خطاب مفتوح للرئيس السيسى

خطاب مفتوح للرئيس السيسى


07-09-2014, 03:07 AM


  » http://sudaneseonline.com/cgi-bin/sdb/2bb.cgi?seq=msg&board=7&msg=1410055647&rn=0


Post: #1
Title: خطاب مفتوح للرئيس السيسى
Author: جاك عطالله
Date: 07-09-2014, 03:07 AM

drجاك عطالله

رسالة صريحة مفتوحة للرئيس السيسى
بقلم جاك عطالله -
اعتذر البرئيس السيسى بشدة للشعب المصرى على احداث يوم الخميس المظلم او الخميس الاسةود نظرا لانقطاع الكهرباء عن مصر بكاملها لمدة طويلة اثارت اكثر المصريين تأييدا للرئيس

اولا الاعتذار شىء اهلاقى محمود وعلينا ان ننمى ثقافة معرفة موطن الخطأ والاعتذار عنه والعدول عن ركوب الدماغ والمخ الناشف التى كان يتبعها الرئيس السابق مبارك المعروف عنه انه كان يحرن مثل ال... ولا يتزحزح قيد انملة عن خطأه ولهذا اولا نشكر الرئيس السيسى عليه

لكن خلينا بقى اولاد بلد وجدعان معاك زى ما انت جدع ولازم نتصارح على شوية حاجات مهم جدا انك تسمعها من شعبك موش من مستشاريك لان كل المستشارين من ايام عبد الناصر جابوا مصر ع البلاطة

بص يا عمنا السيسي انت عاوز الصراحة ولا كلام مزوق لا يودي ولا يجيب؟؟

انا ها اقوللك علي بلاطة لاني وطني انت دلوقت ماسك من فوق السنة وتسجيلاتك بتقول ها يحصل تحسن فوري في خلال اول ثلاثة شهور فى المشاكل اليومية كهربا ومواصلات ورغيف عيش ومية و تعليم وصحة ولو نسبى وماحصلش اي تحسن الا في الامن شوية صغيرين والناس بتستعجب

اولا انك بتشتغل مع ناس جابهم مرسي لانهم تبعه ازاى يحصل الكلام ده وماطهرتش البلد من عملاء الاخوان وها اقوالك زى بعضه جدعنة منى تبتدى بمين جزء من الوزراء بتوع مرسى ورئيبس الوزراء ووزير الداخلية دول طافحين قوى وريحتهم طالعه من الاخونة ومعاهم ضباط شرطة كتير بمناصب رئيسية ورؤساء جامعات وقضاة معروفين ومحافطين وتلات ارباع اساتذة الازهر وطلابه

ثانيا سايب السلفيين يمرحوا وبتطبطب عليهم قوى فاكر ان علشان متحالف مع السعودية تسيبهم ؟؟ دول اخس من الاخوان ونابهم ازرق والمصريين محتارين معاك ومعاهم

ثالثا ومزعل الاقباط برخاوتك مع اللي بيخطفوا الاقباط ويمصوا دمهم و يفلسوهم ويرهبوهم ويقتلوهم ويخطفوا بناتهم القصر
رابعا و مرعوش من اعادة بناء الكنايس اللي اتدمرت بسبب ان الاقباط وقفوا معاك وقفة رجالة وسندوك وبعدها خاب املهم فيك واخدوا خازوق بتصريح باباهم (((ماتطلبوش حاجة من السيسي معندوش دلوقت وموش فاضي لكم))

ودي مصيبة قوية ياريس سيسى تجعل الاقباط يفكروا جديا بحلول عملية اخري غير الاخد علي قفاهم طول الوقت لان قفاهم اتبرى من اللى رايح واللى جاى وخلاص قرفوا بجد على اخرهم من تنصل الدولة من عمل حلول جذرية للجم الارهاب الدينى لان قضية الاقباط اهم من الكهربا بكتير اللى تقول تكلف 12 مليار دولار وبتعتذر للشعب عغليها الاولى تعتذر للاقباط وتعوضهم وتوقف المدابح وخطط الدولة لابادتهم وساعتها هما اللى عملوا حضارة اسرة محمد على وممكن يعيدوا العمل مرة اخرى لاعادة حضارة مصر العظيمة وبص حواليك وشوف داعش بتعمل ايه - انا لو منك ابتدى بالقضاء نهائيا على الارهاب الداخلى زى ما عمل عبد الناصر - وزارة حرب مرة اخرى وتطهير شامل كامل مرة واحدة تريح كل المصريين خمسين سنة قدام
ايه رايك ورأى المصرؤيين ؟؟؟

قضية الاقباط عاوزة تعزل كل ضباط الشرطة الاخوانجية وبتوع الحكم المحلى و اساتذة الازهر المتعصبين و القضاة الاخوان اللى سايبين الصيع والسلفيين بينهشوا بلحم الاقباط الحى وانا عامل مالكشى دعوة وياريت تقرأ و تفكر جديا واذا كنت غلطان قوللى