Post: #1
Title: خايفة من العين والحسـد..
Author: Muna Khugali
Date: 02-23-2007, 03:16 PM
Parent: #0
براحة علينا بكري!
خايفة علي المنبر من العين والحسـد..
يا بكري ده مهرجان من الفرح..
واحنا خلاص اتنيلنا علي عينا ونسينا زمان مهرجانات الفرح!
رجوع الحلوين..
واشتراك حلوين تانيين..
ده موش مهرجان ياعمو بكري?
شـكرا لك علي كل شئ..
بداية من توفيرالوطن..
ثم سقاية تربة الوطن..
مني
|
Post: #2
Title: Re: خايفة من العين والحسـد..
Author: ناذر محمد الخليفة
Date: 02-23-2007, 03:32 PM
Parent: #1
مني كيفك وسلامات ..
Quote: واحنا خلاص اتنيلنا علي عينا ونسينا زمان مهرجانات الفرح!
رجوع الحلوين..
واشتراك حلوين تانيين..
ده موش مهرجان ياعمو بكري?
|
فعلا والله دا مهرجان فرح كبير جدا ..
وبالمناسبة دي اهدي الغنية لجميع زوار البوست ..
|
Post: #5
Title: Re: خايفة من العين والحسـد..
Author: Muna Khugali
Date: 02-23-2007, 03:59 PM
Parent: #2
شـكرا ياناذر أغنية لطيفة وفرحانه زي المهرجان ده..
الإهداء لينا كلنا انكلودينج بكري موش?
ومني ليك شـكرا تانية بكري..
|
Post: #7
Title: Re: خايفة من العين والحسـد..
Author: Muna Khugali
Date: 02-23-2007, 04:45 PM
Parent: #3
وفي بلدنا الحبوب نحتفل...
بتنوعنا وأمجادنا ونيلنا العظيم..
تمتد مشاعرنا شمالا وجنوبا..شـرقا وغربا
وتتوحـد وتعلن ميلاد فرح دائم..
شـكرا علي بلدي ياحبوب دكتور مصطفي...ودمت دائما فخورا بالوطن..
التوقيع..
شـكرا بكري
|
Post: #4
Title: Re: خايفة من العين والحسـد..
Author: elhilayla
Date: 02-23-2007, 03:39 PM
Parent: #1
الأخت مني
تحية صباحية
بتوقيتنا
نعم
سودانيز أونلاين
وطن من لا وطن له
جدير أن يجمع هذا الفن
وهؤلاء الفنانين
شكراً لبكري
وشكراً
لك يامني
بهذا البوست
المهرجان
زين العابدين- الحليلة
|
Post: #8
Title: Re: خايفة من العين والحسـد..
Author: Muna Khugali
Date: 02-23-2007, 05:30 PM
Parent: #4
صباحك فل بإذن الله يازين العابدين..
قبل فترة بسيطة اصابني السأم مع الألم وفكرت..
مافائدة حرث الأرض والآفات غازية لها?
ولكن للوطن ناس يحبونه فعلا ويحبون كل انسان فيه..
وتأكد ذلك بهذا المهرجان الفبرايري وبموت السأم وبداية الشفاء من الألم!
نحافظ علي جمالنا بحبنا للوطن الجامع!
شـكرا بكري
|
Post: #10
Title: Re: خايفة من العين والحسـد..
Author: منزول محمد توفيق
Date: 02-23-2007, 05:59 PM
Parent: #4
الأخت منى
تحية مرة أخرى
لقد أصبت كبد الحقيقة لهذا الموقع الجميل الرائع
جمال صاحبه هذا الرجل صاحب القلب الكبير الذي تحمل
كل هذه الأطياف من البشر .
كما أشكرك لتطرقك لهذا الموضوع الذي أعتبره متنفسا
للجميع ( مليئ بالأكسجين ) وواحة للكل
|
Post: #12
Title: Re: خايفة من العين والحسـد..
Author: Muna Khugali
Date: 02-23-2007, 11:37 PM
Parent: #10
شـايف يا منزول مع انوارالمهرجان ونجومه..
كيف وطنا فرحان بينا واحنا فخورين بيه?
