Post: #1
Title: فوران ورجم شيطان!
Author: Muna Khugali
Date: 12-06-2007, 11:35 AM
البوست ده ملكيه عامه!!
الرجاء من اي زول في حاجه مزعلاه..ولا في زول كاره ليهو زول او متغاظ منه..يجي يرجم الشيطان ده..
ممكن
يرجمه بخمسماية حجر ولا بحجر واحد يطقه في نص وشه المخيف ده!
دي فكره احسن من فكرة نمشي لي بوستات الناس علشان نشتمها..
وكما قلنا البوست ملك للجميع...
والحكمه..
اتشفوا قبل ما تنشقوا..
والهدف..
تمشوا السنه الجديده وانتو متفشين ومرتاحين...
علي فكره البوست ده فكرت فيه أول ماشوفت يوست عمر سعد بيدعو الناس فيه للعفو والعافيه..
|
Post: #2
Title: Re: فوران ورجم شيطان!
Author: هاشم أحمد خلف الله
Date: 12-06-2007, 11:40 AM
Parent: #1
مني اختي طيب بدل رجم الشيطان في المنبر ما تمشي الحج عديل كده وتقضي
المناسك وبالمرة ترجمي الشيطان !!! وما تشيلي هم المطوف اخوك حاضر بس انتي
قولي آمين .
|
Post: #3
Title: Re: فوران ورجم شيطان!
Author: سلمى الشيخ سلامة
Date: 12-06-2007, 11:42 AM
Parent: #1
منى يا منى مالك بت امى؟
|
Post: #4
Title: Re: فوران ورجم شيطان!
Author: Muna Khugali
Date: 12-06-2007, 11:52 AM
Parent: #3
يا هاشم والله النيه في..اصلو انا حجيت وانا في الجامعه مع الخليفه..وقربت اموت بالعفيص..
لكن باذن الله احج واتمتح بعرفات وبصلاتي في الكعبه الشريفه والمدينه..وشكرا علي عرض مهمة التطويف..
وياسلمي ام العروس..
مافي حاجه والله العظيم..لكن بس زي ماكتبت قبيل البوست ده للجميع اي زول عنده زعله يجي يرجم الشيطان ده ويتفشي..
ما انتي براك شايف الحال كيف..وأمس كان من عينة الأيام اياها..عايزين نمشي السنه الأرشيفيه الجايه بنفوس حلوه ولازم الناس تطلع غضبها في الشيطان..
وياهن ديل 5 درابات مني في عينه اليمن..وزيهن في عينه الشمال..بس
|
Post: #5
Title: Re: فوران ورجم شيطان!
Author: abubakr
Date: 12-06-2007, 11:59 AM
Parent: #1
"اعوذ بالله من الشيطان الرجيم "
|
Post: #6
Title: Re: فوران ورجم شيطان!
Author: ateif abdoon
Date: 12-06-2007, 12:06 PM
Parent: #5
امل دنقل
المجد للشيطان معبود الرياح
مَن قال "لا" في وَجْه مَن قال "نعمْ"
مَن علَّم الإنسانَ تمزيقَ العدمْ
وقال "لا" فلم يمتْ وظلَّ روحًا أبديةَ الألمْ
***
مُعَلَّقٌ أنا على مشانقِ الصَّباحْ
وجبهتي – بالموتِ – مَحنيَّهْ
لأنني لم أَحْنِها... حَيَّهْ!
***
يا إخوتي الذينَ يعبُرون في الميدان مُطرِقينْ
مُنحدرين في نهايةِ المساءْ
في شارِع الإسكندرِ الأكبرْ
لا تخجلوا...
....
...
..
.
|
Post: #8
Title: Re: فوران ورجم شيطان!
Author: Siham Elmugammar
Date: 12-06-2007, 12:17 PM
Parent: #6
بسم الله الرحمن الرحيم اعوذ بالله من الشبطان الرجيم
منى يسعد اوقاتك
ياخ ما جابت ليها شياطين...هسه باقى ليك شيطانك الاحمر ده بفشها؟؟؟
دى ما بفشها الا الا نام لا اكل الطعام.. خليها على الله بس
|
Post: #9
Title: Re: فوران ورجم شيطان!
