Post: #1
Title: *** جديات ***
Author: soma
Date: 02-23-2003, 04:46 AM
جديات
ناس ليلى جن..
شايلات فرح عمرى الموشح بالزمن..
يتراقصن… يتمايلن ..
مرات يمين ..مرات شمال يتفدعن..
يتسابقن بين المرافىء والحقول.
لا توب وقع من الكتيف لا اتعترن…
جريهن المثل الغزال ..
نافرات ولى كوم الضفائر يجدعن ..
ضحكاتن الرنانه زى وتر الصباح ..
يمسح جراحات المدائن .. والمحن ..
همساتن الحان الغروب .
صافات وزى طير البرارى يدندنن ..
مرات يفرن زى فراش ..
مرات يجن يتجمعن ..
يتماسكن ..يتلاصقن ..
نضمة عقد لولى ومضفر بالحنن …
*****
لمن خلاص تعبن..
وبى نفسا طويل اتنهدن ..
قعدن تحت فى ضل شديره ..
ولى القديمات مددن ..
اتنحنحن ..اتاوهن ..
ضربن كفوف فوق كفوف .
ما صفقن …
لمن طريفات توبن المجدوع ..
وليه اتوسدن …
اتضاحكن .. واتغامزن …
والبسمه تضوى والخدود يتلالان ..
حكن الحكاوى .. اتمازحن …
والقمره صافيه يقصقصن ..
فى جلستن ما اتزحزحن ..
بعد العشا اتونسن ..
******
ديل هن بنيات البلد ..
اللى الشباب كيف بهدلن …
رضعن تميرات النخيل …
من الارض عبن ملن …
صانن بداوة الحله ..
ما يوم بالحضاره اتشوهن …
اسماء صديق الطيب الجنيد
1/10/2002
مسقط عمان
تحياتى لكم جميعا ..وعذرا للناس القروها من قبل ..ولكن تلبية لرغبة الاخرين
والتحية من الاعماق يا سوميتا
ولكم جميعا
|
Post: #2
Title: Re: *** جديات ***
Author: AlRa7mabi
Date: 02-23-2003, 05:41 AM
Parent: #1
وناس سوما جن
حمدلله بالسلام ، غيبة طويلة
على فكرة بدر الدين الآن في حلفا الجديدة
بس عزابي لووول
تحياتي لفاتح
عبدالرحمن
|
Post: #3
Title: *** جديات ***
Author: Wadmirghani
Date: 02-23-2003, 10:51 AM
Parent: #1
الاخت الرائعة سوما
كل سنة وانت طيبة
وحمدالله علي السلامة
والبركة في الطلة ومزيداً من الابداع ...لسة ماقلت راي في القصيدة...راجع بعد شوية
|
Post: #4
Title: Re: *** جديات ***
Author: Soumeta
Date: 02-23-2003, 02:07 PM
Parent: #1
سوما الحبيبه
يا صباح في عتمه طله
ليك كل التحايا.. هديتك جميله و تحيتك وصلت و لونا أجمل..
و لي قدام يا سوما و كل يوم زايده حلا
سوميتا
|
Post: #5
Title: *** جديات ***
Author: Wadmirghani
Date: 02-23-2003, 02:16 PM
Parent: #1
القصيدة رائعة ...وهي عيدية جميلة لاهنا ناس البورد وكل سنة وانتوطيبين...الاقيكم بالف عافية ...شكرا سوما المبدعة...ومنظرين الجديد
|
Post: #6
Title: Re: *** جديات ***
Author: Ahlalawad
Date: 02-23-2003, 02:21 PM
Parent: #1
أدب رفيع ... شعر رقيق .. ومعاني واضحة ... عيدية ظريفة .. استمتعنا شكرا أستاذة سوما . كل عام وانت بخير ..
|
Post: #7
Title: Re: *** جديات ***
Author: نصار
Date: 02-23-2003, 02:30 PM
Parent: #1
سومة المبدعة
لك تحية بروعة كلماتك
و الموصوفات فيها
|
Post: #8
Title: Re: *** جديات ***
Author: ايهاب
Date: 02-23-2003, 07:08 PM
Parent: #7
يديك العافيه يا سوما
قولي امين
|
Post: #9
Title: Re: *** جديات ***
Author: soma
Date: 02-23-2003, 07:10 PM
Parent: #1
الاخ العزيز الرحمابى ..سلامات وكل سنة وانت طيب ..ربنا يحقق الامانى يا رب..
