Post: #1
Title: دعـوة للتمرد..
Author: Muna Khugali
Date: 12-11-2006, 01:43 PM
علي كل الزوجات..اللاتي هن متزوجات من زملاء لنا هنا..
أن يقمن بتحضير برنامج shopping خـطير..تاريخه الخميس من 'النجمة' حـتي إقفال السوق
يوم السبت (مراعاة فروق الوقت مهمة..علشان كـده قلنا السبت)
لأنهم بصراحـة هايقعـدوا في البيت من غلبهم..علشان عمو بكـري هايقفل المنبر الخميس والجمعة..
والدليل أهو كلام مولانا سـمير في بوست بكري الإعلاني عن قفل المنبر في ذلك التاريخ..
Quote: فرصة الواحد يقعد يحب أم الاولاد !!
مزيدآ من التقدم ياباشمهندس بكري.. |
وهـدية البوست ده أغنية..
بطلت أحـبك.. احبك..ماتحبينيش
فاعلة خير
|
Post: #2
Title: Re: دعـوة للتمرد..
Author: abubakr
Date: 12-11-2006, 01:48 PM
Parent: #1
Shopping Malls Broker and Commission Agent
|
Post: #3
Title: Re: دعـوة للتمرد..
Author: Muna Khugali
Date: 12-11-2006, 01:57 PM
Parent: #2
| Quote: Shopping Malls Broker and Commission Agent |
وهنـاك قائمة تلفونات سأبدأ لإتصال بها هذا المساء الممطـر..أها رأيك إيه??
فاعلة خير
|
Post: #4
Title: Re: دعـوة للتمرد..
Author: abubakr
Date: 12-11-2006, 02:02 PM
Parent: #1
| Quote: وهنـاك قائمة تلفونات سأبدأ لإتصال بها هذا المساء الممطـر..أها رأيك إيه?? |
كلو واحد بطريقتو ....كلو واحد فلوسو في جيبو ...
بشان كدة تهديدك طلع فشنك
|
Post: #8
Title: Re: دعـوة للتمرد..
Author: Muna Khugali
Date: 12-11-2006, 06:01 PM
Parent: #4
Quote: كلو واحد بطريقتو ....كلو واحد فلوسو في جيبو ...
بشان كدة تهديدك طلع فشنك |
برضـه مش كفاية..
الكفايه القروش العنـد (....) تمشي تزيـد القروش العنـد (.....)
فاعلة خير
|
Post: #5
Title: Re: دعـوة للتمرد..
Author: Adel Sameer Tawfiq
Date: 12-11-2006, 02:14 PM
Parent: #1
| Quote: أن يقمن بتحضير برنامج shopping خـطير..تاريخه الخميس من 'النجمة' حـتي إقفال السوق |
إبن حلال يفتعل مشكلة يودوا البوست دا الخور !!
|
Post: #17
Title: Re: دعـوة للتمرد..
Author: Muna Khugali
Date: 12-12-2006, 07:27 AM
Parent: #5
مافي يامولاناأي طـريقة البوست ده يمشي 'الخـور' إحـنا واعيين تماما.. وزاد وعينا بعـد
نيفاشا وأبوجا..
وأقـول ليك كلام?
إحـنا كـلنا متشبسين الأيام دي زيادة وعلي الخصوص بتعاليم الدين المسيحي..يعني مسالمين
علي الآخـر حـتي لوجبت لينا الشكال نمرة واحـد في البورد..ومن هنا لغاية يوم السبت
البيضربنا علي خـدنا اليمين..نديه الشمال..ويا جيوب مـذكـره جاتك إيـدين مؤنثة!
وبرضـه نغني..
أنا والفلوس وهواك..عايشين لبعضينا..
|
Post: #6
Title: مؤامرة يا باشمهندس أبو بكر سيد أحمد
Author: ابي عزالدين البشري
Date: 12-11-2006, 02:15 PM
Parent: #1
| Quote: أن يقمن بتحضير برنامج shopping خـطير..تاريخه الخميس من 'النجمة' حـتي إقفال السوق |
كده وبكل بساطة!
