05:28 PM March, 17 2016 سودانيز اون لاين
فيصل الدابي المحامي-الدوحة-قطر
مكتبتى
رابط مختصر
قلت لعكلتة : ممكن اديك مقلب خرتومي قديم من طرف القفة اشطب بيهو راسك ايجازياً ..... عندما دخلنا جامعة الخرطوم في عام 1983 ، انتشرت ظاهرة قيام السناير ببرلمة البرالمة في كلية القانون ولعل أشهر حادثة برلمة وقعت في كلية القانون آنذاك هي أن أحد سناير القانون قابل برلومة دايشة بعد قيامها بإكمال إجراءات التسجيل لدى السيد/ صبير مسجل كلية القانون وسألها : ادوك الـ case بتاعك ؟! قالت ليهو لا ، قال ليها ارجعي سريعلمسجل الكلية واطلبي منه منحك (الـ (caseبتاعك، فذهبت البرلومة إلى السيد/صبير وطالبته بتسليمها الـ caseبتاعاوعندها طارات نظارات السيد/صبير من شدة الدهشة وانفجر كثير من السناير والبرالمة بالضحك عندما سمعوا بحادثة مطالبة البرلومة الدايشة بالـcase بتاعا !!! ذات صباح مشرق في كلية القانون، قابلت الصديق العزيز ناصر جبارة (الذي يعمل حالياً محامياً كبيراً بدولة قطر) وكان ناصر غاضباً وعندما سألته عن السبب قال لي أن السنير العبيد (ود الدويم الذي يعمل حالياً موظفاً كبيراً بالأمم المتحدة) قد برلمه بطريقة محرجة ، شعرت بغضب شديد وقررت التحول إلى قوات تدخل سريع فذهبت فوراً إلى العبيد بصحبة ناصر ثم ذهب ثلاثتنا إلى مكان منعزل نسبياً ، قلت للعبيد بحدة: ياخي شنو الحركات العملتها للزول دا؟! ياخي اتا مالك حقار كدا ؟!! تصرف العبيد بدبلوماسية ودهاء شديدين عندما التفت إلى ناصر واعتذر له بلطافة وقال له إن المسألة كانت مجرد هظار ساكت وأنه لم يقصد استفزازهإطلاقاً قبل ناصر اعتذار العبيد وغادر المكان أما أنا والعبيد فظللنا واقفين ، قلت للعبيد بلهجة عدائية : شوف يا زول ناصر حسابو معاك خلص لاكين انا عندي معاك حساب حاصفيهو معاك لي قدام !!! فيما بعد أصبح العبيد واحداً من أعز أصدقائي وكان كلما قابلني يضحك ويقول لي: (اها يا فيصل حسابك معاي لسه ما صفيتو)!!!
علّق عكلتة قائلاً بسخرية: ياخي سيبك من المقالب الخرتومية القديمة بتاعتك دي، اديك مقلب خرتومي جديد لنج ..... ياخي الجيش السوداني بتاعنا دا عامل قوات تدخل سريع ومتحشر في حرب اليمن الكلها جبال وحفر دي وعامل تحالف ومناورات عسكرية مع الجيوش المتحالفة بتاعت الدول الاسلامية السنية ، والله أنا خايف الجيش السوداني يجي راجع من حرب اليمن يلقى الجيش المصري زحف من حلايب السودانية المحتلة واحتل بورتسودان ويلقى الجيش الاثيوبي زحف من الفشقة السودانية المحتلة واحتل القضارف ، اها عليك النبي دا ما حيكون اكبر مقلب للحكومة السودانية وللشعب السوداني؟!! ، ياخي يمن بتاع شنو وشام بتاع شنو ، ياخي انحنا السودانيين ديل لا سنة لا شيعة ، انحنا صوفية بس ، ياخي انحنا السودانيين ديل لا عرب لا فرس ،نحنا افارقة بس، ياخي شنو البخلي جيشنا السوداني الافريقي الصوفي يمشي يحارب في دولة عربية سنية شيعية وحلايب السودانية محتلة من مصر والفشقة السودانية محتلة من اثيوبيا؟!!