Author: Muna Khugali
Date: 12-06-2007, 02:44 PM
Parent: #8
خلاص ارجموا ده مع اخوه القبيل.. "الي أن يقضي الله امرا كان مفعولا"
بس ماتكسورا شاشات الكومبيوترات
|
Post: #21
Title: Re: فوران ورجم شيطان!
Author: Muna Khugali
Date: 12-10-2007, 04:16 PM
Parent: #6
ياعاطف..لو مارجمناه...
بنتكتف كده!
|
Post: #20
Title: Re: فوران ورجم شيطان!
Author: Muna Khugali
Date: 12-10-2007, 01:32 PM
Parent: #5
| Quote: "اعوذ بالله من الشيطان الرجيم " |
ايوه ولازم الرجم كمان يا ابوبكر!
عاين ليهو بيعاين ليك جوه عيونك كيف؟!
اوعاك تسكت ليا اديه حجر في نص راسه..
والحجر ده لازم ترميه بغل شديد علشان يموت..
|
Post: #7
Title: Re: فوران ورجم شيطان!
Author: تيسير عووضة
Date: 12-06-2007, 12:13 PM
Parent: #1
| Quote: اصلو انا حجيت وانا في الجامعه مع الخليفه..وقربت اموت بالعفيص.. |
غايتو يا منى ..
عسل بس 
|
Post: #24
Title: Re: فوران ورجم شيطان!
Author: Muna Khugali
Date: 12-11-2007, 02:43 AM
Parent: #7
شوفتي يا تايسا في الحج لو ما ماسكك زول قوي..تقعي ويطلعوا فيك ولا يجيبوا خبرك ..وبس تموتي طوالي..
وعارفه اكتر ناس بتعفص الناس التانيه منو؟؟
الحجاج بتاعين تركيا والتانيين بتاعين نايجيريا..أوعك تساليني من المصدر..أنا قررت كده وخلاص!
اسه انا منتظره لما يقسموا الحج علي الجنسيات..يقولوا السنه دي من شرق افريقيا وشمالها..وبس طوالي اقدم وأمشي..
حجارتك وين؟؟
|
Post: #10
Title: Re: فوران ورجم شيطان!
Author: اسعد الريفى
Date: 12-06-2007, 05:34 PM
Parent: #1
العزيزة منى خوجلى
| Quote: حاجه مزعلاه..ولا في زول كاره ليهو زول او متغاظ منه..يجي يرجم الشيطان ده.. |
و انا حجار الهملايا كلها ما حتكفينى ..
شوفتى الزعل ده كيف !
وانا واحد من الانشقوا قبل ما يتشفوا
و حاليا انا اعانى من حالة شقاق مزمنة ..
|
Post: #25
Title: Re: فوران ورجم شيطان!
Author: Muna Khugali
Date: 12-13-2007, 01:29 AM
Parent: #10
جيب يا اسعد حالة الشقاق العندك..وانا اجيب المدهوله علي عينها العندي..
واهه حبه منك وحبه مني ونرجم الشيطان..
نديه حجر قوي شديد في الحته البن عيونه البتخوف دي..ايه رأيك؟؟
|
Post: #11
Title: Re: فوران ورجم شيطان!
Author: محمد البشرى الخضر
Date: 12-06-2007, 06:29 PM
Parent: #1
حيرتينا يا منى خوجلي
حتى الشياطين البتجيبيها سمحة و خمجانة
خسارة فيها الرجم
أها يا سيجي وين ليك؟
|
Post: #12
Title: Re: فوران ورجم شيطان!
Author: محمد على طه الملك
Date: 12-06-2007, 07:17 PM
Parent: #11
لو ختيتى صورته الحقيقية كنت رجمته ..
تقدري ؟
|
Post: #28
Title: Re: فوران ورجم شيطان!
Author: Muna Khugali
Date: 12-15-2007, 11:00 PM
Parent: #12
Quote: لو ختيتى صورته الحقيقية كنت رجمته ..
تقدري ؟ |
اصله مافي مشكله يا محمد علي..
ممكن طبعا..بس بشرط..
تفلع ده بحجار كتيييييييره لغاية مالدم يطلع من عيونه ونحنا نشوفه بعيونا..
تقدر؟؟
|
Post: #27
Title: Re: فوران ورجم شيطان!