الدافعلك منو يا منى؟
كيد عظيم؟
يا متسلطة الحدائق ما بلاش بس ليه shopping ؟
و الحريم في الشوبنق ده شابات لي شنو؟
حَلَّة جديدة وكورة وبستله، وفستان تشتريه على أضواء المحلات الراقية وبعد ما تصبح الدنيا تقول لك والله لونو بالنهار ما زي بالليل. سبحان الله
عليك يا أستاذة منى تغيير الإقتراح بأسرع ما يكون عشان ما تركبي الفكرة في رسين الطيبات ويجننو المغلوبين.
أنا أقترح يقعدوا في البيت ويشغلو شريط (العرس) وكان ما في يشغلو شريط النعام آدم، وما حاشرح ليه النعام بالذات.
الله يعدي نهاية السنة دي على خير
ويغفر ليكِ
.
|
Post: #7
Title: Re: مؤامرة يا باشمهندس أبو بكر سيد أحمد
Author: Muna Khugali
Date: 12-11-2006, 02:56 PM
Parent: #6
Quote: عليك يا أستاذة منى تغيير الإقتراح بأسرع ما يكون عشان ما تركبي الفكرة في رسين الطيبات ويجننو المغلوبين.
أنا أقترح يقعدوا في البيت ويشغلو شريط (العرس) وكان ما في يشغلو شريط النعام آدم، وما حاشرح ليه النعام بالذات.
الله يعدي نهاية السنة دي على خير
ويغفر ليكِ |
لأ ده مشروع ابن حـلال جـدا... ومهما كـانت قوة كلمات النعام آدم وفرح النساء بغناءه وخاصة الشايقيات...
وفرح الرجال بإنشغال البعض مننا به... الا أنني لن أتنازل عن مشروع التسوق..
وأغني من دلوقتي حـتي إنتهاء وقت اغلاق المنبر للسوق ودهبه اللامع وبضاعته
يالي إديت لحياتي طـعم ولون..
مش هاتنازل عنـك أبـدا مهما يكـون ..
فاعلة خـير
|
Post: #9
Title: Re: مؤامرة يا باشمهندس أبو بكر سيد أحمد
Author: إسماعيل حميم
Date: 12-11-2006, 06:48 PM
Parent: #7
إخيتي مني خوقلي
سلام حنين .. وسؤال صغير
من ترنم بـ ( ذكر وأنثي) .. كيف له أن يتمرد؟؟؟
مودتي
إسماعيل حميم
|
Post: #18
Title: Re: مؤامرة يا باشمهندس أبو بكر سيد أحمد
Author: Muna Khugali
Date: 12-12-2006, 07:51 AM
Parent: #9
ياسلام ياسماعين أخـوي..
ده مالجانب التاني في الذكر والأنثي..
بس جـانب الناس ماتدور سـيرته..
أماني صرف القروش ده مابيتعبلو ناس!
وبعـدين دي فرصة مرة كـده كـل فتره بيوفرها لينا عمو بكـري..
تمشي المتزوجـات مننا فيها الي السـوق بمزاج..
وبعـدين ده موسم..إنت عارف يعني ايه موسم..فرصـة.. عيـد الضحية علي الأبواب
وكـذلك الكريسماس والناس البيحتفلو برأس السنة برضه محتاجين اكسسوارات وخاصة الدهبية..
يعني يرضيك يمشوا السودان شنطهم فاضية في موسـم الإجـازات?
أنا شخصيا مابرضي..عيب كبير!
|
Post: #14
Title: Re: مؤامرة يا باشمهندس أبو بكر سيد أحمد
Author: خالدة البدوي
Date: 12-12-2006, 02:51 AM
Parent: #7
تمام يا منو
اقتراح وليس تحريض فرصة والعيد
على الابواب احسن من الزحمة ،،
دائما وفيه وقلبك على بني جنسك
مودتي ،،،
|
Post: #20
Title: Re: مؤامرة يا باشمهندس أبو بكر سيد أحمد
Author: Muna Khugali
Date: 12-12-2006, 08:52 AM
Parent: #14
| Quote: دائما وفيه وقلبك على بني جنسك |
أيوة خـلودتي حبيبتي لازم أكـون كـده..
شـايفه قالوا أمرهم لله هايضطـروا يقعـدوا في البيت مع زوجاتهم..بس من غلبهم وحياتك!
أسـمعي أغلي تياب عنـدكم سـعرها شنو واسمها شـنو?
وماتنسي الدهب مش في حـاجات أو دقات بأسماء معينة?
معليش حـبيبتي أخـتك الإتنين ماعنـدها علاقة بيهم... وسبب سـؤالي اني هاتصل بناس الخرطـوم
أسة يطلبوا الحاجات دي بالإسـم سـريع..قبل الإجـازة!