بالأمس سـألتني صـديقة عزيزة تتابع سـودانيزاونلاين..
وتحزن مثلنا تماما عنـدما يسوء الحال..
سألتني ..
ياختي انا كل ماتعجبني حاجة اقول أدخل أعلق ..ماأقـدر..ليه?
صـاحبتي طبعا ماعنـدها عضـوية!
شـكرا بكري
|
Post: #6
Title: Re: خايفة من العين والحسـد..
Author: حسن الجيلى سعيد
Date: 02-23-2007, 04:01 PM
Parent: #1
منى عوض خوجلى
سودانيزاونلان عامره بيكم,وبقلوبكم المليانة بالحروف
ا
ل
س
و
د
ا
ن
شوفى لينا بخور تيمان
كمية من المودة
|
Post: #18
Title: Re: خايفة من العين والحسـد..
Author: Muna Khugali
Date: 02-24-2007, 10:48 AM
Parent: #6
صباحك ورد يا حسن الجيلى..
في خلال الخمستاشر سنه من الحياه في المملكة البريطانية هنا.. واعتقد الوضع مماثل
لحـد كبير في الدول الأخري ..عجزنا كسودانيين من ان نحتفظ بتنظيمات اجتماعية
تحقق لنا الإحساس بالوطن..
وهنا..حـدثت المعجزة وتحقق لنا ذلك.. وطن تأتي فيه رائحة التراب الي انوفنا
ونشرب فيه القهوة والشاي مع المرضي.. وفي بيوت المآتم..
نصوم رمضان ورائحة الحلو مر وطعم الملاح واللقمة والفول تطغي علي ماسواها..
وتمتد كإمتداد البروش في الأحياء المختلفة ساعة الإفطار..
وفي وطننا.. نصلي للوطن كله ونناقش قضاياه بغيرة ونمارس ديموقراطية.. وحرية التعبير
السياسية ونقود حملات تحقق نجاحا..شـوف غادة نوري حـلوه كيف?
شـوف خالد ماسا ورفقاءه?
شـوف بوستات الإهتمام بأطفال الملاجئ?
شـوف ناذر وتبلدينا بيجروا كيف علشان يجيبوا لينا معلومات بناء?
وجري نادية السر وسعيها?
شـوف انور زميلنا وعقد الجلاد?
وغيرهم كثيرين!
والحديث طويييل عندما يكون عن الوطن!
شكرا لله الذي خلقنا حريصين علي الوطن..
وشكرا لبكري علي هذا الوطن وتوفيره لنا..
|
Post: #9
Title: Re: خايفة من العين والحسـد..
Author: تماضر الخنساء حمزه
Date: 02-23-2007, 05:35 PM
Parent: #1
منى ياحنون..
بوستاتك زاتا مهرجانات فرح..
مودتي..
|
Post: #29
Title: Re: خايفة من العين والحسـد..
Author: Muna Khugali
Date: 02-25-2007, 10:08 AM
Parent: #9
تمرا ..الشاعرة بكل الجمال..
أي انسان هنا له قدر جـيد من الحنان..والا مامعني القلب في الجسـد ومامعني الروح الحياة?
البعض يفضل ترقية ذلك..والبعض الآخـر تعلمه بيئته هذا أكثر..
بعضنا هنايعبر عن حنانه وحبه بشكل علني ولا يخجل..فالله محبة..والحب ايمان..
بعضنا يحب بعمق.. ويمتلك كم هائل من الحنان تكاد الدموع تقفز مع كل حرف ينطق به...
وتنبئ تصرفاته به ولكنه يخجل ان يتحـدث به..
و....
انظري الي صورة النبت هذه والي أوراها الخضراء كيف نبتت في تكافل مع حبيبات الزهر الأحمر تاجهها..
إن جعلنا الحب سبيلنا نصبح مثلها في جمالنـا..
وشـكرا بكري...
|
Post: #11
Title: Re: خايفة من العين والحسـد..