Author: Muna Khugali
Date: 12-15-2007, 04:45 PM
Parent: #11
Quote: حيرتينا يا منى خوجلي
حتى الشياطين البتجيبيها سمحة و خمجانة
خسارة فيها الرجم |
شوفت يا محمد البشري من يوم ماختيت ليكم الشياطين دي تترجم..
والحركه الشريره خفت في البورد
| Quote: أها يا سيجي وين ليك؟ |
سيجي قال محتفل بالعيد بطريقته..
يللا فلع الشيطان ده معانا..علشان ما يجي تاني!
|
Post: #14
Title: Re: فوران ورجم شيطان!
Author: خالد علي محجوب المنسي
Date: 12-06-2007, 10:40 PM
Parent: #13
إخيتي منى
سلااااااااام يا الزينة
قولي بسم وتاني القول علي رسول الله
محمد جانا ماتغشانا دا شنو دا ؟
تحياتي منى
خالد
|
Post: #15
Title: Re: فوران ورجم شيطان!
Author: Muna Khugali
Date: 12-06-2007, 11:04 PM
Parent: #14
اسه في اللحظه دي انا قاعده افلع الشيطان الفوق داك..لآنه الشيطان التاني ده وشه قاعد يزوغ
ويسيح كل ما ارمي فيه حجر...وكل حجر معاه شتيمه.ز
يا شيطان ياشين..
يا شيطان يا مجرم..
يا شيطان يا كعب..
اعوذ بالله من الشيطان الرجيم..
انتو حجارتكم وينا؟؟
|
Post: #16
Title: Re: فوران ورجم شيطان!
Author: خالد حاكم
Date: 12-06-2007, 11:38 PM
Parent: #15
منى
انا ماعندى رجم
عندى بلاغ , مش هنا برضو مكتب البلاغات ؟
البلاغ كالاتى
بس ما عارف حيدون تحت المادة كم
بوستك (لحظة من فضلك ) مسكون ومحتاج لبخور كارب
انا الليلة اربعة يوم ما قادر اقرا فيه ولا قادر اكتب فيه , مجرد دخلتى المؤشر بتاع الماوس بيعلق الى ان اخرج من البوست خروج اضطرارى , والكلام ده لو كان بيحصل لى فى كل البوستات قلنا من الكمبيوتر , لكن زى ما انتى شايفة حايم بمزاج فى البوستات الاخرى الا البوست ده!
غايتو شيل شيلتك بهنا رجم وبهناك بخور.
|
Post: #17
Title: Re: فوران ورجم شيطان!
Author: Muna Khugali
Date: 12-07-2007, 00:31 AM
Parent: #16
شوفت اكان كده..اذا انا الشيطان ذاته...
ولا الشيطان سكني..لأني الليله كتبت برضه بصعوبه هناك..ومن امس بوست الشياطين ده داخل في مزاجي..وجبت كم صوره للشياطين حفظتها عندي...
تفتكر انتو كان رجمتوا الشيطان ده..انا بتأثر؟؟
كدي عليك الله اقرا قرآن وامشي لحظه من فضبك..شوف لينا فتوي المدارس الأجنبيه دي كيف..
وقبال تمشي فلع معانا الشيطان ده..
|
Post: #18
Title: Re: فوران ورجم شيطان!
Author: د.محمد حسن
Date: 12-07-2007, 11:53 AM
Parent: #17
انغل ابوك يا الشيطان
ياللي خربت
وطلقتني من راجلي
انعل ابوك بالشيطان
والهوجست بي
انعل ابوك يا لشيطان
يا ابن الكلب
يا جبان
يا الماشبه الرجال
ياشين
وعواليق
اها يا منى هسة ديل كم حجر ؟
الباقي في الجمرة الثالثة
|
Post: #19
Title: Re: فوران ورجم شيطان!
Author: مجدي عبدالرحيم فضل
Date: 12-08-2007, 09:31 AM
Parent: #18
أعوذ بالله العظيم من الشيطان الرجيم
أختنا ...
مني خوجلي
بت الخليفة
هنا عندنا محبس الجن بندخل ليهو من نفق من أنفاق مكه المكرمه أي شيطان يظهر ليك
أعيريه لينا وبنودي محبس الجن ..
