قاموس" اللؤم" عند السودانيين

قاموس" اللؤم" عند السودانيين


01-07-2007, 02:37 PM


  » http://sudaneseonline.com/cgi-bin/sdb/2bb.cgi?seq=msg&board=72&msg=1189200176&rn=0


Post: #1
Title: قاموس" اللؤم" عند السودانيين
Author: هشام المجمر
Date: 01-07-2007, 02:37 PM

اقوال لم أحبها ولن أحبها فى يوم من الأيام:

1- "المشتهى الحنيطير يطير"
2- "نحن لقينا شنو من وشك لامن تدينا ضهرك"

وهناك الكثير

أرجو أيراد ما تستطيعون مع وعد بعدم إستعمالها

Post: #2
Title: Re: قاموس" اللؤم" عند السودانيين
Author: هشام المجمر
Date: 01-07-2007, 02:39 PM
Parent: #1

يمكن أن نضم إليها

3- إنشاء الله ما يجى يوم شكرك

لماذا لا نشكر شخص وهو يستحق الشكر بدلا من نقول الله أنك لن تشكر إلا عندما تموت!!!!!

Post: #4
Title: Re: قاموس" اللؤم" عند السودانيين
Author: Mohamed E. Seliaman
Date: 01-07-2007, 02:46 PM
Parent: #2

If it is NOT your country(Home
Feel free to go clothless
OR
Baladan ma baladak intalik feeha eryian

Post: #98
Title: Re: قاموس" اللؤم" عند السودانيين
Author: حاتم محمد محمد صالح
Date: 01-16-2007, 02:56 PM
Parent: #2

ومن الامثلة التى لا احب سماعها و يسير الكثيرون على نهجها:
1/ سالهبروا ملوا
2/ القندول المباين يشبعك غباين
3/ اللقيناهو فى شلوفة بت السلطان راح فى طيظ مرجان. و من اراد قصة هذا المثل,ما فى اى مشكله.

Post: #3
Title: Re: قاموس" اللؤم" عند السودانيين
Author: NEWSUDANI
Date: 01-07-2007, 02:46 PM
Parent: #1

اللي بيباري الجداد بيوديه الكوشة
مع التحيات للى الجماعة

Post: #5
Title: Re: قاموس" اللؤم" عند السودانيين
Author: ناذر محمد الخليفة
Date: 01-07-2007, 04:14 PM
Parent: #1

مرمي الله ما بترفع وإن جيت ترفعو يرميك معاو !!

Post: #6
Title: Re: قاموس" اللؤم" عند السودانيين
Author: حيدر حسن ميرغني
Date: 01-07-2007, 04:21 PM
Parent: #5

غايتو نحنا الرطانة في الحتة دي مستورين ... نبربر على مهلنا

قاموسنا ده لو سار فيهو سليمان لسار بترجمان كوشي

Post: #8
Title: Re: قاموس" اللؤم" عند السودانيين
Author: محمد البشرى الخضر
Date: 01-07-2007, 04:41 PM
Parent: #6

واحد عاوز يسجل موقف للتاريخ

Quote: بهذا أعلن توقفي عن الكتابة هنا

وجاكات من النوع دا

يقوموا الجماعة بنفس واحد:
Quote: قطر عجيب

Quote: قشة ما تعتر ليك

و حاجات زي دي.

عليك الله في لؤم أكتر من كدا

Post: #7
Title: Re: قاموس" اللؤم" عند السودانيين
Author: حمد فتح الرحمن
Date: 01-07-2007, 04:28 PM
Parent: #1

كراع البقر جيابة

Post: #9
Title: Re: قاموس" اللؤم" عند السودانيين
Author: هشام المجمر
Date: 01-08-2007, 07:24 AM
Parent: #1

"البيجينا مشمر بنقابلوا عريانيين"

وهذا المثل إستخدمه رئيس الجمهورية فى حديث إعلامى فى بداية التسعينات

Post: #10
Title: Re: قاموس" اللؤم" عند السودانيين
Author: saadeldin abdelrahman
Date: 01-08-2007, 07:34 AM
Parent: #1

Quote: و حاجات زي دي.

عليك الله في لؤم أكتر من كدا



آاااي في!

ناس يدوها الكرت الاحمر و لما ترجع (بعفو عام)
يقولوا والله انتو من غيرنا ما تسووا بصلة !

Quote: في لؤم أكتر من كدا



Post: #11
Title: Re: قاموس" اللؤم" عند السودانيين
Author: هشام المجمر
Date: 01-08-2007, 10:38 AM
Parent: #1

يا سعد الدين عبد الرحمن

سلامات

ما تعمل تخريمات زى دى تودى البوست فى ستين دهية

عندك كرت أصفر

Post: #12
Title: Re: قاموس" اللؤم" عند السودانيين
Author: ناذر محمد الخليفة
Date: 01-08-2007, 12:04 PM
Parent: #1

!!!!

Quote: ناس يدوها الكرت الاحمر و لما ترجع (بعفو عام)
يقولوا والله انتو من غيرنا ما تسووا بصلة !


حريييييييييييييف يا أبو السعود

Post: #13
Title: Re: قاموس" اللؤم" عند السودانيين
Author: هشام المجمر
Date: 01-08-2007, 01:33 PM
Parent: #1

يا ناذر

سلام

ما تحرش

انت كمان عندك كرت اصفر

مثل لئيم آخر

"دق الأضينة و إعتذرلو"

Post: #14
Title: Re: قاموس" اللؤم" عند السودانيين
Author: ناذر محمد الخليفة
Date: 01-08-2007, 01:48 PM
Parent: #1

الباب يفوت جمل
جلدا ما جلدك جرو في الشوك


شنكل :

أكتل جنى الشايقي وخلي جنى الدابي !!

Post: #15
Title: Re: قاموس" اللؤم" عند السودانيين
Author: هشام المجمر
Date: 01-08-2007, 01:57 PM
Parent: #1

ايوة كدة تمام يا ناذر

سوف تنظر لجنة الإسترحامات فى سحب الكرت الأصفر منك

انت بس ساعدها بمشاركة جديدة

Post: #16
Title: Re: قاموس" اللؤم" عند السودانيين
Author: ناذر محمد الخليفة
Date: 01-08-2007, 02:00 PM
Parent: #1

هشام ..

Quote: انت بس ساعدها بمشاركة جديدة


هاك دي :

يبخرو فيها وهي بتضرط !!

Post: #17
Title: Re: قاموس" اللؤم" عند السودانيين
Author: هشام المجمر
Date: 01-08-2007, 02:06 PM
Parent: #1

لا يا ناذر

دى عفنة جدا

مكانها الخور

وانحنا الخور ده ما زرناهو

ولا بنحب نشقو حتى

رجعنا ليك البطاقة الصفراء

Post: #18
Title: Re: قاموس" اللؤم" عند السودانيين
Author: هشام المجمر
Date: 01-08-2007, 02:22 PM
Parent: #1

لو طفل قال جعان

امو المشغولة تقول ليهو

" جوع الشوت رحطها أكلتو"

Post: #19
Title: Re: قاموس" اللؤم" عند السودانيين
Author: سلمي النصري
Date: 01-08-2007, 02:25 PM
Parent: #1

سلام

وكل عام وانتم بخير.
صحيح الكثيرين لا يشكروا الا بعد موتهم ..لكن انشاءالله ما يجي يوم شكرك ,
لو تمعنت في معناهالوجدتها دعاء جميل, بمعني انشاءالله ربنا يطول في عمرك وما يجي اليوم الذي تفارق فيه الدنيا ويعدد الناس محاسنك.
هذا فهمي لها والله اعلم.

Post: #20
Title: Re: قاموس" اللؤم" عند السودانيين
Author: حمد فتح الرحمن
Date: 01-08-2007, 03:29 PM
Parent: #1

Quote: لا يا ناذر

دى عفنة جدا

مكانها الخور

هشام :
لو ما عاجبك اشرب من البحر
و لاّ اقول ليك :
طق راسك بالحيطة
و لاّ اقول ليك :
في ستين داهية و اربعين صباح



عجبك ولاّ ما عجبك ؟

Post: #21
Title: Re: قاموس" اللؤم" عند السودانيين
Author: ناذر محمد الخليفة
Date: 01-08-2007, 04:09 PM
Parent: #1

!!!!

Quote: سلمي النصري


يا زولة حمدلله على السلامة !!

شنو ياخي تاكلي وتقشي خشمك


صنفرة :

تقول لي زوا جيب لي موية يقول ليك (أبو مي اليفقعك) !!

Post: #22
Title: Re: قاموس" اللؤم" عند السودانيين
Author: سلمي النصري
Date: 01-08-2007, 11:09 PM
Parent: #1

سلام اخ ناذر

والله العظيم رسلته ليك انت والاخ بكري رساله شكر معقول ما وصلت....؟

عموما شكرا مره اخري وانشالله يوم شكركم ما يجي

معذره للاخ هشام والخروج عن الموضوع.

سلام

Post: #23
Title: Re: قاموس" اللؤم" عند السودانيين
Author: عبد المنعم سليمان
Date: 01-08-2007, 11:21 PM
Parent: #1

Quote: يبخرو فيها وهي بتضرط !!




بسم الله الرحمن الرحيم



ناذر جنا




كسرة : والنار ما انطفت يا ناذر !!

Post: #24
Title: Re: قاموس" اللؤم" عند السودانيين
Author: عبد المنعم سليمان
Date: 01-08-2007, 11:35 PM
Parent: #1

Quote: "البيجينا مشمر بنقابلوا عريانيين"



البجينا مشمر بنودي بوست هشام المجمر




كسرة : احسن من بتاع بخور ناذر موووووش

Post: #25
Title: Re: قاموس" اللؤم" عند السودانيين
Author: هشام المجمر
Date: 01-09-2007, 05:51 AM
Parent: #1

سلمى النصرى

تحياتى

نعم هناك دعاء بطول العمر وراء المقولة

لكن لماذا الشكر المؤجل؟

العامل أعطوه أجره قبل أن يجف عرقه

والذى يفعل الخير يجب أن نعطيه شكره قبل أن ينسى فعله

Post: #26
Title: Re: قاموس" اللؤم" عند السودانيين
Author: تبارك شيخ الدين جبريل
Date: 01-09-2007, 08:08 AM
Parent: #25

تنقدّ الرهيفة، اريتا ما تتلتق!


عايرة واديها سوط!