Author: nourelhadi awad
Date: 02-23-2007, 06:44 PM
Parent: #1
ياالعزيز نحن بنريدك
لنغني جميعا لحن عازة
فينا الموسيقي
والشاعر والفنان
كورال أون لاين
لنتوحد عشقا ونعزف لحن النيل الخالد
نوقع على طبول المابان لحن السمرة والوهج
ياأيها الساكن فيناأغنيات
وخيولنا البيض مسرجات
وسيوفنا نجيمات سواطع
وقسمنا
أنت سوداني أنا
أنت فينا لم تبارح
وقد بارحناك رغمالحين
يتبرج الشوق
وقلوبنا سافرات
وكيف وحبك إجتياح
لنزبح غرابينك
تحت نخيلك الشموخ
ونغني
منقو قل ماعاش من يفصلنا
منى لو تطبعي إبتسامتك في المساحات السوادإستلاف
هيا نبصم في جبين الـ لا بنعم الرضا
ولنزرع الحناء لعرس الوطن في البكانات الفراغ
أحبكم
جميعا
لا أستثني
نورالهادي
|
Post: #13
Title: Re: خايفة من العين والحسـد..
Author: Manal Awad Khugali
Date: 02-24-2007, 02:27 AM
Parent: #11
ماشاء الله, بالله انتو عندكم مهرجان سمح كده?
الله ينعلو الزمن الضيق ده الحامينا نفرح معاكم كل الوقت
غايتو أنا علي المبخر
وفعلا شكرا بكري
حب كبير ليكم كلكم
|
Post: #31
Title: Re: خايفة من العين والحسـد..
Author: Muna Khugali
Date: 03-01-2007, 08:07 AM
Parent: #13
Quote: غايتو أنا علي المبخر
وفعلا شكرا بكري |
ورسلي لينا بخور تيمان كتير يامنول..
الله جميل يحب الجمال..
المهرجان هنا كبير..
والربيع حبيبتي جانا قبل مواعيده
شكرا بكري
|
Post: #30
Title: Re: خايفة من العين والحسـد..
Author: Muna Khugali
Date: 02-25-2007, 03:40 PM
Parent: #11
وأفرح بصـدق وتكبر الموده كلما حضرت انت نورنا الهادي..
لأنك فنان حقيقي..
فاضل وكريم..
وكلنا هنا معاك فرحانين بالكلمة الطيبة والتربيت علي الروح بحب..
فرحانين بسـودان النخيل والنيل..الجبال وشجر التبلدي..
فواكهه العرديب واللالوب والجرين والبطيخ..
بيوت الطين وأزيارنا ورواكيبنا..
ولأننا بنحبه بنحرص عليه مع بعض هنا..
|
Post: #14
Title: Re: خايفة من العين والحسـد..
Author: Abdelmuhsin Said
Date: 02-24-2007, 02:44 AM
Parent: #1
مني كيفك وسلامات ..
سودانيزاونلان عامره بيكم,وبقلوبكم الطيبه
|
Post: #32
Title: Re: خايفة من العين والحسـد..
Author: Muna Khugali
Date: 03-03-2007, 12:45 PM
Parent: #14
وياعبـد المحسن سـلام أولا...
علشان نحافظ علي الوطن من العين والحسـد..
نقرأ قل أعوذ برب الفلق
ثم قل أعوذ برب الناس
وما ننسي قل هو الله أحـد
وأهم حاجة نتمسك كلنا ببعض
|
Post: #15
Title: Re: خايفة من العين والحسـد..
Author: abubakr
Date: 02-24-2007, 05:59 AM
Parent: #1
مني العزيزة
ما تخافي علي الفرح ...
ماهو نور ابوعمة بيضاء بيغني لعازة
وشباب جميل شايل سباتات الفرح ماليها ورد
وناذر بيغني لكل ورد
ومنال بتدافع عن كل ورد
الحارس الله ....
|
Post: #16
Title: Re: خايفة من العين والحسـد..
Author: سمية الحسن طلحة
Date: 02-24-2007, 06:57 AM
Parent: #15
Quote:
وفي بلدنا الحبوب نحتفل...
بتنوعنا وأمجادنا ونيلنا العظيم..
تمتد مشاعرنا شمالا وجنوبا..شـرقا وغربا
وتتوحـد وتعلن ميلاد فرح دائم..
|
|
Post: #17
Title: Re: خايفة من العين والحسـد..
