قام اتعزز البرسيم عشان بالغنا في سقايته

مما يشق علي النفس ويجعلها تأسي أن لا يفهم الأخر ما هو مقصدك أو مرماك أو هدف حديثك وفعلك مما يفرغ نهجك من محتواه أو ما أريد له ... حين هجرت المنبر كنت واضحا في بوستي الذي سقت أسبابه ... لم يكن فيها أي اسبابي أنى غاضب من أحد أو حردان أو( زعلان ) من شخص ليقوم بإرضائي الآخرون و(تحنيسي ) حتى أعود إلى المنبر مما يوحي باني حردان أو واقع في خصومة مع أحد .... وأنا والآخرون من هذا براءة ...وقد كنت واضحا جدا في أنى هجرت المنبر حفظا لنفسي ونايا بها من الدخول أو الوقوع في مرمي نفس غير امينه وغير نزيهة من اجل كسب حزبي مؤقت بإمكانها أن تفعل ما يسئ إلى مثلا تكسب كسب حزبها وترديني نهبا لافترائها ... وكلكم رأيتم حال منبركم هذا في أيامه السابقة ومدي الانحطاط الذي هوي إليه والدرك الذي اصطدم به من علو ....
مكابر من يقول ان ليس للمنبر سلطانه وآمريته وسطوته وكاذب إذا قلت أنى لم اشتاق إلى المنبر طيلة هذه الفترة السابقة فأنا لا انكر إطلاقا بإدماني هذا المنبر ولكن كنت طيلة الأيام الفائتة أقاوم هذا الأمر لقناعتي الشخصية والنابعة من ان نافخ الكير لا محالة محرقا ثيابك او زاكمك بريح منتنة والمنبر أيامها كان اكبر كير ينفخ في نظري لذا نأيت بحثا عن بعض مسك يعبق النفس ويعيد إليها سكونها ... تآمر علي شوقي وإدماني للمنبر وحب بعض أنقياء استمروا يطوقوني بحبهم والسؤال عني والي اليوم وكما أرى ان البعض لم يألوا جهدا في مهر توقيه لإجباري علي الحضور ... اما الإدمان فهو مقدور عليه وهو ما كنت افعله أما حب من احب وحب من يطوقني فهو اكبر من طاقة التحمل لدي أولا وثانيا كي لا أكون جاحدا ومكابرا ومتكبرا وحاشا لله أن أكونه رغم ان السؤال والتوقيعات كانت تصورني باني حردان كما صدرت قولي إلا إنها تظل جمائل علي عنق حبي يجب ردها وأنا لست المغرور المكابر ....
لا انكر ان عزمي وتصميمي هذه المرة كان كبيرا وكنت لارجو ان لا يكون لي عودة بعدها لان الأمر كان اكبر من مجرد حردة مؤقتة وتزول او زعلة تنتهي بالصلح الأمر كان أمر قناعة ورؤية ..الا ان مثالنا دوما حاضرة في مثل هذه الأمور وليست سقاية العليق من اجل الورود ببعيدة عن ذهني .؟
كما ان هناك أمورا رايتها تستشري في ان البعض اصبح (يبرطع ) يمينا ويسارا دون سائل له, والبعض اصبح يفتري في العباد ويصور نفسه علي انه بطلا وهو مجرد( نكرة ) وان البعض اصبح (ملولو) يحتاج من يقومه وزي ما بيقول المثل بلدا ما فيها تمساح يقدل فيها الورل .
من اجل جيشا من الأحبة طوقوني بجميل حبهم في هذا المنبر مترجين مني عدم ذهابي واخرين طالبين من العودة واخرون موقعون لعودتي دون أسماء كي لا انسي... من اجل بعض ذكريات وسطوة للمنبر ... ومن اجل كم ورل وبضع أوغاد أعود .. وان كنت لا احمده لان هذه الديار ارض نزال غير نزيه ...

حمد لله على السلامة

وإن شاء الله بس ما نكون من الاوغاد ديل الراجع عشانهم

لكن بالجد ليك وحشة

كيف حالك يارجل حمد لله على السلامة و 1000مراحب

الاخ انور
لا جزيل شكري واصيل حبي وكل الود

الاستاذة اماني لك الشكر اجزله حاشا لله ان تكوني منهم
وايضا لكم القكم عندنا

حمدالله على السلامة
والعود أحمد

أهلا وسهلا بحبيبنا أساسى ، الذى أصبح فعلا (أساسى) فى المنبر من حيث ندرى ولا ندرى

مراحب بالحبيب الجميل

العزيز يا زول
لك اجزل الشكر علي الكلمات في حقي وربنا يقدرنا علي رد جمائلكم

الاستاذ عاطف عبد الله
جميل ان اقرا من شخص في مقامك كملت طيبات في حقي زدنني قناعة بان هذه الديار فيها من يجب احترامه وتبجيله كلمات من شخص في مقامك لدينا حين تصدر في حقي تواريني الخجل ان اكون متكبرا ومعاندا فلك جميل الود واجزل الشكر علي هذه الدعوات الكريمات وسيل من احترامي

ود عمي اساسي
الف حمد الله علي السلامة
انت كنت مسافر ولا شنو
فقدناك والله

والله يا اساسي .. يا اخوي ..
لمن اقرأ كلامك ..
دايما ..
بجيني روح معنوية ..
وبتذكر أيام الخدمة الألزامية ..
وتنتابني رغبة اقوم اشيل جلالة ..
وافتش لي علي لستك .. اولع فيهو ..

