 11:07 AM
Parent: #47
| Quote: غالبية الذين يسرحون على هذه الصفحات تعلموا على أكتاف مايو...!! |
تعرف يا حاتم؛ أي زول تلقاهو متشنج أسألو:
- مايو بقت كعبة متين؟
و ببساطة حتعرف هو متشنج ليه!!
و حقو تبدأ بالمجمر؛ الما لقى زول يستشهد بيهو غير انس العاقب!!
و لو في زول قال ليك مايو كعبة من يومها البدت ليومها الانتهت؛
تعرف انو زول .. ساكت!!
______
و ليتذكر الجميع ان مايو قد انطلقت يوم 25 مايو 1969
و ليس بعد هذا التاريخ بيوم واحد!!
|
Post: #49
Title: Re: عاش جعفر نميري
Author: Elmuez
Date: 05-26-2006, 12:47 PM
Parent: #1
(و لو في زول قال ليك مايو كعبة من يومها البدت ليومها الانتهت؛
تعرف انو زول .. ساكت!!)
يعني و في مسيرها من البداية و إلي النهاية,
يصبح:
الإمام الهادي
إسماعيل الأزهري
الصادق المهدي
الشريف حسين
ثم: هاشم العطاء
بابكر النور
فاروق حمدناالله
حسن حسين عثمان
محمد نور سعد
جون قرنق
ياسر عرمان
منصور خالد
محمود محمد طه
و كل المجموعات الإجتماعية من خلفهم,
ثم ( شعب كامل )+ ( جيش ) -( موكب هزيل),
ده كله بيحكي عن ( ناس ساكت )و عن تطور( هسترية متشنجة) لم ينجا منها إلا الخالفة !..
تعرف يا ملاسي, لو كنت تعرف معني " قيمة فرصة العمر " لجاء حكيك مختلفا, أما عن تشنجي شخصيا, و قد بدأت غربتي الأولي عن الوطن خلال سني مايو, فهو مرتبط بالكم الهائل من الغباء الذي فرضته مايو علي مختلف الأجيال مضيعة بذلك أينع سنوات العمر في اللاشئ !..
|
Post: #50
Title: Re: عاش جعفر نميري
Author: Hussein Mallasi
Date: 05-26-2006, 12:56 PM
Parent: #49
الاسماء الرصيتها دي كلها دخلها شنو – يا المعز - بالناس الساكت
البتقول مايو كعبة من يومها البدت ليومها الانتهت!!
|
Post: #51
Title: Re: عاش جعفر نميري
Author: Elmuez
Date: 05-26-2006, 01:16 PM
Parent: #1
إنت ب"الناس دي" تقصد " سورة الناس " !,
الناس دي ما مقسمة علي " القيادات الملهمة " الرصيتها ليك,
يعني إنت عاوز يكون عندك " رمز " لحالك !
|
Post: #52
Title: Re: عاش جعفر نميري
Author: Mohammed Haroun
Date: 05-26-2006, 01:21 PM
Parent: #1
التطهير واجب وطني - والتأميم -الرياضة الجماهيرية - الإتحاد الإشتراكي السوداني - أمن نميري. ليه تذكرنا بالمآسي يا ود ملاسي؟؟؟
بلا وأنجلى زي ما غنى أبو الورود
|
Post: #53
Title: Re: عاش جعفر نميري
Author: الزوول
Date: 05-26-2006, 01:50 PM
Parent: #52
السلام عليكم
الأخ ملاسي
من أجمل ما سمعت
نشيد يا حارسنا وفارسنا لمحمد وردي
و نقولها نعم لعبدالعزيز داؤد
يا ريت لو واحد يتكرم ينزلها لينا
...
حتى لؤي شمت
اعتذر قال ما داير يدخل السياسة في البوست الجميل بتاعو
انا ما عارف الدَخَّل السياسة شنو؟؟
لحن جميل انتهى كل ما يرتبط به من واقع بخيره وشره
لماذا لا نستمتع به
كنا ندندن ب ( نقولها نعم ..ليك يا القائد الملهم ) من غير أن تحرك فينا سوى متعة اللحن الجميل
ونطرب في نفس الوقت ل ( بناديها) لوردي و نتأول كلماتها لمناداة الحرية
وننتشي ( بالساقية لسه مدورة) ونتوهم كلماتها معارضة لنميري
على فكرة
أنا هلالابي
بغض النظر عن النتيجة
لكن كنت مستمتع جداً بالكورة يوم الترجي التونسي غلبنا في تونس 6
يا جماعة خلوا روحكم رياضية...
تحياتي
وما الناس إلا هالك وأبن هالك *** وذو نسب في الهالكين عريق
|
Post: #54
Title: Re: عاش جعفر نميري
Author: نيازي مصطفى
Date: 05-26-2006, 02:27 PM
Parent: #53
يالها من ذكرى قبيحة في ذاكرة شرفاء الوطن الحبيب
.
.
|
Post: #55
Title: Re: عاش جعفر نميري
Author: Hussein Mallasi
Date: 05-26-2006, 04:14 PM
Parent: #54
تعرف يا المعز؛ كلما أطالع مداخلاتك في هذا البوست احتار؛
و لا يخرجني من حيرتي إلا هذا الجزء من إحدى مداخلاتك:
Quote: فهو مرتبط بالكم الهائل من الغباء
الذي فرضته مايو علي مختلف الأجيال |
|
Post: #56
Title: Re: عاش جعفر نميري
Author: Hussein Mallasi
Date: 05-26-2006, 04:32 PM
Parent: #55
Quote: يقال ان جعفر نميري لحظة هروبه في 71 وهو يمتطي الحائط , التفت فجأه
للوراء فرأى فوهة مدفع موجهه نحوه و لكنه قفز الى الشارع في آخر لحظة ,
وفعلاً عاش ولكن عوضاً عن طلوع روحه طلعت حاجات أشد نتانه من روحه |
كلامك دا يا معروف ذكرني مرة قبال تلاتة أربعة سنين؛
عاد أبنائي من إحدى إجازاتهم للسودان و هم يرددون:
الكهربا جات
املو الباغات
اسه بتقطع .. يا جعفر.
لا يمكنك أن تتصور مدى الانزعاج الذي انتابني؛
فسألتهم بجزع: يا عيال؛ جعفر دا منو؟!
قالوا ما عارفين!
طيب كهربا شنو البتقطع؟!
قالوا ما عارفين!
قلت ليهم: طيب الكلام دا جبتوهو من وين؟!
فقالوا: حفظنا ليهو خالو أحمد!!
|
Post: #57
Title: Re: عاش جعفر نميري
Author: Hussein Mallasi
Date: 05-26-2006, 04:42 PM
Parent: #56
ما دام الحديث قد تطرق للكهرباء فلا بأس من إيراد هذا النقد الذاتي:
في إحدى فترات مايو كثرت قطوعات الكهرباء فأراد نميري حل المشكلة جذرياً؛
فتولى - بنفسه - أمر الإدارة المركزية؛ فزادها إظلاماً على إظلامها.
فقال الخبثاء:
أي زول بيمسك الكهربا بتكتلو؛
إلا نميري؛ مسكها .. كتلها!!
|
Post: #58
Title: Re: عاش جعفر نميري
Author: Waly Eldin Elfakey
Date: 05-26-2006, 05:04 PM
Parent: #57
ملاسي سلامات
| Quote: يا ريت بكري يثبت البوست دا في واجهة المنبر |
غايتو زول بفتش في المشاكل زيك انا ما شفتو
|
Post: #60
Title: Re: عاش جعفر نميري
Author: Salah Abdulla
Date: 05-26-2006, 06:24 PM
Parent: #58
السيد / جني
إسمك حركي ، وبروفايلك فاضي .. الظاهر نحن قعد نعامل لينا مع ( شبح ) ..
وعمتي ما لافيا في الهواء ،، لافيها عشان (الزيك ده) يعرف هو بيتعامل مع منو !! يعني ما خايف من حاجة .. وبعدين صلاح غريبة فاتح بوست كامل عن نميري وما جاب سيرة الغناء خالص ، أربط كرفتتك وأجري أستلمهم بي غادي ..
موضوع البوست عن أغنيات مايو ، وما بعدها ، والتي تغنت بسسب مايو ، مدحاً أو ذماً ، فهي انتاج فني شئنا أم أبينا .. وليس كما ذكر سعادتكم من أن موضوع البوست سياسة ..
Quote: ولا العمة دى لافيها فى الهواء!!
تمام عمة تاجر بقر!!
جنى |
أها يا ذا (الأسلوب الراقي) رجعت لبروفايلي وألا لسه ؟ قال تاجر بقر قال ..
