محمود نادر عباس@مريم بنت الحسين ثلاثة سنوات وعمر مديد

محمود نادر عباس@مريم بنت الحسين ثلاثة سنوات وعمر مديد


02-08-2009, 12:52 PM


  » http://sudaneseonline.com/cgi-bin/sdb/2bb.cgi?seq=msg&board=66&msg=1254461473&rn=0


Post: #1
Title: محمود نادر عباس@مريم بنت الحسين ثلاثة سنوات وعمر مديد
Author: lana mahdi
Date: 02-08-2009, 12:52 PM


مريوم و نادر بالله خلو اللبدة و أكل التورتات براكم(:(:(:(:
جاء محمود صغيرهما و صغيرنا حبيب قلبنا لعالمنا يوم 30/7/2006م في الساعة 06:03 مساءً و لسة متذكرة الزنقة يا مريوم...
طبعاً انا كأقلية في البيت متعاطفة معاك كأقلية في البيت:):):)
ربنا يحفظو لينا و ليكم و لعمي دكتور أحمد و لخالتي و لكل أهله و محبيه ربنا يحقق أمانيكم و يكبرو ونشوفو أحسن زول في الدنيا
هابي بيرث داي تو يو بيبي


Post: #2
Title: Re: محمود نادر عباس@مريم بنت الحسين ثلاثة سنوات وعمر مديد
Author: خدر
Date: 02-08-2009, 08:25 PM
Parent: #1

كل سنة وانت طيب يا محمود و عندي ليكـ وصية مهمة
قدر ما تقدر عّذب لي الجوز اللوز المسئولين عنكـ امام الله والوطن ديل (الوالد و الوالدة)
حركات - لِعب - لُعب - بزز - شُرابات - بابمبرز - سِفنجات - .. الخ
قدر ما تقدر طّلع لي عينهم , انا بكون مبسوط جداَ
تعرف يا ابوحميد
اللطيف في الموضوع انو تاريخي ميلادي يوافق تاريخ ميلادكـ بس انت إستعجلت أكان 4 او 3 ايام قبلي
عمكـ خدر مرق للدنيا يوم 3/8 و لذا وجب عليكـ إهدائي النصح تبعا لفروق الوقت
كل سنة و محمد طيب يا جدو او يا (دكتور)





يا لنا
Quote: محمود نادر عباس@مريم بنت الحسين ثلاثة سنوات وعمر مديد

قصدكـ & ولا @ جهجهتينا معاكـ
إتصلحي معانا شوية بلاهي

Post: #3
Title: Re: محمود نادر عباس@مريم بنت الحسين ثلاثة سنوات وعمر مديد
Author: مؤيد شريف
Date: 02-08-2009, 08:46 PM
Parent: #2

عيد ميلاد سعيد لمحمود

وعقبال المدرسة وما بعدها

تحياتي العزيزة لنا

Post: #4
Title: Re: محمود نادر عباس@مريم بنت الحسين ثلاثة سنوات وعمر مديد
Author: 3mk-Tango
Date: 02-08-2009, 09:05 PM
Parent: #3

الف مبروك ياخ

والله لحدي اسه بتذكر حفله القريه الخضرا والميرندا .. ياخ اقول ليكم حاجة لي اسه
بتذكر بتاع االنت البقعد بنتظر نادر للصباح داك لووول ... زمن سريع ياخ ..

ميلاد سعيد وعمر مديد محمود وام محمود وابو محمود .. طول العمر وربنا يديكم العافيه

Post: #5
Title: Re: محمود نادر عباس@مريم بنت الحسين ثلاثة سنوات وعمر مديد
Author: حمد فتح الرحمن
Date: 02-08-2009, 09:27 PM
Parent: #4

كل سنة و انت بالف خير يا محمود
و ام امحمود و ابو محمود بالف خير



شكرا ليك لنا

Post: #6
Title: Re: محمود نادر عباس@مريم بنت الحسين ثلاثة سنوات وعمر مديد
Author: هيثم درار
Date: 02-08-2009, 11:03 PM
Parent: #5

كل سنة وانت طيب يا حوده عقبال مية سنة


هسى فى الحفلة ديك لو كنا عارفين كنا جبنا ليهو التورتة بدل البروستد (الحراق ) الجابو بدرى داك

على العموم الجايات اكتر من الرايحات

Post: #13
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 00:12 AM
Parent: #6

الاخ هيثم ... هههههههههههههه... محمود اول زول جرب البروستد المشطط.. وبعداك طلعنا المخزون بتاع العصير حقه من الشنطه.. لما مشى لأبوه .. حاول يديه ياكل.. قام قال لي "حاااااااره"... لكن طبعا كان متعشي في البيت.. وامورنا تمام.. تتصور ما فكّرنا فيها! كان فعلا ممكن نغني ليه .. وتكون مناسبة جميلة وسعيدة ليه..

Post: #7
Title: Re: محمود نادر عباس@مريم بنت الحسين ثلاثة سنوات وعمر مديد
Author: وجن
Date: 02-08-2009, 11:46 PM
Parent: #5

كل سنة ومحمود طيب يا مريوم
عقبال مئة شمعة يا رب
عقبال ما تفرحي بيو وتسيريو
والعمر المديد لك وله ولوالده
ومنتظرين التورته
مشكوره يا لنا على الخبريه

Post: #14
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 00:45 AM
Parent: #7

وجن العزيزة... شكرا على التهنئة الموغلة في السودانية اللزيزة :)...

يلا النبدا بيك قصة عيدميلاد حمودي.. انا كنت ناوية احكيها لما اتجاوز الالم النفسي السببته لي القصة دي...

