معاكم من قندهار..

معاكم من قندهار..


13-08-2007, 01:54 PM


  » http://sudaneseonline.com/cgi-bin/sdb/2bb.cgi?seq=msg&board=69&msg=1189670315&rn=0


Post: #1
Title: معاكم من قندهار..
Author: Muna Khugali
Date: 13-08-2007, 01:54 PM

أما وقد تجمعنا نحن البورداب الموقعون بالحب أدناه..
فأننا نعلمكم بأن..

................

................

كدي النهش الضبان ده الأول وبعدين نوريكم

Post: #2
Title: Re: معاكم من قندهار..
Author: Muna Khugali
Date: 13-08-2007, 02:06 PM
Parent: #1

الموقعون علي هذا البوست..

الآنسه انعام حيموره
السيد السمؤال بدرالدين
السيد نور الهادي الخضر
السيده اشراقه حيموره
السيد هاشم أحمد خلف الله
السيده سميه الحسن طلحه
السيد عصام عبد الحفيظ
السيد ناجي الملك
السيد الفاتح وديدي
الانسه انعام عبد الحفيظ
السيد احمد عبدالله
السيده مني عوض خوجلي
وراجعين..

Post: #3
Title: Re: معاكم من قندهار..
Author: hameem
Date: 13-08-2007, 02:10 PM
Parent: #1

Quote: السيد نور الهادي الخضر


والسيد دا من شدة ما هو متجدع ، بقى كمان ينزل في كشوفات الموقعين والموقعات !!
كان عايزة تعملي فينا معروف .. أهجريه لي هناك كمان شهرين
وما تنسي وإنت في طريق العودة تجي غاشية .. مش قلتي كدا برضو ولا نطيتي
تحياتي الشديدات

Post: #4
Title: Re: معاكم من قندهار..
Author: Fadl Karrar
Date: 13-08-2007, 02:22 PM
Parent: #3

بالهناء والشفاء إنشاء الله
بس ما تنسوا تشربو الحاجة البيضاء ديك
البعملوا فيها زبادي وسفن أب
دي بتهضم أول بي أول

Post: #12
Title: Re: معاكم من قندهار..
Author: Muna Khugali
Date: 13-08-2007, 07:54 PM
Parent: #4

ويا فضل كرار خلي بالك..الشراب القلته ده اسمه
بغاشه..
وأكيد بيكون بالهنا والشفا لأننا شربناه وحبيناه..ومع انها اول مره
نشربه لكن ماتعب معدتنا..

Quote: بالهناء والشفاء إنشاء الله
بس ما تنسوا تشربو الحاجة البيضاء ديك
البعملوا فيها زبادي وسفن أب
دي بتهضم أول بي أول


اجمل مافي قعد قندهار الراكوبه وشكل القعده الأسريه..
وعرفنا الناس الخطرين غي الأكل..
ان صادف وقابلتهم ما تقعد جنبهم ساعة الأكل..
عارف..
يخوفوك عديل!!
لا بيعرفوا لحم مشفي ولا بيرحموا عضم!
وكله في سرعة فائقه تحتار الأعين في التنقل بين قطعة اللحم واليد الخاطفه
والفم الخاطف الأكبر..حقيقي يخوفوا!!
حتي عصام عبد الحفيظ مصورهم وهم مكوين العضام قدامهم..للتوثيق!
لكن عارف أخطر زول فيهم منو؟
ما بتصدق كان قلت ليك..
لكن بره تابعنا وانت تعرف..
تحيات حلوه خالص من الخرطوم..

Post: #10
Title: Re: معاكم من قندهار..
Author: Muna Khugali
Date: 13-08-2007, 07:05 PM
Parent: #3

وفاتك نص عمرك ياهميم..

أكلنا اكل عجيب..بكره نقعد نبكي لما يجينا القاوت!
المهم احنا مشينا في أربعه عربات..لالالا خمسه..
واتحكرنا في الكراسي والعناقريب الحبال في راكوبه مفروشه بالرمله الحمرا ومرشوشه
رشه سمحه...وبخور التيمان يطرد الذباب ويروق الجو..
أحكي ليكم من الأول..من لحظة ركبنا العربيه من الخرطوم اتنين؟؟
لالالا بيتهموني بالونسه وتعبطيء الصفحة..
كدي اقنعوا لي بكري او اخدوا لي منه الأذن..لو قال كويس..بوريكم..وكمان لو قال
لا ..بعمل لي موضوع نقاش عن قندهار زي مواضيع الكمبوزيشن واناقشكم مع الباقيين فيه..
قلتوا شنو؟

Quote: والسيد دا من شدة ما هو متجدع ، بقى كمان ينزل في كشوفات الموقعين والموقعات !!
كان عايزة تعملي فينا معروف .. أهجريه لي هناك كمان شهرين
وما تنسي وإنت في طريق العودة تجي غاشية .. مش قلتي كدا برضو ولا نطيتي
تحياتي الشديدات

ويا هميم نور الهادي قال هو ماراجع..عجبته الخرطوم وشلة البوردابززاحسن تجي انت!

Post: #5
Title: Re: معاكم من قندهار..
Author: ماجدة عوض خوجلى
Date: 13-08-2007, 02:25 PM
Parent: #1

ولمن الناس ديل وقعو
هشو معاى الضبان فى قندهار
ولا خلاوكى براكى انتى والملا اللهو الخفى والملا زعبولا الاقله
علشان نقدر بس اخنا نحدد ونعرف كمان مش امكن نكون عايزين برضو نهش الضبان حلانو ياناس
تحياتى لكل المعاك والمامعاك ذى انا كدة مثلا وبرضو ناس تانين انا ماعارفاهم

Post: #14
Title: Re: معاكم من قندهار..
Author: Muna Khugali
Date: 13-08-2007, 08:48 PM
Parent: #5

Quote: ولمن الناس ديل وقعو
هشو معاى الضبان فى قندهار
ولا خلاوكى براكى انتى والملا اللهو الخفى والملا زعبولا الاقله
علشان نقدر بس اخنا نحدد ونعرف كمان مش امكن نكون عايزين برضو نهش الضبان
حلانو ياناس
تحياتى لكل المعاك والمامعاك ذى انا كدة مثلا وبرضو ناس تانين انا ماعارفاهم


وصلتي لندن كويسه ولا ضاعت منك حاجه في السكه؟

قندهار ده مكان بعد ما تعدي الأمبدات؟؟
ولعلمك واحد فيهم ساعدني في هش الضبان مافي..مع انه الذباب مضر وناقل للأمراض!
بس انا بعد شويه ايديني وجعتني وبطلت أهش..خلي بالك لو مشيت مرتين تلاته هأكون انا والضبان أصحاب ونتعود علي بعض!
الحمدلله الذي ابعد عنا زعبوله القله وشروره..ناس حلوه ومبسوطه واخر جمال وانسجام..
انتي بالمناسبه لما تسلمي علي نفسك..بتردي السلام كيف؟
يعني بتقولي اهلا وسهلا.. الله يسلمني ولا كيف؟
سؤال بس علشان نرسل ليك تحياتنا مع تحياتك لنفسك..
باقي المجموعه تشارككم النقاش غدا..ويمتنع اهل الأقاليم عن الظهور الي حين وقت ليس
بالبعيد..

Post: #6
Title: Re: معاكم من قندهار..
Author: د.محمد حسن
Date: 13-08-2007, 02:29 PM
Parent: #1

سؤال قبل ما نخل في قندهار في وضح النهار
وننش الضبان

ونحن في انبهار
اها البوست ده بوست شات والا سياسة
واختلاف وحهات نظر ساي

كدي ندخل كلمة مشتاقين قبل الفتوى

Post: #7
Title: Re: معاكم من قندهار..
Author: أحمد الشايقي
Date: 13-08-2007, 02:30 PM
Parent: #1

الملكة منى

مشتاقين

حمدا لله على السلامة

قندهار مكان ارتدته كثيرا في أيامي الاخيرة , وهو مكان وادع وموغل في آن واحـد

لك التحية وأنت تتحركين بهذه الجرأة غير آبهـة

لن استرسل حتى أترك لك حرية الوصـف,

بس بالله (كومي) لانعام عبد الحفيظ..

تحياتي


أحمـد

Post: #29
Title: Re: معاكم من قندهار..
Author: Muna Khugali
Date: 14-08-2007, 07:42 AM
Parent: #7

Quote:
الملكة منى

مشتاقين

حمدا لله على السلامة

قندهار مكان ارتدته كثيرا في أيامي الاخيرة , وهو مكان وادع وموغل في آن واحـد

لك التحية وأنت تتحركين بهذه الجرأة غير آبهـة

لن استرسل حتى أترك لك حرية الوصـف,

بس بالله (كومي) لانعام عبد الحفيظ..

تحياتي


أحمـد


تصدق يا أحمد ناس يقولوا لي هم فرحانين علشان بعمل معاهم البرامج..وناس تانيه زي الولد ناجي الملك..يقول اصله من أنا بجي الخرطوم هم ما بيشوفوا طعم الراحه؟
موش عيب عليه؟
اسه اقول ليه الحسنه في الملعون..ماعارفه بتعمل شنو كده؟
خليه يقول..الحياه قصيره..والحب لما يجمعنا بيملاها فرح..ولما يجمعنا في السودان بالتحديد بيكون الفرح كمان أكبر..وانا ماشيه اسك الفرح ده محل ما يبقي..
ولولا الوقت الضيق لذهبنا جميعا برحله علي اتنين كاروا..وامكن اربعه علشان احنا احجامنا كبيره وبنخاف علي الحمار يقع يموت..

انعام عبد الحفيظ كانت بتوزع اللحمه الحلوه علينا..لكن ناجي كان بيخطفها قبل
ما تصل!
المره الجايه لازم تجي..ولقد كونا مجموعه أوليه من عاشقي اللحوم المشويه..

وفي انتظارك..

Post: #53
Title: Re: معاكم من قندهار..
Author: انعام عبد الحفيظ
Date: 14-08-2007, 01:39 PM
Parent: #7

Quote: بس بالله (كومي) لانعام عبد الحفيظ..