تصدق بأسلوبك ده شكلك تاجر (شاف وطلح) .. وعشان تثبت العكس ( اتشجع ) وأملأ الفراغات الفي بروفايلك ..
والفهم ( فعلاً ) قسم ..
خليناه .. برطع فيهو ، وما تنسي تشد الكرفته..
|
Post: #59
Title: Re: عاش جعفر نميري
Author: Elmuez
Date: 05-26-2006, 06:06 PM
Parent: #1
و تعرف يا ملاسي,
و من خلال متابعاتي لي الحفر اللتي تحفرها لنفسك هنا,
ياما لاحظت الطريقة اللتي تتبعها حينما تجد نفسك في مواجهة الحائط !
بالله زول مبسوط, و لو جزئيا, من ( جعفر النميري )حا يكتب إيه في ( زمن الإنقاذ ) ! ..
كدي أمشي ( أبحث ) و اطبع ( حسين ملاسي ) في كل الأرشيفات و بعدها أقيف و عاين لي نفسك في المراية ( لمدة دقيقة واااحدة ) !
|
Post: #61
Title: Re: عاش جعفر نميري
Author: Hussein Mallasi
Date: 05-26-2006, 06:25 PM
Parent: #59
ظننت أن الأمر سيقتصر على كم الغباء الهائل
الذي فرضته مايو علي مختلف الأجيال!!
___
|
Post: #62
Title: Re: عاش جعفر نميري
Author: Elmuez
Date: 05-26-2006, 06:54 PM
Parent: #1
Quote: كم الغباء الهائل
الذي فرضته مايو علي مختلف الأجيال!! |
الحتة دي شايفها وقفت ليك في حلقك,
طيب ما ياها دي الحيط البيمرقك ليها درب الحفر الأتموسفيرية,
ألحقها بي أقرب " كوز " موية.
|
Post: #64
Title: Re: عاش جعفر نميري
Author: المسافر
Date: 05-27-2006, 00:53 AM
Parent: #62
لقاء تلفزيوني مع الرئيس (الهارب) نميري
"" ياخي نحن من جينا بدينا طبقنا الشريعة إلا الناس ما كانت عارفة..
نحن جينا لقينا المدن كلها خمارات ودعارة..
وبدينا نخفف شوية شوية .. لامن نضفنا المدن من الخمارات والدعارة وانحصرت في البارات والفنادق
لما في النهاية دفقنا الخمرة في البحر ""
ملاسي..
ات كت عايش في يات مدينة؟؟
|
Post: #63
Title: Re: عاش جعفر نميري
Author: خالد الأيوبي
Date: 05-27-2006, 00:51 AM
Parent: #1
Quote: شنو البعرف
هو قال ليك بتقدر ؟
تقول ليهو بعرف |
العزيز الأخ أســاسي
شكراً علي التنبيه. والله ما إنتبهت لأني قريتها سريع. و لأنه من الطبيعي أن يسألك واحد و يقول ليك " إنت ما بتعرف تقول كذا؟" عدم المعرفة شئ طبيعي و أنا إنسان طبيعي . حاجات كثيرة ما بعرفها أو ما بعرف أقولها.
لكن عدم القدرة علي القول فهي شئ آخر و دائماً ما تكون بسبب مانع و عائق.
وما عرف الإنســان عبر التاريخ مانعاً و عائقاً يحول بينه و بين قول ما يعرفه مثل الأنظمة الديكتاتورية و الحكومات المتسلطة - مثل نظام عيدي أمين مثلاً أو نظام صدام حسين -
فكل إنسان في العراق و في يوغندا - أيام حكمهما - يعرف أن يقول (بغم) أو (البغلة في الإبريق) ولكنه (لا يقدر).
لم أتوقع أن يسألني صاحب البوست (إنت ما بتقدر تقول ..) و هو يعرف أنني سوداني و السوداني إنسان محظوظ بيقدر يقول أي حاجة في أي زمان - حتي في الفترة من 25 مايو 1969 إلي 27 مارس 1985 بيقدر يقول ذي ما عايز. حتي (وسيم الطلعة) إبراهيم عوض عليه رحمة الله عندما ما كان (ما بيقدر يبوح و ما قادر يصرح) لم يكن خائفاً من جهاز أمن أو غيره وإنما كان خايف (من شئ يفوح و الناس ما بتريح)
قرأت سؤال صاحب البوست بسرعة وظننت الكلمة (بتعرف) وأجبته علي هذا الأساس ( بعرف ).
الحمد لله يا أساسي أنني إنسان سعيد و سعادتي مرتبطة بالكم الهائل من الذكاء الذي فرضته حكوماتنا الكويسة علي مختلف الأجيال.
قلت ذلك لواحد صديقي كان بيننا (إتفاق) و عندما زاد الإتفاق بيننا وجد نفسه يريد أن ينعتني بالذكاء - عشان إتفقنا عاوز يقول أني ذكي .. شوف بالله !!! - ولكنه و برغم الحريات العامة التي يتمتع بها - و من بينها حرية التعبير - إلا أنه لم يقل لي أنت ذكي مباشرة بل عمل QUOTE من كلامي أعلاه و قال لي عندما قريت كلامك هذا زالت حيرتي.
يعني الولد لحنها
بعدين بي صراحة أنا ما داير أواصل في البوست دا يمكن يلاقيني صاحبي و يصفني بصفات ثانية مستخدماً طريقة التلحين أياها. و أنا إنسان كبير في السن ما داير أسمع لي كلام ما يرضيني أو يصئ لي و يأذيني
العزيز الأخ أساسي
عبرك أريد توصيل هذا الرأي:
أحياناً أفكر في أن صدام حسين عنده حاجات كويسة - و دا شئ طبيعي أيضاً فكل إنسان خلقه ربنا فيه شئ كويس، فلولا أن صدام شجع الموسيقي و عمل معهد الدراسات الموسيقية لما كنا إستمتعنا بغناء كاظم الســـاهر و خاصة أغنية (هذا اللون) التي أعتبرها أحسن من أغنية (زيديني عشقاً) .. ولكن يا أساسي قل لي بأمانة و أنا أثق في حكمك: إذا أنا مدحت صدام بسبب هذه الأغنية أو لأي سبب آخر و تجاهلت أحاسيس و مشاعر الألاف من أسر و أقارب و أهالي ضحايا صدام مش أكون غلطان؟. أنا عاوزك إنت تحكم يا أساسي.
يعني إتخيل معاي يا أساسي طالبتين في مدرسة يوغندية واحدة قالت أنا أمي سافرت و إتعلمت أكروبات في الصين بفضل عيدي أمين وأبوي مشي درس في أوروبا بمنحة من الإتحاد الإشتراكي اليوغندي أيام عيدي (أبو عاد) .. وأردفت: عاش عيدي أمين .
قالت الطالبة الثانية و هي تبكي أنا أمي عاشت مشردة عشان تأكل عيش لأن أبوها سجنو عيدي أمين ومات في السجن أما أبوي فلم
إره في حياتي.
العزيز / أساسي
سؤال بيني و بينك و أنا عارفك زول نصيحة - و النصيحة كما تعلم في الدارجة السودانية هي الحقيقة -
ما هو موضوع هذا البوست؟
هل هو مطاعنة للشيوعيين و اليساريين ؟
قد الخير عليك يا بلادنا ....... ثورة مايو (( الإشتراكية )) تبني تعمر بي وطنية
يا حارسنا و فارسنا ي ابيتنا و مدارسنا ( اللهم أشفي مرضانا و مرضي المسلمين ... اللهم أشف محجوب شريف و رده إلي أهله سالماً معافي)
هل هو إغاظة للوطنيين؟
عاش نميري (((( واحد من أفضل عشرة عسكريين)))). ملحوظة الوطنييم تشمل كل القائمة التي تم ذكرها في مداخلة أعلاه ، فيهم الترابي - أول من دخل السجن في عهد نميري وآخر من دخل السجن في عهد نميري و أول من دخل السجن في عهد البشير و آخر من دخل السجن في عهد البشير. و أول من سيدخل السجن في ظل الحكومة القادمة إن شاء الله (الهم عجل بسجن الترابي ... آمين).
العزيز أساسي
كانت حبوبتي تقول: الوكت زي الموية في الجدول كان ما إستفدت منها ... تراها ماشــة ما راجياك.
الله يرحمها و يرحمنا و يرحم كل المسلمين في مشارق الأرض و مغاربها .... آمين
العزيز أساسي لي رجاء
أرجو أن لا تجعل من علاقتك مع صاحب البوست و توافقك معه سبباً في مناصبتي العداء بدون ذنب جنيته، فأنا أحترمك و أحترم آراءك وأسلوبك .. و تقبل مني كل الود.
|
Post: #67
Title: Re: عاش جعفر نميري
Author: Hussein Mallasi
Date: 05-27-2006, 01:36 AM
Parent: #63
فعلاً .. الوصفك بانك أديب - يا الأيوبي - ما كضب!!
|
Post: #70
Title: Re: عاش جعفر نميري
Author: اساسي
Date: 05-27-2006, 02:55 AM
Parent: #63
خالد الايوبي .!!
