مخاض الرجال عند نادية عثمان .. بشرى الفاضل والخواض .. يمتنعون..

قراءة عصيبة فى ( ميلاد ) نادية عثمان ..


أهدتنى الشاعرة والكاتبة نادية عثمان مختار نسخة من ديوانها الأول ..( ميلاد عصيب لرجل ما)
..الصادر من مطبعة المعرفة ..
يقع الكتاب فى 44 قصيدة و 85 صفحة من الورق الجميل A5 .. أهدت الشاعرة ديوانها للوطن وشعبه وآخرين .. قدم للكتاب الشاعران ابوقطاطى ود. معز .. جيلان من شعر و حب ..

فى قراءة ( قدر حالى) وليس بمقدار الكتابة أحاول أن أقرا كتابها بقلم جهور .. محاولة منى لولوج عالم النقد .. هى محاولة فقط.. لذا أجد نفسى ( اتحاشى قبل الاستئذان)اساتذتى فضيلى وبشرى الفاضل وبولا و اسامة الخواض المشاء.. لمسيرى فى درب هم يعرفون مسالكه وأنا اسير فيه ( زول الله وبس) .. حتى أصل لنادية .. وإذا ما ( قطع بنزينى ) أو( نزلت البطارية) أدوها لزة .. ..
أخى الخواض توقفت عن شرح التفكيك لنا.. فاسمح لنا بالدخول الى نادية بالعمة والطاقية ..

الدافع ( و الشلاقة) ..
شعر نادية كما نأتى لاحقا بتفصيل هو عبارة عن مشاعر صادقة للحظات انسانية وتدفق صاخب و خصب .. لا تحرم الشاعرة قلمها من مفردة لغرابتها ولا لأجل ( اصول الصنعة ) من وزن وقافية وموسيقى .. هى كتابتها ..بين المرأة العاشقة والسياسية الغاضبة والصديقة الوفاء والأنثى الضّاجة .. كتابتها تقول هاكم اقرأونى ..
فما كان منى بكل شلاقة إلا أن أقرأ وأكتب ( شعورى ) .. وقراءتى لما قرأت ..


( يا زبد البحر ما ترغى فى الفاضى ..
يا همس النسيم وشويشك الهادى
خجّل خجَلى البِكِر
يا صدفة ما أروع لماك .. وعبقك النادى
يا لؤلؤة .. يا بضّة .. آه
يا موجة ما تقِــلّى الأدب .. وكفاك تتمادى )

هذا مدخل للكتاب .. وهذا شعر نادية فى كتابتها الراقية ..

نلاحظ غلبة الصور التمثيلية الكاملة او المشاهد القصيرة مع وحدة المفردات فى الصورة.. ( زبد البحر/ يرغى /نسيم / صدَفة/ ولؤلوة/ وموجة) نادية لا تأتى بمفردات لتثبت تمكنها من اللغة بل تأتيها الصورة كاملة وتنثر عليها موهبتها ..

وفى صورة ثانية فى قصيدة (الغياب ورئة الصدى) .. تبتعد قليلا عن هذه الميزة ولكن القصيدة تأخذ هذا المنحى الجديد .. الصور المتداخلة والمفردات المشحونة بالمعانى الأخرى .. ولتثبت أنها مدركة لموسيقى الشعر الداخلية دون القافية .. شعرا حديثا .. وموردا صعبا نهلت منه فروت القصيد ..

( مريت على الباب البئن وينادى بالبكا والنحيب ..
ترباسو مكسور الجناح ..وطيفن بيجبر خاطر الزول الحبيب
العتبة ما عتبة قزاز ..
والريح بشيش سحب البساط.. شان لو وقعت ..يكون نصيب
لفيت عليك والانشراح لفلف تلافيف القلب ..ولفّ الفواد
هنا عاش زولى الحبيب .. مرق يسند الحيط بالقفا .. حجر الأساس للبيت عماد
حبيت لمض نايلو المكان ..)

هل تشبه عاطف خيرى .. ليس كثرا ..
تشبه نادية .. تشبه روحها ... الحلوة ..

هاهى فى الدوبيت ( طاقية وخيل ونجماية)
تفرد للمفردة مكانا وتشحذها فى قصيدة كالدوبيت ..
دوباى نادية

( تبقى الحقيقة الزور .. ولون الوهم مفضوح
كل النجوم عاهرات .. والقمرة عريانة
لامة الغيوم فى البيوت .. فستان زفافها برِق
وخزاز مطر وجروح)



هذا عند باب الدخول ولكن عند الدخول لصفحات الكتاب نجد .. ما يميز شعرها ويجعله متفردا.. و هو أن غالب كتابتها ببساطة كأنها تحادث أعز صديقاتها فى( ونسة بنات) بعد نصف الليل .. أو كأنها تلقى على مسامعنا أسرار النساء جميعا .. بروح المرأة/الأنثى/ الصديقة / الشافعة/ الناضجة القوية بضعفها وبعقلها .. أو فإنها صحفية تكتب فى الصفحة الأولى قصة عاطفية بانفعال مشهد سياسى ..

(مرة تبقى ابوى .. أحبّك ..
ووكت أحسك أخوى .. بريدك .
وأغلب الأحيان بحسّك.. فرحتى وفالى وجديدى ..
زول صغيّر دايرة ألولى .. أشيلو فى حضنى وأبوسو
ووكت يروح أطلع أكوسو )

من قال أن لكم – وحدكم - الحق فى وصف محاسن المرأة ..وعليها أن تهمس بمحاسن حبيبها .. سرا
نادية تجهر .. بالقول ..


( زول حلو وشكلك وسيم .. فيك عيون كتّال بريقا
ورمشها الجنة الوريقة )



ولكن نادية تخرج مرات عن هذا الطريق الجميل فيفلت منها مثل ما يلى ..

( حب حصل مالو تاريخ .. يوم غزانى زى الصواريخ ) ..
او
( رد يا حبيب جاوب على ..وصدق بيانك بالعمل )
او
( القدر قال كلمتو والنصيب حسم القضية ) ..
أو متابعة القافية وكسر موسيقى البيت ..(
(لو تسافر دو أضمك تحيا انت وأنا أموت ) ..



ما يميّز شعر نادية تماما هوالشعر الذى يشبه (غنا البنات) السمح ..


وفيه من شعر الحكمة .. نعم والحكمة ..
( ..أحذر من خطر كلمة
تطلع زى رصاص فى الفم ..)
(.. ما تقول كلمة تفوت
دى كلمة معاها زول بيموت)

وفيه من الشعر ما يذكرنى (غنا البنات ) وبوح المرأة ..

(انت فى الحلوات كتبت ..ويا ما غنّيت الأغانى
قلت فيهم ، يا ما قلت ..وكان كلامك كلو حانى
رغم انو حنانى أكبر ..فيض حروفك ما غشانى )

( كيف تنسانى يعنى
يا زولى الحلو ..
كل الجاك زائر .. عطفك بشملو
كعاى الريد بديتو .. كيف ما تكملو ..
والشاغلك شنو ؟)

وفيه ما يكون محاولة لتجديد شعر الحقيبة ..
( بالوجع فى قلبى صارخ .. ارجو تسمح لى اصارح
...
فيها ايه لوتنسى همّك .. وتلفت لى زول بريدك ) / طعم الصبر

نادية لا تنسى أبدا أنها صحفية
وحين تكتب" الشعر الصحفى" ترويه بطريقة ( قصة ابو زيد الهلالى )
فهل تأثرت بالمناخ الشعبى المصرى ..!
ام هو الدوبيت فى مسدار صحفى ..؟
وهذا مما ورد فى ( مشاهد من " عِمَم" عربية) ..

( القذافى شتم الأمير عبد الله
قال ليهو ( القواعد) مالية عندك حِلّة..
فتح عليهو لأمير نار ما خلاّ
حرق قلب العقيد و لسانو اتشلّ )

ولا تنسى فى مثل هذا العمل أن تقول
( أطفال العراق حيلتى إيه غير دمعى
اصوات المدافع جوّة بيتى وسمعى
كل ما اشوف كفنكم أبكى وأحرق شمعى
واصرخ فى العرب : يا أمة يلاّ اجتمعى )


ثم
( قرارات القمم فوق الورق بهتانة
شن بيجدى الكلام ساعة القلوب حزنانة
يا عرب ( الكرور) سيبو القمم تختانا
ارجعوا للبيوت القمة لى نسوانا

هل هى ( مهيرة أخرى) تعطينا درسا جديدا ..



فلو وجدت نادية من النقد والتوجيه والجلسات التى تسمع وتستمع لتطورت كتابتها كثيرا..

( السفن فى الضفة راسية
ورفرفت أعلامها فوق
جيت بقيت لى عمرى واحة
ولى غريق أحلامى طوق )
فلو استرجعت ما كتبت أو سمعها من يفيد لقال لها غيرى كلمة (واحة) ب مفردة (ساحل)أو ( مشرع) لتتجانس مفردات المقطع .. (مجرد رأى ومثل)

الأستاذة نادية
يمكنها أن تكون وتكّون نواة لمدرسة للعودة بالكتابة إلى شعر بسيط دون سطحية وعميق دون ترميز وتعقيد .. بما تملك من إمكانات شعرية وشفافية ومعرفة وإدراك واعى بمجتمع تدرك مفاتيح تطور غنائه ...
الأستاذة نادية تعترف بغنائها الطاعم أنها تعرف شفرة (تطور غنا البنات) والسمو به إلى مفردات راقية .. لأن أهم ما يميز كتاباتها أنها فى كل المواضيع والنّفَـسْ ( الوزن) والقافية التى تصلح ..
كتابة نادية مشرع لمشروع تطور الغناء المحلى الى غناء عالمى ..
لو أخذت الموضوع بجديته كمشروع و جلست مع من تستفيد منهم .. الناقد والكتاب ..

السعادة الكنت فيها... رقّصت جواى أغانى
حب وشوق وهيام وفرحة .. مفردة أسمى معانى
لحظة عشت معاك دنيا ..الزمان كان فيها حانى
ساعة من عمر الليالى ...خاطفة عدّت زى ثوانى


ولكن نادية ترجع أحيانا لتكتب بصوت الرجل ..
تلك الكتابة التى تختفى المرأة وراء صوت الرجل ..
أو علّها تعبر عنه .. ولماذا لا ..ألا يكتب الرجل أحينا ( كثيرة ) معبرا عنها ..
( استنيت لو صوتِك يجينى .. يكتم صوت القلق الفينى
خايف منِّك تفتحى جرحى ..وتلهبى نار الشوق وحنينى ..) /سيادة الحب/

( البسمة فيك تكتُل .. حتى لو سموك شجن ) / شجن/

( كل عاشق كان بيأمل .. ويدعو " كوثر تبقى لىْ) / دهب/

أجمل ما كتبت فى رأى هو نص (سر الحياة )وسأفرد له مداخلة لوحده ..