شكراً يا صديقي

بس هم ما خلوا ليك كوم أكلوا كل اللحمة



Post: #8
Title: Re: معاكم من قندهار..
Author: ماجدة عوض خوجلى
Date: 13-08-2007, 02:40 PM
Parent: #1

قندهار طلع مكان فى السودان ؟؟!!
ينى مافيه لا مولا لهو خفى .. ولا مولا زعبولا
فى الحالة دى سلمى على الما مولا لهو خفى وعلى الما مولا زعبولا قد شك بيكونو فى .

Post: #9
Title: Re: معاكم من قندهار..
Author: عبد الغفار عبد الله المهدى
Date: 13-08-2007, 06:59 PM
Parent: #1

منى
سلامات



Quote: أما وقد تجمعنا نحن البورداب الموقعون بالحب أدناه..
فأننا نعلمكم بأن..

................

................

كدي النهش الضبان ده الأول وبعدين نوريكم


تجمع فى قندهار
وفيهو حب وضبان
انتى تقصدى ياتوا قندهار فى القندهارات ؟؟؟

Post: #11
Title: Re: معاكم من قندهار..
Author: محمد البشرى الخضر
Date: 13-08-2007, 07:25 PM
Parent: #9

سمح يا ناس الخرطوم
تخمونا بالكرواسان و حدائق المطار
قندهار دي إلا نسمع بيها سمع في البورد
---------------------------------------

حمدالله على سلامتك أستاذة منى
و انا اقول المنور الخرطوم كدا شنو؟

Post: #13
Title: Re: معاكم من قندهار..
Author: nazar hussien
Date: 13-08-2007, 08:36 PM
Parent: #11

انتو بتتقندهروا براكم؟ حايم في الخرطوم دي لي اسبوعين
لا لاقيت قندهار ولا بوردابي واحد بالغلط..

Post: #37
Title: Re: معاكم من قندهار..
Author: Muna Khugali
Date: 14-08-2007, 10:52 AM
Parent: #13

Quote: انتو بتتقندهروا براكم؟ حايم في الخرطوم دي لي اسبوعين
لا لاقيت قندهار ولا بوردابي واحد بالغلط..


انت في الخرطوم مافي يانذار..سمح رسل لي تلفونك في المسنجر
لو انت لسه في الخرطوم..
شفت ناس الخرطوم ديل اكالين لامن يخوفوك..
والمزعلني ما ظاهر عليهم..اسه احنا ناكل وجبه فيها ربع كيلو نزيد اتنين كيلو..
هم ياكلو وجبه فيها كيلو لحمه ضاني زي اشراقه أمس وما يزيدوا حتي جرام!!
ان فير موش؟؟
طيب انت وريني يا نذار انت الضبان ده بيسمن ولا لأ؟؟
علشان أنا حاولت اراقب حركته في أوقات مختلفه وبيتهيألي ما بيسمن..
امكن عشان ضبان سوداني لما يعرق بيفقد وزن!

Post: #34
Title: Re: معاكم من قندهار..
Author: Muna Khugali
Date: 14-08-2007, 10:10 AM
Parent: #9

Quote: تجمع فى قندهار
وفيهو حب وضبان
انتى تقصدى ياتوا قندهار فى القندهارات ؟؟؟


قندهار ديييييك..تمشي كده بالشارع طوالي...تلقي حاجه كده اسمها الرواكيب
تعدي منها..تقوم تلقي كواصلات كتيره واقفه..تلف بعجها شمال..بعدين تمشي تلقي كاروهات حلوه مفروشه عليها سجاجيد وراكوبات تخش بيها شمال..بعديت تتوه شويه لأنك بتكون بتفتش علي راكوبه معينه..يتقوم تطلع في الشارع تاني وترجع لشارع قبل المواصلات..وتمشي تلقي
زريبة الفحم تخش بيها وتاني واحده بس تلقي محل أكلنا في قندهار!!
عرفتها؟؟
اما عن سؤالك الأساسي عن اي قندهار..فأبحث عنه في السطور أعلاه!

وياحليلك ياشارع شريف!

Post: #15
Title: Re: معاكم من قندهار..
Author: osman righeem
Date: 14-08-2007, 05:54 AM
Parent: #1

سلامات يا مني
من قندهار !!!
عندما قرأت العنوان حسبت ان سخانة القاهرة
( لا سمح الله) عملت شوية خلل في وظائف الدماغ
وعملتها مني ولي بيشاور ومن هنالك متوجهين قندهار
وبعدين تور بورا و ... و.....

لكن ربك ستر و طلعت سوق ناقة جديد

الخرطوم مازالت تمنح الناس مساحة للدهشة و الفرح
وسط اكوام وارتال الخيبة و الاحباط

وحين ربطت بين هذا و حديثك لي في بوست لحظة من فضلك عن الليلة العثمانية
الشفيع و عثمان حسين اساطير و دعائم الطرب الاصيل
الطرب الذي لا يمر اليك عبر الاذن
بل يخترق كل الحواس و يسكن وجدانك و يفصلك عن الدنيا حولك
و تعيشه كلمة ونغمة وايقاع يموسق الجو حولك
وتعود بعده مشحونا بطاقة فعالة لتواجه وجه الخرطوم الاخر
الواقع الماثل الوجه الكلح للحياة الضنكة و الفقر و المثقبة

لابد من مثل هذه اللحظات حتي نتزود بالفرح لنهزم به الهم و الغلب

عشتي يا مني
وعاشت روحك الطيبة

Post: #16
Title: Re: معاكم من قندهار..
Author: السمؤال بدرالدين
Date: 14-08-2007, 06:11 AM
Parent: #1

صباح الورد والشية
اجمل رحلة مرتجلة مرت علي الجميع مع اجمل ناس

ناذر خليك قريب والله بورداب الخارج ديل بنفتش عليهم فتيش

غايتو يا مني انا محيرني الناس الاكلو الموز والتفاح في العربية
وبعد داك قاموا آخر ناس
يجو يعترفوا براهم
والله عصام قاعد
اوع تجامل يا عصام
تسلمو

Post: #27
Title: Re: معاكم من قندهار..
Author: انعام حيمورة
Date: 14-08-2007, 07:21 AM
Parent: #16

Quote: بس ما تنسوا تشربو الحاجة البيضاء ديك


فضل كرار .. كيفك

Quote: اوع تجامل يا عصام





سمؤال جاتك في صمة خشمك !!!

Post: #50
Title: Re: معاكم من قندهار..
Author: Muna Khugali
Date: 14-08-2007, 01:22 PM
Parent: #16

Quote: صباح الورد والشية
اجمل رحلة مرتجلة مرت علي الجميع مع اجمل ناس

ناذر خليك قريب والله بورداب الخارج ديل بنفتش عليهم فتيش

غايتو يا مني انا محيرني الناس الاكلو الموز والتفاح في العربية
وبعد داك قاموا آخر ناس
يجو يعترفوا براهم
والله عصام قاعد
اوع تجامل يا عصام
تسلمو


يا سلام عليك يا سمؤال يا ظريف..
لكن مش عيب تفضح انعام بسبب الأتنين كيلو موز؟
وكمانانت صحيح جبت تفاح مع الموز الطلبته منك..لكن انا ما باكل التفاح..اكلته تلك الآنسه التي لا ترحم..
نسميها سارتانا؟؟
انا أكلت موزتين بس..هي اكلت 6 موزات ومعاهم تفاحه..وكأنها ما ماشيه تتغدي!
ماشاء الله!
والله انتو يا ناس الخرطوم..صعبين..قالوا ما بتفوتو وجبه..
يعني ان شاء الله عادي تفطروا وتتغدوا وتتعشوا..ده غير الشاي بلبن والفطاير!!
واحنا الجايين من بره بناكل وجبه واحده بس..
واتحدي اي زول في اوربا يقول بياكل تلاته وجبات!

انت ليه ما أديت الود حذائك يورنشه مع أحذيتنا؟

شفت انعام بتقول لوديدي وناجي غمسوا اللحمه في موية السلطه كيف؟
تقول ليهم أعملوا كده..وتشيل لحمايه تغمسهافي موية البصل بالليمون وتاكلها وتقول ليهم أعملوا زيي..التقول هم يعني ماعارفين ومقصرين!
انعام أكلت البصل ني!

Post: #17
Title: Re: معاكم من قندهار..
Author: انعام حيمورة
Date: 14-08-2007, 06:20 AM
Parent: #1

صباحكم زين

بدأت الفكرة وتبلورت - تبلورت دي حلوة - انعام عبد الحفيظ قالت لي احمد عبد الله دا مسافر باقي ليه 4 يوم قلت ليها خلاص نعزمو هو ومنى خوجلي في امواج .. وفي هذه الاثناء جاءتني منى في مكتبي ..

كلمتها قلت ليها انا وانعام عبد الحفيظ عازمنكم انتي واحمد عبد الله في امواج قالت لي ليه امواج ما تكون قندهار ..

ضربت لي احمد عبد الله ياخي ماشين قندهار قال لي خلاص نكبر الكوم شوية كدي شوفي ناس ناجي الملك وكدة ..

بس دورت ليك اتصالات ناجي الملك - وديدي - عصام عبد الحفيظ - السمؤال بدر الدين - هاشم احمد خلف الله اشراقة حيمورة ( دي قصتها قصة بنجيها) ( سمية الحسن طلحة) - نور الهادي ..

