Post: #1
Title: *** رسالة غرام ***
Author: soma
Date: 02-14-2005, 01:38 PM
رسالة غرام
انا ما حبيتك .. لكنى عشقتك ...
واتمنيتــــــــــــك ...
بى ريشة قلبى .. رسمتك...
وفى الاعماق ختيتك ...
بحنانى الفايض.. برضى شملتك ...
ما خليــــــــــــتك ...
واتخيلتك .. فى بستـــــــــــان ....
انى زرعتك ...
بى دمى رويتك ...
وكيف راعيتـــــــــــــــك ...
لما قطفتــــــــــــك ..
اتحسستك .. وريحة عطرك ...
نرجس نور .. ساحة بيتك ....
ويوم لاقيتك ..
لامست سحابة عرشك ...
واتنهدت عشان حسيتك ...
كتمت الاهه .. وراها التانيه ...
اتوهمت كمان ناديتك ...
كتبتك احلا قصائد ريد ...
كم لحنتك .. وكم غنيتك ....
وتانى بديتك .. وجيت تميتك ...
لما حفظتك واتوشحتك ...
واتغطتيــــــــــــــتك ...
ومن خوفى عليك ...
قريت حصنتك ...
وبى رمشى هناك ضاريتك ...
واتوسلتك .. واترجيـــــــتك ..
تعرف انى عشقتك ما حبيتك ..
والله عشقتك ..ما حبيتك ...
التحيه للجميع مع الامنيات بكل السعاده والفرح
وكل عام والحب للجميع
سومـــأ ... اسماء الجنيد مسقط ..
|
Post: #2
Title: Re: *** رسالة غرام ***
Author: Rawia
Date: 02-14-2005, 01:47 PM
Parent: #1
وانت اسعد واجمل
شكرا ليك
|
Post: #3
Title: Re: *** رسالة غرام ***
Author: MASSOUB
Date: 02-14-2005, 02:20 PM
Parent: #1
سوماتا ( ريـــــا )
تصدقى من جمال وروعة الكلام الفوق دة ... افتكرتوة مكتبوب علشانى
 
تسلمي سوما
وشكرا على حضورك الامسية النوبية .. ولو متأخر ..
لكى ولاسرتك الكريمة الود
|
Post: #4
Title: Re: *** رسالة غرام ***
Author: زوربا
Date: 02-14-2005, 10:44 PM
Parent: #3
سوما
والشوق الجاري عليك
شهقة ختفت باقي الحروف وتوارت
شهقة دهشة وفي حس أخر مني
خلعـــــــــــــــة
ربنا يديمك علينا وتخلعينا كدا طوالي
والريد نيلين
|
Post: #5
Title: Re: *** رسالة غرام ***
Author: قرشـــو
Date: 02-15-2005, 00:47 AM
Parent: #1
الأستاذ اسماء
الف اهلا بابداعاتك عزيزتى وبروائعك
البورد دوما يزدان بك فارجو ان لا تطيلى الغياب حتى يكون دوما منورا بأحرفك الجميلة الحنينة ...
انتاج اخر لا يقل روعة عما سبقه من ابداعات ..
الله يديك العافية يا ستى وتدينا اكثر واكثر وتزخرفى بوردنا العزيز بأحلى الكلام..
وكل سنة وانتى طيبة
|
Post: #6
Title: Re: *** رسالة غرام ***
Author: HAMZA SULIMAN
Date: 02-15-2005, 02:38 AM
Parent: #5
قصيدة رائعه
كل سنة وانت طيبة
واسرتك الكريمة
|
Post: #7
Title: Re: *** رسالة غرام ***
Author: Raja
Date: 02-16-2005, 10:03 AM
Parent: #1
الحبيبة سوما
كل عيد حب وانت هانية..
كتبت له ايضا:
|
Post: #8
Title: Re: *** رسالة غرام ***
Author: soma
Date: 02-17-2005, 04:33 AM
Parent: #7
راويه الجميله ..
شكرا ليك انتى .. ولكى مليون باقه ملونه
ومليونه زهره عطره فى كل ضفيره من ضفائرك الجميله
شكرا سماحتك ..
***
MASSOUB لووووووووووووول
والله تستاهل انت كل الكلام الجميل
انت لسه مدشدش بكلام الشعراء ..وحالتك انت عديت المرحله دى بسلام
شكرا لى طلتك يا رائع ..
وحقيقة الشكر ليك انت وكل الاخوه والاخوات النوبيين للدعوه الجميله منكم
وسعدت للغايه بوجودى بينكم ..
عذرا لتاخير ..والمره الجايه ما بتاخر ان شاء الله
***
زوربــــــــــــــا الحنين
الشوق ليك انت نيلين والله العظيم
ولى طلاتك الجميله
وكلامك المن الجوف
يلون الحروف
برقة معانيك السمحه زيك
زوربا لو كانت شهقتك بتجيب منك رحيق الكلام
اسمح لى استكين فى بستانك الوردى
والود مساحه خضراء منك وليك
زوربا شكرا قيف جرف اخدر رويان
*****
العمده ود القبائل المى كتر .. قرشو
شوفتك بالدنيا فى اى بوست
وزيارتك لينا بتشرفنا وبتسر بالنا يعلم الله
لو بالمراد اسكن البورد .. عشان طلاتك السمحه
ربنا ما يحرمنى منكم .. حقيقة كلامتكم دائما نبراس فى عتمة الدرب الطويل
وربنا يقدرنى اسعدكم بقدر مكانتكم عندى
قرشو ربنا يسهل امرك وينور دربك
والعافيه تبقالك رفيق طول الطريق ..
