يا عايش في دنيا من أوهام خيالك..

.....

.....

عمار قال حبيبي الدنيا يوم بتروح..

ممكن يا أخوانا تنزلوا لينا في ايامنا السلطه دي أغنية ابراهيم عوض
المعنون البوست باسمها؟

حلوه شديد

مني

انا حسمعك الغنيه بي صوت بت اسمها عافيه

بترد العافبه

Quote: مني انا حسمعك الغنيه بي صوت بت اسمها عافيه بترد العافبه

يا سلام يا عاطف كتر خيرك كتير..
هي فعلا بترد العافيه..
شفت عازف الكمان بيعزف وهو فرحان كيف؟

انت مشيت البوست الكاتبنه الجماعه في عافيه؟
كان ما مشيت أمشي اضحك وتعال..
عارف انا لقيت الناس في البورد مدورين هيمان ورواقه,,آخر جمال..
قلت اشمعني انا؟
انا كمان اعمل لنفسي جو وحركات..
وطوالي اتوهمت اني في حالة هيمان ولا تنيح ماعارفه وطلبت الأغنيه دي..
تسلم..
قول لي..
لو فاجأتني حالة الأوهام دي ولا استمرت معاي وطلبت أغنيه تانيه ممكن تجيبها لي لو عندك؟

متشكره مقدما..

منى...

عزّالة..و بالجد حلوة شديد
وقالوا سمح الغنا فى خشم سيدو..

يديك العاافية...



للحفظ

Quote: منى... عزّالة..و بالجد حلوة شديد وقالوا سمح الغنا فى خشم سيدو.. يديك العاافية...

ويديك انت "العافيه" يا محمد عثمان يا ظريف
اصله عمار السنوسي أمس كان في التلفزيون وأنا في النت هو يغني بهناك وأنا "اغني"
بي جاي!
وعلشان غنا لغنا يفرق..انا طلبت الأغنيه الجميله دي..
وأهه كل المتنحين في الهيام جونا واسعدونا..

يعيش الهيام اصل التنيح..
والمابيجيني في تنيحتي المفتعله ما بمشي ليه في تنيحته الوهمه..
والحاضر يكلم الغايب!

علي كيفو

Quote: لو فاجأتني حالة الأوهام دي ولا استمرت معاي وطلبت أغنيه تانيه ممكن تجيبها لي لو عندك؟ متشكره مقدما..

وعيوني ليكي

وعيوني ليكي

تسلم انت وعيونك يا عاطف...

شوف كلامك ده ياهو ذاتووو البيخليني عايشه في أوهام "كلامك"

ممكن ما تغيب من البوست ده علشان تنيحي يطول شويه؟

Quote: علي كيفو

ايوه فعلا علي كيفو..هو ذاتو راحم ليهو زول؟
وبعدين الدنيا الهنا دي حقت الله والرسول وبكري علشان ما يزعل..ليه يعني ما يكون علي كيفو؟!

يا كايدهم انت يا علي كيفو

هو فى احسن من الاوهام لوماهى ماكنا موتنا من زمان
عاشت الاوهام والموهومين

Quote: هو فى احسن من الاوهام لوماهى ماكنا موتنا من زمان عاشت الاوهام والموهومين

أول مره اشوف وهم موهوم..
براحه علينا يا ماجده ما كده..خافي علي نفسك شويه من العين والحسد البينتج من الوهم!

طيب ابعدي وهمك من وهمي من فضلك..علشان وهمي بيغير من وهمك..
ايوه بيغير..
اسه وهمك ده عنده شغله غير يجيب اسمي في كل تو ولحظه من اوهام خياله؟
سيبك انتي من الأوهام.. بتوديك في داهيه..ماكويسه عشان صحتك..
اسه انتي خايفه تموتي لو عشتي بدون أوهام؟
أبدا ما دايما الفكره دي صح.. انا الغريبه شايفاكي هاتموتي بالأوهام..

مره واحده موهومه وهي متنحه قالت لحبيبها الموهوم وهو متنح..

صدقني يا موهوم!

Quote: عاشت الاوهام والموهومين

بس ما لدرجة الواحدة ما تنوم ..

وياســــــــلام يامني وتعيشي في دنياك من غير أوهاااام ’’’

يازمن وقف شوية وعيد لي لحظات هنية وشيل باقي عمري وشيل عيني

وبرضو من روائع الفنان الذري أبوخليل رحمة الله علية.

،،،،أبوقصى،،،،

Quote: وياســــــــلام يامني وتعيشي في دنياك من غير أوهاااام ’’’ يازمن وقف شوية وعيد لي لحظات هنية وشيل باقي عمري وشيل عيني وبرضو من روائع الفنان الذري أبوخليل رحمة الله علية. ،،،،أبوقصى،،،،

والله في أغاني تقطع القلب وتكمل معاها المناديل..
وفي اغاني تسمعها كده تنقلك لحاله غريبه ماتعرف توصفها..زي اللحظه الغامضه حقت أبو ساندرا
ربنا يقومه بالسلامه.

لكن صراحه كده اطلب من الزمن يديني لحظات هنيه وبشيل باقي عمري دي ما بعملها..
هو اساسا العمر براه قصير كمان انقصه؟
ده كلام بيتقال في لحظة حب جعليه ساكت..
وهو ذاته احتمال كبير انه العمر يطول وتعاين ورا للحظات الهنيه الكنت حاسيها تلقاها مابالقدر الكنت فاكره..وامكن كمان تقول لا كانت هنيه ولا حاجه!
يعني الشغلانه اوهام في معظم وقتها..او تصور وتمني عشناه..حتي وهو فعلا حقيقه..

كلام وهم موش؟

Quote: بس ما لدرجة الواحدة ما تنوم ..

انت قايلنا ما بنوم يا أبو بكر؟

صلاة العشا هنا بقي الساعه سته ونص!
المغرب الساعه اربعه ونص..شاطر بس كان في رمضان يجينا الساعه سبعه!
اها قدر ما تنوم الليل طويل ما تعرف تعمل شنو ذاته..بركه يايابا البقي عندنا نادي
مالي لينا وقتنا مره بالونسه بت الناس ومره بالنكد!

قلت ليك اسه جيت من يوم كجبار..يومهم ظريف وأمسيه لطيفه جدا..
شاهدنا فيها الحلوه تماضر شيخ الدين "طمطم"وفرقه عرايس النيل والفنان عبد الهادي..
وغنينا للسودان..

لكن في تعليق انه قلته لابراهيم كوجان وتماضر بعد ما كتر الغنا باللغه النوبيه..
قلت ليهم والله الأستماع لغنا النوبيين زي الصلاه ورا البنقلاديش في الجامع!

صباح الذوق الحلو يامنى ..

اختيار موفق ..تسلمى

صباح الندي والإشراق
أغنية روعة
وبيني وبينك كنا بنعتبرها عزاء لينا حينما نقابل بالصدود والهجران
وكمان لو سمعتي معاها أغنية الطيب مدثر بتاعة ليه حياتنا إخترت غيرها
ح تبقي متكيفة 24 قيراط

Quote: يا عايش في دنيا من أوهام خيالك..

انتي عارفة يا منوية أجمل حاجة إنو الإنسان يعيش مع خيالو سواء كانت اوهام
او احلام المهم بواسطة هذا الخيال يرتقي الإنسان لأبراج السماء ويتحدي المستحيل
واحياناً يحقق حلمه او بعض منو وهكذا . شكراً لهذا الطلب الراقي والحمدلله اخونا
المهندس محمد عثمان ما قصر ابداً .

Quote: انتي عارفة يا منوية أجمل حاجة إنو الإنسان يعيش مع خيالو سواء كانت اوهام او احلام المهم بواسطة هذا الخيال يرتقي الإنسان لأبراج السماء ويتحدي المستحيل واحياناً يحقق حلمه او بعض منو وهكذا

ايوه هكذا لغاية ما يقوم يقع دولوبوت ومعاها بطش..علي حسب الصحة الجسديه!
ونبقي في يا خاين....
أيوه بس..جاتني فكره عدوانيه انا اسه دي أجننكم كلكم وأخليكم تبكوا الأوهام ولا الأحلام..
وانا ذاتي أبكي معاكم..
عارف هأعمل شنو يا هشومي؟
اطلب أغنية يا خاين لأبراهيم عوض..من عاطف ولا محمد عثمان ولا معاويه..او اي واحد عنده أوهام
وعايز يعيشها بالغنا..

نزلوا لينا يا خاين!

ممكن كل زول جاي هنا يجيب علبة مناديل معاه؟
الحركات بتاعة بيوت البكا ديك مافينا...يعني لازم نستعمل مناديل لمناخيرنا ورشحها

Quote: صباح الندي والإشراق أغنية روعة وبيني وبينك كنا بنعتبرها عزاء لينا حينما نقابل بالصدود والهجران وكمان لو سمعتي معاها أغنية الطيب مدثر بتاعة ليه حياتنا إخترت غيرها ح تبقي متكيفة 24 قيراط

كيفك فضل كرار..أريتك طيب..

عليك الله يا فضل ياخ ماتهظر..
يعني يختار ناس غيرنا لمااكون أنا متنحه فيه واقوم أتكيف لما اسمع العذاب ده؟؟
طيب انا مابعرف أحفظ أسماء الأغاني..
لكن عارف في أغاني كده كلها انتقام..