وفي ظرف ربع ساعة كان قد تحرك الركب متوجها الى قندهار

Post: #18
Title: Re: معاكم من قندهار..
Author: hameem
Date: 14-08-2007, 06:29 AM
Parent: #1

قندهار تطلِّع زيتكم ذااتو
شاحد الله يجيبوكم في قناة الجزيرة
وصاحبي نور الهادي قولو ليهو الكاميرات لمن يصور بها ..
دا على وزن الأرض لمن يفلحها ..
عليه ستُجمع منك الكاميرا والصور السمحة الفي ذاكرتك ذاااتا ما بنخليها
أسعد الله الأيام سعادة خااالصة .. مفلترة بجنس رحلاتكم دي
ورونا شوية صور عليكم الله

Post: #49
Title: Re: معاكم من قندهار..
Author: Muna Khugali
Date: 14-08-2007, 01:08 PM
Parent: #18

Quote: قندهار تطلِّع زيتكم ذااتو
شاحد الله يجيبوكم في قناة الجزيرة
وصاحبي نور الهادي قولو ليهو الكاميرات لمن يصور بها ..
دا على وزن الأرض لمن يفلحها ..
عليه ستُجمع منك الكاميرا والصور السمحة الفي ذاكرتك ذاااتا ما بنخليها
أسعد الله الأيام سعادة خااالصة .. مفلترة بجنس رحلاتكم دي
ورونا شوية صور عليكم الله
قندهار تطلِّع زيتكم ذااتو
شاحد الله يجيبوكم في قناة الجزيرة
وصاحبي نور الهادي قولو ليهو الكاميرات لمن يصور بها ..
دا على وزن الأرض لمن يفلحها ..
عليه ستُجمع منك الكاميرا والصور السمحة الفي ذاكرتك ذاااتا ما بنخليها
أسعد الله الأيام سعادة خااالصة .. مفلترة بجنس رحلاتكم دي
ورونا شوية صور عليكم الله




شوفنا الناس بتسرق حاجات كتيره..
ممكن تكون محتاجه ليها..
لكن ماشوفنا زول كبير..وشبعان..وابن ناس محترمه يقوم يسرق الأكل!!
يا عيب الشوم..يا فلانه يالفي بالي..
انتي وفلانه التانيه..الأكلت كيلو لحمه ضاني مشوي مشفي..
عيب عليكم!
أمال في العيد الكبير تعملوا شنو!

قندهار دي اتاري فيها سحاحير..نور الهادي كان بيفتش لمراره يا هميم!
انا قلت معقوله بس نور الزول الفنان الرقيق ده ياكل لحمه نيه؟!

وبعدين انت لو شوفت انعام وهي بتاكل..تتذكر هند المجرمه..عارفها؟

انشالله يجيبونا في تلفزيون الجزيره..ونبقي مشهورين..قول آمين

Post: #19
Title: Re: معاكم من قندهار..
Author: انعام حيمورة
Date: 14-08-2007, 06:30 AM
Parent: #1

منى لانها زولة حنينة قامت صاحبت ليك الضبان طوالى بس في الاول لزوم تتعرف عليه وكدة لكن ما اخد معها 5 دقائق .. وبقت بعد داك سعيدة جدا


Post: #20
Title: Re: معاكم من قندهار..
Author: انعام حيمورة
Date: 14-08-2007, 06:38 AM
Parent: #1

هميم

Quote: والسيد دا من شدة ما هو متجدع ، بقى كمان ينزل في كشوفات الموقعين والموقعات !!


يازول دا نسى ليك موضوع عد بابكر دا خالص بقى خرطومي ساي لقى ليك الكباري الطايرة والحالة السمحة دي تاني ما بجيكم ..

هسي عليك الله شوفوا متجدع كيف !!


Post: #21
Title: Re: معاكم من قندهار..
Author: انعام حيمورة
Date: 14-08-2007, 06:45 AM
Parent: #1

Quote: وصاحبي نور الهادي قولو ليهو الكاميرات لمن يصور بها ..



هميم .. هاك الجديع دا


Post: #22
Title: Re: معاكم من قندهار..
Author: انعام حيمورة
Date: 14-08-2007, 06:56 AM
Parent: #1

Quote: وعرفنا الناس الخطرين على الأكل.. ان صادف وقابلتهم ما تقعد جنبهم ساعة الأكل.. عارف..
يخوفوك عديل!!
لا بيعرفوا لحم مشفي ولا بيرحموا عضم!
وكله في سرعة فائقه تحتار الأعين في التنقل بين قطعة اللحم واليد الخاطفه والفم الخاطف الأكبر..حقيقي يخوفوا!!





Post: #23
Title: Re: معاكم من قندهار..
Author: Mohamed Abdelgaleel
Date: 14-08-2007, 07:00 AM
Parent: #22

دي قندهار الجنب أمبدة ..
أظنك بتقصدي سوق الناقة

Post: #75
Title: Re: معاكم من قندهار..
Author: Muna Khugali
Date: 15-08-2007, 06:04 PM
Parent: #23

Quote: دي قندهار الجنب أمبدة ..
أظنك بتقصدي سوق الناقة


اظن كده يا محمد..انا ذاتي لغاية دلوقتي ماعارف..

مره الجماعة يقولوا سوق الناقه..ومره يقولوا قندهار
ومره يقولوا سوق الناقه بقي اسمه قندهار..
المهم انا ما شفت اي ناقه هناك!
وفي الأول الجماعه كانوا ياكلوا ويقولوا الله ..لحم الأبل ده حلو!
انا طبعا خفت..ووقفت ايدي قبل ما تصل الأكل..
لكن سميه قالت لي في ابل عضامه صغار؟
ما تصدقي كلامهم!

الجلسه في قندهار ذكرتني بحوار دار بيني وبين شوشو في مصر..
وشوشو ابنة حلوان من أصل سوداني من ناحية الأب الذي عاش ومات في مصر..
ومن أم مصريه ايضا لم تري السودان من قبل!
راتنا شوشو نتبادل التحيه والأبتسام مع أحد الشبان السودانيين في دار الأوبرا..
سألتنا..ماجده وأنا
انتو تعرفوه..
ردينا..
لأ
معقوله؟
ازاي تسلموا علي واحد ماتعرفهوش؟
والله كفايه انه سوداني علشان نسلم عليه!

تذكرت هذا في قندهار..
رأيت جلسات الأخرين بجانبنا كأننا من اسره واحده لم تسعها نفس طاولة الطعام!
كاننا مدعوين لنفس المناسبه نتبادل نظرات الود من دون حديث..فقط السلام عليكم!

تري هل تضيع منا تلك الخاصيه السودانيه الولوفه الجميله مع ما يضيع منا في كل
يوم؟

مشتاقين يا محمد عبدالجليل..

Post: #55
Title: Re: معاكم من قندهار..
Author: Muna Khugali
Date: 14-08-2007, 01:42 PM
Parent: #22

أها كمان شوفتوني في الصوره الفوق دي مهجومه كيف؟
ده كله بسبب كمية العام القدام انعام في الصينيه!
انها حقا مرعبه..
طيب شوفتو كوم العام في الصوره؟
دي ياها ذاتها الكميه الأواي الأكلتها انعام..
ايوه والله الأولي..
في بقيه علي مرتين..
واحده تشاركنا فيها..والتالته راحت في طريق غريب!
واسألوا سميه طلحه!

Post: #24
Title: Re: معاكم من قندهار..
Author: ملكة سبأ
Date: 14-08-2007, 07:01 AM
Parent: #1

مرحباً بكم

Post: #64
Title: Re: معاكم من قندهار..
Author: Muna Khugali
Date: 14-08-2007, 04:12 PM
Parent: #24

Quote: مرحباً بكم



ومن قندهار وبرنامجنا نرسل سلامنا وأشوقنا للملكه بلقيس..
ونهديها سلام مشوي!
لقينا راجل يا بلقيس بيبع شرايط وشايل راديو النوع القدييييييم داك..
زي الكانوا اهلنا زمان بيختوه جنب راسهم ويقول ليهم هم براهم مع انه صوته عالي شديد ..
هنا أمدرمان..
قلنا نشتري من الراجل الراديو بدل ما نشتري منه الكاسيت..لكن اختلفنا في التمن..
هو قال حاجه..وانعام قالت حاجه تانيه!
انا كنت عايزه اشيله معاي لندن ذكري لأيام طفوله..ولتخيل شكل الخليفه وماما عاشه
وجدي عثمان الحسين وهم قاعدين يسمعوا فيه..لكن ما عارفه..
تفتكري هناك في لندن ممكن يقول "هنا أمدرمان"؟

سلمي علي خيتك وخيانك..

Post: #25
Title: Re: معاكم من قندهار..
Author: انعام حيمورة
Date: 14-08-2007, 07:03 AM
Parent: #1

Quote: حتي عصام عبد الحفيظ مصورهم وهم مكوين العضام قدامهم..للتوثيق!



Post: #26
Title: Re: معاكم من قندهار..
Author: معتصم دفع الله
Date: 14-08-2007, 07:06 AM
Parent: #1

قندهار ..
في نص النهار ..
دي ما خيانة منكم عليكم الله ..
غايتو ما عافي ليك يا أحمد عبدالله ..


منى ازيك ..

Post: #38
Title: Re: معاكم من قندهار..
Author: انعام عبد الحفيظ
Date: 14-08-2007, 11:35 AM
Parent: #26

Quote: قندهار ..
في نص النهار ..
دي ما خيانة منكم عليكم الله ..
غايتو ما عافي ليك يا أحمد عبدالله ..




معتصم يا حاسد ماعافي ليهو شنو ولا شنو؟

قندهار ولا المطايبة

Post: #28
Title: Re: معاكم من قندهار..
Author: Ishraga Haimoura
Date: 14-08-2007, 07:28 AM
Parent: #1

Quote: الشراب القلته ده اسمه بغاشه..

هي يا الفالحة... إسمها غباشة وليس بغاشة

وبالمناسبة منى قاعدة ساعتين ما عرفت تكتب قندهار لمن إنعام رسلتها ليها بالمسنجر

Quote: انتو بتتقندهروا براكم؟ حايم في الخرطوم دي لي اسبوعين
لا لاقيت قندهار ولا بوردابي واحد بالغلط..


نزار... إنت قايل البورداب ديل بتلاقيهم حامين في الشارع ومكتوب عليهم بورداب؟؟؟ ما تنز ل رقم تلفونك عشان نعرف نلم فيك

يا معتصم ... قندهار دي أصلها في وضح النهار ..قبل المغرب بتقفل لأنه لا توجد قندهار بدون ضبان.. والضبان بعد المغرب بيمشي ينوم ....... ما عندنا ضبان بيشتغل ورديات

سموأل .... الصورة دي قبل ولا بعد ما شربت الحاجة البيضاء ديك؟؟؟؟ إنت لسه مطشش؟؟؟ لأنك شفت نزار ناذر!!!!!!!!!!!!!