صباحاتكم بنكهة
البرتقال

الاوغاد ايضا يفتقدهم الناس

لكنهم يعودون ..
ربما اكثر اشراقا
او اشد وغ......
منهم لله اللي كانوا السبب
طفشوك وقعدووووووا

الشرير البرتقالي
صباحاتك بنكهة الفول والتميس

اسفلنا خرج ورل من جحره يتلوي
وقيل ان الفي بطنه حرقص ...
وكما قلت الوغد يزيد وغدنةً
وعد الينا انت اشد اشراقا

اوووو العزيز اساسى


حمد الله الف على السلامه

ايوة كدة البورد بدونك مسيخ

العزيز فيصل

انتم ملح وسكر المنبر
لك الود والتحية

الابن حميدة

يازول عبر عن نفسك باي طريقة تراها
مجموعة المناضلين ما فايتننا الا بانهم عينهم قوية شوية
وبيعبروا عن نفسهم

الاخ حمزاوي
لا افقدك الله عزيزا عليك ولك الشكر
قد يكون سفرا او هجرة في بيت شعر بيقول ما معناه ما ضاقت ارض باهلها ولكن اخلاق الرجال تضيق الايام الفاتت كانت الارض والاخلاق ضايقة

أساسي
كنت أعلم أنك ستعود ، لكني ما كنت ارغب بعودتك السريعة ،، كان تصبر شوية ، لأن غيابك منح المنبر عافية ،، لو تمدد اسبوع أقول لك كتر خيرك ،،
قال تمساح وورل قال ،،
يا شيخ ما تشوف لك ديرة تانية تعمل نفسك فيها تمساح ،،،

أساسي
حمدالله الف على السلامة،
والحمد لله إنو مافي قشة عتّـرت ليك في رجوعك

أحمد الريّـح

الحبيب احمد الريح

اتدري صديقي ان القش اوهن من يقف امام الريح فاما ان تزريه الرياح
او يصير هشيما تحرقه نار العودة او كما اري
لك الحب والود

اساسى
اهلا بيك
بالله سيب الحرد دا
عشان الجكس جيت راجع
انا عارفك من زمن الجامعة
بس مايزعلك كلام خالك ودقاسم
انت ليك نهكة خاصة ولود قاسم نكهات
نتفق وونختلف ولكن يبقى الود
وهذا الوطن الصغير الذى يجمعنا
ما تنسى انك اساسى بمعنى لا احد
سيحل مكانتك..واسلوبك
وخطك الملون
ولك ودى

ابو قوتة الحبيب
اتدري صديقي انك من احب الاحبة الي قلبيفي هذا المنبر
بضع اهازيجك تسلني كثيرا
يوما ما فكرت ان اعملها
شغلانة واغيب وارجع فقط لاجمع ديوان شعر من هذ
الاهازيج المحببة
لك الود والحب

الرائع اساسى
تحياتى

الحبيب جدا استاذنا حمزة
انت الاروع دائما وبجمالك تطوقنا
لك الود والاحترام

النظافة من الايمان

اسعدتني عودتك اخي اساسي
_____



أتق الله حيث ما كنت واتبع السيئة الحسنة تمحها وخالق الناس بخلق حسن

وانا اسعد بك اخ فرانكلي
لك التحية والاحترام

عادل امين
تعرف قالو الكديس بريد خناقو
شكرا ليك يا عدوي الحبيب
تعرف انت العاجبني فيك شنو انه لا بنريدك ولا بنحمل براك
عداوة واضحة وصريحة ولا حب منافق
هاهاهاهاهاها
صدق انت من الناس البعتذ بعداوتهم
اولا لانك نزيه مع نفسك والاخرين
والحاجة التانية لانه ساهل الزول يطلعك من طورك ويرجعك ليهو
الحاجة الاخيرة انه منطقك كلاسيكي مردود عليه بسهولة
لك الود

Quote: والله يا اساسي .. يا اخوي .. لمن اقرأ كلامك .. دايما .. بجيني روح معنوية .. وبتذكر أيام الخدمة الألزامية .. وتنتابني رغبة اقوم اشيل جلالة .. وافتش لي علي لستك .. اولع فيهو ..

LOOOOOOOOOOOOOOOOOOOOOOOOL...
مرحب بيك يا اساسي...
عليك الله ما تنسا... دايرين بوست كدا لا يقل جودة عن " نضال البوردات زى جبنة الحبوبات"
يديك العافية
AnwarKing

أساسي
محبتي و شوقي

أهنيء نفسي على عودتك

اساسي

تاني عودة


الم اقل لك ان الاوغاد ابدا يعودون
لكن هذه المرة يفكون اخرهم اسرع مما توقعت
ربما لانهم اكثر من مجرد اوغاااااد

احيييييييك يا اساسي

شرير والبرتقالة
ولك التحية ايضا للدردقة النضيفة
ان الافاك لما يفك اخره سريعا
يصير وغدا ظاهرا للعيان وورل قديم
ولكن قل لهم اتاكم السم الزعاف

Quote: يازول عبر عن نفسك باي طريقة تراها مجموعة المناضلين ما فايتننا الا بانهم عينهم قوية شوية وبيعبروا عن نفسهم

والله .. انت عارف ..
انا قلت داير ابقا مناضل وكدي ..
من يوم دخلت ليك النت ..
بفتش لي في بورد ..
يكون كلو شفع مغتربين ..
من النوع البقول ليك ..
نحن شايقية من الموردة ..
وأبقا ليهم زعيم ..
وأتغاظ وأنفعل ..
ووجع وجع .. النميري رجع ..
والحركات النص كم ديك ..
اها كل ما اخش لي حتة ..
القا ليك .. الجماعة كلهم من بني فطحل ..
ودرابهم يجيب الرايح ..
وأندهش ..
وفي النهاية ما بقدر غير أصفق ليهم ..
واقول ..
وفوق كل كضاباً .. واحد اكضب منه ..