وهانغني
ياحبيبي رد عليا..إزيك سـلامات
أنا أحبك أد عينيه والعم في حبك داب
|
Post: #10
Title: Re: دعـوة للتمرد..
Author: Salwa Seyam
Date: 12-11-2006, 09:38 PM
Parent: #1
| Quote: عمو بكـري هايقفل المنبر الخميس والجمعة.. |
والله ده خبر جميل يا منى ... لكن ما شايفه اى واحده من العضوات جات هنا بس الاعضاء هم الدخلو البوست !!!!
قلت ياربى انا براى المكتويه بنار سودانيزاون لاين ولا شنو؟؟؟؟؟
|
Post: #11
Title: Re: دعـوة للتمرد..
Author: نجوان
Date: 12-12-2006, 02:25 AM
Parent: #10
ســــلام منى..
افضّل الجلوس بالبيت والسماع لوقع حبيبات المطر.. على الذهاب للmall...
(أحيانا )
حلوه غنية سميره سعيد.. ومناسبه للغالي...العزيز.. الmall (برضو )
لكن غير المتزوجات ..واللي بيصرفوا من مطبقتهم..
لا منه ولا من بابا.. كيف يعملوا؟
يعني ميته وخراب ديار.. ونتوكّل ونقضي اليوم
بين Gucci ...Coach ..D&G ..
Please advise before the 15
على العموم.. طالما هو المسؤول
فرفع الفواتير لبكري
is the most logical thing to do
|
Post: #12
Title: Re: دعـوة للتمرد..
Author: صباح حسين
Date: 12-12-2006, 02:41 AM
Parent: #11
إبداع يا مني..تستحقي هدية من كل شووبنق
|
Post: #24
Title: Re: دعـوة للتمرد..
Author: Muna Khugali
Date: 12-13-2006, 08:01 AM
Parent: #12
صـبوحة حبيبتي .. ايه آخـر ال fashions عـندكم?
من فضلك بالألوان كمان!
لنـدن جميلة جـدا في كـل المواسم وخاصة في موسم الكريسماس..
طبعا يوم واحـد بعـد الكريسماس الحاجات اسعارها بتنزل أكثر من 50%
لكن الناس المسافرين في اجازات بيكونوا سـافروا واشتروا بالغالي..
وعلشان نكمل الغتاتات وكـده علي الجيوب المذكـرة نقول..
ياناس السودان..أي زول يجيكم بعـد الكريسماس محمـل بالهـدايا..أعرفوا انه جابها
ليكم بعد الأسعار مانزلت النص..
هم موش قـالوا في امنياتهم بزواج سـعيـد..
يغلبك بالمال وتغلبيه بالعيال?
خلاص طيب!
|
Post: #13
Title: Re: دعـوة للتمرد..
Author: ريهان الريح الشاذلي
Date: 12-12-2006, 02:43 AM
Parent: #11
Quote: لكن غير المتزوجات ..واللي بيصرفوا من مطبقتهم..
لا منه ولا من بابا.. كيف يعملوا؟ |
وده المحيرني (ومجنن بوبي)
|
Post: #15
Title: Re: دعـوة للتمرد..
Author: نجوان
Date: 12-12-2006, 03:03 AM
Parent: #13
ســلام تاني منى.. والضيوف...
فتحتي يا منى موضوع جميــــل..
يفوح بالعطور الباريسيه.. والحرير الاصلي ..
الساعات السويسريه الطاعمه ومطعّمه بأرقّ التفاصيل..
والاكسسوارات وكل الbling ..
وbreak صغير كده في الcoffee shop
(بي قروش برضو)
وعوده ..للفاترينات البترّد الروح..
ااه..
جايّاك بالكثير.. المثير ..الخطر..
_____
وشيل شيلتك ياسيد الحوش ..
|
Post: #16
Title: Re: دعـوة للتمرد..
Author: ابو جهينة
Date: 12-12-2006, 03:04 AM
Parent: #13
منى
كيفنك و سلام كبير جدا
ضحكت كثيراً بعد قراءة موضوعك ...
فإحدى زوجات رجل مدمن منابر ... تخاصمت مع زوجها بسبب عائلي ..
بعد إجتماع الأجاويد و رجوع المياه إلى مجاريها .. و عودة الضحكة و البسمة إلى وجوه الزوج و الزوجة ..