Post: #30
Title: Re: معاكم من قندهار..
Author: انعام حيمورة
Date: 14-08-2007, 08:09 AM
Parent: #1

Quote: غايتو ما عافي ليك يا أحمد عبدالله ..



معتصم دي حسادة منك ساي


Post: #31
Title: Re: معاكم من قندهار..
Author: انعام حيمورة
Date: 14-08-2007, 08:22 AM
Parent: #1

اما قصة اشراقة القلتها ليكم في البداية ..

اشراقة مرقت من المكتب بدري ومشت البيت وهي ( صايمة ) ضربت ليها قالت لي طوالي بنسق مع هاشم وسمية الحسن طلحة هم في المغتربين وطوالي مشوا عليها وجات بي صيامها دا ..

عملنا ليها واحد كيلو وباقة غباشة فطرت بيهم ..



اشراقة تترقب في المغرب!!

Post: #32
Title: Re: معاكم من قندهار..
Author: Ishraga Haimoura
Date: 14-08-2007, 08:33 AM
Parent: #1

أنا أترقب في المغرب ومنى تحشر ليها لقمتين في خشمها وتعاين لي: "والله البت دي عزيمتها قوية" قربت تفطرني

منى وإنعام لقمتين لقمتين ما بيشتغلوا بالفرادي

Post: #33
Title: Re: معاكم من قندهار..
Author: انعام حيمورة
Date: 14-08-2007, 08:37 AM
Parent: #1

Quote: سمح يا ناس الخرطوم
تخمونا بالكرواسان و حدائق المطار
قندهار دي إلا نسمع بيها سمع في البورد



محمد البشرى .. حمد لله على السلامة

انت لكن لحقناك لحق لي حدائق المطار دي و نحن ناس اسبوع واسبوعين ديل ما بنفعوا معانا الا شهر وما فوق حتى نوريهم الدروب دي ..

فقدناك والله

Post: #35
Title: Re: معاكم من قندهار..
Author: salma subhi
Date: 14-08-2007, 10:25 AM
Parent: #33

منى

كيفك ...مرور لالقاء التحية

Post: #36
Title: Re: معاكم من قندهار..
Author: انعام حيمورة
Date: 14-08-2007, 10:41 AM
Parent: #1

عبد الغفار

شفت الوصف دا كيف .. وكدي شوف الخلطة الفي الكاروا دي كيف . ما بتكون عمرك خلطت زيها


Post: #39
Title: Re: معاكم من قندهار..
Author: sudania2000
Date: 14-08-2007, 11:43 AM
Parent: #36

سلامات

قندهار مالها يا بت وامال هنا ايه عوج الدرب ذاتها وحاتك

ديك الجنة الدنيوية

خليك حريصة

تقوم تجيك تيفويد ولا مالطية من جنتنا ديك

تحياتي لكل الموقعين ادنا

واعلان الحب ابصم عليه بالعشرة

بث كدا

Post: #40
Title: Re: معاكم من قندهار..
Author: Muna Khugali
Date: 14-08-2007, 12:00 PM
Parent: #36

Quote: سلامات يا مني
من قندهار !!!
عندما قرأت العنوان حسبت ان سخانة القاهرة
( لا سمح الله) عملت شوية خلل في وظائف الدماغ
وعملتها مني ولي بيشاور ومن هنالك متوجهين قندهار
وبعدين تور بورا و ... و.....

لكن ربك ستر و طلعت سوق ناقة جديد

الخرطوم مازالت تمنح الناس مساحة للدهشة و الفرح
وسط اكوام وارتال الخيبة و الاحباط

وحين ربطت بين هذا و حديثك لي في بوست لحظة من فضلك عن الليلة العثمانية
الشفيع و عثمان حسين اساطير و دعائم الطرب الاصيل
الطرب الذي لا يمر اليك عبر الاذن
بل يخترق كل الحواس و يسكن وجدانك و يفصلك عن الدنيا حولك
و تعيشه كلمة ونغمة وايقاع يموسق الجو حولك
وتعود بعده مشحونا بطاقة فعالة لتواجه وجه الخرطوم الاخر
الواقع الماثل الوجه الكلح للحياة الضنكة و الفقر و المثقبة

لابد من مثل هذه اللحظات حتي نتزود بالفرح لنهزم به الهم و الغلب

عشتي يا مني
وعاشت روحك الطيبة


اسه يا عثمان لو عندك حق تذكرة الطياره اركب وتعال الخرطوم..
صحيح ممكن تترفد بعد كده من شغلك..لكناهي مغامره
اصلهالحاجات المنظمه مع ناس الخرطوم دي ما بتنفع..بس تهجمهم وتقول ليهم احنا في الشارع امرقوا ماشيين المكان الفلاني!
شوفت الفاتح وديدي وناجي قاعدين كده بلا ناموا!
مساكين مالاقيين وقت ذاتو ينوموا فيه في بيتهم..ساكين الحياه كده!
وبعدينسيبكانت من الهم..يعني عمركسمعت بالهم مات ولا مشي لأبد؟
ماهو وظيفته الأساسيه يجي يقصر عمرنا ويعكنن علينا حياتنا..علشان كده لما تلقي فرصه تغيظه وتفرح ما تضيعها أبدا!
وعلي فكره الليله العثمانيه كانت في الخرطوم وهانكررها قريب لو في العمر بقيه..

تسلم.. وفكر في الموضوع كويس!

Post: #41
Title: Re: معاكم من قندهار..
Author: انعام حيمورة
Date: 14-08-2007, 12:04 PM
Parent: #1

Quote: معتصم يا حاسد ماعافي ليهو شنو ولا شنو؟ قندهار ولا المطايبة


احمد عبد الله يستعد للهجمة الشرسة والشطة بالاتي .. عمك حريف شديد يا معتصم ..


Post: #44
Title: Re: معاكم من قندهار..
Author: Muna Khugali
Date: 14-08-2007, 12:38 PM
Parent: #41

Quote: سلامات يا مني
من قندهار !!!
عندما قرأت العنوان حسبت ان سخانة القاهرة
( لا سمح الله) عملت شوية خلل في وظائف الدماغ
وعملتها مني ولي بيشاور ومن هنالك متوجهين قندهار
وبعدين تور بورا و ... و.....

لكن ربك ستر و طلعت سوق ناقة جديد

الخرطوم مازالت تمنح الناس مساحة للدهشة و الفرح
وسط اكوام وارتال الخيبة و الاحباط

وحين ربطت بين هذا و حديثك لي في بوست لحظة من فضلك عن الليلة العثمانية
الشفيع و عثمان حسين اساطير و دعائم الطرب الاصيل
الطرب الذي لا يمر اليك عبر الاذن
بل يخترق كل الحواس و يسكن وجدانك و يفصلك عن الدنيا حولك
و تعيشه كلمة ونغمة وايقاع يموسق الجو حولك
وتعود بعده مشحونا بطاقة فعالة لتواجه وجه الخرطوم الاخر
الواقع الماثل الوجه الكلح للحياة الضنكة و الفقر و المثقبة

لابد من مثل هذه اللحظات حتي نتزود بالفرح لنهزم به الهم و الغلب

عشتي يا مني
وعاشت روحك الطيبة


ابعد عن الفقر وغنيله
استمع للعثمانين ثم لأبوداوود..ثم اقضي وقتا مع محمد ميرغني..
وبعد كده خلي الدنيا تنقلب وما شغلتك بيها..تقدر؟

لو بتقدر جيب تذكره واركب الطياره للخرطوم..ولو رفدوك من الشغل انا ما لي دعوه!

الهم ده اصله بيقصر العمر وكفانا حزن..اتحسبت علينا حياه ساكت..وعلي فكره..
الهم ده بيتابعك محل ما تمشي ..اتحداهو زيي وأخلق فرح..أخلقه بأي طريقه تسعدك
وتسعد التانيين المعاك..

نسلم عثمان..ان قدرت تعال..
علشان تشوف بعينك كيف انعام أكلت 6 موزات واحنا في طريقنا لقندهار..
وحالته الموز طلبته انا من سمؤال وجابه لي..استلمته هي وأثبتت ان الأنسان اصله..

تسلم عثمان..ياللا منتظرنك..

نعومي..عندك حبيبتي صورة قرد بياكل موز؟
طيب ممكن تجيبيها هنا؟

مرسي ان ادفانس!

Post: #52
Title: Re: معاكم من قندهار..
Author: osman righeem
Date: 14-08-2007, 01:29 PM
Parent: #44

مني
قبل ما ترجعي من القاهرة الناس
كانت في نادي التنس
وبيت ناس بكري

مرة واحدة وراء امبدة وقندهار كمان

القرود بتحب الموز
ما اظن
لاني اخر مرة شفت قرد في حديقة حيوان في الخليج
كان بيأكل ايسكريم من باسكن روبنز

واخر مرة شفت قرد في السودان عام (×198)
في جبال الانقسنا كان بيأكل دوم اخضر(ني)

واخر مرة شفت قرد في مصر كان بيشرب سجارة

وبمناسبة خلق الفرح انا اخصائي في التخلص من المنقصات و الفيروسات
التي تهدد الفرح و السعادة
ودائما في جانب حلو و مشرق لأي حدث مهما كان الوجه الظاهر مظلم
و كان عندي زميل سكن يؤمنا في الصلاة
وكان يقراء لنا دائما في الصلاة الجهرية ايات العذاب
والنار و و و
فسألته يوما لماذا لا يقراء لنا
ايات الجنة التي وعد الله عباده المؤمنين
و الحور العين و جنة عرضها السموات والارض
وقل ياعبادي الذين اسرفو
و الكاظمين القيظ و العافين عن الناس

اندهش و غضب ولكن بعد نقاش مع اخ ثالث
لم يجد في الامر خروج عن المالوف
وكان طلبنا بسيط ياخي نحن مؤمنين و بنصلي المانع شنو تحببنا في الصلاة اكثر
بذكر العاقبة الحسنة
وبعدين الحاجات التانية دي امش قولها للناس القاعدين بلعبوا في الكوتشينة والصلاة قائمة

الفرح مريح
وطاقة خلاقة

بس لحدي الحين و اللحظة في ناس بتشوف الضحك مسخرة وقلة ادب

صديق سوداني مولود و متربي في عين شمس عادت اسرته للسودان منتصف السبعينات
و وجد عمل مفتش تزاكر في بصات مواصلات العاصمة سابقا ( ابو رجيلة ) و بعد اسبوع
ترك العمل فسألته عن السبب
قال كل الناس بتجي الصبح زعلانه ليه وكل ما اهظر بكلمة
مع واح يبصلي و كاني عبيض

فتفقت معه انه علي حق و بلاش نكد


Post: #42
Title: Re: معاكم من قندهار..
Author: انعام حيمورة
Date: 14-08-2007, 12:29 PM
Parent: #1

Quote: تحياتى لكل المعاك والمامعاك ذى انا كدة مثلا وبرضو ناس تانين انا ماعارفاهم


مجدة حبيبتي ..