الصديق الوفى معتصم الطاهر

اتيت الى هنا لأشكرك على تصفحك لدواخلى .. وابحارك فى دفق دمى .. ونبض وجدانى ..ولاساتذتى بشرى الفاضل ، والخواض ، وفضيلى جماع ، وعبد القادر الكتيابى، ومعز عمر بخيت ، ويحى فضل الله ، وتماضر شيخ الدين ، والقدال وفيصل محمد صالح ، وجميع جميع الكوكبة الفريدة التى من الله على بأن يضمنى معهم هذا الوطن الفسيح .. الجميل .. منتهى تقديرى وجميل عرفانى ..وعظيم امتنانى ..وودى..

Quote: فما كان منى بكل شلاقة إلا أن أقرأ وأكتب ( شعورى ) .. وقراءتى لما قرأت ..

اشكرك على هذه الشلاقة الحبيبة جدا

وهنا فى القصائد التى اوردتها بعض الاحرف التى كتبت بسرعة فنسيت بعض الحروف او الكلمات الكاملة فاسمح لى استاذى وصديقى معتصم بأن اصححها .. وليتك تفعل هذا التصحيح الذى اظن انه فى مصلحة الوزنة واعتدال القافية..
اولا:

Quote: خجّل خجَلى البِكِر

خجّل خجل صدفى البكر

ثانيا:

Quote: وطيفن بيجبر خاطر الزول الحبيب

كيفن بيجبر

ثالثا:

Quote: لفيت عليك والانشراح لفلف تلافيف القلب ..ولفّ الفواد

مريت عليك

رابعا:

Quote: هنا عاش زولى الحبيب ..

هنا عاش قريب .. زولى الحبيب

خامسا:

Quote: دى كلمة معاها زول بيموت

دى طلقة معاها زول بيموت

سادسا:

Quote: كعاى الريد بديتو .

Quote: القذافى شتم الأمير عبد الله قال ليهو ( القواعد) مالية عندك حِلّة.. فتح عليهو لأمير نار ما خلاّ حرق قلب العقيد و لسانو اتشلّ )

القذافى قام شتم الأمير عبد الله

قال ليهو القواعد مالية عندك حلة

قام فتح الامير عليهو نار ماخلا

حرق قلب العقيد وسكت لسانو اتشلّ

Quote: مفردة أسمى معانى

مفردات اسمى المعانى

Quote: البسمة فيك تكتُل

البسيمة الفيكى تكتل


صديقى واستاذى المدهش معتصم الطاهر .. عاجزة عن التعبير عن مايضج فى روحى من كرنفالات البهجة بدراستك العميقة هذه .. واتمنى ان اجد النقد البناء الذى يفيدنى فى خطى عشقى للشعر .. وسعيدة بمن وقفوا بجانبى وساندونى دوما على رأسهم اساتذتى فضل الله محمد ، السر قدور ، ابو قطاطى ، سعد الدين ابراهيم ، فضيلى جماع ،معز عمر بخيت ، مختار دفع الله ،عاطف خيرى ، عبد العال السيد ، ،التيجانى حاج موسى ، القدال، واخرون كثر اكن لهم كل الاعزاز والتقدير ..

اقول قولى هذا .. واترك للربان قيادة سفينة هذا البوست

ولكم منى كل الحب والاحترام

Quote: القذافى شتم الأمير عبد الله قال ليهو ( القواعد) مالية عندك حِلّة.. فتح عليهو لأمير نار ما خلاّ حرق قلب العقيد و لسانو اتشلّ )

نعم هناك أخطاء
خاصة لانسان زيى ( بكّسر كل اسبوع كى بورد من الطرق عليهن وبكتب بسرعة 5 كلمات فى الدقيقة)

لكن التعديل أعلاه مقصود ..
ومقصود جدا ..

وكفاية علينا نقرا لك ..

Quote: خاصة لانسان زيى ( بكّسر كل اسبوع كى بورد من الطرق عليهن وبكتب بسرعة 5 كلمات فى الدقيقة)

ماشاء الله .. عينى باردة ياباشمهندس !!

ربنا يعينك ويديك الصحة والعافية يارب

وتسلم كتيييييييييييييييييير

إلي شاعرة من نخل وبرق وتحدي



يعذبني سحرك يا امرأة تختار حديقة نبض القلب مقراً وتحوم بكل شرايين الإبداع.
ما أجمل أن تخرج من رحم حنين الصدق شاعرة تتوهج في أعلى قمم الشوق بتاريخ الغليان الحق.
تمسح من زخم الغيب حنايا تكوين العشق الأعمى ثم تطل بنافذة العصيان المشرق في بدن الليل.
كلماتك في هذا الصرح الطالع للناس سماحاً مثل العرس تمنح النغم عافية التثني، وتمنح الرياض حقل التمني، لينهار صمود تحدي سوسنة ما فتأت ترتكب معصية الهجران، وتبعد عن عصب الممكن والمألوف. يقترن بها في مخيلة التكوين حلم القارئ والعاشق للشعر حين تتأوه وجدانه بمثل هذا الألق الرحيق ليرحل وجده كدخان من زيت وجراح، حمل النشوة في دمه ثم تلاشى.

عندما أقرأ أي حرف لنادية عثمان مختار تداعبني موجة عذراء على شواطئ القصيدة ، لكنها هنا عندما تجمعت أحرفها في هذا الديوان تفجرت بحاراً أخرى سكنتها شاعريتها قبل الماء وقبل الطوفان فكان تدفقها على شواطئ الأناقة والجمال برداً وسلاماً على كل رمال الإلفة والمحبة.
فهيا نتنفس معها عبق الصمت والصهيل.


معز عمر بخيت - المنامة
11 يوليو 2004

فرعون زمانك


قلتَ عليكَ موسى .. وخاب انا ظني فيك .. يا فرعون زمانك
رَسَمتَ الحُب علَيَّ .. وغَمَرْتَنِي شاعريَّة .. وغرقتَ في زيف حنانك
يا مغرور وقاسي ..ولعهد غرامي ناسي..وينو نعيم جنانك؟؟
***
قلتَ عليكَ موسى وخاب أنا ظني فِيكْ .. وزاد المي وشقايا
نرجسي بي طبيعتك .. مفتون بي شبابك مهموم بيك برايا
أهديتك عيوني .. وجميل شعري وفنوني وصدودك كان جزايا
***
قلتَ عليكَ موسى .. وخاب انا ظني فيك واتجرَّعت كأسك
سقيتَك عاطفة طاهرة .. دلائل حبي ظاهرة .. قطعتَ الحب بِفَاسَك
ما صُنتَ المحبَّة .. يا خاين الأحبَّة .. وخسرت الكون وناسك
***
قلتَ عليكَ موسى .. خاب أنا ظني فيك .. وشكيتك بس لربك
سماوات حبي عادلة .. تَكُب الرَّحمة نازلة .. تصب لعنات في قلبك
بطالب بالقَصَاص .. وبقول ليك لا مَنَاص .. لازم أسيبو حُبَّك
محال أرجع أحِبَّك!!

شكرا نادية

ساعدينى بالنصوص ..

خاصة التى ذكرتها أعلاه ..

الكلمة الوردة

أحذرْ من خطر كلمة .. تطلع زي رُصاص من فمْ
تخترق الكيان والنبض .. تحرِّض بالنَّزيف الدَّمْ
تحطِّم فيك معاني كتير .. تعيش بَعَدَها الثواني نَدَمْ
* * * *
ما تقول كلمة واحدة تفوت
دي طلقة معاها زول بيموت
وحِس الوردة يبقى سكوت
* * * *
عيب الكلمة ما بترجع ... بعد تطلع من الإنسان
مهما يبقى معناها ... فرح هامس وجهر أحزان
سيف الكلمة سَبَق العَزْل ... وكم من كلمة شنقوا لسان
ما تقول كلمة واحدة وبس
قول لي حروف كلامك "هُس"!!
أحذرْ كلمتك هدَّام ... تَهِدّ الفي السنين إترص
* * * *
آه لو كلمتك وردة ... تفجِّر في الدواخل بوح
تكون همسة وحنين لمسة ... تعانق في الصميم الرُّوح
كلمة حب سكن أعماق ... وداوى النازف المجروح
* * * *
قُولْ الكِلمة منك شَهْد
صادقه صِدق صغير المَهْد
كِلمة جميلة تبقى العَهْد
وآه لو كلمتك وردة ... آه لو كلمتك وردة!!!!

الكلمة الوردة

أحذرْ من خطر كلمة .. تطلع زي رُصاص من فمْ
تخترق الكيان والنبض .. تحرِّض بالنَّزيف الدَّمْ
تحطِّم فيك معاني كتير .. تعيش بَعَدَها الثواني نَدَمْ
* * * *
ما تقول كلمة واحدة تفوت
دي طلقة معاها زول بيموت
وحِس الوردة يبقى سكوت
* * * *
عيب الكلمة ما بترجع ... بعد تطلع من الإنسان
مهما يبقى معناها ... فرح هامس وجهر أحزان
سيف الكلمة سَبَق العَزْل ... وكم من كلمة شنقوا لسان
ما تقول كلمة واحدة وبس
قول لي حروف كلامك "هُس"
أحذرْ كلمتك هدَّام ... تَهِدّ الفي السنين إترص
* * * *
آه لو كلمتك وردة ... تفجِّر في الدواخل بوح
تكون همسة وحنين لمسة ... تعانق في الصميم الرُّوح
كلمة حب سكن أعماق ... وداوى النازف المجروح
* * * *
قُولْ الكِلمة منك شَهْد
صادقه صِدق صغير المَهْد
كِلمة جميلة تبقى العَهْد
وآه لو كلمتك وردة ... آه لو كلمتك وردة!!

العزيز نادية

الغياب ورئة الصدى

وسر الحياة ..

ادعوا بشرى الفاضل
و
المشاء
و
عجب الفيا
ولنادية التحية على هذا الجمال

Quote: ادعوا بشرى الفاضل و المشاء و عجب الفيا

الصديق على عمر على

ومعك ادعوهم بأن يشرفونى بالاطلاع على بعض نبضى ونزف وجدانى ..!





على اين انت واين اراضيك ايها الولد النبيل ..الخلوق ؟!!

والله ليك وحشة ااااااااد كده !!!