شكرا ليك وكتر خيرك على المداخلة ..
لكن قلت لى البدرى مشا حلف الجديده ؟؟ وعذابى كمان ؟؟ اكيد مع الفرقة ..لكن اهلنا ديل فرطوا فبه كيف ..ولا عشان الاجازه طويله .. الفتح بسلم عليك ..
ود مرغنى سلام .وكل سنة وانت طيب .. تعود الايام وتتحقق كل الامنيات الجميلة يا رب.. شكرا ليك يا ذوق على لطافة كلاماتك ..تسلم كتير ..
.سوميتا يا احلا ياقوتا .. تسلمى يا حبيبه ويسلم قلمك البقطر ابداع ..وعواطف .. تحياتى وودى لك وموصولة كمان لى ماما سلمى دمتى يا غاليه ...
اهلى الحنان اهل العوض ..العيد مبارك عليكم ..علينا وعليكم يتبارك ..العفو .لله والرسول ..انتو برضو اعفو مننا ..
يديكم العافيه وعاجزه تماما عن الشكر لمداخلتكم ..تسلموا ويديكم العافية ..
اخى المبدع دوما نصار ..
التحية ليك بقدر ما تعطى وبقدر استفادتنا منك يا عزيز .. والتحيه للغالية الفى الخدر محروسة بالعسكر ..
شكرا بحر على كلماتك الرقيقة
اعزائى الف شك لكم جميعا وتسلمواااا
|
Post: #10
Title: Re: *** جديات ***
Author: ودالجزيرة
Date: 02-23-2003, 07:15 PM
Parent: #9
بسم الله الرحمن الرحيم
الغاليه سوما
كل سنه وانتى طيبه
وينك وين الغياب طال بيك حرمتينا من كلماتك الحلوه
انشاء الله يكون الداعى خير
يديك العا فيه يارب
الله معاك
ودالجزيره
|
Post: #11
Title: Re: *** جديات ***
Author: omergoda
Date: 02-23-2003, 07:21 PM
Parent: #1
لك التحيه والاحترام يا سومه
مسجله غياب طويل هنا جديات رائعه جدا الله يوفقك ونشوف نشاطك وكتاباتك الرائعه
|
Post: #12
Title: Re: *** جديات ***
Author: ظبية
Date: 02-23-2003, 07:29 PM
Parent: #11
سوما الرائعة
لك التحية سيدتى
رائعة كما عهدناك دوما ربنا يحفظك
مع تحياتى
ظبية
|
Post: #13
Title: Re: *** جديات ***
Author: HAMZA SULIMAN
Date: 02-23-2003, 08:00 PM
Parent: #12
ناس ليلى
يا سوما
امات ضفاير
قادن الرسن
وهتفن
فليحيا الوطن
وقامن يا خليل فرح
وفاتن بنات
الجيل
احيييييييييييييك
سوما وانت
تهدينا شعريتك المتفرده
واحساسك السودانى
يا بت البلد
دمتى
|
Post: #14
Title: Re: *** جديات ***
Author: layon
Date: 02-23-2003, 09:55 PM
Parent: #13
الغاليه سوما...
كل سنه وانتى طيبه
واحشاني شدييييييييد يا نسمه...منتظره طلتك وابداعاتك بقالي زمن
ما تغيب كتير عنا
كل الود
ليون
|
Post: #15
Title: Re: *** جديات ***
Author: soma
Date: 02-23-2003, 10:47 PM
Parent: #1
اخى ايهاب السنى آميــــــــــن يارب .. شكرا على الامنيات الحلوه .وان شاء الله ربنا يحقق كل امنياتك ..واهم حاجه الامنيه الفى بالك لوول ..تسلم يا ايهاب ..
ود الجزيرة كل سنة وانت طيب ..ربنا يحقق كل امنياتك يا رب ..ويديك العافيه .. شكرا على مداخلتك وكتر الف خير ..
اخى عمر جوده ..شكرا ليك يا ذوق ..وان شاء الله دائمااكون عند حسن الظن .. دعواتك يا حاج ..يديك العافيه ..