العام القادم حاجة بأذن واحد أحد
بنعود لشيطانك الأحمر وأبوعروق من الدماء ده بعد وقوف عرف ليلة النحر والخناجر مشهره
،،،،أبوقصى،،،،
|
Post: #32
Title: Re: فوران ورجم شيطان!
Author: Muna Khugali
Date: 12-16-2007, 02:30 PM
Parent: #18
Quote: انغل ابوك يا الشيطان
ياللي خربت
وطلقتني من راجلي
انعل ابوك بالشيطان
والهوجست بي
انعل ابوك يا لشيطان
يا ابن الكلب
يا جبان
يا الماشبه الرجال
ياشين
وعواليق
اها يا منى هسة ديل كم حجر ؟
الباقي في الجمرة الثالثة |
بالله؟
هو الشيطان المفروض يكون في حالة مقارنه مع الرجال؟
يعني اسه انت شايف الشيطان رجل؟؟
انا غايته ماشايفاه كده يا محمد الحسن..شايقاه ممكن يكون معشش في نفوس الأثنين..
راجل أو امرأه..
عيد سعيد..وما تنسي ترجم الشيطان..
|
Post: #31
Title: Re: فوران ورجم شيطان!
Author: Muna Khugali
Date: 12-16-2007, 01:08 AM
Parent: #14
Quote: إخيتي منى
سلااااااااام يا الزينة
قولي بسم وتاني القول علي رسول الله
محمد جانا ماتغشانا دا شنو دا ؟
تحياتي منى
خالد |
أهلا خالد المنسي أخوي..
مالك مهجوم؟
الشياطين دي ماقاعده ولازم نرجمها..
وانا سهلت ليكم المهمه..جبت ليكم صورها..أرجموها قدر ماتقدروا..خففوا
الطاقه السلبيه فيكم..أنا غايته عملت لي واحد شيطان تاني صغير..بفلعه بنبق جبته من السودان..
كل ما اتضايق بفلعه شديد..وأجي برضه معاكم هنا افلق الشيطان الشين ده..
كل سنه وانت طيب..
|
Post: #29
Title: Re: فوران ورجم شيطان!
Author: Muna Khugali
Date: 12-15-2007, 11:03 PM
Parent: #13
أين الحب!
ده سؤال ده يا محمد عمر؟؟
عينك للشيطان ورجمه..تسأل من الحب؟
اقتل الشيطان ده معانا والحب بتلقاه..
ارجمه ثم أرجمه حتي تنتهي الحجاره او طاقتك!
|
Post: #22
Title: Re: فوران ورجم شيطان!
Author: Al-Shaygi
Date: 12-10-2007, 10:10 PM
Parent: #1
حسي عليك الله يا بت عمي خوجلي الشيطان داك ولا ده الما عنده حد للمسخره كلما تفتح عليه تلقاه كدي.
أما شياطينك الجايبه صورهم ديل فالحجار بتفوت فيهم ساي وما تسوي ليهم الحبه ...
غايتو أنا عندي قناعة أنه ما في شيطان أشطن من بني جن (أقصد بني آدم)....
هو اتو تصور الفنان الرسم الشيطان تخبلوا إنسان بمواصفات محددة مكروهة للإنسان وهذه المواصفات تطورت عبر العصور والأمم وحسب ظهور سحن من البشر بملامح محددة ربطت بأفعال أيضاً محددة وفي النهاية تراكمت فصارت صفات لأشكال رمزية لأفعال بشرية.
وزي القصة المابقدر أحكيها حياءاًُ حقت الجني والبدوي والجمل؟؟؟؟
بعيداً عن المسائل الإيمانية الشيطان هو جزء من صفات الإنسان الكثيرة والتي يغلب بعضها عند البعض عن البعض الآخر....
كان قلتي ما فاهمه،،، بقول أنا زاتي!!!!
الشايقي
|
Post: #34
Title: Re: فوران ورجم شيطان!
Author: Muna Khugali
Date: 12-18-2007, 00:39 AM
Parent: #22
شوفت المشكله وين يا الشايقي؟
الشياطين مرات بقت تجي لابسه عباية دين..عايزه تخرب علينا دينا وتخلي الناس الماعارفه
سماحة الأسلام تفكر انه دين رعب!