ياخي وين العداء دا انا كل العملته رد ضاحك لكن قسما بالله لمن قريت ردك دا كله اصبت بدهشة عظيمة جدا ما كنت اتوقع انك حاقن الكلام دا كله جواك يا زول انت من الناس المحبوبين في المنتدي ومن الناس المعتقين في المنبر .. لذا يا سيدي لا تحزن ..
شخصيا اخذت البوست بما بدأ لي وهو التغزل في الشعر المايوي والاغاني ولم اربط الامر بشويعية او بعثية ولم احاول الغوص اعمق مما بدأ لي في ظاهره
ملاسي عليك اللعنة كان داير تخرب علاقتنا مع الحبايب
|
Post: #65
Title: Re: عاش جعفر نميري
Author: ماجد حسون
Date: 05-27-2006, 01:22 AM
Parent: #1
يعنى بوست زى ده لو ما كتبو ملاسى حا يكتبو منو؟
|
Post: #68
Title: Re: عاش جعفر نميري
Author: Hussein Mallasi
Date: 05-27-2006, 01:57 AM
Parent: #65
سلامات يا حسون
البوست دا للناس الحضروا مايو؛
بس أوعدك اعمل بوست تاني للناس الاتولدوا بعد المفاصلة!
|
Post: #69
Title: Re: عاش جعفر نميري
Author: Hussein Mallasi
Date: 05-27-2006, 02:09 AM
Parent: #68
سؤال موجه لكل المستهينين بالأغنيات و الأناشيد الوطنية استهانة غير مبررة؛
ما الذي تبقى من أكتوبر و جبهة هيئاتها غير أناشيد وردي و محمد الأمين و المجموعة؟!
______
يمكن أن تقرأ: ... لأكتوبر ... الخ.
|
Post: #71
Title: Re: عاش جعفر نميري
Author: ماجد حسون
Date: 05-27-2006, 03:01 AM
Parent: #1
حاضر يا عم حسين ويا ريت تبدا بى ثورة 24
بس سؤال برة الموضوع Chromatography دى وظيفة قائمة بى زاتها
لو صاح العلم يكون اتطور
note:
الاجمل من مواضيعك الهادفة مداخلاتك ردودك خفيفة الظل
|
Post: #72
Title: Re: عاش جعفر نميري
Author: Hussein Mallasi
Date: 05-27-2006, 03:28 AM
Parent: #71
| Quote: ملاسي عليك اللعنة كان داير تخرب علاقتنا مع الحبايب |
هو انا كنتا قايلو حيكتب عرض حال و حجا حبوبات زي دا يا اساسي!!
|
Post: #73
Title: Re: عاش جعفر نميري
Author: amira abdelrahman
Date: 05-27-2006, 04:12 AM
Parent: #1
هون عليك يا ( أديب ) ... قلمك أرفع ...
|
Post: #75
Title: Re: عاش جعفر نميري
Author: Hussein Mallasi
Date: 05-27-2006, 04:42 AM
Parent: #73
سلامات يا اميرة
| Quote: هون عليك يا ( أديب ) ... قلمك أرفع ... |
لو جيتي للحق قلمو رفيع بس قلمك ارفع منو.
|
Post: #76
Title: Re: عاش جعفر نميري
Author: amira abdelrahman
Date: 05-27-2006, 06:57 AM
Parent: #1
أسجل ا عجابا‘ لا أخجل منه ببعض مايو ... و بعض مايو يخجلني....
|
Post: #77
Title: Re: عاش جعفر نميري
Author: Hussein Mallasi
Date: 05-27-2006, 07:07 AM
Parent: #76
| Quote: أسجل ا عجابا‘ لا أخجل منه ببعض مايو ... و بعض مايو يخجلني.... |
_____
مش قلت ليكي قلمك ارفع من قلمو؛
و ازيد بان موقفك انصع من موقفو!!
|
Post: #78
Title: Re: عاش جعفر نميري
Author: Hussein Mallasi
Date: 05-27-2006, 07:19 AM
Parent: #77
هنالك نشيد لمايو يقول:
في حكاياتنا مايو
في شعاراتنا مايو
إلا ان المغني أمعن في التفاؤل و أردف:
رهن شاراتنا مايو!!
|
Post: #79
Title: Re: عاش جعفر نميري
Author: newbie
Date: 05-27-2006, 07:27 AM
Parent: #78
من خور عمر يا Hussein Mallasi
ما مر عليك قبل كده ؟ ولا عشان ما كتبت اسمك في التعليق؟
داير شكلة مالك
|
Post: #81
Title: Re: عاش جعفر نميري
Author: Hussein Mallasi
Date: 05-27-2006, 08:10 AM
Parent: #79
شكلة شنو يا نيوبي؛ هو انا ناقص شكل!
| Quote: من خور عمر يا Hussein Mallasi |
جداَ مافي مانع .. من خور عمر يا نيوبي.
|
Post: #80
Title: Re: عاش جعفر نميري
Author: Ibrahim Algrefwi
Date: 05-27-2006, 07:28 AM
Parent: #1
الحاج حسين ...
عساك بخير وصحة ...
تعرف الهادي حامد عندو غُنية جميلة جداً اسمها "الثورة اجمل أغُنية"
سجل اخونا الفنان الاغنية قبل الانقلاب العسكري بتاع الترابي \البشير
باسبوع كده، عن اتحاد الشباب السوداني ،
الغنية السمحة دي ارتبطت للناس بالكاكي والانقاذ الوطني ...
الغريب ان هذه الاغنية جميلة جداً" لحن ،كلمات ، معاني واداء" !!!
|
Post: #82
Title: Re: عاش جعفر نميري
Author: هشام المجمر
Date: 05-27-2006, 08:40 AM
Parent: #1
ملاسى
سلام تانى
Quote: تعرف يا حاتم؛ أي زول تلقاهو متشنج أسألو:
- مايو بقت كعبة متين؟
و ببساطة حتعرف هو متشنج ليه!!
و حقو تبدأ بالمجمر؛ الما لقى زول يستشهد بيهو غير انس العاقب!!
و لو في زول قال ليك مايو كعبة من يومها البدت ليومها الانتهت؛
تعرف انو زول .. ساكت!! |
حسع الجاب سيرة المجمر شنو؟
وكمان متشنج؟
يا رااااااجل!!!!
بس برضو الغنية لحنها مسروق!!!
كدى نحكى ليك دى
يحكى أن جزارا فى أحد أسواق أم درمان كانت له أصابعا ضخمة جدا واعتاد أهل المنطقة وشبابها أن يمازحوه كان يقول له واحد: كدى أقطع لينا بالله نص كيلو لحمة عامل اصابعينك الزى الموز ديل. وواحد تانى يبادروا: لحمتك كعبة يا ابو اصابع زى الموز.
و يستيشيط هو غضبا ويسب ويلعن ويرغى ويزبد.
فى مرة تم إعتقاله فى احد محاكم الأسعار زمن نميرى " محاكم الخيم" و كانت محاكم فورية فلما دخل وهو مخفور وجد القاضى أحد زبائنه المشاغبين فإرتاح واخد البساط احمدى وقال للقاضى : بالله انت القاضى يا فلان ها ها ها و جاء ليأخذه بالأحضان فانتهره القاضى قائلا : متهم أقيف عدل و اضبط سلوكك و أحترم المحكمة ولا أديك 6 شهور سجن حالا. إستغرب الرجل لسلوك القاضى الذى كان من اكثر الناس الذين يكاونه فى حجم اصابعه. المهم زولنا إالتزم الصمت محتارا.
قال له القاضى بقسوة وعنف أسمك سكنك مهنتك وبعد ان ذكرهم له . قال له ايضا بقوة تعال احلف هنافلما جاء الجزار ووضع يديه على الكتاب دنامنه القاضى و قال له همسا: ديل اصابع ولا موز ....حاول المتهم ان يرد بنفس اسلوب الجزارة لكن القاضى أنتهره مرة أخرى :..متهم اقيف عدل ...وماتتكلم لغاية ما اسمح ليك.
|
Post: #84
Title: Re: عاش جعفر نميري
Author: Hussein Mallasi
Date: 05-27-2006, 09:05 AM
Parent: #82
طيب ما كان تقيف عديل يا هشام ياخي؛
و ما تتكلم لغاية ما اسمح ليك.
|
Post: #85
Title: Re: عاش جعفر نميري
Author: Hussein Mallasi
Date: 05-27-2006, 09:09 AM
Parent: #84
سرقة شرحبيل للالحان دي ما سمعتا بيها قبال كدا؛
دي غايتو يجاوبك عليها كوستاوي؛ متعهد شرحبيل في المنبر دا.
|
Post: #83
Title: Re: عاش جعفر نميري
Author: Tabaldina
Date: 05-27-2006, 09:01 AM
Parent: #1
..