الحضانه بتاعت حمودي بتعمل عيدميلاد للأطفال كل مره، مع اصحابه.. وبتكون مناسبة للأطفال يعملوا حاجات كتيره.. محمود بحب العيدميلاد شديد.. ويادوب السنة دي بدا يفهمها.. قررت من بدررررررررررررري اني اعمل ليه العيدميلاد في الحضانة.. رغم انه عيدميلاده دايما واقع في الاجازه... فعملته ابكر بشهر تقريبا... ولأني زوله مهووسه تخطيط.. وبقضي في وقت كتير.. جننته الموضوع ده وقتلته بحثاً وتخطيطاً... وطلعت بحاجتين... حأعمل تصميم حلو لصورة حمودي.. ونطبعها ليه في كيكه كبيره.. من محل حلويات ظريف.. والتصميم فيه الشخصيتين المفضلات لمحمود.. وهو ميكي ماوس وميني... وفعلا طلبت من مازن اخوي عمل لي التصميم والكيكه طلعت كده






الحاجه التانيه.. عملت ليه ساندوتشات بي sandwich maker في وش ميكي ماوس.. واقع واقوم واقوم واقع... وطلعت كده




الحصل .. انه بسبب نقتي الكتير... وقعت الكيكة في الواطة، جنب باب الحضانه.. واتبهدلت.. وروحها مرقت... وده شكلها

الكيكة الكانت كده



بقت كده




طبعا منظر محمود وانا داخله شايله الكيكه وهي معفصه.. لا يمكن انساه.. ومشيت الكلية بكيت لما الله غفر لي.. وزميلاتي ضحكوا فيني لما الله غفر ليهم... وحسيت بذنب خرافي.... رغم انه محمود اتبسط شديد.. لكن دي النقة الكتيرة.. انا اصلي عندي قناعة انه اي شي بخطط ليه، بطرشق ابشع طرشقة.. وبخرب تماماً.. لكن الخلا عادته قلت سعادته...


شكرا ليكم جميعاً.. والله اسعدتوني سعادة ما ليها حد..
وشكرا princess Lana

Post: #15
Title: Re: محمود نادر عباس@مريم بنت الحسين ثلاثة سنوات وعمر مديد
Author: وجن
Date: 03-08-2009, 03:44 AM
Parent: #14

ما تزعلى يا مريوم
طالما هو فرح خلاص
وعموماً شكل التورتة حتى بعد ما وقعت مقبوله والله وصورتوظاهرة

التخطيط مهم والله بس نحن بنزوده شويه ونديها حبة هوس ماليهو لزوم
عيد ميلاد بتي الأول عملتو ليها رغم إنها مافاهمة هو شنو بيني وبينك كدة بكون عملتو لنفسي
أها ماقصرتا في القومات والقعدات من مخبز لمخبز وصحون وتغليف
وفستان زفاف وأكسسواراتو كان ناقصة بس الكوفير وعزمتي فلانه ونسيتي علانة
أها ياستي 3 يوم قبل الحدث أنا لافه أبوها قال لي أنت تعالي النسالك دا عيد ميلاد كده
العرس كيف غايتو كتلني بالضحك لأن السؤال كان جادي جداً
أها يا ستي الله يخليهم لينا هم بهجة حياتنا
ويفرحوا وينشروا الفرح للجميع
وسلمتى ياغالية
وبوسي لي بالله

Post: #24
Title: Re: محمود نادر عباس@مريم بنت الحسين ثلاثة سنوات وعمر مديد
Author: نادر
Date: 03-08-2009, 09:12 AM
Parent: #14

هاهاهاهاهاهاها
انتحاري فجّر الكيكة

Post: #12
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 00:09 AM
Parent: #5

شكرا يا ابو العروسه.. والله انا بنتيك دي عاجباني عجب.. قلت لنادر، بتذكرني بنفسي وانا صغيره... عندي صور كده بشبهها فيها.. انا عارفه روحي بتسلبط ساي.. لكن المهم في القصة .. انه فرويد بقول انه الراجل بتزوج شبهة امه.. دحين احنا حجزنا البنية للولد من حسي...

Post: #11
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 00:06 AM
Parent: #4

والله يا تنقو ضحكته لما دموعي جرت...

قلت لي متذكر الميرندا.. وسيد النت... والحفلة الصبّاحي... الفيديو ده وين، كان عندك موش؟

انت مختفي وين.. ؟

Post: #10
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 00:02 AM
Parent: #3

الأخ مؤيد .. شكرا على التهنئة... ومحمود فعلا شهر تسعة الجاي حيبدا أول خطوة في طريقه للمدرسة.. بدخل الnursery ... بعدها kg1 وبعدها kg2... ما بعيد.. قريب ده بنفتح بوست دخوله سنة أولى... الزمن بجري سريع

Post: #9
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 02-08-2009, 11:58 PM
Parent: #2

مولانا خدر.. كل سنة وانت طيب.. وربنا يطول في عمرك.. لكن ما قلت لينا سنة كم.. محمود مولود 2006...

أما من ناحية الوصية.. مطبّقها بحذافيرها.. صحي انتهينا من قصة البامبرز والبزز دي.. لكن شغالين جن من نوع آخر... وآخره قبل ساعة بس كنت بمسح الواطه.. لانه محمود للمره الرابعة رسم لي فيها بالألوان... وقلت لنادر، إما أنا بتحمل في تبعات انتاج فنان جديد للدنيا دي.. او الله ساي غضبان علي في حاجه، وبدفع في ثمنها,,,

عليك الله بتتذكر الشبشب حقي داك الجننتني بيهو.. الليموني؟

Post: #8
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 02-08-2009, 11:55 PM
Parent: #1

والله يا لنا خليتي دموعي يجروا بالبوست الجميل ده.. يا سلام ياخ.. اصلك ما بتنسي اليوم ده.. والساعة كمان... نادر لحدي حسي بضحك على التلاته دقايق دي..

انا فعلا اقلية في البيت... لكن الاقلية الحاكمة :D

الاتنين نايمين عشان كده ماخده راحتي... ولا نامت اعين الجلابه


Quote: مريوم و نادر بالله خلو اللبدة و أكل التورتات براكم(:(:(:(:


النوريك قصة تورته محمود دي... والله قصة ولا في الخيال.. بجيك بيها بالصور بعد شويه...

تسلمي يا أم الوليد... ونلاقيك قريب.. انا جاياكم بهناك

Post: #16
Title: Re: محمود نادر عباس@مريم بنت الحسين ثلاثة سنوات وعمر مديد
Author: نادر
Date: 03-08-2009, 04:42 AM
Parent: #1

سلامات ومراحب يا لنا مهدي
ياخي شكراً كتير على اللفتة البارعة دي ..إن شاء الله نبارك ليك عرس الوليد مش عيد ميلادو وبس ...
كل سنة وأنت بخير يا حمودي وزايد جن وشقاوة...