نوع امشي تستاهل الحصل ليك..

دي نوع تسمعها براك كده..تتكيف وتضحك ويقوم حظك السيء يجيب ليك زول يشوفك في حالة ابتسام
انتقامي زي بتي كده..ويسألك بثقاله..انت بتضحك براك مالك؟

انا اكتر حاجه بس عاجباني في الأغنيه دي مقطع يا عايش في دنيا....
الأوهام دي اتاريها حاجه خطره خلاص

Quote: صباح الذوق الحلو يامنى .. اختيار موفق ..تسلمى

حلو زيك يا هندويه..

عارفه أعز صديقه لي ايام المدرسه والخنقه..كان اسمها هند..
وطبعا بناديها همدويه..ربنا يديها ويديك الصحه السمحه..

انتي بتنحي كتير ياهندويه؟؟؟

Quote: ممكن يا أخوانا تنزلوا لينا في ايامنا السلطه دي أغنية ابراهيم عوض ]

لو سابك في الايام السلطة دي حتبقى ايامك خل

تساهرو وتتذكروا الوجع

وتجو تبكو هنا

سلامتك من الصداع والفراق

ما عاش من يسيبك

Quote: وكمان لو سمعتي معاها أغنية الطيب مدثر بتاعة ليه حياتنا إخترت غيرها ح تبقي متكيفة 24 قيراط

يلا يامنى أطلبيهاسريع عليك الله كلنا في الهوى سوا

شوق كتير
وسلام شديييد

Quote: يلا يامنى أطلبيهاسريع عليك الله كلنا في الهوى سوا شوق كتير وسلام شديييد

أهه يا سمسم ابو بكر الحلو جابها قبل ان تنقلب عليك الصفحه...
وتغير المزاج العاطفي..شيء غريب..
بحيث تصبح كثير من الأغاني جالبه لمشاعر طاغيه من الأشواق والحنان..من سلطان طاغي يعني..
يزيد طغيان هذه الأغاني في ليالي الشتاء الغريب في طوله...بمعني انه لو أنهم غنو نفس
الأغنيات في الصيف لصرخنا في زهج..ياخ اتنيلوا علي عينكم كده ولا كده!
مرحب بهوا الشتاء..هوا في حد ذاته!

سلام يا سمسم وشوق ما ليه حد..

Quote: لو سابك في الايام السلطة دي حتبقى ايامك خل تساهرو وتتذكروا الوجع وتجو تبكو هنا سلامتك من الصداع والفراق ما عاش من يسيبك

محمد الحسن..

عازماك عذاب هنا انت وزوار البوست...علشان ايانا كلها تكون خل!

اوهــام !!!!

Quote: يلا يامنى أطلبيهاسريع عليك الله كلنا في الهوى سوا

بت الخليفة
مزاج رايق اغنية جميلة
الله يجمل ايامك يابت حلتنا

Quote: بت الخليفة مزاج رايق اغنية جميلة الله يجمل ايامك يابت حلتنا

ويجمل ايامك كمان عامر..
كيفنك ود حلتنا؟؟

اوهامنا الليله زي الشايفاها كده اتهدت..
ربنا علي المفتري..وكل اول وليه آخر!
لكن يومين كده وأجي بأوهام عجيبه..


في زول متنح معايا الليله في الأغنيه ولا خلاص زهجتوا منها؟؟

أخي العزيز /أبوبكر سيد أحمد
ممنونة كتير ياباشمهندس
تسلم يارب

تحياااتي

روِّق وهدي بالك

Quote: روِّق وهدي بالك

يازوله نحنا رايقيييين..كمان ابراهيم عوض روقنا زياده...
غايتو روقتنا لا دايره ليها فكي يجيبها لا سلاح يرجعها!

تمرا انا جاياك في هولندا قريب..
ولا انتي تجيني في لندن قريب..ايه رأيك؟؟

Quote: هو فى احسن من الاوهام لوماهى ماكنا موتنا من زمان عاشت الاوهام والموهومين

حكمة والله وحكاية ... دي ماجدة عوض خوجلي
ومنى عوض خوجلي قالت ... ياعايش في دنيا من اوهام خيالك
وأنا بقول الله يرحمك ياابراهيم عوض والدنيا منى وماجدة ياسلام.
بنات العم أزيكن والله والله والله نتوق الى شوية هدوء فالدنيا مدورة بوووووووووووو
لي وين موديانا ماعارف بس الفكرة حلوة يامنى .
..................................................ٍسلام من جدة.

Quote: حكمة والله وحكاية ... دي ماجدة عوض خوجلي ومنى عوض خوجلي قالت ... ياعايش في دنيا من اوهام خيالك وأنا بقول الله يرحمك ياابراهيم عوض والدنيا منى وماجدة ياسلام. بنات العم أزيكن والله والله والله نتوق الى شوية هدوء فالدنيا مدورة بوووووووووووو لي وين موديانا ماعارف بس الفكرة حلوة يامنى . ..................................................ٍسلام من جدة.

الرفاعي اخوي كيفينك..
انت ما متنح معانا ولا شنو؟
انت لو متنح الدنيا دي كلها ان كان انقلبت ما تحس بيها..
تلقي نفسك هيمان في عالم تاني..
بالظبط زيك زي الواكل الفول والموصفو سمير غانم في مسرحية المتزوجون!

شوف البيت ده حلو كيف..

يا عايش في دنيا من اوهام خيالك!
لكن الموضوع لا يخلو من الحسد..مايخليه عايش ماله هو؟؟

تعال عندنا تنيحات جايه كتيره بأذن الله..بس اوعاك تتنح في المصداقيه والشفافيه
وتنسي تنيحاتنا دي ..

منو الحبيبة

كلك زوق ..

أحلى مافيها التسامح الكبير

واثقل ما فيها عزة النفس في الحب ،،،


محبتي ،،،

منو الحبيبة

كلك زوق ..

Quote: أحلى مافيها التسامح الكبير واثقل ما فيها عزة النفس في الحب ،،، محبتي ،،،

كلامك حلو شديد خلودتي..
عارفه عزة النفس دي تعبت أم كلثوم ذاتها..خلتها بعد تشتكي الهجر والخصام وتتمني
مايصلح الحال تقول بكبرياء كد..

وعزة نفسي مانعاني!

وبيني وبينك عزة النفس دي مهمه جدا في اي علاقه..حكاية احنا واحد دي كويسه..بس واحد ما
معناها ضياع او انقاص عزة اي واحد لنفسه..

شابقاني اتقمصت الحاله كيف وبقيت اتكلم بأنفعال؟
انفع في باب مشكلتك ولا لأ؟

طبعا انفع..بس عزة نفسي مانعاني

مشتاقين

سلامات أختنا منى خوجلى

أتيت هنا بعد أن جذبنى عنوان
البوست وبصراحة كنت أتوقع غير
ماوجدت,,فكثيرون مناوهنايعيشون
فى أوهام خيالاتهم وخيالات أوهامهم
خاصة اليوم ولكن الحمد لله خاب ظنّى

ووجدت كل الجمال وكل الطرب,, ,,,

تحياتى.

ايمن الطيب


ما لقيت زول لابس نمرة 7 هنا

Quote: أتيت هنا بعد أن جذبنى عنوان البوست وبصراحة كنت أتوقع غير ماوجدت,,فكثيرون مناوهنايعيشون فى أوهام خيالاتهم وخيالات أوهامهم خاصة اليوم ولكن الحمد لله خاب ظنّى ووجدت كل الجمال وكل الطرب,, ,,, تحياتى.

يا أيمن الطيب ابراهيم عوض غني..

يوم ترجع تصافي نسامحك يا حبيبنا...الحكايه اصلها بالسهوله دي..
بس الزول يقعد ينتظر كده لما يجي ويصافي وطوالي يسامحوه؟
وطيب لو كان ما حبيبنا..نعمل شنو؟

ده كان انت كان بتعمل شنو؟

انا غايتو بسمع كلام المصافاه للنهايه..
وبعدين أعمل زي حركات ناس الكوره في التمرين وأقول..

أبدا..مش لاعبه

وبس كده خليني متنحه في أوهام خيالي يا أيمن أخوي!

اضانك نجيضة

ده كلام اختنا تماضر شيخ الدين

الله ينصر دينك يامنى

Quote: اضانك نجيضة ده كلام اختنا تماضر شيخ الدين الله ينصر دينك يامنى

شوفت كيف علوبه أخوي؟

نجاضه ماها ألات نصاح!
بعرف أختار..موش؟

قبل أيام كده مسكني ليك وهم رهيب..بقيت بس متوهمي

في أغاني كده يا علوبه تخليك غصبا عنك لو ما عندك رصيد سمح تعيشه..
يخليك كده تتخيل جنس ده..
اسه ابراهيم عوض ده في داعي يجهجه الناس كده؟؟
الله يرحمه الفنان الجميل..مسامحنه لله والرسول..وبس ربنا يستر علينا من الأوهام!

ينصر دينك انت وتماضر..

د.سيف مساعد ,

أبدا لم أجد واحد لابس نمرة 7!!!
لكن سبحان الله اللابسين نمرة خمسة
ما يدوك الدرب
إنت لابس نمرة كم بالمناسبة دى؟ ؟


تحياتى

ايمن


خمستك نظيفة ولا بدخن

يا دكتور إنت إتعقدت ولاشنو!!!