.
أنا شخصياً عاجبانى
نقولا نعم والف نعم
عشان اولادنا تتعلم
..
.
لكن بعد حقبة من الزمان
تسألت من هم الذين رددوا نقولا نعم
ومن هم اولادهم.. الذين تعلموا
____ مخرج مايو __
كتب الحاج وراق بالامس
الإنقاذ أفضل ما مايو !!
هذة الجملة حصـرياً لجنى..
|
Post: #86
Title: Re: عاش جعفر نميري
Author: خالد الأيوبي
Date: 05-27-2006, 09:37 AM
Parent: #1
العزيز / أســـاسي
كتب حســــين ملاسي
| Quote: شكلة شنو يا نيوبي؛ هو انا ناقص شكل! |
و نسي أن يضيف
هو أنا ألقاهــا من ((نيوبي)) ولا من ((أيوبي)) !! .. و يضع (وجه ضاحك)
|
Post: #87
Title: Re: عاش جعفر نميري
Author: خالد الأيوبي
Date: 05-27-2006, 09:43 AM
Parent: #1
العزيز أسـاسي
| Quote: .. لذا يا سيدي لا تحزن |
حزني كان في محله ، فلولاه لما سمعت منك هذا الإطراء و الكلام الجميل في حقي. أرجو أن أكون عند حسن ظنك دائماً
|
Post: #88
Title: Re: عاش جعفر نميري
Author: Hussein Mallasi
Date: 05-27-2006, 09:53 AM
Parent: #87
Quote: نسي أن يضيف
هو أنا ألقاهــا من ((نيوبي)) ولا من ((أيوبي)) !! |
ايوبي دا ما متوقع القى عندو حاجة لانو بصراحة
ما عندو حاجة غير قلمو .. الرفيع!!
|
Post: #89
Title: Re: عاش جعفر نميري
Author: Hussein Mallasi
Date: 05-27-2006, 10:09 AM
Parent: #88
هو الزيك دا - كمان - بيشاكلوهو يا ايوبي!!
|
Post: #90
Title: Re: عاش جعفر نميري
Author: Hussein Mallasi
Date: 05-27-2006, 12:09 PM
Parent: #89
Quote: بس سؤال برة الموضوع Chromatography دى وظيفة
قائمة بى زاتها لو صاح العلم يكون اتطور |
العلم متطور من زمان؛ بس انت – يا ابني – الما جايب خبر!
|
Post: #91
Title: Re: عاش جعفر نميري
Author: ماجد حسون
Date: 05-27-2006, 08:37 PM
Parent: #1
يا جماعة يالمتطورين
|
Post: #92
Title: Re: عاش جعفر نميري
Author: انا بنت النيل
Date: 05-28-2006, 04:09 AM
Parent: #91
سلام للناس فوق ولصاحب الدار
كنت في زمن ماضي " طليعية" يعني انتميت للطلائع والرواد أي طلائع مايو ونحن في الإبتدائية لا نعلم شئ عن ساس يسوس ..بس يودونا نتدرب ونلبس الأخضر وننشد لمايو في الإحتفالات الرسمية " يعني سدنة ياود المجمر بس تبنا لمن فتحنا وعرفنا" اها اناشيدنا كتيرة ويعجبني ثنائي الوطن واناشيدهم لي الليلة " يامايو حبيب زي أمي وابوي زي اختي وأخوي ..خليتنا نحب ..الخ" ..
ومن اناشيد الطلائع ..
شايلين راية مايو شايلين راية الدين جايين
حالفين بي مايو حالفين حالفين بالعزم الما بلين
وأذكر كنا نرددها حالفين لي مايو حالفين " طبعا نحن شفع غبا ساكت ونردد زي الببغاوات" قامو صلحونا قالوا لينا اوعوا تقولوا كدا
وتاني ..
مادمت حي ليك حناني وليك هواي
ياسوداني يامأوآي
تاني ..
ثورة مايو مالا ؟ ..إشتراكية
مالا؟ ..تبني تعمر لي شنو.؟
للوطنية..
وكانت ايام ..طوتها السنين وعلقت بالذاكرة
|
Post: #93
Title: Re: عاش جعفر نميري
Author: Hussein Mallasi
Date: 05-28-2006, 05:09 AM
Parent: #92
سلامات يا اسامة
| Quote: عجبتني امة الامجاد للثنائي الوطني |
الشيء الوحيد الذي أنقذ جهاز التلفزيون في منزلي من التحطيم أثناء مشاهدتي
لحلقة من البرنامج الذي كانت تقدمه ندى بسيوني؛ هو انتباهي أن منتجه
يوسف السماني.
|
Post: #94
Title: Re: عاش جعفر نميري
Author: Hussein Mallasi
Date: 05-28-2006, 05:13 AM
Parent: #93
عاش يوسف السماني & محمد حميدة.
|
Post: #95
Title: Re: عاش جعفر نميري
Author: Hussein Mallasi
Date: 05-28-2006, 08:29 AM
Parent: #94
سلامات يا دومة
Quote: الله الله يا جني
يا اخي انت صحيح من جيلي انا .
الجماعه كلهم طلعوا سدنه |
ياتو جماعة و ياتو جيل و ياتو كلهم و ياتو سدنة؛
و الاهم من دا كلو .. ياتو صحيح!!
|
Post: #96
Title: Re: عاش جعفر نميري
Author: Hussein Mallasi
Date: 05-28-2006, 02:46 PM
Parent: #95
سلامات يا ابو الريش
أوافق – جملةً و تفصيلا - على ما ورد في مداخلتك قبل تعديلها.
|
Post: #97
Title: Re: عاش جعفر نميري
Author: Hussein Mallasi
Date: 05-28-2006, 04:49 PM
Parent: #95
سلامات يا عصمت
Quote: واين موقع ..الاغنيات الاتيه..من تصنيف..المساخر المايويه..
انت يا مايو الخلاص.يا جدارا.من رصاص..
وخليك حريص ..انت القائد.وانت الرئيس.. |
هذه تعتبر ام المساخر.
تبدأ عندها المساخر المايوية و .. لا تنتهي.
_______
تحياتي و تقديري.
|
Post: #98
Title: Re: عاش جعفر نميري
Author: Marouf Sanad
Date: 05-28-2006, 07:31 PM
Parent: #97
Quote: كلامك دا يا معروف ذكرني مرة قبال تلاتة أربعة سنين؛
عاد أبنائي من إحدى إجازاتهم للسودان و هم يرددون:
الكهربا جات
املو الباغات
اسه بتقطع .. يا جعفر.
لا يمكنك أن تتصور مدى الانزعاج الذي انتابني؛
فسألتهم بجزع: يا عيال؛ جعفر دا منو؟!
قالوا ما عارفين!
طيب كهربا شنو البتقطع؟!
قالوا ما عارفين!
قلت ليهم: طيب الكلام دا جبتوهو من وين؟!
فقالوا: حفظنا ليهو خالو أحمد!!
|
طيب يا ملاسي كلام خالو أحمد صاح ولا ما صاح ؟
|
Post: #99
Title: Re: عاش جعفر نميري
Author: نادية عثمان
Date: 05-28-2006, 09:23 PM
Parent: #98
ملاسى
ممكن اشارك فى المسابقة ؟!!
انا كان عاجبنى نشيد
بسواعدنا نبنى وطنا .. وحالفين تانى مانرجع
نهد نبنى .. نشيل نرفع
نموت فوق قبضة المدفع
بسواعدنا !!
مايوى ده ياملاسى ؟!!
وبما انو الحصة ماسياسة زى ماقال صلاح عبد الله
فى نشيد وطنى انشده عادل امام فى مسرحية السيد الرئيس (ولا اسم قريب من ده اغايتو )
بقول فيها :
هشتكنا وبشتكنا ياريس
انت رئيس والنعمة كويس !!
|
Post: #100
Title: Re: عاش جعفر نميري
Author: Hussein Mallasi
Date: 05-30-2006, 11:08 AM
Parent: #99
Quote: وحنان إبراهيم ( حنان الصغيرة ) تغنت بـ..
بفكرك وعيك ياريس .. ياداب سودانا بقى كويس |
يا سلام على حنان ابراهيم يا عزيز؛
بس المشكلة انها اختفت زي ما اختفوا البلابل.
|
Post: #101
Title: Re: عاش جعفر نميري
Author: Hussein Mallasi
Date: 06-05-2006, 09:26 AM
Parent: #100
كاد حسن موسى ( و لا اطيل ) ان ينسيني جعفر نميري!!