Post: #17
Title: Re: محمود نادر عباس@مريم بنت الحسين ثلاثة سنوات وعمر مديد
Author: jini
Date: 03-08-2009, 06:11 AM
Parent: #16

حفظه الله وادامكما عليه وجعل الله كل ايامكم أفراحا
جنى

Post: #18
Title: Re: محمود نادر عباس@مريم بنت الحسين ثلاثة سنوات وعمر مديد
Author: Omar Bob
Date: 03-08-2009, 06:22 AM
Parent: #17

سلامات يا مريم ونادر
عيد ميلاد سعيد لمحمود وعمر مديد وحافل بالانجازات كمن يحمل اسمه
طبعا انا بدعو الله انو محمود يشيل حكمة مريم لانو لو شال حماقه نادر تبقي عوجه
فيا مريم شدي حيلك شديد وابذلي الجهد مضاعف

____________________________________
يا نادر:
احسن الله عزاكم في دكتور عثمان مختار للاسف جيت السودان بعد مغادرتك ليهو بقليل

Post: #19
Title: Re: محمود نادر عباس@مريم بنت الحسين ثلاثة سنوات وعمر مديد
Author: عبدالله عثمان
Date: 03-08-2009, 07:07 AM
Parent: #18

كل سنة و انت بالف خير يا محمود
و ام امحمود و ابو محمود بالف خير



شكرا ليك لنا

Post: #44
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 09:39 PM
Parent: #19

عمو عبدالله عثمان.. ألف شكر ليك.. ونبارك ليك كل جميل

Post: #20
Title: Re: محمود نادر عباس@مريم بنت الحسين ثلاثة سنوات وعمر مديد
Author: ALZOLZATOO
Date: 03-08-2009, 07:16 AM
Parent: #18

حبيبنا نادر واختنا مريم

مبروك لي ابننا محمود وعقبال مية شمعة

لكن الشموع دي طفوها ناس الدفاع المدني ولا شنو عفسطو التورته كده


تحياتي الاكيدة

زاتوووو

Post: #21
Title: Re: محمود نادر عباس@مريم بنت الحسين ثلاثة سنوات وعمر مديد
Author: محمد الجزولي
Date: 03-08-2009, 07:39 AM
Parent: #20

كل سنة و( محمود) بخير وسعادة .. وأمو وابوهو بوافر الصحة ..


وشكراً( لنا) ..

Post: #22
Title: Re: محمود نادر عباس@مريم بنت الحسين ثلاثة سنوات وعمر مديد
Author: سارة كرودى
Date: 03-08-2009, 08:45 AM
Parent: #21




وكل سنة ومحمود بألف خير وربنا يحفظو ويخليه .. ..

Post: #23
Title: Re: محمود نادر عباس@مريم بنت الحسين ثلاثة سنوات وعمر مديد
Author: khaleel
Date: 03-08-2009, 09:02 AM
Parent: #22

ليلة ميلادك يا حبابا

عقبال تطفي الشمعة المائة

الف مبروك نادر الف مبروك مريم

Post: #49
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 09:54 PM
Parent: #23

خليل تحية.. وشكرا على المرور

ربنا يبارك فيك.. وفي كل احبابك...

Post: #48
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 09:52 PM
Parent: #22

العزيزة ساره.. شكرا على البلونات والتهنئة..

اول مره اصادفك.. نستغلها فرصة واقول ليك مرحب بيك معانا

Post: #47
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 09:49 PM
Parent: #21

وانت بخير يا محمد الجزولي..

شكرا ليك على التهنئة..

خالتي شامه حسن.. بتحب تقول ليه اسمه كامل "محمود نادر"... :)

Post: #46
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 09:46 PM
Parent: #20

اخونا الزاتوووو... شكرا ليك على التهنئة..
وان شاء الله نجيك في السمح...

ههههه الكيكه ما طفوها الدفاع المدني.. على قولة نادر، شكلها كانت في غزه

Post: #26
Title: Re: محمود نادر عباس@مريم بنت الحسين ثلاثة سنوات وعمر مديد
Author: نادر
Date: 03-08-2009, 09:44 AM
Parent: #18

تسلم عمر بوب ع التهنئة
أنت أصلك ما بترتاح لو ما سمعتني راتبك ده، ع العموم all in all كده نحنا والله بتنا دي ندمانين وسافين التراب في وريطتنا ليها معاك دي .. بس نقول شنو القبت قبت
شكراً ع التعزية في الفقيد العزيز د. عثمان مختار، ونسأل الله أن لا يريكم مكروه في عزيز لديكم ... وتحياتي لي بتنا ولي الأولاد.











Post: #27
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 10:31 AM
Parent: #18

عمر بوب.. سلام.. ياخ انت لازم الراجل ده تقوّم لي نفسه كده كل مره... بعدين سياسة فرّق تسد دي شنو... انت ناسي انت متزوج من عندهم.. يقوم يحرّش ليك الدكتوره بت عمّه تبقى في البحلّك...

بعدين نادر الحماقة خلاها... اسأل منّه بنات اهله.. جونا زيارة ما عرفوه... :D... الحماقة اخدتها انا زي ما هي.. خربنا بعض! البركة في محمود...

Post: #25
Title: Re: محمود نادر عباس@مريم بنت الحسين ثلاثة سنوات وعمر مديد
Author: نادر
Date: 03-08-2009, 09:13 AM
Parent: #17

تسلم يا جني على مرور المفرح ودعواتك الجميلة ... جمعاً إن شاء الله يا جني لكل ولمن تُحب

Post: #28
Title: Re: محمود نادر عباس@مريم بنت الحسين ثلاثة سنوات وعمر مديد
Author: Mohammed Elhaj
Date: 03-08-2009, 11:10 AM
Parent: #25

كل سنة وانت طيب يا محمود نادر عباس/مريم بنت الحسين، أخونا في الأول مع انو عارفين انها هي التعبانة وتعبت فيك أكتر، دا طبعاً واضعين في الاعتبار انك بتعيش في طفولة وحتعيش شباب بيشبه شباب أبوك المبكر (خمي وصري يا مريم) طبعاً حبوبتك لابوك برغم انها ما كانت بتنادي أبوك غير يا "بطل" لكن من ناحية تانية كان حوام ولواص والكورة مالية راسو (لو ما شوية كان حيكون لاعب كورة مشهور زي حامد بريمة مثلاً وبيكون اعتزل باي ناو وشغال مدرب ولا محلل كروي ولا مذيع في عالم الرياضة لووووووووولز) لكن الناس يا محمود عندها دايماً المقدرة على تغيير حاضرا ومستقبلا وسميك واحد من الناس الآمنوا بالحاجة دي وحاولوا ونجحوا في تطبيقا في حياتو وحياة مجموعة من الناس الحولو... عموماً أبوك ما عندو أي حق يزهج منك ومن شيطنتك وجريك وحوامتك قول مقولة حبوبتك الخالدة (رمضان شهر 30 يوم انت يا نادر ما فطرتا في البيت ، كانت فطرتا في البيت ولا اتعشيت يا نادر؟
عموماً آخر الوصايا يا محمود (من قبيل عايز اقول ليك يا حوتة بس الاسم الشايلو انت دا ما بيتدلع كدا، حتعرف مقام الشخص الانت شايل اسمو دا وحتفهم بعدين) تعب أبوك دا والعب معاهو كورة طواالي زي ما شفتك في كم فيديو وأي تعب كنت عايز تتعبو لي مامتك شوف ابوك وين وتعبو ليهو :-) ...
كل سنة وانت طيب تاني وعمر مديد وهديتك محفوظة مضروبة في 3 من عمك الانت ما شفتو غايتو كل الناس دي من جهة باباك ومامتك ماكلاك في هدايا عيد ميلادك برغم انو في اختراع اسمو بريد وتحويلات وحاجات زي دي ممكن تكبر شوية وتطالب بي حقوق هداياك بأثر رجعي ...
سلام