قلت للزوجة : أها عندك أي شيء تاني مزعلك من الراجل دة ؟ قوليو عشان ناخد ليك حقك.
قالت بمزاح : يا أنا يا الكمبيوتر في البيت دة.
|
Post: #28
Title: Re: دعـوة للتمرد..
Author: Muna Khugali
Date: 12-13-2006, 09:48 AM
Parent: #16
Quote: منى
كيفنك و سلام كبير جدا
ضحكت كثيراً بعد قراءة موضوعك ... |
أنا مبسوطة إنو موضـوع الغتاته علي الجيوب المـذكـرة ده فرحك وضـحكك..
فضحكتك تسعـدنا كثير وعلي الخصوص أنا..موش كـده يابنات وأنا?
عارف إحنا النساء علي الرغم من الفريم والتحـديـد في أغلب الأحيان المفروض علينا..الا إنه
احنا بنقـدر نخلق مساحات مختلفة داخل الفريم..
| Quote: قالت بمزاح : يا أنا يا الكمبيوتر في البيت دة. |
وبنعرف نصل لحاجاتنا في كتير من الأحـيان..يعني أنا ما من أنصـار انه المرأة دايما
ضـحية..
بس هنا عنـدي رأي زي زولتنا الفاوضت مشكلتها بذكر المنابر ..علي الرغم من انه السبب الأول
في الزعل كان مختلف..
هم موش خـايفين وشايلين الهم في القعاد مع زوجاتهم في البيت?
خـلاص نمشي السوق!
ونغني للجيب والسوق..
يا حبيبي تعالي..
يا حبيبي تعالي..
وكفاية اللي فاتنا..هو فاتنا ياحبيب الروح شـوية!
|
Post: #26
Title: Re: دعـوة للتمرد..
Author: Muna Khugali
Date: 12-13-2006, 08:36 AM
Parent: #13
Quote: لكن غير المتزوجات ..واللي بيصرفوا من مطبقتهم..
لا منه ولا من بابا.. كيف يعملوا؟ |
| Quote: وده المحيرني (ومجنن بوبي) |
ريهان الريحان..
لما تكون المطـبقة حـبيبتي حقتك..تعملي حـسابك خـالص!!
وتستفيـدي من كل حكم حبوبتك فيما يفيـدك ويفيـد مطبقتك..زي مثلا..
مـدي رجليكي علي قـدر لحافك..
ولا..
القرش الأبيض ينفع في اليوم الأسـود...
والأهم حبيبتي من ده كـله تتـذكـري إنه هـدفنا الجيب المـذكـر!!
|
Post: #23
Title: Re: دعـوة للتمرد..
Author: Muna Khugali
Date: 12-12-2006, 11:59 AM
Parent: #11
Quote: لكن غير المتزوجات ..واللي بيصرفوا من مطبقتهم..
لا منه ولا من بابا.. كيف يعملوا؟ |
شـوفي حبيبتي الجميلة نجوانا..
مـدام انتي بتشتغلي يبقي مافي مشكلة لغاية ماتتزوجي و'عن قصـد' تسيبي
الشغل..وتقومي تستغلي اجازة زي دي وانتي سـيدة متزوجة وعلي السـوق عـدل..
تصـدقي أنا عن نفسي بزهج شـديـد من عمليةالتسوق دي..مع اني بحب اصرف القروش..
يعني بحب اشتري..وأحسن حاجة اني لما بدخل اي محل من أول لحظة بعرف ذوقي ممكن يكون
هناك ولا لأ!
وعشان كـده .. شـدي حيلك مع خـلودتي وجيبو لينا قوائم الأسـعار.. لما نشـوف آخـر
الموضوع ده ايه..منتظره رجـوعك بالوكادات المسعرة..
| Quote: حلوه غنية سميره سعيد.. ومناسبه للغالي...العزيز.. الmall (برضو ) |
ويللا نشغل سميرة تاني..
وإحنا لبعض هانفضل دايما..طول العمر هانفضل دايما
مهما يكون.....
مهما يكون.....
|
Post: #22
Title: Re: دعـوة للتمرد..
Author: Muna Khugali
Date: 12-12-2006, 10:22 AM
Parent: #10
Quote: والله ده خبر جميل يا منى ... لكن ما شايفه اى واحده من العضوات جات هنا بس
الاعضاء هم الدخلو البوست !!!!