Author: عماد محمود علي
Date: 02-24-2007, 08:10 AM
Parent: #16
منـــو
صباح الخير والنور عليك يا بدر البدور ، ، ،
Quote: خايفة علي المنبر من العين والحسـد..
يا بكري ده مهرجان من الفرح..
واحنا خلاص اتنيلنا علي عينا ونسينا زمان مهرجانات الفرح!
رجوع الحلوين..
واشتراك حلوين تانيين..
ده موش مهرجان ياعمو بكري |
?
ولطالما كانت دنيانا تحمل في سطح أرضها عظماء كبكري أبو بكر وأمثالك فلا بد أن تكون في الحياة سعادة ورفاهية وفرح بإذن الله , الحسد موجود وعين الحسود فيها عود نرجع ونقول الحارس الله . ويا باشمهندس نقف ونرفع القبعة وبكل أدب احتراماً وتقديراً لك ولعطاءك الكريم وسماحتك ونبلك يا أصيل .
|
Post: #19
Title: Re: خايفة من العين والحسـد..
Author: منزول محمد توفيق
Date: 02-24-2007, 12:04 PM
Parent: #17
نسأل الله أن يحمي هذه الساحة ( العيد ) من العين
نسأل الله أن يحمي هذه الساحة ( المهرجان ) من الحسد
نسأل الله أن يحمي كل كتابها من الفرقة والشتات
وقول الزور والمهاترات والكتابة في ما يفيد وينفع
ويعلم الجميع باننا سنسأل عن كل حرف وكلمة وجملة كتبناها
%%%وبصراجة كده نحن ما ناقصين ذنوب %%%
وما قصرتي الله يجعل ايامنا وايامك كلها عيد ومهرجانات
ويعمي الحساد
آمين
|
Post: #38
Title: Re: خايفة من العين والحسـد..
Author: Muna Khugali
Date: 03-25-2007, 11:59 PM
Parent: #19
Quote: وما قصرتي الله يجعل ايامنا وايامك كلها عيد ومهرجانات
ويعمي الحساد
آمين |
منزول شايف العين صابتنا كيف؟
ولعت في كل مكان!!
خلينا مع بعض..نود بعض..نقدر بعض ونخاف علي بعض..
يحمينا جميعا من الحاسدين ويبعد عننا شررورهم..وايامنا جمبعا عيد ومهرجانات
|
Post: #37
Title: Re: خايفة من العين والحسـد..
Author: Muna Khugali
Date: 03-22-2007, 10:58 PM
Parent: #17
وياعماد البينا عشره وكلمه حقيقة وتكافل..
علشان كده محتاجين نتحصن من الحسد
|
Post: #35
Title: Re: خايفة من العين والحسـد..
Author: Muna Khugali
Date: 03-22-2007, 08:54 PM
Parent: #16
سـمسم..
نعلق الخرزه دي كيف في البورد?
|
Post: #34
Title: Re: خايفة من العين والحسـد..
Author: Muna Khugali
Date: 03-20-2007, 08:02 AM
Parent: #15
لينا حق نخاف من العين والحسد ولا لأ؟؟
ماما جاره قالت صابتنا عين وعين حاسده شديد
بعدتنا من بعض يومين وكان مناها تبعدنا للأبد
كيفنك أبوبكر أخوي وأخوهم؟
ربنا يحفظنا جميعا من ده
|
Post: #20
Title: Re: خايفة من العين والحسـد..
Author: ismeil abbas
Date: 02-24-2007, 12:21 PM
Parent: #1
ألأخت /منى سلام وليك مليون سلام عدد مساحة السودان بالملم.
وأحساسك رائع بسودانيز اون لاين وأعضائه الرائعين.
وشكرآ لمن أتاح لنا الفرصه للقاء المبدعين. ألأخ بكرى أبوبكر والمشاركين. خالص تحياتى.
اسماعيل محمد أحمد عباس.
|
Post: #21
Title: Re: خايفة من العين والحسـد..
Author: عادل جبارة
Date: 02-24-2007, 12:51 PM
Parent: #20
Quote: وشكرآ لمن أتاح لنا الفرصه للقاء المبدعين. ألأخ بكرى أبوبكر والمشاركين. خالص تحياتى.
