مهداة لشهداء وصناع إنتفاضة مارس/ ابريل متين العودة يا مطر بقلم الطيب الزين

03:24 PM Apr, 04 2015
سودانيز اون لاين
الطيب الزين-
مكتبتى فى سودانيزاونلاين





في غيابك العصافير ِفاتت الأعشاش
ووجه الارض ما عرف زينة الرشاش
و الضُّل الكبير إتكَسَّر
والحلم البيَحبي إتعَسَّر
والِّلسَّع في جُوَّانا دَمُّوا إتخثَّر
لسَّع البسمة تأيهه في جوف المتاهه
والناس حِفت من طول المسافة
بتسألني عنك ذرات أرضنا
بتقول بتحلم بلقاك
لما شافت عيون الغُبُش مسكونة بآيات وفاك
وين ما أُقَبِّل ألقى السؤال يسبق الاجابة
مرة في وجوه الجياع
ومرة على أرصفة الضياع
ومرة في دعوات زولا ليلا ونهارا بيركع
ومرة في الطَوريَّة البتزرع
ومرة من الآه المارقة من المصنع
ومرة من الدخان المن بيتنا بيطلع
ومرة من كل الشوارع
السؤال حتما ليهو إجابة
قلب الدفاتر تلقى الاجابة مالية القُفَّه الخرابة
الصبر ملح الغلابة
كفانا انتظار
حث خُطاك يا مطر
ابداها من ارض النخيل
شرِّق وغرِّب وهناك
حتماً بيكبرالسؤال
انتظرناك في الساحات والمؤانئ
في الجروف والطوابي
بس في هجعة الليل
سمعنا صوت سلاح بلعلع
وفي الدغش
جاءت الحدائق العارفة كلَّ الحقائق
بتسألنا نحن الغبش
بتقول متين العودة يا مطر
ونحنا بدورنا بنقول متين العودة يا مطر؟


الطيب الزين
2015/4/4




مواضيع لها علاقة بالموضوع او الكاتب

لخطاب رئيس العصابة الحاكمة بقلم الطيب الزين 01-01-15, 06:44 PM, الطيب الزين

فيقوا يا أهل الهامش!/الطيب الزين 09-01-14, 03:33 PM, الطيب الزين

لكم كل الحق، أن تخدعوا أنفسكم/الطيب الزين 08-04-14, 08:36 AM, الطيب الزين

الديمقراطية لن ينتصر لها غير الديمقراطيين .. علي محمود حسنين نموذجاً/الطيب الزين 07-28-14, 00:06 AM, الطيب الزين

السودان بين البناء والتخريب..؟/الطيب الزين 03-22-14, 03:00 PM, الطيب الزين

التحية للأستاذ فتحي الضو، نعم لا بد للديمقراطية وإن طال السفر./الطيب الزين 03-16-14, 03:08 PM, الطيب الزين

رحيل النظام هو السبيل الوحيد للخروج من الأزمة الراهنة/الطيب الزين 01-28-14, 04:05 AM, الطيب الزين

منديلا القائد ومنديلا الإنسان!/الطيب الزين 12-10-13, 04:32 AM, الطيب الزين

تعزية للشهيد فضيل محمد رحومة/ الطيب الزين 11-21-13, 09:39 PM, الطيب الزين