شعب جنوب السودان داير سلام .. شعر: اكول ميان كوال*

شعب جنوب السودان داير سلام

جنوب السودان بلد جميل وكبير،
واكبر من مشار وكير.

جنوب السودان اكبر من الحركة الشعبية،
واكبر من الإقليمية وقبلية.

جنوب السودان ما بس بحر الغزال؛
هذا حقيقة يا ابو نضال وأم نضال.

جنوب السودان ما بس أعالي النيل،
يا بت وود النيل.

جنوب السودان ما بس استوائية؛
حاربو كل أشكال القبلية.

خلي كلام انو أنا نويراوي،
ول أنا شلكاوي ول دينكاوي.

وقول أنا جنوب سوداني،
وجنوب السودان وطني.

جنوب السودان وطنا كلنا،
من منقلا لراجا.

أنا وطني؛ جنوب سوداني،
من أبيي لنمولي.

كان انت مورلي من جونقلى،
انت لسة اخوي وابن بلدي.

جنوب السودان بلدنا كلنا،
من الرنك لكبويتا.

جنوب السودان بلدنا كلنا؛
انه بلد لاسوبا ونياناس ومناوا.

انه بلد بانقوت وفوني وأداو،
جنوب السودان بلد باقان ولادو وقاو.

علشان كدا نقول لديفيد ياوياو،
دايرين سلام فى جوبا وملكال وواو.

دايرين سلام فى بنتيو وبور،
دايرين سلام فى ميوم وبيبور.

كير ميارديت ورياك مشار، دايرين سلام،
ازيكييل قركووث ودينق الور، دايرين سلام يا دكتور لام.

اوياي دينق وشيرينو هيتنق ومدوت بيار،
شعب جنوب السودان داير تنمية؛ ما دايرين دمار.

قير شوانق وبيتر أدووك، دايرين سلام،
مجاك أقوت وكوستي منيبي، الشعب داير سلام.

الفريد لادو وتعبان دينق قاي،
دايرين سلام يا مولانا جون لوك؛ نعم يا شول تونق مياي.

يا قادة الشعب! دايرين أمان وتنمية؛
الشعب داير وحدة وكرامة ودولة قوية.

الشعب بيقول: لا للحرب ولا للقبلية،
نعم للوحدة والسلام والتسامح من اجل دولية قوية.

كير ورياك، الشعب داير سلام،
يا احزاب وحركة شعبية، دايرين سلام يا دكتور لام.


and#1634;and#1637; أيار - مايو and#1634;.and#1633;and#1636;
نيروبي، كينيا

ملحوظة: اكول شاعر وقاص ونشر بعض أعماله فى الصحف السودانية، وله مجموعات شعرية وكتب منشورة فى كينيا والمملكة المتحدة والولايات المتحدة الأميريكية.