Post: #29
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 11:36 AM
Parent: #28

يا سلااااام يا عمو محمد.. والله ده رد مكتوب بمزااااج وفيه فضايح كتيره revealing!!! ايوه طلع لينا زي الاقوال المأثورة دي، عشان انا فاكيها فيني اخوك وبقول لي انا زول "بيتوتي"! لكن على قولتك، الناس بتتغير... :D

تعرف انا بأيد انه الزول يمشي في المجال البحبه... نادر عباس ده لو كان مشى في حبه للكوره، كان بقى رونالدينهو... ومؤمنه بانه مافي حاجه اسمها too late... نادر ده حسي دي لو اتجه للتحليل الرياضي او الصحافة الرياضية، يطقش ليك الناس الحايمه دي كلها.. واولهم مزمل الكل مره كاتبين عنه ده.. رغم اني ما بعرفه هو زاتو قصته شنو.. ورغم انه انا كرهتي في الدنيا دي، الكوره...

محمود نادر اهتمامه بالكوره اهتمام جايي مع رغبته في الازعاج وفي النشاط المستمر... لكن عنده اهتمامين انا عايزه استثمرهم واطلع منهم حاجه سمحه (ده التخطيط الوقّع الكيكه)... محمود بحب الفنون بشكل عام، اذنه موسيقيه، ويديه فيها فن ... بحب الالوان... بلقط اللغات بصورة لزيزه... وبحب حاجه اسمها مايكروفون، ومن بدري اتعلم to take a bow... يعني لما نصفق ليه، تلقاه طوالي انحنى ليك بشكل استعراضي كدكه!... عشان كده قلنا نقول لعمر الجزلي، زح كده لبعيد!!! عمر الجزلي منو كمان! حسن معوّض، ولا كريستيان أمان بور بتاعت CNN

.... :D:D:D....

الهدايا دي احنا جايينك قطر قرييييييب، جهزها بس وما تنط...

بالمناسبة .. بقيت بحب الopen source بعد ما اشتغل لي اخيراً :D


سلم على your better half


Post: #30
Title: Re: محمود نادر عباس@مريم بنت الحسين ثلاثة سنوات وعمر مديد
Author: lana mahdi
Date: 03-08-2009, 12:06 PM
Parent: #29

مريوم و نادر و محمود و الحبان كدي في حتة لازم نتلافها بعدين بجيكم زول زول:
Quote: وبحب حاجه اسمها مايكروفون، ومن بدري اتعلم to take a bow... يعني لما نصفق ليه، تلقاه طوالي انحنى ليك بشكل استعراضي كدكه!... عشان كده قلنا نقول لعمر الجزلي، زح كده لبعيد!!! عمر الجزلي منو كمان! حسن معوّض، ولا كريستيان أمان بور بتاعت CNN

مالك على الولد يا مريم دايرة تميلي بختو؟مالو و مال الشقاوة و البشتنة و ارتفاع الضغط و انخفاض السكر؟؟؟

Post: #31
Title: Re: محمود نادر عباس@مريم بنت الحسين ثلاثة سنوات وعمر مديد
Author: حمزاوي
Date: 03-08-2009, 12:16 PM
Parent: #30

الاعزاء مريم ونادر ومحمود
الله يعمر بيتكم ويسعدكم
نادر قريبي
محمود لازم يرطن
عشان يكون من اندنا

الحبيبه لنا
كيفك


Post: #32
Title: Re: محمود نادر عباس@مريم بنت الحسين ثلاثة سنوات وعمر مديد
Author: مزمل خيرى
Date: 03-08-2009, 12:25 PM
Parent: #31

كل سنة وانت طيب يا ود يا حوووووته
عمر مديد وسعيد باذن الله



نادر ومريم ربنا يحفظو ليكم من كل شر ..

Post: #33
Title: Re: محمود نادر عباس@مريم بنت الحسين ثلاثة سنوات وعمر مديد
Author: حاتم الياس
Date: 03-08-2009, 12:46 PM
Parent: #32

تهانينا لمحمود ونادر ومريم..ولخالة محمود لنا مهدى


وأنشاء الله محمود.. محمود بسيرتو وعمرو المديد

Post: #45
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 09:43 PM
Parent: #33

الاخ حاتم.. تحية وسلام...

ربنا يسمع منك ان شاء الله.. ويستجيب لدعاك ودعاءنا لما نتمناه من خير له.. آمين

Post: #34
Title: Re: محمود نادر عباس@مريم بنت الحسين ثلاثة سنوات وعمر مديد
Author: Mohammed Elhaj
Date: 03-08-2009, 01:58 PM
Parent: #32

