عفواً.. جزيرة الخير..!! زاهر بخيت الفكى

عفواً.. جزيرة الخير..!! زاهر بخيت الفكى


11-08-2014, 10:58 PM


  » http://sudaneseonline.com/cgi-bin/sdb/2bb.cgi?seq=msg&board=7&msg=1407794291&rn=0


Post: #1
Title: عفواً.. جزيرة الخير..!! زاهر بخيت الفكى
Author: زاهر بخيت الفكى
Date: 11-08-2014, 10:58 PM

عفواً.. جزيرة الخير ..
ذبحوك..
بمنجل قديم مسموم..
سقوك..
كاسات من سموم..
كل الأصابك ..مننا..
ما من غريب..
أُس الدمار..
أسباب خرابك..
نحن ديل..
مايقولوا ليك..
الغيرنا هم كانوا السبب..
لا أمريكا ..
عاثت فيك فساد..
لا روسيا..لا اسرائيل..
هم دمروك..
باعوك..
فى أغرب مزاد..
بلا جرس ..
يبقى الدليل..
لا فيه تاريخ ..لا ميعاد..
باعوكِ ليل..
لى زول عميل..
الناس نيام..
جانا الصباح..
لا لقينا سكة ولا حديد..
جفت مآقى الترعة..
فى عز الخريف..
لاموية فيها ..
ولا شجر..
لا نعجة راتعة..
ولا بقر..
نُكران جميل..
قِلة وفا..
هم صيروك..
يازارع القطن الجميل..
عاطل ذليل..
بلا أمــل..
وبلا عمل..
الحل شنو..؟
قالوا اللجان..
لجنة فاتت من عبيد..
واحدة تانية..
فيها زيد..
الخاتمة كانت توصيات..
مرمية فى ركناً بعيد..
محمية بيد من حديد..
وبلا جديد..

بلا أقنعة..
صحيفة الجريدة السودانية..