جا يكحّلا عماها

Post: #27
Title: Re: قاموس" اللؤم" عند السودانيين
Author: nile1
Date: 01-09-2007, 10:36 AM
Parent: #26

الأخ هشام
كل عام وأنتم بخير

لسانك حصانك كان مسكتوا صانك وكان طلقتو هانك
ودي ما أديتو فيها كرت أحمر ليه؟؟؟إنت Anti-shygi وللا شنو؟؟؟؟
Quote: أكتل جنى الشايقي وخلي جنى الدابي !!


الله يلمني فيك ياناذر الخليفه...إن تكن أنت بعيدا عن يدي..ف..الدنيا ضيقه..و..كراع البقر جيابه
تحياتي

Post: #28
Title: Re: قاموس" اللؤم" عند السودانيين
Author: nile1
Date: 01-09-2007, 10:43 AM
Parent: #27


Post: #29
Title: Re: قاموس" اللؤم" عند السودانيين
Author: هشام المجمر
Date: 01-09-2007, 11:48 AM
Parent: #1

تبارك شيخ الدين

عبد المنعم سليمان
تحياتى

شكرا على المشاركة


نايل 1

سلام

والله قربت أديهو ليهو بس خفته يقولو جهوى وقبلى أو صدروا ما واسع
غايتو الكرت فى طرف جيبى و يا ناذر بس مر بى هنا
الدور ده أنا محرش

وقالوا " المحرش ما بيكاتل" بس أنا فوق أهلنا الشايقية بكاتل تب

Post: #30
Title: Re: قاموس" اللؤم" عند السودانيين
Author: فاروق حامد محمد
Date: 01-09-2007, 12:07 PM
Parent: #29


سلام يا جماعة


كان دار أبوك خربت شيل ليك منها شلاية



لم أر ولم أسمع في حياتي أحط من هذا المثل

Post: #31
Title: Re: قاموس" اللؤم" عند السودانيين
Author: ناذر محمد الخليفة
Date: 01-09-2007, 12:17 PM
Parent: #1

بالمناسبة يا نايل

متذكر ناجي عبد المنعم ؟

Post: #32
Title: Re: قاموس" اللؤم" عند السودانيين
Author: محمد أبوالعزائم أبوالريش
Date: 01-09-2007, 12:43 PM
Parent: #1

مثل محبط:

البكابس بيقع يابس


يا ناذر:
Quote: يبخرو فيها وهي بتضرط !!


المثل ده بتكون نجرتو براك .... إفييييييي

Post: #33
Title: Re: قاموس" اللؤم" عند السودانيين
Author: Kamal Karrar
Date: 01-09-2007, 01:09 PM
Parent: #1

قالوا: الشقي يلاقي العضمة في الفشفاش...

وقالوا: الشقي يعتيرولو................

Post: #34
Title: Re: قاموس" اللؤم" عند السودانيين
Author: Kamal Karrar
Date: 01-09-2007, 01:09 PM
Parent: #1

قالوا: الشقي يلاقي العضمة في الفشفاش...

وقالوا: الشقي يعتيرولو................

Post: #35
Title: Re: قاموس" اللؤم" عند السودانيين
Author: هشام المجمر
Date: 01-09-2007, 01:17 PM
Parent: #1

لو ناديت يا حاجة

تقول ليك: " تحج فوق جمل أعور"
هنا طبعا فى بعض الطرافة

Post: #36
Title: Re: قاموس" اللؤم" عند السودانيين
Author: Kamal Karrar
Date: 01-09-2007, 04:01 PM
Parent: #35

يضرب عندما يفوت الآوان:-

قالو: "سكسوكة بت حسب الله جابوها للطهور لقوها دارة"

فهمتوهما؟
!

Post: #37
Title: Re: قاموس" اللؤم" عند السودانيين
Author: Kamal Karrar
Date: 01-09-2007, 04:26 PM
Parent: #1

لؤم يضرب عندما يكون المظهر خلاف المخبر:
يقولون : من فوق هلا هلا .. ومن تحت يعلم الله..
أو (أكثر لؤما)

يقولون: من فوق صورة ومن تحت قرقورة

Post: #38
Title: Re: قاموس" اللؤم" عند السودانيين
Author: Kamal Karrar
Date: 01-09-2007, 04:34 PM
Parent: #1

يقولون: من دقنو وفتلو (بتشديد اللام مع الكسر)

لؤم لم أجد مقاربة له عدا في نظرية ال GOOD WILL عند الاستثمار مع شريك أجنبي عايز يخش بشطارته أو كما يحلو لهم With his expertise

Post: #39
Title: Re: قاموس" اللؤم" عند السودانيين
Author: nile1
Date: 01-09-2007, 08:25 PM
Parent: #38

ناذر
مساء الخير
ناجي عبد المنعم دا منو؟؟؟ما أظن بعرفه قبل كدا....
ثم سيبنا هسع من ناجي عبد المنعم ..خلينا في جنا الشايقي الداير تكتلو دا..برضو بقول ليك ..إن تكن أنت بعيد عن يدي...حتي كان في أمريكا..فالترابله مالين أركان الدنيا.....أنا بمد ليك في حبال الصبر عشان تسحب تصريحك وتحريضك بالتصفية العرقية لعيال شايق...هسع إنت روجت بالمثل دا لتصفيتنا وأهدرت دمنا..وما باقي إلا تستشهد بالآية الكريمة أقتلوهم حيث ثقفتموهم..طبعا دي مافيها إتنين تلاته دعوه للإرهاب...وحرم نحن مجلس الأمن ما بنلجأ ليهو لأنه أخير منه إي بنبر في أي مجلس...والجماعه المالين المنبر دا بالجعجعه عن حقوق الإنسان إتحيزوا ليك وسكتوا... هسع كان عاملناك بالمثل وأهدرنا دمك يقولوا إرهابيين..دحين ياخوي تعال نلم الموضوع بي أخوي وأخوك......بس ممكن تحدد موقفك من المثل دا أولا وبعدين على ضؤ ها نقرر ونحدد طريقة التعامل معاك.....عندك 24 ساعه عشان تقرر مصيرك...أها...قصرنا معاك؟؟؟؟؟

Post: #40
Title: Re: قاموس" اللؤم" عند السودانيين
Author: هشام المجمر
Date: 01-10-2007, 05:51 AM
Parent: #1

مثل سخيف ولئيم لا أحبه

" الفايق يهمز أمو"

Post: #41
Title: Re: قاموس" اللؤم" عند السودانيين
Author: nile1
Date: 01-10-2007, 06:09 AM
Parent: #40

المابتلحقو جدعو
غارزي ونطاحه
أقرع ونزهي

Post: #42
Title: Re: قاموس" اللؤم" عند السودانيين
Author: Kamal Karrar
Date: 01-10-2007, 01:22 PM
Parent: #1

أخي هشام أنا أيضا لا أحب هذا المثل.. وكرهي له دفعني للتفكير فيه مليا إذا لا يشبه السودانيين اللذين يعيبون تهميز المومس علنا ما بالك بالأم... ووجدت أن العرب في هذه المنطقة تقصد بالتهميز المساج ..عندما كنا صغارا كانت أمهاتنا وحبوباتنا (يكروننا) عشان نعمل مساج لأقدامهم التي أعيتها الوقفة من الدقيش.. فهل يا ترى المقصود بالتهميز هنا المساج (علما بأنه التهميز كلمة أستعيض بها عن مقابل كلمة المساج في العامية (التعصير أو العصير) ربما!! فالأمر يستحق التأمل.

Post: #43
Title: Re: قاموس" اللؤم" عند السودانيين
Author: tasneem
Date: 01-10-2007, 04:53 PM
Parent: #42


اخي هشام
عيد سعيد وسنة حلوة

المرة بيدقوها بي اختة

المرة كان فاس مابتشق الراس

الرجال جزم لكن ما بنقدر نمشي حفيانيين او الرجال جزم لكن مشي الحفي صعب


امثال عجيبة

Post: #44
Title: Re: قاموس" اللؤم" عند السودانيين
Author: ناذر محمد الخليفة
Date: 01-10-2007, 05:17 PM
Parent: #1

!!!!!!!!

Quote: الرجال جزم لكن ما بنقدر نمشي حفيانيين


مبالغة يا تسنيم

Post: #45
Title: Re: قاموس" اللؤم" عند السودانيين
Author: حسن الجيلى سعيد
Date: 01-10-2007, 05:31 PM
Parent: #1

ود المجمر تعظيم سلام ,
عارف لمن اجى وحد اياكل حقك واتدخلو التافهين اقولو ليك

( المال تلتو ولا كتلتو )

شفت جنس ده

Post: #46
Title: Re: قاموس" اللؤم" عند السودانيين
Author: حسن الجيلى سعيد
Date: 01-10-2007, 05:34 PM
Parent: #1

ولمن اعايرو الزوله بالحوامه الكتيره اقولو ليها

( البيت محروس وستو تكوس )

Post: #47
Title: Re: قاموس" اللؤم" عند السودانيين
Author: حسن الجيلى سعيد
Date: 01-10-2007, 05:36 PM
Parent: #1

واكان زول كلامو كتير اقولو ليهو

( انت راميك جمل )

قمة المساخه

Post: #48
Title: Re: قاموس" اللؤم" عند السودانيين
Author: حسن الجيلى سعيد
Date: 01-10-2007, 05:41 PM
Parent: #1

شوف الابو دا حقار كيف

بايرة قالت لابوها «كان جبت ولد بسميهو صدام»
قال ليها (( كدي انتي الاول ألقي حسين))

---------------------------------
واحد متزوج بنت عمه شينة جداً
قالت ليهو: طول الحيطة دي شوية
قال ليها: ليه؟ .
قالت ليهو:عشان اولاد الجيران ما يشوفوني
قال ليها: والله كان شافوك براهم يبنوها!

Post: #49
Title: Re: قاموس" اللؤم" عند السودانيين
Author: ناذر محمد الخليفة
Date: 01-10-2007, 05:50 PM
Parent: #1

عايرة وأدوها سوط !!

Post: #50
Title: Re: قاموس" اللؤم" عند السودانيين
Author: خالد علي محجوب المنسي
Date: 01-10-2007, 10:59 PM
Parent: #49



هشام المجمر السلام عليكم

* سهر الجداد ولا نومو

* السمح سمح كان قام من النوم والشين شين كان دلكّو كل يوم

* جربتّا لحسة كوعك ....