الحبيبة الغالية ظبية ..كل سنة وانتى طيبه يا غالية ..وربنا يحقق امنياتك ويديك الف عافيه ..شكرا من الاعماق يا ظبية ...
الاخ الفنان المبدع حمزه سليمان .. كل سنة وانت طيب .. ربنا يديك الصحة والعافية ..ويزيد من ابداعاتك .. الف شكر اخى الكريم على كلماتك اللطيفة ..ان شاء الله اكون عند حسن الظن دائما يا اصيل ..
الحبيبه جدا ليون ..كل سنة وانتى طيبة .. وانا ايضا افتقدتك وافتقت رقة كلماتك يا رائعة .. ربنا يخليك ويزيدك من فضله وتسلمى يا حبيبه شكرا بلا حدود لى اى كلمه كتبتيها وتسلمىى..
احبتى لكم جميعا كل الود ودمتم ..
|
Post: #16
Title: Re: *** جديات ***
Author: omergoda
Date: 02-24-2003, 04:53 PM
Parent: #1
الاخت الاستاذة / اسماء
تحياتى فى وقصيدة قبل جديات جديده ماسبب عدم نزولها هنا شكرا
|
Post: #17
Title: Re: *** جديات ***
Author: wa7shny
Date: 02-24-2003, 06:37 PM
Parent: #16
الاخت الفاضلة سوما لك التحية وكل سنة وانت طيبة
وشكرا لهذا الابداع وربنا يحفظك
تحيات ............واحشني
|
Post: #18
Title: Re: *** جديات ***
Author: dmoo3
Date: 02-24-2003, 06:44 PM
Parent: #1
تسلمي يا رائعه و و الله ابداعاتك منوره دايما
الله يخليك لينا
دموع
|
Post: #19
Title: Re: *** جديات ***
Author: bamseka
Date: 02-24-2003, 08:05 PM
Parent: #1
كالعادة ياسوما نسرح.. ونتامل.. حروفك.. وكلماتك ..الشجية المعانى ربنا يوفقك انشاء الله وياريت ترسلى لينا الجديد .. مع خالص تقديرى
|
Post: #20
Title: Re: *** جديات ***
Author: HAMZA SULIMAN
Date: 02-24-2003, 08:53 PM
Parent: #19
ناس ليلى فوق
|
Post: #21
Title: Re: *** جديات ***
Author: omdurmani
Date: 02-25-2003, 03:05 AM
Parent: #1
ياسلام منك انا اه ياسلام ياسلام
العيون فيها سهام والكلام فيهو كلام
وفي حديثك.. في ابتسامتك.. فينا يااحلي غرام
.........
ماشاء الله عليكى...وربنا يديك العافية...
|
Post: #22
Title: Re: *** جديات ***
Author: HAMZA SULIMAN
Date: 02-25-2003, 08:52 PM
Parent: #21
ذهب معى هذه القصيده اين ما ذهبت
وافرحتنى للغايه
واعدته لها رؤيه
قليلا من الاختصار لى اتناولها اذا ما عندك مانع
وسارسل ليك عبر الماسنجر اذا سمحتى
رؤيتى
لك التحيه الاخت الشاعره سوما
|
Post: #23
Title: Re: *** جديات ***
Author: wadda7a
Date: 02-25-2003, 09:17 PM
Parent: #1
العزيزة سومة00
تحية تحاول أن تضاهي عذوبة كلماتك00
كيف؟؟مشتاقين00طبعا فرحتي كبيرة بملاحظة اسمك بين البوستات00واسفي برضو كبير اني ما حاتمكن من المتابعة بانتظام00لاني مسافرة بكرة الصباح00يسلم قلمك00وواصلي00ونحن في الانتظار0
|
Post: #24
Title: Re: *** جديات ***
Author: ود شاموق
Date: 02-25-2003, 09:38 PM
Parent: #1
سوما يا بت السودان
ضحكاتن الرنانه زى وتر الصباح ..
يمسح جراحات المدائن .. والمحن ..
همساتن الحان الغروب .