انتي كنتي معانا ولا شنو شربتي الغباشة ياربي تكوني متخفية؟؟!!

Post: #43
Title: Re: معاكم من قندهار..
Author: انعام حيمورة
Date: 14-08-2007, 12:35 PM
Parent: #1

Quote: الخرطوم مازالت تمنح الناس مساحة للدهشة و الفرح وسط اكوام وارتال الخيبة و الاحباط


عثمان رقيم .. دي بس كية ليكم !!


Post: #45
Title: Re: معاكم من قندهار..
Author: انعام حيمورة
Date: 14-08-2007, 12:48 PM
Parent: #1

Quote: شوفت الفاتح وديدي وناجي قاعدين كده بلا ناموا!


الفاتح وديدي شكله هسي كان بفكر في النومة لم تستطيع كاميرا عصام التقاطه وهو نايم ..



اما ناجي الملك جادي جدا في النوم !!



الحالة قبل الاكل الكلام دا !! ..

Post: #46
Title: Re: معاكم من قندهار..
Author: وليد محمد المبارك
Date: 14-08-2007, 12:51 PM
Parent: #45

بالهناء

لكن يا حليل قندهار قبلي ما يرحلوا ليها دلالة العربات

كان بدخلوها الشفوت الزينا بس


هاهاهاهاهاهاهاها

Post: #71
Title: Re: معاكم من قندهار..
Author: Muna Khugali
Date: 15-08-2007, 08:45 AM
Parent: #46

Quote: بالهناء

لكن يا حليل قندهار قبلي ما يرحلوا ليها دلالة العربات

كان بدخلوها الشفوت الزينا بس


هاهاهاهاهاهاهاها


سلام يا وليد..

نحنا ذاتنا بتاعين عصابات..بس عصابات مسلحه بالحب والموده..
ولو عندنا قروش ومخ بتاع عمل قروش..كان دخلنا الدلالات وكابسنا للرزق فيها..
وبعدها نمشي نصرفها في قندهار..يعني نبيع العربيه.. نوفر جزء وناكل بالجزء الأكبر..خطرين في الأكل

ومش احنا خطرين في الأكل؟ أها الشافع بتاع الورنيش خطر في الأستهبال والزوغان..اخد القروش حقته وحقت زميله بعد ما ورنشوا الأحذيه وهرب بيها!

المره الجايه تعال معانا قندهار..ونعمل مسابقه ونشوف الأكال الأكتر منو..
والبيفوز..

عليه يدفع الحساب

Post: #47
Title: Re: معاكم من قندهار..
Author: osman righeem
Date: 14-08-2007, 12:56 PM
Parent: #1

شكرا يا انعام
ادام الله نعمة الفرح و الضحك
لكن الشكية لي اب ايدا قوية
اليوم هنا 24 ساعة ( في السودان ربما يكونوا غيروا عدد
ساعات اليوم ، ضريبة مبيعات مثلا)
انا بعمل 18ساعة
و انوم 6 ساعات
وبكون فرحان 8 ساعات
وبكون 16 ساعة انا بعمل
صاري وشي
وبكون 6 ساعات صاري وشي لكن بضحك

لو عرفتي تحسبي الحسبة دي
تكون كية مقبولة

وممنوع الاستعانة بصديق



Post: #48
Title: Re: معاكم من قندهار..
Author: انعام عبد الحفيظ
Date: 14-08-2007, 12:59 PM
Parent: #1

غايتو انا جاني تلفون في عز الحر والجري داك

قالوا لي خلاص بقينا على الغداء اليوم

بعد شوية جرسة من الحر قلت ياخي نمشي

وكانت رحلة حلوة وغداء أحلى وضحكنا شديد

غايتو الما حضر غداء امس نص حياتو ضائعة

Post: #51
Title: Re: معاكم من قندهار..
Author: انعام حيمورة
Date: 14-08-2007, 01:27 PM
Parent: #1

Quote: وبعدين انت لو شوفت انعام وهي بتاكل..تتذكر هند المجرمه..عارفها؟





يا منوية حا اكون اكلت دا كلو براي والله يا جماعة نحن طلبنا 10 كيلو + 1 كيلو شالتو اشراقة براها تفطر بيه هسي اشراقة ذاتها قالت انعام ومنى جوز ما يخسر .. ومنى هسي بي كلامها دا رمت القصة علي ..

بالله شوفوني مسكينة كيف ..




عثمان رقيم كان بحسبها كدة ما كان بكون قلبي مييييت

Post: #54
Title: Re: معاكم من قندهار..
Author: انعام حيمورة
Date: 14-08-2007, 01:41 PM
Parent: #1

Quote: كان بدخلوها الشفوت الزينا بس


وليد عليك الله هسي قعدت هاشم احمد خلف الله دي ما قعدت شفوت الحالة عمل حسابو !!!


Post: #56
Title: Re: معاكم من قندهار..
Author: Fadl Karrar
Date: 14-08-2007, 01:57 PM
Parent: #54

الحبايب
صاحبي زمان كان بقول ( الأكل قعدة ، والشبع من الله )
ما إتذكرت المقولة دا من زمن طوييييييييييييييل
لكن البوست دا رجعها لي تاني من أعماق الذاكرة
ومعاها معاني جديدة
الشبع الإنساني
الوجداني
والروحي
أجمل حاجة فى قندهار تفاصيل الاشياء وتعامل الناس
أحب الكردافة لي جد جدهم العشرومية
الجزارين ، الخالات البظبطو الأكل ، ست المديدة وستات الشاي
مرة من ذات المراير ست المديدة دفست الكورة بي سمن اصلي أصفي من الدهب
أصحابي قالوا لي ( والله تشيل ليك معلقة من المديدة دي إلا نسفرك الأردن)
الله يخلي السودان والحبان

Post: #80
Title: Re: معاكم من قندهار..
Author: Muna Khugali
Date: 17-08-2007, 11:51 AM
Parent: #56

Quote: الحبايب
صاحبي زمان كان بقول ( الأكل قعدة ، والشبع من الله )
ما إتذكرت المقولة دا من زمن طوييييييييييييييل
لكن البوست دا رجعها لي تاني من أعماق الذاكرة
ومعاها معاني جديدة
الشبع الإنساني
الوجداني
والروحي
أجمل حاجة فى قندهار تفاصيل الاشياء وتعامل الناس
أحب الكردافة لي جد جدهم العشرومية
الجزارين ، الخالات البظبطو الأكل ، ست المديدة وستات الشاي
مرة من ذات المراير ست المديدة دفست الكورة بي سمن اصلي أصفي من الدهب
أصحابي قالوا لي ( والله تشيل ليك معلقة من المديدة دي إلا نسفرك الأردن)
الله يخلي السودان والحبان




عارف يا فضل..
لمات زي دي لو اتكررت كتير..اكيد عمرنا هايقصر!!
عارف ليه؟
علشان الأكل الكتير الغير منظم في مكوناته..
الحمدلله تجمعنا الجاي هايكون علي سمك بس!
وانا ان شاء الله اكل ليك ولي..سمك مشوي كويس معاك؟
طازه ومن النيل ..
تاكل وتشرب بيبسي بس انا هأشرب مويه بس..
المهم اخنا عندنا مشروع تسمين..ما مشروع تسمين الماشيه
ولا حاجه..
بس مشروع تسمين مني وانعام حيموره واشراقه الكاتله حيلها..
قال صايمه قال!
هي اتاريها راسمه علي الكيلو المشفي وعلي عصير البغاشه..
يعني راسمه علي تقيل...بعد ماشافت مجموعة سارتانا ما بترحم..

لكن بيني وبينك أمس لقيت ناس قاعده قعده رهيبه حوالين طبق فول..
قدام الدكان..
بس خساره ما قدرت أدخل ايدي معاهم..كنت مستعجله.. ماشيه لأكله تاني
كفايه كده..ماجده تقرا الكلام ده..تمشي تكلم ماما جاره
وبعدين ما يحصل كويس!
ما جاي الخرطوم قريب؟؟

Post: #57
Title: Re: معاكم من قندهار..
Author: Fadl Karrar
Date: 14-08-2007, 01:57 PM
Parent: #54

حذف للتكرار غير المقصود

Post: #58
Title: Re: معاكم من قندهار..
Author: انعام حيمورة
Date: 14-08-2007, 02:07 PM
Parent: #1

Quote: واسألوا سميه طلحه!