شكرا لمة اهل ..
****
الاستاذ حمرزه سليمان
الشوق رويان بالمحنه
ربنا يسعدك زى ما اسعدتنى بى طلتك وكلامك السمح
وكتر الف خيرك .. وكل سنه وانت بالف عافيه
شكرا نغم اخى حمزه ...
****
رجاء الجميله
حبابك من تانى فى دارنا الخدرت ونورت بى طلتك البهيه
شكرا ليك فرحة اهل و قعده عصريه ..
|
Post: #9
Title: Re: *** رسالة غرام ***
Author: THE RAIN
Date: 02-17-2005, 09:42 AM
Parent: #1
العزيزة
سوما
"أسماء الألق الحسنى"
كل عام
والأيام محبة تجمل كل الأرواح
وكل علحظة وأنتِ أطيب وأسعد
|
Post: #10
Title: Re: *** رسالة غرام ***
Author: سجيمان
Date: 02-17-2005, 10:00 AM
Parent: #9
سوما
كل سنة وانتي مشرقة
|
Post: #11
Title: Re: *** رسالة غرام ***
Author: alfatih
Date: 02-17-2005, 12:48 PM
Parent: #1
سوما
ليك وحشة
وكل سنة وانتى طيبة
شكرا للابداع يا اصيلة وما عدمناك يا جميلة الدواخل
تخريمة ..
ابدعت فى الفضائية يوم العيد 
|
Post: #12
Title: Re: *** رسالة غرام ***
Author: سمندلاوى
Date: 02-17-2005, 01:56 PM
Parent: #1
سومة يابت بلدى ياتحفة
شكرا جميلا على الكلام الدافى
الله يخليك لينا ويسعدك دائما يارب
بكرى
|
Post: #13
Title: Re: *** رسالة غرام ***
Author: soma
Date: 02-18-2005, 04:08 AM
Parent: #12
المطر فى دارنا
والغيم مدمدم البلد ..
رجفت صفيقات الشدر
هب النسيم دعاش دغش ... جانا الرزاز
قطرات ندى بلت خديدات الورود
قالد النسيم فريعات الشدر ..
والكون صبح رقصة عروس
زغرتنا افراح بالقدوم
حباب المطر
حبابك عديلة وزين
يا عريسنا المخدر الواطه بهجه وحبور
حقيقى نورتنا
شكرا جرتق اخوى المطر
****
د كتورنا المو سجيمان
حبابك مقنع الامات
وكل سنه وانت طيب يابا
وكل يوم وكل لحظه انت ملفح صحه وعافيه
شكرا محنه اخوى المو سجيمان ... و مو خمجان
****
الفاتح المبدع
وينك يا الحنين ..
حبابك مرتين
الشوق ليك دافر يا ود القبائل
كتر خيرك على الطله
وكتر خيرك على جمال كلامك
ما غريبه من زول مبدع زيك
الفاتح شكرا سماحة طبعك
***
ود اهلى الحنان
بكرى الفنان
الشوق قطوف يا ود البحر والجروف
الف حمد الله على سلامتك اخوى بكرى
وبركة البقيت طيب وجيتنا بى جاى
وانا اقول الليله الحوش منور كده خبارو
نورتنا وشرفتنا
اخوى سمندلاوى شكرا قدر فرحتنا بى طلتك
احبتى لكم جميعا كل الامنيات العطره
وربنا يديم بينا الموده .. وحبابكم من تانى
|
Post: #14
Title: Re: *** رسالة غرام ***
Author: عشة بت فاطنة
Date: 02-18-2005, 05:29 AM
Parent: #13
Quote: والكون صبح رقصة عروس
زغرتنا افراح بالقدوم
حباب المطر |
وحبا اسماومطر الرشاش الجابة
وحباب ناساالعزاز وامثالا
|
Post: #15
Title: Re: *** رسالة غرام ***
Author: Sudany Agouz
Date: 02-18-2005, 06:05 AM
Parent: #14
الأستاذة سوما ..
لدى بعض الأسئلة ..
هل قلب الشاعر .. يختلف عن قلوب بقية بنى البشر ..
لماذا بعض السحب .. لا تمطر ..
ولماذا بعض الزهور .. لا تزهر ..
ولماذا بعض الشجر .. لا يثمر ..
هكذا هو الانسان ..
منهم .. من له قلب متحجر ..
لا يحس .. ولا يشعر ..
بقرس برد .. ولا بحرارة جمر ..
ان طال عمره أو قصر ..
هو .. هو .. لن يتغير ..
ولكن ..
أنت ..
أنت شخص محير ..
لا تقولى ..