الغياب ورنَّة الصدى


مرَّيت وجيت من بابك المقفول على وعد الأمل والذكريات
جسمي ارتعش لمَّا النسيم جاب العبير حاضِن نُعاس الأمسيات
جبروت عَظَمْتَك وروعتك مشَّت إرادتي على خُطاك سَكَبَت رحيق الأمنيات
* * * *
مرَّيت وجيت راكبة السحاب وضامة النجوم ضواية زي لمع البروق
الليل مجنَّح ريش نعام وسَرْجُو الحرير شايِلْنِي من فوق الطوابق للشروق
الشمس فوق راجياني فوق
شاربة المطر سكرانة ما بتدور تفوق
* * * *
مرَّيت على الباب البِئِن وينادي بالبُكا والنحيب
تَرْباسُو مكسور الجناح.. وكيفن بيَجْبُر خاطر الزول الحبيب؟
العتبة ما عتبة قزاز.. والريح بشيش سحب البساط شان لو وقَعْتَ يكون نصيب!
مرَّيت عليك والانشراح لفلف تلافيف القلب.. ولفَّ الفؤاد
هنا عاش قريب زولي الحبيب.. مِرِقْ يسند الحيط بالقفا حجر الأساس للبيت عماد
حبيت لُمَض نايلو المكان.. صوت الضجيج والانزعاج غُبُش الجُحُور واللون رماد
* * * *
بمشي وأجِيك.. قُبَّال أجيك روحي بتجيك تفرش ظلالها في دُنيتَك
حتماً أجيك ساعة الصباح.. في الأمسيات ساعة الضُّحى وانبُش دواخل غُنيتَك
مِفتَاح تَرابِيسك مَعَاي.. ومعَاك مفاتيح فَرحَتِي أفتح شبابيك الغرام
طوِّل سنين السَّرمَدَة.. وَحْدَك مُنَاي هل يا حبيب أنا مُنيَتَك ؟؟
مرَّيت وجيت من بابك المقفول على الجُرح النَّبَح.. وحزني القديم
خبَّطت ما طلَّ الملاك.. ووجهو الضحوك باسِم نَضِر مُشرِق بهيج
زي مصحف الرَّب الرحيم
قلباً وِدِر بَعَدَك ونَُوسَر جُرحو مَكبُوب دَمُّو حار
دافِق هَدَر شلال شرخ قلب الأديم
* * * *
مرَّّّّّّيت وجيت والغُصَّة زي خنجر غَرَز.. خَازُوق وَقَف في الجوف عَرِض
لا الدمعة خففت الألم.. لا الصرخة برَّدَت الحشا لا داوت القلب المِرِض
باب الحبيب قُبة ومزار.. بخور ضريح وصلاة خشوع سُنّة وفَرِض
* * * *
مرَّيت وجيت من بابك الأبنوس مَطَعَّم بالدَّهَب.. وترباس جُمَان
خشبو المعفَّر بالتُّراب.. ريحتو المِسك بشذاها عبَّقت الزمان
يا باب حبيب وين الحبيب ؟؟.. لَهَبَك حريق يا قَسْوة تتوشح حنان
* * * *
مرَّيت وجيت من بابك المقفول على النغم الشجي
وموال فَرَح وليلاً هجع
اتشَقَّق الخشب الأصيل يوم فارقوا الزول الجميل
ولي دارو في الأوطان رجع
الباب بكى وترباسو من حلقو اتخلع
الحُمَّى هَرَّدَت العيون
وقلبي الوَجَف من قَفْلَة الباب ارتجف مات بالصَّرَع!!

لمزيد من الاطلاع ..

بالرغم من أن الأديبة نادية عثمان لم تكمل بعد عامها الأول في هذا المنبر إلا أنها قدمت الكثير من الكتابات الرائعة والمداخلات القيمة والتي غالبا ما تتصف بخفة الروح ... وهذا جعلنا ننظر إلى نادية وكأنها ظلت هنا منذ إنشاء هذا المنبر ... وبالمنبر الكثير من أشعار نادية ،،، وهي تؤلف الشعر دون تكلف وأحيانا تشعرك أنها ترتجله ، لكنه يخرج منها منسابا انسياب نيلنا وبعذوبته ... وقد كتبت نادية العديد من أنواع القصيد ، رباعيات الدوبيت ، المسادير ، أغاني البنات ، وأغاني الحماسة ، الشعر الشعبي ، وكتبت رائعتها ( جفل الرعد ) وغيرها .. واتصفت نادية بشجاعة نادرة في أشعارها وكتاباتها المختلفة ، فطرقت مواضيع صعبة ، وأجرت حوارات صعبة أيضا ، وتداخلت مع البعض هنا بكل شفافية ...
وقد قلت لنادية مرة أنني أشعر ببساطتها ، وبأنها تبذل الكثير من الود ، وتجاملك حتى تخجلك ، فيتأكد لك أن نادية سودانية أصيلة من صميم ذاك الشعب الذي اتسم بالبساطة والطيبة والمعاملة الودودة ... ونادية إنسان ملئ بالإنسانية ، فهي قد أعلنت لنا هنا أنها تحب زوجها ، وابنتها ، ووالدها ، وغيرهم ممن هم حولها ... ويعجبني نشاط نادية وتفاعلها حين أكتشف أنها تكتب للصحافة وتقرض الشعر وتكتب لنا في المنبر بنشاط وهمة ، وتقوم بأعباء بيتها واستقبال ضيوفها ومجاملاتها المختلفة ..
أعرف أن المقام مقام نقد لشعر نادية ، لكن شعر نادية لا ينفصل عنها ، فهو نبض قلبها ، تطرحه لنا من خلال كلماتها ... والشكر لك أستاذ معتصم وأنت تفتح هذا البوست ، ففيه دعم كبير لنادية وللتعريف بها وبنصاعة أشعارها ... وشكرا لنادية أنها أتاحت لنا الفرصة للتعرف عليها من قرب ، وظلت تؤكد لزملاء المنبر أن ( الحالة واحدة ) و( البيناتنا عامرة )

Quote: بالرغم من أن الأديبة نادية عثمان لم تكمل بعد عامها الأول في هذا المنبر إلا أنها قدمت الكثير من الكتابات الرائعة والمداخلات القيمة والتي غالبا ما تتصف بخفة الروح ... وهذا جعلنا ننظر إلى نادية وكأنها ظلت هنا منذ إنشاء هذا المنبر ... وبالمنبر الكثير من أشعار نادية ،،، وهي تؤلف الشعر دون تكلف وأحيانا تشعرك أنها ترتجله ، لكنه يخرج منها منسابا انسياب نيلنا وبعذوبته ... وقد كتبت نادية العديد من أنواع القصيد ، رباعيات الدوبيت ، المسادير ، أغاني البنات ، وأغاني الحماسة ، الشعر الشعبي ، وكتبت رائعتها ( جفل الرعد ) وغيرها .. واتصفت نادية بشجاعة نادرة في أشعارها وكتاباتها المختلفة ، فطرقت مواضيع صعبة ، وأجرت حوارات صعبة أيضا ، وتداخلت مع البعض هنا بكل شفافية ... وقد قلت لنادية مرة أنني أشعر ببساطتها ، وبأنها تبذل الكثير من الود ، وتجاملك حتى تخجلك ، فيتأكد لك أن نادية سودانية أصيلة من صميم ذاك الشعب الذي اتسم بالبساطة والطيبة والمعاملة الودودة ... ونادية إنسان ملئ بالإنسانية ، فهي قد أعلنت لنا هنا أنها تحب زوجها ، وابنتها ، ووالدها ، وغيرهم ممن هم حولها ... ويعجبني نشاط نادية وتفاعلها حين أكتشف أنها تكتب للصحافة وتقرض الشعر وتكتب لنا في المنبر بنشاط وهمة ، وتقوم بأعباء بيتها واستقبال ضيوفها ومجاملاتها المختلفة .. أعرف أن المقام مقام نقد لشعر نادية ، لكن شعر نادية لا ينفصل عنها ، فهو نبض قلبها ، تطرحه لنا من خلال كلماتها ... والشكر لك أستاذ معتصم وأنت تفتح هذا البوست ، ففيه دعم كبير لنادية وللتعريف بها وبنصاعة أشعارها ... وشكرا لنادية أنها أتاحت لنا الفرصة للتعرف عليها من قرب ، وظلت تؤكد لزملاء المنبر أن ( الحالة واحدة ) و( البيناتنا عامرة )

الله ياود قاسم الغالى

كل هذه الاريحية ..والاندياح الحميم يؤكد ان البينا عامرة جدا جدا

ومحظوظة انا بأن جمعنى بكم هذا الفضاء الرائع

شهادتك وسام على صدرى ماحييت

ومحبتك لوجه الله اعلنتها مرارا وتكرارا ياشقيق الروح

لك كل الود والاحترامات الكثييييييييييييييرة

( مريت على الباب البئن وينادى بالبكا والنحيب ..
ترباسو مكسور الجناح ..وطيفن بيجبر خاطر الزول الحبيب
العتبة ما عتبة قزاز ..
والريح بشيش سحب البساط.. شان لو وقعت ..يكون نصيب
لفيت عليك والانشراح لفلف تلافيف القلب ..ولفّ الفواد
هنا عاش زولى الحبيب .. مرق يسند الحيط بالقفا .. حجر الأساس للبيت عماد
حبيت لمض نايلو المكان ..)
---------------------------------------------
جميل هذا البوست شكرا لكما
مع تحياتى

الرجل الخلوق هشام مدنى


شكرا لك انت على المرور الباهى واتمنى ان تكون قصائدى قد لامست روحك المرهفة

الأخ معتصم سلام...فتلك جرأه تستحق عليها إكبار النقاد وأدعيائهم...أولا لان الشاعره تئط أطيطا بالقوافى والأوزان الممراحة المجذابه...وثانيا لتعدد القدرات فى الشاعره تعددا لا ينافسه إلا بعضه...فكتبت بثقه وثبات هنا فى المنبر وأستنطقتنا أجمعين وأستكتبتنا نازعة رغبة الكتابة من تلافيف أقلامنا...فكتبنا وكانت أحسن من كتب...ثم بارتنا فى الدوبيت وما حسبت لسان أسلافها راطن لا بل حسبتها من صناجات الشكرية أو الكبابيش وبنى جرار ولكن لا...هى خلاسية إختلست الإبداع من أصوله وضخ ملائكته عبق القوافى فى لسانها الزرب وكذلك الماس والتبر...وعادة يطول نوم النقاد ويبسط كلبهم ذراعيه بالوصيد...ويرعبك أحيانا ما يكتبون فناديه كالحاردلو أكثر إتقادا وحرارة تخيف النقاد وتصعقهم.....


منصور

الرجل المبدع ..الشفيف.. النبيل حد النبل الاستاذ منصور المفتاح

Quote: الأخ معتصم سلام...فتلك جرأه تستحق عليها إكبار النقاد وأدعيائهم...أولا لان الشاعره تئط أطيطا بالقوافى والأوزان الممراحة المجذابه...وثانيا لتعدد القدرات فى الشاعره تعددا لا ينافسه إلا بعضه...فكتبت بثقه وثبات هنا فى المنبر وأستنطقتنا أجمعين وأستكتبتنا نازعة رغبة الكتابة من تلافيف أقلامنا...فكتبنا وكانت أحسن من كتب...ثم بارتنا فى الدوبيت وما حسبت لسان أسلافها راطن لا بل حسبتها من صناجات الشكرية أو الكبابيش وبنى جرار ولكن لا...هى خلاسية إختلست الإبداع من أصوله وضخ ملائكته عبق القوافى فى لسانها الزرب وكذلك الماس والتبر...وعادة يطول نوم النقاد ويبسط كلبهم ذراعيه بالوصيد...ويرعبك أحيانا ما يكتبون فناديه كالحاردلو أكثر إتقادا وحرارة تخيف النقاد وتصعقهم.....