سمية ذاتها يسالوها من شنو ولا شنو ياخي دي عسل عديل اول شي اطرشني كان في غناء ولا صفقة كانت حاصلة



تانيا ونحن راجعين في العربية مع سمؤال نور الهادي ومنى وسمية وانا .. قلت لي منى اديني لبانة قالت لي مش قبيل قلتي لباني حار ما بديك سمية قالت لي انا بديك وطلعت ليها لبانة من شنطتها الله بعلم مأكولة لما لينة والحكمة انا اكلتها

والله سمؤال من شدة ما ضحكنا كان عايز يوقف العربية فوق الكبري

الا غايتو جانا بتاع عربية الشرايط دا تكون ياربي علقت معاه


Post: #59
Title: Re: معاكم من قندهار..
Author: انعام حيمورة
Date: 14-08-2007, 02:24 PM
Parent: #1

حكت لكم كميرته كل هذا الفرح .. عصام عبد الحفيظ



Post: #60
Title: Re: معاكم من قندهار..
Author: Nesta
Date: 14-08-2007, 02:32 PM
Parent: #59

خا يا نا تتت

Post: #61
Title: Re: معاكم من قندهار..
Author: انعام حيمورة
Date: 14-08-2007, 02:32 PM
Parent: #1

ذي المواعيد دي جينا راجعين !! ..


Post: #62
Title: Re: معاكم من قندهار..
Author: Nesta
Date: 14-08-2007, 02:36 PM
Parent: #61

وعصام ده قلب من اثيوبيا لفرنسا متين ؟ وعشان شنو ؟؟


طبعا يا انعام ح أعمل عزومة برااي وما ح تسمعوا بيها الا بعد انتهاء الغزوة.. مثل غزوة قندهار التي قمتم بها ..

Post: #63
Title: Re: معاكم من قندهار..
Author: Waly Eldin Elfakey
Date: 14-08-2007, 02:38 PM
Parent: #61

Quote: أما وقد تجمعنا نحن البورداب الموقعون بالحب أدناه

terrorist

Post: #65
Title: Re: معاكم من قندهار..
Author: hameem
Date: 14-08-2007, 07:08 PM
Parent: #1

قندهار تطلِّع زيتكم ذااتو
شاحد الله يجيبوكم في قناة الجزيرة
وصاحبي نور الهادي قولو ليهو الكاميرات لمن يصور بها ..
دا على وزن الأرض لمن يفلحها ..
عليه ستُجمع منك الكاميرا والصور السمحة الفي ذاكرتك ذاااتا ما بنخليها
أسعد الله الأيام سعادة خااالصة .. مفلترة بجنس رحلاتكم دي
ورونا شوية صور عليكم الله

Post: #66
Title: Re: معاكم من قندهار..
Author: Muna Khugali
Date: 14-08-2007, 07:50 PM
Parent: #65

هوي..

أنا بعد بكره ان شاء الله ماشيه قندهار..الماشي معاي يوقع هنا..

سمح؟

Post: #67
Title: معاكم من قندهار
Author: عادل طه
Date: 14-08-2007, 08:14 PM
Parent: #1

منى خوجلى
حكاية قندهار دى ذكرتنى بواحد افغانى التقيته فى سجن الترحيلات بالقاهرة كان قد قدم من موسكو الى القاهرة بعد ان خدعته عصابة بتسفيره الى امريكا المهم الراجل ما كان عندو اقامة وكانت زوجته فى موسكو وبلاده فى ذلك الوقت كانت غارقة فى فوضى الحرب الاهلية فى قبضىة الملا عمر ورفاقه من الارهابيين
اسلطت المصرية سفرته الى موسكو لكنه عاد منهابعد ان رفض الروس دخوله
كان يائسا من الوضع فى بلاده

لا ادرى اين هو الان
تحياتى

Post: #68
Title: Re: معاكم من قندهار
Author: مجدي عبدالرحيم فضل
Date: 15-08-2007, 05:21 AM
Parent: #67

Quote: الآنسه انعام حيموره
السيد السمؤال بدرالدين
السيد نور الهادي الخضر
السيده اشراقه حيموره
السيد هاشم أحمد خلف الله
السيده سميه الحسن طلحه
السيد عصام عبد الحفيظ
السيد ناجي الملك
السيد الفاتح وديدي
الانسه انعام عبد الحفيظ
السيد احمد عبدالله
السيده مني عوض خوجلي


مني القائمة دي بنرسله الي الكونجرس

للفحصها من أمراض الذباب !!!

والله الواحد أشتهي السودان وضبانوا ودخان الشية

فوق درب الخريف وبالهناء واصلي النغم علي ألحان

قندهار ورواكيب النهار تعج بالفرح.

،،،،أبوقصي،،،،

Post: #69
Title: Re: معاكم من قندهار
Author: Muna Khugali
Date: 15-08-2007, 07:52 AM
Parent: #68

Quote: مني القائمة دي بنرسله الي الكونجرس

للفحصها من أمراض الذباب !!!

والله الواحد أشتهي السودان وضبانوا ودخان الشية

فوق درب الخريف وبالهناء واصلي النغم علي ألحان

قندهار ورواكيب النهار تعج بالفرح.

،،،،أبوقصي،،،،


واحسن كمان بالمره يا مجدي ترسلها لأطباء القلب..
وتشوف الناس دي قلوبها المليانه حب وبهجه دي..
تأثير الجمال علي مستقبلها شنو؟
عرفنا الدهون تسبب الكلسترول..الحب بيسبب شنو؟
وماهي المساحات المتبقيه في هذه القلوب لحب أكبر واشمل؟

وفي انتظار حضورك خلال ايام لو أمكن..علشان تشيل الاسكانات والأشعات والتحاليل معاك!

مشتاقين كتير خالص..

Post: #70
Title: Re: معاكم من قندهار
Author: مجدي عبدالرحيم فضل
Date: 15-08-2007, 08:06 AM
Parent: #69

Quote: عرفنا الدهون تسبب الكلسترول..الحب بيسبب شنو؟


منو في حالتي دي بسببوا البعد عن اللمَه الحلوه دي

أبقوا عشرة عليها وياريت طائر الهوي يحلَق بي حولكم

ويجيب لي من الأحباب أجمل روشتة حب أبدي وفطري بزبابات

قندهار والرئحة الهابه همبريب عشق لهذا الكيان القوي

سودانيزأون لاين وروادو الأخيار من خيار وتسلمي وشوق شديد

لكل الدرجة الثالثة ونحي الأحياء مربع مربع ونترحم علي من

مضو فرحين الي جنات الخلد ونحن أن شاء الله بهم لاحقون وهي

السنُة فينا وتبقي جدران الزكريات أكتبوا عليها من مٌريد

قاتلوا الحنين وبيزيد كمان لزينة حينا مني الجميلة سلام

الصوٌر بليغة المعاني وأرجعتنا الي أيام خلت والفاتح وديدي

منوٌر-هاشم-عصام -والحلوين الفي اللسته أقصد الروشتة.

،،،،أبوقصي،،،،

Post: #72
Title: Re: معاكم من قندهار..
Author: Tabaldina
Date: 15-08-2007, 09:31 AM
Parent: #1

..
.
بالهنــأ
ومحل ما يســرى يمري يا صحاب
بس بالله الدعوات الارتجالية دى رغم روعتها
لكن مابتقسم مع الناس _ المزنوقين وزمنهم ما بيدهم _ زينا وكدا


_______________________

بلاشك أقطع جازماً بأن البسبوسة المصرية
امتع مذاقاً وروعة ونكهة من الشية السودانية ولا ماكدا !!؟

والشئ بالشئ وعند الله ما بضيع شئ ..

Post: #73
Title: Re: معاكم من قندهار..
Author: انعام عبد الحفيظ
Date: 15-08-2007, 10:58 AM
Parent: #72

Quote: بلاشك أقطع جازماً بأن البسبوسة المصرية
امتع مذاقاً وروعة ونكهة من الشية السودانية ولا ماكدا !!؟

والشئ بالشئ وعند الله ما بضيع شئ



Post: #74
Title: Re: معاكم من قندهار..
Author: ماجدة عوض خوجلى
Date: 15-08-2007, 11:39 AM
Parent: #1

ذى ماقال هميم انشالله ..........
وانا بضيف عليها كمان من عندى .......................... انتو جنيتو ولا شنو حياتكم بقت كلها اكل
وكمان مع الضبان غايتو منى انا ببلغ عليها السلطات هنا علشان يدخلوها..... هى عارفة الناس الجايين من قندهار هنا بيودهم وين انا بخاف مابقدر اقول .
والله دى حسادة منى ساكت بختكم وانشالله ينفعكم وكل واحدة فيكم تزيد مااقل من خمسة سته كليو كدة واحنا خلونا هنا بس مع القهوة والبراون بريد
والله يانعومى انا ماشربت البغاشه بتاعتكم لكن احنا هنا عندنا عندنا حقتنا ولمن تجونا بنشربا ليكم
نعومى عنعون ندلع الحاج حبيبة بس علشان نفرزكم فى الكلام تقول مافى اسامى عملين ذى الينوفورم بتاع بكرى ابوبكر انتى احمدعبداللة دة قاعد لسة بغادى قولى ليهو ماجدة قالت ليك اوههههوووووووووووووو طبعا الكلمة الانا كتبتها دى بالصوت بتكون احسن تحياتى ليكم وسلمو لى على سمسة شديد شديد وقولو ليها
وشحتينا خالص على قول اية
منى خوجلى كفاية حوامة .

Post: #76
Title: Re: معاكم من قندهار..
Author: nourelhadi awad
Date: 16-08-2007, 11:45 AM
Parent: #74


إنعام تموت في الأنعام!!!!!!!!!!!!
أصلو ما انعام عبد الحفيظ

Post: #77
Title: Re: معاكم من قندهار..
Author: انعام عبد الحفيظ
Date: 16-08-2007, 12:36 PM
Parent: #76

Quote: إنعام تموت في الأنعام!!!!!!!!!!!!
أصلو ما انعام عبد الحفيظ


نور الهادي

وجودك طبعاً نوّر كل البلد

بس حدد ياتو إنعام سريع

Post: #78
Title: Re: معاكم من قندهار..
Author: انعام حيمورة
Date: 16-08-2007, 01:23 PM
Parent: #1

Quote: أصلو ما انعام عبد الحفيظ


لا حووووولة يا نور الهادي .. كويييييس تاني كان نعزمك معانا والحالة انا الوحيدة الاجتهدت عشان اوصف ليك تقيف وين تحت الكبري الطائر الما بتعرفوا .. كويس .. تاني خلي زول يجيب خبرك ..