صافات وزى طير البرارى يدندنن
أقول شنو بس
يديك العافية
وتاني ما تنقطعي مننا
لأنو بنشتاق ليك يا سوما
.
|
Post: #25
Title: Re: *** جديات ***
Author: ابوحراز
Date: 02-25-2003, 10:04 PM
Parent: #24
سوما الفراشة
الفراشة التي تحملني على أجنحة كلماتها
ونقاء حروفها
لنحلق معها في وطن المليون ميل
كلماتك معطرة برحيقالوطن
والق الوطن وشموخ الوطن
كلمات تحمل الينا الدفء
والأمل
وتذهب عنا الألم
انها كلمات ليست كالكلمات
وهذا يكفي
|
Post: #26
Title: Re: *** جديات ***
Author: وجن
Date: 02-25-2003, 11:37 PM
Parent: #25
مبدعتنا سومه
الف حمد الله على السلامه
وكل سنه وأنت طيبه
طولنا منك
وزى ما بقولوا مطول الغيبات جاب الغنائم
فشكراً جزيلاً على الغنيمه الجميله
ودمتى عزيزتى
|
Post: #27
Title: Re: *** جديات ***
Author: ودرملية
Date: 02-26-2003, 00:08 AM
Parent: #26
سلامات
شكرا سوما للتذكرة لقد كنَ قاب قوسين او ادني من نسيان ليلي الاصيلة بت البلد
وبركة الشفناك يازول تاني الغيبة مابتبقا كويس تعالي علينا طوالي
دمتي ياراقية
|
Post: #28
Title: Re: *** جديات ***
Author: soma
Date: 02-26-2003, 11:20 AM
Parent: #1
مرحب تانى اخى عمر جوده .. القصيده الجديده فى القريب العاجل ان شاء الله حا تكون اون لاين ..والف شكر على الاهتمام ..
اخى واحشنى ..لك وحشة والله ..وكل سنة وانت طيب ربنا يحقق امنياتك ..تسلم كتير وشكرا بحر يا ذوق ..
دموع .اهلا يا رقيقة مرحب حبابك وكلك مشاعر والله ..الف شكر على كلماتك النديه تسلمىىىى يا جارة...
اخى المتابع دوما بامسيكا .. تحياتى يا طيب وتشكراتى على المتابعة ..يديك الف عافيه ..وعمرى ما ببخل عليكم بى اى شىء ..الجديد دوما حايكون معاكم .. وتستاهلوا كل خير والله ..يكفى وقفتكم معاى ودعواتكم الجميلة لى .يديك العافيه يا بامسيكا ..
الفنان القدير المبدع اخونا حمزه سليمان .. تسلم يا رائع .. صدقنى كم انا فرحة بهذا الاعجاب ..ومن من ؟ من مبدع مثلك .. تفضل اذنك معاك ومرحب بى رؤيتك ومداخلتك .. وانا فى الانتظار ..لك كل الود ..
الاخ العزيز امدرمانى .. تسلم كتير وكل سنة وانت طيب ..ولك كل الاحترام والتقدير .. وسعيده بمشاركتك واعجابك بالقصيدة.. تسلم كتير ..
وضااااااااحة ..وضاحة يا شمس المشارق .. والله شوق بحر ..ومفاجاة احلا من العطر .. سلامات .شوق مطر ..كمان سعيده بى وجودك ..وكم حزينة برضو بسفرك المفاجىء ..كنت بتمنى الاقيك قبل السفر والله ..لكن اتمنى ليك التوفيق من جوه قلبى ..
اخى الشاعر المرهف ود شاموق ..كل سنة وانت طيب .ربنا يحقق كل امنياتك يا رب..كيف تقول شنو ؟ انت سيد الكلام يا مرهف. ده تواضع منك .. الف شكر لى كلماتك اللطيفه يا راقى تسلم والف شكر..
ابو حراز ..صاحب الكلمات والتعبير المتفرد دائما ..حقيقة اكون عاجزه تماما حين اقف امام كلماتك .. كل سنة وانت طيب ربنا يحقق كل احلامك.
ويديك الصحة والعافية .ويمتعنا بى ابداعاتك يا اصيل. شكرا جرف يا اخضر يا كثيف..يديك العافية..