____
|
Post: #102
Title: Re: عاش جعفر نميري
Author: saif massad ali
Date: 06-05-2006, 09:56 AM
Parent: #101
مبروك يا شعبي الف تحيه
بثورة مايو*** حره ابيه
رجال اتحدوا تحدوا الموت
ولما نتصروا سمعنا الصوت
|
Post: #103
Title: Re: عاش جعفر نميري
Author: Hussein Mallasi
Date: 06-07-2006, 04:15 AM
Parent: #102
دركم .. فقد أثريتم وجدان الشعب السوداني بالروائع.
|
Post: #104
Title: Re: عاش جعفر نميري
Author: Hussein Mallasi
Date: 06-07-2006, 04:32 AM
Parent: #103
لله دركم .. فقد أثريتم وجدان الشعب السوداني بالروائع.
|
Post: #105
Title: Re: عاش جعفر نميري
Author: Magdi Galal
Date: 06-07-2006, 04:59 AM
Parent: #104
فى الآونة الأخيرة ذهب بعض من المشاركين فى البورد الى إبداء اعجابهم و افتنانهم علانية بسئ الذكر جعفر نميرى و نظامه البائد، الشئ الذى أثار إستيائى الى درجة الغثيان. لكن ما أثار حفيظتى و دفعنى الى الكتابة كانت ردود المشاركين التى اتت باردة، باهتة، خجولة، محتشمة كأنها تحمل إعترافاً ضمنياً يكفل للمازوشيين حق أن يتغنوا و يتمايلوا طرباً مناغين جلاديهم آملين إعادة إحياء ماضيهم المريض
كتب احدهم يقول إن النميرى أحب وطنه السودان و كان صادقاً فى حبه، أيها الجاهل الاحمق من الذى حرم النميرى من حب وطنه؟!! و من الذى شكك اصلاً فى حب النميرى لوطنه؟!! فحب الاوطان غريزة و ليس مفهوماً يقوم على اسس موضوعية. كما الحيوان يأنس لغابته و الطفل يحب والديه كذلك يعشق الإنسان البقعة التى ينشأ و يترعرع فيها و إن قست عليه، فقائل " أعز مكان وطنى السودان" لما قال ما قال إن ولد فى الصومال. فلماذا يكون جعفر نميرى إذن إستثناءاً لهذه القاعدة؟ فالقضية ليست فى حب النميرى لوطنه ، فهذا لا يعنينا فى كثير بيد الذى يعنينا هو كيفية إدارته للبلاد و مدى إحترامه لأهلها. فالنميرى خريج مدرسة الغباء، حاله حال كل الزعماء العرب الذين ما علموا إن أمجاد الشعوب و صناعة التاريخ و الحضارة لا ينهضوا إلا على احترام الفرد و احترام حقوقه و حرياته. هذا الوطن الممتد من البحر الى البحر سجون متلاصقة، سجان يمسك سجان. إن أهم ما يميز الإنسان عن باقى مخلوقات الارض هو قدرته على التفكير" أنا افكر، إذن أنا موجود" إذن الوجود مربوط رباطاً وريدياً بالتفكير عليه متى ما حرم احدهم من التفكير فهو لا محالة محروم من الوجود كإنسان. نتيجة لهذه القدرة إتسمت علاقة الانسان بكل ما يحيط به بالعقلانية حتى صار سيد الارض بلا منازع، و من يفكر يحتاج الى التعبير عن فكره. لكن الانظمة الشمولية، احادية النظرة و الاتجاه لا تقوم الا على تأليه شخصاً واحداً حتى يصير خليفة الله فى الارض ــ هذا إن لم يصر الله نفسه ــ و اكثر ما يغلغلها و يؤرق مضاجعها هو الرأى الآخر المخالف لانها لاتملك الحجة الموضوعية لمقارعته و اقل من ذلك الشرعية، لذلك متى ما أحكمت قبضتها على السلطة قامت بتكميم أفواه شعوبها ثم قمعها متى ما ثارت على الوضع. لعمرى لا مكان للدهشة، فكيف لفاقد الشئ أن يعطيه؟؟!! فالدرس الأول فى مدرسة الغباء هو: ممنوع التفكير. و الثانى تنفيذ الأوامر دون مناقشتها و هلمجرا الى آخر دروس الجهل و الغباء. لذلك متى ما ذكر العسكر، قفزت الى ذهنى مقولة برنارد شو
Nine soldiers out of ten are born fools
فكيف لجهلاء القوم أن يحكموه؟؟!! فالمشرط يحتاج الى جراح ليس الى جزار و الخبز الى خباز.
اما ثانى الجهلاء الذى ابدى اعجابه دون حياء بمن و بما تغنوا لمايو، فله نقول ما تغنى للطغاة جلادى الشعوب و انظمتهم القمعية إلا الإنتهازيون الجبناء و ما ترنموا طرباً و تمايلوا على انغامهم إلا الجاهلون الأغبياء.
فى صبيحة 30 يونيو 89 و الموسيقى العسكرية تؤذى الآذان فى أنتظار بيان عمر البشير، عبرت و عدد من الحاضرين عن معارضتنا للإنقلاب الذى ما اسفر عن وجهه بعد ، فرد بعض آخر ممن فاض بهم و ملوا سخف الصادق المهدى و عجزه فى إدارة البلاد، بأن علينا أن نصبر حتى " نشوف مويتهم" فجاء رأينا قاطعاً واضحاً: إن الإنقلاب العسكرى و إن أتت به ملائكة من السماء مرفوض.. مرفوض.. مرفوض، ناهيك عن خريجى مدرسة الجهل و الغباء و ذلك لأن رأينا ينهض على المبادئ لا العواطف و التمنى، كذلك على إيمان عميق راسخ بالديمقراطية التى تكفل احترام الإنسان و حقوقه عكس الانظمة الشمولية التى تقوم على إقصاء الإنسان و قمعه ثم انتهاك حقوقه. إن الانظمة الشمولية و إن طال امدها مصيرها الزوال لأن ما يقوم على باطل فهو باطل و دونك تهاوى الكتلة الإشتراكية فى غرب اوروبا بعد حكمٍ قارب القرن.
إن المخيف المؤذى فيما ذهب اليه بلهاء القوم، هو انهم يرفعون الهيبة و الرهبة و الحذر من إبداء الإعجاب بسلوكيات قمعية ارهابية و اجرامية تتنافى و تطلعات الشعوب الكريمة لبناء دولة العدل و المساواة و حقوق الإنسان حتى تصير عينة هذه التصريحات عادية لا تثير إشمئزازاً و لا تهتز لها قصبة، و إذا تركناهم يسدرون فى غيهم ، عما قريب سيعلنون عن نزعاتهم العنصرية و تفضيل ابن الشمال على ابن الجنوب فى نفس الوقت الذى يحدثونك فيه عن الديمقراطية و حقوق الإنسان. لكن لا غرابة عزيزى القارئ، فهؤلاء هم طلائع و رواد و كشافة مايو القذرة لذلك لا يشعرون بحرج حين يتشدقون بنظامهم البائد، فمن إعتاد ان يأكل من القاذورات لا يزعجه الذباب و أقل من ذلك رائحة العفن.
يا إخوة الجهل.. يا عشاق القبح إن الوقت لم ينقضِ بعد لكى تستفيقوا من غيبوبتكم المرضية و تلحقوا بركب الإنسان المبدع الخلاق المحب للخير للإنسانية للحرية.ً
|
Post: #106
Title: Re: عاش جعفر نميري
Author: Hussein Mallasi
Date: 06-07-2006, 05:18 AM
Parent: #105
ما قلتا ليك يا مرتضى!
|
Post: #107
Title: Re: عاش جعفر نميري
Author: Hussein Mallasi
Date: 06-07-2006, 06:08 AM
Parent: #106
تعرف يا Galal لو كتبت ليك مداخلة تانية زي دي؛
احتمال كبير يجيك بعدها .. فتاق!!
|
Post: #108
Title: Re: عاش جعفر نميري
Author: Salah Abdulla
Date: 06-07-2006, 01:46 PM
Parent: #107
حسين ..
سلام يا صديقي ..
Quote: تعرف يا Galal لو كتبت ليك مداخلة تانية زي دي؛
احتمال كبير يجيك بعدها .. فتاق!!
|
رغم الحزن والألم الذي يعتصرني اليوم لوفاة صديقي الحميم الفنان هاشم ميرغني ، إلا أنك نجحت في انتزاع ( ضحكة) يتيمة ، كادت أن تسبب لي ( فتاق ) ..