أرجو أن تذهب إلى بوستك ونخلى
بوست الأخت منى ده نظيف ومهذب!!

وهناك أسأل الدايرو يا وليد عوج
الدرب!! وإنشاء الله تجد ما
تطلب!

وطلبى منك يا دوك طولو شوية عشان
نستمتع بيك أطول فتر ممكنة.

تحياتى برضو.

ايمن

بطل الجرسة ابقي راجل واثبت انا معاك في كل مكان خمستك كيف?

منى خوجلى
ســـلام
انت قاصده المريخ
ولاشنو.......

احمــد خضــر

Quote: منى خوجلى ســـلام انت قاصده المريخ ولاشنو....... احمــد خضــر

يا حليلك يا أحمد خضر..اريتا القصه كان هلال مريخ..

اهو يومين وبتعدي ومره ده فايز ومره التاني..

عليي لاكين القصي صعععععبه..وهو رهيب الله يستر علينا كلنا!
حاسب من الأوهام أخوي..بتكسرك سااااكت

طبعا دى ذكرتنى مجدى اسحق هو وين الزول دة طول اليوم قادى اولادو بالاغنية دى

وهم وحاتك عربى تك ما عارفين شى المهم سالوهو انت يا بابا دى شنو قال ليهم اغنية

عظيمة من اغانى السودان قالو ليهو ترجمة لينا قام قال ليهم

if you want leave us just leave us and go

ما خلو يتم قالو ليهو

what shut this song


وحاتك الابو داخل فى دبرسة لحد الان وبطل يغنيها تانى ....ههاهاهاهاهاها

Quote: شوف كلامك ده ياهو ذاتووو البيخليني عايشه في أوهام "كلامك"

ما عارف لي كلامك دا خلاني اشوف صورتك عن قرب

وصورتك تخليني اغني مع عركي

كان امل تنفحني منك ابتسامه
وابتسامتك حلوه بتزيدك وسامه
والعيون تتلاقي ويتم انسجامه
وكل واحد بحي في لحظات هنبه


ولمن اجيب ليكي الغنيه اسمعيها شعر











بس عشان ما تقولي

Quote: في أوهام "كلامك

...
..
.

Quote: ما عارف لي كلامك دا خلاني اشوف صورتك عن قرب وصورتك تخليني اغني مع عركي كان امل تنفحني منك ابتسامه وابتسامتك حلوه بتزيدك وسامه والعيون تتلاقي ويتم انسجامه وكل واحد بحي في لحظات هنبه

ولمن اجيب ليكي الغنيه اسمعيها شعر..

سمح يا عاطف..وكلامك صح لما تسمع الشعر وانت رايق اي حاجه بتكون مختلفه..
لكن قولي..

انت الشعراء ديل مالهم؟
السبب شنو في تنيحتهم المستمره دي؟

كلنا بنتنح لكن ما بالشكل المستمر ده..

حكمة اليوم..
لولا تنيحتهم لما وجدنا مانسعه ونقرأه في هذا البوست..

ما تغيب..

Quote: طبعا دى ذكرتنى مجدى اسحق هو وين الزول دة طول اليوم قادى اولادو بالاغنية دى وهم وحاتك عربى تك ما عارفين شى المهم سالوهو انت يا بابا دى شنو قال ليهم اغنية عظيمة من اغانى السودان قالو ليهو ترجمة لينا قام قال ليهم if you want leave us just leave us and go ما خلو يتم قالو ليهو what shut this song وحاتك الابو داخل فى دبرسة لحد الان وبطل يغنيها تانى ....ههاهاهاهاهاها

اتخيلت منظره بعد ماشرح وسمع رد اولاده

طبعا هم ما ممكن يفهمو كلام اغانينا ده مش من ناحية لغه بس..برضه من ناحية المحتوي..
احنا غنانا ده مافي زول بيسمعه ويحبه قدرنا..زي مالناس التانيه برضو منجذبه لغناها..

لكن انت يا عمر ماوريتنا شعورك بالأغنيه دي؟

بتخليك تتنح ولا لأ؟

لو داير تسيبنا جرب و انت سيبنا
لو داير تحب .. حب و أنساهو ريدنا
يوم ترجع تصافي نسامحك يا حبيبنا

يا عائش في دنيا من أوهام خيالك
يا تاعب ضميرك وما رتيان لحالك
ما تودر شبابك روق وهدي بالك
رفقا بقلوبنا ورفقا بشبابك

انت غرامي عارفو غرام محراب و راهب
غرامي اخترتو مذهب من أسمي المذاهب
نور لي طريقي و فتح لي مواهب
أشوف أملي في جزيرة و حبك لي قارب

لو حنيت لقربي أو جافيت مزاري
لو فارقت دربي هواك في دماي جاري
اكبر ويبقي قصه أرويها لصغاري
نعيش و نموت عليها و يقولوا غرام مثالي

محمد عثمان ياخي مالك علينا
ويا مني فعلا الدنيا يوم بتروح

Quote: لو حنيت لقربي أو جافيت مزاري لو فارقت دربي هواك في دماي جاري اكبر ويبقي قصه أرويها لصغاري نعيش و نموت عليها و يقولوا غرام مثالي

شوفت الكلام ده كيف با معاويه؟

في الحالتين قال الموضوع ما رايح..ان كان قعد أو فات..
انت ليه يا معاويه اغلب الناس لما تفارق ناسها بتقطع كل صله بيها؟
ومايحفظوا لبعض الحاجات الجميله الكانت بينهم؟

الأصل انه المعرفه كانت جميله..واذا حصلت ظروف والناس اتفرقت لظروف مختلفه مافيها عداوه شديده..مالمفروض انه المعرفه تنتهي..
يعني بتاخد العلاقه شكل آخر ..لكن ماممكن اي اتنين تنحوا في بعض ..ولا حبوا بعض ..ولا ارتبطوا
ببعض وبعدين حاجاتهم ما مشت لقدام وانتهت .. يبقي معناتها معرفه انسانيه حلوه مستمره مافي..
ولا شنو؟

اريد رايك تيمنا بفيلم اريد حلا!
مع جزيل الشكر للغنا الجميل..

منويه الاميرة


انحنا كلنا بنحبك


حمودى حميد الهام

جميل ..

شكرا يا منى .

Quote: جميل .. شكرا يا منى

.


عمده غيرت رأيك من التنيحه معانا ولا شنو؟
تتنح ياخ وتطلب مني أجيب ابراهيم يكوجن..ولما يكوجن نلقاك عدلت مداخلتك

خلاص روق وهدي بالك..وارجع تنح معانا..

مشتاقين..

Quote: منويه الاميرة انحنا كلنا بنحبك حمودى حميد الهام

وقسما بالخلقني وخلقكم..انا بحبكم جدا..
انتو حبايبي شديد..حاسه بالنسمه البتجي منكم ومعاكم وفرحانه بيها..
ربنا يسعدكم زياده وزياده حمودي وميدو وهومي..

والاهداء الى كل من .......
و,,,,,,,,,و.........و.......
وسلام منى ولكل المعاك
قالو الموهومين زادو واحد تقول ناقضين احنا
الاهذاء من ملكة البعوض البعرف كل حاجة

الصورة لملكة الانا

يا ماجده ياختي ما تكبري خطك ده شويه؟

وبعدين كدي النسألك..

Quote: والاهداء الى كل من ....... و,,,,,,,,,و.........و....... وسلام منى ولكل المعاك قالو الموهومين زادو واحد تقول ناقضين احنا الاهذاء من ملكة البعوض البعرف كل حاجة

النقط ديل قاصده بيهم منو؟

يا سلام ملكه عايشه في وهم كبير..براها عامله اضواء لرقبتهازيي لما اقول..

انا كسياسيه كبيره....

اسمعي عندك أغنيه..
فارقيهو دربي؟

Quote: النقط ديل قاصده بيهم منو؟

قاصدة بيها فرقه حسب وبعدين زدت العضو الجديد الانضم للفرقة
(اللمبى )

Quote: يا سلام ملكه عايشه في وهم كبير..براها عامله اضواء لرقبتهازيي لما اقول.. انا كسياسيه كبيره....

بتقصدى ملكه مملكة الوهم والبعوض وانا وانا

Quote: اسمعي عندك أغنيه.. فارقيهو دربي؟

ماعندى لكن عندى اغنية مسكين انا راح منى الدرب فى الموية

Quote: اسمعي عندك أغنيه.. فارقيهو دربي؟

Quote: ماعندى لكن عندى اغنية مسكين انا راح منى الدرب فى الموية

الكتاب الاصفر المحروق برضو تبع من اوهام خيالك

منو العزيزة ؛؛؛ رفقا بقلوبنا ورفقا بـ شبابه

؛؛؛؛أبوقصى؛؛؛؛

i have been there before,, ya emad abdulla.iam coming to you like unleashed horses

i am coming to you like a mountain made from human stones,

you are stoned) ya emad or spaced out????????? ,, do you know what i mean?)
or perplexed by the looks of the girl who had to raise her heels to make sure that her beauty is

not disturbed by your gazing and peersing eyes ,,, and you think that i am spaced out
iam coming to you the way you under stand and by the way mushtageeeeeeeeeeeeeeen shaded
i have completely an other meaning to this post you better hold on the wood till???? i come to you and muna
ibrahim kojan

منمن العسسسسسل

اختيارات موفقة لاغانى غاية فى الروعة .. تسلمى ياحبيبة يارب

Quote: منمن العسسسسسل اختيارات موفقة لاغانى غاية فى الروعة .. تسلمى ياحبيبة يارب

ندويه حبيبتي..ايوه تعالي اتخيلي معانا انك هيمانه وغرقانه في بحر الشوق..
واصله بالمناسبه ما مهم يكون في زول موجود في حياتك او ما موجود في حالة التنيح..الفكره
اساسا قايمه علي حب التنيح..يعني حب منزه من غرض زي مابيقولوا الممثلين للمثلات في الأفلام..
اذا وجود زول او عدم وجوده بيبقي موضوع ثانوي ..والوضع بيختلف بس في انهم بقوا اتنين
متنحين بدل ما كان واحد براه متنح..