Post: #79
Title: Re: معاكم من قندهار..
Author: nourelhadi awad
Date: 17-08-2007, 07:21 AM
Parent: #78

إنعام أي شئ ولازعلك
هو أنا أقدر!!
كان قلتي أمسح الكاريكاتير بمسحو
كان قلتي أطرش الأكلتو برضو ماشي
بس في حاجة واحدة مابقدر عليها!
الشية الفي الشنطة دايرة جمعية عمومية
وخارج نطاق مساحتي
قصرت معاك؟

Post: #81
Title: Re: معاكم من قندهار..
Author: طارق جبريل
Date: 17-08-2007, 12:44 PM
Parent: #1

بنجي الخرطوم يا شباب بنشوف بتودونا قندهار ولا التوج

Post: #86
Title: Re: معاكم من قندهار..
Author: Muna Khugali
Date: 20-08-2007, 07:26 AM
Parent: #81

Quote: بنجي الخرطوم يا شباب بنشوف بتودونا قندهار ولا التوج


تعال يا طارق..
انا اوديك قندهار..
الجبل..
يوم قهوة "حليوه"
ويوم علي النيل..
ويوم محكمة..
تشارك المظاليم احساسهم بالظلم..
ويم حفلة عقد الجلاد..
وبعد كده انت حر..

Post: #82
Title: Re: معاكم من قندهار..
Author: الملك
Date: 19-08-2007, 03:23 PM
Parent: #1


الحمد لله جات فى النومة

...

لكن العضة طلعت صاح الصاح

Post: #83
Title: Re: معاكم من قندهار..
Author: الجندرية
Date: 19-08-2007, 03:34 PM
Parent: #1

نوم شنو
الولد دا غمران من الجوع والتعب
يعني الزول الا يغمر عديل حتى تتحركو وتمرقو الشيرنق ؟


سمح
على قول طارق جبريل
الخرطوم دي بنجيها
وبنشوف عوسكم



سلام يا الحلوين كلكم

بالاخص منوية
تتهنو

Post: #84
Title: Re: معاكم من قندهار..
Author: Muna Khugali
Date: 19-08-2007, 05:45 PM
Parent: #83

Quote: وبالمناسبة منى قاعدة ساعتين ما عرفت تكتب قندهار لمن إنعام رسلتها ليها بالمسنجر


ما علشان أنا اساسا يتهته

Post: #89
Title: Re: معاكم من قندهار..
Author: Muna Khugali
Date: 20-08-2007, 09:30 PM
Parent: #83

Quote:
نوم شنو
الولد دا غمران من الجوع والتعب
يعني الزول الا يغمر عديل حتى تتحركو وتمرقو الشيرنق ؟


سمح
على قول طارق جبريل
الخرطوم دي بنجيها
وبنشوف عوسكم



سلام يا الحلوين كلكم

بالاخص منوية
تتهنو


ربنا يهنيكي يا أماني..
طبعا علي حسب كلام عثمان السنه الفاتت انتو جايين في الصيف..
المهم أنا كان نفسي أشوفك في اللمات الكتيره الحلوه دي..
امكن ربنا يكتب لينا لقاء قريب..قولي أمين
سلمي علي تراث وقولي ليه وحشتنا كتير..

أما بالنسبه للقشه ام روح..فحدث ولا حرج!
اوعك تغشك ضعفته دي..هو الأكل عنده بيمشي فيه بالطول..وانا بالعرض
وعيري كده بالطول والعرض..لغايه سودانهم ما يهز الأرض

Post: #91
Title: Re: معاكم من قندهار..
Author: الملك
Date: 20-08-2007, 11:00 PM
Parent: #89

...
Quote:
أما بالنسبه للقشه ام روح..فحدث ولا حرج!
اوعك تغشك ضعفته دي..هو الأكل عنده بيمشي فيه بالطول..وانا بالعرض
وعيري كده بالطول والعرض..لغايه سودانهم ما يهز الأرض


القشة ام روح

ده انا مش

...
"الحمد لله "
والله غير كلامكم ده مافى حاجة جابت لى الهوا

Post: #85
Title: Re: معاكم من قندهار..
Author: انعام حيمورة
Date: 20-08-2007, 06:49 AM
Parent: #1

نور الهادي..

Quote: الشية الفي الشنطة دايرة جمعية عمومية


زمان لما كنا في الثانوي كان بنعمل جمعيات دراسة انا عندي اهم من الدرس الباسطة بعد الحصة ما تنتهى الربع ساعة الاخيرة كلها بكون بفكر في الباسطة .. بس الاستاذ يقول خلاص انتهينا ..

ادور ليك في الجماعة (شيرنج) ذي اليوم داك وبنفس الطريقة التي لم تختلف منذ انو تعودت على جمع الشرينج ..

اهة القصة دي كل اسبوع .. الاسبوع الاول تمام .. الاسبوع التاني ... تمام .. في الاسبوع الثالث جاء واحد من الاولاد شاركني في جمع الشير ومشى معاي (سلا) ايام كانت سلا بالجد ..

اهة طلع بتاع مصنع سلا عمو .. يازول ادونا ليك باسطة بالهبل وابوا يشيلوا مننا القروش كمان ..

وانت تم الباقي براك ...

Post: #87
Title: Re: معاكم من قندهار..
Author: طارق جبريل
Date: 20-08-2007, 12:07 PM
Parent: #1

Quote: تعال يا طارق..
انا اوديك قندهار..
الجبل..
يوم قهوة "حليوه"
ويوم علي النيل..
ويوم محكمة..
تشارك المظاليم احساسهم بالظلم..
ويم حفلة عقد الجلاد..
وبعد كده انت حر..


تعرفي يا منى الناس ديل لمن نجي نحن بيغتسوا وين ما عارف
غايتو البركة في الكوارع الاكلوني ليها ناس ناذر والملك ووديدي والجريفاوي وطلال
لكن الفيكم اتعرفت

Post: #88
Title: Re: معاكم من قندهار..
Author: السمؤال بدرالدين
Date: 20-08-2007, 12:23 PM
Parent: #1

د طارق
انت بس يا خوي قوا جاي متين والباقي علينا تب
ده غير خروف البيت لي الشفع
اديك خيارات
قندهار
الواحة
جبل اولياء
كفاية والله ازيدك
تسلم

Post: #90
Title: Re: معاكم من قندهار..
Author: Muna Khugali
Date: 20-08-2007, 10:14 PM
Parent: #88

Quote: قندهار ..
في نص النهار ..
دي ما خيانة منكم عليكم الله ..
غايتو ما عافي ليك يا أحمد عبدالله ..


منى ازيك ..


عصوم..المحموعه دي خطره شديد..حقوا تتأكد من كده..
بيحبوا اللحظه الحلوه..واللقمه الحلوه وزي ما بيقولوا في الأفلام
المصريه..الهدمه النظيفه!
عارف الصحون بعد الأكل في قندهار..ما احتاجوا اصحابها يفسلوها.. لموها مع
العده النظيفه طوالي..كانت بتلمع من غير غسيل
الليله كان في هوا جميل جدا في الضحويه قبل المطره..اتصلت بانعام وقلت
ليها..
اهه..قندهار كيف؟؟
ضحكت ولم يغب الحماس من ضحكتها..
لكن المطره قالت لينا أكيد بتحلموا!
واحنا فعلا كنا بنحلم..بصحبه حلوه وضحكه أحلي..
وأيام نخزنها زي ما بيخزن اليمانيين والصوماليين الغات!
نعيش عليها لما نرجع لندن ولما نكون برانا الساعه 9 بالليل..نتذكر
ناجي قال كده..نعومتي ردت ليه بكده!
لكن وديدي قال لهاشم كلام غريب..خلي اشراقه ترد بأغرب..
ويا سلام علي رد نور علي سميه..
وضحكة أحمد عبدالله بعد ما اكل الشيه..
وعصام بكاميرته ونعومي تقول ليه صور هنا..
وبعدين أتذكر الولد بتاع الورنيش..
والتاني الييلم الصواني والعناقريب في الراكوبه..
واصلي ما بنسي الضبان ولا الونسه!

تعال الخرطوم قبل الجمعه..كويس؟؟

Post: #92
Title: Re: معاكم من قندهار..
Author: انعام حيمورة
Date: 21-08-2007, 07:06 AM
Parent: #90

منوية .. مالوا كلامك دا فيه ريحة سفر سفر والله بكاني ياخ اقعدي معانا ما تمشي ..

حا نوفر ليك وظيفة بدرجة رئيس .. رايك شنو؟؟؟ بس انتي اقعدي ما تمشي

الجمعة .. قرب تعال ما تبتعد!!

Post: #93
Title: Re: معاكم من قندهار..
Author: ابوبكر على
Date: 21-08-2007, 07:38 AM
Parent: #92

بت الخليفة حبابا
طولنا و كدا
و حمدلله على السلامة متاخرة
انا كنت عارف انك حاتعمليها
من يوم جبنا سيرة الخروف فى بوست كدا
لكن لقيتك جحمانة
جحما ياكلك لحم الصدقة

اها
جابلوكم الرتوتة
اوع تكونى ماضقتيها

و الله انا قاعد فى الخرطوم من بدرى
لكن قندهار دى يطرشنى ماسمعت بيها

Post: #94
Title: Re: معاكم من قندهار..
Author: انعام حيمورة
Date: 21-08-2007, 11:02 AM
Parent: #1

ابو بكر علي .. ازيك

قندهار الاسم الجديد لسوق الناقة ..

Quote: و حمدلله على السلامة متاخرة


ياخ منى دي شدة ما حرقت الليلة شوف عيني خايضة في موية المطرة لما فستانها الجينز غسلتوا من الكولر بتاع شركتناويقوم كدي بتاع الامجاد يكب ليها الصابون السائل البغسل بيه العربية وقعدت تقرض في الفستان من موية المطرة .. منظر رهيب .. فاتكم وانا اضحك عليها ..