يسلم .. ويديك العافية ..
صلاح عبدالله
|
Post: #109
Title: Re: عاش جعفر نميري
Author: Deng
Date: 06-07-2006, 01:51 PM
Parent: #1
الانتهازي ملاسي.
صحي الاختشوا ماتوا.
دينق.
|
Post: #110
Title: Re: عاش جعفر نميري
Author: الخير محمد عوض
Date: 06-07-2006, 02:22 PM
Parent: #109
| Quote: لله دركم .. فقد أثريتم وجدان الشعب السوداني بالروائع. |
الكـود دا جبناهـو بعـد التعـديل والخطـوط التحـت دي من عنـدنا يا سـيبويـه
البورد. وزي ما قال ليك دينق | Quote: صحي الاختشوا ماتوا. |
|
Post: #111
Title: Re: عاش جعفر نميري
Author: Hussein Mallasi
Date: 06-07-2006, 05:02 PM
Parent: #110
| Quote: والخطـوط التحـت دي من عنـدنا |
ما لازم الخطوط التحت دي تكون من عندكم؛
امال يعرفوكم كيف ما بتفكوا الخط!!
|
Post: #112
Title: Re: عاش جعفر نميري
Author: jini
Date: 06-08-2006, 00:55 AM
Parent: #111
عاش الامام خيبة الله النميرى حتى يبلغ ارذل العمر ليجتر رذائله جزاء ما كسبت يديه التى لن تغسل دماءها كل محيطات الدنيا.
قلنا نقول فوق على طريقتنا
جنى
|
Post: #113
Title: Re: عاش جعفر نميري
Author: Hussein Mallasi
Date: 06-08-2006, 02:35 AM
Parent: #112
عاش محمد وردي .... زمان و اسه.
|
Post: #114
Title: Re: عاش جعفر نميري
Author: Hussein Mallasi
Date: 06-08-2006, 06:06 AM
Parent: #113
سلامات يا انا بت النيل
Quote: ويعجبني ثنائي الوطن واناشيدهم لي الليلة
" يامايو حبيب زي أمي وابوي زي اختي وأخوي .. |
تقديم الأم على الأب و الأخت على الأخ يبين الوعي
الجندري المبكر الذي كانت تتميز به أناشيد مايو!
|
Post: #115
Title: Re: عاش جعفر نميري
Author: Hussein Mallasi
Date: 06-08-2006, 06:18 AM
Parent: #114
المشكلة انو الأشعار و الألحان بترسخ في الذهن اكتر المشاركة السياسية البناءة و الفعالة؛
يعني مثلاً مشاركة السيد منصور خالد البناءة؛ الفعالة و الثرة في مايو مافي زول بيتذكرها
إلا مرة مرة؛ اسع لو كان واحد في المية من مشاركاتو الفي مايو كانت نشيد مش كان اتخلد!!
_____
شكراً يا جني على إبقاء البوست عالياً.
|
Post: #116
Title: Re: عاش جعفر نميري
Author: Hussein Mallasi
Date: 06-13-2006, 05:30 AM
Parent: #115
الفنان محجوب كبوشية ل"لرأي العام":
الغناء انتهى مع نميري ..
____
عدد الرأي العام الصادر اليوم
13 يونيو 2006 - الصفحة العاشرة.
|
Post: #117
Title: Re: عاش جعفر نميري
Author: Hussein Mallasi
Date: 07-02-2006, 04:42 AM
Parent: #116
و لكل من يستهين برسالة الفن - الخالدة – أقول انه لولا البلابل
لما اصحب "أبعاج" لقباً شعبياً للرئيس جعفر نميري.
|
Post: #118
Title: Re: عاش جعفر نميري
Author: Hussein Mallasi
Date: 07-02-2006, 06:08 AM
Parent: #117
يا حليل البلابل و يا حليل الزمن الجميل!
_____
اصبح و ليس اصحب.
|
Post: #119
Title: Re: عاش جعفر نميري
Author: Hussein Mallasi
Date: 07-03-2006, 03:49 AM
Parent: #118
جيب لينا صورة للبلابل يا عادل عثمان ياخي!!
|
Post: #120
Title: Re: عاش جعفر نميري
Author: Hussein Mallasi
Date: 07-06-2006, 03:37 AM
Parent: #119
و لا جميلتك يا عادل عثمان؛
ما اظن في زول ما بيعرف البلابل!
|
Post: #121
Title: Re: عاش جعفر نميري
Author: Hussein Mallasi
Date: 07-16-2006, 02:59 AM
Parent: #120
غايتو كلهم ما قصروا؛
وردي ما قصّر
الثنائي الوطني ما قصّر
شرحبيل ما قصّر
ابو داوود ما قصّر
|
Post: #122
Title: Re: عاش جعفر نميري
Author: Hussein Mallasi
Date: 07-16-2006, 08:08 AM
Parent: #121
محجوب شريف ما قصّر
البلابل ما قصرن
حنان ابراهيم ما قصرت
|
Post: #123
Title: Re: عاش جعفر نميري
Author: الزوول
Date: 07-16-2006, 10:21 AM
Parent: #122
السلام عليكم
سلامات يا ملاسي
أجمل ما سمعت من أناشيد على الإطلاق
1. يا حارسنا وفارسنا لمحمد وردي
2. نقولها نعم لأبوداؤد
وبالرغم من كثرة بثهما أيام مايو
ولكني فشلت فشلاً ذريعاً في الحصول عليهما
كنت آمل في أخونا لؤي شمت ..ولكنه اعتذر متحججاً بعدم رغبته في خوض المناكفات السياسية
وخاصة أن البورد مليء بأنصار معاوية (رضي الله عنه ) وأعداء على (كرم الله وجهه) الذين لا يزالون في جدال عقيم حول صلاحية أبوموسى الأشعري (رضي الله عنه ) للمفاوضات مع عمرو بن العاص (رضي الله عنه ) وماهيةأخطاء مايو ونكسة الانتفاضة وو...
هذا ما لدينا نهديه لك ولكل السدنة
|
Post: #124
Title: Re: عاش جعفر نميري
Author: Hussein Mallasi
Date: 07-17-2006, 01:47 AM
Parent: #123
سلامات يا الزوول
Quote: كنت آمل في أخونا لؤي شمت ..ولكنه اعتذر متحججاً
بعدم رغبته في خوض المناكفات السياسية |
عليك النبي شوف جنس الارهاب الفكري دا!!
|
Post: #125
Title: Re: عاش جعفر نميري
Author: Hussein Mallasi
Date: 07-17-2006, 09:03 AM
Parent: #124
جاء في الصفحة الأخيرة لصحيفة الأضواء الصادرة يوم الأحد 16 يوليو 2006
بقلم الشاعر الكبير اسحق الحلنقي و في العمود – الاستراحة – المسمى بستان الحلنقي
الاتي نصه:
حكى لي الأخ الفنان التاج مكي انه أمضى أمسية رائعة جمعت بينه و بين الرئيس
السابق جعفر نميري و الموسيقار الكوري المعروف "المستر اوشان" و قال: ان الرئيس
نميري كان أثناء الغناء يردد معنا مقاطع من أغنية "عازة في هواك" و قال: ان صوت
النميري لم يكن جميلاً كصوت العندليب؛ و لكنه كان مليئاً بحب السودان و السودانيين؛
و أكد التاج مكي أن تلك الأمسية ستظل عالقة بذهنه؛ خاصة و هو يرى أمامه الرجل الذي
أعطى المبدعين حقهم من التكريم يردد وراء كل مقطع من الأغنية "عازة في هواك نحن الجبال".
(انتهى الاقتباس)
|
Post: #126
Title: Re: عاش جعفر نميري
Author: الزوول
Date: 07-17-2006, 09:26 PM
Parent: #1
السلام عليكم
سلامات يا حسين
حسب ذاكرتي ...( يا فارسنا وحارسنا) غناها وردي ومعه فنان آخر كان يقوم بدور المجيب
كأن يقول وردي :
بيك يا مايو يا سيف الفِدا المسلول
ويجيبه الفنان الآخر:
نَشِقو عَدانا ..نَشِقوا عَدانا .... عَرضِِ وطول
أها .....
متذكر الفنان ده منو؟
لعله الفنان محمد مرغني...
.............................................