عاد الحبيب المنتظر

الكلمـة نـور ونـار

تـجمــع الأضداد رب ورل سمـعهـا

فـأحسـهـا نــارا .... و وعـهــا مـحــبا

فـكـانـت نــور شـعـاعـاً

يضـئ

الف اهلا وسهلا اخى وعزيزى اساسى

الحبيب وليد
تسلم صديقي
والدار منور بوجودك فيه

استاذي ابو جهينة الرجل ضخم الابداع

اغبط نفسي مرتان اولهما حين كنت اول من طلب مني
البقاء والثانية حين تفرح بعودتي وانت تعلم مدي
تعلقي بقلمك وبما تخط وبقدرك عندي ويكفيك فخرا
انك من قلائل تحافظون للمنبر تماسكه وابداعه
لك الحب والود والتحية وكثيرا من احترامي

طبعا دي ايامك اخ انور كنق
سجيمان طالع بيك السما
وناس جريدة الصحافة بيخطبوا ليك
غايتو الايام دي الواحد يمشي وراك بس
لانه العروض حتجيك زخات زخات
عينا بارة عليك
عشان اكتب زي البوست داك حق نضال البوردات
لازم تبقيني ادمن في بورد سيجي
والله ادافع ليك عنه جنس دفاع بس خليهو يلحلح المودترية شوية

اجمل خبر قرأته هذا الصباح

حمدلله على السلامه اخى الكريم

وجزاك الله كل خير لأستجابتك لنداءنا




وفى امان الله

لا اله الا الله

والله كويس انك رجعت يا اساسي....كنا من زمااااان نبحث عن الاختلافات النزيهة...وقلتها في احد البوستات...بعد ان تزكمت انوفنا بشخصنة الخلاف...فانت سيد بيت...قديم...ولا يستقيم البيت بدونك....

الصدوق نزار حسين
بلغني فيما بلغني الشهود انك انزلت بوستا تبكي علي ايام نزيهة حين اختلف ويختلف معي ود عزة وكلانا يترجي الاخر بالبقاء
الان كثر الضرب تحت الحزام بعد ان غشينا ملوك الغلاط
الم يقال في الملوك من رب العباد ما معناه انهم اذا دخلوا قرية خربوها وجعلوا اعزة اهلها ازلة
هؤلاء هم ملوك السايبرقست
لك التحية والتقدير

اساسي
حمدا لله على السلامة.ونرجو لك التواجد (الدائم).

الحبيب فتحي الصديق لك التحية والتقدير والديار بكم عامرة

بت الاحفاد الرزينة
سمعنا انه بعد ان غادرنا انك تقدمت باستقالة من المنبر
ومن يومها وانت لا تراوحين مكانك في المنبر بل زادت بوستاتك
لووووووووووووول هؤلاء اهل الشمار قالوا بت الاحفاد استقالت
اسميا لكن فعليا هي قاعدة بس
لك الشكر علي الكلمات
اما حديثك عن هروبي في ذلك البوست ففعلا انا كنت هارب من هذا
المنبر كما اوضحت ولم اخفي ذلك في ان المنبر هذا بدون عقائد \
او قاون او وازع تحت ضغط الاخرين بقيت ولكن علي مضض

مرحبآ يا اساسي ـ
ايام الدراسة كان صديقي الحميم هشام، وقد كان من ظرفاء الدفعة، يجيني في غمرة ايام الامتحانات في الكافتيريا ، ونحن الاثنين كنا معروفين بالركلسة ـ يقول لي يا منير الفلم الليلة خطييير ـ كاسوري صاح ـ عنف اثارة تشويق ـ اقول ليه يا هشام ياخ .... ـ فيقاطعني: ياخ بتاع شنو؟ قلت ليك كونغ فو عديل ـ والتذاكر علي ـ فأرد لكين يا هشام نحن امبارح دي ما كنا في سينما الجن دي و... ـــ فيقاطعني: ياخي بطل حركات و ارح ياخ ارح ... ويزيد في الالحاح ... الي أن ارضخ في النهاية واوافق ـــ وعندها ينظر الي ضاحكآ ويقول بسخرية : لكين يا بطل طلعت ما عندك شخصية !! ـ

اهو يا أخينا اساسي انت زاتك طلعت ما عندك اي شخصية ــ
كدي كمان النشوف الخالة دومة حتسوي شنو ـ شايفها الي الآن صامدة ـــ لكين اذا خذلتنا وطلع عندها شخصية تبقي كارثة ـــ

شنو يا أساسي اخوي ..
كان تصبر ليك يومين وتقوم تجي ..
عشان كنا ناوين نجيب التوقيعات ونجيبه ليك في جدة ..

حمدا لله على السلامة ..

الوجيه معتصم
علمنا فيما علمنا انك بصدد جلب التوقيعات الي جدة
والله لو كنت اعلم لما استعجلت ابدا .. زيارتك بالدنيا
الان انت اتورطت سبق السيف العزل جدة محمداك محمداك
والزيارة كلها مدفعة التكاليف حتي الاقامة وانت حدد الموعد
لك التقدير

لوووووووول يا منير
تكوركوا لينا نجيكم نجيكم تكوركوا
ما عرفنا نسوي شنو زاتو تعرف يا صديقي انا والله زي ما بيقولوا مشيت بي وشي وما عندي رغبة في العودة الا ان السيل كاناعتي مني وبيني وبينك اخوك جرسلين ما ليهو طاقة ولا شخصيته تتحمل قدر الحب دا
هاهاهاههاهاها لكن والله انا خايف سينما النيل الازرق العدمت شخصيتك
لانه انا كنت فيها اساسي قبل الكراسي

غايتو انا ورل....وماني ساعل...اقدل هنا وفي سودان نت وعند اهلي سجيمان اورج....اكان داير تقدل معاي حبابك عشرة

لكن يا سجيمان انت داير تدينا فرصة نقدل معاك
ما كلها وزعتها لي بليدة وحزينة وما عارف منو
اسامي زي اسامي جنة الاطفال اسع ديل يقدلو معاهم كيف؟
غايتو انا راجي المودترية وبعدين نشوف الورل منو

