*** الزمن الفلانى ***

*** الزمن الفلانى ***


09-12-2006, 02:14 PM


  » http://sudaneseonline.com/cgi-bin/sdb/2bb.cgi?seq=msg&board=75&msg=1189747871&rn=16


Post: #1
Title: *** الزمن الفلانى ***
Author: soma
Date: 09-12-2006, 02:14 PM
Parent: #0

الاهل الطيبين ..
الشوق ليكم محنة ..
والود معتق فى القلوب
بعد غياب زمانى امتد لشهور
عدت معطره بى انفاس اهلى الحنان
اجازتى وسطهم مرت كالبرق .. عايشه على امل نلتقى تانى
وبتمنى ليكم العوده جميعا للبلد وترابه الطاهر واهله الطيبين
حبابكم من تانى ..




الزمن الفلانى
****
قبضة الزمن الفلانى..
وكم تاشرات منو تانى
سافرت خترت بعيد..
بالاحاجى و بالاغانى
دمدمت غيم البلد . .
كومت فرحتنا
فى آخر ثوانى
لملمت بسمات
تأمل بى شروقا الاولا نى ..
هاجرت .. واتهجرت
مدفوره بى شوق الامانى
لى ضل نهاراتا شتر
ممزوجه لونا .. برتكانى..
فرفرت خايفه فى قلب
المطارات والموانى
معصورة بى خاطر الامل
لى رجعة فى عتمة زمانى
تضارا منو . .
وتانى ترجع ليه تانى
مسكونه بى فتر المسافات
والدريب الكان بعانى
ركنت مشاعرا المحبوسه . .
بالوجع المكانى
وانتكت تنفض
غبارا الكان مكندك بالمعانى .
سكتت تعدد فى سنين . .
مشلوله بالصمت المحجر زى اوانى
مضروسه بى هم السكات
نضما كتر كيفن ضنانى
والآهه فى نص الهجير
والخوف ضرير المنو دانى
ختم الحروف االناخره فى
عضم الشديرات بالتهانى
يا زمانى الكان فلانى
ضرضر عريسا ..
كان مجرتق..
بالتراب الاسمرانى ..
ضرر عريسا..
كان مجرتق بالتراب
الاسمرانـــى ..
سوماااا
اسماء الجنيد / مسقط






Post: #2
Title: Re: *** الزمن الفلانى ***
Author: Deng
Date: 09-12-2006, 02:19 PM
Parent: #1

العزيزة الغالية سوما.

ألف مرحب بيك. أنشالله تكوني قضيت أجازة ممتعة وسط الاهل.
البورد فعلا أفتقدك. وأفتقدنا ذلك الشعر الاصيل, النابع من النيل والكتاحة.

دينق.

Post: #4
Title: Re: *** الزمن الفلانى ***
Author: soma
Date: 09-12-2006, 02:26 PM
Parent: #2

ديــــــنق يا علم ملفح بالسمح وزين
الشوق دافر وكاسر..
دائما سباق ودائما منور الدار ..
تسلم يا كريم المقدار
لى طلتك مكانه خاصة فى الوجدان
تسلم يا ود بلدى السودان
الاجازه كانت جميله
الزمن كتاحة .. لفحنا لفح وكمل فرحتى
والفراق حار نار تأجج فى الضلوع
ربنا يلمنا ويفرحنا ديمه
شكرا اخوى دينق شكرا قدر فرحتى بيى طلتك يا كريم

Post: #3
Title: Re: *** الزمن الفلانى ***
Author: محمد ابراهيم قرض
Date: 09-12-2006, 02:24 PM
Parent: #1

حمدا لله و شكرا له على سلامتك يا سوما ..
إفتقدناك و إنتظرناك ..
عوضينا الغياب ..
يلا ... ألكعي ...