والتنيح لا يحتاج الا لقدر من الرومانسيه وذكريات جميله فرحانه أو غضبانه..
يعني لو زمان كان عندك تنيحه وذكرياتها لطيفه..تلقي أغنيات تساعدك علشان تعيشيها تاني..
ولو كانت غاضبه بتلقي أغاني تناسبك فيها انتقام وامشي الأيام بتوريه وكده..يعني اشباع
الرغبات الأنتقاميه بالغنا برضه في..

انا الغريبه تنيحي الشديد بيجي مع أغاني ام كلثوم بالليل بعد الدنيا كلها تنوم..تلقيني كده اسمعها واسبح معاها في دنيا تانيه مامعروفه وين

اعتقد ان تنيحتي هي أصعب التنيحات "اطلاقا"

علي فكره..
لازم المره الجايه لما اجي مصر نقعد مع بعض وقت طويل..

Quote: i have been there before,, ya emad abdulla.iam coming to you like unleashed horses i am coming to you like a mountain made from human stones, you are stoned) ya emad or spaced out????????? ,, do you know what i mean?) or perplexed by the looks of the girl who had to raise her heels to make sure that her beauty is not disturbed by your gazing and peersing eyes ,,, and you think that i am spaced out iam coming to you the way you under stand and by the way mushtageeeeeeeeeeeeeeen shaded i have completely an other meaning to this post you better hold on the wood till???? i come to you and muna ibrahim kojan

ابراهيم عدل مداخلتو ومشي بوشي..يبقي زعلته بي كوجانك ده
شوفوا وجيبوا لينا صاد..

Quote: منو العزيزة ؛؛؛ رفقا بقلوبنا ورفقا بـ شبابه

مجدي انت وين ياخ بعيد كده؟

تعال شاركنا الأوهام..

Quote: الكتاب الاصفر المحروق برضو تبع من اوهام خيالك

ماجده بطلي وهم بالله..اها طيب الكتاب الأسود كيف؟؟

إنت غرامي عارفو ..



بس يا سميرة قولي أشوف أملي في جزيرة

مش أعيش أملي في جزيرة..

لكن يمين غناية... ولا شنو يامنى????

عارف يا أبومهيار..

سميره دنيا زوله غنايه جدا..عندها مداخل للغنا كده ساهله شديد علي الأذن..
أنا بحبها كتير مش لغناها بس..
لكن برضه لمظهرها ..بسيطه جدا ومامكركبه الدنيا في لبسها ومكياجها..وتحس بيها محترمه
وملتزمه بفنها ولا انا بشوفها من بعيد؟؟
اسه شوف اوهام خيالك بتقولها كيف؟
وانا شخصيا لو هي قالت لي روق وهدي بالك بطريقتها في الأغنيه دي..
طوالي بهدي وأروق بالي..
لكن التنيح ما بخليه!!

مش قلت ليكم الموضوع فيه أوهام؟

يا منى
والله الأغنية دى تقول مكتوبه فينى عديل
أنا عايش خيال فى خيال
لما أدركنى الحال الماحال وكثرة السؤال والقيل والقال
حسى كان فى واحد نزل لى أغنية لى يا ناس شوفى لى حلل
دستورى حينزل
وهاك ردحى

Quote: يا منى والله الأغنية دى تقول مكتوبه فينى عديل أنا عايش خيال فى خيال لما أدركنى الحال الماحال وكثرة السؤال والقيل والقال حسى كان فى واحد نزل لى أغنية لى يا ناس شوفى لى حلل دستورى حينزل وهاك ردحى

عارف يا دكتور..انت أحسن زول..
شوفت الخيال ده امسك فيه قوي..
وانت قايل شنو..ما اي زول قايل الأغاني اتكتب فيه وليه لما يكون في حالة وهم؟
شوفت كيف..
انت خليك في خيالك بس لازم من وقت للتاني تتذكر انه خيال وتخلي الحال يبقي محال..
انا قريب بعمب بيت زار هنا..
علي الطرابيش وأغنيتك المفضله..ونشوف دستورك بينزل ولا لا..
وبعدين انت راجل فنان أوعي تمثل انه دستورك نزل..
عارف مره في مؤتمر في النمسا نظمته اشراقه مصطفه..كنا كلنا قاعدين بعد اليوم ما انتهي قعده وديه في مطعم اثيوبي..
نشرب في الجبنه والبخور مالينا احساس جميل..
فجأه وقعت عشه المبارك في الأرض وقعدت تتلبش وتتكلم بلغه غريبه..
اختك وقفت مخلوعه..ماعارفه ممكن يحصل ليها شنو..
أتاريها كانت بتمثل انه عندها زار..ياريت عاشه ترجع هي وعاليه..فاقدنهم مع كتيرين شديد..

خلاص منتظرنك علي الأقل تقول الدايره بصراحه..
..

أقولك شايقي تقولي لي عافيه حسن!!


الشايقي

فاوضني بلا زعل

منوية


كل سنة وانت في نعيم

لسع ما لقيتي لي اغنية

لو قلت ليك حياتي بيك

منى

تحياتى بعطر بخور الصندل

شكرا للواحة الوريفة ، لكن براحة علينا
فقط خلى الشايقى يدينا من فيض الشوايقة ، ديل صعبين خلاص وبالذات عندهم واحدة بتقول ( ما بأمنك ياسيد هواى *** لو تانى سبحت وعبد *** وإتقطعت كل الصلات البينى بينك للابد)
لانو الشغلانه ما كلها تنازلات .

وبنتلاقى

الأخت العزيزه منى
البنت المليئة بالحنين
يديك العافيه ..

Quote: الأخت العزيزه منى البنت المليئة بالحنين يديك العافيه ..

شوفت يا عثمان هجمونا في لمتنا كيف؟
يعني ناس الدنيا فيهم ناس ما بيعيشوا الا علي البلاوي!
اسه طيروا لينا الوهمه من راسنا..
وأنا تنيحتي بقيت ماقادره اركز فيها..هي تنيحه وبرضه غالبانا!

بكره نرجع زي ما كنا..نسمع غنا ونقرا شعر ونتونس ونسمع غنا وننبسط حتي ولو بالأوهام..

سلام أخوي..

اشوفك بكره في الموعد


دي في في ذاتها ما (( وهمه كبيره))

اتخيلي يا مني انا كنت مفتكر موعد فضل الله وود الامين ديل موعد

جد جد لمن جا قال براهو

(( وعدتك قبل كدا مرات ولسه برؤويتك بحلم

ولو تعرفني كم بتعب بعيد عنك وبتالم

اضيع واتمني لو اقدر

واقول يا ريتني اتعشم

اشوفك بكره في الموعد))


يعني الحكايه كلها طلعت امنيات ووامال واحلام

ودي ذاتها البتجيب الاوهام يا مني

عموما بهديكي دي كمان تبربرا للوهم الجوانا

الاخت الرائعة منى

يرتبط الحلم ارتباطاً وثيقاً بالخيال. ويمكن تعريف الحلم بأنه خيال يسعى إلى هدف، أمنية يتلبسها طموح، رغبة ما لتجاوز ما هو قائم إلى شيء آخر.

ليس غريباً أن يعتبر الحلم دلالة من دلائل الحياة. بل إن الإبداع يعتبر الإنسان ميتاً دون حلم، كما يقول أحد الأفلام :

Without dream you are dead

من لا يحلم يستكن، والسكينة بهذا المعنى سكون ونقيض للحيوية، ومبدأ الحيوية مرتبط بالحياة، وثمة أناس يلجؤون إلى الانتحار إن كفوا عن الحلم.

يقول الناقد والروائي اللبناني الياس خوري :

" الشاعر هو أول من ينكسر إذا انكسر الحلم، وهو أول من ينكسر حين يتحقق الحلم ".

الشطر الأول من عبارة خوري يمكن تقبله بسهولة. فالشاعر يتصف بشفافية عالية وهو يحب أحلامه لدرجة العشق، ويحرص على تحقيقها والحلم بالنسبة له قضية " مبدأ " و"استراتيجية الاستراتيجيات". لهذا ليس غريباً أن ينكسر الشاعر إذا انكسر حلمه. أما أنْ ينهض الشاعر بعدها أو لا ينهض، فهذا موضوع ينتمي إلى الإمكان والاحتمال ولا ينتمي إلى الضمانة الأكيدة، ارتباطاً بالواقع ذاته وبذات الشاعر.