الحنينه وجن ..شكرا ليك يا رقيقة وشكرا على كلماتك الرقيقة زيك ..تسلمى وانا برضو مشتاقة ليك ..وكل سنة وانتى طيبه يا غالية ..ربنا يمتعك بى الصحة والعافية ..ويحقق كل امنياتك الجميلة..
العزيز ود رمليه كل سنه وانت طيب .. تشكر يا طيب على المداخلة الجميلة منك..يا ابن البلد الاصيل .. اتمنى اكون عند حسن الظن دوما ..واقدر اقدم ليكم ولو القليل ما يوازى وقفتكم وتشجيعكم المتواصل ..وانا يل دوب فى بداية المشوار الطويل..يديك الف عافية اخى ود رملية..
تسلموا احبتى ولكم كل الاحترررام والتقدير ..
|
Post: #29
Title: Re: *** جديات ***
Author: omergoda
Date: 02-28-2003, 06:14 PM
Parent: #1
فوق
|
Post: #30
Title: Re: *** جديات ***
Author: soma
Date: 06-13-2003, 12:02 PM
Parent: #1
تسلم اخى عمر جوده ..ولماذا هذا الاختفاء ..
التحية للاخت الحبيبه نهاد لك كل الود ورسالتك وصلت .. واهو بحت ليك فى البوستات القديمة وطلعت ليك جديات الانتى واحده منهن ..لكى كل الحب وتسلمىىىىىى
|
Post: #31
Title: Re: *** جديات ***
Author: abuguta
Date: 06-13-2003, 08:53 PM
Parent: #30
الاخت سوما
بنت ماليه هدومة
الحمامات ليك صفقن
وفروع الشجر.. تمايسن
ختى الرسن فوق الرسن
واقدلى... عديل
ديـلك اخواتتك اتقدمن
دكى ..المحن
عشان الوطن
يكون فوق..وانتن
كمان ما تتعبن
اسف جيت متاخر انت عارفة انا كنت مزنوق
مع البوست حقى وانت جيتى تاوقتى وكوبيتى الزوقة
زى اخوك هوبلس وخليتونى براى لما راسى سخن
تحية خاصة لك
|
Post: #32
Title: Re: *** جديات ***
Author: HOPELESS
Date: 06-13-2003, 09:21 PM
Parent: #31
الرائعه سوما
Quote:
ديل هن بنيات البلد ..
اللى الشباب كيف بهدلن …
رضعن تميرات النخيل …
من الارض عبن ملن …
صانن بداوة الحله ..
ما يوم بالحضاره اتشوهن |
يا وجه بلادي المشرق ليك كل التحايا والاحترام
مزيدا منالابداع
وبالتوفيق
-
|
Post: #33
Title: Re: *** جديات ***
Author: soma
Date: 06-14-2003, 06:11 AM
Parent: #1
يا سلام عليك يا ابو قوته ..كلك ابدااااااااااع والله ..
معقوله بس كل الكلام الجميل والموهبه دى بس تكون قاعده بعيد وتتفرج ؟ظ .. يلا اعتبر دى بداية المانهاية مع الابداع باذن الله ..واتحفنا بجديدك المتميز .. البوست بتاعك يكفى انه فيه شيخ الشعر وبحر الكلام ..استاذنا كتيابى
انا ما كبيت الزوقه انا كنت لابده فى الاخر بستمع ومستمتعه .. لانه فى حضرة وجود الكتيابى يطيب الجلوس والاستماع..
اما هوب ليس ده خليه ساكت .. مشى لى سماية بدر الدين شنا التانيه لول
الف شكر ابو قوته...
هوب ليس يا ظريف .. سلامات وتحيات طيبات بعمق معانى كلاماتك يا طيب ..
التحية ليك بلا حدود .. وشكرا على مشاركاتك المتواصلة
.. ما شاء الله عليك ..بعجبنى فيك نشاطك ..وحضورك المميز ..يديك الف عافية وتسلم كتير..
بالمناسبه قطعنا فيك انا وابو قوته قبيل .. ما يجيبوه ليك شمار .. احسن تعرف ..ولا شنو يا ابو قوته .الزول ده اكان ان اترافق هو والبدرى الشين ..نحن الا نشوف لينا بلدا طيرو عجمى ..
تسلموا كتير وفتكم بى الف عافية
|
|