تايه بين القوم / الشيخ الحسين ....... من شعر الشريف زين العابدين الهندي....... شرق السودان

04:29 AM Jun, 01 2015
سودانيز اون لاين
الشيخ الحسين-
مكتبتى فى سودانيزاونلاين



من شعر الشريف زين العابدين الهندي:-
ناس اوشيك يخنقو في الربابة يغنو
و اوهاج سل شوتالو وبرك له يسنو
تمباك الدمك جوه الكدوس حاشنو
جبنات يا بنات ( هريوا) قامن وجنو
( دبايوا) ( اوجات - كها) يا ادروب أبوك كيف انه
روح تندلاي واللي الصهب فاتنو
قالوا الليلة هبباي بركة زايد جنو
ناس باكاش وحامد في اروما استنوا
.......
الكور دلوا و( المربيت) بتمشي الوادي
خت الدرقة والهاري الصميم ب غادي
و إدن ( الانقلت) قرب علينا ينادي
و( الهوشاب) برد بروي الغليل للصادي
الانقلت :اللحم شديد التسوية يطبخ بشحمه حتي يجف
الهوشاب : حوض الماء
المربيت: البقرة وعند البعض البعير

من شعر الشريف أيضاً :-
وفي شروقك ربا العنافي قاطع تيهه
في ضهرة الدغم دوباي حرارته وتيه
وفي الشبرية راكبة حمامه بتغنيه
مسدار اب شوارب يأخذه يوديه

تنطق:-
تيهو
بتغنيهو
وهكذا
أتي الإنجليز بالجمال العنافية لبناء السكة حديد وبعد الفراغ تركوهاه في الخلاء فهي متوحشة عندنا في استراليا وتناسلت زهاء ال٢٠٠ سنة أبلغت المرحوم الشريف حينها فبدا الحزن في صوته
والشريف زين العابدين:-
أمانة عليك بطانة اب سن بتنسي الكاعة
يوم أكلت كباد ساكت رخم وضباعها
يوم محمود وناس عوض الكريم سم ساعة
واقفين في الشمس دائرين يغطوا شعاعها
في ضحوة عجاجة وسيوفهم اللماعة ياكلن في التراقي ويقطعن في ضراعها
،،،،،،،،.
يا المعزوزة بدمانا وعضام ابواتنا
عارفنك مقريفة لشراب قهواتنا
زغرتي يا أم رشوم خلي الندق نحساتنا
و نحاسب عقاب الجاتنا و ال ما جاتنا
أظن عوض الكريم سم ساعة هو عرض الكريم اب سن صاحب الاسم
ومحمود هو محمود ود زايد شحم البل شيخ الدبيان او الذبيان التي هي الضباينة
مسك ختام الشرق :-
وفي شروقك جبال مليانة خير ومعادن
فيها السارح الناشق وفيها الساكن
وفيها المن حلايب جابي غاشي سواكن
وفيها الاركويت نسام أراك وجناين
وفيها غزال جبيت وقل قصاد الشادن
ومن صمد انطرح ل اربعات بيعاين
قال عباس محمود العقاد:-
خذوا دنياكموا هذه،،،،،،، فدنياواتنا كثر






أحدث المقالات

الأولمبى التونسى يتأهل لملاقاة أسود الأطلسى على حساب الأولمبى السودانى ... الأبيض ... ياسر قطيه 06-01-15, 04:16 AM, ياسر قطيه

إبليس يترافع عن شريعته أمام الله.. بقلم عثمان محمد حسن 06-01-15, 04:11 AM, عثمان محمد حسن

القتل حداً لمهربي المخدرات!! بقلم أبوبكر يوسف إبراهيم 06-01-15, 04:07 AM, أبوبكر يوسف إبراهيم

تهديد داعش في العراق بين الديمقراطيين والجمهوريين بقلم د. نصر محمد علي/مركز المستقبل للدراسات الستر 06-01-15, 04:05 AM, مقالات سودانيزاونلاين

السودان بعد الإنتخابات الاخيرة بقلم حامد ديدان محمد 06-01-15, 04:04 AM, حامـد ديدان محمـد

الكيد السياسي والأحكام الجائرة بقلم نورالدين مدني 06-01-15, 03:10 AM, نور الدين مدني

عودة الابن الضال..(موسى هلال)..منهزما!! بقلم عبد الغفار المهدى 06-01-15, 03:08 AM, عبد الغفار المهدى

إصلاح النظام الصحي التشخيص والعلاج ( 2) بقلم عميد معاش طبيب سيد عبد القادر قنات 06-01-15, 03:06 AM, سيد عبد القادر قنات

التطرف!! بقلم أبوبكر يوسف إبراهيم 06-01-15, 03:04 AM, أبوبكر يوسف إبراهيم

كارثة نلاحظ أن سحر البشير يجذب الأخرين إلى بلاطه لتنصبه رئيسا ليذبح المزيد من شعبه 06-01-15, 03:01 AM, توتو كوكو ليزو