توجت عنقى بشذى الياسمين .. وصنعت لى من بريق النجوم قلادة

رفعتنى الى مصاف القمم وانا مازلت طفلة تخطو اولى خطواتها على عتبات القافية العنيدة برغم مرور اكثر من خمسة عشر عاما وانا اقرض الشعر واصوغ المشاعر حروفا نابضة من وحى وجدانى ..

اعطيتنى من اهتمامك الكثير ايها الشاعر الرقيق واسعدتنى بالتجوال فى اسرار قوافيك الشجية ..

وكرّمتنى وأكرمتنى ايها الرجل الجميل بقولك العظيم ووسامك الغالى هذا فكم انا ممتنة لك استاذى منصور

وارجو ان تكون بجانبى دوما ينبوعا أنهل من صفائه ساعة التعكير وارتفاع الطمى !!!

تصدير

سياحة حرة، وسباحة سهلة داخل سطور الشاعرة الرقيقة الأديبة نادية عثمان مختار من خلال مطالعتي لمسودة ديوانها الجديد.
خرجت بانطباع مفاده: إنها شاعرة... شاعرة ناضجة بنسبة عالية... واضحة كل الوضوح في تناولها وترجمتها لمشاعرها إذ ليس هناك ما تخشاه من نقد وليس ثمة ما تطمع فيه من تقريظ .. تكتب شعرها بلا تردد وهي مقتنعة بما تكتب، تكتب قصائدها مباشرة وتقدمها في أطباق زاهية وشهية وأسلوب في التناول جميل. تملك من الجرأة والشجاعة قدراً كبيراً بحيث لا تبالي بما يقال عنها مدحاً أو ذماً وهي بذلك تتميز عن غيرها من بنات جنسها ممن لديهن الرغبة في نظم الشعر. دواخلها مشحونة بالمشاعر والأحاسيس وتقدمها شعراً كما هي في أسلوب واضح وكلمات مموسقة. استمع إلي صدق العاطفة ووضوح العبارات في قصيدة "ميلاد عصيب" وفي "حب وعذاب" أعجبتني جداً كلمة "قلبي الصِّغَيِّر" إمعاناً في التصغير. النداء الجهير المجلجل نسمعه في "سنين الشوق". نبكي معها ونندب الماضي ونناجي الأطلال حين نقرأ "الغياب ورنة الصدى". رقة الأسلوب وتدفق العاطفة نجدها في "الشوق بحر". وفي أبيات "حكاية حب" ما يلي:
يوم أحس حبك حقيقة بملك الكون بن يمني
ببقي ست الدنيا وحدي ببقي ملكة وأنت سيدي !!
و"حكاية حب" تصلح أن تكون عنواناً للديوان ورسالتها للبلد راعفة ونازفة وإحساس لدى كل مواطن وهي السياسية المدركة الواعية لما يجرى.
ما تقدم هو انطباعي عن ما خرجت به بعد قراءتي لشعر نادية عثمان مختار بلا تحيز أو محاباة. وأنا هنا لا أملك إلا أن أشد على يد الشاعرة وإلى الأمام "يا بت" مع صادق أمنياتي لك بالتوفيق والنجاح والله المستعان.
مقاطع :
مريت وجيبت راكبة السحاب
وضامة النجوم ضوايه زي لمع البروق
الليل مجنح ريش نعام سرجو الحرير
شايلني من فوق الطوابق للشروق
الشمس فوق راجياني فوق
شاربه المطر سكرانه ما بتدور تفوق.
حب نبيل :
ما نزعتك من حبابيبك .. وما قصدت أكون بديلة
وما في فكرت آخدك .. من عيالك والحليلة
***
ما في شيتاً مصبرني .. على الآلام سواك يازول
كلامك مر بعذبني .. وبتحمل مرار القول
ما بقدر أسيبو هواك .. بعد ما عشتو فوق للحول


محمد علي أبو قطاطي

زول تاني

الحبيتو ما إنت.. أنا الحبيتو زول تاني
زول فَتَّشتو طول عمري.. وفجأة لقيتو ولقاني
هادي زي النسيم مرهف.. وزي فجر الربيع حاني
الزول العرفتو أنا.. زاد بالريدة إيماني
ده ما أنت.. أنا الحبيتو زول تاني
* * * *
الحبيتو ما إنت.. أنا الحبيتو زول إنسان
شفيف الرقة مالياهو.. زول عاشق جميل فتَّان
محبوبي الهويتو أنا.. غرّقني في بحورو حنان
ده ما إنت.. أنا الحبيتو زول تاني
* * * *
الحبيتو ما إنت.. وخلاص بنهي الحكاية أكيد
خدعتني بي حنان زائف.. وبي إحساس غريب وجديد
وهمتني بالسعادة معاك.. نعيش الحُب غُنا وتغريد
لقيتك إنت ما إنت.. أنا الحبيتو زول تاني
زول تاني!!

معتصم الطاهر

Quote: بشرى الفاضل والخواض

البوست ليهو عشرة ايام..... يطلع وينزل....ولي حسي زول واحد من ناسك الكتبتهم ديل جا مادي راسو مافي....ودخل خشمو....... وانا متاكد علي الاقل واحد فيهم شاف البوست....
معتصم خلي بالك انت ماك اقل منهم....علا هم الله يديهم العافية... كل واحد فيهم شايف نفسو اكبر بكتير من نضم الناس التانين...مع انو الناس التانين عندهم فيهم راي.....وانا شخصيتن عندي فيهم راي كبير وكبير شديد.... وكبير الجمل...وبعدين زي ديل ما دايرين زول يبقى زيهم او احسن منهم.....حسادة اضانك طرشا..... ديل النقاد الحساد..... نادية ابقي عشرة في نضم معتصم دا... معتصم زول حقاني......وما بيلف ولا بيدور....ولا بيقيم الناس من منطلق ايدولوجي.... زي ناس حمبرة وغناما.......يسئون الي ايدوليجيتهم واتباعها من حيث لا يدرو... او يدرو....ولكنة الغرور الفارغ..... والنفخة الكضابة.... السودان ملئ بالمبدعين والفنانين والنقاد.......وما هؤلاء الا اطفال في معيتهم.....

سجيمان الاخ الكريم

Quote: البوست ليهو عشرة ايام..... يطلع وينزل....ولي حسي زول واحد من ناسك الكتبتهم ديل جا مادي راسو مافي....ودخل خشمو....... وانا متاكد علي الاقل واحد فيهم شاف البوست.... معتصم خلي بالك انت ماك اقل منهم....علا هم الله يديهم العافية... كل واحد فيهم شايف نفسو اكبر بكتير من نضم الناس التانين...مع انو الناس التانين عندهم فيهم راي.....وانا شخصيتن عندي فيهم راي كبير وكبير شديد.... وكبير الجمل...وبعدين زي ديل ما دايرين زول يبقى زيهم او احسن منهم.....حسادة اضانك طرشا..... ديل النقاد الحساد..... نادية ابقي عشرة في نضم معتصم دا... معتصم زول حقاني......وما بيلف ولا بيدور....ولا بيقيم الناس من منطلق ايدولوجي.... زي ناس حمبرة وغناما.......يسئون الي ايدوليجيتهم واتباعها من حيث لا يدرو... او يدرو....ولكنة الغرور الفارغ..... والنفخة الكضابة.... السودان ملئ بالمبدعين والفنانين والنقاد.......وما هؤلاء الا اطفال في معيتهم.....

اسعدنى مرورك الباهى جدا

ومليون شكر ياابو فوفو والله .. على الطلة الحلوة ..

لكن عارف الاساتذة بشرى والخواض بالتأكيد بيكونوا مشغولين بأشياء أهم ..وربنا يديهم العافية يارب

ويديك ويدى معتصم الطاهر العزيز الف عافية ........وممتنة جدا لكلماتكم الطيبة فى حق اشعارى ..

لكن ياربى هو معتصم زاتو مشى وين بعد فتح البوست ده ؟!!

بعض الزملاء قالوا لى هو محرج عشان كتب اسماء الاساتذة الاجلاء بشرى والخواض وهم مادخلوا البوست لى هسة !!!

قلت ليهو لا ياخى هو موش قال يمتنعون ..!! مابكون ده السبب لكن الحياة مشاغل ..وربنا يعين الجميع على كل حال ..

نادية
يا عديلة

Quote: لكن عارف الاساتذة بشرى والخواض بالتأكيد بيكونوا مشغولين بأشياء أهم

سمح.... ان شاء الله بعد يفضو يجوكي ويجو لي معتصم.....يانادية اختي العنوان دا يجيب الزول جاري بيكرعيهو من آخر الدنيا...حتى لو ما شافوهو اكيد في ناس بيوصلو ليهم النضم....

سجيمان راجع .. بس مشغوووووووووول
والله كلامك دا ما بفوتو ساى ..

ويا نادية انا ما فتحت الباب دا عشان أهرب
بس بقول ليك فى الخاص ..

Quote: ويا نادية انا ما فتحت الباب دا عشان أهرب بس بقول ليك فى الخاص ..

الباشمهندس العزيز معتصم الطاهر

العفو انا ماقلت انك هربت .......انا قلت انك مشغووووووووووووول وقلت كمان الحياة مشاغل وربنا يعين الجميع

ومنتظراك فى الخاص سمح؟!!

Quote: ان شاء الله بعد يفضو يجوكي ويجو لي معتصم

يادكتور عادل (سجيمان) انا خلينى هينة .......لكن بس معتصم بكون زعلان ياربى ؟!!

هذه الشاعرة

نادية عثمان مختار شاعرة ذات أسلوب وطريقة تعبر عن شخصيتها، فهي لا تستلف من الآخرين، ولا يظهر في قصائدها تأثير شاعر أو شاعرة من الذين سبقوها. وقد استطاعت أن تعبر عن تجاربها ومشاعرها تعبيرا جميلا وصادقا، وهي في كثير من قصائدها تمزج بين العاطفة الوطنية وعاطفة الحب. شعر نادية قبل أن يكون إضافة لشعراء العامية السودانية، فهو بلا شك إضافة لشعر المرأة السودانية في العصر الحديث.

السر أحمد قدور

نادية الحبيبة
الف مليون مبروك صدور ديوانك الجديد
ويا رب ما يتوقف انتاجك الشعري بل تزيدي من إثراء المكتبة المعرفية و الثقافية
ومحبتي لك و لاخي الحبيب معتصم الطاهر
وخالص المنى

الاميرة لنا مهدى شخصيا ؟!!