بما انى مناضل كبير جدا جدا خاصه فى الانترنت حسيت انى انا وفقط انا مقصود بالكلام والمطاعنات الهنا .. لكن انا شغال بالمثل البقول : الجمل ماشي و الطريفى فارقو
المهم : انا ماجايي ارحب باساسي لانو لمن قال مفحط من هنا ايا كانت اسبابو،انا ما وادعتو،مش لانى كنت متاكد انو حيجى راجع (الدوده كعبه يا اساسي) بس ببساطه الدخول والخروج للبورد ده قرار شخصي، اى زول داير يخش و لا داير يتخارج قشه ما تعتر ليهو كان اساسي و لا كراسي ....
قصة الناس البتزعل وتعمل دراما وتقوم و تقعد و مطيبي الخواطر يخشوا فى النص و التلفونات والماسنجرات تتطاقش ... يااخوانا دى ما عواره و حركات شفع دى كان عملا اساسي الشامينى ده و لا صاحبى خالد الحاج ...؟؟؟؟
انت غايتو تانى حتطلع و حتجى كم مره، القصه دى قاعده تديك احساس بتحتاج ليهو من وقت لاخر

شايفين اها مش مناضل بس كمان محلل نفسي، والزعلان من قصة النضال دى اليلحس كوعو
المناضل السايبري وعميل الغرب والامبرياليه والصهيونيه والصليبيه الدوليه
مراويد

حكمه ممتازه
ملابسي الدّاخلية لا دخل لأحد بها

أساسي..

حمد لله على سلامة العودة..

منتظراك في بوست فارس الأحلام..

رومانسي... عفواً أساسي... لك التحية... أنا ما زمان قلت ليك بعد ما تكتب أي رد أضغط علي ...Preview... وراجع ما كتبته بعين أخرى حتى بعد ذلك أضف الرد... ولا نسيت...


عموماً مرحى بعودتك والعود أحمد

الاخت بت النيل ولك التحية والتقدير ايضا
اذا تابعت بوستات اخري وردودي عليها ستجدي كلماتي مجرد مدح
فقط مجرد مدح

صحفيتنا بت العباسي

دقيقة بس هسة بجي
او كما تقول بتنا شيري

الننتهي من الاحباب والاوغاد ديل ونجيك

يا مراويد مرحب بيك ياخي
ياخي منو القال ليك انا بكرهك انا ما بكره زول عشان افكاره الافكار دي حسب نشأ الانسان وبيئته وتعليمه وتربيته لذا افكارك هي حسب مقدراتك التي اعطاها لك الله في الاستيعاب والتقدير للامور لذا لا يتوجب علي كرهك ..اذا كنت تنظر للاختلاف في الافكار علي انه كره فانت ورل حقيقي اما دون ذلك فانت بافكارك هذه ورل صغير الي الان لا يتوجب علي كرهك يا مراويد ... كما اني لم اطلب منك الترحيب او الوداع فترحيبك لا يزيدني شرفا او ينقصني منزلة صديقي الا انه وبتحليلك النفسي تقصد اني بحاجة الي قياس شعبيتي كل حين قد تكون صادق وقد اكون افعل هذا بلا وعي مني ولكن عندما ذهبت كنت ميمما شطر اللا عودة اما بتحليل نفسي بسيط لمداخلتك هذه والتي ظاهرها غير باطنها وهي اشتياقك لوجودي هنا لانه بدون افكاري تظل افكارك مجرد ونسة لذا انت بالزات ممن يحتاجوني بينهم
فشكرا للترحيب الضمني وان ابيت اظهاره يا ورل

الاخ الكريم اساسى

حمدلله على السلامه مره اخرى

والله ناس الشمار ديل ما بسيبو الزول فى حالو ابدا

انا فعلا قدمت استقالتى لسوء الوضع الايام السابقه, لكن رجعه بناء على طلب اخوه واخوات اكن لهم الكثير من التقدير ولمسؤليه وضعوها على عاتقى ولم اكن لأتجاهل طلبهم حتى لو ماكانو بكميه من طب منك البقاء
ايضا احسست بأن مافعلته هو هروب ليس اكثر واختيار اسهل الحلول والبعد حتى عن جهاد الكلمه

شئ اخير انت تعرف ان هذا البورد واحبابه لا يتفارقو, وانو الواحد فى لحظه ذعله بسيبو لكن صيرو يرجع ليهو تانى

وقول لناس الشمار ديل شوفو ليكم ونسه تانيه غير بت الاحفاد دى, لأنو ماقاعده اجيب سيرتهم من بعيد ولا قريب

والكثير منا غير راضى عن حال المنبر لكن املنا ان نغيره لواقع افضل وبدل ان نلعن الظلام ان نوقد شمعه تنير طريقنا


تحياتى



وفى امان الله

لا اله الا الله

يا بت الاحفاد ما تشيلي هم انت اساسية فينا
دا انا بس just kidding
مافي شماراتية غيري بس حبيت ادورك ولقيتك قريبة
وكلامك فعلا صحيح
الا انه هناك حيث للرسول يقول
" مثل الجليس الصالح والجليس السوء، كمثل حامل المسك ونافخ الكير، فحامل المسك إما أن يحذيك (أي يعطيك)، أو تشتري منه، أو تجد منه ريحاً طيباً، ونافخ الكير إما أن يحرق ثيابك، أو تجد منه ريحاً منتنة " [رواه الشيخان
لذا الذهاب لا يعني الهروب ابدا اكثر من اختيار الجليس الذي يستحق
مجالسته
ولك التحية

النظافة من الايمان

اية فى وصفك يا جميل
لما اديك يتفدعو
خلى كل الناس فيك تقول
قالو ما بتلحقو جدعوا

يا عادل امين ....الامضاء دا حسن الزبير...والله اضاني كعبت

معليش يا اساسي النعودك علي الجمل الاعتراضية من هسي....وحراق الروح...عشان تطول بالك...

