خربشات مسرحية (5) حصة من تاريخ محقق بقلم محمد عبد المجيد أمين (براق)

01:05 AM Sep, 17 2015
سودانيز اون لاين
محمد عبد المجيد أمين(عمر براق)-الخرطوم-السودان
مكتبتى فى سودانيزاونلاين



بسم الله الرحمن الرحيم


(يفتح الستارعلي نفس المشهد السابق ومن خلال الضوء شبه المعتم لا نري غير الراكوبة حيث تقبع تحتها المجموعة الصامتة. بعد قليل . نسمع صوتا جهورا يصدر من الخارج معلقا.
الصوت : بسم الله ... ماشاء الله .... إنتو لسه عايشين يا أهلنا العزاز؟.... صابرين علي المرارة... والحقارة . معليش... قسمتكم كده... إنو تعيشو في زمن اللصوص.... زمن النفاق ... والإرتزاق ... والكذب البواح.
زمن الظلم والسنين العجاف. زمن التجارة بالدين.. وإنتو المشترين!!.
خليكم في راكوبتكم دي لمن نشوف آخرتا .
( يصمت قليلا ثم يواصل) ... ما تشفقو كان قلعوها منكم ....بقوم غيرا ...والرواكيب كتار لمة ناسا ...بيكوسو الحق.. ويحاربو الظلم ... حقكم ما بيضيع هدر.... ويهو دا المطر.... نازل غزير... نعمة من مليك مقتدر...طهارة لقلوب المؤمنين... ونقمة علي رؤوس الغافلين؟...صبرا..صبرا... إمكن نعتبر. والله كان صبرتم ... هما الخسرانين .
( يتنهد ثم يواصل) في لحظة سكون تعالو نشوف أصل الخبر .. نعمل فلاش باك...نستخدم أدواتنا المسرحية البسيطة وننكت في عجالة في تاريخنا " الملتق"... إمكن نلقي إجابات في المنعطفات والمنعرجات.. بين الزوايا .. البتعكس كل الخفايا.
( يصمت قليلا ثم يواصل)...قبال ما يمرق من أرضنا الدخيل ... ظبت أمورو تمام ..وزع قنابل وزرع الغام ...شغل الحتة بتاعت " الثنائية " وهو عارف إنو الغبش ممكن يساقو في أي إتجاه . عب وسيد ، فاضل ووضيع ، متعلم وجاهل ، عربي وافريقي ، و " تلت" معاهم مسلم ومسيحي ووثني ... وتعال شوف بعداك.... العجب العجاب!!.
في البداية ..فصل الجنوب ... قال : ( يقلدهم) ما تهبشوهم ... ديل تبع البابا. تراه كان بيحفر لقدام ... الشعب جاهل ...والخرجين ... المتنورين.. غرقانين في كراسي الزعامات والإنقسامات... دا يقول نتحد مع الجيران ...وداك يقول نستقل برانا. وجا الإستقلال ..... عملتو شنو يا أفندية .. وإنتو يا ناس العسكرية؟!!. ( بحسرة) دخلت بلدنا في إمتحان ... ورا إمتحان ، ورا إمتحان ....
سؤالاته : منو المراقب ...ومنو المصحح؟ منو الحاكم ..ومنو المحكوم ...ويحكم بشنو؟
( الإضاءة المتحركة تركز علي عمق الخشبة حيث يظهر من كل جانب مجموعتين ، متشابهتين ، عبارة عن رجل يحمل سوطا وآخران يتبعانه يحملان مقعد فصل مدرسي . المجموعتين يصلان الي منتصف الخشبة ويثبتان مقاعدهما ، مواجهان بعضهما بعضا . إثنان يجلسان علي المقعد والألفا يشرح ملوحا بسوطه. سوف يرمز للفصل جهة اليمين بالألفا " أ" والأخر بالألفا " أ مكرر").
الصوت : (يواصل معلقا )...في البداية وزعونا علي فصلين وختو لينا " ألفا" في كل فصل: هاك يامولانا ... إنت وعيالك فصل ، حق تعبك وشقاك معانا..... هدية من صاحب الجلالة. وإنت يا ود الإمام..شفت كيف دردقناكم معانا ... سلمتو سيفكم هدية ... من باب الوفاء والأمانة ؟ هاك... إنت وعيالك فصل.. حق تعبك وشقاك معانا. هدية من صاحب الجلالة.
يهو... قسمنا ليكم البلد تلتين والتلت التالت ما حقكم... تاني بعداك دايرين شنو؟....اوعاكو تشاكلو بيناتكم علي الزعامة ... مش " دينكم" واحد ؟ سمح ...كل واحد يشتغل بطريقتو علي الرعية.... وما تنسو جميلتنا عليكم... لما تسنح الفرصة...تزورونا في عاصمة الضباب.... الإستقلال يبدأ من هنا.
الإلفا أ : ( لتلميذيه ) ... شفتوكيف ؟ .... الإستقلال دا...جابو جدنا الأسد
الغضنفر...واللي ما عاجبو يشرب م البحر.
( لأحد تلاميذه ) تعال بوس إيد سيدك يا دكتور....وإنت بعدو يا
بروف ( أحد التلميذين ينهض ويقبل يده).
الألفا أ مكرر: ( لتلميذيه ردا علي الألفا أ)... كضبا كاضب ... نحنا اللي
وقفنا في وش التبعية... قلنا بالفم المليان : الحردان للحردانيين.
الإلفا أ : ( لتلميذيه ) الشرق دا حقنا ومريدينا كتار... يضريو في" الفتة"
الحارة ويقرو أوراد جدنا الكبير. خلاصة الكتاب والسنة!.
الألفا أ مكرر: ( لتلميذيه ردا علي الألفا أ)... جزيرة "يابا" دي كلها حقتنا
وقروشا صرفناها علي النضال...والعيلة والأحباب ، ما قصرنا
معاهم.
الإلفا أ :(لتلميذيه) نحنا ما خلينا حكومة الا وخشيناها... رافعين شعارنا:
المصالح تعلو ولا يعلي عليها... نضيع نحنا ولا يضيع الشعب... تحيا
العروبة...عاشت الإشتراكية...... مرحبا بالديموقراطية. أهلا
بالسلطة الدينية.
الألفا أ مكرر: ( لتلميذيه ردا علي الألفا أ) نحنا عملنا حكومات
ديموقراطية ... فركشوها أولاد الحرام.. نقول شنو؟...حسادة بس .
( الألفا أ والألفا أ مكرر يتواجهان في منتصف الخشبة ويدخلان في جدال عقيم لا نسمع منه ما يدور).
الألفا أ : ( لللآخر) نحنا شايلين لقب " سير".
الألفا أ مكرر: (يرد) و نحنا برضو شايلين لقب " سير".
الألفا أ : ( لللآخر) نحنا زعامتنا دينية وسياسية.
الألفا أ مكرر: (يرد) ونحنا برضو زعامتنا دينية وسياسية.
( الرجال والنساء والشيوخ والأطفال من المجموعة الصامتة يزيحون
اللصقة ويشاركون في الحدث في شكل تظاهرة صامتة تلف أرجاء الخشبة. بعد قليل يسمع صوت يصرخ من الخارج).
الصوت : إنقلاب...إنقلاب....إعملو حسابكم...الكضابين وصلوا.
( يتبع) 6
الدمازين في : 16/09/2015م.
محمد عبد المجيد أمين (براق)
mailto:[email protected]@yahoo.com