* العمر لاحدو والسير لا مردو ... البدورنا بندورو والبيابانا ........
كان كتبتها انا انت والبوست بنمشي الخور... لكنه حقيقةً مثل سوداني وفي قواعنا

* الزول البليد بآيدو يحفر قبرو

لك مودتي واحترامي

خالد محجوب

Post: #51
Title: Re: قاموس" اللؤم" عند السودانيين
Author: هشام المجمر
Date: 01-11-2007, 06:27 AM
Parent: #1

تسنيم

كمال كرار


حسن الجيلى سعيد

خالد محمد


شكرا على المشاركة

مثل آخر قبيح: " العرجة لي مراحا"

Post: #52
Title: Re: قاموس" اللؤم" عند السودانيين
Author: هشام المجمر
Date: 01-11-2007, 09:51 AM
Parent: #1

مثل آخر عجيب

" جينا نساعدو فى دفن أبوهو دس الحافير"

Post: #53
Title: Re: قاموس" اللؤم" عند السودانيين
Author: محمد أبوالعزائم أبوالريش
Date: 01-11-2007, 10:32 AM
Parent: #1

مدّعي الخبرة بيقول: (أنا واقع من السما سبع مرات)

في تقديري دي ما خبرة ولكن (بلادة) .... يعني لما وقعت المرة الأولى .. الطلّعك تاني شنو؟؟؟؟، والرد على المثل دة (لا يلدغ مؤمن من جحرٍ مّتين)

بجيكم راجع

مودتي

Post: #54
Title: Re: قاموس" اللؤم" عند السودانيين
Author: ناذر محمد الخليفة
Date: 01-11-2007, 02:44 PM
Parent: #1

الطول طول النخلة والعقل عقل السخلة !!
أكل السوسة والعافية مدسوسة !!

Post: #55
Title: Re: قاموس" اللؤم" عند السودانيين
Author: هشام المجمر
Date: 01-12-2007, 07:55 AM
Parent: #1

فى كلام كنا بنسمعوا لمن كلنا صغار و مافهمنا إلا لمن كبرنا بس كنا عارفين انو نوع من الردع

تقول داير أشرب

يقولو ليك " الشرمبيتة"

Post: #56
Title: Re: قاموس" اللؤم" عند السودانيين
Author: Moawia Mohammed
Date: 01-12-2007, 11:17 AM
Parent: #1

الأخ هشام
كل سنه وانت طيب

العندو القروش بحنن أضانو

النار تخــ....... الرماد

Post: #57
Title: Re: قاموس" اللؤم" عند السودانيين
Author: Kamal Karrar
Date: 01-12-2007, 12:01 PM
Parent: #1

يقولون: كثرة الطلة بتمسخ خلق الله.

تخريمة:
مرات كثرة الطلة محمودة وبالذات لمن تكون من الأحباء.. ومرات مذمومة.. لمن تكون ممن هبّ ودبّ.. ولا شنو؟

أها نختفي شوية؟!!!

Post: #60
Title: Re: قاموس" اللؤم" عند السودانيين
Author: wedzayneb
Date: 01-12-2007, 01:52 PM
Parent: #57

بوست قيّم و خفيف الظل. أود أن أتّّفق معكم في الرأي بخصوص
المثل السوداني الشهير:" الفايق بيهمز أمّه " أعتقد أنّ الرأي السلبي في القالب اللغوي لهذا المثل الشهير مصدره ألربط بين الأم، و ما لها من أجلال و تقدير في نقفوسنا نحن السودانيين، و عمليّة الهمز بكلّ إيحاءاّتها و إرهاصاتها الجنسيّة. لذا فأنا أستغرب لماذا جري هذا المثل القبيح
علي ألسن السودانيين زمانا طويلا. و بحكم كوني أعيش في أمريكا، أحب أن أنوّركم أنّ عمنليّة الهمر لا تحمل أيّة إيحاءاّت جنسيّةفي الثقافتين الأمريكيّة و الاروبيّة بشكل عام. الهمز أو " الكلكلة " تمارس في أطار بعينه داخل المجتمع الأمريكي و لا يري فيها ألأمريكيّّون أيّّة إرهاصات جنسيّة. بل إنّهم يمارسونها في أطار ضيّق بعينه لإدرار الضحك. فتري الأب يهمز طفله أو طفلته، و العكس ليس صحيحا.
و تهمز الحبيبة حبيبها، و الزوجة وزجها، و العكس في الحالتين صحيح أيضا. وحينما تحدثالهمزة
أثرا كهربائيّا في من همز ( فعل مبني للمجهول )، يضحك الفاعل و المشاهدون علي المهموز بشكل برئ.
علميّا، بعض الناس تحذث فيهم الهمزة أثرا كهربائيّّا فتستجيب أعصابهم الحسيّة بشكل تلقائي و يصاحب ذلك " كشّة " من قبل المهموز. يا جماعة تعبير " كشّة " دا في محله أم أن ا لتعبير خانني؟
و بيقولو الكلام بيجيب الكلام: " أيه يعني إرتعدت فرائصه؟ ما هي الفرائص؟ و كيف ترتعد؟ و ما هو
أثر العيني للإرتعاد؟

و الكلام بيجيب الكلام للمرة الثانية:

هل أنتم مثلي تمقتون المثل السوداني السمج أدناه؟
" مجبورة خادم الفكي علي الصلاة "
المعني العام للمثل جميل لكن قالبه اللغوي و مفرداته منفّر.
عبارة " خادم " إستعملت هنا كنظير مخفّف لعبارة: " عبدة " . التعبير الدارج السوداني: " الفكي "
يعني الفقيه. أنا أحب الدارجة السودانيّة. و لا غبار عندي إذا حدث تحريف بسيط في المقابل الدارج للأصل الفصيح. بس عبارة " الفكي " ليست تحريفا للأصل الفصيح، لكنّها نوع من ال ization
لللعبارة الفصيحة: " الفقيه ". تعرفو مرّات كدا بفكّر و أقول يمكن يكون أول من أدخل عبارة : الفكي" في الدارجة السودانية لتعني العبارة الفصيحة: " الفقيه " زول عجمي ساكت غلبه ينطق كلمة فقيه، فخرجت من بين فكيه كالاشكل التالي: " فكي ". ضحك الناس عليه. و صاروا يستعملونها من قبيل
المزاح. و تدريجيا أصبحت عبارة " الفكي " خطأ شائعا. و أحيانا أخري بقول: كلمة فكي ربما تكون الدليل اللغوي " vestige " علي أصالة العجمة في مقابل الفصاحة، فينا نحن السودانيين. ( وجه ضاحك ) يعني زمان السودانيين كانت تغلب عليهم العجمة و كانوا جميعا ينطقون عبارة فقيه ك" فكي "
و استمر هذا اللإإستعمال الخاطئ لكموة فقيه حتي بعد أن طغت الفصاحة علي العجمة في حديثنا، نحن السودانيين.

و الله من وراء القصد.

طارق الفزري
ود زينب

Post: #58
Title: Re: قاموس" اللؤم" عند السودانيين
Author: ناذر محمد الخليفة
Date: 01-12-2007, 12:59 PM
Parent: #1

معاوية .

Quote: العندو القروش بحنن أضانو



مثلك دا ما سمعتو قبل كدة
علا عندي واحد قريب ليهو حا اكتبو ليك في المداخلة الجاية وأعملو حساب الخور

شنكل :

مستهبل إنت ياخ !!

Post: #59
Title: Re: قاموس" اللؤم" عند السودانيين
Author: Kamal Karrar
Date: 01-12-2007, 01:23 PM
Parent: #1

يقولون: سلام بلا غرض .. طيبين بلا مرض

تخريمة:-
يعبون علينا مناغمة الجيران ومسالمتهم بدون هدف إلا المحبة الخاصة (دعوة للميكافيلية).. لكن ياهو ده السودان

Post: #61
Title: Re: قاموس" اللؤم" عند السودانيين
Author: Nasser Mousa
Date: 01-12-2007, 01:55 PM
Parent: #59

الاخ / هشام المجمر

بوست قمة في خفة الدم وخاصة ابو النيذ عشان بالله اعفيهو

ونشارك

الما بريدك في الضلام يحمر ليك
ــــــــــــــــــ


Post: #62
Title: Re: قاموس" اللؤم" عند السودانيين
Author: Marouf Sanad
Date: 01-12-2007, 02:12 PM
Parent: #59

الاخ هشام

هنالك مفردة سودانية شهيرة اذا تمعنتها تجد فيها الكثير من القسوة

يطلق اهلنا السودانيون صفة "الشافع" على الطفل الصغير الذي لم يبلغ الحلم.

وهذا الوصف مردّه ان الطفل اذا مات صغيراً فانه يشفع لوالديه يوم القيامة.

يعني اي طفل هو مشروع "شفيع" ويبقى ان يتحقق شرط واحد وهو موته صغيراً.

Post: #63
Title: Re: قاموس" اللؤم" عند السودانيين
Author: خالد علي محجوب المنسي
Date: 01-12-2007, 06:51 PM
Parent: #62



* العربي وَكت يتفلّهم بركّب في تكّيتو لمبّه

( العربي هنا.... كما في قاموسنا بالعامية السودانية اي الغير حضري أو مدني )

* الزارعّنا غير الله الأجي يقلعنّا

خالد محجوب

Post: #64
Title: Re: قاموس" اللؤم" عند السودانيين
Author: elsawi
Date: 01-12-2007, 10:14 PM
Parent: #63