Post: #5
Title: Re: *** الزمن الفلانى ***
Author: soma
Date: 09-12-2006, 02:31 PM
Parent: #3

قرض الناس قرض .. ومرض الناس مرض رغم انه دكتور
كيفنك يابا واريت حالك زين..
يعلم الله مشتاقين
قلت لى الكع .. على وين؟ البورد ولا القضارف
عارف .. الكع دى ما بعرفا ليك الا بدر الدين شنا
ولا انت لوول
امانه ما فاتتك اجازه
سلامى للعقاب وشكرا للطلة يادوك

Post: #6
Title: Re: *** الزمن الفلانى ***
Author: Mustafa Mahmoud
Date: 09-12-2006, 02:38 PM
Parent: #5

soma
we really missed you here
i hope you are OK
i invite you to put some of your beautifully words in my post nazzar gabbani
welcome back dr mustafa mahmoud

Post: #7
Title: Re: *** الزمن الفلانى ***
Author: رأفت ميلاد
Date: 09-12-2006, 03:05 PM
Parent: #6

soma
ما إتقابلنا

حمدلله بالسلامة

قصيدة جميلة

رأفت ميلاد

Post: #8
Title: Re: *** الزمن الفلانى ***
Author: soma
Date: 09-13-2006, 00:14 AM
Parent: #7

الانسان الجميل دكتور مصطفى
تسلم من كل بلا يا رب
الشوق واصل ومتبادل والله
يديك الف عافيه .. واتمنى انت تكون والاهل بالف خير
الاجازه كانت ممتعه .. والجو جميل خاصة نحن فى الجزيره
هواء طلق ونقى ولمة اهل ونفس الطيبين الزمان
مستحيل يتبدلوا مهما جار عليهم الزمن الاشتر
شكرادكتور محمود.
شكرا ولف وخدار جرف..

******

الاخ العزيز رافت ميلاد
حباب الطلة يارأفت
صحيح ما اتقابلنا ..لكنى سعيدة للغاية بطلتك هنا
يديك الف عافيه على تعبيرك الراقى
شكرا لا تكفى اخى رافت
شكرا باقه ورد ملونه بكل الوان الطيف
وحباك من تانى

Post: #9
Title: Re: *** الزمن الفلانى ***
Author: أبوذر بابكر
Date: 09-13-2006, 00:50 AM
Parent: #1

أسماء الجمال الحسنى

التحية وطيب الأمنيات ليك

وإن شاء الله الأهل وكل العقاب طيبين وسالمين

وعودا جميلا معطر بعبق الكلام الزين
طعم الأغانى وعطر المعانى

وحياكِ الخالق وأدامك

Post: #10
Title: Re: *** الزمن الفلانى ***
Author: ابو جهينة
Date: 09-13-2006, 02:23 AM
Parent: #9

الأخت الأستاذة أسماء الجنيد

تحياتي لك

طال غيابك و سألنا عنك هنا ..
عل سبب الغياب خير .


Quote: يا زمانى الكان فلانى
ضرضر عريسا ..
كان مجرتق..
بالتراب الاسمرانى ..


نعم يا سوما .. كان مجرتق .. و لم يعد لأن حال البلد لا يحتمل هذه الضرضرة .. بل عِمة مكربة إلى الوسط ..
عافاك الله

تحياتي إلى الأسرة كافة
دمت

Post: #11
Title: Re: *** الزمن الفلانى ***
Author: soma
Date: 09-13-2006, 01:03 PM
Parent: #10

حباب ابو ذر الحنين
كيفنك واريت حالك زين
الشوق ممتد ومتواصل والله
الاجازه كانت جميله وممتعه ..
وروعتها فى القعده والونسه مع اهلك الحنان
مشيت زرت جدك الشيخ حياتى واتذكرتك والله يا المطر ..
ولما جيت من الخرطوم اتذكرت كلامك عن قبة جدك الارباب
وشفتها من بعيد شايله جواها الذكر وعبق الصوفيه
اتمنيت اصلها واتبرك بى ريحة جدنا المبروك
تسلم يا المطر وعقبال ما نتلم كلنا بى هناك سالمين وتامين
الاهل كلهم بسلموا عليك ..
شكرا المطر شكر قدر سماحتك..