وما الناس إلا هالك وأبن هالك *** وذو نسب في الهالكين عريق
|
Post: #127
Title: Re: عاش جعفر نميري
Author: Hussein Mallasi
Date: 07-18-2006, 01:21 AM
Parent: #126
| Quote: نَشِقو عَدانا ..نَشِقوا عَدانا .... عَرضِِ وطول |
_____
|
Post: #128
Title: Re: عاش جعفر نميري
Author: Hussein Mallasi
Date: 07-18-2006, 08:48 AM
Parent: #127
الحلنقي ما قصّر؛
التاج مكي ما قصّر؛
و مستر اوشان – برضو – ما قصّر.
|
Post: #129
Title: Re: عاش جعفر نميري
Author: Hussein Mallasi
Date: 07-23-2006, 04:36 PM
Parent: #128
Quote: تذكر الفنان ده منو؟
لعله الفنان محمد مرغني... |
عدت للتسجيل القديم؛ و يبدو انك مصيب يا الزوول؛
فصوت المجيب اقرب ما يكون لصوت محمد ميرغني.
|
Post: #131
Title: Re: عاش جعفر نميري
Author: خالد عويس
Date: 09-19-2006, 01:12 PM
Parent: #130
أنا أيضا أعجب لـ
| Quote: بفكرك ووعيك يا ريس |
ويزيد عجبي من تأليف نميري لكتاب أو كتابين أثناء حكمه - أظن "النهج الإسلامي لماذا" أحدهما إن لم أكن مخطئا - ، واحجامه عن التأليف بعد أن خلع، وأصبح متفرغا !!
|
Post: #132
Title: Re: عاش جعفر نميري
Author: Hussein Mallasi
Date: 09-19-2006, 03:57 PM
Parent: #131
يا زول اعجب على كيفك؛ فلو كانت الحكاية
بالكتب لحكم عويس السودان و الدول المجاورة!!
|
Post: #133
Title: Re: عاش جعفر نميري
Author: Mustafa Mahmoud
Date: 09-19-2006, 04:01 PM
Parent: #132
الاعضاء الشرفاء
فوتوا الفرصة على الامنجية والكيزان بمقاطعة بوستاتهم
لا تعليقات ولا مداخلات ولا تعيروهم اى اهتمام مواصلة
لانتفاضة شعبا المناضل ضد سياسة الكيزان وامنهم
عاش نضال الشعب السودان
السقوط لحكومة الفقر الذل الجوع
معا ضد الامنجية والكيزان
معا من اجل منبر حر ديمقراطى خالى من اى كوز وامنجى
|
Post: #134
Title: Re: عاش جعفر نميري
Author: Hussein Mallasi
Date: 09-19-2006, 04:28 PM
Parent: #133
عرفنا عندك مشكلة مع الانقاذ و الكيزان
يا مصطفى محمود .. برضو عندك مشكلة مع نميري!
____
|
Post: #135
Title: Re: عاش جعفر نميري
Author: saadeldin abdelrahman
Date: 09-19-2006, 04:50 PM
Parent: #1
تعرف اكتر حاجة عاجباني هي حس الدكتور النضالي و الحماس 
بقول للناس (ما تشاركوا) و (التجاهل) و هو اكتر زول بيشارك..
ياخي ده لو اصلا ما وصاهم .. ما بلحقوا عدد مشاركاتو دي
ديمقراطية شديدة لكن.
|
Post: #136
Title: Re: عاش جعفر نميري
Author: خالد عويس
Date: 09-20-2006, 05:39 AM
Parent: #135
Quote: يا زول اعجب على كيفك؛ فلو كانت الحكاية
بالكتب لحكم عويس السودان و الدول المجاورة!! |
خليك من عويس، وكتبه. انت رايك شنو، المسألة بالكتب (التي تنتج الوعي والمعرفة)، ولا جربندية!!
يعني الفرق شنو بين نميري (النهج الإسلامي لماذا) و(النهج الإسلامي كيف)، وبين الدكتور محمد خاتمي، الذي أطلق (حوار الحضارات) عوض صراعها، وليوبولد سنغور (المفكر والشاعر) ودومنيك دوفيلبان (الشاعر) الذي استمعتنا بآرائه وعمقه المعرفي في مجلس الأمن إبان الأزمة العراقية.
(في مكان ما، وزمان ما)
المذيع: رئيس إفريقي، مفكر وشاعر ومثقف
واحد: فلان ؟؟؟
المذيع: يا راااااااااجل!!
صباح الغد: قرار بفصل المذيع إياه
قال نميري قال
|
Post: #137
Title: Re: عاش جعفر نميري
Author: Omer Abdalla
Date: 09-20-2006, 11:29 AM
Parent: #1
لاشك أن نظام مايو قد حظي في النصف الأول من عمره بتأييد شعبي كبير وقد ترجم هذا التأييد الى أغنيات من فنانين كبار عكست صورة مايو في أذهان الأدباء والفنانين وقتها ورددها الكثيرون .. ولعل من أكبر انجاوزات مايو حلها لمشكلة الجنوب بعقدها اتفاقية أديس أباباوتنفيذها للحكم الأقليمي .. وبالرغم من أنها كانت بديلا عسكريا لنظام ديمقراطي الا أن سبب تأييدها يرجع لاخفاقات العهد الديمقراطي وقتها وتحوله الى دكتاتورية مدنية تحركها الطائفية ونصرائها الاخوان المسلمون الذين قاموا بتعديل الدستور ليحولوا السودان الى دولة دينية مهووسة تمكنهم من رقاب الشعب أكثر وأكثر (فقد حلوا الحزب الشيوعي وطردوا نوابه المنتخبين من البرلمان وحاولوا فرض الدستور الإسلامي "المزيف") ..
نميري لم يكن مشهورا بالذكاء ولكنه استعان في بداية عهده بمفكرين من أمثال منصور خالد وجعفر بخيت وعمر الحاج موسى وغيرهم مما كان له الأثر في اعتدال خط النظام المعلن بل وحتى كتاب "النهج الإسلامي لماذا" الذي تبناه نميري كان يعبر عن ذلك الخط بالرغم من أن الأخوان المسلمين كانوا قد توغلوا في أجهزة النظام التنفيذية والسياسية وقتها (بعد المصالحة الوطنية) وظهرت ثمرة ذلك في دفعهم للنظام في خط الهوس الديني والبنوك الإسلامية ثم قوانين سبتمبر 1983 سيئة الذكر .. وبهذا الأنقلاب لم تعد مايو تمثل غير الهوس الديني ولن تجد من غنى لها بعد ذلك .. فهي قد أقامت ما يسمى بمحاكم العدالة الناجزة لترويع المواطنين وتجسست عليهم وقطعت أيدي وأرجل العشرات من فقراء هذا الشعب المسكين ونكثت غزلها الذي غزلته بإشعالها أوار مشكلة الجنوب .. ولم يعد لها من مؤيد غير الأخوان المسلمين وسدنتها المنتفعين .. وحتى الاخوان المسلمون فقد انقلب نميري عليهم وتغدى بهم قبل أن يتعشوا به (كما كان يظن وهو في تلك الحالة الهستيرية) .. بالرغم من أنهم كانوا قد حشدوا قواعدهم لتأييده فيما سمي "بالمسيرة المليونية" قبيل ذلك ، خاصة بعد أن خلصهم من غريمهم الفكري الأستاذ محمود محمد طه في جريمة اعتبرها الكثيرون جريمة العصر وقد تسببت في عزلة النظام وإدانته عالميا .. والضربة القاضية كانت بانتفاضة الشعب السوداني في أبريل وكنسها للنظام المهووس وتشييعه الى مزبلة التاريخ .. لكن يبدو أن بعض سدنة ذلك النظام لا تزال تعشعش في أذهانهم بقايا من ذكريات وتعلق يحتالون عليها بمثل هذا البوست عن "أغنيات" العهد المايوي ..
طبعا بعد أن كنس الشعب السوداني نظام مايو وحاكم رموزه هرب المخلوع نميري ومكث تحت ضيافة المصريين حتى دعته حكومة الإنقاذ (أم عينا قوية) فاتلم التعيس مع خايب الرجاء .. الغريبة أن نميري عندما حضر ورأي العزلة التي تكتنف نظام الأنقاذ تاورته أمجاد الماضي وظن أن الشعب ربما يكون قد نسي مظالمه وغفر له زلاته الكبرى فأعاد تكوين تنظيم "قوات الشعب العاملة" كما نقلت لنا الصحف .. ولعله لم يجد من "يهبب" له فسارع بإعلان التحالف مع حزب الاخوان المسلمين الحاكم .. ولا أدري أين موقعه من الإعراب الآن .. وأن ظن سدنة النظام أنه فلت من عقاب الشعب على مارتكب من جرائم بسبب حماية نظام الجبهة (الأسوأ) له فليعلموا أن أمامه حساب من يعلم خائنة الأعين وماتخفي الصدور ..
عمر
|
Post: #138
Title: Re: عاش جعفر نميري
Author: خالد عويس
Date: 09-20-2006, 11:42 AM
Parent: #137
Quote: يبدو أن بعض سدنة ذلك النظام لا تزال تعشعش في أذهانهم بقايا من ذكريات وتعلق يحتالون عليها بمثل هذا البوست عن "أغنيات" العهد المايوي ..