شكرا يا هشام على هذا البوست اللطيف
الأمثال عموما تعبر عن الحالات الإجتماعية وتصف العادات والتقاليد والموروثات الإجتماعية والثقافية في عبارات بليغة ومعبرة ومختصرة ..
بالنسبة لموضوع اللؤم في الأمثال السودانية، اعتقد ان الأصل هو اللؤم عند السودانيين وما الأمثال سوى ناتج طبيعي ـ يعني نجيب من وين؟ ـ قد يسميها البعض مساخة او عدم لطافة او جفاف ويظهر ذلك جليا في التعامل اليومي الذي يخلو من اي نوع من انواع اللباقة ولطافة التعامل، وهذا موضوع آخر تم طرقه من قبل ولكنه يحتاج لمزيد من التشريح والبحث فلربما عرفنا من نحن وكيف نفكر والاسباب التي انتجت تركيبتنا النفسية والإجتماعية ..
من الأمثال السودانية اللئيمة
"باب النجار مخلع"
"الزاد لو ما كفى ناس البيت يحرم على الجيران"
وهذين المثلين يحملان نفس الدلالة و يرسخان مفهوم ان على المرء إصلاح حالة اولا قبل اصلاح حال الآخرين ..
اما اسخف واغيظ مثل في تاريخ الإنسانية على الإطلاق في تقديري هو
"غلفاء وشايلة موسها تطهر"
وهذا المثل لا يختلف في الدلالة والمعنى عن المثلين السابقين .. وللأسف يتم إستعمال هذا المثل بشكل متكرر في هذا المنبر ..
وهذا المثل يزكرني بالقصة التي رويت عن بروفيسر عبدالله الطيب ويحكي انه كان عابرا ال Main road في طريقه لخارج جامعة الخرطوم وفجأه سقط من يده الملف الذي كان يحمله وتطايرت الأوراق في كل مكان بفعل الرياح، فهرعت احدى حنكوشات ال Main Road واجتهدت في جمع كل الأوراق المتطايرة وسلمتها لبروفيسر عبد الله الطيب الذي شكرها ثم ابتسم لها قائلا "يالك من فتاة ظرفاء" .. ففرحت الحنكوشة فرحا شديدا وظنت ان عبارة "ظرفاء" تعني "ظريفة" واخبرت كل الدفعة بعبارة الشكر الذي قالها لها البروفيسر، حتى اشار لها احد زملائها بضرورة البحث عن معني الكلمة، فذهبت بصحبة زميلها للمكتبة وتناولا احد القواميس اللغوية وبحثا عن كلمة ظرفاء فوجدوا ان الظرفاء هي غير المختونة ولا معنى آخر للكلمة ..

الصاوي

Post: #65
Title: Re: قاموس" اللؤم" عند السودانيين
Author: Moawia Mohammed
Date: 01-12-2007, 11:37 PM
Parent: #1

Quote: يبخرو فيها وهي بتضرط !!


هسه دا فرقو شنو من حنة الأضان يا أبو النيز

في أمثال بتقول

طالع السماء بجـ....... دليل علي التكبر والقرضمة زي عريان ولابس صديرية

طيـ........ في لباس دليل علي الخوة والصداقة

كان غلبك سدها وسع قـ ....... دليل علي اليأس والاستسلام زي عايره وأدوها سوط


صنفرة:
استهبال شنو وبطيخ شنو يا ناذر ما ياها دي أمثالنا هو أناجبت حاجه من عندي

Post: #66
Title: Re: قاموس" اللؤم" عند السودانيين
Author: هشام المجمر
Date: 01-13-2007, 07:20 AM
Parent: #1

معاوية محمد

أظنك تقصد النار تلد الرماد وهو مثل لئيم جدا لوصف الأبناء فى حالة كان والدهم شخصا مميزا او مشهورا و طلع الأبناء ناس عاديين زينا كده.

يا نزار أنا ما محزرك قبل كده!!! المثل البتقصدوا عارفنو و أوعك تجيبو هنا. ده مثل بيودى الخور

كمال كرار

تحياتى

فى رواية أخرى : كثرة الطلة already مسخت خلايق الله
مثل مرادف آخر هو: البعد محنة. كناية عن أن كثرة التخالط تولد المشاكل (خاصة بين الأقرباء) واقطع دراعى لو ما كان المثل ده بالذات نجرتو زوجة تعبانة من حمواتها.

ود زينب

تحياتى وشكرا على المداخلة القيمة
واصل كفاحك

Post: #67
Title: Re: قاموس" اللؤم" عند السودانيين
Author: هشام المجمر
Date: 01-13-2007, 08:25 AM
Parent: #1

خالد المنسى

تحياتى

Quote: * الزارعّنا غير الله الأجي يقلعنّا


القلعوهم كتير وبعدين تانى يقلعوهم من شنو؟

كلام سكت

شكرا على إيراد المثل "اللئيم"

ناصر موسى

تحياتى و شكرا على المساهمة

معروف سند

سلام

لو جينا لى قاموس الكلمات اللئيمة حنلقى عجب

شكرا على المشاركة

Post: #68
Title: Re: قاموس" اللؤم" عند السودانيين
Author: nile1
Date: 01-13-2007, 09:18 AM
Parent: #67

Quote: يا نزار أنا ما محزرك قبل كده!!! المثل البتقصدوا عارفنو و أوعك تجيبو هنا. ده مثل بيودى الخور


هشام
البشوف كلمة محذرك دي..يقول عليك حقاني وعاوز تطير في حلقو...ها...دا كلام ساكت....زي ما بقول المثل (حشاش بي دقنو) نزار دا ما عدييييل كدا حرض على كتل جنيات الشايقيه..وإنت زي عجبك الكلام وسكت ماجبت لينا حقنا منه...ودي فبها حق عرب..ونحن حرم حقنا ما بندبي ليهو...نشبلو حمرة عين..وساعة الكترابه تقع..أبقي قول ليهوإنك محذرو قبل كدا وإنت يانزار بس أركز أركز ما تجيب رخوه

Post: #69
Title: Re: قاموس" اللؤم" عند السودانيين
Author: هشام المجمر
Date: 01-13-2007, 09:25 AM
Parent: #1

الصاوى

سلام

وشكرا على المشاركة القيمة


نايل 1

سلام

ناذر ده مانى ناسيهو بس راقد لى فوق راى

Post: #70
Title: Re: قاموس" اللؤم" عند السودانيين
Author: هشام المجمر
Date: 01-13-2007, 10:20 AM
Parent: #1

إتصال هاتفى لطيف جائنى من الصديق الأستاذ عثمان حامد

عثمان تحدث لى بعمقه المعروف عن بعض الأمثلة السودانية

هنا بعض ما أورده:

أمثال تمثل الإتكالية و إلقاء المسئولية على الآخرين:

" السكران فى ذمة الواعى "

إلقاء المسئولية على شخص و عدم الرغبة فى مشاركته فيها:

" كل شاة معلقة من عرقوبها"

أمثال لقطع الطريق على شخص متميز هنداما أو حديثا

" كدى ألزم الجابرة"

أمثال لا تمت للواقع بشئ:

" الفقراء تقاسموا النبقة"

أمثال ذات أصل مصرى و درج على إستعمالها فى السودان:

" يدى الحلق للمالوش ودان" كناية عن الحسد و تبخيس الناس أشيائها

" تجرى جرى الوحوش غير رزقك ما تحوش" مثل مثبط للهمم و قاتل للطموح

Post: #71
Title: Re: قاموس" اللؤم" عند السودانيين
Author: خالد علي محجوب المنسي
Date: 01-13-2007, 12:10 PM
Parent: #70

Quote: صنفرة:
استهبال شنو وبطيخ شنو يا ناذر ما ياها دي أمثالنا هو أناجبت حاجه من عندي




أخي الفاضل سلام
الأخ ناذر ماقصدو أنك جبته حاجة من عندك لكن نص المثل بدلّت فيه كلمة

وهناك الكثير من الأمثال السودانية تجد فيها كلمة يستحي الأخوة من ذكرها خوفاً من أن يمشي البوست للخور..... لكن عندما تحرّف الكلمة من موضعها لهذا السبب تجد أن المثل فقد الكثير والدلالة العميقة بوجود تلك الكلمة التي حذفّت

مثلاً هذا المثل

العندو القرش بحنّن طيــــــــــــــ ( ما أضانو ) وتمامها براك ما تجو تسونا في مشاكل

لك وللأخ ناذر التحية والتقدير

خالد محجوب

Post: #72
Title: Re: قاموس" اللؤم" عند السودانيين
Author: tasneem
Date: 01-13-2007, 12:10 PM
Parent: #70

سلام شباب

قبال النفاس الريحة نحاس

الما عندها بنية مدفونة حية

Post: #73
Title: Re: قاموس" اللؤم" عند السودانيين
Author: خالد علي محجوب المنسي
Date: 01-13-2007, 12:17 PM
Parent: #72



* أمـــها ميته وأبــــوها مشى الحجاز

يضرب هذا المثل عندما يكون هناك شخص يفعل مايشاء وما عنده رقيب ولا عتيد

* دا أمير ودا أمير ... ومنو البركب الحمير ؟؟

يقال هذا المثل عندما يكون جمع من الناس وكل منهم يريد أن يقودهم وتمشي كلمته

Post: #74
Title: Re: قاموس" اللؤم" عند السودانيين
Author: هشام المجمر
Date: 01-13-2007, 01:09 PM
Parent: #1

يا خالد المنسى

سلام

يا زول ما تبارى ناذر فى الكلام

" الببارى الجداد بودى الكوشة"

و الببارى ناذر بيودى البوست الخور

Post: #75
Title: Re: قاموس" اللؤم" عند السودانيين
Author: ناذر محمد الخليفة
Date: 01-13-2007, 02:07 PM
Parent: #1

تسلم كتير يا المنسي ..

زي نوع معاوية دا داير يلف ويدور وبعد دا يقول ما جاب حاجة من عندو (التقول الأضان دي ما جابا هو)

هاكم المثل دا :

العريبي لمن يتفلهم بجيب الإساءة لي أهلو !!

شنكل :

نايل الشايقي ...
أنا جبت حاجة من عندي .. تراهو مثل وحايم في البلد
خلي خيالك واسع ياخ

Post: #76
Title: Re: قاموس" اللؤم" عند السودانيين
Author: nile1
Date: 01-13-2007, 02:11 PM
Parent: #75

ناذر

ماهي الحكايه عكلته ونكد...عارف إنه مثل...بس إنت رأيك فيه شنو؟؟؟؟جاوب عشان نحدد نعمل معاك شنو؟؟؟؟

Post: #77
Title: Re: قاموس" اللؤم" عند السودانيين
Author: Kamal Karrar
Date: 01-13-2007, 02:12 PM
Parent: #1

شكارتها دلاكتها...
أها دي يقولوا فيها شنو...

يعني لو فهمت سياق المثل كما تقول الكلمات.. فإن المدلكة( وهي من تدلك العروس أستعدادا للزواج) لاتؤتمن على سر مما ترى..لكن طبعافعلا هي الأكثر تأهليا لذكر محاسن العروس المستخبية..

Post: #78
Title: Re: قاموس" اللؤم" عند السودانيين
Author: ناذر محمد الخليفة
Date: 01-13-2007, 02:16 PM
Parent: #1

نايل ...