اي نعم كتبت بوست تحسرت فيه علي مشاكل اساسي...لما كانت المشاكل علي ظهر جوادين بيض...

همسه صغيرونه

قالو لي اساسي فكت منو...وعايز ليه سويدي وجكه بي كورنيش جده...وقراية كم بوست من النوع ابو كديس وفار داك...يا الله ويامين امكن يرجع لي فورمتو...

مسعول من الخير تاني علنا...انت شيري زعلت معاك برضو؟ من يومك الفت فاتت....

صديقي نزار الم تسمع باغنية ما دوامة
لووووووووووول
عشان كدا بتكون فكت وانحنا ما جايبين خبر
بس شوية تماريض وكم تيست بي مراويد وعادل ديل وبرجع الفورمة
لوووووووووول
شيري برضو مافي بالله
والله خسارة

الحبيب اساسي رغم اختلافي


جيد انك عدت من اجل قضية تناضل من اجلها وهي وطنك ودينك
عودا حميدا اخي











جيد

يا مهاجر
قصة رغم اختلافي دي شنو
من بتين يا اخوي اختلفت معاي ؟
ولا داير تكسب ارض
خلاص كويس مختلفين لكن برضو صحبي انت

وين ياخي لينا زمن منكم
لك الاشواق صديقي
لكن ضحكتني بقصة رغم اختلافي دي
دي جديدة وقوية والله

المدور عادل امين
يا صديقي لا تكون غضبت كل ما هناك كنت امازحك ايها الصديق
اتدري لولاي وانت تعلم هذا نصف بوستاتك كانت في غيابة الجب
الا اني ولاعجابي بك اتصدر بوستاتك ردودا ولاني اعلم اني لست ندا لك
لانك تغرد خارج السرب لذا اترك تغرد واقوم بالرقص علي انغامك طائعا مختارا هاهاهاهاهاهاهاها صديقي الجبهجية احسن الاسوأ المطروح في الساحة حاليا وهذا نقد كافي لهم ولو شئت ام ابيت هم هكذا في نظري

عدت والعود احمد..ثم ماذا بعد؟
كنت تحلم بالسعادة
وهى غير ما انت فاكر
هى فى كلمة مودة
هى فى نبضات مشاعر
فى القلوب الما بترد
اى طارق ايى زاير
شايلة هم الدينا زادا
مالية كل الكون بشاير

الاخ/اساسى

Quote: مكابر من يقول ان ليس للمنبر سلطانه وآمريته وسطوته

مرحب بيك مرة اخرى واتفق معك فى ما ذكرته
تحياتى

بلدي يا حبوب
تسلم صديقي
اتدري صديقي من يوم انزلت صورة الفريق عبود وانا انتظر الموتورين ليصفوك بالعنصرية انتظر ان يقولوا لك هذه الصورة ذات ايحاءات عنصرية وديكتاتورية عنصرية بتلك الحقبة التي حكمها حين التهديد بحرق الجنوب والدكتاتورية في انه اول انقلاب وقع علي السودان حتي ولو كان جدك المباشر لوووووووووول انا زاتي بقيت اتلكك زيهم صدق
لك التحية بلدي يا حبوب

اساسي
حمد الله على السلامة

الاستاذة هالة قوتة
لك الشكر والتقدير
لمحت فيما لمحت بوستا قريبا تتحدثي عن اخذ الاذن
هل ينطبق علينا هنا اذا جاءت الشياطين ذهبت الملائكة
تسلمي يا ملاك المنبر المضئ لك التحية

مرحبا مجددا بالاخ الحبيب اساسي الرومانسي

رغم الاختلاف تبقي بيننا اواصر المحبة والاحترام المتبادل

علي احمد

الجسور دقنا البجاوي
بالامس تذكرتك وانا افكر في امر لا استبينه الان الا انه اتت ذكراك حين تذكرت شرقنا الحبيب وتخيلت انه يوما ما ستكون رقما في شرقنا لا ادري لما ولكن هكذا تبادر الي ذهني حينها .. اذا ات في بالي صديقي والقلوب شواهد.. رغم خلافي معك كما هي الموضوة الان الا انك من الانقياء والنزهاء في الحوار والجدال لك التحية وكثير من احترام
المناضل الجسور كما يطيب لمناديك ان يطلقوا عليك وانا ايضا

اساســـــــــــي الاخ المفترى عليه بالكوزنة
لكم اشتقنا لكل ماتكتبه وكل ماتسطره يداك ولكم جميل انت في شكلتك
وربنا يديك شكلة سريعة عشان ترجع اراضيك المسلوبة في ميدان المناتلة والمنازلة,,,,,,د
وعلى العموم جاهزة باكر بوست كارب بتاع مناتلة زوشكل

صديق النزال شمهروش
لك التحايا وتحديدا خوالصها
دعهم يقولون ما شاءوا بيت الشعر يقول اذا اتتك مزمة من...وانت ادري بالبقية
صديقي لم افقد اراضي فكل ارض المنبر صارت بورا لمن يدفع صدقه ونزاهته لذا تجد اخوك في ترف عن هكذا اراضي خاسرة بيعتها...
كثيرون لا يملكون ما يعطون او دعنا نقول هي عطية من لا يملك
لذا وباستحقاقنا لهذه الاراضي جبلنا ان ناخذ حقوقنا عنوة
ونحن لها ..
لك التحية

الاخ اساسي

مرحبا بعودتك الي البورد؛
هذا قرار حكيم منك؛ رغم المخاطر .

عادل

الأخ أساسي

لك التحية
يبقى الحديث عن الديمقراطية-والحديث موجه للمنادون بها منهاجاً- مجرد ميكافيلية لا تختلف عن ميكافيلية الإسلامويين، إذا لم تستوعبنا ومن نختلف معهم ساحات الحوار.

ولهذا أقول لك سيظل مكانك شاغراً ولن يملأه إلا أساسي. فمرحبا بك من أجل مزيداً من إختلاف الرؤى والأراء، حتى نستطيع أن نرى الصورة كاملة(بس من غير إنقلابات وبيوت أشباح).