أول حاجة سوري يا لنا مهدي فتناك مباشرة لمحمود وأهل محمود ، تحياتنا وان شاء الله انتي وأسرتك بخير وكل سنة وانتو بخير،
نادر بيتوتي لووووووووووووولز دي لو قالا قبل طاشر سنة كدا هو زاتو ما بيصدق نفسو لكن بعد داك فعلاً شكلو وصلا الميس اتذكرتا يا نادر أيام داو ديك واللمة الجميلة بتاعة الشباب الضايع ديك وهسة بتكوني انتي بتعرفيهو كويس طبعاً، بعدين محمود نادر اهتمامو بالرسم ما غريب أعمامو الاتنين تشاكلة كاربين يااخ وجدو (ما أنا جدو جدو) هو الورث الشلة دي حكاية الرسم لو شفتي الرسوم التوضيحية العاملا في كتابو عن المراكب مثلاً، نبتة كارم برضو شكلها اتأثرت بالمسحة بتاعة الرسم واللون دي واعقد واحد/ة من اولاد تهاني وهلمجرا، جميلة فكرة مراقبة ميول الطفل ومحاولة دعمها وتقويتها وتطويرا دي ودي بالجد فرصة جميلة ليهم لاكتشاف مواهبهم وميولهم من بدري وأخيرا بقى عندنا آباء طلعوا من حكاية دكتور ومهندس دي... (عندي واحد صحبي كان عايز يطلع عالم صواريخ ييس ياها زاتا البيقولوها الفرنجة it doesn't need rocket scientist ما عارف وسط كمية من الشفع (الوكت داك كانوا شفع ما أطفال) العايزين يطلعو دكاترة ومهندسين وظباط هو فجاة كدا عايز يطلع ركت سينتست مشى قرا فيزيا جننتو زيادا ولما لاقيتو آخر مرة قلت ليهو أخبار الصورايخ شنو اتس نوط تووو ليت قرب يصدق )المهم ما تجيبي للود سيرة عمر الجزلي دا بيقوم يلبسليك بدلة كبدية تقعدي تتضايري وانتي اتضايرتي من بدلتي العملتي لي لونا اخدر وهي يا سلام عليها كتان زي بتاع تجار المخدرات بس الكاميرا بتاعة كارم مخستكة.. قولي ليهو لاري كنج والذي منو ان شاء الله ديفيد العبيط بتاع الليت شو داك بي جزمتو الابيض بي أسود بتاعة ال 60ينات ديك اوعي من عباطة الاعلاميين السودانيين وبرضو يحاسب من اوبرا صحبتك بس لو لقى طريقة ولما في قروش زي قروشا تمام،
ويا ستي تعالوا بلدكم القديمة دي وندي محمود هداياهو من سن سنة لغاية سن التصويت ان شاء الله لما ييصلا تكون البلد بلدو دي ركت سم ويير.. ومبروك انو شغلك المجوبك ظبط، وكدا رضى، البتر هاف في لندن وبتسلم عليك..

Post: #43
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 09:34 PM
Parent: #32

الاخ مزمل.. تحية وشكرا جزيلا على التهنئة...
نبارك ليك كل جميل ان شاء الله

بنت الحسين

Post: #41
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 09:22 PM
Parent: #31

عمو حمزاوي ازيك (مسكاقمي)

انا الدايره اتعلمها، عشان انا ونادر نقطع في محمود من غير ما يفهم... محمود ده اصله ما بنعلمه رطانه, عشان شفع الزمن بعرفوا انجليزي من بدري...


(هيرريقو) لقيتني كيف

ههههههه

Post: #35
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 05:29 PM
Parent: #30

لنا ازيك.. مهنة جميلة مهنة المزيع... عالنا بشكل عام بحب المهن دي... الواحد بكون زول معروف ومشهور... مافيها ضغط ولا سكري.. بس كان بقى زي عمر الجزلي، بكون فيها بدلة كبدية ههههههه

Post: #36
Title: Re: محمود نادر عباس@مريم بنت الحسين ثلاثة سنوات وعمر مديد
Author: smart_ana2001
Date: 03-08-2009, 06:09 PM
Parent: #35

شكرا يا لنا على البوست...و ان شاء الله نحتفل بعيد ميلاد "بامبى" .....قريب.
العزيزه مريم ....كل سنة و محمود و انت و نادر....بالف خير.
ان شاء الله محمود يكبر و يطلع بار بيكم و بوطنه....
ان شاء الله محمود يكبر و يبقى مهندس مدنى " ذى سيد الاسم...الاستاذ/ محمود"*
_____________________________________
* معليش انا متخلفة جدا....و لسه عاوزه الناس تقرا طب و هندسة و كمبيوتر!

Post: #37
Title: Re: محمود نادر عباس@مريم بنت الحسين ثلاثة سنوات وعمر مديد
Author: Amira Elsheikh
Date: 03-08-2009, 06:43 PM
Parent: #36

كل سنة ومحمود طيب وربنا يخليهو
لمريم ونادر........

شكرا لنا مهدى

Post: #38
Title: Re: محمود نادر عباس@مريم بنت الحسين ثلاثة سنوات وعمر مديد
Author: Abu Eltayeb
Date: 03-08-2009, 06:52 PM
Parent: #37

Quote: انا اصلي عندي قناعة انه اي شي بخطط ليه، بطرشق ابشع طرشقة.. وبخرب تماماً.. لكن الخلا عادته قلت سعادته...


الف مبروك لمحمود و ام محمود و ابو محمود و جدود محمود و حبوبات محمود وكل المحاميد لكن يا مريم بشبه خالو محمود شبه شديد اظن مقولة الولد خال دي صادفت (شن طبق)
ام مسألة التخطيط دي لا بد منها رغما عن ان المخطط و احد, ما شفتي الزول القعد في الصلاه في انتظار شفاء و لدو حتي الموت, تسليم مع عدم استعداد

و دمتم

لطفي

Post: #51
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 10:03 PM
Parent: #38

عمو لطفي ازيك..
محمود ولدي البعرفوني بقولوا ما شال من نادر شي.. والبعرفوا اخواني بقولوا بشبه اخواني... والبعرفوا عمّه وليد (اخو نادر الصغير) بقولوا قطعة منّه...
الله يديه العافية.. رضّى على اهله كلهم ما خلى زول :)

Post: #39
Title: Re: محمود نادر عباس@مريم بنت الحسين ثلاثة سنوات وعمر مديد
Author: Mohammed Elhaj
Date: 03-08-2009, 07:02 PM
Parent: #37

آسفين يا سمارت انا 2001 ما الفكرة طبعاً، الواحد قصد بي بساطة فكرة اهلنا القديمة تجاه مسألة القراية واختزالا في تخصص أو اتنين، المسألة أنا قادر أفهم بقت كأنها هجوم مضاد من قبل الناس على التخصصات دي لكن الهجوم على مسألة الاختزال اللي الردي الزمن اتجاوزا والناس كمان بدون ما دا يؤدي لي انو المتمسكين بي حاجة زي دي متخلفين أو أي حاجة..