Quote: ماهي الحكايه عكلته ونكد...عارف إنه مثل...بس إنت رأيك فيه شنو؟؟؟؟جاوب عشان نحدد نعمل معاك شنو؟؟؟؟


جنا الدابي مالو ؟!! عيبو لي !! يكتلوهو لييه بس ؟!!!

Post: #79
Title: Re: قاموس" اللؤم" عند السودانيين
Author: Moawia Mohammed
Date: 01-13-2007, 03:57 PM
Parent: #1

يا ناذر

أصلا المثل يتحدث عن جنا الدابي وجنا الانقريابي
وحكاية الشايقي دي تحريف ساكت من الناس


صنفره:
الانقرياب ديل بطن ولا فخذ ولا قبيله ما عارف في شمال السودان

Post: #80
Title: Re: قاموس" اللؤم" عند السودانيين
Author: Moawia Mohammed
Date: 01-13-2007, 04:07 PM
Parent: #1

Quote: أمثال لا تمت للواقع بشئ:

" الفقراء تقاسموا النبقة"


زمان يا هشام واحد حكي لينا انو النبقة دي امرأه كانوا الفقراء متشاكلين فوقا وما مقصود بيها النبقة بتاعت السدر المعروفه دي
ودا كلام منطقي لانو لو المقصود حاجه صغيرة كان قالوا الفقراء اتقاسموا السمسمة


بعدين اتذكرت برضو المثل البقول الما عارف يقول عدس
وقصة المثل دا غايتو الا يحكيها ليكم ناذر أنا ما بقدر

Post: #81
Title: Re: قاموس" اللؤم" عند السودانيين
Author: خالد علي محجوب المنسي
Date: 01-13-2007, 04:31 PM
Parent: #80



* البحر بياكل عوامّو

* سيد الرايحة بفتش خشم البقرة

خالد محجوب

Post: #82
Title: Re: قاموس" اللؤم" عند السودانيين
Author: ناذر محمد الخليفة
Date: 01-13-2007, 04:50 PM
Parent: #1

في مثل كدة غريب خلاص إتذكرتو هسي !!

لمن تشيل عربية أخوك أو صحبك شدة وما تقدر تدورا مهما حا ولت !! وتقوم تنادي لي سيد العربية وهو بي كل بساطة يقوم يدورا وبي نفس الخطوات الإنت ما قدرت تدورا بيها !! تقوم تستغرب وتقول ليهو : عليك الله دورت كيف وعملت ليها شنو ؟

متذكرين المثل البيقولو سيد العربية ولا اقولو ليكم أنا :

Post: #83
Title: Re: قاموس" اللؤم" عند السودانيين
Author: Elkhawad
Date: 01-13-2007, 05:08 PM
Parent: #82


ود الخليفة
دة زي ركوب االعجلة ما بتسي
مش
وكل زول بعرف ...............................

من الامثال الجد حارة لما تكون زعلان من زول ويجي بي طيبة نفس يسلم عليك
تقول لية

سلمية وزقاق ضيق
والله لا وراكم السلمية


Post: #84
Title: Re: قاموس" اللؤم" عند السودانيين
Author: خالد علي محجوب المنسي
Date: 01-13-2007, 06:35 PM
Parent: #83

Quote: متذكرين المثل البيقولو سيد العربية ولا اقولو ليكم أنا




قولوا يا زووول وكان حموك رسلو لي في الماسنجر وكان عندك غير كمان رسلو

لك تشكراتي ناذر وتحياتي

خالد محجوب شندي

Post: #85
Title: Re: قاموس" اللؤم" عند السودانيين
Author: ناذر محمد الخليفة
Date: 01-13-2007, 06:46 PM
Parent: #1

فضلة الحمار في الحنضل !!

بيقولوهو للزول البياكل بي شراهة وما فضل إلا حاجة بسيطة ويقوم يخليها وتكون أمو راجياهو يكملا عشان تغسل الصحن لمن يابا يكملا تقول ليهو بي زعل (فضلة الحمار في الحنضل) !!

يقال أن الحمار كان يأكل في حنظلا في مزرعة رعم مرارة الحنظل !! وعندما قضى على كل الذي وضع له ترك فقط حنظلة صغيرة ولما سألوه لما تركتها قال لهم وهو (يكرع) : الأخيرة دي مُرَة !!

Post: #86
Title: Re: قاموس" اللؤم" عند السودانيين
Author: Nasser Mousa
Date: 01-13-2007, 07:06 PM
Parent: #85

من الامثال قمة اللؤم

واحد يقول ليك
المشتهي الحنيطير يطير

Post: #87
Title: Re: قاموس" اللؤم" عند السودانيين
Author: خالد علي محجوب المنسي
Date: 01-13-2007, 11:33 PM
Parent: #86



* أصلو الخملّه ما بسمع نصيحة الهادي

* الضاق عضّة الدبيب بخاف من مجر الحبل

خالد محجوب شندي

Post: #88
Title: Re: قاموس" اللؤم" عند السودانيين
Author: هشام المجمر
Date: 01-14-2007, 05:39 AM
Parent: #1

شكرا للإخوة المتداخلين و الذين أثروا البوست بالفعل

من الأمثال العجيبة " السمكة لمن تشبعبتنط من البحر"

وهذا مثل يستعمله الناس غالبا لشخص ما قرر رفض عرض ما وقد إستعمله جعفر نميرى فى وصف عمال السكة الحديد المضربين فى السبعينيات وقام بعده بحملة إرهابية لم تطل العمال وحدهم بل طالت السكة حديد نفسها "فلم يبق فيها نفاخ النار"

Post: #89
Title: Re: قاموس" اللؤم" عند السودانيين
Author: Kamal Karrar
Date: 01-14-2007, 01:31 PM
Parent: #1

يقولون: قبل النفاس الريحة نحاس..

وأتساءل عن هل للنفساء رائحة غير رائحة الحليب المتدفق والحلبة التي تضمخ بها..

وأترك للقاري البحث عن متى يسااق هذا القول.

Post: #90
Title: Re: قاموس" اللؤم" عند السودانيين
Author: nile1
Date: 01-14-2007, 02:41 PM
Parent: #89

ناذر

Quote: جنا الدابي مالو ؟!! عيبو لي !! يكتلوهو لييه بس ؟!!!


جنا الدابي حاشاهو العيب

نداء...نداء ...نداْء
إلي جميع جنيات الشايقيه...في جميع أرجاء المعموره
كان لاقاكم جنا الدابي وجنا ود الخليفه....أكرر..جنا ود الخليفه....ما تقصروا معاهو..أكرر..ما تقصروا معاهو...و...الواعي ما بوصوه....نرجو إفادتنا عاجلا...عاجلا..

Post: #91
Title: Re: قاموس" اللؤم" عند السودانيين
Author: ناذر محمد الخليفة
Date: 01-14-2007, 05:27 PM
Parent: #1

نايل دا كلام شنو !!

Quote: إلي جميع جنيات الشايقيه...في جميع أرجاء المعموره
كان لاقاكم جنا الدابي وجنا ود الخليفه....أكرر..جنا ود الخليفه....ما تقصروا معاهو..أكرر..ما تقصروا معاهو...و...الواعي ما بوصوه....نرجو إفادتنا عاجلا...عاجلا..


إنت قريت المادة دي من لوائح المنبر ولا لا !

Quote: -17 الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ


أنا رسلت شكوى لي بكري لأنو كلامك دا إهدار دم عدييييل كدة .. ودي مواعيد بكري البيجي فيها يعني من هسي أمشي جهز ليك أكاونت في أقرب منبر من هنا (أظنو منبر الصداقة داك) ، عشان بعد نص ساعة حا تكون برة الجك وعشان تاني ما تعمل لي فيها حريف ..

بلا دابي بلا ورل معاك !!

خليك شاهد يا المجمر ..

Post: #92
Title: Re: قاموس" اللؤم" عند السودانيين
Author: خالد علي محجوب المنسي
Date: 01-14-2007, 05:41 PM
Parent: #91



* كان بالدين بسوّي الزين

* القسّمه تفوت أحلى البنوت

خالد محجوب شندي

Post: #93
Title: Re: قاموس" اللؤم" عند السودانيين
Author: ناذر محمد الخليفة
Date: 01-14-2007, 06:17 PM
Parent: #1

الطيرة المبارية السيرة !!

Post: #94
Title: Re: قاموس" اللؤم" عند السودانيين
Author: هشام المجمر
Date: 01-16-2007, 05:44 AM
Parent: #1

بعض قبائل السودان مشهورة بالردود المسيخة واللئيمة أكثر من غيرها و بيقول ليك الجماعة ديل ما بيفتشوا على الكلام. الدكتور عبد الله إبراهيم فى محاضرة ترجع للتسعينات كان قد تحدث عن هذا الموضوع فى قاعة الشارقة و نفى الإتهام عن تلك القبائل و إعتبر هذا السلوك نوع من سرعة البديهة مقرونة بشئ من الإبداع.

عموما نرجع لموضوعنا

" كاتل نفسو ما باكين عليهو" مثل صعب جدا

Post: #95
Title: Re: قاموس" اللؤم" عند السودانيين
Author: ناذر محمد الخليفة
Date: 01-16-2007, 02:33 PM
Parent: #1

تور الله في بلدو ..

نفسي أعرف معناتا شنو الجملة دي !!

Post: #96
Title: Re: قاموس" اللؤم" عند السودانيين
Author: هشام المجمر
Date: 01-16-2007, 02:33 PM
Parent: #1

من الأمثال المحبطة

" منو البقدر يقول البغلة فى الابريق"

وهو مثل يحض على الجبن

" الماعندو ضهر بينضرب فى بطنو". فى الوصولية وتجلياتها فى الواسطة والحسوبية

" شبهينا وإتلاقينا" . فى إزداء الأشخاص و التقليل من مكانتهم

Post: #97
Title: Re: قاموس" اللؤم" عند السودانيين
Author: هجو الأقرع
Date: 01-16-2007, 02:39 PM
Parent: #1

الاخ هشام سلام تقول النساء( ود ام الشطير ما فيه خير) كناية عن عدم امانة الرجال وتقول النساء
( الحسنة فى المايسواها ، مغسة على السواها ).
ومن الامثلة العامة

أفجخ البصلة قبل ما تبقى أصلة

العشر قام ليهو شوك

إن غلبك سدها وسع غدها

Post: #99
Title: Re: قاموس" اللؤم" عند السودانيين
Author: saadeldin abdelrahman
Date: 01-16-2007, 03:08 PM
Parent: #1

سلام هشام و ناذر و الشباب

هرشتونا بي كروتكم الحمراء و الصفراء دي

تقول نعم يقهموك بي "نعامة تزازيك!"