قلت ياربى انا براى المكتويه بنار سودانيزاون لاين ولا شنو؟؟؟؟؟ |
لا ياسلوانا حبيبتي..مابراك.. في غيرك كتييييييير..
غلبانات وصابرات..
ولقـد آن الأوان..لأن يصرن مفتحـات..
إيـدك علي ايـدي نكمل لستة التلفونات..
وأهو صـديقات المرأة وصـلن..
وعنـدنا مهرجـان كبير هنا لغاية يوم السبت..
|
Post: #19
Title: Re: دعـوة للتمرد..
Author: abubakr
Date: 12-12-2006, 07:54 AM
Parent: #1
| Quote: مؤامرة يا باشمهندس أبو بكر سيد أحمد |
كل المؤامرات دي سببها "الاكلان" .. اوتيلات لندن كلها عتيقة وفيها "اكلان" زيها زي شقق باب اللوق ...طبعا بتعرف السيد "اكلان" داركولا ... واهي مني بعد هجمات الاكلان في الاوتيل ومن الغيظ بتحاول تفتعل مؤامرة ونست انو احنا شيلدد shieldedوبعدين دبي فيها مطر كتير والشوارع زحمة والحوادث كتيرة والموسم بتاع ايجارات وعيد الاضحي باقي ليهو اقل من تلات اسابيع والخروف وووو ومافي واحدة عندها نفس تطلع ... مؤامرة فشنك ...
|
Post: #32
Title: Re: دعـوة للتمرد..
Author: Muna Khugali
Date: 12-13-2006, 10:43 AM
Parent: #19
طيب عارف يا أبو بكر انت كده جـبت لي فكرة دون أن تـدري...
إنت بتطلع اشاعات علي الفنادق..أقـول ليك 4 ستارز تقول لي أكلان?
إنت فاكره ده فنـدق أم محمـد الهيلاهوب في حي بـديعة التعيسة??
الفكـرة ياسـيدي انه الزوجـات من حـقهن ان يأخـذن قسطا من الراحة في إحـدي الفنادق
الجميلة خـلال الويك إنـد وبعـد انتهاء الشـوبنج..
إنت ما عارف عملية التسوق دي صـعبة كيف?
يعني الواحـد بيكون واقف علي رجـله مسافات ومابيرتاح الا في حـالتين..
يالقروش تكمل..
يالفلوس تخلص!
وأهو خـلودتي جابت أسعار للحـاجات..تسهيلا للمهمة...
|
Post: #21
Title: Re: دعـوة للتمرد..
Author: أحمد الشايقي
Date: 12-12-2006, 09:49 AM
Parent: #1
منى سلامات
فاقدك كتييييير
متمردين يعني متمردين,
أنا معاكم
أحمـد الشايقي
|
Post: #34
Title: Re: دعـوة للتمرد..
Author: Muna Khugali
Date: 12-13-2006, 12:48 PM
Parent: #21
إزيك يا أحمـد يا عزيز.. بقيت تغيب كتير مننا..بتمشي وين غير سـودانيز أون لاين?
أها قول لي..فضلت سـاعات علي الإقفال وسـاعات علي الويك انـد بتاعكم..
أضرب للجماعة ولا كيف?
شوف يا أحمـد أنا أختك دي مافيها كلام..إنت عزيز لي دي برضه مافيها كـلام..
لكن ماشيين السوق ماشيين..ويوم السـبت بنكمل الباقي بالمسـاء لة انت بتمشي..ولو
مابتقـدر علي القروش الإحنا عايزنها بنقبل الفيزا كارد.. لكن فيزا كارد عليها
ليميت ماعايزين..
علشان الغش ده كان زمان وجـبر!
|
Post: #41
Title: Re: دعـوة للتمرد..
Author: أحمد الشايقي
Date: 12-19-2006, 01:33 AM
Parent: #34
هاي منى,
تسوق يعني تسوق,
مافي مشكلة
بس في سوق ليبيا
ومافيش عفراء ولا شارع المطار
أوكي تاخدوا الفيزا
أحمـد
|
Post: #25
Title: Re: دعـوة للتمرد..
Author: د.محمد حسن
Date: 12-13-2006, 08:22 AM
Parent: #1
منى
غابتك الدخلتيها تمردا علينا دي
نجيب ليها مشاكوس من وين؟
مودتي
|
Post: #27
Title: Re: دعـوة للتمرد..