الرجل النزيه نادوس
لك التحية والتقدير انت ادري الناس باني من اكثر المعجبين بك وبخطك في المنبر رغم اننا علي ظهر نقيض فكرا ورؤي الا اني احترم فيك وعيك بضرورة اكتمال كافة اطراف الحوار
ما ظللت انادي به هو ضرورة وجود الراي والراي الاخر لتكتمل اسباب الحوار في هذا المنبر والا كان دون ذلك مثل جريدة الحزب الواحد لتكتب لنفسها وترد علي نفسها وهو للاسف ما يرده الكثيرون الذين يضيقون بالراي الاخر ويريدون محاكمته في منبر حوار باتباع اساليب
غير نزيه وبالاقصاء ايضا
لذا دعني اشيد بوعيك هذا تكرارا ومرارا
ولك التقدير والاحترام في النهاية

الحبيب الاساسى اساسى
العود أحمد
ودوما أنت جميل ورائع كعهدنا بك
وأسألك سقى عشقنا لك دوما بالتواصل
اخوك المحب
ود خطاب

الحبيب الغالى أساسى

ألف ألف مرحب بعودتك الكريمة و أرجو أن لا تحرمنا من طلتك

الحبيبة إلى نفسى .

مع خالص ودى و إحترامى

بركــــــــــة الجيــت بركـــــــة الجيــت

منـــور أساســـي الاساسـي

ملكتنا ملكة سبا
تسلمي يا شفيفة للنداء وللترحيب ولا حرمنا الله من قراءتكم
والاستمتاع بوجودنا بينكم
لك التحية والتقدير

اساسي
حاشاك الشيطنه
هى بعض ظروف خاصة
وايامها كانت طمة بطن من البورد
عشان كدة ما جيتك مع المحنسين
كنت حاسة انى كذلك يجب ان اذهب
وحين استعدل حال المنبر
انقلب حال ظروفى

العفو والعافية

نسال الله لك اختنا هالة ان
يوفق كل مقاصدك وخطواتك اينما حللت
ولك التقدير

اساسى الحلو مر

الما ابرى ابيض ابدا...
مرحب بعودكم الظافر و خلى بالك انت فقدت فرصة اولة
للحردان و العودة اقتصد فى الفرصتين الفضلن ليك

خليك هنا وبلاش (تغادر)

الاخ النقي نصار
زميل الزمن القديم الجميل
الحلو مر هو نكهة رمضان المميزة لذا لا امانع في اللقب
لكل شئ اذ ما تم نقصان او كما يقال لذا لا اسعي للكمال
ولا يصل ان يكون امرا كله حلوا
اذا صديقي طوعا تنازلت لكم عن الابري الابيض
لان خاصيته الزوبان في بارد الماء قبل ساخنها
زمان اهلنا بيقولوا للفار المر
شكرا للتذوق اخي نصار الجميل ونزيه

ونحن ايضاً وصلتنا الشمارات بأن رجوهك كان للتجاهل الذي لاقيته ببورد سجيمان .
حمدللة على سلامة العودة

الشامت الاكبر علي عثمان
لووووووووووووول علي بورد سجيمان غير مدفوع التكاليف
سجيمان يا صديقي لقي البورد ملح لذا احيانا تحتاج لمترجم هيلوغلوفي ليريك ما كتب واحيان تحتاج الي صيني وانا ارجح
وبما ان المنبر بتوقيع انور كنق فاللغة الكورية هي السمة المميزة
منبر بدون لغة مثل الدين بدون صاحب لا محصل له
منبر تحكمه بليدة دخوله شبهة

أخى الحبيب أساسى
عودا حميدا و ما بعدو طلعة باذن الله يا اساسى
المنبر دة بقى بالجد جزء من حياتنا بكل ما فيه من دموع و ابتسامات
مع محبتى

العزيزة لنا مهدي
المنبر له سطوته وآمريته والقه الذي يصعب فراقه
لسؤ الحظ انه سكانه كلهم من السودانين والسودانين ديل رغم شتارتهم
الا انهم مازال فيهم نقاء نراهن عليه وربنا ما يجيب كعة قريب
تحياتي لك

الف أهلا بفارس ابورد الدون كيويكسوتي والله ي أساسي البورد بدونك بحيرة راكدة
في انتظار درابك
جني

طبعا يا جني انا ما بثق في استنكاحك وتلاعبك بالالفاظ والمفردات ابدا اسع تلقاهو دون كيويكسوتي دا كابي سيجة من دون كيشوت ولا اشتر روماني قديم ولا احوص ايطالي علي العموم نقبل بي ترحيبك بي علاته وحرفنته واحطياطي كدا انا برة بحدر ليك اسع اذا كان فيها حركة قصة
كيويكسوتي اوع يكون فاتح ليهو بار في روما القديمة كمان؟

عودا حميدا للمنبر مع رجاء التوفيق والسداد
كمال عباس

الاخ كمال عباس
رغم انها كلمات اقل من سطر التي رحبت فيها بقدومي الا انها عميقة كفاية لتاخذ شكلين نتمني التوفيق والسداد للجميع وان تكون هذا الديار نقية نزيهة الحوار وان يكتمل الحوار مكانه ويترك لكل الاعضاء حياتهم الخاصة مكانها
مع اسمي تحياتي وتقديري

شكل البورد قرب يبقى اساسي اون لاين
عشـــــان تعرف الناس الطيبين الحلوين خلوا اي حاجة وشغلهم الشاغل بقي اساسي خلا البورد اساسي رجع للبورد اساسي ردا اساسي الليلة عيان اساسي المااساسي اتسيس واتلبس واتدبس بي رجعة مشاترة رجع بعد ما بقينا نحب وعملنا اسبوع الحب اها عاوزين اسبوع اساسي والعودة