لكن لماذا وكيف ينكسر الشاعر إذا تحقق الحلم؟ ألا يناضل الشاعر لأجل تحقيق حلمه؟

الحلم غذاء، طاقة، مهما يدفعك إلى الاستمرار، إلى الأمام والأعلى والأعمق، الحلم شاغل يشغلك فما أنْ يتحقق حتى تشعر بشيء من الفراغ والافتقاد، لكن ثمة حل لهذه المشكلة، وهو أن الإنسان في حاجة دوماً إلى أحلام جديدة، والحياة إن لجأنا إليها جيداً تزودنا بمزيد من الأحلام.

علاقة الشاعر بالحلم مسألة يمكن تعميمها على جميع المبدعين وعلى الإنسان عامة، بالمفرد والجمع.

عميق مودتى

Quote: يقول الناقد والروائي اللبناني الياس خوري : " الشاعر هو أول من ينكسر إذا انكسر الحلم، وهو أول من ينكسر حين يتحقق الحلم ".

طبعا الشعراء والفنانين عامه ناس محتاجه للألهام طوال الوقت..والألهام ضد الروتين..وضد القبح..
ومع المشاعر الصادقه حزينه او سعيده..والدنيا حوالينا بتبخل بالألهام..ويبقي مافي غير الأحلام..براها تجي تاخد الشاعر جواها..
شوفت الحال ده..
هم يحلموا ونحنا نتوهم!
اسه ده عدل ده؟؟

وبعدين مش كده بس..يتآمروا علينا ويلحنوا أحلامهم ويغنوها علشان نغرق احنا في الأوهام!
آخر مره اتوهمت وعشت في وهم متين يا ود شيقوق؟؟
وكيف كان حالك في وقت الوهم؟
هل كان معقولا؟
ملاحظ من الآخرين؟
كيف أثر علي علاقاتك بمن حولك؟

وسؤال اخير..


طلعت من الوهم كيف؟

Quote: منى تحياتى بعطر بخور الصندل شكرا للواحة الوريفة ، لكن براحة علينا فقط خلى الشايقى يدينا من فيض الشوايقة ، ديل صعبين خلاص وبالذات عندهم واحدة بتقول ( ما بأمنك ياسيد هواى *** لو تانى سبحت وعبد *** وإتقطعت كل الصلات البينى بينك للابد) لانو الشغلانه ما كلها تنازلات . وبنتلاقى

الشايقي كان ماغير ملاح الورق ده بملاح باميه مابيقدر يدينا شي
خليك انت من الأغنيه الداير تقطع بيها قلوب الناس المقطعه قلوبهم خلقه..
قول لي..كم من الناس بيقدروا يأمنوا سيد هواهم في زمنا ده؟
هو سيد الهوا ده ذاته كيفينو؟
والتنازلات دي ما معروفه المفروض تكون في ولا تكون مافي..وهو ذاته المشادده في شنو أكان منو ولا منها؟
القضيه وقت تعاين ليها كده بدون تنيحه وبدون وهم..بس تلقاها متل كلامنا عن الدنيا..كله رايح..
.....
........

وقفت البطله الشابه الممتلئه بالحياه والحب..مع الشاب الممتليء برضه بالحياه والحب وقفه تشبه
وقفات كل الموهومين والمتنحين تحت ضوء القمر..
سالها هو..

تتزوجيني؟
رقص قلبها وقالت..
أيوه أسه دي!
ولا أقوليك..نتزوج بعد تمشي تلم قروش وتجي!
وغاب القمر بعد ذاك..وغاب هو في بلاد الحجاز يجمع المال..بينما غابت هي في الصريخ مع أطفالها..
انت يافقر..ادي اختك لعبتها..
كانت قد تزوجت بآخر غير متنح فيها ولا في بلاد الحجاز وأنجبت صبيان وبنات..


معليش ياود جبريل..الهيصه الفوق دي بس بدل التنازلات هناك
واكيد بنتلاقي..

Quote: منوية كل سنة وانت في نعيم لسع ما لقيتي لي اغنية لو قلت ليك حياتي بيك

أزيك يا خليل..كيفنك؟

قول لي..انت في أغنية حياتي بيك..ولا في حالة الوجوم التي أصابت المنبر بعد تنيحات قويات
استمرت ايام بشكل متواصل وملئتنا سرور؟
قيل أن السبب "والعهده علي الراوي" هو غياب المسنجر!
هذا الصندوق التريكوازي اللون.يسبب كل هذا الوجوم والجمود؟؟
......
......

وبينما اكتب في سطوري هذه غنت هي..

اسمر يا اسمراني..مين قساك عليا..
ثم شكت كثيرا وهي تتسائل في حزن...

الجرح اللي في قلبي ازاي أداويه..
والدمع اللي في عيني ازاي أداويه؟
فيلم الأغنيه دي ليه حوالي 40 سنه..اسه لو سألوا الزوله دي عن جرحها القديم..
ترد ليك براحه وبأستغراب..
جرح ايه الأنت جاي تقول عليه!

Quote: أقولك شايقي تقولي لي عافيه حسن!!

شوفت با الشايقي كل ماتجي بملاحك الأخضر الزاهي ده؟
تطقني جوعه تعقبها تنيحه..
واسه ان كان قامت علي الجوعه..بقوم من بوكاني ده..أولع صاجي (صاج كهرباء)
وأرمي لي حرفين حارات فوق ملاح الباميه بالشمار العندي ده..

تري كيف هو حال المحبين المتغدين بي قراصه؟
بيقدروا يركزوا في ونستهم؟
ولا بيكونوا متنحين وقربوا ينوموا؟

خلو بالكم بيكون غزلهم زي النكته العارفنها..

يا ابو عيون نعسانه انت ياخ..

ات مالك ومال عيوني..انشالله ينوموا ذاته!

صباح الخيرات يا منى
هاشم جارى منك سلك ولا شنو
نفس الاغنية شغالة فى بيتم

Quote: صباح الخيرات يا منى هاشم جارى منك سلك ولا شنو نفس الاغنية شغالة فى بيتم

عارف يا عبده..هاشم ده الأيام دي ما هو طيب شي!
من دخل البوست ده وتنح بعد ما اتفتحت الجراح وزاد الفتاك في عضلات القلب بعد تنيحه قويه..
مشي يبكي بهناك!

غايتو الناس دي عندها جنس حركات!
اسه في داعي؟

والمشكله شنو بعداك اختفي اختفاء مريب!
يكون مشي عمل البوست ده في بيتهم بدل الكومبيوتر؟
يا ربي؟

بقول ليك شنو نور الدايم.. اجمع تنيحتك علي تنيحة هاشم واسماعيل عباس..ثم ضف لهم تنيحة عادل وأخري من مجدي وعماد وكل من تنح..
واعملوا قرعه للصرفه الأولي من الأوهام والياخدها خليه يساهر بيها براه ويعاني

أختنا الظريفة /منى خوجلى


ما شاء الله قسمتو أغنية أبراهيم عوض زى المرارة .

هاشم بيت ......وإنتى بيت....ونحن حقنا ضاع من الخطة ألأسكانية....


مودتى....إسماعيل محمد احمد عباس......................

Quote: أختنا الظريفة /منى خوجلى ما شاء الله قسمتو أغنية أبراهيم عوض زى المرارة . هاشم بيت ......وإنتى بيت....ونحن حقنا ضاع من الخطة ألأسكانية.... مودتى....إسماعيل محمد احمد عباس......................

ضحكتني اليوم الكتبت فيه الكلام ده..وكل ما اقراه أضحك!
اسه ياده تكون سحرت البوستات ولا الأغنيه ولا المراره؟

اهه اسه هاشم ده هجر البوست الكتبه ليه؟
يكون في شنو ياربي؟
بس ياها أكيد سحرتك ليهو دي!!

المهم انت اوهامك كيف؟؟

انت عارف الأوهام في الغربه دي صعبه خلاص..يامرقت منها نصيح يا تنحت لمن تجن..
والمشكله يا اسماعيل قصص حب حقيقيه مافي..بس وهم كده ممكن يسكنك للأبد..
حقو نعمل بوست عن الحب والوهم..
قال ايه..
بحبك زي عيوني!
وهو اساسا عيونو دي قاعد يشوف بيها طول حياته..لكن عمره ما عرفها غاليه عليه الا لما افتكر
انه بيحب زول شديد..وبسهوله كده عايز يكضب بيها..
يعني اتخيل معاي كده..اني في حالة هيمان شديد..ومتنحه للأخر..
اقوم اقول للزول الهيمانه فيه انا بحبك اكتر من الدنيا!
طيب والله العظيم لو عملتها اكون كذابه!
كيف يعني احبه اكتر من الدنيا؟
ممكن اكون بحبه في الدنيا..ولا اقول ليه بحبك وبحب الدنيا..كلام زي كده..لكن اقول ليه اكتر من الدنيا؟؟
طيب ما اسيب الدنيا بالمره عشانه!
ولا اذا قال لي تعالي نروح في داهيه..امشي وانا متنحه في داهيه معاهو..ولا شنو؟؟

غايتو..يبقي أهبل لو صدقني

Quote: تمرا انا جاياك في هولندا قريب.. ولا انتي تجيني في لندن قريب..ايه رأيك؟؟

تجي انتا ياجميل
ومعاك مجودة والحاجة

إنتي حنوديكي محكمة العدل
عشان طوالي بتسرقي قلوب البشوفوكي

Quote: تجي انتا ياجميل ومعاك مجودة والحاجة إنتي حنوديكي محكمة العدل عشان طوالي بتسرقي قلوب البشوفوكي