Author: Wefag Osman
Date: 12-13-2006, 09:12 AM
Parent: #25
ياريت يامنى نتمرد على حاجات كتيييييييييييييرة
وتكون دعوتك مفتوحة
لانوبصراحة كده ده المفروض يحصل
معاي؟؟؟
|
Post: #29
Title: Re: دعـوة للتمرد..
Author: خالدة البدوي
Date: 12-13-2006, 10:21 AM
Parent: #27
شوفي منون حبيبتي
التياب عندك :
* الدهشة 50 دولار
* عجب ولدي 60 دولار
* نور كونزون 45 دولار
* الديمقراطية 70 دولار
* غرام قلبين 65 دولار
أما الدهب ياستي :
* الامواج
* الشبّبكة
* عيون حبيبي
* آخر صيحه
ولنا عودة ،،،
|
Post: #30
Title: Re: دعـوة للتمرد..
Author: تماضر الخنساء حمزه
Date: 12-13-2006, 10:31 AM
Parent: #29
Quote: التياب عندك :
* الدهشة 50 دولار
* عجب ولدي 60 دولار
* نور كونزون 45 دولار
* الديمقراطية 70 دولار
* غرام قلبين 65 دولار
أما الدهب ياستي :
* الامواج
* الشبّبكة
* عيون حبيبي
* آخر صيحه |
سلامات خالدة
طبعاً أول مرة أسمع بالأسامى دى شكلى مامواكبة الموضة وكده
ولا ده إكون من الفلس
شكراً منى على دعوة التمرد
أهو تبقى فاتحة للستة طويلة من الحاجات المفروض يحصل عليها تمرد
تحياتى لكل المتداخلين .
|
Post: #38
Title: Re: دعـوة للتمرد..
Author: Muna Khugali
Date: 12-19-2006, 00:03 AM
Parent: #30
Quote: شكراً منى على دعوة التمرد
أهو تبقى فاتحة للستة طويلة من الحاجات المفروض يحصل عليها تمرد
تحياتى لكل المتداخلين . |
عملتي بالوصية يا تمرا?
أيوة خليكي صاحية ومفتحـة زي ما علوية جميل بتقول..
وأنا عن نفسي قمت بالواجب مع صـديقات عزيزات..بيكرهوا الكمبيوتر
ويحبوا السوق بنفس المستوي..عمرك شـوفتي إخلاص أكتر من كـده?
|
Post: #37
Title: Re: دعـوة للتمرد..
Author: Muna Khugali
Date: 12-13-2006, 03:02 PM
Parent: #27
طبعا حبيبتي وفـاق... في حـاجات كتيرة ممكن التمرد عليها.. بس أناعن نفسي هاركز علي
حكاية السوق الأيام دي.. شـوفي انت والباقيات مناطق تمرد أخـري ونـدعم بعض..
أهم حاجة في موضـوع السـوق بتاع بكره..الإلتزام مع سـميرة سـعيـد وترديد الأغنية معاها..
وكـل ما 'هـو' يجي يفاوض تعلي صـوت الأغنية ..لغاية مابراهـو كـده يقـول خلاص يللا السـوق!
بكـره النقة... بكـره النقه
|
Post: #36
Title: Re: دعـوة للتمرد..
Author: Muna Khugali
Date: 12-13-2006, 01:54 PM
Parent: #25
منى
غابتك الدخلتيها تمردا علينا دي
نجيب ليها مشاكوس من وين؟
مودتي
يادكتور محمـد الحسـن انت وين?
سـألت منك البوستات لما طـولت الغياب..
نحنا ذاتنا ما عايزين أي مشاكوس لأنها بقت مابتخارج معانا..أحنا عايزين نخترع حـاجة
كده مافيها حـق تقرير مصـير وفي نفس الوقت تقسيم الثروة والسلطة يكـون مقسم علي
اتنين..الأزواج والزوجات بشـرط انه يتقسم علي واحـد بس يوم الخميس والجمعة..
معروف طـبعا "الزوجـات"!
كـلم جيبك يستعـد من سـكات ومن غير غابات..
وعليك الله تاني ما تغيب من أهلك
|
Post: #31
Title: Re: دعـوة للتمرد..