اشتقنا لي طلتك
وشترتك وكجارك هيع عشا البايتات
افو,,, ركازة الفريق
كيتن كدي الماعاجبوا الجنبوا بحر يشرب منوا

Quote: رغم انها كلمات اقل من سطر التي رحبت فيها بقدومي الا انها

اساسى بالغت عديل انت بتقيس الكلام بالمازوره

Quote: وان تكون هذا الديار نقية نزيهة الحوار وان يكتمل الحوار مكانه ويترك لكل الاعضاء حياتهم الخاصة مكانها

هذا هو زبدة الأمر وغاية المرتجي والمطلوب ... الواقع

..أن الخوض في الخاص والذاتي والولوغ في الحياة الشخصية
للناس من أكبر الأفات فهل تري نتمكن من الفصل بين
الخاص والعام والذاتي والموضوعي ونركز علي نقد
الأفكار والمفاهيم بدلا عن الخوض في لجج الخصوصيات التي
لا تمس العام ولاتؤثر علي الأخر؟؟؟
وشكرا
كمال عباس

اهداء خاص بمناسبه العوده الميمونه






عقبال ما نهدى ليك وانت جاى من الحجاز

أسـاسـي أهـلا بـيـك و أهـلا بـي عـودتـك

لـكـن إسـتعـجـلـت شـويه علشان نحن وصينا كـم ترزي كــدا إفـصـلوا لينا كـم

قـصـيدة نحنسك بيها غايتو وفرت لينا شوية قريشات

عودا حميـــدا مستطــــاب....





نوف

الاخوة
عادل عبد العاطي
راوية العباسي
ابو الحسين
نوف
لكم جزيل الشكر علي الكلمات الطيبات

تعرف يامرض ..
الناس دي انت قايله فرحانه لييه ؟
قايل شان انت جيت ؟؟
لالا
لانو لقوك مكنتك خفت .. او بالاصح ..بقيت تجليها ثابته .. يحليلك لما كنت توقف البورد علي Alt+Ctrl+Delete حقو تعتزل وتدي فرصة للعيبة الجداد ديل الدماء الحاره .. والله في لعيبه حرفه بشكل .. مش يقعدوك كنب .. ديل يحاوروك في فنجان..
وبعدين عامل السن ليهو اثر يااساسي .. انت داير تشاكل ضلك وضل غيرك ؟؟؟


ياخ انت ما تعمل ليك بورد زي حق سجيمان .. وتمشي وتجي علي كيفك .. وتنزل بتقولي لا لي قليب رهيف برضو علي كيفك .. مع اني الليلة ما شايفه.. اها بس شان تعرف انك كبرت وبقيت تنسي


كنت من ضمن المطالبين بي عودتك السريعه في اجتماعنا بالرياض ..
وده ما بمنع انو.. لانو البورد ده والله رغم الحاصل فيهو ده .. ما بتفات بسهولة

اذا شفتك بتتحاوم في الرياض .. بتتعب معاي

الحبيب تمس
تعرف يا وهم انا الرياض الشهر دا مشيت ليها مرتين وكنت بتمني القاك عشان انتف ريشك بس لؤ حظك وحسن حظي ما لميت فيك علا قريب دا جايك عديل كدا بس عليك الله اختاني من مكان فيهو خالك ود قاسم اصلو اسمه بقي يعمل لي كاروشة وحكة تحت الجلد .... عشان كدا رخيتك ورخيت بورداب الرياض ... تعرف يا انقراض الفرمالة حقت بتقولي لا دا الوحيدة المفرمل بكودها في الجهاز دا لكن وحاتك كان قعدت ليك في نزيل الاغاني بخليك تزازي بالشباك بس اخوك مفتح وعنده زوق ومخلي ليك حاجة تعملها وتقشر بيها علي الترنعي .. بس ما تطول لسانك اخوك مقصه سنين لسع
قصة راحت علينا دي واضحة وما داسينها لانه انت شايف براك .. زمان الشكلة شبعانة وبتطلع منها بي فايدة اسع وحاتك الشكلة نصها فليق وخنقو رماهو وكان طلعت منها بي حاجة تكون طالع بي سماية طرشقت ..
عشان كدا اعتزلنا اللعب الملحي وبقينا دولين عليك الله بعد لعبنا في استادات عالمية ونجيلة صناعية ومتفرجين خواجات وناطقين بغير العربية البرجعنا للدافوري في صنقعت الحمار شنو ؟

النظافة من الايمان

شرير البورد حمداً لله السلامة وبركة يا خوي الشفناك طيب ... بصراحة كنا فاقدنك والبورد ما ليهو طعم من غيرك

ربنسون
تعرف من يوم صحبك فك اخره ونزل الصورة ديك اخوك بقي ملاوز منه وعلاقته بيه في حدود ...
ليك وحشة والله

عادل امين
تعرف كلامك دا كله صاح واسئلة موضوعية بس ياخي وجهها لي الناس البدوك اجابات فيها كونه انا اقول انهم احسن السيئن فدا بيعني انه انا شايفهم بالمقام الاول سيئين لكن بسؤ اقل من سؤ البقية وما تشكر لي رواكيب الخريف من منصور خالد لي محمد عثمان الميرغني لي ال شيوع كله زي بعضه عشان كدا مفروض تعرف انا بقول ليك شنو في الاول
وهنا انا ما دافعت عن افضل السيئن بقدر ما بظهر للاخرين انهم اسوا منهم ودا الواقع والواقع دا بيقر بيهو ثمانية وعشرون مليون سوداني ما كان غالبهم يطلعوا ابريل ولا اكتوبر بعد سنتين بس الا انهم عارفين البقية اسوا من الموجود فوجه كلامك دا للشعب السوداني الرفض يعمل انتفاضة طيلة الفترة الفاتت الا لعدم ثقته في الاخرين

