امك .... ما قلت ليكم ؟ بقلم شوقي بدرى

امك .... ما قلت ليكم ؟ بقلم شوقي بدرى


04-11-2015, 11:18 PM


  » http://sudaneseonline.com/cgi-bin/sdb/2bb.cgi?seq=msg&board=7&msg=1446679098&rn=0


Post: #1
Title: امك .... ما قلت ليكم ؟ بقلم شوقي بدرى
Author: شوقي بدرى
Date: 04-11-2015, 11:18 PM

11:18 PM Nov, 05 2015
سودانيز اون لاين
شوقي بدرى-السويد
مكتبتى فى سودانيزاونلاين





قبل سنة وتسعة شهور كتبت موضوع يالترابي اركب اول وبعدين لولح كريعاتك . لانني كنت متأكدا من ان الترابي حيركب في السلطة . وهذا النوع مسم . ولقد سعي لشنق الاستاذ محمود محمد طه بسبب حادثة حدثت في رفاعة في شباب الترابي تعرفها كل رفاعة . وهو انسان حقود وموتور علي كل السودان . بسبب ماضيه الاسود . واستغل خبثه وما حباه الله به من ذكاء في تحطيم كل ما هو جميل ونظيف في السودان . وها هو يعود مرة خامسة .
ولقد قلت ان الترابي يريد ان يقرش كبدة مصطفي عثمان شحادين . ولقد طوح بعلي عثمان . ونافع الآن يواجه هو واخوته ما لم يكن ممكنا . وعاد سانتانا الذي لا يرحم .
المؤلم ان قضية دارفور سيتم بيعها والدلال هو الترابي . والصادق المهدي حيجي في القاطر . وهذا الكلام ، كالعادة لن تصدقوه . لانكم لاتريدون ان تصدقوا . والضيع البلد شنوا غير ادخال الرؤوس في الرمال . لقد كتبت في موضوع حزب الامة الملوص والتلاتة ورقات .
اقتباس
قلت في موضوع حزب الامة الملوص والتلات ورقات ,, يقولون ان اقوي سلسلة هي بقوة الحلقة الاضعف . بمعني اننا اذا صنعنا اقوي سلسلة من الصلب والتيتينيوم والالمنيوم والحبال الغليظة وحلقة واحدة من الدبارة فتلك السلسلة هي بقوة الدبارة . وهذه الجبهة الجديدة هي بقوة الصادق لانه الحلقة الضعيفة .,, والآن بدا التملص . وعن قريب سيتملص الصادق من اتفاق باريس وصوفيا وفراكفورت والقدمبلية . وسيجد التفسير والكلام ما بيغلب سيدو . والصادق بعد خدعة اتفاق جيبوتي والملازمين وموقعة ذات النياشين لم يقنع او يقتنع . السودانيين يحيرو . لانهم يثقون في الصادق والاغرب من الصادق ، الفريق صديق .
وسيتحلل الصادق ومن يتبع الصادق . وسيفاوض الانقاد كما يقول الانجليز ,, باي بروكسي ,, باللفة . ما هو اولادو في الحكومة . يفلق ويداوي . غازي الكتل الناس في دار الهاتف ، مش قنع من خيرا فيها وادي الانقاذ عنقرتو . وقال الانقاذ بتفاوض نفسها . شباب حزب الامة مش زفوا غتدور في دارهم ذي ابو السرة في السوق ؟؟ ودلوكت الصادق بيحاورو . محن سودانية .
اقتباس

