مكياج خروف الضحية! بقلم فيصل الدابي/المحامي

مكياج خروف الضحية! بقلم فيصل الدابي/المحامي


09-23-2015, 05:31 PM


  » http://sudaneseonline.com/cgi-bin/sdb/2bb.cgi?seq=msg&board=7&msg=1443025890&rn=0


Post: #1
Title: مكياج خروف الضحية! بقلم فيصل الدابي/المحامي
Author: فيصل الدابي المحامي
Date: 09-23-2015, 05:31 PM

05:31 PM Sep, 23 2015
سودانيز اون لاين
فيصل الدابي المحامي-الدوحة-قطر
مكتبتى فى سودانيزاونلاين



في بعض الدول الاسلامية يتم عمل مكياج لخروف الضحية!
في ليبيا تقوم ست البيت بالقبض على خروف الضحية وتكحيل عينيه بالكحل العربي (يعني الخروف لازم يتكحل ولا على كيفو) !! في المغرب تقوم ست البيت بتخضيب جبين خروف الضحية بالحناء كأنما تريده أن يصبح عريس الضحية وليس خروف الضحية !!
في تركيا تقوم ست البيت بتخضيب كل جسم الخروف بالحناء وتعلق على قرونه أشرطة وردية وتضع على عنقه قلادة ملونة! يعني تبقيهو نعجة عديل كده ده وهذه تصرف قد يعقد الخروف الضكر إذا لاحظ أن إناث البشر فقط هن من يلبسن الاشرطة والقلادات!! في باكستان تقوم ست البيت بتلوين كامل جسم الخروف بألوان مختلفة إلى درجة أن الناظر لخروف الضحية الباكستاني يظن للوهلة الأولى أنه أمام لوحة فنية حية لا تكف عن الحركة والصياح!!
في السودان لا تدلع ست البيت خروف الضحية ولا تعمل له أي مكياج لكن هناك نكتة سودانية تقول: واحدة حنكوشة مربيه ليها حمل صغير في البيت ومدلعاهو دلع شديد، الحمام بالشامبو والتسريح بالفرشة والنوم على السرير، اها بعد سنة الخروف كبر وصادف عيد الضحية ، ابوها قال ليها يا بتي الخروف ده بقى كبير والعيد جاء خلينا نضبحو نستفيد منو، في الاول اعترضت بشدة ، لكن في النهاية وافقت وقالت لابوها خلاص موافقة لكن عندي عادات وتقاليد لضبح الخروف ده لازم اسويها قال ليها خلاص سويها مشت السوق جابت ليها فرش احمر وسجاد بتاع الجرتك وربطت للخروف الحريره والهلال وعملت ليهو الكحل ، ابوها مشى جاب الضباح وجا .. الضباح طلع مسطول للطيش... الضباح لما شاف الخروف بالحاله دي مرق السكين طهر الخروف وفات!!
فيصل الدابي/المحامي



أحدث المقالات


  • رد وزارة البيئة :التهافت فى الفساد!! بقلم حيدر احمد خيرالله 09-23-15, 06:19 AM, حيدر احمد خيرالله
  • دجاج تورنتو بقلم بدرالدين حسن علي 09-23-15, 06:15 AM, بدرالدين حسن علي
  • عبد الحي . . والفلكسواجن بقلم أكرم محمد زكي 09-23-15, 06:13 AM, اكرم محمد زكى
  • المشكلة في المكان الاول هي الانسان بقلم شوقي بدرى 09-22-15, 11:00 PM, شوقي بدرى
  • العفو والعافية النفسية والاجتماعية بقلم نورالدين مدني 09-22-15, 10:57 PM, نور الدين مدني
  • من يهندس التآمر داخل الحركة الشعبية ولمصلحة بقلم كمال كمبال تيه 09-22-15, 10:56 PM, مقالات سودانيزاونلاين