Author: abubakr
Date: 12-13-2006, 10:36 AM
Parent: #1
تياب كيمان كيمان اصلها مابتطلع كتير وفي 20 سنة مشت السودان 4 مرات.. مش كان سميتوها ديمقراطية النشفت ريقنا وخلتنا وافدين 30 سنة ..شوفن بضاعة غيرها ...
|
Post: #33
Title: Re: دعـوة للتمرد..
Author: nourelhadi awad
Date: 12-13-2006, 11:17 AM
Parent: #1
منى إزيك
نحن زعلناك في حاجة؟
اليوم أربعاء وعقاب شهر
بس يامنى ممكن وجهة نظر؟
التمرد مطلوب في كل الأحوال
ماشي ولا اعتراض...
بس الخوف يتعدى التمرد الخميس والجمعة
وفي الحالة دي مافي زول يلومنا
لو فرضنا الاحكام العرفية
تراني كلمتك
وذنبهم على جنبك
مودتي
نورالهادي
|
Post: #42
Title: Re: دعـوة للتمرد..
Author: Muna Khugali
Date: 12-19-2006, 09:44 PM
Parent: #33
إزيك إنت يانورالهادي ...
Quote: بس يامنى ممكن وجهة نظر؟
التمرد مطلوب في كل الأحوال
ماشي ولا اعتراض...
بس الخوف يتعدى التمرد الخميس والجمعة
وفي الحالة دي مافي زول يلومنا
لو فرضنا الاحكام العرفية
تراني كلمتك
وذنبهم على جنبك
مودتي |
إنت يانورالهادي بتحنس ولا بتهـدد?
شـفت عشان حركاتكم دي هانستمر في التمرد..
والسوق والتمرد مافيهوش يمه أرحـميني..
وماتكون قايلنا زي ما أبو بكر قال.. مابنعرف نفرز الكروت..
المشي للسـوق يابنات يكون بسياسة..
رجـلي علي رجـلك..يعني تمشوا السوق سـوا..
وعلي فكـره..البوست ده ذاته ماشي معانا ومستمر!
إنت قاطـع الحركة كده ليه?
اللهم أجـعله خـير!
|
Post: #35
Title: Re: دعـوة للتمرد..
Author: abubakr
Date: 12-13-2006, 01:44 PM
Parent: #1
Quote: طيب عارف يا أبو بكر انت كده جـبت لي فكرة دون أن تـدري...
إنت بتطلع اشاعات علي الفنادق..أقـول ليك 4 ستارز تقول لي أكلان?
إنت فاكره ده فنـدق أم محمـد الهيلاهوب في حي بـديعة التعيسة?? |
برضو في اكلان 4 ستارز ؟؟ البلد كلها مستوطنة للاكلان ...انت ما شايفة الخواجات بيهرشو كيف
Quote: الفكـرة ياسـيدي انه الزوجـات من حـقهن ان يأخـذن قسطا من الراحة في إحـدي الفنادق
الجميلة خـلال الويك إنـد وبعـد انتهاء الشـوبنج.. |
بطريقتن ...بس ما في واحدة تتصل وتقول " ات بتعمل شنو هسع ؟"
Quote: إنت ما عارف عملية التسوق دي صـعبة كيف?
يعني الواحـد بيكون واقف علي رجـله مسافات ومابيرتاح الا في حـالتين..
يالقروش تكمل..
يالفلوس تخلص! |
بسيطة .. انا دائما بجيبو لي كرسي ويقولو لي " اجلس حجي" وفي النهاية " ادفع حجي ".. بسيطة .. انا ما بكون عندي دراهم وبقوم بطلع الكرت الطبي - الخالق الناطق الفيزا كارد - واقدمو ليهم وهم ما بلاحظو الفرق .. وهم يقومو يسحبوه في الماكنة وهي ما تشتغل واقو ليهم " هذا ماكينة خراب " وكمان " مافي خردة-فكة وكاش يعني - خلاس باكر انا وماما يجي تاني ياخد سامان-البضاعة- ويجيب بيزات " ومن دييك ..عيييييييييييييييييييييييييييييك
|
Post: #39
Title: Re: دعـوة للتمرد..
Author: إسماعيل حميم
Date: 12-19-2006, 00:12 AM
Parent: #35
تعرفي يا مني يا خيتي
وأنا بقرأ إتذكرت هذه الأبيات الشاعر
أبو العلاء المعري:
في اللاذقية ضجة****ما بين أحمد والمسيح
هذا بناقوس يدق****وذا بمئذنة يصيـــح
كل يؤيـد دينـه****يا ليت شعري ما الصحيح
هسه كدي ورونا الصاح منو؟
إسماعيل حميم
|
Post: #40
Title: Re: دعـوة للتمرد..