يا الترابي اركب اول وبعدين لولح كريعاتك
02-22-2014 07:23 AM


الترابي بدا في التصريحات . حقد الترابي علي علي عثمان جعله يتنازل عن كل شي لكي يتشفي باهانته . انه مثل الراقصة سالومي التي رقصت للحاكم الروماني اعلانا لتسليمها نفسها له . والثمن كان رأس النبي يحيي المعمدان الذي عمد سيدنا المسيح . وسالومي حقدت علي سيدنا يحيي لانه وصف والدتها زوجة الحاكم بانها عاهرة . ولقد فاق حقد الترابي علي علي عثمان حقده القديم علي كل الشعب السوداني . ولقد قال الترابي علي رؤوس الاشهاد عن علي عثمان ,, انحنا علمناه كل حاجة . بس ما علمناه الوفاء . لانه اتربي بي موز القرود ولحم الاسود ,, وهذه تهمة موجهة الي سوداني بسيط كان يعمل في حديقة الحيوان في الخرطوم . وتعني ان والد علي عثمان يسرق موز القرود واللحم المخصص لاطعام الاسود . ولماذا لم يتطرق الترابي لتلك السرقات من قبل ؟؟ وكل ما كوز ينطرد يبدا في الردحي وكشف الفساد والسرقات . طيب انت زمان شلوفتك مدقوقة جديد . ولماذا صار السودانيون يعيرون بعضهم بالفقركلنا احفاد الترابلة والرعاة والجياع . ومن سكن منا المدن سكن في بيوت الجالوص . لانه لم يكن هنالك غيرها في امدرمان مثلا .
القائمة التي يريد الترابي ان يأكل كبدتها ، طويلة . احدهم عثمان مصطفي شحادين . وطال الزمن ام قصر .......... الخ ولن يكتفي الترابي بطردهم فقط ولكن حيكون فندكه وغربال . وحيشبع فيهم سف وقرش . وستكون هنالك تصفيات نفوس وحسابات .
الترابي بدا يتصرف وكانه الحاكم الفعلي للسودان . والحقيقة انه العن واخبث سوداني . وهو لاعب في مجموعة عالية البراعة مكونة من شخص واحد هو الترابي . لكن مش كان يصبر لحد ما يركب بعدين يلولح كريعاتو . السياسة ما مضمونة ، بالرغم من ان الصادق دائما في جيب الترابي . ولقد رسمت هذه الخطة في اجتماع جنيف بين الصادق والترابي الذي نظمه الفاتح احمد حسن الموجود في الخرطوم والدولة استخرجت شهادة وفاته بسبب مطاردة البوليس الدولي .
ولا تزال هنالك مطبات . الترابي ولع دارفور . ذي المرة القطيتا حرقت وقالت عجبني للمرقوت . الجنجويد قاعدين وديل كل الوكت فهموهم انو الترابي هو العمل كل المشاكل وهو عدوهم الاول . والجنجويد اولاد علي عثمان . فبل كم يوم ادوهم حق الفطور . وبعد ما يخلص ؟؟؟. وثأر بولاد لم يحسم . والعدل والمساواة محاربي دارفور والجبهة الثورية لن يغفروا دماء اهلهم ولن يفتحوا ازرعهم للجنجويد . ولن ننسي قتل 2 مليون من اهلنا في الجنوب . ولن ننسي مذابح جنوب النيل الازرق واهلنا النوبة والنوبيين وشرق السودان.
ولا يكفي الاعتزار . وحتي الشريعة المجغمسة التي اتي بها الترابي مع نميري او مع الانقاذ لاتسقط الدماء المسفوكة . والمرة دي مش ذي اكتوبر غش وخداع ن لعدم التوثيق . كل شئ مسجل الآن . من الشهداء الذين صاروا فطائسا الي حديث الغرباوية . واتهام وزراء البشير بالسرقة والنهب .
اهم حاجة عند السوداني هي كرامتو . وضح بدون اي شك بأن الصادق والبشير والترابي نفسهم ساقطة ذي ما بقولوا في السودان لمن يلقوا السلطة ما بيقدروا يقاوموا . ابو سلمون او المحامي احمد سليمان رجمة الله عليه . كان شيوعيا وصار انقاذيا . قالوا له بانه انسان محبوب خفيف الروح ومحامي ناجح لماذا يشقي نفسه بالجري خلف السلطة ؟؟ رده كان ,, انتو ما عشان ما جربتوها ساكت . السلطة حلوة البضوقا ما بقدر يخليها ,,. ولم اذكر الميرغني لان موضوعه واضح من زمان . ما بحب التعب ولا الاكل الكعب . لقد ظهرت الالوان واضحة . وانتهت الضبابية . اي انسان في خندق الانقاذ تحت اي مسميات هو خائن لدماء الشهدا والمهمشين وللشعب السوداني .
ع . س . شوقي