Post: #40
Title: Re: محمود نادر عباس@مريم بنت الحسين ثلاثة سنوات وعمر مديد
Author: smart_ana2001
Date: 03-08-2009, 07:33 PM
Parent: #39

Mohammed Elhaj
No apology needed
مع ان المقام مقام تهانى و امنيات طيبات لمحمود و اسرته....لكن ح اواصل فى موضوع القرايه ده شويه...و ما اظن مريم و لنا يكون عندهم مانع... I hope
ردى ما كان من زعل من كلامك...انا حقيقة (متخلفة) فى موضوع الناس تقرا شنو...العالم كلو moved on و بقو يخلوا الاطفال يدرسوا الحاجه العوزنها. و اظن انها حاجه كويسه. بس لما يجى الدور على اولادى ح احاول (بالترغيب و الدعاء) اخليهم يقروا هندسة او علوم كومبيوتر او طب (خيار اخير الطب). و السبب ان بلدنا محتاجه لمهندسين و لدارسى الكمبيوتر (و العلوم...عموما) و اطباء. و السبب التانى ان حياتهم ح تكون اسهل جدا لو درسوا احد المجالات دى. (ما قلت حياتهم ح تكون سهلة...قلت اسهل....و ده برضوا "عموما"...يعنى احتمال ما تكون سهلة بالمرة).
_____________________________________
و انا بقول على روحى متخلفة لان البلد حقيقة محتاجه لكل المجالات...و لان الارزاق و الفرص بيد الله....لكن نقول شنو....من شب على شئ شاب عليه.
If they live in the US, then they have to study law or business. And...YES, it is a about money

Post: #42
Title: Re: محمود نادر عباس@مريم بنت الحسين ثلاثة سنوات وعمر مديد
Author: أسامة عبد الجليل
Date: 03-08-2009, 09:34 PM
Parent: #40

ما شاء الله وتبارك الله.

عيد ميلاد سعيد وعمر مديد..

أغر الله به أعين والديه.

السنة الجاية ان شاء الله تخاووه
يا نادر ومريم.

شكرا للأخت الفاضلة لنا مهدي.

Post: #52
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 10:04 PM
Parent: #42

الله ما ضرّاك يا ابومهيار...

شكرا ليك.. محمود ده ولد البورد... ولادته صديقات واصدقاء كثيرين كانوا منتظرينها...

واحده منهم لنا دي... عشان كده متذكره حتى ساعة ولادته بالدقيقة

Post: #53
Title: Re: محمود نادر عباس@مريم بنت الحسين ثلاثة سنوات وعمر مديد
Author: Haydar Badawi Sadig
Date: 03-08-2009, 10:06 PM
Parent: #42

عيد ميلاد سعيد وعمر مديدر لمحمود نادر@مريم.
السنة الجاية تخاووه -على قول أسامة- وتحاوروه، يا مريم ونادر!
شكراً، يا لنا. لكن حيرتونا، يعنى ولدك وولد مريم ينا ديني، بيا جدو، ولا ياعمو
طبعاً، أنا بفضل يقولو لي يا أخونا!

Post: #55
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 10:41 PM
Parent: #53

"عمو" حيدر تحية..

الوالد بنقول ليه جدو عادي بقى.. يعني ما قاوم القصة شديد..
بعدين انت غمض فتح بتلقى سماح خطبوها.. وتجيب ليك حفيد

احسن تقبل الموضوع من بدري

Post: #54
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 10:35 PM
Parent: #40

محمد الحاج (جدّو).. وسمارت صاحبتي...

انا ما عندي شي ضد الهندسة والطب.. لكن الاولى بالنسبة لي الرغبة... عندي فهم انه البحب حاجه ببدع فيها شديد.. وفي بالي موضوع القروش برضه يا سمارت.. الزول اصلا بشتغل عشان شنو بالضبط!؟

لكن البدخل مجال، ما رغبته، وما قدره.. ما ببدع فيه.. بكون فيه زول عادي.. ورقم إضافي... انا مثلا... دخلته التخصص بتاعي بناءاً على رغبة بدأت من كنت في الصف السادس الابتدائي.. لدرجة اني لما امتحنت شهادة وجبت نسبة قبلوني بيها صيدلة.. امي قعدت لي في الواطة تقنعني ادخل صيدلة.. رفضت تماما... مشيت في الجامعة بصورة كويسه جدا... رغبتي في دراسة الكومبيوتر... ومحبتي ليه.. بالإضافة إلى خاصية اللاياقة التي يتمتع بها ناس الكومبيوتر، خلتني انجح في المجال ده... في المقابل.. في ناس بعرفهم دخلوا المجال لانه موضه، او لانه الشغل فيه متوفر... وما نجحوا بالمستوى الهم كانوا بتمنوه في حياتهم..


الفهم القديم بتاع طب وهندسة.. مبني على انه المهن دي بتضمن موقع اجتماعي فوري.. وبتضمن عائد مادي.. يمكن الحاجه دي موجوده ف الهندسة.. لكن في الطب الزمن ده بقى مختلف... لازال الطبيب عنده وضعه الاجتماعي.. لكن عائده المادي موش ولا بد... بسبب كثرة الخريجين


مع محمود انا فاتحه ليه المجال يعرف كل شي.. بحببه في القراية، عنده مجموعة كتب اطفال من عمره سنة بنقرا ليه فيها.. وبعرف يمسك القلم من عمر عشرة شهور لاني بقعد معاه في الواطه وبنرسم في لوحة كبيرة من قبل ما يتعلم المشى زاتو... وعنده اورغن وجيتار ... وبعرف اسماء الالوان عربي وانجليزي من الحضانه.. وبسوط معاي الملاح في المطبخ... وبنعلمه يسبح.. وغيرو... بقوم بشيل الحاجات دي كلها وبميل على اتجاه من الاتجاهات دي.. انا دوري ببقى انه احرّكه لاتجاه عارفه انه ممكن يوديه لمهنه تعينه على الحياة بعدين


مروان اخوي اصغر مني بعشرة سنين... رسّام موهوب جدا... وفي الكومبيوتر، خطير جداً... شجعته من ايام في الثانوي انه يدخل هندسة معمار.. عشان يستفيد من موهبة الرسم دي.. وفعلا، دخل هندسة...مازن اخوي اصغر مني بستة سنين، من هو صغير بحب الفيزياء زي صاحبك يا جدّو... وكان بجي معاي الجامعة في الاردن بحضر محاضرات الفيزياء.. وكان مصاحب الدكتور بتاع الفيزياء حقنا! ولانه شاطر، الوالد كان عايزه يدخل طب.. وفعلا دخل طب وايل كورنيل في قطر.. وخلص سنتين.. وامتحن MCAT... وجاب فيه درجة عالية.. لكن ما قدر يواصل.. لانه مازن اخوي زول بعاف شديد.. وكان مقرر يخلص طب، ويحضر.. ويشتغل في مجال ابحاث... مرشده الاكاديمي في الجامعة قال ليه اقرا تخصص طبي.. وحضّر فيه... وواصل في كلية الطب، وما تضيع زمنك في ستة سنين طب .. وبالفعل.. بقرا حسي biomedical engineering.. وماشاء الله ماشي فيها very smoothly...