ما لقو غير النعامة دي ?
عشان جراية و رقبتها طويلة يعني ( شفتوا المضرة)
كان بقيت جراي برضو تجيبك بي فارق (الرقبة) من عنقرتك !
و بعدين المزازاة ما سمحة ( كتلوك ولا جوك جوك)

اها تقول لا يقولوا ليك "الوي حنكك"!
دي حالة دي?

ما قال لا قط الا في تشهده و لولا التشهد كانت لاءه نعم

ده لو جاء عندنا الا يبقى كارل لويس!

Post: #100
Title: Re: قاموس" اللؤم" عند السودانيين
Author: حسن الجيلى سعيد
Date: 01-16-2007, 04:08 PM
Parent: #1

الاخ هشام و الشباب

والله اهلنا بقولو

الجن بداوه كعبه الاندراوه

ترجمو لينا عليك الله كلمة الاندراوه دى بالذات ماعرفتا ليها تب

Post: #107
Title: Re: قاموس" اللؤم" عند السودانيين
Author: المسافر
Date: 01-17-2007, 08:56 AM
Parent: #100

ما ببقى لك مثل أبوك لكن بربيك

ده راجل الأم

في مغصة أكثر من كده

Post: #108
Title: Re: قاموس" اللؤم" عند السودانيين
Author: المسافر
Date: 01-17-2007, 08:57 AM
Parent: #107

لا ينفع البالي الترقيع ولا مع صاحب السوء السكات

يلا على الأعور في عينو

Post: #101
Title: Re: قاموس" اللؤم" عند السودانيين
Author: الجندرية
Date: 01-16-2007, 04:29 PM
Parent: #1

سلام يا هشام وضيوفه / ضيفاته

قبل كم يوم كنت بشرح لاولادي في المثل السوداني

(تبقى ليك لحسة كوع )


شفت ليك لائمة وكسير مقاديف اكتر من لحسة كوع دي ؟!!

الذ شي حمودي ولدي ( 9 سنوات ) قالي لي : يا ماما لحسة الكوع ما مستحيلة
الزول المصر على لحسة كوعه يعمل تعديل جيني ويختو ليه الجين البطول السان زي بتاع السحلية ، ويلحس كوعو؟

عجبني ليكم يا السودانيين ، امانة ما جيايكم جيل يقطع ليكم لائمتكم دي في راس ثقافتكم المدوقس دا

Post: #102
Title: Re: قاموس" اللؤم" عند السودانيين
Author: Mohammed Haroun
Date: 01-16-2007, 05:20 PM
Parent: #1

الزعلان يقع الخزان
الفلهمة العورة وشيل البطارية في القمرة.
الجمل ما بشوف عوجة رقبتو.
التسوي كريت في القرض تلقى في جلدها.
السواي ما حداث.

وللبقارة كلام عجيب شويه:

مالك يا شيلك الحراب ولا ملا خشمك تراب
يا أم عنقرة مملوطة شن جابكي للبوطة.

بوستكم زريف يا أخواني ... والله عجباني بلهين.

Post: #103
Title: Re: قاموس" اللؤم" عند السودانيين
Author: خالد علي محجوب المنسي
Date: 01-16-2007, 06:02 PM
Parent: #102

Quote: الجن بداوه كعبه الاندراوه



الجن هو معروف مس من الشيطان وهذا علاجه معروف بالقرآن
أما الأندراوة فهي حالة نفسية واحباط يصيب الأنسان نتاج مشاكل تتعقد في داخله ويصعب علاجه والإنسان المصاب بالأندراوة دائم السرحان وكان قعد في الواطه تلقى يشخبط ويمسخ

وزي ما قال الشاعر سماعين ود حسن في وصف حالة وليد بت ودخير في مصر

وأنا قعد زي فاقدّن مزوزو
وأجرجر في التراب
ودر حجابي

ولكم مودتي وتحياتي

خالد محجوب

Post: #104
Title: Re: قاموس" اللؤم" عند السودانيين
Author: خالد علي محجوب المنسي
Date: 01-16-2007, 06:05 PM
Parent: #103



* بجي الخريف واللواري بتقيف

* الخبر بصل الريف وعند سيدو بقيف

خالد محجوب

Post: #105
Title: Re: قاموس" اللؤم" عند السودانيين
Author: هشام المجمر
Date: 01-17-2007, 07:22 AM
Parent: #1

يا ناذر سلام

"تور الله فى بلد الله"
معناها ... ولا اقول ليك أحسن أقرب ليك المعنى

"تور الله فى منبر بكرى".. عرفتو ده منو؟

بس خليك ساكت..هس ولا كلمة

شكرا هجو الأقرع و سعد الدين إبراهيم على المشاركة وما تنقطعوا

حسن الجيلى

سلام

وشكرا المنسى على شرح كلمة الإندراوة

الجندرية

تحياتى

والله ولدك عجبنى شديد
ما دام بيقدر يلحس الكوع .. ما عندنا كلام
ما ود الجندرية

Post: #106
Title: Re: قاموس" اللؤم" عند السودانيين
Author: حسن الجيلى سعيد
Date: 01-17-2007, 08:38 AM
Parent: #1

العزيز خالد محجوب

شكرا جزيلا على الشرح وطبعا الناس البتكتب وتمسح فى الواطه ما ناس الاندراوه براهم ناس الصقعة تلاقيهم اكتبو وامسحو برضو ههههههه

والله يا هشام فى مثل ما قاطعو من راسى

الناس غنم والباشا خروف

السمع بيهو اعمل لينا confirm

Post: #110
Title: Re: قاموس" اللؤم" عند السودانيين
Author: Hamid Elsawi
Date: 01-17-2007, 10:55 AM
Parent: #106

العزيز هشام و ضيوفه الكرام في هذا البوست
لكم تحياتي و امنياتي بعام سعيد للجميع
ان تفسير أي مثل يتجاهل أو يتناسي الظوف التي قيل فيها يغرغة
من مدلوله أو معناه.
مثل الأخ ناذر الذي كاد أن يعطيه الكرت الأحمر سمعت انه أول ما ورد
علي لسان أحد الشيوعيين في السبعينات من القرن المنصرم ((يا عجايز))
عندما كان يتحدث عن مايو و علاقة الشيوعيون بها حيث قال مايو بقت زي العروس
ال ببخروا فيها و هي بت..........) و ربما كان هذا المثل قبل ذلك التاريخ.
((أنا ما عجوز للدرجة دي)). و هاكم دي
الما دارك ما لامك
.... الما دارك (بمعني الريدة) ما لامك(بمعني اللوم)- بتشديد اللام-
وهذا المثل يجمع بين نقيضين
دارك... رادك...استلطفك...أحبك....الخ من قاموس الحب و المودة ...
و لامك أي أكثر من اللوم عليك عددالمواقف التي لم تحسن فيها التصرف ((غض النظر عن أن ذلك
تم عن حسن نيه أم لا)) - مع افتراض أن عدم حسن النية هو الغالب - من قاموس الكراهية و البغض...
فكيف نبرر هذا بذاك .... و نكون متصالحين مع دواخلنا؟؟؟؟

Post: #109
Title: Re: قاموس" اللؤم" عند السودانيين
Author: أبوالزفت
Date: 01-17-2007, 10:26 AM
Parent: #1


يحسدوا القرد على حمار .......

Post: #111
Title: Re: قاموس" اللؤم" عند السودانيين
Author: ناذر محمد الخليفة
Date: 01-17-2007, 06:46 PM
Parent: #1

المجمر ...

هاك المثل دا :

الما بتعرف تتدخّن بتحرق ......

شنكل :



!!!!!!

Post: #112
Title: Re: قاموس" اللؤم" عند السودانيين
Author: خالد علي محجوب المنسي
Date: 01-17-2007, 08:25 PM
Parent: #111



الحبيب ناذر
مسّاك الله بالخبر
والله حيرتني عديل قدرّته تلقى الطريقة المعبرة جد

لك التهاني على ابدّاعك الرائع

خالد محجوب

Post: #113
Title: Re: قاموس" اللؤم" عند السودانيين
Author: Mohammed Haroun
Date: 01-17-2007, 09:23 PM
Parent: #1

تور الله الأنطح
عين الحسود فيها العود


تحياتي

Post: #114
Title: Re: قاموس" اللؤم" عند السودانيين
Author: ناذر محمد الخليفة
Date: 01-18-2007, 00:14 AM
Parent: #1

خالد علي..

Quote: الحبيب ناذر
مسّاك الله بالخبر
والله حيرتني عديل قدرّته تلقى الطريقة المعبرة جد

لك التهاني على ابدّاعك الرائع

خالد محجوب


ولسع الجايات كتير ..

حا اديك كبسولة واحدة عند اللزوم

أمال نحن قاعدين في المنبر دا لييييه !!!