يامرحبا ..يامرحبا

Quote: نادية الحبيبة الف مليون مبروك صدور ديوانك الجديد ويا رب ما يتوقف انتاجك الشعري بل تزيدي من إثراء المكتبة المعرفية و الثقافية ومحبتي لك و لاخي الحبيب معتصم الطاهر وخالص المنى

الله يبارك فى عمرك ياغالية .. وعقبال مجموعاتك ايتها الشاعرة المرهفة

ربنا ماحرمنى منك يالنوية يارب.. وشكرا علىالطلة الحلووووووووة

هذه السطور هي محاولة أخرى وتعضيد لمحاولة الأستاذ معتصم لولوج عالم النقد من باب الهواية لعلنا نخطي ونصيب حتى نصل الى غايتنا في هذا الفضاء ، فليسمح لي أستاذي معتصم واستاذتي نادية بقراءة مختصرة على سبيل التجريب للكتابة في سطور النص النقدي المتاخم والموازي للنص الأدبي ، طالما أن الكبار سيمتنعون
ولعلنا في السودان نعاني من أزمة نص نقدي وذلك يرجع لغزارة المنتوج الادبي في السودان مقارنةً بالمنتوج النقدي فالفرق شاسع بين الكمين لامحالة ، سيما وأن النقد الادبي يحتاج لأدوات كثيرة بجانب الموهبة والتي لا تتأتي إلا بعد عمل مضنٍ وجهدٍ للمقل في حقول الكتب وحدائق العلم أو ربما انه مرحلة بعد مرحلة الإنتاج الادبي أو ربما لاننا في السودان لم نجترح كليات ومعاهد متخصصة ومطابع ودور نشر وأدوات بالكمية التي تؤهل المنتوج النقدي أن يتواجد وينطلق بذات الكمية للمنتوج الأدبي ... أو ربما للأسباب مجتمعة وأسبابٍ آخر ليست مجال بحثنا الآن ... ولكن لابأس من أجتراح محاولة نقدية (كيري ساكت ) ورآنكر من هاوي قد تساعد الاخت نادية في أيجاد نوع من تعددية القراءات لنصوصها الادبية المتوفر لدينا عبر هذا الفضاء الأسفيري .... والآن الى المحاولة النقدية لقراءات الشاعرة نادية عثمان مختار ...

تشتغل معظم قصائد الشاعرة نادية على فرضية المجادلة الإجتماعية بين حضور الحبيب/ة وغيابه ، إذ إن اللعبة النصية تكشف خيوطها في مفردات القصيدة على نحو مغاير لتهويمات الحبيب/ة ، وهي تمثل البؤرة التي تشع على فضاء القصيدة بأكمله ، والمنطقة النشطة في ذاكرة الشاعرة والتي دفعت بعنوان الديوان ليكون (ميلاد عصيب لرجل ما) ، كما أن القراءة بين سطور النصوص دفعت بالأستاذ معتصم الطاهر ليمشي في ذات النسق بأختيار عنوان للبوست ليكون ( مخاض الرجال عند نادية عثمان )

تخرج المنظومة الفعلية المهيمنة على مساحة واسعة من المشهد خروجاً دراميا متوازنا، وإذا شئنا أن نسلط الضوء على مناطق المنظومة وفعالياتها، سنجد أن مشهد "زبد البحر"، ( وهمس النسيم ) و(ياموجة) ( لؤلؤة بضة) ، هي مشاهد مركبة تنطوي على قصدية واضحة لمنأجاة الطبيعة وعناصرها ، بينما في الوقت عينه تضم قصدية خفية اختبارية بمنأجاة الرمز كمقياس لمدى استعداد "الآخر" لدخول لعبة القبول والحوار التي تبثه مفردة (خجلي البكر) ، فالمسافة بين الرجل والمرأة بعد أن كانت تنطوي على وجود فاصلة بينية"بابك المقفول" "بمشي وأجِيك" فانها-هنا- تذوب ليصبح أحدهما بازاء الآخر مباشرة "حتماً أجيك " "مِفتَاح تَرابِيسك مَعَاي" ليتوج الكرنفال الفعلي بالفعل المشترك "ولي دارو في الأوطان رجع" ، على حين تحقق مفردات النصوص الأخرى تطور مستوى القصدية في الفعل، وتحميله طاقة دلالية وإشارية أكبر وأكثر قربا من داخل دائرة اللعبة، لينتقل النسق الدرامي الفعلي بالمفردات ( احذر من خطر كلمة ) ( أطفال العراق) ( قرارات القمم العربية )، انتقالة جديدة من محدودية البلاد إلى تفعيلها واتساع مساحة حركتها وتطور مستوى أدائها لتشمل الأقطار الشقيقة وقضاياها الحساسةالمطروحة على الساحة الإعلامية

اللحن الصوفي الكامن في المفردات المضئية ، يعطي خلفية عن تأثر الشاعرة بالبئية الصوفية المتدينة ويتضح هذا المشهد من خلال تدفقات كثيرة في النصوص ...
"زي مصحف الرَّب الرحيم"
"باب الحبيب قُبة ومزار.. بخور ضريح وصلاة خشوع سُنّة وفَرِض"
" موسى وفرعون " " وشكيتك بس لربك
سماوات حبي عادلة .. تَكُب الرَّحمة نازلة "

اللغة التي اعتمدت عليها الشاعرة في صياغة نموذجها الشعري هي لغة تسود عليها العامية ، التي تحيل لرغبة الإفضاء وصولا إلى الآخر البعيد ، ومما ساعد على تكريس هذا الوضع تحييد عنصري الزمان والمكان، فطغيان الحضور الشخصاني وهيمنته قيد حضور العناصر الأخرى كان متوازيا، فكل النصوص رغم إستشعارك لخصوصيتها فأنها كانت تعمل داخل نسقها بإتساق مما جعلت الحواس تنشده في متن النصوص حتى النهاية ...

صدر تحت توقيعي ، فأن صابت نهديها لأختنا نادية وأنا أخطات فلي أنا ولكم العتبى حتي ترضون ....
صديق رحمة النور
...
..
.

Quote: البوست ليهو عشرة ايام..... يطلع وينزل....ولي حسي زول واحد من ناسك الكتبتهم ديل جا مادي راسو مافي....ودخل خشمو....... وانا متاكد علي الاقل واحد فيهم شاف البوست.... معتصم خلي بالك انت ماك اقل منهم....علا هم الله يديهم العافية... كل واحد فيهم شايف نفسو اكبر بكتير من نضم الناس التانين...مع انو الناس التانين عندهم فيهم راي.....وانا شخصيتن عندي فيهم راي كبير وكبير شديد.... وكبير الجمل...وبعدين زي ديل ما دايرين زول يبقى زيهم او احسن منهم.....حسادة اضانك طرشا..... ديل النقاد الحساد..... نادية ابقي عشرة في نضم معتصم دا... معتصم زول حقاني......وما بيلف ولا بيدور....ولا بيقيم الناس من منطلق ايدولوجي.... زي ناس حمبرة وغناما.......يسئون الي ايدوليجيتهم واتباعها من حيث لا يدرو... او يدرو....ولكنة الغرور الفارغ..... والنفخة الكضابة.... السودان ملئ بالمبدعين والفنانين والنقاد.......وما هؤلاء الا اطفال في معيتهم.....

أخى سجيمان ..
صاحب القلم السمين ..
والحنك السنين ...

أولا أنا أحترم ..الأستاذ أسامة و أعتبره صاحب فكر ( متقدم) ..
ولكنه يريدنا أن نؤمن به قبل أن نفهمه ..
وهو جميل ( لو خت رجلينو فى واطاة الله دى معانا )

أما بشرى الفاضل فهو يبخل بما يعرف ..
و لذا حاولت استفزازهم ..
(وأنا زول بتاع طوب واتوكاد ) .. مرات كدى بتجينى هفات ..
وبتشالق ..

الباشمهندس العزيز معتصم الطاهر

Quote: أنا أحترم ..الأستاذ أسامة و أعتبره صاحب فكر ( متقدم) .. ولكنه يريدنا أن نؤمن به قبل أن نفهمه .. وهو جميل ( لو خت رجلينو فى ا########## معانا ) أما بشرى الفاضل فهو يبخل بما يعرف .. و لذا حاولت استفزازهم .. (وأنا زول بتاع طوب واتوكاد ) .. مرات كدى بتجينى هفات .. وبتشالق ..

يخربنى كان فاهمة شئ !!!!



سجيمان انت طبعا تكون فاهم معتصم موش؟!!!

Quote: الحبيتو ما إنت.. أنا الحبيتو زول تاني زول فَتَّشتو طول عمري.. وفجأة لقيتو ولقاني هادي زي النسيم مرهف.. وزي فجر الربيع حاني الزول العرفتو أنا.. زاد بالريدة إيماني ده ما أنت.. أنا الحبيتو زول تاني * * * * الحبيتو ما إنت.. أنا الحبيتو زول إنسان شفيف الرقة مالياهو.. زول عاشق جميل فتَّان محبوبي الهويتو أنا.. غرّقني في بحورو حنان ده ما إنت.. أنا الحبيتو زول تاني * * * * الحبيتو ما إنت.. وخلاص بنهي الحكاية أكيد خدعتني بي حنان زائف.. وبي إحساس غريب وجديد وهمتني بالسعادة معاك.. نعيش الحُب غُنا وتغريد لقيتك إنت ما إنت.. أنا الحبيتو زول تاني زول تاني!!

العزيزة ندوية (ما تزعل يا سي جي)

ما شاء الله عليك
وعلى شعرك الجميل
وحا أحاول أقرأ السطور الفوق دي كااااااااااااااام مرة عشان يترسَّخ الفهم
ودمتي !!! فأنت لا تحتاجين لناقِد !!!!
وهم من يحتاجونك

أعتذر للأخ معتصم الطاهر وللشاعرة نادية غثمان غن عدم تمكني في الفترة الماضية وحتى تاريخه من تلبية طلب الاخ معتصم وآخرين . وعندما تنصلح ظروفي سأعود للكتابة بالمنبر واتمنى أن اتمكن من الإنفعال معلقاً على النصوص الواردة هنا . لكن حاليا ارجو الجميع العذر ولعلهم لاحظوا إنحسار مشاركاتي في البورد في الفترة الاخيرة. تمر بي ظروف خاصة. وقد عدت اليوم لبوست عن كتاب الراحل الخاتم عدلان وهذه ثاني مداخلة لي .

الاستاذ الجليل بشرى الفاضل

هلت الانوار .. وحلت البركة بقدومك المهيب .. وحقيقة ان مجرد مرورك ولو عابرا من هذا المكان اهو شرف كبير وفرحة كبرى بالنسبة لى .. فلك منى اسمى ايات التقدير على الاهتمام والمداخلة التى تحمل بين طياتها وعدا أخضرا بجميل عود أحمد الى هذا البوست بعد ان تفرغ من بعض شئونك الخاصة كما وعدت ..

Quote: أعتذر للأخ معتصم الطاهر وللشاعرة نادية غثمان غن عدم تمكني في الفترة الماضية وحتى تاريخه من تلبية طلب الاخ معتصم وآخرين .

العفو استاذى الفاضل وحمد لله انك بالف الف خير

Quote: وعندما تنصلح ظروفي سأعود للكتابة بالمنبر واتمنى أن اتمكن من الإنفعال معلقاً على النصوص الواردة هنا . لكن حاليا ارجو الجميع العذر ولعلهم لاحظوا إنحسار مشاركاتي في البورد في الفترة الاخيرة. تمر بي ظروف خاصة. وقد عدت اليوم لبوست عن كتاب الراحل الخاتم عدلان وهذه ثاني مداخلة لي .