اتصل قبل الجمعة فتش التلفونات بتلقاها ..

Post: #95
Title: Re: معاكم من قندهار..
Author: ابوبكر على
Date: 21-08-2007, 11:21 AM
Parent: #94

سلامات
و الله يانعام انا بعيد بالحيل
لكن نزلو الصور
و خلو ريالتنا تسيل

اسع قعدت اطمطغ
و انزيماتى نزلت
خلاث
فى ان واحد انتو تكونو هناك
انا هنا بحتفل بى سمك
و شووووووربة
و صيادية

و بعد داك بجبد لى نفسين شيشة كاربات

Post: #96
Title: Re: معاكم من قندهار..
Author: الملك
Date: 21-08-2007, 10:33 PM
Parent: #1

مافى شئ سواها فينى

الا الصورة دى


...
...

Post: #97
Title: Re: معاكم من قندهار..
Author: Muna Khugali
Date: 22-08-2007, 07:10 AM
Parent: #96

بت الخليفة حبابا
طولنا و كدا
و حمدلله على السلامة متاخرة
انا كنت عارف انك حاتعمليها
من يوم جبنا سيرة الخروف فى بوست كدا
لكن لقيتك جحمانة
جحما ياكلك لحم الصدقة

مرحب أبو بكر..
ولقد افتقدتك الشواءات والرقص الفمي مع مذاقها!
ايةه والله في ناس خشمها كان بيرقص في سعاده مع كل قطعة شيه..
هذا غير رقص العيون بمنظرها!
اما من ناحية الجحم..فهذا أمر لا استطيع انكاره مع الأدله الدامغه..
لكن استطيع فقط أن أبدأ الدفاع قائله..
والله ما مني..كل الحصل مامني
قمن تابع الملك وانعام وهيئتهم "طرفي نقيض"..يعام ما أقصد..
والتمن عالي والله يا ابوبكر..تاكل بفلوس وتسمن..وتنزل وزنك بره بفلوس!
يبقي واح انه ارادتي مسلوبه مني هنا ولا لأ؟

Quote: اها
جابلوكم الرتوتة
اوع تكونى ماضقتيها


الرتوته دي شنو؟
قصدك تكتب تورته فزاد حرف وضل أخر مكانه ولا شنو؟
نرجو مزيد من الشرح..ففي بعض الأدب النسائي..المعده اقصر طريق لسعادة الرجل..
وأنا اود ان أسعد كما يسعد الرجل..من باب المساواه يعني وكده..ومن باب جندرة
الطعام ومذاقه

Quote: و الله انا قاعد فى الخرطوم من بدرى
لكن قندهار دى يطرشنى ماسمعت بيها


شوفت احنا ناس شطار كيف..عايشين بره 15 سنه..وبقينا نعرف اسماء "ناس طاليبان"
في السودان..والحمدلله هي اسماء مازالت دون غيرها بريئه.. ولا تتعلق بما هو غير بريء!

سلام أبو بكر...

تلفوني في المسنجر برسله..

Post: #98
Title: Re: معاكم من قندهار..
Author: ابو جهينة
Date: 22-08-2007, 07:51 AM
Parent: #97

الأخت العزيزة منى

تحياتي

دي شنو الخيانات دي ؟
إنت في التلفون قلتي لي عازماك شاى .. و لو كنت عارف إنو الحكاية فيها مشي لقندهار كنت أجلت السفر.
غايتو عاوز حقي هنا و لو بالشحن الجوي

Post: #99
Title: Re: معاكم من قندهار..
Author: ابوبكر على
Date: 22-08-2007, 08:09 AM
Parent: #98

سلامات

الرتوتة هى باقى الحرق الفى الصاج
ماتقولى لى مابتعرف الحرق؟
و الرتوتة بتكون لحمة حمرا لكن بيغلب عليها الدهن
جدى حكى لى
كانو زمان بيشربو بستلة من الرتوتة فى عيد الضحية
لا انسدادات فى الشرايين و لا يحزنون
الرتوتة انا غمست فيها اصبعى مرة و ضقتها
فلقيت ارحم انو الواحد يشرب قزازة سمن اصلى

ود خالتى حكى لى قصة
كانو فى الهند و كبس عليهم عيد الضحية
فجازفو خروف فى الشقة
و فجاءة الباب دق
جاهم هندى نباتى صاحبم
فعزموهو
و عينك ماتشوف الى النور
الهندى وقع فى اللحم كع كرع كع كرع
لى عند الكمونية اكلها
الراس زاتو مارحموهو
و مشى منهم
تانى يوم جا شمار من المستشفى
انو الهندى تعرض لصدمة كوليسترولية عالية
حلفو الهنود قالولك فى مقياس رختر احتارو يختوها وين
ظنيتو لى هسع كاضم

تحياتى

Post: #100
Title: Re: معاكم من قندهار..
Author: انعام حيمورة
Date: 22-08-2007, 09:02 AM
Parent: #1

Quote: الرتوتة


ابو بكر .. نحن بنقول ليها ( الربيت ) وبالفعل كان في ربيت اليوم داك وانا اكلته وقلت لمنى هاكي دي ضوقيها أبت .. تتذكري يامنى ..

ناجي الملك .. الحصل شنو ليه شنو يا ناس ..

Post: #101
Title: Re: معاكم من قندهار..
Author: Muna Khugali
Date: 22-08-2007, 10:16 AM
Parent: #100

Quote: الأخت العزيزة منى

تحياتي

دي شنو الخيانات دي ؟
إنت في التلفون قلتي لي عازماك شاى .. و لو كنت عارف إنو الحكاية فيها
مشي لقندهار كنت أجلت السفر.
غايتو عاوز حقي هنا و لو بالشحن الجوي


والله أنا كان نفسي أشوفك..وفرحت جدا لما لقيت نمرتك واتصلت بيك..
والعزومه الأولي كانت تاني يوم لسفرك...بس ما كانت شاي..كانت حفله
واللمه التانيه الكبيره كانت في قندهار..بس ما كانت عزومه مني..
والتالته والرابعه والخامسه..خليهم هم يحكوا ليك
وخلاص بقي.. الموسم الجاي وكل سنه وانت طيب!

Post: #103
Title: Re: معاكم من قندهار..
Author: Muna Khugali
Date: 22-08-2007, 11:13 AM
Parent: #101

Quote: الأخت الكريمة منى

أسأل الله أن تكوني بألف خير،،،

حقيقة بعد أن قفز البوست دا للصفحة الأولى مرة ثانية،،، لم أجد مناصاً من الكتابة ليك حول هذا الأمر،،،

أكتب لأعبر عن شديد حزني وألمي لبعض بقايا من (شحم ولحم) تم تجاهلها،،،
(موضحة في الصورة المرفقة)

يا سيدتي كقارئ متابع للمنتدى أرجو أن أنقل لك شديد إنزعاجي من هذا الأمر،،،

(أنا ما برضى في الشية تتبهدل بهذا الشكل).

أرجوكم رجاء خاص يا أستاذة ما تكرروا الكلام دا مرة ثانية،،، إذا عايزين تاكلوا
الشية أكلوها بس حسب الأصول المتبعة في هذا المضمار.

هذا وأرجو أن تتفضلي بقبول خالص احترامي

أخوك ..


ثم اتتني هذه الرساله اللطيفه مصحوبه بصوره عظام تبقي فيها بعض من اللحم..
صاحب الرساله يتحسر علي تلك الأنسجه القليله المتبقيه دون أكل..ويري فيها اساءه من جانب آكلي الشيه لها..وعدم معرقه بطريقة الأستمتاع بها وبدهنها..ولرتوتها "الكلمه الجابها ابو بكر"...وربيتها كما ذكرت انعام وحبوبتي السره بت رحمه!
ونحن اذ ننشر هذه الرساله بدون اسم صاحبها..لعدم استئذاننا منه..فاننا نوعده وعدا
صادقا قويا..بأن قندهارنا القادم...سيكون عجيبا..فيه العظمه زي اللحمه زي الدهنه..
معرضه لنفس الألتهام الفظيع.زوسننشر الصور حتي يطمئن قلبه تماما..

تحياتي وشكرا علي الرساله الظريفه..

Post: #102
Title: Re: معاكم من قندهار..
Author: ابوبكر على
Date: 22-08-2007, 11:04 AM
Parent: #100

لا يانعام
الربيت انا بعرفو مابضهب منو
الرتوتة هى (الحرق)
يعنى باقى الصاج

لكن الربيت دا دهن عديل بيوقدولو نار
و الدهن بكون واحد من اتنين
يااما ينشفو يبقى ربيت
او يسيح يبقى ودك

Post: #104
Title: Re: معاكم من قندهار..
Author: انعام حيمورة
Date: 22-08-2007, 11:38 AM
Parent: #102

ابو بكر

لقيتك ود حبوبات .ز
تسلم على الشرح

Post: #105
Title: Re: معاكم من قندهار..
Author: Muna Khugali
Date: 22-08-2007, 11:50 AM
Parent: #104

خلاص يا جماعه..
احنا لازم نمشي تاني..
ونقول للزوله عايزين شيه وربيت ورتوته..
وبعدين نتأكد من كلام كل واحد فيكم بأننا ناكلهم التلاته..
اصله ان كان علي الجحمه موجوده..
الكاليسترول موجود..
الشحم موجود..
يعني الأذيه كلها متوفره اصلا فينا..
بس عندنا مشكله صغيره..
القروش البيجيبوا بيها ده كله مافي..
نعمل شنو؟

نريد حلا!!

Post: #106
Title: Re: معاكم من قندهار..
Author: مجدي عبدالرحيم فضل
Date: 22-08-2007, 11:54 AM
Parent: #105

نصدر لكي من هنا شيك سياحي الي رواكيب قندهار أقصد بنك الأدخار

وبذا تأكلوا الشية والربيت والرتوته وترقدوا هردبيسه.

من قوات التحالف الديمقراطي بطاحية النهار مسؤل القوات التحالفية

،،،،أبوقصي،،،،