اسماعيل محمد أحمد عباس. |
إسماعيل عباس
إنت دخلك شنو ؟ فاكر نفسك من الحلويين البتتكلم عنهم منى ؟ ( وجه ضاحك ياجماعة )
إسماعيل عباس
أحمد عجوز
هاشم خلف الله
الشيخ صالح
منزول توفيق
كل هؤلاء إخوة وصحاب تجمعني بهم ساحات العمل العام والحياة الأجتماعية .. إنضموا مؤخرا لساحة بكري الأسفيرية .. سعادتي بهم لا توصف .. وكم أنتي رائعة أختي منى لتفرحي بالجميع ..
|
Post: #22
Title: Re: خايفة من العين والحسـد..
Author: أحمد الشايقي
Date: 02-24-2007, 02:46 PM
Parent: #1
تحياتي ملكة الدار
منى عوض خوجلي,
لعل العود أحمداً
نعود بعد وعكة قوية هذه المرة نجدك في هذا المهرجان البهيج
دائم الفرح إن شاء الله
أحمـد
|
Post: #23
Title: Re: خايفة من العين والحسـد..
Author: هاشم أحمد خلف الله
Date: 02-24-2007, 03:47 PM
Parent: #22
يا سلام يا مني خوجلي , تذكريني بالوالدة أطال الله في عمرها , دائما تحب تجمع الناس من حوليها
الأبناء والأخوان والأحفاد , تسمحي لي أقول ليك ماما مني تيمنن بوالدتي ماما مينة والله
لو شوفتيها وقعدتي معاها حلوة حلاة وشمشارة جنس شمشرة .
والله يا مني انا سعيد جدا جدا بمداخلتك السابقة معاي وانا حاسس كده انو نحنا بتنفق حول
تغير وجه هذا المنبر من حين إلي أخر للأحسن طبعاً .
كميات مودتي علي قول اخونا ابو الحسين 0
|
Post: #24
Title: Re: خايفة من العين والحسـد..
Author: ود محجوب
Date: 02-24-2007, 10:55 PM
Parent: #23
الأستاذة منى قولى اللهم أجعلو خير
|
Post: #25
Title: Re: خايفة من العين والحسـد..
Author: عثمان سيد أحمد
Date: 02-25-2007, 00:14 AM
Parent: #24
Quote: شـكرا لك علي كل شئ..
بداية من توفيرالوطن..
ثم سقاية تربة الوطن.. |
الرائعة دوما منى خوجلي
شكرا لك أنت 00 عندما تذكريننا دوما بالفرح
وانت من صناع الفرح 00
فليكن توفير الوطن وسقاية تربة الوطن
ليخضر الفرح ويحصد الجميع سنابل الحبور 00
وشكرا أيضا لبكري صاحب الفرح والدار الواسعة الرحبة
التي تسع الجميع 000
والسؤال : اين انت ايتها المسكونة بالفرح 0؟
مع مودتي 000
مع مودتي 000
|
Post: #26
Title: Re: خايفة من العين والحسـد..
Author: salma altijani
Date: 02-25-2007, 00:55 AM
Parent: #25
تراها يا أستاذة منى البلد دي كانت ملياااانة
بالناس السمحين ديل ونحن ما حضرنا زمنن
|
Post: #27
Title: Re: خايفة من العين والحسـد..
Author: sourketti
Date: 02-25-2007, 05:55 AM
Parent: #1
ادام الله عليك الفرح وهذه الابتسامه وقر عينك بكل خير ....ودمتى
سوركتى
|
Post: #28
Title: Re: خايفة من العين والحسـد..
Author: ناجى أحمد البشير
Date: 02-25-2007, 06:40 AM
Parent: #27
الفرح فى عوين اطفالنا موجود ..
والحزن فى عيون الكبار برضه موجود
لا ده بيروح لا داك بيمش ..
حقو المسافات تنكمش
زى بين الارض وعين الشمس
|
Post: #36
Title: Re: خايفة من العين والحسـد..
Author: نهال الطيب
Date: 03-22-2007, 09:39 PM
Parent: #33
منى عسلنا
دائما حلوين
طيبين
وبنحبكم
|
|