Author: انعام حيمورة
Date: 12-19-2006, 00:29 AM
Parent: #1
انا غايتو من ناس المفحضة !!!!!
كان في تمرد تاني قولوا لينا !!!
|
Post: #43
Title: Re: دعـوة للتمرد..
Author: mamkouna
Date: 12-19-2006, 10:02 PM
Parent: #1
| Quote: علي كل الزوجات..اللاتي هن متزوجات من زملاء لنا هنا.. |
طيب يا منى..
الأزواج..اللائي هم متزوجين من زميلات لنا هنا...
إقتراحاتك ليهم شنو؟؟!!!
|
Post: #45
Title: Re: دعـوة للتمرد..
Author: Muna Khugali
Date: 12-20-2006, 11:02 AM
Parent: #43
ممكـونه ياظـريفة..
النساءالموجـودات ماإحتجوا علي قفل المنبر..
بينما بعضهم من الرجـال فعل علنا وامكن البعض الآخـر سـكت علي مضض ..
وبعـدين يعني فيها ايه يعني لو مشينا السوق متأبطين ذراع الزوج ومحفظته
أو حتي متأبطين الشر لمحفظته?
التغيير حـلو برضـه..والهـدايا والسوق بيساعـدوا..
وياحبيبي رد عليا إزيك سـلامات..
أنا احبك قـد عينيه والمر في حبك داب..
سـلامات..سـلامات ياواحشني
الله يرحم فريـد الأطرش... كـان حاسس بالسـوق قصـدي الشوق!
|
Post: #44
Title: Re: دعـوة للتمرد..
Author: نصار
Date: 12-20-2006, 01:11 AM
Parent: #1
العزيزة مني
احدث اكتشافات المحلات التجارية هنا انها عملت parking
للرجال في اركان متاجرهم علشان يمكنوا النسوان من
التسوق بمهلتن.. و في سوسرا استأجروا رجال موديلات للنساء
العاوزات يشترن ملابس لرجالن عشان تتأكد من المقاس و كدا
الواحدة تشوف واحد حجمه زي حجم راجلا و تخليهو يقيس بالانابة
عن الاستاذ البكره حوامة التسوق
الغريبة مع اخيلاف الثقافات لكن اغلب الفوارق بين الرجال
و النساء ذات طابع واحد.. التسوق، الكورة، العربات و التقنيات
عموما و هلما جر
اها انشاء الله التمرد نجح؟
|
Post: #46
Title: Re: دعـوة للتمرد..
Author: Muna Khugali
Date: 12-20-2006, 01:38 PM
Parent: #44
أيوة يانصار ده خبر جميل..وعجبني الإحياء الفيه ..
وعارف مع الدهب والتياب والعطـور..
أنا عارفة أخـواتي ديل هايشـتروا برضه هديه لصـاحب الجيب..
من باب الحب أولا لهوالتقـدير ..
مش هو برضـه اشتغل وجاب قروش?
وكل مايسـألوه ماشي وين يرد بزعل ماشي اشتغل علي الرغم
من الإجـازه الرسـمية?
يبقي لازم نصـدقه ونقـدر تعبه ونشتري ليه هـديه حـلوه..
وبعـدين ياخ حـتي لو ماعشان خاطر الغرام الولهان..ولا حـتي العشرة النبيلة..
يبقي بس بالهـديه إسـمنا طلعنا زكاة صـرف!
|
Post: #47
Title: Re: دعـوة للتمرد..
Author: abubakr
Date: 12-20-2006, 07:31 PM
Parent: #1
| Quote: متأبطين ذراع الزوج ومحفظته |
شنو "متأبطين" دي ؟؟ في ذمتك الكلبشات مش "تأبط" ؟ اصلو انا كرهت حصة العربي -الكانت بالغصب لكل البرابرة امثالي - بشان "تأبط شرا" و "ظلع الجمل" ؟؟ وبعدين انا بمشي الايام دي مع السكري وجور الزمن كما يظلع الجمل وماممكن اكون متابطا ولا حاملا محفظة ؟ كيف اظلع وادفع ؟
قالت " متابطا"
عجيبة ....
|
|