Post: #115
Title: Re: قاموس" اللؤم" عند السودانيين
Author: Nasser Mousa
Date: 01-18-2007, 01:37 AM
Parent: #114

يقول ليك
كان زعلان اقع البحر
او
كان زعلان طق

عاطر التحايا
ناصر موسى

Post: #116
Title: Re: قاموس" اللؤم" عند السودانيين
Author: هشام المجمر
Date: 01-18-2007, 05:51 AM
Parent: #1

المسافر

تحياتى

واكرر تعازى الحارة فى وفاة والدكم رحمة الله عليه

شكرا على المساهمة


هارون

سلام

شكرا على المشاركة المميزة بالأمثال الكردفانية أرجو إيراد المزيد منها

حسن الجيلى سعيد

سلام

الناس غنم والباشا خروف؟؟؟؟؟؟؟؟؟؟؟؟؟؟؟؟

بس واصل

Post: #117
Title: Re: قاموس" اللؤم" عند السودانيين
Author: أبوالزفت
Date: 01-18-2007, 10:19 AM
Parent: #1


هيوفة بت القدال رسلوها للنار فاتت تكوس الرجال

Post: #118
Title: Re: قاموس" اللؤم" عند السودانيين
Author: انتصار محمد الشيخ
Date: 01-18-2007, 11:06 AM
Parent: #1

الأخ هشام المجمر

السلام عليكم ورحمة الله تعالي وبركاته
والتحايا لكل مشاركي هذا البورت

اراكم جميعا قد انحرفتم وخرمتم خارج الموضوع وهو اللوم عند السودانيين وقلبتوا موضوع البورت لامثال سودانية وهذا مفترض ان يكون موضوع قائم بذاته حتي صاحب الموضوع لم ينتبه نفسه انه خرج عن نطاق ولب الموضوع

عموما الشعب السوداني شعب طيب وبسيط وحنين ومترابط والما دارك ما لامك يعني اذا هناك شخص عاتبك بيكون قاصد بزيل الجفا الحاصل بينك وبينه لا اكثر او ينبهك بعدم اهتمامك به بس طريقة الوم بتختلف من شخص الي اخر فاحيانا يكون اسلوب اللوم لاذع قاسي وغير مرضي يودي الي نتائج عكسية

واتمني للجميع خارج وداخل الوطن دوام التواصل والمحبة وان يزول الجفاواللوم والعتاب
ودمتم

Post: #119
Title: Re: قاموس" اللؤم" عند السودانيين
Author: هشام المجمر
Date: 01-18-2007, 11:08 AM
Parent: #1

حامد الصاوى

سلام

وشكرا على المساهمة

أبو الزفت

تحياتى

شكرا للمساهمة
حكاية القرد دى بتودى البوست الخور
عندك كرت أصفر

Post: #120
Title: Re: قاموس" اللؤم" عند السودانيين
Author: عبد الدائم سيد أحمد
Date: 01-18-2007, 11:53 AM
Parent: #1

على قول حبوبتى
البوبار وفك الزرار وجيب الثلاجة فى بيت الايجار
ووحدة دعاية تقول
شكيتك شكيتا" لا تتخاتا ولا تتباطا ولا تقع الواطا

قبلـــكم وحـــدكـم يا ناس البورد

Post: #121
Title: Re: قاموس" اللؤم" عند السودانيين
Author: حسن الجيلى سعيد
Date: 01-18-2007, 01:20 PM
Parent: #1

ود المجمر وبقية العقد الفريد سلام

ناذر اخونا دا بتكلم معانا بالشفرات وحات خوتكم ما فهمتو قاصد شنو بالناقة الفى الصورة دى مزيد من التوضيح والشفافية.....

--------------------------------------------

واهلنا بقولو

شهر ما عندك فيهو نفقة ما تعد ايامو

Post: #122
Title: Re: قاموس" اللؤم" عند السودانيين
Author: ناذر محمد الخليفة
Date: 01-18-2007, 01:24 PM
Parent: #1

حسن الجيلي ...

Quote: وحات خوتكم ما فهمتو قاصد شنو بالناقة الفى الصورة


دي ما ناقة دا جمل عاين كويس يا زول

Post: #123
Title: Re: قاموس" اللؤم" عند السودانيين
Author: ناذر محمد الخليفة
Date: 01-18-2007, 07:24 PM
Parent: #1

وجدت هذا المثل الغريب في بوست لمعاذ حسن مرفق معه الشرح :

الفره التودر الجمل ولا العقله أم بوم

ومعنى هذا المثل انه بدلا من أن تجلس هكذا مثل البومة مصاقرا الكمبيوتر أو مصاقرا زوجتك فانه يجدر بك أن تسرج بعيرك وتخرج لتلتقي بالناس, حتى لو أدى هذا الخروج لان تضيع بعيرك وتعود راجلا ليس هذا أمراً ذي بال المهم انك خرجت.

Post: #124
Title: Re: قاموس" اللؤم" عند السودانيين
Author: tasneem
Date: 01-19-2007, 08:40 AM
Parent: #1

سلام شباب

الما عندها بنية مدفونة حية

تطلقها النساء علي المراة البيتها كله اولاد
لمن تجي داخل البيت تلقي السراير بالمراتب والبطاطين في الحوش و الاولاد قاعدين في ضل الشجرة
وامهم جوة تعبانة وكان جيت ليها ما عندها زمن تتونس لان الوقت كله تقضي في ضيافتك عكس ام
البنات البيت مرتب وفيه لمسات جمالية والام متحكرة للشمار وتنادي يا سلوي تعالي اخلطي البن وسخني الشاي
يا تسنيم تعالي عصري لخالتك سعدية دي عندها وجع كرعين والرطوبة متعباها
وخالتك مريم عاوزاك تكتبي لها جواب لولدها الفي السعودية القطع القريشات دا


تعرفوا ما المقصود بهذه العبارة(وش الدستة)
اكيد نازر يعرف

Post: #125
Title: Re: قاموس" اللؤم" عند السودانيين
Author: هشام المجمر
Date: 01-20-2007, 01:15 PM
Parent: #1

شكرا عبد الدائم

تسنيم

الجيلى

ناذر

و" كل ديك فى بلدو عوعاى"

Post: #126
Title: Re: قاموس" اللؤم" عند السودانيين
Author: هشام المجمر
Date: 01-21-2007, 05:58 AM
Parent: #1

هناك مثل سمعته كثيرا من أحد الجدات بالدناقلة ولكن لا أذكر الكلمات بالضبط وهو مثل لئيم جدا فى حق المرأة المطلقة بمعنى أنها لو كانت زينة ما كانت بتفارق مراحها.

لو تذكر أحدكم هذا المثل فليورده.

Post: #127
Title: Re: قاموس" اللؤم" عند السودانيين
Author: أبوالزفت
Date: 01-21-2007, 09:04 AM
Parent: #1


غلفاء وشيلا موسها تطهر

Post: #128
Title: Re: قاموس" اللؤم" عند السودانيين
Author: غباشي
Date: 01-21-2007, 01:29 PM
Parent: #1

Quote: محمد البشرى واحد عاوز يسجل موقف للتاريخ
Quote: بهذا أعلن توقفي عن الكتابة هنا
وجاكات من النوع دا
قوموا الجماعة بنفس واحد:
Quote: قطر عجيب
Quote: قشة ما تعتر ليك
و حاجات زي دي.
عليك الله في لؤم أكتر من كدا

طبعا صاحب الموقف ده بيكون مؤمل الجماعة يحنسوهو ... لكن جروا بيهو هوا

Quote: سعد الدين ناس يدوها الكرت الاحمر و لما ترجع (بعفو عام)
يقولوا والله انتو من غيرنا ما تسووا بصلة !


و الله لئامة شديدة و قوة عين

Quote: ناذر هاك دي : يبخرو فيها وهي بتضرط !!



Quote: معاوية العندو القروش بحنن أضانو
النار تخــ....... الرماد

Quote: ناذر علا عندي واحد قريب ليهو حا اكتبو ليك في المداخلة الجاية وأعملو حساب الخور

Quote: معاوية طالع السماء بجـ....... دليل علي التكبر والقرضمة زي عريان ولابس صديرية
طيـ........ في لباس دليل علي الخوة والصداقة
كان غلبك سدها وسع قـ ....... دليل علي اليأس والاستسلام زي عايره وأدوها سوط

Quote: ناذر
ولما سألوه لما تركتها قال لهم وهو (يكرع) : الأخيرة دي مُرَة !!


يا ناذر كان انت كان معاوية الإتنين مستهبليييين
معاوية مستهبل و ناذر مستهبل أكتر منو و بالطريقة دي أنتو حتخلوا يوم شكري قريب لأني من الضحك ما قدار أقوم على حيلي ....و عشان إستهبالكم انتو الإتنيين كدي هاكم المثل ده
شبهينا و إتلاقينا


Post: #129
Title: Re: قاموس" اللؤم" عند السودانيين
Author: ناذر محمد الخليفة
Date: 01-21-2007, 01:49 PM
Parent: #1

غباشي ..

Quote: شبهينا و إتلاقينا


تعرف يا حبيب عندنا واحد معانا هنا في المنبر بيشوت ضفاري في المناقشات السياسية وعندو مثل بيستعملو طوالي وما عندو غيرو (عبد الواحد وكدة) لمن تغلبو الفكرة بيكتب (الطول طول النخلة والعقل عقل السخلة)

صنفرة :

الشي المحيرني زولنا دا عرف كيف داك طويل زي النخلة وهو لا شافو لا شاف صورة بروفايلو !!

Post: #130
Title: Re: قاموس" اللؤم" عند السودانيين
Author: Moawia Mohammed
Date: 01-21-2007, 02:09 PM
Parent: #1

Quote: شبهينا و إتلاقينا



يعني يا ناذر داير يقول لينا اتلم المتعوس علي خائب الرجاء

Post: #131
Title: Re: قاموس" اللؤم" عند السودانيين
Author: غباشي
Date: 01-21-2007, 03:12 PM
Parent: #1

Quote: ناذر الشي المحيرني زولنا دا عرف كيف داك طويل زي النخلة وهو لا شافو لا شاف صورة بروفايلو !!

ما يمكن علاقتو كويسة بالسخلة ... تكون حكت ليهو عنو

Quote: معاوية يعني يا ناذر داير يقول لينا اتلم المتعوس علي خائب الرجاء

يا حبينا يا ود الصحافة دايرينك في الحلة بيغادي في ضيوفك منتظرنك .... و عندهم ونسة كتيرة معاك ..... ناذر ده دما تقعد معاهو كتير وعشان ما تبقى ظاهرة إستأذن منو و تعال D
مع السلامة يا ناذر

Post: #132
Title: Re: قاموس" اللؤم" عند السودانيين
Author: محمد البشرى الخضر
Date: 01-21-2007, 09:15 PM
Parent: #131

واحدة لئيمة ركبت المواصلات . و ما لقت كرسي

في واحد لئيم قاعد في كرسي , عاينت ليه شديد في عينه

طنشها, جات وقفت جنبو , برضو طنشها

قالت " يا حليل الرجال البيقوموا للنسوان"

بكل لئامة قال " و يا حليل النسوان البيقعدوا قي بيوتن"

Post: #133
Title: Re: قاموس" اللؤم" عند السودانيين
Author: غباشي
Date: 01-21-2007, 09:53 PM
Parent: #1

و د البشرى يديك العافية ....
وهاك دي
قال ليك عمك سواق تاكسي راجع بيتهم عشان يتغدى و شايل معاهو عيش الغدا ... أها في السكة قام لقى ليهو بنتين ساكنات في نفس حلتهم ... وقف ليهم طبعا إتحرج من يقاولهم , و البنات داقين الطناش ... بعد ما ركبوا قبل عليهم و مد ليهم كيس العيش و قال ليهم هاكم يا بناتي أكلو عشان يبقى بيناتنا عيش ملح ... قامت واحدة لئيمة قطعت ليها قعر عيشة و ردت عليهو و الله يا عمو العيش و شلناهو لكن وينو الملح ... عمك إتضايق منها ونزل من الشارع و قال ليها أمال انتي هسع راكبا بقروشك ما راكبة ملح