أصله لو في عداله في الدنيا دي يا تمرا..الينقذوها!
يعني هم يسرقوا قلبي مايسألوهم..ولما أسرق قلوبهم يحاكموني؟
الحاجه ماشيه رحله طويله لأهلها..
وماجده قالت عندها بونامج مرتبطه بيه لمدة سنه..
أنا ياني الفاضيه وماعندي شي وشغلي في يدي...اها أجي ولا لع؟
طيب ماشيه الخرطوم شهر كام؟
وماشيه معانا رحلة البورداب ولا لأ؟

عايزين نعيد الماضي ونمشي قندهار محل ناس كتيره نفسها تمشي زي مشيتنا السمحه ديك..
لكن مااااااافي ليها مشيه معانا

الاخت منى

الفنان إبراهيم عوض هو ظاهرة فريدة فى عالم الاغنية السودانية وقد شكل ظهوره فى العام 1953م حدثاً مهماً فى الساحة الفنية إذ تزامن ظهوره مع إتفاقية الحكم الذاتى ، واستطاع أن يعبّر عن هذه المرحلة بذكاء فقدم أغنية (أبسمى ياأيامى ) للشاعر عبد الرحمن الريح والتى عبرت عن الزمان الجديد ، وأصبح بالتالى أبراهيم عوض هو صوت الزمان الجديد ، ووأصل مشواره الفنى بنفس الذكاء والحدس الذى بدأ به مسيرتة فغنى للفرح ، وغنى للحزن ، وغنى للوطن .. وأستطاع أن يكون فناناً للشيب والشباب على السواء بفضل أغنياته التى تلائم كل الأذواق .
بهذه الكلمات إبتدر المؤلفان الدكتور عبد اللطيف البونى ، والأستاذ طارق شريفالناقد الفنى كتابهما المشترك عن الفنان إبراهيم عوض ، والذى دفعا به الى المكتبة السودانية مضيقين توثيقاً جديداً لسيرة الفنانين السودانيين .
والكتاب الذى حمل عنوان ( أبراهيم عوض ? خمسون عاماً من الغناء العذب ) يرصد بشئ من الدقة مسيرة فنان أثرى مسيرة الأغنية السودانية ، وجاء ميلاده فى مدينة أم درمان التى خرج منها الى العالم الفسيح ، والى منصة الأحداث .. ولم ينس الكتاب فى بحثه الأصول والجذور والمكونات التى شكلت مسيرة ذلك الفنان ، ومجموعة شعرائه الذين ذودوه بالمفردات الشعرية الأنيقة أمثال الشاعر عبد الرحمن الريح ، وسيف الدين الدسوقى ، والطاهر ابراهيم ، ولم يتجاوز الكتاب أسماء شكلت مسيرة اللحن ، والغناء العذب ، التى شكلتها مجموعة أخرى من الشعراء الذين مدّوا جسور التواصل مع ابراهيم عوض . كما قدّم الكتاب شهادات للتاريخ بأقلا كوكبة من مبدعى السودان الأفذاذ حيث كتب الإعلامى الكبير ذوالنون بشرى مقالة بعنوان ( ابراهيم عوض نصف قرن من الإبداع ) ولم يغب التحليل الفنى إذ سطر الدكتور الماحى سليمان ، وأنس العاقب تحليلاً نقدياً عن أغنياته فى دليل على جودة ماقدمه من إبداع غنائى ، مشيرين الى أن ابراهيم عوض كان سفيراً الفن السودانى .
وفى قصة ابراهيم عوض نموذج للفنان العصامى الذى نشأ فى أسرة متوسطة الحال ، وكان والده يتمنى أن يراه صاحب ورشة كبيرة ، وكثيراً ماكان يحدثه عن مستقبل الصناعة فى السودان ويروى له قصصاً كثيرة عن ثراء أصحاب الورش . ولكن ابراهيم عوض كان حلمه يتجه الى المجد والشهرة فى دنيا الغناء والطرب . ألحقه والده بالعمل فى ورشة الأسطى ناصر بشير ، وتعلم على يديه مهنة البرادة ، وكان الأسطى ناصر يترك له حرية الحضور والإنصراف من الورشة . أخذ ابراهيم عوض فى تلك الفترة يداوم على الإستماع لأغنيات الفنانيين أحمد\ المصطفى ، وابراهيم الكاشف ، وحسن عطية من خلال الإذاعة ، فكان يهرب من العمل ويسرع الى أقرب راديو ليستمع الى هؤلاء الفنانيين ، وحفظ مجموعة من هذه الأغانى وأخذ يرددها فى مكان عمله ، وساعده ضجيج الماكينات على تربية صوته وصقله وتدريب حنجرته على الأداء القوى . وعندما شعر بأن الفن يجرى فعلاً فى دمه قرر الإشتغال بالفن وشجعه المحيطون به ، وفى هذه الفترة إشترى عوداً بمبلغ (75) قرشاً وأخفاه فى منزله خوفاً من أن يراه والده ، وتعرف على شاب يقطن معه فى نفس الحى يدعى على سالم علمه أصول العزف على العود ، وأخذ يصحبه فى الحفلات ومنازل الأفراح يعزف له العود وإبراهيم يغنى . وساعده على الإنطلاق سكنه فى حى العرب الذى كان يعجّ بالنجوم فى مختلف ضروب الإبداع ، فقد كان الحى يضم أساطين الفن أمثال سيد عبد العزيز ? عبد الرحمن الريح ? عبيد عبد الرحمن ? على ابو الجود ? ميرغنى المأمون ? احمد حسن جمعة ? التاج مصطفى ? والجابرى وغيرهم ..
يرجع الفضل الأول فى دخول الإذاعة السودانية الى الشاعر الكبير عبد الرحمن الريح الذى شجعه ورعاه ، وألف ثلاثة أغنيات دفعة واحدة وكانت من ألحانه . فى العام 1953م خضع لإختبار اللجنة الممتحنة لدخول الإذاعة وغنى ابراهيم عوض أغنياته الثلاث لتجيز اللجنة صوته ضمن فنانيين أخرين هما سيد خليفة ، وصلاح محمد عيسى لتبدأ مسيرته الحقيقية .. وحرك بعدها ابراهيم عوض الساحة الفنية بأغنيات من إنتاجه الخاص ، فألتف حوله الشباب ، وأصبح ظاهرة فنية جديدة من خلال غنائة ، وزيه الذى كان منتهى الأناقة ، وتسريحة شعره ، وسنّ الذهب التى كان يضعها على أسنانه . وأطلقت عليه الصحافة لقب الفنان الذرى لسرعة إنتشاره التى لم يستطع أى فنان ان يجاريها فيه . وأدخل نمطاً جديداً على الأغنية السودانية حيث كان النمط السائد حينها الأغنية الكبيرة المصحوبة فى نهايتها بأغنية خفيفة تسمى ( الكسرة ) ولكن رأى البعض ان يتم الفصل بين الأغنية الخفيفة لتصير أغنية قائمة بذاتها ليلقى هذا الإتجاه معارضة شديدة ، ولكنه أصبح واقعاً فى النهاية ، ليجئ دور ابراهيم عوض بأغانيه الخفيفة التى سرت فى كل إتجاه ونموذجاً لها ( أبيت الناس ) و(حبيبى جننى ) و ( لوبعدى برضيه ) لتصبح الأغنية الخفيفة نقطة تحول فى مسيرة ابراهيم عوض الغنائية ليرددها الشعب السودانى بأسره . وظل بعدها ابراهيم عوض حريصاً على التجديد والتجويد فى كل شئ وخاصة فى الألحان ، والآلات الموسيقية الحديثة المتطورة على الأوركسترا السودانية ، ويعتبر من أوائل الفنانين الذين أدخلوا آلة (البنقز ) فى فرقته الموسيقية على يد الموسيقار خميس جوهر الذى درس الموسيقى فى القاهرة . كما ادخل ابراهيم عوض آلة الاكورديون عبر الموسيقار عبد اللطيف خضر ، وهوجم ابراهيم عوض وأتهمته الصحافة بانه يريد أن يحول الأغنية السودانية الى أغنية جاز ، لكنه صمد حتى النهاية بل وتواصل تحديثه بإدخال آلتى الجيتار والأورغ . وسافر ابراهيم عوض الى القاهرة فى اول زيارة له ليشارك فى فيلم ( إسماعيل يس طرزان ) وذلك بأغنية ( إظهر وبان عليك الأمان ) ، وفى عام 1958 م الف له الشاعر الغنائى المصرى فتحى قورة أغنية بعنوان ( على موج البحر ) وأرادت إذاعة ركن السودان غنتاج هذه الأغنية لتكون نواة للتكامل الفنى لوادى النيل ، وتصادف وجود ابراهيم عوض بالقاهرة فتحمس للأغنية ورشحوا له الفنانة سعاد مكاوى لتصاحبه بالغناء ، وأسند تلحين الأغنية للموسيقار الملحن محمود الشريف الذى صاغ لها لحناً جميلاً معبراً ن وهكذا كانت هذه أول أغنية تكامل بين السودان ومصر والتى فتحت الباب لعشرات الأغانى المشتركة بعد ذلك .
شارك ابراهيم عوض باغنياته فى كل الأحداث الوطنية التى مرت على السودان ن ولعل أغنيته الشهيرة من كلمات الشاعر سيف الدين الدسوقى من أخلد الأغنيات التى تغنت بها الأجيال وهى أغنية ( احب مكان .. وطنى السودان ) .
إن القارئ لكتاب ابراهيم عوض ? خمسون عاماً من الغناء العذب يشعر بعد الفراغ من قراءته ان الفنان ابراهيم عوض إستطاع أن يكون عنواناً مشرقاً للفن ، ومرآة عكست وجهاً ناصع البياض للوطن .