Post: #50
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 03-08-2009, 10:02 PM
Parent: #37

الاخت العزيزة اميرة الشيخ...

عارفه انه لين بت عمر بوب دي قريبة محمود ده!؟ عليك الله نطالب بي حقنا ولا ما نطالب...

طبعا محمود اتولد في مستشفى حمد الحية وشديدة دي.. وبعد 15 يوم من ولادته رحلته مع اهلي للإمارات.. قعدنا فيها شهرين.. بعدها جينا الدمام هنا.. لما محمود كمل حداشر شهر.. مشينا السودان.. محمود شاف خلال السنة الأولى من حياته، اربعة بلاد! شفتي الحالة دي..

ده طالع لامه.. انا قريت الثانوي في ثلاثة بلاد!

Post: #56
Title: Re: محمود نادر عباس@مريم بنت الحسين ثلاثة سنوات وعمر مديد
Author: يوسف الخضر
Date: 04-08-2009, 04:50 AM
Parent: #50

Quote: كل سنة و انت بالف خير يا محمود
و ام امحمود و ابو محمود بالف خير



شكرا ليك اخت لنا

Post: #57
Title: Re: محمود نادر عباس@مريم بنت الحسين ثلاثة سنوات وعمر مديد
Author: خالد العبيد
Date: 04-08-2009, 05:20 AM
Parent: #56

سلام
كل سنة وانت طيب وجميل يا محمود



يا مريم وجن دي في الحسبه انا خاله اخو امها باللفة
ابقي عليها عشرة بالله

Post: #58
Title: Re: محمود نادر عباس@مريم بنت الحسين ثلاثة سنوات وعمر مديد
Author: smart_ana2001
Date: 04-08-2009, 05:48 AM
Parent: #57

مؤيم صحبتى..انا معاك فى اى كلمة قلتيها فوق...اوافق و ابصم بالعشره...و خاصى على الفقرة ادناه
Quote: مع محمود انا فاتحه ليه المجال يعرف كل شي.. بحببه في القراية، عنده مجموعة كتب اطفال من عمره سنة بنقرا ليه فيها.. وبعرف يمسك القلم من عمر عشرة شهور لاني بقعد معاه في الواطه وبنرسم في لوحة كبيرة من قبل ما يتعلم المشى زاتو... وعنده اورغن وجيتار ... وبعرف اسماء الالوان عربي وانجليزي من الحضانه.. وبسوط معاي الملاح في المطبخ... وبنعلمه يسبح.. وغيرو... بقوم بشيل الحاجات دي كلها وبميل على اتجاه من الاتجاهات دي.. انا دوري ببقى انه احرّكه لاتجاه عارفه انه ممكن يوديه لمهنه تعينه على الحياة بعدين

بس عندى تحفظ بسيط جدا على ما تحته خط...
لما كان ابنى عمره 5 شهور جاتنى هديه طقم بتاع سى ديز فيه برنامج اسمع بيبى انشتاين (اكيد سمعتى بيه) و الفكرة ان الطفل بيتعلم القرايه فى عمر 8 شهور...ايوه شهور ما سنين.
و بعد تفكير عميق و تفاكر مع ابو الاولاد قررنا ان اولادنا ما ح نعلمهم اى حاجه جاده ابدا لحدى ما يصلوا عمر 4 سنوات..(ابوهم قال 6 سنوات فى البدايه..بعد اقناع منى اتفقنا على 4 سنوات)...يعنى ما بحاول احفظهم اى حاجه...لو عرفوا الحاجه براهم (الحمد لله)...ما عرفوا.. برضوا (الحمد لله)...الحاجه الوحيده اللى بعملها انى بتكلم ...اليوم كلو تلاقينى بتكلم ...وبلعب.
__________________________________________________________________________________________
بعد عشرين سنه كده بوريك اذا كانت التجربه دى ناجحة او فاشلة....ربنا يستر

Post: #59
Title: Re: محمود نادر عباس@مريم بنت الحسين ثلاثة سنوات وعمر مديد
Author: هواري نمر
Date: 04-08-2009, 11:18 AM
Parent: #58

محمود..
نادر ومريم
كل سنة و الجميع بخير..
وادام الله الافراح
وعقبال الشمعة المية..
وربنا يخليكم لي بعض..
اطيب الامنيات..



هواري

Post: #63
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 04-08-2009, 12:02 PM
Parent: #59

الاخ هواري...

شكرا ليك على الحضور والتهنئة...

ونفرح بوجودكم ان شاء الله..

شكرا

Post: #60
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 04-08-2009, 11:54 AM
Parent: #58

سمارت العزيزة.. ازيك...

انا محمود ما علمته شي غير الرسم ومسكة القلم.. الألوان واسماءها.. والفواكه والخضار .. دي كلها حاجات اتعلمها ضمن نشاطات الحضانة بتاعته... كان برسلوا لي جدول اسبوعي.. وكل اسبوع عنده theme.. لما بدوا يتعلموا الالوان.. كانوا بقولوا لي البسه حاجه لونها احمر.. ولما يكون اسبوع الفواكه.. كل يوم برسل معاه فاكهه.. واسبوع الرمل اخدوهم لمصنع فخّار.. وحمودي عمل شوية في الطين... ولما جوا يعلموهم الحيوانات.. مشوا حديقة الحيونات... ومشوا حديقة الدلافين...

ما حاجه I'll take the credit for... لكن حاجه بشجّعها... وبنمّيها.. وبزيد فيها لما القاها موجوده...

محمود اكتر طفل بحب اللعب في العالم كله.. عشان كده هو زاااتو ما بقعد عشان يدّرسوه.. بس ناس حضانته عرفوا ليه عن طريق تعليمه باللعب زاتو...

... الليله الصباح صحّاني وهو بغنّي Human Nature .. بتاعت مايكل جاكسون... صحي بخرف كل الكلمات.. لكن بقول Why.. صحيحه.. واللحن مظبوط مية المية... العجب كان سمعتيه بقول You are not alone! ههههههه

http://song.6rb.com/songer/x/en/jackson/michael-jackson...you-are-not-alone.rm


Post: #62
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 04-08-2009, 12:00 PM
Parent: #57

خالد العبيد ازيك
وشكرا على التهنئة...

وجن دي صاحبتي اكتر مما انت خالها... :) شفته الكلام ده قوي كيف.