الامنيات الصادقات بالتوفيق والسداد فى جميع امورك الخاصة والعامة

وكن بالف الف خير

الاخت الحبيبة الغالية بت العرب


سعادتى مضاعفة لمرورك من هنا ياايتها الرقيقة


مااكتبه هنا ياحبيبتى بت العرب هو دفق مشاعرى ..فانا لاأجلس وامسك بالقلم واقول اليوم سأكتب شعرا ..وانما هى مشاعر تكتب نفسها ..صدقينى ماأردت مشاركة الناس لى فيه هو قراءة مشاعرى ومشاركتى انفعالاتى ليس اكثر ..

هكذا خلقنى الرب انسانة تحب الناس وتحب ان يحبونها ..وليحدث هذا فانا اقول لهم هاهو كتابى بين ايديكم وهاهى حالاتى ونبض وجدانى وجنونى ..فقط لاغير !!

Quote: ما شاء الله عليك وعلى شعرك الجميل وحا أحاول أقرأ السطور الفوق دي كااااااااااااااام مرة عشان يترسَّخ الفهم

سأكون سعيدة جدا ان قرأتى صدق انفعالاتى وجنون تخيلاتى ياصديقتى ..فقط كونى هنا دوما واشكرك على الاطراء اللطيف

Quote: ودمتي !!! فأنت لا تحتاجين لناقِد !!!! وهم من يحتاجونك

انا لست أكبر من النقد يابنت العرب ولاأرفضه ..شريطة ان يحمل الناقد فى يده اليمنى اداة البناء وليس معول الهدم ..وواحة الابداع ليست حكرا على أحد وهى تسع كل من رأى فى نفسه المقدرة على كتابة حرف ورسم صورة تلامس دواخل البعض وليس الكل !!

الاكرم النبيل صديق رحمة النور

Quote: صدر تحت توقيعي ، فأن صابت نهديها لأختنا نادية وأنا أخطات فلي أنا ولكم العتبى حتي ترضون .... صديق رحمة النور ...

سلمت من كل شر ايها الرجل المفضال

مرورك وتصفحك لبعض دفق مشاعرى وصدق انفعالاتى بث فى روحى سعادة كبيرة جدا

هديتك مقبولة جدا اخى صديق .. هى قراءة عميقة لامست دواخلى وجعلت دمعة تفر من عينى لاحساسى بأنك لامست اوتار روحى وقلت ماعبر عن مشاعرى حقا

لك من الود كثيفه ومن الاحترامات اكثرها .. وتسلم

رسالة حب للبلد

لمتين يا وطن .. أعرج كسيح تتوكأ؟
عُكازك عمى .. وسيوف حماك مكسورة
لا المُدُن العتيقة اتوسَّدت تاريخها
لا الخرطوم بهية .. يَطُق يَبَقْبِق نورها
أحزانك تلف قلب الرضيع الشايب
ما اللبن اندفق .. من بدري فضت الكََُورة
* * * *
يا حليلِك بلد .. دون البلاد مخروبة
وخصوبة العروس .. عدمت وجاتها البورة
بالدم خضبوك .. واحتفلوا بي أمواتك
الولد الشهيد .. أقرو لو عشرين سورة
الجرتق رُصاص .. يا أم دُر حليل الدَّرَقة
وسيوف الخليفة .. كلابها جات مجرورة
* * * *
الجنة البعيدة .. الحُلم وعداً كاذب
أعمالك نجاتك .. والكتب مفرورة
الحياة حلوة ليه نطفيهو صحو بريقها؟
والشمس الشروق استعجلت في بكورها
* * * *
يا بلدي الكسيحة .. كفاكي تَحْبِِي تَتَأتِي
سبقوك العيال .. يا البي الوسع مغرورة
مليون ميل مربع ،، غُصن شايلها حمامة
جات ركَّت حِدَّية .. وخنقتْ العصفورة
* * * *
يا ورود الشِّتا الأحمر جهنمي لونك
المطر الخريف بيحوِّلك قندولة
يا فراشة الآراك .. حرقوكي أهلك وناسك
والحالة العليك .. يا بلدي ما معقولة
حيتان البحور .. أكلت صغار أسماكها
وشليل وَكْتِ يقع .. راجياهو خمسين غولة!!
* * * *
يا وطن الجدود .. نادهاك بإسم أولادك
الغُبُش السُمر .. سمحين خصال ومقولة
قومْ انهض كفاك .. ما تبقى زول متكاسل
ألوان بهجتك .. بهتت بقت مجهولة
قوم انفض غُبار جسمك .. وشوف جيرانك
الصحراء اليباب .. صِبْحَت بلاد معمورة
* * * *
يا البلد العظيم أنا لو بلومك وابكي
شان تصحى وتفوق .. ياني العليك مجبورة
بَحِبِّك يا بلد ... ولو كان قِسيت في عتابي
دايراك تبقى فوق .. ذي البتول مستورة
يا نخيل الشمال .. احرس سماها بلادي
والمطر الرُّشاش .. بيظهر ورود مغمورة
وارجع أشوف سماك .. زي الكهارب يبقبق
وعُكَّازك بصير .. وسيوفو ما مكسورة!!!

نادية عثمان مختار كأنها تكتب للصحافة بلغة الشعر وتستعير مفردات الصحافة في نظم قصائدها .. معانيها واضحة، وحروفها حارة، وصورها جريئة.

فضل الله محمد

سمي العزيز معتصم الطاهر ..

الأستاذة الحبيبة نادية عثمان ..

تحياتي وتقديري العميقين ..
من حسن حظي ودواعي سروري أنني وقفت على تجربة سمي النقدية عن قرب ..
وشاهدته كيف كان يتحرك بين الكلمات ليخرج لنا بهذا الكم الهائل من الإبداع ..

Quote: تبقى الحقيقة الزور .. ولون الوهم مفضوح كل النجوم عاهرات .. والقمرة عريانة لامة الغيوم فى البيوت .. فستان زفافها برِق وخزاز مطر وجروح

Quote: (مرة تبقى ابوى .. أحبّك .. ووكت أحسك أخوى .. بريدك . وأغلب الأحيان بحسّك.. فرحتى وفالى وجديدى .. زول صغيّر دايرة ألولى .. أشيلو فى حضنى وأبوسو ووكت يروح أطلع أكوسو )

وزي ما قال سمي بأن نادية تملك المفردة الجميلة السهلة والتي تلامس الوجدان مباشرة ..
ويظهر ذلك جلياً في المقطعين السابقين ..
هذه الكتابة النقدية نحتاج لمثلها حتى تعم الفائدة الجميع ..

التحية لسمي العزيز ..
وللأخت الحبيبة نادية ..

الغالى معتصم دفع الله


تسلم على المرور المفرح ياعزيزى

Quote: من حسن حظي ودواعي سروري أنني وقفت على تجربة سمي النقدية عن قرب .. وشاهدته كيف كان يتحرك بين الكلمات ليخرج لنا بهذا الكم الهائل من الإبداع

للباشمهندس ولك اخى معتصم كل التجلة والتقدير

وانشاء الله مااعدمكم ابدا يارب..

الأستاذ والباشمهندس الجميل معتصم الطاهر : لك منى الود أجمله والحب أكمله لهذه القراءه المدهشة والهديه القيمة.

شاعرتنا وأديبتناالراقية نادية

لست بناقد ولكني متذوق واعشق شعرك واجد نفسي فيه كثيرا وأبحر مع موسيقاه المتناغمة وأستاذنا الباشمهندس معتصم الطاهر اتى لنا بالمفيد ونثمن سرده وقراءته التفصيلية لبعض أعمالك .. سأفرح كثيرا لو امتلكت نسخة من هذ الديوان ورغم اني طلبت منك اكثر من مره إرسالها وساكون لحوح وأظل أطلبهاحتى تستجيبي لطلبي ولن أمل من الطلب..
في انتظار الديوان الثاني .. وما بين الأول والثاني نتمنى أن تشرفينا بالزيارة والتي طال انتظارنا لها بالإمارات .

عنواني مره أخري

الإمارات العربية المتحدة
دبي ص ب 28428
فريد عبد الحميد الطاهر

الاكرم العزيز فريد ود المسيد

اسعدنى مرورك الباهى ايها الرجل النبيل .. الشفيف الدواخل

Quote: لست بناقد ولكني متذوق واعشق شعرك واجد نفسي فيه كثيرا وأبحر مع موسيقاه المتناغمة وأستاذنا الباشمهندس معتصم الطاهر اتى لنا بالمفيد ونثمن سرده وقراءته التفصيلية لبعض أعمالك .. سأفرح كثيرا لو امتلكت نسخة من هذ الديوان ورغم اني طلبت منك اكثر من مره إرسالها وساكون لحوح وأظل أطلبهاحتى تستجيبي لطلبي ولن أمل من الطلب.. في انتظار الديوان الثاني .. وما بين الأول والثاني نتمنى أن تشرفينا بالزيارة والتي طال انتظارنا لها بالإمارات .

من دواعى سرورى ان تبث اشعارى السعادة فى نفسك الجميلة

والشكر للباشمهندس معتصم الذى اتاح لى الفرصة لاعرف من منكم تداعب أنامل قصائدى دواخله المرهفة !!

اما عن زيارتى للامارات فهى قريبة بامر المولى .. بس دعواتكم

اما عن الديوان فوالله اننى ابحث عن يد امينة توصله لك فى مكانك بدلا عن البوستة التى اثبتت بالتجربة انها غير مجدية

واذا كان لديك احد فى المملكة فالكتب موجودة لدى الاخ معتصم فى الرياض والاخ قرشو فى جدة

وتسلم من كل شر يارب

Quote: ووكت يروح أطلع أكوسو

تحياتي
علي هذه اللغة
المفرحة..
وهذاالقلب المرهف
لك مني خالص الامنيات
علي عجب

الكريم على عجب


ت

Quote: حياتي علي هذه اللغة المفرحة.. وهذاالقلب المرهف لك مني خالص الامنيات

سعادتى انا دون حدود .. لان لغتى البسيطة قد بثت الفرحة فى دواخلك الطيبة

والف شكر على المرور الباهى

كن بالف خير

طاقة وخيل ونجماية

تِدَّسَّا روح ..
ما بين طقاطيق السَّما المفتوح
وينقح بالألم قلب العشم مجروح
صِدْق الوجيع.. وَجَع الصديق.. يضحك سنونو سواد
ولو مرة يبكي عليك.. عيونو دامعة تنوح
* * * *
شلعت بيارق الضو.. لمَّت خيوط النور
ضحكت نجوم الليل.. ووجمت أماسي البوح
تعشق صَبِيَّة ولد.. جوَّة الوريد وردة
يبقى الحِلم شاطح.. خيلاً لِجَامو جموح
يرقص وهج مجنون.. أهزوجة تملأ الكون
درب السديم تَوَهَان.. شمسك غموضها وضوح
كم طاقة وِلْدَت نور.. كَوَّةْ فرح مغرور
تبقى الحقيقة الزور.. ولون الوهم مفضوح
كل النجوم عاهرات.. والقمرة عريانة
لامَّة الغيوم في البيت.. فستان زفافها برِق
وخزاز مطر.. وجروح
* * * *
عشق المدينة جنون.. بَعْشَق مجون دنياك
صدر السما السكران.. لو تحضنو زنابق
بتشُم عبير مطرو.. من خشمو ريحتو تفوح
تدَّسَّا روح الروح
وطاقة سماي مفتوح
ينقح ألم قلبي
ويبقى العشم مجروح!!!