لك عميق حبي

شيقوق

Quote: صباح الذوق الحلو يامنى .. اختيار موفق ..تسلمى

Quote: صباح الذوق الحلو يامنى .. اختيار موفق ..تسلمى

مرحب بك علي محمد علي بشير في ركن الأوهام...
زي زمان كده ركن الأطفال..أكيد كنت بتشوفه..
ركن الأوهام ده..ركن كويس جدا لأكتشاف أمراض الأعصاب المختلفه..والمختلفه دي ماعارفاها للأمراض ولا للآعصاب..ومن ثم تهدئة النفوس..
عارف لما تكون موهوم..بتكون في حاله سمحه جدا بالنسبه ليك..لأنك ما بتحاسب نفسك..
يعني أي حاجه بتعملها بتكون فرحان بيها لا هاميك زيد ولا عبيد..
ومرات تجي ماشي كده نافخ صدرك لامن يقرب يلاصق وشك وتقول لنفسك..

يا أرض اتهدي..ماعليكي قدي..

والأوهام كتيره..لكن اصعب واحده دي البتخلي الفنانين يعايروك بيها!
ايوه يعايروك بيها..

طبعا كل زول بيعاين للموضوع من زاويته..انا اسه شايفه اغنية ابراهيم عوض جميله شديد..
لكن فيها معايره ما يحسها الا الزول "الحاسيها"

في زول يقول لزول بيحبه ياعايش في دنيا من أوهام خيالك؟؟
ويعدين يغيظه ليك بالبارد ويقول ليه..

روق وهدي بالك......


سلم لي علي بتك اللذيذه دي..



.

شكرا يا ود شيقوق علي السيره الجميله دي..
عارف شاهدت كان في التلفزيون حلقات توثيقيه بيتحدث فيها الفنان الجميل ابراهيم عوض عن مشوار حياته الفنيه والعائليه..ومشينا معاه بيته ..ووصف كيف البيت كان زمان والتغيير الحصل فيه..
كنت أكتر حاجه برتاح ليها مع فنه تقاطيع وجهه..عنده براءه كده كانت بتشع منه..وحاصه لما يبتسم..تحس انك قاعد مع انسان نقي كالطفوله..
لم اسمع له في حياتي دخوله في عراك او سمعت من يسبه..وعلي كل حال ده اصله كان حال فنانينا الكبار..سمعتهم وسط الناس سمعة حب وألتزام..

شكرا مرة تانيه الطيب أخوي...


لكت سؤال قبل ما أفوت..انت اتوهمت كم مره في حياتك؟
وأوهامك كان شكلها كيف؟؟

فوق

منى .. ياعايشه فى دنيا من حقيقة خيالك .

رفقا بقلوبنا ورفقا بشبابك , لانى لى يومين خليت المبر كلو وبقيت شغلتى البوست ده

لانو لقيت فيهو كميه من الوله والشجن ماعاديه . المداخلات زائد الاغنيه ( خجت حنانى خج ) ويظهر

انو البوست ده حيبقى قصه احكيها لصغارى ( المشكله انو صغارى بقوا كبار ) لكن برضو مامشكله

لانو ممكن ارويها لاحفادى ـ بس للوقت داك خلى البوست فوق .

كل الود والتقدير

كمال سالم

Quote: منى .. ياعايشه فى دنيا من حقيقة خيالك . رفقا بقلوبنا ورفقا بشبابك , لانى لى يومين خليت المبر كلو وبقيت شغلتى البوست ده لانو لقيت فيهو كميه من الوله والشجن ماعاديه . المداخلات زائد الاغنيه ( خجت حنانى خج ) ويظهر انو البوست ده حيبقى قصه احكيها لصغارى ( المشكله انو صغارى بقوا كبار ) لكن برضو مامشكله لانو ممكن ارويها لاحفادى ـ بس للوقت داك خلى البوست فوق . كل الود والتقدير

كمال سالم

تخلي المنبر وتقعد في البوست ده معناتها انت ثوري..وعليك برفع ذراعك الأيمن بالطريقه
الهتلريه وانت تخبرنا في جمله قاطعه وحادة الصوت لزوم التأثير..

للثوار طريق واحد!

انت صحي الناس دي بتحكي قصصها الزمان لعيالها..ولا دي حركات غنا ساكت؟
اسه انت حكيت لأولادك..ولا عملتها كلها لما اتزوجت امكم ماعارف ايه كده؟

خليك متنح معانا قبل ما نرسل البوست للأرشيف..

UP

منتصر الأمين ماعندك اوهام تشاركنا بيها؟

عارف مره اتخيلت اني بقيت السيده الأولي في السودان..قلت اشمعني هم يبقوا زوجات رؤساء وأنا لأ؟
ان كان علي التعليم عندي..ان كان علي الأتيكيت نتعلمه علي الرغم من انه غروري بيقول عندي كتير منه..وهو اصله البروتوكول شنو؟
مش حركات كده في الوقوف والمشي والأستقبال والقعاد والوقوف؟
ومرات كده تقيف كويس لما يعزفوا السلام الجمهوري
ده ما بنتعلمه..يعني اصله زوجات الرؤساء الفي العالم الأفريقي ده ولودوهن بنات رؤساء؟
بس يازول اتقمصتني ليك الحاله لدرجة اني بقيت اتعلم كيف اسلم علي العامه وانا في العربيه..
ولو شفتني اليوم داك..والله تفرح! وأتخيل نفسي وأنا داخله اجتماع..وبقيت شايفه نفسي قادره اتكلم في اي حاجه..يعني ثقافتي ابدا ماممكن تتخيلها قويه كيف..
وعلي فكره انا زوله متواضعه جدا وأحلامي مشروعه..وبحب شعبي وجماهيري خالص..علشان كده المشكله بتاعتي كانت في لغتي..في ناس قالوا لازم اصلح لغتي من حيث المحتوي..الأفكار ما مهمه ما اصله كله مولد وسيده غايب..لكن لازم اصلح الألفاظ..
اصلحها كيف يعني؟
وجماهيري دي تتابعني كيف وتستقبلني كيف؟
ماهي لغتي دي ذاتها الجايباهم لي..عرفتهم ليك عايزين يخربوا علي..وواصلت في أوهامي..
المهم أنا اوهامي دي او أحلامي أو خيالي ماممكن اخليها..
دي حياتي ووجودي...

انت احلامك واوهامك كيف يا منتصرالأمين؟

منى
معقولة بس
زهج وقرف واوهام مع بعض كلهم
كتيييييييييييرة
لكن
اختيار بمزاج
لوداير تسيبنا جرب وانت سيبنا
دي نكتيها من وين في ايام
الزهج دي

.

هو البقدر منو يا مني

يسيبكم


ما إنتي عارفة كويس !!!!

Quote: منى معقولة بس زهج وقرف واوهام مع بعض كلهم كتيييييييييييرة لكن اختيار بمزاج لوداير تسيبنا جرب وانت سيبنا دي نكتيها من وين في ايام الزهج دي

وقعت ليك في زهجه بدل جرح موش؟
اصلها المصائب لا تأتي فرادي..
احسن حاجه عارف شنو يا حافظ؟
تجيك فكره في راسك طوالي تكتبها..ماتتردد..
شوفت لو اترددت في علاقتك ما تتردد في الفكره!
اسه الأغنيه دي من شدة التسامح الفيها هو رضيان بأي وضع..قال ليه
عايز تسيبنا علي كيفك..
عايز تحب في مكان تاني برضه علي كيفك..اصله مشكله مافي..مش قصتنا دي؟
نحكيها لصغارنا بعدين..
اقول ليك كلام يا حافظ؟
الزول ده غنيته كاواااااايه

(10) مراكز لغسيل الكلى بالخرطوم تتوقف اليوم عن العمل .... من المرضى .. و بس !

ارجو منكم زيارة هذا الرابط...

دقيقه يا خوانا تلغراف سريع لزول موهوووم..

روق وهدي بالك..

ولا اقول ليك حاجه احسن؟
امشي انتحر وريحنا..
وخلي الدنيا تبقي صافيه.

"نعيش ونقوم عليها ويقولوا غرام مثالي"


دي قصتنا مع الهلال..

ومن مني بت خوجلي وتهديها لجماهير الهلال في كل مكان..
علشان الهلال بدوره يغنيها..

واحدي حكم هذا البوست..

الوهم لما يزيد من حده بينقلب لضده..

يا بت يا وهمم !!!

عارفة أحلى حاجة في الدنيا دي يا موني شنو ؟ إنه الواحد يعيش في أوهام خياله ,,, وبعدين يا بتي

كله واحد حر في موزه أقصد وهمو !

التوقيع :

واحدة موهومة

Quote: يا بت يا وهمم !!! عارفة أحلى حاجة في الدنيا دي يا موني شنو ؟ إنه الواحد يعيش في أوهام خياله ,,, وبعدين يا بتي كله واحد حر في موزه أقصد وهمو ! التوقيع : واحدة موهومة

طوفي ست الوهم..