ما توصيني على زولة ظريفة وقلبها ابيض زي الانسانه دي.. شكرا جزيلا على المرور..

وحمدلله على سلامة عودتك

Post: #61
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 04-08-2009, 11:57 AM
Parent: #56

الاخ يوسف الخضر

شكرا لك على التهنئة.. ونبارك ليك كل جميل

Post: #64
Title: Re: محمود نادر عباس@مريم بنت الحسين ثلاثة سنوات وعمر مديد
Author: مريم بنت الحسين
Date: 04-08-2009, 12:08 PM
Parent: #61

محمد الحاج
شفته اخوك.. قال لي محمد الحاج وعمر بوب وتنقو كل واحد جاب لي فضيحة... ومشى خلاني براي استقبل الناس واشكر!

دي حالة دي!..اخير الحوامة

Post: #65
Title: Re: محمود نادر عباس@مريم بنت الحسين ثلاثة سنوات وعمر مديد
Author: Mohammed Elhaj
Date: 04-08-2009, 02:09 PM
Parent: #64

Quote: مع ان المقام مقام تهانى و امنيات طيبات لمحمود و اسرته....لكن ح اواصل فى موضوع القرايه ده شويه...و ما اظن مريم و لنا يكون عندهم مانع... I hope
ردى ما كان من زعل من كلامك...انا حقيقة (متخلفة) فى موضوع الناس تقرا شنو...العالم كلو moved on و بقو يخلوا الاطفال يدرسوا الحاجه العوزنها. و اظن انها حاجه كويسه. بس لما يجى الدور على اولادى ح احاول (بالترغيب و الدعاء) اخليهم يقروا هندسة او علوم كومبيوتر او طب (خيار اخير الطب). و السبب ان بلدنا محتاجه لمهندسين و لدارسى الكمبيوتر (و العلوم...عموما) و اطباء. و السبب التانى ان حياتهم ح تكون اسهل جدا لو درسوا احد المجالات دى. (ما قلت حياتهم ح تكون سهلة...قلت اسهل....و ده برضوا "عموما"...يعنى احتمال ما تكون سهلة بالمرة).
_____________________________________
و انا بقول على روحى متخلفة لان البلد حقيقة محتاجه لكل المجالات...و لان الارزاق و الفرص بيد الله....لكن نقول شنو....من شب على شئ شاب عليه.
If they live in the US, then they have to study law or business. And...YES, it is a about money

انا ما مختلف مع الكلام دا ولا شايفو متناقض مع كلام مريم الكتبتو بعد داك بي ليبراليتو الشديد، في النهاية انتي ما قلتي غير انك حتحاولي تأثري في اتجاهات اولادك بالترغيب والدعاء (لي الله مش؟) انهم يتجهو الاتجاه دا، التخصصات البتجيب قروش كترت حالياً قريب أو بعيد من الهندسة والطب وعلى قول مريم هو الشغالين ليها شنو أصلا لو ما القروش، والبلد فعلاً محتاجة لكل التخصصات.. بالمناسبة في زمن فات ما بعيد الناس كانت بتقول للشباب البقرو fine arts حتاكلوا شنو؟ هسع بي شوية اجتهاد في برامج الكمبيوتر الخاصة بالتصميم وبرامج الميديا المرتبطة بالتلفزيون والدعاية الناس ديل ما سائلين في زول، ايام الجزيرة يا مريم ...


خخخخخخخخ خلاص يا نادر عاملين F1 من البوست أرجع ياااخ برغم انو الواحد قرب يشوت ليهو 3 4 حكايات كدا على الطاير أنا شايفك أي بوست فيهو مهدي (ناصر) أو عمر بوب بتجي ماشي فيهو بي 180

Post: #66
Title: Re: محمود نادر عباس@مريم بنت الحسين ثلاثة سنوات وعمر مديد
Author: معتصم دفع الله
Date: 04-08-2009, 02:40 PM
Parent: #65

كل سنة ومحمود بألف خير ..
تحياتي لأبو محمود وأم محمود ..


ولكِ أختي الحبيبة لنا ..

Post: #68
Title: Re: محمود نادر عباس@مريم بنت الحسين ثلاثة سنوات وعمر مديد
Author: نادر
Date: 05-08-2009, 05:40 AM
Parent: #66

سلامات يا معتصم دفع الله
والله كنا عايزنكم اليوم داك تقعدوا معانا شوية لكن طلعتوها لينا كسور وبواقي انت وشتات ما عرفنا لجيتكم حاجة ... آمل أن يمتد التواصل بيننا ونشوفكم بينا في الشرقية من آن لآخر يا حبيب.
تحياتي للجميع بطرفكم

Post: #67
Title: Re: محمود نادر عباس@مريم بنت الحسين ثلاثة سنوات وعمر مديد
Author: نادر
Date: 04-08-2009, 02:55 PM
Parent: #65

Quote: خخخخخخخخ خلاص يا نادر عاملين F1 من البوست أرجع ياااخ برغم انو الواحد قرب يشوت ليهو 3 4 حكايات كدا على الطاير أنا شايفك أي بوست فيهو مهدي (ناصر) أو عمر بوب بتجي ماشي فيهو بي 180
هاهاهاهاهاهاها شوت حدك أمقريقريب مش 3أو4 حكايات أصلو ما فضل شيء تاني يتدسى، عمر بوب وناصر ما خلو حاجة كل دقيقة ناطين لي بي مغرس من أيام الجاهلية الأولى، ايام دكشمانات الكورة مع رباطة البانجديد (فريق الأمل دنقلا) ناس عصام مكي وطارق أحمد جبر الله وجمال على وعوض جاد الله (الله يطراهم بالخير) - بالله مش اسماء رباطة يا محمد؟ - المهم ناسين أو متناسين - عمر بوب وناصر - إنو الواحد ساب الكورة والمشاكل والحماقات والكروت بألوانها المختلفة واتهذب في الجامعة وبقة سنة ناعمة في برستيدج ناس قسم اللغة الفرنسية إياهم.
والحوامة سيبتها ويشهد على ذلك القاصي والداني والله بمشي الإجازات السودان بحوم 6 يوم 3 منهن في المغتربين و3 زيارات أهل واصدقاء والباقي في بطن البيت، وبضربوا بي مثل في التزام البيت طوال الاجازة مش زي بعضهم وإياك أعني ...
والبوست والله ما خليتو بس مريومة ما مقصرة وعندها شوية زمن بي جاي وجاي أكتر من أخوك، نحنا بنجابد في المعايش يومنا كلو يا مان.