أحدث المقالات

القدس أكبر من فلسطين بقلم د. فايز أبو شمالة 09-16-15, 08:56 PM, فايز أبو شمالة

الشاعرة والكاتبة إيزابيل بيليكى Isabelle Bielecki بقلم الهادى عجب الدور 09-16-15, 05:05 PM, الهادى عجب الدور

مواسم حج حقوق الإنسان : ويبقى ماينفع الناس! بقلم فيصل الباقر 09-16-15, 05:01 PM, فيصل الباقر

حكايات الحلة الدبيب والشوال حكاية جديدة بقلم هلال زاهر الساداتي 09-16-15, 04:59 PM, هلال زاهر الساداتى

موسيفيني ظلت العلاقات السودانية اليوغندية متوترة لفترة طويلة وكل محاولات تحسين بقلم راشد عبدالرحيم 09-16-15, 04:56 PM, مقالات سودانيزاونلاين

البشير أعلن وقفاً لأطلاق النار وخرقه ثم رقص بقلم الفاضل سعيد سنهوري 09-16-15, 04:53 PM, الفاضل سعيد سنهوري

إلى أين يقودنا الإعلام الرياضي؟؟!! بقلم كمال الهِدي 09-16-15, 02:46 PM, كمال الهدي

(كرعين) الوالي!! بقلم صلاح الدين عووضة 09-16-15, 02:39 PM, صلاح الدين عووضة

صنم العجوة..!! بقلم عبد الباقى الظافر 09-16-15, 02:37 PM, عبدالباقي الظافر

بين الموفِّقين والحوار الوطني بقلم الطيب مصطفى 09-16-15, 02:35 PM, الطيب مصطفى

محو الأمية أم..الأمي ؟ بقلم الطاهر ساتي 09-16-15, 02:33 PM, الطاهر ساتي

لا ياسيادة وزير البيئة ، إنه الفساد!!(1) بقلم حيدر احمد خيرالله 09-16-15, 07:06 AM, حيدر احمد خيرالله

خامنئي ومسرحية زوال إسرائيل! بقلم عقل العقل 09-16-15, 06:55 AM, مقالات سودانيزاونلاين

إحساس مضطرب بقلم الحاج خليفة جودة 09-16-15, 06:46 AM, الحاج خليفة جودة

جور السلطات وظلم الحكومات بقلم د. مصطفى يوسف اللداوي 09-16-15, 06:41 AM, مصطفى يوسف اللداوي

حكايات الحلة شقاوة عيال حكاية جديدة بقلم هلال زاهر الساداتى 09-16-15, 03:48 AM, هلال زاهر الساداتى

حوار الطرشان السودانى مرة اخرى ! بقلم د على حمد إبراهيم 09-16-15, 02:18 AM, على حمد إبراهيم

السوريون الهاربون ومافيا البشر ! بقلم عثمان الطاهر المجمر طه / لندن 09-16-15, 02:16 AM, عثمان الطاهر المجمر طه

غجر مصر بقلم محمد رفعت الدومي 09-16-15, 02:15 AM, محمد رفعت الدومي

التنقيب عن الذهب و الوزارة بقلم عمر عثمان-Omer Gibreal 09-15-15, 10:58 PM, عمر عثمان-Omer Gibreal

أمسية سودانية صوفية في سدني بقلم نورالدين مدني 09-15-15, 11:03 PM, نور الدين مدني

السيدة/تراجي مصطفي بقلم التاج عبد الرحمن فرتي 09-15-15, 11:14 PM, التاج عبد الرحمن فرتي

الي اين يقودنا الاعلام الرياضي بقلم عبد المنعم هلال 09-15-15, 11:09 PM, عبد المنعم هلال

ليس من حق الحكومة حظر سفري كطبيب بقلم د محمد علي سيد الكوستاوي 09-15-15, 11:02 PM, محمد علي سيد الكوستاوي

ثم ماذا بعد قرار مجلس السلم والامن الافريقي!! بقلم ادم ابكر عيسي 09-15-15, 11:00 PM, ادم ابكر عيسي