الشوق بحر

دَفَق شوقي البحر يا زول .. كِبِر واتعاظم الإحساس
كلامك لَيْ حلاة القول .. حروف يتغنُّوا بيها الناس
ده ريد اتجاوز المعقول .. واصبح في حياتي أساس
* * * *
لقيت فيك الحنان والريد .. والحِنِّيَّة من غير حد
بحبَّك همس ولمسة إيد .. بحر الشوق كتير المَد
هلاَّ الحب صباح العيد .. بريدك في الهِزَار والجد
* * * *
تعال ما تضيِّع الأيام .. بدورك مني دِيمَة قريب
بعيشك واقع الأحلام .. واضُمَّك في الحنايا حبيب
كفاية عليك شقا وآلام .. معاي تَلْقِى السعادة نصيب !!

غرام الروح

يازبد البحر ماترغي في الفاضي
يا همس النسيم وشويشك الهادي
خَجَّل خَجَل صدفي البِكِر
يا صدفة ما أروع لَمَاك وعبقك النادي
يا لؤلؤة .. يا بضة .. آه
يا موجة ما تقِلِّى الأدب وكفاكي تتمادي
***
يازول أُجَاج هُوي يا بحر ....أحلف قسم إنك على الأسرار ولد
قول يا بحر إنك براك قادر تكون اللجة والطعم الكعب
وقادر تكون عسلا شهد
أحلف وكون صادق قسم ...واديني من عمقك مدد
قَدِّرني يا بحر الجلد
أصون جناي الاتولد
ما من سفاح لا يا بحر ..
الود حلال في قلبي شلتو وفى الصميم
وَهْنَا على وَهْن احتملت عذاب سنين
هَزّيت إلى الروح بالجِزِع وفرشت رمش العين مهد
وجاني الولد
***
نازل من الرحم العقيم ما كان بظن يلد الجنا
وبعد الرتابة وجور تصاريف الزمن يجد الهنا
يفرح يعيش الأمنيات والنشوة والحب والمنى
***

آه يا بحر .. جنايا ما كان من سفاح
ختاهو ربي في قلبي والحب ود حلال
جنايا مخلوق من معاني الرقة والكلم المهذب
والتعابير التجسِّد أسمى آيات الجمال
جنايا معجون من خصال الطيبة والأدب الحلو
وقريب مصافات الكمال
***
آه يا بحر .. صون سري أوعك تكشفو
خليهو في جوفك هناك مبلوع سمك
واحذر شباكك تعرفو
خليهو بكشفو يوم براي
ولو قلتو إنت غرامى حتما تنسفو
***
آه يابحر.. جواك ختيت سر غرامي ونشوتي
ورغم الأجاج جواك سيف الحب ندي
سيفي المهند دون جفير حاشاهو ماكان يوم صدىء
آه من غناهو وقول كدي
زولي المسالم والمصادم المشاكس والهدىء
آه من غرامو السرمدي
***
جد يا بحر.. ما من سفاح مولود جناي
بل من قناعتي ومن رضاي
فرحا مسح حزني وشقاي
أهزوجة بى أحرف غناي
خليك شاهد يا بحر .. هذا الولد مرجوع نِداي
ولدتو من أعماق حشاي
فارس من الزمن النبيل
خلقوني من ضلعو العديل
وربطوهو بالشريان معاي!!!

ندوية

انداحي....... وانشاء الله نحن نلحق افئ

سجيمان العزيز

Quote: ندوية انداحي....... وانشاء الله نحن نلحق افئ

اها انا انداحى دى فاهمها تب .. لكن انشاء الله انتو تلحقو شنوووووو؟!!

الحصاد المُـر

بِتَنبُش في الأرض طِفلة
بتلعب بالحَجَر حِجلة
حَصَاصَها عَقَابُو في الحفرة
وبالدس دس تنادي شليل
شليل وين راح؟؟ .. حليل زمنو !!
تمساح الفتن كتلو ؟
ولا الدودو المخيف أكلو ؟؟!
بقولوا شِرِق في بطن النيل
حليلو شليل!!
* * * *
لون المَحْلَب المدقوق صِبِِح أسود
وأم أحمد بكت بالدم
عشان أحمد رجع زي ناس عيونها خُضُر
وبدل يُمَّا بيقول (ماظر)
بكت مَلأ دمَّهَا المِنديل
حليل أحمد
حليلو وشليل
* * * *
كم طيراً هجر عُشُّو
وكم مِهْيَار ودَّع روح سماهو وطار
لا بِقَى في المدينة ولد يَشِد الحيل ..
لا أسداً يطاعن في خيال الفيل
رواكيب البلد وَقَعَنْ حصيراتها
برندات الولد وقفن عواميدها
تضاري الشمسة والقنديل
كتير واللهِ عليك يا بنية .. شيل الهم عليكي تقيل
حليل أحمد .. حليلو شليل
* * * *
زمان الفرحة ما وِدْرَن حكايتو !!
بقن ناس فاطنة حزنانات
وطاحونة الشتات تطحن .. تَدَقِّق في العضُم والرُّوح
وما بترحم سماح وخليل
تيران السواقي تدوس .. حوافرها غارزة في الأبدان
تشوِّه مَعلم الإنسان
وتِحْت الحافر المسنون .. يضيع الجيل وراهو الجيل ..
حليل أحمد حليلو شليل
* * * *
سيفاً دون جفير لامع .. بريقو الومضة تضوي الليل
ووعداً بالحرير مغزول
وشرط الخطوة للأحلام بتركب فوق جناح الويل
تطير أول تسيب جواك.. كُراعك تسرق الخطوات
تفتش لي جُحُر بي هناك.. وتسيب بوراك مليون ميل ..
حليل أحمد حليلو شليل
* * * *
في زمن الحصاد المُر .. تفتش لحظة في الأعماق
وجوة الروح تغوص أكثر
تقول يمكن تلاقي سعادة تبقى الزاد.. ولمسة حب بتعني جويل
وتعود تلقى البراح ضيِّق.. وكمان الحِجلة ما حِجلة
ولا أم الحُفر لعبة
تلاقي الطفلة ما طفلة
وأم أحمد بقت (ماظر)
والراكوبة شالها السيل
حليل أحمد .. حليلو شليل !!!

سودانا فوق

سلامات .. سلامات
يازول ممزوج بى ريحة الحب في وطن الشوق
سلامات للقامة المن حوليك.. وفى عينيك وطن ممشوق
سلامات تتجارى وتجرى عليك
تسكن في راسك بين أنفاسك.. وفي الطايوق
سلامات للنخلة وللقطية
وللقمر البلعن فى الشموسة الغاوية حروق
المطرة الطاشة ملانة دعاشة
تغازل الغيمة.. تعاين تضحك للسبلوق
سلامات للبلد الجانا عبيرها
نسيم كتاحة
شمس حردانة ومابية شروق
الوطن الحالف بكرة ينفّض كوم احزانو
يغَسِّل زهجو.. ويحلى يروق
سلامات للغنوة نشيد الدولة
أطفال الروضة اللابسين كاكى
يهللو يهتفوا .. عاش اللبن الأبيض عاش .. يملا بطن فاطنة وزروق
عاش الوطن الأغبش زولاَ .. حر فى الزنقة ولا مزنوق
وطن دم ولدو الغالي مصان.. لامهدور لابكون مدفوق
نشيد العلم الفينا بعيش .. عاش البلد الرائع فوق
فوق .. فوق .. سودانا فووووووق !!

(الشعر هو العملية التى تسبق عملية تحويل الدم الى حبر)
ت.س.اليوت
اتى ديوان الشاعرة نادية عثمان مختار الموسوم(ميلاد عصيب لرجل ما)فى ستة واريعون قصيدة منها اربعون قصيدة فى الحب وستة فى الوطن والسياسة.
الحب اجمل عاطفة على الاطلاق . تاتى بدرر صافية وراقية وشهمة, والمحبة مدرسة مهمة لتربية الذوق وبداية كل شاعر عظيم قصائد غزل وويل لمن لم يعرف الغزل الحقيقى الذى يزيد رهافة فى التقاط نواميس الحياة.
ولنادية فى ديوانها مملكة محبة عامرة بالحب والطمانينة والسلام.مشاعرها هى خريطة طريقها بالحلم والاحساس الرومانسى. بالبهجة وانتاج الفرح بنبض مالوف, وحماس مشحون ونزق. وفى مرافى قصائدها نضج ورنات, يشع نور كلماتها بالغبطة والاحباط احيانا.ووهجها وعطرها سكبته فى ثنايا مملكتها بنغم طروب. نجد اشعار الحب والرومانسية تتغنى وترفرف وتزقزق كعصفور جنة فى حبور وفى مهمة فرايحية,هذا متكأها الفريد عذوبة وسحرا افسدته فى راى باقحام ستة قصائد سياسية , فبدلا من ان تكون السياسة خادمة للشعر. نجد ان الشعر خدمها فكيف يخدم النقاء كيان فيه من التلوث وفرة ليت ميلاد عصيب لرجل ما كان كله مشروع امومة للاشواق والمحبة ولم يتعثر فى اوحال السياسة ويحتضن دميات لكان كله رونقا والقا وجمالا
ويربح الشعر السودانى شاعرة نشجعها بدفعها للامام دون تطبيل, لبلوغ صك الكمال
ختاما اغفرى لقلم حاد تجنى على حقك ومنزلتك وقدرك. لكنه مناصرا لاديبة وشاعرة ناهضة للسمو باشعارها,لحقل زاهرا ناضجا بدات تباشيره تلوح وثماره
تقطف وتطيب.

مطر قادم


عفوا .. ومعليش على التأخير

لكن والله كمبيوترى كان بايظ كالعادة !!!

برجع ليك تانى



سمح ؟!!