قلت لعكلتة بحدة: ياخي الجيش السوداني دا ما فيهو أي كلام وهو الضامن الوحيد للأمن في السودان وهو الجهة الوحيدة القادرةعلى منع السودان من الانزلاق في مستنقع الفوضى والتحول إلى سوريا جديدة أو ليبيا جديدة ، واقول ليك قول السودان حايستفيد عسكرياً من التحالف الدولي الاسلامي السني من حيث المال والسلاح والتدريب والدعم السياسي ، بعدين ياخي الصوفية ذاتا منسوبةللمذهبالسني، وبعدين السودانيين ديل ملخبطين نص عرب ونص افارقة وما ممكن نقول عليهم افارقة بس ، أما مشكلة حلايب والفشقة دي ممكن تتحلا باخوي واخوك وبالتحكيم الدولي ومافيش داعي للحروب مع الجيران الافارقة مع العلم بأن كل المشاكل الحدوديةفي افريقيا عملوها المستعمرين الانجليز عشان الحروب تدور بين الافارقة ويقعدو يكتلو في بعض بالسلاح الانجليزي الذي يستوردونه بالعملة الصعبةخصماً من ميزانية الغذاء والصحة والتعليم والتنمية (إن وُجدت)!!!
صاح عكلتة بحدة: يا زول هوي ، والله انا بختلف معاك توتلي ياخي المثل السوداني بقول ليك الزيت لو ما كفى البيت حرمان على الجيران ، ياخي عشان شنو الجيش السوداني يتحشر في حروب خارجية لا ناقة له فيها ولا جمل وأجزاء من السودان محتلة وأجزاء أخرى مولعة فيها حروب داخلية؟!!بعدين ياخي منو القال ليك السنة والشيعة بعترفو بالصوفية ياخي والله العظيم السنة والشيعة بكفرو الصوفية عديل كده وبعتبرو كفر الصوفية فات كفر كفار قريش بي هناك ولو ما مقتنع بكلامي دا امشي اقرأ رأيهم في الصوفية في المواقع بتاعتم ، بعدين ياخي حكاية السوداني عربي دي ما مبلوعة كلو كلو لا للعرب ولا للسودانيين ذاتم ياخي عليك الله في عربي لونو اسود وشعرو قرقدي وعندو شلاليف ، ياخي والله السوداني لو طار السما افريقي !!! اقول ليك قول والله بالطريقة دي السودان حايتمقلب مقلب تاريخي واتا في وانا في وبكره حتشوف بي عينك دي وتسمع بي اضانك دي وبعداك تقول: آيي والله عكلتة كان كلامو صاح!!ياخي قوات تدخل سريع بتاعت فنيلتك؟!!!
فيصل الدابي/المحامي
أحدث المقالات
الملكية الأردنية تمارس العنصرية والظلم ضد السودانيين( 1 من 10)نريد جمعيات ومنظمات مجتمع مدني فى مختلف أرجاء البلاد تشارك فى محاربة الفقر بقلم د. حسين نابريوهم التدخل البري في سوريا.. الاسباب والمعوقات والتداعيات بقلم حمد جاسم محمد/مركز الفرات للتنمية والالى عيدروس الزبيدي والحراك الجنوبي - عدن والجنوب بحاجه الى ثلاثة أشياء عاجلةاحتمالات التدخل العسكري التركي في سوريا: رؤية مستقبلية بقلم د. محمد ياس خضير/مركز المستقبل للدراساتالحملة الدبلوماسية لنظام البشير لم تحميه بقلم محمد عبدالله ابراهيمفرص عمل جديدة بالخليج للسودانيين! بقلم فيصل الدابي/المحاميالاسباب التي دعتي للمشاركة في الحوار و الذهاب الى السودان .. الواو الضكر ... !!الحركة الأسلاموية....طرائق التفكير ورغائب التدبير بقلم مجتبى سعيد عرمانتفكّك ديمقراطيّة تركيــا بقلم ألون بن مئيـــرمحمد عثمان كلشلش الى رحاب الله بقلم حسن البدرى حسنجيروزاليم بوست:- جميع الأنظمة العربية تتواصل مع إسرائيل! بقلم عثمان محمد حسنرسالة للقضاء والصحافة فى السودان فى التشبّه بالكرام ! بقلم فيصل الباقرإنّه "التّفنِيش" يا حبّة..!! بقلم عبد الله الشيخأمنحوا سلفا فرصة..!! بقلم عبد الباقى الظافرليتني أعرف ! بقلم صلاح الدين عووضة