قائد الأسطول خلاص رحل بالبسمه و النغم الحنون بقلم عبير المجمر (سويكت)

01:01 AM June, 17 2017

سودانيز اون لاين
عبير سويكت-Sudan
مكتبتى
رابط مختصر

من قالو لي سكت الرباب نجم النجوم الليلة غاب
محمود خلاص ساب البلد خوف الوجع بقي الف باب
ما فات خلاص الكان زمان معاهو كم بكت عيون
قائد الأسطول رحل بالبسمه و النغم الحنون
يا داب لهيب الشوق ظهر شفناهو في نور العيون
محمود خلاص ساب البلد

بتسيب عنادك إنت كيف يا حبيب حاتم و حنين
شايل جراح بعد الفراق
يا زول يا طيب ماشي وين
الكل زول برتاح ليك بعد الغياب أصبح حزين
مع السلامه خلاص وداعاً حا نشيلو هم بعدك سنين
الصبر جواي القاهو كيف
من تاني هسه كيف نبقى الصمود
من فرقتك دفق النزيف
ليل الحزن بيك اكتمل
و الفرحه بعدك تبقى زيف
حانشيلو هم بعدك سنين