****
ابو جهينه الاصيل ود القبائل
تسأل منك العافيه ان شاء الله
كنت فى الاجازه مع الاهل والحبان
جو جميل ولمة اهل حنينه تتمنى ما تفارقها
لكن الظروف القاهره نعالجا كيف !!
التحيه ليك والامنيات الطيبه ولاسرتك بالصحة والعافيه
وتحياتى ليهم جميعا..
شكرا جدول محنة

Post: #12
Title: Re: *** الزمن الفلانى ***
Author: خدر
Date: 09-13-2006, 01:06 PM
Parent: #11

سومه

حمدلله علي السلامه
انشاء الله الاهل بخير

Post: #13
Title: Re: *** الزمن الفلانى ***
Author: Elmosley
Date: 09-13-2006, 01:07 PM
Parent: #1

يا الف مرحب بالشاعرة المبدعة الكريمة المضيافة

إفتقدناك كثيرا ومرحبا بك نورا مضيئا

Post: #14
Title: Re: *** الزمن الفلانى ***
Author: الزاكى عبد الحميد
Date: 09-14-2006, 02:10 AM
Parent: #13

الأخت سوما
حمد الله على سلامة العودة..
ما أروع تعبيرك:

"مجرتق بالتراب الأسمراني"

لك الله أيتها الإنسانة الرائعة وواصلي إبداعك

الزاكي..

Post: #15
Title: Re: *** الزمن الفلانى ***
Author: محمد المرتضى حامد
Date: 09-14-2006, 02:26 AM
Parent: #14

أهلا بأهلنا
نحن اتأخرنا وانت عليك متأخرات
شايفه الناس السمحين الفوق ديل قالوا شنو؟ قالوا (المواعيد لسّه حزنانه بتنادي والأماسي بتبكي في أسى مااعتيادي ) وكادوا يقولون ( والله ما طلاّنا من بعدك فرح)
يا ..... العزيزه

Post: #16
Title: Re: *** الزمن الفلانى ***
Author: محمد المرتضى حامد
Date: 09-14-2006, 02:30 AM
Parent: #14

أهلا بأهلنا
نحن اتأخرنا وانت عليك متأخرات
شايفه الناس السمحين الفوق ديل قالوا شنو؟ قالوا (المواعيد لسّه حزنانه بتنادي والأماسي بتبكي في أسى مااعتيادي ) وكادوا يقولون ( والله ما طلاّنا من بعدك فرح)
يا ..... العزيزه

Post: #17
Title: Re: *** الزمن الفلانى ***
Author: soma
Date: 09-15-2006, 05:56 AM

الاهل الطيبين .. الشوق غيمه ومطرتين
لسه مشبعه بى نكهة الاجازه الجميله
وضل الضحى وغيم الضهريه والمطره عصريه تصبح الواطه
ياااااااا يا بلد

الاخوه الاعزاء لكم الود محنة

****
خدر الزول الجميل سلام مربع
الشوق ليك ممتد وفايت بى غادى وفى انتظار وعدك بالطلة
التحاياليك وللاسره عبرك
شكرا يا فنان قدر نغمك

****
فنانا المبدع وموسيقارنا المتميز
الاخ العزيز موصلى ..
والشوق الجارى عليك شايل فرحو منك
لك الامنيات الجميله يا نبيل
وشوقنا طال لعودتك ووعدك لينا
ووعد الحر دينا عليه
نحن فى الانتظار
شكرا اخى موصلى شكرا نغم

****
اديبنا الاخ الصديق الزاكى
تسلم من كل بلا يا رب
شكرا على كلامك المن الجوف
وتعبيرك المرهف زيك
كيف كانت الانشطه فى الاجازه
اكيد ندواتك ومحاضراتك هى المثمره
كما قال الاخ محمد المرتضى لدينا الكثير
نلتقى قريبا ان شاء الله
شكرا اخى الزاكى شكرا لا تحدها حدود

****
ود المرتضى الشوق جروف
والله بى طلتك انت يا ملك ازدان البوست جمال ورونق
انت يا خوى ما المفروض تكون محامى ..
كتاباتك البتشبه ناس ود الرضى دى مافى زولا بكتبها الزمن ده بصراحه
عينى بارده وما شاء الله
متابعه مداخلاتك فى البوست .. واصل ونحن معك
لى جلسة طويله معك ان شاء الله
رجعت من هناك بالكتير .. محتاجين ندردش
لك الود محنة وشكرا ندى الحقول