ان نوقد شمعة خير من ان نلعن الظلام

أساسي

سلام وشوق

لم أحاول قط طلب العودة ، فكان بوست الإنسحاب به من الأسباب المقعنة تجعلنا نحترم خروجك .. ولكن لا نوافق عليه ، لأن العمل يجب أن يكون من أجل خلق أرضية طيبة تجمع كل الناس وتزيل ما علق بها من سوء تفاهم يفوق احيانا ما نتوقع .. بس كان يمكن التوقف لفترة ريثما ينجلي الموقف .. وإن شاء الله ما يغشاك إلا الخير الوفير

وتسلم

عبدالرحمن

شكرا الرحيمابي

Quote: ومن اجل كم ورل وبضع أوغاد أعود

ياخي كلام زي دا مفروض تقولوا لي في المسنجر ما تقولوا لي قدام الناس ودي حاجات بيناتنا ما مفروض يعرفوها الناس

أهلاً حبيبي اساسي (البرسيم القلبي رادو)
ويا العائد من الشباك ... يا احلى زول شفناك
مراااااااااااااااااحب

الاحباء
استاذ عزيز
واستاذ بدر الدين
لكم الشكر والتقدير وكثير من المودة والحب الصادق
اتمني ان يطيب لنا المقام وسطكم فانتم من تجعلون لهذا المكان القا وعبيرا انتم واحته الظليلة التي نرتاح فيها من وهج الكلمات الجارحات لكم كل الحب

اساسي...

حمدالله بالسلامة، ومنتظرين جديدك...

الاخت الفاضلة ميادة
لك الشكر والتقدير وان شاء الله تشوفي جديدي لكن جديدي دي خاطف لونين بتتحمل زواجي وعيالي وبتتحمل مواضيعي الجديدة انا شخصيا حاقرض علي الاولي واحاول اشوفها انا زاتي لاني طولت في القديم وداير اشوف جديدي انا زاتي
شكر ليك ولجديدي زاتو

عادل امين ياخي انت ما عندك زوق كدا مالك دا بوست ترحيب شنو شابكني كيزان وحكومة وكلام فاضي كم مرة اديتك ليها مغلفة لكن مصر انك تناقشني في حكومة وما حكومة خليك لذيذ
وشوف في حاجة اسمها لكل مقام مقال ما تخليك لايوق بعدين خلاص كان قصدك انه الناس المرحبين بي الكتار ديل اني انا قاعد ساي وما عندي حاجة والدليل حوارك دا فرسالتك وصلت بس خليك راقي يا ماراقي
ربنا ياخد الحكومة علي المعارضة علي التمرد

النظافة من الايمان

النظافة من الايمان

الاخ العزيز اساسى
مرحبتين حبابك واليوم السعيد الليلة جابك...خلاص صافية لبن!!!

لا والله يا اساسي ما كانت النيل الازرق، كانت سينما رودي بودمدني ـ و سينما النيل الازرق دي مرة جيت مع ود عمتي وكنا لسة تلاميذ ، جينا مارين عليها ومنها دلفنا علي البركس قلنا مادام الدرب جابنا نمش نغشي ود عمتنا هناك ـ لاقينا واحد من الطلبة رافع كم جلابيته في كتفه عشان ما يتملص و ماسك ليهو مسواك يتسوك ـ قلنا ليهو سلام وبنسأل عن قريبنا كمال كيت كيت كيت ــ عاين لينا كده واتبسم قال لينا انتو برالمة؟؟ ــ ردينا عليه : لا والله نحن شوايقة ـ ـ

..
.
عنتر شايل سيفه!!
دى لدكين بس كثرت الاسقاطات هاهنا
اتعرف يا صديقى لقد صرت تذكرنى أوئل
ايام هذا المنبر والعزيز ود عزة ، أسال الله له
التوفيق والسداد اينما حل ..
بالجد لا اعرف اين هذا الرائع الانفعالي مثلنا تماما
بالله ان عرفت له درباً او نيك نيما جديدا اعلمنى
اعود اليك
ان فعلتها مجددا فسوف اقف فى المعسكر الاخر ولن تسلم
منى يا صديقي ..
بعدين انت كنت زعلان بالجد ؟ يعنى ما قلت لي
والله شعبيتك متزايدة ونحن فى انتقاص ياربي اشيل سيفي

اها معانا ولا مع غانا.. عمر مهدى اداك التطورات
اخوك خلاص راجع للخرطوم حيث الحر والسموم واولاد عمنا الظلاميون

لك الود والذبذبات الفضائية

عادل امين تسلم يا زول يا زوق بس زوقك بيبدا بعد الارسال ما يقطع
لووووووووووووووول شكرا وصافية وحليب واي حاجة دسمة

الاخ منير
والله فعلا برالمة وفي البرالمة اهل عوض هاهاهاهاهاهاها قلت لي شوايقة تعرف ضحكتني جدا بالمناسبة انت شايقي..؟


الاخ تبلدينا
تعرف ليك وحشة بقدر مساحة مابين نجد والحجاز ومن عندي تهامة شايف ثقافتنا اتغيرت كيف ... تعرف الولد ود عزة انا متاكد انه الزول دا بي نك نيم تاني بس ما قادر اعرفه لانه مستحيل زي الولد داك يخلي الموضوع دا اتخيل الفتي نجيض شايل المنبر دا سنة ونص براهو انا والله من هنا بحيهو
تعرف يا تبلدي رغم كل شئ الا انه نحسدك علي الكتاحة والسخانة والرقشات وامجاد ومحلات المديدة وكل نكهات زات غبار وبعض تراب معتق
يازول انت عرفت تختار الوقت مع نسمات السلام
عارفك من يومك حريف
الولد عمر مهدي ضرب لي مرة تلفون
وقال بيكررها ولاسع انا منتظر
لكن اسالني مالي ما ضربت ليهو
جوالي ما استلفوا دكين وعارضو للبيع ..؟جنس محن