اهه ديل لازم تفلعهم..وتفلعهم شديد..
وكان الشياطين دي ما نافعه..فلع الشياطين الشايفه انت..بس برضه حاسب علي الكومبيوتر..
كل رجم وانتم بخير..
|
Post: #23
Title: Re: فوران ورجم شيطان!
Author: Salah Waspa
Date: 12-11-2007, 00:06 AM
Parent: #1
منى شواطين شنو ديل بعيون إتنين
هاك أب عين واحدة وأررررررجمي
واسبه
|
Post: #26
Title: Re: فوران ورجم شيطان!
Author: nourelhadi awad
Date: 12-13-2007, 09:21 AM
Parent: #23
والزعلان من روحو؟؟؟؟؟
|
Post: #30
Title: Re: فوران ورجم شيطان!
Author: ibrahim kojan
Date: 12-15-2007, 11:47 PM
Parent: #26
يا مني أنا الايام دي مدبرسسسسسسسسسسسسسسسسسسسسسسسسسسسسسسسسسسسسس شديد
والله الاقي الشيطان بتاعك ده ارجمو لامن يقول بسسسس وكفاني وكم جا راجع
ارجمو تاني لامن يقول واااااااااي...
ربنا يسترنا واياك من شر الشواطين
من جميع الاجناس ؟؟!!
|
Post: #38
Title: Re: فوران ورجم شيطان!
Author: Muna Khugali
Date: 12-19-2007, 10:53 PM
Parent: #26
| Quote: والزعلان من روحو؟؟؟؟؟ |
الزعلان من روحه برضه يرجم الشيطان!
انت قايل شنو..الشيطان بيكون حرشه يعمل حاجه كعبه خلنته يزعل من روحه!
انت اسكت بس فلق هو اصله الشيطان ده كان انت مافقلتوا بيفلقوه ناس تانيه يا نور الهادي..
غايته حاول تعمل عيد سعيد..
|
Post: #36
Title: Re: فوران ورجم شيطان!
Author: Muna Khugali
Date: 12-19-2007, 02:32 PM
Parent: #23
صلاح شيطانك ابو عين واحده مانافع!
حوص لي عيوني وجاب الشياطين راجعه للبورد..
كل سنه وانت طيب..واوعك تاكل مراره ولا بصدق انك سحار..والسحار ود عم الشيطان,,
عيد سعيد ليك ولأسرتك..
|
Post: #33
Title: Re: فوران ورجم شيطان!
Author: الطاهر عثمان
Date: 12-16-2007, 02:54 PM
Parent: #1
انا مزعلني ناس بعثة الحج السودانية
نفسي كده يجيبوا لي حجار الحجاج الحيرموا بيها كلها بعد الرمي (3 أيام وما يومين بتاعة المتعجلين)
ويوقفوهم واقعد افلع فيهم حجر حجر لحدي الحج التاني ما يجي!!!
وتتوالى لعنات زوار الرسول الكريم علي بعثة الحج السودانية!
|
Post: #35
Title: Re: فوران ورجم شيطان!
Author: Mohamed Ahmaed Olyesh
Date: 12-18-2007, 05:41 AM
Parent: #33
بســـــــــــــــــــــــــــــــــــــــــــــــــــــــــم الله ماخليتك طيبه
عليش
|
Post: #37
Title: Re: فوران ورجم شيطان!
Author: نادية عثمان
Date: 12-19-2007, 08:28 PM
Parent: #35
بسم الله الرحمن الرحيم
منى بت امى سلامات والعيد عليك مبارك وعلى ماما جارة واخياتك كلهن وبنيتك والقابلة على امنياتك يارب
|
Post: #39
Title: Re: فوران ورجم شيطان!
Author: Muna Khugali
Date: 12-20-2007, 01:19 PM
Parent: #37
كملتوا فليع ولا لسه؟؟
غايته الليله آخر يوم ..فلعوا الشيطان حتي نهاية اليوم..
البوست بشياطينه ماشي الأرشفه..
كل سنه وانتو طيبين ومقلعين للشياطين..
وشكرا يا ندويه ..وخلي ليك بتك يارب ويسعد ايامك كلها..
|
|