Quote: (الشعر هو العملية التى تسبق عملية تحويل الدم الى حبر) ت.س.اليوت اتى ديوان الشاعرة نادية عثمان مختار الموسوم(ميلاد عصيب لرجل ما)فى ستة واريعون قصيدة منها اربعون قصيدة فى الحب وستة فى الوطن والسياسة. الحب اجمل عاطفة على الاطلاق . تاتى بدرر صافية وراقية وشهمة, والمحبة مدرسة مهمة لتربية الذوق وبداية كل شاعر عظيم قصائد غزل وويل لمن لم يعرف الغزل الحقيقى الذى يزيد رهافة فى التقاط نواميس الحياة. ولنادية فى ديوانها مملكة محبة عامرة بالحب والطمانينة والسلام.مشاعرها هى خريطة طريقها بالحلم والاحساس الرومانسى. بالبهجة وانتاج الفرح بنبض مالوف, وحماس مشحون ونزق. وفى مرافى قصائدها نضج ورنات, يشع نور كلماتها بالغبطة والاحباط احيانا.ووهجها وعطرها سكبته فى ثنايا مملكتها بنغم طروب. نجد اشعار الحب والرومانسية تتغنى وترفرف وتزقزق كعصفور جنة فى حبور وفى مهمة فرايحية,هذا متكأها الفريد عذوبة وسحرا افسدته فى راى باقحام ستة قصائد سياسية , فبدلا من ان تكون السياسة خادمة للشعر. نجد ان الشعر خدمها فكيف يخدم النقاء كيان فيه من التلوث وفرة ليت ميلاد عصيب لرجل ما كان كله مشروع امومة للاشواق والمحبة ولم يتعثر فى اوحال السياسة ويحتضن دميات لكان كله رونقا والقا وجمالا ويربح الشعر السودانى شاعرة نشجعها بدفعها للامام دون تطبيل, لبلوغ صك الكمال ختاما اغفرى لقلم حاد تجنى على حقك ومنزلتك وقدرك. لكنه مناصرا لاديبة وشاعرة ناهضة للسمو باشعارها,لحقل زاهرا ناضجا بدات تباشيره تلوح وثماره تقطف وتطيب.

مطر قادم
وهاطل
وجميل
شكرا لحضورك فى مبتدأ الخريف
ومرحب بالقادم منك
وأنت تعزز قولى
واحبك
وأحبها ..

معتصم الطاهر الزول الرائع


وييييييييييييييييييييينك انت ياخى ؟!!!


عليك الله تعال .. الخلق بتسأل من سيد البوست ده !!!

العزيز مطر الخير الكثيف هطوله فى مواسم الجدب الروحى

Quote: الشعر هو العملية التى تسبق عملية تحويل الدم الى حبر) ت.س.اليوت

نعم .. هو كذلك .. وياله من قول !!

Quote: افسدته فى راى باقحام ستة قصائد سياسية , فبدلا من ان تكون السياسة خادمة للشعر. نجد ان الشعر خدمها فكيف يخدم النقاء كيان فيه من التلوث وفرة ليت ميلاد عصيب لرجل ما كان كله مشروع امومة للاشواق والمحبة ولم يتعثر فى اوحال السياسة ويحتضن دميات لكان كله رونقا والقا وجمالا ويربح الشعر السودانى شاعرة نشجعها بدفعها للامام دون تطبيل, لبلوغ صك الكمال

احترم قولك ولكنى كتابتى ليست حبا فى السياسة وانما عشقا فى الوطن وترتيلا باسمه الغالى ..


اشكرك كثيييييييرا على المرور الباهى

وكن بالف الف خير

الشاعر عبد العال السيد كتب ايضا بوحا جميلا عن مخاض الديوان يأتى به هنا قريبا ..

الاستاذة/ المرهفة/نادية
تجبرنا للقيام عندما تهطل سحائب اشعارها
ولاتحتملنا اقدامنا عندما نغوص فى اعماقها
ونحسها دفقاً وسيلاً وبحرا
ونصمت امام كل هذا الجمال المستفز
فهذه قدسية الاشياء
لك الله وانت يهذا السموق
ولك الله وانت تمدين هذا الامل اخضر بلا فواصل
فلنهيم معك فى هذا النزف الجميل
انه منا ولنا ومع كل الاتين من كل الدروب القاتمة

كونى لهم
مجدى الماحى

الاكرم مجدى الماحى


تحية سامقة سموق السماء .. وشامخة كنخيل بلادى

Quote: الاستاذة/ المرهفة/نادية تجبرنا للقيام عندما تهطل سحائب اشعارها ولاتحتملنا اقدامنا عندما نغوص فى اعماقها ونحسها دفقاً وسيلاً وبحرا ونصمت امام كل هذا الجمال المستفز فهذه قدسية الاشياء لك الله وانت يهذا السموق ولك الله وانت تمدين هذا الامل اخضر بلا فواصل فلنهيم معك فى هذا النزف الجميل انه منا ولنا ومع كل الاتين من كل الدروب القاتمة كونى لهم مجدى الماحى

لله درك .. ماهذا الكلام الرائع ؟!!

حقيقة اخجلت تواضع قافيتى واتخذ وجه قلمى لون الدم من فرط الخجل حيال هذا الاطراء الحميم الذى اظنه اكبر بكثير من قامة كتاباتى الطفلة !!!


لك منى الف مليون تحية

وكن مارا دوما من بيوتاتى فلوجودك طعم الترحيب الكامل ..

الاخ معتصم الطاهر والاخت نادية عثمان
كل التحايا والامنيات والود
كنت ابحث فى ديوانك عن ماهو لايعجب امثالى من محبى الاشعار ووجدته وقلته لك.قبلها كنت اقرا حوار قديم مع الشاعر نزار قبانى الان اشرككما فى بعض منه للتامل:
اريد ان اغسل جسد الشعر من كل ما علق به من طحالب السياسة وذبابة الايدلوجيات الكاذبة ونقيق انصاف السياسيين وانصاف الثوريين وانصاف المتعلميين.
كذلك قال:
ان اعظم القصائد هى التى لم تلثم يد الخليفة بل تعضيها. ولا اعنى اشعارك لكن الفت نظرك للقاء ربما يعنى اناس وفى اولهم اهل الشعر لانه من احد امراء الشعر المؤثرين.
خلاص.المهم الشعر دائما على حق والعصافير لاتطلب ابدا تاشيرة دخول
الاخ معتصم لايفوتنى ان اسجل لك شكرى على كلماتك فى حقى ولك وللاخت نادية كل محبتى الاخوية وودى وتقديرى.

الاخ معتصم الطاهر
كل التحايا

Quote: يا نيل انت حى ؟ ولاّ مستعذب كتوفنا.. الدهشة غرّقت انفعالك..؟ لسه ماخدك طول وقوفنا؟ برضو بتصدق عيونك .. والبصيرة انسان شفيف .. مين طفاك يا نيل بدّل تراب الصحرا زيف ..! كيف تفتكر طرحة حبيبتك وانت بتغالب النزيف .. بين حافة القيف والمخاوف ولجة الموج المخيف .. أفرد ضفايرك .. ..... استفز.. اقدل فى شوارع دمى شيمة .. طوق قنيص وانا عز الغرق .. ضحك البداهة والرقيص .. نحن ؟ من طينك النىْ .. با قديم ؟ ةلاّ منّك بالأمــر " كن" جينا تيراب للنخيل .. استوينا فى حقل بُـن اصعد ضفافك يا وسيم واغسل غناى من مدن صنت شوارعها من وجيع ماتت بيوتا من الحزُن ساورنى فى شكى الخديع تاورنى فى الناس الجبن .. وانا ما انتخبتك للربيع و لااستخرتك فى الغبن يا نيل انت حى ؟

--------

Quote: " شبه النخيل الزين " مارق مسافر وين ‍؟؟ " خِلّـى .. التلاقى متين ؟ شان العِـداد ينتم .. مع عودة الوزين .. أو موسم التهجين ؟؟ "

Quote: كتابتى ما شحنته فى صباى و يفاعتى

نعم الطفولة المشرقة.التى تكون الاحتياطى المركزى والمخزون الاستراتيجى والمعين الروى والملهم لتجربة الشاعر المهندس معتصم الطاهر

مطر

برجع ليك تانى

Quote: المهم الشعر دائما على حق والعصافير لاتطلب ابدا تاشيرة دخول

Quote: نعم الطفولة المشرقة.التى تكون الاحتياطى المركزى والمخزون الاستراتيجى والمعين الروى والملهم لتجربة الشاعر المهندس معتصم الطاهر

صدقت يامطر ..

ولمعتصم الطاهر كل الود والتقدير فهو رجل بطعم النبل ولون الشهامة الحقة !!

مطر قادم

ونادية

هل هذا أنا ؟

ومِن مَن .. مطر ونادية؟

السقيا والدعاش ؟

يا ( بختى ) ...ّ!

Quote: يا ( بختى ) ...ّ!

انا ..

اسامة الخواض


اسامة الخواض


اسامة الخواض

اسامة الخواض

لم اكن اقصد غيرك وربى شاهد على مااقول !!!

Quote: السفن فى الضفة راسية ورفرفت أعلامها فوق جيت بقيت لى عمرى واحة ولى غريق أحلامى طوق

فيصل نوبى يارجلا بطعم الطيبة والنقاء السرمدى

كم انت طيب ايها الولد الحنون أبو أحمد!!!

كن دوما مارا من بيوتاتى فلوجودك طعم الفرحة الكثيفة جدا !

الست نادية بت عثمان أخوي
الف الف مبروك عليك و علي المكتبة السودانية
كلماتك الجميلة كل يوم أدينا بيت و إذا كان
من بيت الكلاوي يكون ظريف
أرمي قدام بي لغة العسكر
عمك حسن

الاكرم العم حسن الطيب يس


تسلم على المرور المفرح وربنا ماحرمنا من طلتك ابدا يارب

Quote: أرمي قدام بي لغة العسكر

انا اصلا بت عساكر والله ابوى كان شرطى ووصل صول كمان .. شفت اننا طلعنا قرايب كيف؟!!

شكراً علي الرد السريع و خفيف الظل
أصلو الحال من بعضو
كلنا اولاد عساكر و كمان من حلة الميري
(المابيعرف حلة الميري هي حلة الحكومة)

حضور ومتابعه
مع تحياتى

الزول الجميييييييييييييييييييييل هشام مدنى

Quote: حضور ومتابعه مع تحياتى

تحضر ماتغيب ابدا عن دنيتنا يازول ياراقى

وتسلم كتير

Quote: حضور ومتابعه مع تحياتى

هشام مدنى

ما هو مدى رحابة روعتك ..

بقدر جمال نادية ..

الرجل الجمييييييييييييل معتصم الطاهر


ياطاهر القلب وينك؟!!

حرام تهجر ضنينك!!!!!!!!!!

دعوني

اساهم في وجوده عاليا

ربما يخرج آخرين من احزان تجتاحهم
او يدخل حزن جميلا الي وعاء شعر ويصبغه
بجمال مميز







ولي فوق لان مكانك هناك
وشكرا

فيصل عباس شخصيا هنا فى هذا البوست المعتصمى الطاهر ؟!!

الف الف مرحب بالفرح والروعة التى قد عمت ديارنا بطلتك ياابن العم عباس

Quote: دعوني اساهم في وجوده عاليا ربما يخرج آخرين من احزان تجتاحهم او يدخل حزن جميلا الي وعاء شعر ويصبغه بجمال مميز

ياله من اسهام .. ويالك من مسهم فاعل فى دنياوات الجمال اخى العزيز فيصل ..!!

Quote: ولي فوق لان مكانك هناك وشكرا

كن فى الجوار دوما ومر عبر بيوتاتى يافيصل فلوجودك طعم الفرح المقيم ابدا !!