طبعا بعد أن كنس الشعب السوداني نظام مايو وحاكم رموزه هرب المخلوع نميري ومكث تحت ضيافة المصريين حتى دعته حكومة الإنقاذ (أم عينا قوية) فاتلم التعيس مع خايب الرجاء |
|
Post: #139
Title: Re: عاش جعفر نميري
Author: الزوول
Date: 09-20-2006, 01:47 PM
Parent: #138
السلام عليكم
تذكرني الغضبة المَضَرَية للمناضلين الذين يفسرون كل شيء سياسياً ونضالياً وكفاحياً ويعيشون زمناً ماضياً يدمجونه في حاضرهم بكتاب ساخر حُوِل لفيلم للكاتب الساخر أحمد رجب اسمه ( فوزية البرجوازية)
تروي قصة الكتاب قصة زوجين ذوي أفكار تقدمية (جداً) وجدا سكناً في منطقة شعبية بأحد أحياء القاهرة ، ولتشبعهما حتى النخاع بهذه الأفكار فهم يريان كل التصرفات الطبيعية البريئة للمجتمع المحيط بهما من منظور تقدمي سياسي ..
فالحلاق هو رأسمالي طفيلي متسلق لأنه يملك أدوات الإنتاج
والجزار الأمي ذو أفكار تقدمية لأنه يشجع الأهلي واللون الأحمر هو شعار الأهلي
وصاحب الدكان امبريالي لأن اسم الدكان هو الوردة البيضاء وبيضاء دلالة على حبه للبيت الأبيض..
وهكذا يجريان حكمهما على المكوجي وصاحب الشقة والزبال...الخ
يصنفوهم شرقاً وغرباً ، يساراً و يميناً
.....
طلعوتنا سدنة؟؟؟
بس عشان قلنا أناشيد مايو كانت حلوة
ودبجتوا المقالات في سيرة جعفر نميري الكالحة
تاعبين نفسكم كدة ليه؟
في زول قال نميري ده ملاك ؟؟
أنا شخصياً اقر وأعترف
إن نميري دكتاتور وسفاح وكل الأوصاف والتصنيفات التعبانين فيها دي
كلامكم كله صاح ...
لكن برضو في رايي الخاص
أناشيد مايو كانت حلوة.. وحلوة جداً كمان..وأنا أحبها جداً
ولن أستطيع منع نفسي من الإستمتاع بها
وما الناس إلا هالك وأبن هالك *** وذو نسب في الهالكين عريق
|
Post: #140
Title: Re: عاش جعفر نميري
Author: خالد عويس
Date: 09-22-2006, 08:11 AM
Parent: #139
الأخ الزوول
حكاية فوزية البرجوازية للساخر أحمد رجب، تنطبق ربما على بعض التقدميين. والإعجاب بأغنيات في زمن فلان أو علان لا غبار عليها. الغبار، بل والغبار الكثيف، هو الإعجاب بنميري نفسه. وبعضـ(هم) - لست أنت بالطبع - أراد أن يمرر إعجابه بالسفاح من خلال أغنيات عهده (الله لا عادو)
|
Post: #141
Title: Re: عاش جعفر نميري
Author: Hussein Mallasi
Date: 09-22-2006, 08:18 AM
Parent: #140
لو كنت اعلم ان رفع البوست سيعيد عمر عبد الله
البيكتب بالاخضر لرفعته من زمان.
|
Post: #142
Title: Re: عاش جعفر نميري
Author: برير اسماعيل يوسف
Date: 09-22-2006, 09:18 PM
Parent: #141
حسين ملاسي
رمضان كريم يا زول
لكن يا حسين يا اخوي انت عايز الناس ديل يكاتلوا نظام النميري (الفات)!! و نظام الانقاذ(الحالي)!! في وقت واحد ... يا زول الدنيا رمضان .
و الله يا حسين ما طالبني حليفة ... فكرة البوست خطيرة ... ايه و الله.
الناس ديل شرك ليهم بالاغاني ... بقوموا سداري ... و بيقعوا يركوا في الشرك... بعد داك يحلهم الحل ضوة.
|
Post: #143
Title: Re: عاش جعفر نميري
Author: الزوول
Date: 09-23-2006, 00:25 AM
Parent: #142
السلام عليكم
الأخ خالد عويس
رمضان كريم
شكراً لاستثنائي من زمرة السدنة وتفهمك لما تعنيه هذه الأناشيد الجميلة من طرب بريء جميل ، وهنا لابد من القول بأننا كنا ولا نزال نتفاعل مع الملحمة ونمتليء حماساً حين نسمع
وفي ليلة وكنا حشود بتصارع
عهد الظلم الشب حواجز شب موانع
جانا هتاف من عند الشارع
قسماً قسماً لن ننهار
طريق الثورة هدى الأحرار
ولا يمنعنا ذلك أن نردد مع ادريس ابراهيم
عدت يا مايو المنتصر
عدت فارساً ما ب تنقدر
يوم عداك اجتمعوا بالسر
عقدوا راية الجور والمكر
قالوا ب كتلك نبدر
في الخميس والجمعة باكر
ونختمها
بلا وانجلى
حمد الله الف على السلامه
انهدّ كتف المقصله
والسجن..
ترباسو انخلع
تحت انفجار الزلزله
والشعب..
بى أسرو اندلع
حرر مساجينو وطلع
قرّر ختام المهزله
......
ولو كان لهؤلاء ( الانقاذ) ما يطرب
لرددناه ايضاً
ولكن ..
ألا تظن أن هذه المرحلة من تأريخ السودان قد ولت بسيئاتها وحسناتها وهناك جمع كبير ممن يكتبون في هذا المكان لم يعاصروا تلك الفترة بل ولم يكونوا قد ولدوا حينئذ.؟؟
وجمع كبير منهم لا يعرفون معنى كلمة سادن ؟
ولم يسمعوا -ولن يهتموا- حتماً بما حدث في بيت الضيافة
ثم أظن أيضاً أن تلك المرحلة من تأريخ السودان لم تكن كلها سيئات ...على الأقل مقارنة بما تبعها من تأريخ الأحزاب والإنقاذ وإنما لها حسنات نكون غير عادلين لو أنكرناها
............................................................
الأخ برير
رمضان كريم
| Quote: بعد داك يحلهم الحل ضوة.............. |
هو لسه ما عرفنا قصة بله وإتحلا من شنو
طلعت لينا ب ضوة !!!
اها ده مالو كمان؟؟
......................
وما الناس إلا هالك وأبن هالك *** وذو نسب في الهالكين عريق
|
Post: #144
Title: Re: عاش جعفر نميري
Author: محمد أبوالعزائم أبوالريش
Date: 09-23-2006, 01:31 AM
Parent: #1
عودة لي عنوان البوست:
فليعيش جعفر نميري ولا يموت "فطيس"
حتى يتسنى للشعب السوداني محاسبته والقصاص منه
وهو حساب لو تعلمون عسير !!!!!!!!!
|
Post: #145
Title: Re: عاش جعفر نميري
Author: Hussein Mallasi
Date: 09-23-2006, 02:36 AM
Parent: #144
Quote: فليعيش جعفر نميري ولا يموت "فطيس"
حتى يتسنى للشعب السوداني محاسبته والقصاص منه |
متين يا أبو العزايم .. يعني يعيش ليكم ميتين سنة!!
_____
حقو تستعجلوا شوية!!
|
Post: #146
Title: Re: عاش جعفر نميري
Author: Mustafa Mahmoud
Date: 09-23-2006, 03:24 AM
Parent: #145
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
from ustaza lana mahdi
1-التجاهل
2- التجاهل
3- التجاهل
for all posts written by ingaz gang
members in this board
if the ingaz supporters here believe in democracy and debate why they did not condemn the way the corrupt ignacz gang police dealt with those who came out in the demonstrations to say what they belive in
?
did the police debate with them or bombed them and arrested their leaders
?
down down with all ingaz corrupt mafia supporters in this board
for all who are supporting the ingaz gang mafia islamaist theives
dr mustafa mahmoud
|
Post: #147
Title: Re: عاش جعفر نميري
Author: Hussein Mallasi
Date: 09-23-2006, 03:53 AM
Parent: #146
Quote: تعرف اكتر حاجة عاجباني هي حس الدكتور النضالي و الحماس
بقول للناس (ما تشاركوا) و (التجاهل) و هو اكتر زول بيشارك..
ياخي ده لو اصلا ما وصاهم .. ما بلحقوا عدد مشاركاتو دي
ديمقراطية شديدة لكن. |
حليل الكان بيهدي الغير صبح محتار يكوس هداي!!
|
|