Post: #134
Title: Re: قاموس" اللؤم" عند السودانيين
Author: هشام المجمر
Date: 01-22-2007, 05:46 AM
Parent: #1

شكرا يا جماعة إنتو الظاهر قلبتوا على النكت وكده
مسموحة شرطا نكت ما تودينا الخور

من الأمثال المسيخة ذات الأصول المصرية

" يا خبر الليلة بفلوس بكرة ببلاش"

" إقلب القدر على فمها تطلع البنت لأمها"

Post: #135
Title: Re: قاموس" اللؤم" عند السودانيين
Author: غباشي
Date: 01-22-2007, 07:35 AM
Parent: #1

الخيل تجقلب و الشكر لحماد

لكن هسي بقى العكس

حماد يجقلب و الشكر للخيل

Post: #136
Title: Re: قاموس" اللؤم" عند السودانيين
Author: محمد البشرى الخضر
Date: 01-22-2007, 02:01 PM
Parent: #135

Quote: يا جماعة إنتو الظاهر قلبتوا على النكت وكده


يا معلم الحكاية الفي الباص دي ما نكتة و حصلت بالجد

أها هاك واحدة تانية

الجماعة في الكوتشينة, واحد شحد التاني سجارة أداها ليه , قاليه "ولعة" أداها ليه

بعد شوية قاليه " سفة بالله"

اللئيم مدا ليه الكيس و قاليه " ما داير ليك شلوفة"

Post: #137
Title: Re: قاموس" اللؤم" عند السودانيين
Author: ناذر محمد الخليفة
Date: 01-22-2007, 02:22 PM
Parent: #1

Quote: الجماعة في الكوتشينة, واحد شحد التاني سجارة أداها ليه , قاليه "ولعة" أداها ليه

بعد شوية قاليه " سفة بالله"

اللئيم مدا ليه الكيس و قاليه " ما داير ليك شلوفة"



Post: #138
Title: Re: قاموس" اللؤم" عند السودانيين
Author: هشام المجمر
Date: 01-23-2007, 07:35 AM
Parent: #1

محمد البشرى الخضر

تحياتى

ذكرتنى واحد صاحبنا كان عندو موهبة فى التنكيت

و كان لمن يقول ليك نكتة قوية وتضحك شديد

يقول حصلت..حصلت

Post: #139
Title: Re: قاموس" اللؤم" عند السودانيين
Author: أبوالزفت
Date: 01-23-2007, 08:31 AM
Parent: #1


الفى الزير بيبينو المقراف

Post: #140
Title: Re: قاموس" اللؤم" عند السودانيين
Author: محمد البشرى الخضر
Date: 01-23-2007, 09:51 AM
Parent: #139

Quote: ذكرتنى واحد صاحبنا كان عندو موهبة فى التنكيت

و كان لمن يقول ليك نكتة قوية وتضحك شديد

يقول حصلت..حصلت


يا معلم مصر ما تصدق

بالذات بتاعة الكوتشينة دي أنا حاضرها

و بطلها من سكان الصحافة 38 - يمكن غباشي يعرفو

ما علينا...

أديك مثال تاني على اللؤم السوداني

و احد يحكي ليه موقف لئيم - يكتبه في بوست عن اللئامة

يقوم سيد البوست يغالطو في روحو و يبقى ليه في رقبته

و يقول ليه دي نكته و أنا خاشيها قبل كدا

أها قابلتك لئامة زي دي

بتاع....
عليك الله قول لي دي نكتة كمان
لا عليك الله قول
لا قول...

Post: #141
Title: Re: قاموس" اللؤم" عند السودانيين
Author: هشام المجمر
Date: 01-23-2007, 10:10 AM
Parent: #1

محمد البشرى خضر

سلام

يظهر عليك دقست يا فردة

ده ما لؤم

دى غلاط وعنقدة

زمان كان عندنا واحد صاحبنا عنقود جدا. مرة كان راكب مع واح برضو صاحبنا فى عربيتو ماشين مشوار مع بعض. صاحبنا السايق السيارة طلع صندوق سجاير شال واحدة وأده التانى الصندوق عشان يشيل سجارة. صاحبنا العنقود شال سجارة من الصندوق و رماه من شباك العربية قام داك سألو يا فلان رامى الصندوق لييه؟ قام صاحبنا رد عليهو وقال ليهو رميتو عشان فاضى. قام صاحب الصندوق قال ليهو الصندوق ده بتاعى أنا وكان فيهو تلاتة سجاير شلت انا واحدة وانت شلت واحدة وفضل فيهو واحدة تقوم ترميهو. صاحبنا قال ليهو :لالالا مافضل فيهو واحدة أنا بعد ماشلت السجارة دخلت أصبعى جواهو كدة وفتشت وما لقيت أى سجارة عشان كدة رميتو. والجماعة دخلو فى غلاط شديد جدا وفى النهاية قرروا فضا للنزاع يرجعو محلة الصندوق.

أها لمن رجعو لقو الصندوق فى نفس محلو. وقفوا العربية وصاحبنا صاحب الصندوق نزل و إلتقطو و فتحوا وطلع منو سجارة وراها لصاحبنا الرمى الصندوق واصر انو فاضى. قام عاين كدة وقال ليهو : ده ما نفس الصندوق.

والله حصلت..

Post: #142
Title: Re: قاموس" اللؤم" عند السودانيين
Author: حسن الجيلى سعيد
Date: 01-23-2007, 12:48 PM
Parent: #141

Quote: والله حصلت..

ود المجمر مصدقينك من غير حليفة

Post: #143
Title: Re: قاموس" اللؤم" عند السودانيين
Author: محمد البشرى الخضر
Date: 01-23-2007, 03:24 PM
Parent: #142

Quote: دي غلاط و عنقدة


أهـــــــا يا عمك, براك قلبت إتجاه البوست - بيني و بينك أحسن البوست كلو لؤم

مادام جيت للعنقدة , هاك دي - الغريبة حكاها لي زولك بتاع 38 :
قاليك يا معلم في واحد عنقاد صعب خلاص ما بيفوت أي حاجة - زي الحبشي-
و الأحداث دي في جبال النوبة و الدنيا خريف و الطريق عادة بينقطع ستة شهور
الجماعة بيتونسوا واحد كان في الخرطوم قبل الخريف داير يقشر و يطلع بالجماعة العالي
قال : " ناس الخرطوم جابو سجاير جديد إسمو زنوبة الواحدة طول كدا" , و معاها تمثيل بيدو للطول المفترض للسجارة يجي بتاع 40 سم كدا
طوالي عمك العنقاد داك إتناول قطعة دبارة من أقرب شوال و قاليهو :"قلت قدر كيف؟" و قعدوا يعبروا فيها, لما قطعها قاليهوا قدر دي داك وافقو , عمك العنقاد قال تمام و طبق الدبارة ختاها في جزلانه.

إن شاء الله بعد ستة شهور الخريف إنتهى, و الطريق فتح, عمك ركب جا الخرطوم و على نمرة إتنين طوالي إشترى علبة زنوبيا.
رجع البلد قبل مايغشى بيتو, مشى على الزول بتاع السجارة .دق الباب, فتح ليه زولو , بدون سلام طوالي خش فيه
" إنت و احد كضاب, دي ما ياها الدوبارة , و دي ياها زنوبتك .أسي في زمتك دي قدر دي؟"

أها يا معلم رايك شنو في العنقدة دي

و برضو حصلت

Post: #144
Title: Re: قاموس" اللؤم" عند السودانيين
Author: هشام المجمر
Date: 01-24-2007, 07:34 AM
Parent: #1

محمد البشرى

تحياتى لك و للعنقود الأصيل من جبال النوبة

ما دايرين نغير اتجاه البوست لكن أشهر ما قيل فى العنقدة أن أثنين من اكبر العناقيد تم إختيارهم لمسابقة أكبر عنقود. قام واحد منهم مشى للتانى فى البيت و دق على الباب العنقود الجوه قال ليهو ده منو قام البره قال ليهو ده أنا. رد الجوة قائلا ده ما إنت.

أها قاومو طوالى نصبو شيخ العناقيد.

خلينا منهم ديل موضوعهم طويل وحكاياتهم أطول. نرجع لموضوع البوست:

مثلين لئيمين

سودانى:

" القرد فى عين أمو غزال"

مصرى:

" يا ماخد القرد على مالو بكرة يروح المال ويصبح القرد على حالو"

Post: #145
Title: Re: قاموس" اللؤم" عند السودانيين
Author: غباشي
Date: 01-24-2007, 03:18 PM
Parent: #1

ود البشرى
ده منو ده الزول بتاع 38 ... أكتبه لي في المسنجر

ود المجمر
لكن ما غالاااااااااط !!! أوع تكون شايل معاك دبارة !!!

Post: #146
Title: Re: قاموس" اللؤم" عند السودانيين
Author: محمد البشرى الخضر
Date: 01-24-2007, 08:54 PM
Parent: #145

(يا معلم بعد إذنك
ما عاوز أغير الإتجاه ,لكن دي غلبني أفوتها.)

بالنسبة لشيخ العنقادين
ماشين بعيد ليه؟
عندك بقال,
كيكي
ناس العدل و المساواة
خالتو تراجي
و نص البورد
قايمين قاعدين يقولوا ليه الحكاية تشابه أسماء و مفروض يعتذر
و هو راسه و الف سيف إنو كلامه صاح
لما الجماعة زنقوه , وجابو ليه البيان
قاليهم" طيب, كيكي ليه يمشى أديس أبابا في البرد دا و الدنيا عيد؟."

رأيك شنو ؟ مش شيخ العنقادين
آسفين مرة تانية لتحويل أتجاه بوستك العاجبك دا

Post: #147
Title: Re: قاموس" اللؤم" عند السودانيين
Author: هشام المجمر
Date: 01-25-2007, 06:08 AM
Parent: #1

محمد البشرى
سلام

ما تخرب لى بوستى العاجبنى و تجيب لى اسماء ناس معانا هنا فى البورد

هذا ضد سياسة المحطة

مما يستوجب معه منحك كرتا أصفرا

ولكن نسبة لسجلك قررنا إنذارك شفهيامع وقف التنفيذ