مواضيع لها علاقة بالموضوع او الكاتب
  • مسيرة حاشدة بلاهاي ضد إنتهاكات حقوق الإنسان في السودان
  • الإمام الصادق المهدي ينعي الباشمهندس الراحل أحمد عبد الله أحمد عمر
  • ضابطان من الجيش السوداني يُحقِّقان مع الصحفي (بهرام عبد المنعم)
  • لقاءات ناجحة للحسن الميرغني بدعوة من الكونغرس الأمريكي
  • بيان مهم: من رابطة جبال النوبة العالمية بالولايات المتحدة الامريكية، بمناسبة الذكري الرابعة لحرب الا
  • بيان حول مأساة السودان في دارفور: دعوة لوقف التعذيب والاختفاء القسري والقتل علي الهوية
  • الاتحاد الأوروبي و الامم المتحدة يوقعان اتفاقية لدعم شرق دارفور
  • سفير الاتحاد الأوروبيي يخاطب احتفالات يوم أوروبا والسنة الأوروبية للتنمية
  • جاسوس الخارجية السودانية يسلم ملفات لـلمخابرات الامريكية
  • اعتداء مليشيات المؤتمر الوطني علي طلاب دارفور بجامعة بحري وتجدد الإشتباكات بين المعاليا والرزيقات ب
  • بيان من منبر كلفورنيا
  • كاركاتير اليوم الموافق 11 مايو 2015 للفنان ود ابو عن هبر . . . تااااااااني!!
  • السودان وجنوب السودان يختتمان مباحثاتهما حول أبيي
  • الأجهزة الأمنية بكوستي تعتقل الاستاذ احمد عبدالمولى عجبنا صاحب مكتبة الحرية
  • إسرائيل: السودان بانضمامه للتحالف قدّم للسعودية نقاطاً مهمّة لصالحها في التوازن أمام إيران
  • بيان حول المستقبل السياسي لإقليم جبال النوبة
  • خطاب الإمام الصادق المهدي في المؤتمر الدولي تحت عنوان: دور الوسطية في مواجهة الإرهاب وتحقيق الاستقرا
  • إضطراب جنوب السودان.. الحصاد الأمريكي المر (3)
  • الإمام الصادق المهدي: الفريق صديق برئ من الاتهامات المنسوبه إليه
  • حكومة الخرطوم فى مواجهة النشطاء
  • الاتحاد الاوربي يطالب باطلاق سراح أبوعيسي و مكي مدني
  • مع اقتراب الانتخابات: المزيد من إغلاق وإلغاء ومصادرة، وتقييد عمل المجتمع المدني فى السودان
  • الشهر القادم المهرجان الرابع لتراث جبال النوبة
  • طالبات جبال النوبة تكرم جامعة الاحفاد والمعلميين
  • واشنطن تؤيد حظر الأسلحة على جنوب السودان
  • منظمة مسيحية وراء زيارة وزير خارجية السودان علي أحمد كرتي لواشنطن
  • كاركاتير اليوم الموافق 7 فبرائر 2015 للفنان ودابو عن دستور يا الأسياد (2)
  • تقرير حول دور السودانيين فى أمريكا ومنع زيارة وزير خارجية الخرطوم
  • محمد حاتم سليمان مستشاراً إعلامياً بالقصر وناطقاً رسمياً باسم رئاسة الجمهورية
  • رئيس البرلمان: اختراق في علاقات الخرطوم وواشنطن عبر وسيط سوداني
  • خطاب من أبناء و بنات الهامش بأمريكا الي الرئيس أوباما بعدم منح أي مكافأة للنظام في الخرطوم
  • Re: خطاب من أبناء و بنات الهامش بأمريكا الي الرئيس أوباما بعدم منح أي مكافأة للنظام في الخرطوم
  • ندوة منظمة المرأة السودانية الامريكية حول قضية الردة : الأستاذة زينب السويج مدير الكونغرس الاسلامي
  • الكونغرس الأمريكي يوصي بمحاكم دولية لملاحقة مرتكبي العنف في جنوب السودان
  • رئيس لجنة إفريقيا في الكونغرس الأميركي: نؤمن بان حكومة الخرطوم لديها سياسة طويلة
  • تقارير تتحدث عن ثورة وشيكة للامازيغ بدول شمال افريقيا لتاسيس وطن قومى للامازيغ
  • مع الفريق نافع مرة اخرى..!! بقلم عبد الباقى الظافر
  • مراثون الصراع بين المجاهدين ونظام الملالي الى اين ؟ بقلم د . حسن طوالبه
  • نظام الملالي في ايران على صفيح ساخن بقلم د. حسن طوالبه
  • ألم يحن للأغبياء أن يفهموا ؟! بقلم مأمون هارون
  • أريك ريفــز .. الغواصـــــة الامريكية !! بقلم عمـــر قسم الســيد