..أنا مخير أم مسير ..
فأنا .. مازلت أنتظر ..
مهما طال العمر ..
أين ما وعدتنى به ..
فوعد الحر دين عليه ..
...
الديوان .. عرفنا .. لم يطبع بعد ..
و .. هل لم تغن بعد ..!! ؟؟
===
وفى النهاية .. التهنئة القلبية ..
لابداعك المتواصل .. ياسوما ..
يا أحلى شاعرة تحس وتشعر ..ثم تشعر (بكسر العاء)
وألف سلام .. من عمك العجوز ..
أرنست
|
Post: #16
Title: Re: *** رسالة غرام ***
Author: سولارا
Date: 02-18-2005, 12:37 PM
Parent: #1
سوماالرقيقه وجميل القول
Quote: لامست سحابة عرشك ...
واتنهدت عشان حسيتك ...
كتمت الاهه .. وراها التانيه ...
اتوهمت كمان ناديتك ...
كتبتك احلا قصائد ريد ...
كم لحنتك .. وكم غنيتك ....
وتانى بديتك .. وجيت تميتك ...
لما حفظتك واتوشحتك ... |
اجمل من كدا ايه
سلمت
|
Post: #17
Title: Re: *** رسالة غرام ***
Author: soma
Date: 02-18-2005, 09:31 PM
Parent: #16
عشه بت امنا فاطنه..
حباب الغيم الماطر ... الجابك لينا دافر
زغرتن البنوت بى قدومك مع المطر الحنين
تسلمى يا غاليه والشوق ليك محكر فى الدواخل ...
****
عمى الحنين ارنست ..
احلا تحيه صباحيه لى اغلا عم
انت القلبك كبير
وانت الحديقتك غناء .. وازهارك مزهره دوما
ومخضره ويانعه .. بى سماحتك المعهوده يا اصيل ..
عشان كده بتشوف بقلبك الناصع يا صافى ..
بتشوف الدنيا جميله ...
وبتحس بالحواليك واحساسك النبيل الصادق بفرحنا بيك دوما
ما تنقطع عمى العجوز ..حلفتك بربك ما تنقطع ..
وماتحرمنا طلاتك البهيه يا صافى النيه ..
كلامك بدينى دوما دفعه للاستمراريه ...
صدقنى شريطك جاهز وفيه 3 قصائد وهى بت الاصول وطعم الغربه ولقياء
من الحان وغناء الزول السمح مصطفى السنى ..
حاولت ارسلهم بالبريد لكن العرب الهنا ديل عقدوا لى الموضوع وشككوا فى وصوله
مصطفى السنى ما زال موجود معنا ..وباذن الله يرسل ليك نسختك من لندن باذن الله
لانه بقول من هناك اسهل ..
وبرضو بترك ليك الخيار لو عندك رأى آخر ربما يكون اسهل .. انا على استعداد تام
انت تأمر بس يا عمنا الحنين
الشكر ليك خدار .. والود جروف ..
سولارا الحبيبه .. تسلمى انتى يا ستى
وحبابك فى بيتنا يمه .. وحباب جيتك ..
شكرا على تعبيرك الرقيق زيك ..
شكراملونه بكل الوان الطيف ..
|
Post: #18
Title: Re: *** رسالة غرام ***
Author: munswor almophtah
Date: 02-18-2005, 09:46 PM
Parent: #17
هذا هو عين السهل الممتنع.... القريب جدا والبعيد خالص......نكادلا نعى من الجميل غير ظاهر خفى ......فأسكبى ماتبقى بقارورة العسل.... لا بل أطلقى نحل الشهد ليلسع شراين الدهشه فى جوقة القراء
منصور
|
Post: #19
Title: Re: *** رسالة غرام ***
Author: soma
Date: 02-18-2005, 10:02 PM
Parent: #18
اخى منصور .. حبابك فى الدار يا كريم المقدار..
وحباب الزول السمح الجواك ..
حقيقى تعبيرك ادهشنى ..
تزداد سعادتى وفرحتى لو تكرمت بزياره للموقع المتواضع(www.soomat.com )
واكرمتنى بتعابيرك السمحه يا ود بلدى الاصيل
تسلم يا ود ملوك النيل..
الشكر ليك ممتد بطول بحرنا ومخضر بخضرة جروفه..
|
Post: #20
Title: Re: *** رسالة غرام ***
Author: faisal44
Date: 02-19-2005, 00:33 AM
Parent: #19
الغاليه سوما بت الجنيد
تسلم اناملك ومتعك بالله بالصحه والعافيه
وزدينا اكتر واكتر من هذا الابداع
|
Post: #21
Title: Re: *** رسالة غرام ***
Author: لؤى
Date: 04-06-2005, 11:57 AM
Parent: #1
أستاذة أسماء
تحيّة عطرة
هذا الوطن في حاجة ماسّة لحروفك البرّاقة هذه .. فليل الظلم هذا طال أكثر ممّا يجب ، تعالي بشموسك لتضيئي عتمة المكان .
ودّي
ـــــ
انا في البعيد مشتاق لهمسة من الوطن يانسمة
[email protected]
|
|