اريد ان اقارن وهمي مع وهمك..واشوفهم ممكن ينفعوا يعيشوا مع بعض ولا لازم نقطع العلاقه الوهم
قلت ليك يا عواطف .. الزول اليضحك ده انا بعد ما اتوهمت اني طبيب جراح ومعروفه في كل الدنيا..قررت أعمل للزول ده عملية لوزات..شوفتيه لما يضحك عامل كيف؟
وبالمره عايزه اقلع ليه سنته دي..ماأنا برضه طبيبة أسنان..وشاطره جدا في شغلي...
وزي ما قلتي كل زول حر في وهمه..هو اساسا وهم..يقوموا يتحكموا فيه الناس؟
وناس شنو..هي ذاتها موهومهخلاص ده يخلي ليك انتي تعملي ليه عملية اللوز والسنون الواحده..

.. و برضو يا منى ابراهيم الرشيد كتب لابراهيم عوض واحدة تانية جميلة بقول فيها ...

يا زمن ! وقف شوية ، واهدى لي لحظات هنية .. وبعدها .. شيل باقى عمرى ..

يا زمن كان بحبها كتير الراحل المبدع علي صعيد الدراما و الكوميديا الساخرة / الفاضل سعيد .. وفعلا الاغنية بتشبه فكرة حياة الفاضل سعيد

اختيار جميل .. و إفادات ود شيقوق قيمة .. و الكتبو كلهم بحركم فرح غامر .. المهم يا منى تذكرى الاستماع لاغنية (البمبى) في بوست زوارك ناس عثمان و معاوية و محمد عثمان

Quote: و برضو يا منى ابراهيم الرشيد كتب لابراهيم عوض واحدة تانية جميلة بقول فيها ... يا زمن ! وقف شوية ، واهدى لي لحظات هنية .. وبعدها .. شيل باقى عمرى .. يا زمن كان بحبها كتير الراحل المبدع علي صعيد الدراما و الكوميديا الساخرة / الفاضل سعيد .. وفعلا الاغنية بتشبه فكرة حياة الفاضل سعيد

ياا منى...

عاد بعد نااس دكتور طرااوة ظهروا بـ هنا
تاانى بوستك دا يااهو المااشى للسنة الجديدة..

و يا زمن وقف شوية...والله كلااااااام

Quote: .. و برضو يا منى ابراهيم الرشيد كتب لابراهيم عوض واحدة تانية جميلة بقول فيها ... يا زمن ! وقف شوية ، واهدى لي لحظات هنية .. وبعدها .. شيل باقى عمرى .. يا زمن كان بحبها كتير الراحل المبدع علي صعيد الدراما و الكوميديا الساخرة / الفاضل سعيد .. وفعلا الاغنية بتشبه فكرة حياة الفاضل سعيد اختيار جميل .. و إفادات ود شيقوق قيمة .. و الكتبو كلهم بحركم فرح غامر .. المهم يا منى تذكرى الاستماع لاغنية (البمبى) في بوست زوارك ناس عثمان و معاوية و محمد عثمان

ياسلام يا أحمد طراوه..جبت اتنين حلوين عزيزين وفنانين..رحمهما الله..
الفاضل سعيد وبت قضيم والعجب أمه ثم الشيخ كرتوك (اتمني اكون كتبته صح)..شخصيه امتعت طفولتنا وحتي كبرنا..نضحك عند حضورها دون توقف..والفاضل سعيد يتقمص كل شخصيه بكامل أبعادها..
ثم ابراهيم عوض بكل فنه يأتي لك بطعم اول حب وأول لقاء بغناء مسعد ووجه فرح..
لا أعرف..لكني لا أصدق موت الشخصيا التي تبعثر المرح والجمال حولها..يخيل لي أنهم كالملائكه لا يموتون!
ولذبك عندما أعزي فيهم أعزي بسبب صدمة الفقد الأول..وبعد ذلك سود الأحساس انهم بيننا يرزقون..
وحقيقي أنهم بيننا..هل يمضي وقت دون أن نري أعمالهم ونفرح بها؟؟

عارف ..كان الأتنين بجمالهم بيحنسوا الزمن يوقف جريه المجنون ويترفق بالحال ويرحمه!
لكن الزمن لئيم يا احمد..
تعاين ليه كده تلقاه جه..تنزل عينك..ومسافة ماترفعها تاني علشان تملا النظر تلقي هرب!
عمرك شوفت لحظه هنيه استمرت طويل بقدر رغبتك فيها؟؟

اذا حصل ..بتبقي دي لحظتك انت..بمعطيات موجوده او غير موجوده بارادتك تعملها انت..
والا فان اللحظه مع العمر تتسرب من حياتك..

شكرا علي حضورك الجميل..

و السودانين لسه بلتقطوا في انفاسم بسبب مشاوير التجديد ، و الجمال ، و التطريب اللي جابو الكاشف !

اصلا الكاشف كان بقول للسودانين في تلك الايام الزاهيات :

شكلك لطيف ! وهم بقولو ليهو : ايوا

و تانى : دمك خفيف .. و برضو يقولو ليهو ايوا

و بعدين بقول ليهم الحبيب وين .. و الناس تقول : قالوا لي سافر !

" قطع نفسم .. برضو باغنية القطر قام برجا قدام " !

.. جاب الكاشف فكرة ال Pass .. : الحِوار مع الجماهير .. شعبى خالص الكاشف

.. فجأة كدا في 1953 اطلّ على السودانين ابراهيم عوض ! رقصم ( عل الواحدة ونص ) ..

لمن عمل جننى و غير حالي .. ومعاها ابيت الناس .. جفيت خِلانى .. وخاصمت الكل علشان حبانى

قصة طويلة بتاعت المدرسة الاوركسترالية التانية ! نواصلا في بوست تاريخ الغنا ..

.. بس يا منى : اتشفعوا لينا عند محمد عثمان ! يبطل حكاية الغياب المُعلن لمدة شهر ...

عندو لينا الشُرد السائرات .. لا يختصصن من الارض دارا ..

Quote: و السودانين لسه بلتقطوا في انفاسم بسبب مشاوير التجديد ، و الجمال ، و التطريب اللي جابو الكاشف ! اصلا الكاشف كان بقول للسودانين في تلك الايام الزاهيات : شكلك لطيف ! وهم بقولو ليهو : ايوا و تانى : دمك خفيف .. و برضو يقولو ليهو ايوا و بعدين بقول ليهم الحبيب وين .. و الناس تقول : قالوا لي سافر ! " قطع نفسم .. برضو باغنية القطر قام برجا قدام " ! .. جاب الكاشف فكرة ال Pass .. : الحِوار مع الجماهير .. شعبى خالص الكاشف .. فجأة كدا في 1953 اطلّ على السودانين ابراهيم عوض ! رقصم ( عل الواحدة ونص ) .. لمن عمل جننى و غير حالي .. ومعاها ابيت الناس .. جفيت خِلانى .. وخاصمت الكل علشان حبانى قصة طويلة بتاعت المدرسة الاوركسترالية التانية ! نواصلا في بوست تاريخ الغنا .. .. بس يا منى : اتشفعوا لينا عند محمد عثمان ! يبطل حكاية الغياب المُعلن لمدة شهر ... عندو لينا الشُرد السائرات .. لا يختصصن من الارض دارا ..

يا سلام عليك يا دكتور أحمد طراوه..
شوفت بقي الكاشف ده كان حاجه كده ما بتتكرر..
سبحان الله اجيال زمان قدمت فن عميق وخالد..لدرجة مسخوا للأجيال الحاليه اي غنا تاني!

أجمل مافي اغاني ابراهيم عوض بجانب عمقها هو خفة دمها..وايقاعها الخفيف الراقص..
وأعتقد ان تفرد ابراهيم عوض سيعيش سنين طويله جدا قادمه..رحمهما الله..
محمد عثمان مشي وين هو؟
سافر اجازه يعني ولا شنو؟
لاحظت حركته في المنبر خفت!
بس شكرا كبيره يا محمد علي الأغنيه وعلي تواجدك معانا..

ونحنا ذاتنا ماشيين نتأرشف في الربع الخالي..بس قبل ما نمشي شوف كلام الوهم ده..
ده بيت بيغنيه الفنان محمد فوزي ربنا يرحمه وهو في حالة حب عجيب..

خد عينيه وبص بيها يا حبيبي..
وانت تعرف غلاوتك عندي أد ايه!

يعني الزول ده بيكون استهلك كلامه كله..وتعابيره بعيونه وايديه..علشان يوري حبيبته هو بيحبها
قدر شنو..وفي الآخر شعر انه برضه ما كفايه قام قرر يسلفها عيونه علشان تشوف حاله!

اسه يعني كل ماهي يغلبها تشعر بمقدار حبه هايديها عيونه ولا كيف؟؟
جنس مبالغات في الوهم!

كل سنه وانت طيب يا دكتور..وقطعا وجود هنا زاد البوست ثراء..
وكل سنه وكلكم طيبين قراء وزوار البوست..ولقد اسعدتني قطعا مشاركتكم لي في أوهامي العديده
سواء كان ذلك بالقراءه أو بالكتابه..وخاصه مشاركتناالخيال فيها..ونترحم ثم نشكر لروح الجميل ابراهيم عوض تواجدها معنا..تهدينا ترديد للأوهام..