Post: #1 Title: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يتأهلن Author: lana mahdi Date: 09-04-2007, 12:31 PM
. .
[qb] رمضان كريم كلما أتى رمضان أتذكر الغربة وأتذكر السودان وأتذكر إخوة لي في المهاجر بدون أهلهم ترى كيف يفطرون؟ ورمضان مطبخه مميز و مختلف يللا يا تيسير عووضة ضايري كمونيتك و يا دكتور محمد حسن ضاير خدرتك ال(ميد إن تايوان) ديك وياراوية منتظراك باللقمة و ملاح النعيمية الشاطرة فيهو داك ويلاكم يا حبايب نقبل على الآبريهات و الحلومر و الغباشة و الملحات و المفروكات و البلايل واللقم والقراريص والحلويات وهلم جرات يلا يا حبايب كل زول يجيب بصلته الناشفة والدخن و مستلزمات التقلية والنعيمية و ملاح الروب الأبيض و الكسرة الستان و البلح الناشف نص و مبلول نص و اللوبة عدس ورمضان كريــــــــــــــــــم [/qb]
Post: #2 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: الصادق خليفة Date: 09-04-2007, 12:49 PM Parent: #1
اول حاجة طولنا منك يا بت مهدي سلام كتييييييييييير بعدين الجماعة امس رسلوني جبت ليهم لحم العجالي لزوم الشرموط وكده جيتهم راجع البيت لقيت اللحمة مفرومة و واضعنها عشان تنشف قلت ليهم حليل زمن الشرموط البيعلقوه في الحبل عشان ينشف وبعدين بقوه في الفندك (ما عارف كلامي دي مفهوم ليك ولا عاوز ترجمه:
بليلة الكبكبي
المقادير 2 كبايةشاي كبير يغسل جيداً يبل بالماء لمدة 5 ساعات بعد ذلك يضع على نار هادئة لمدة ساعة يقدم دافي عند الفطور .
Post: #3 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: ريهان الريح الشاذلي Date: 09-04-2007, 01:15 PM Parent: #2
Quote: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يتأهلن.
رمضان كريم يا لنا لكن انا ما لقيت روحي في الفئة المستهدفة الفوق دي امتنع ولا اتلايق (بمناسبة ملاح الويكة) ؟؟؟
لكي الود ..
Post: #6 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-04-2007, 01:52 PM Parent: #3
Quote:
Quote: Quote: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يتأهلن.
رمضان كريم يا لنا لكن انا ما لقيت روحي في الفئة المستهدفة الفوق دي امتنع ولا اتلايق (بمناسبة ملاح الويكة) ؟؟؟
لكي الود ..
ريهان الحبيبة الفئات الفي لعنوان دي الفئات المستهدفة من البوست لكن المشاركات منهم و من غيرهم يللا جيبي الكنش و تعالي محبتي
Post: #4 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-04-2007, 01:29 PM Parent: #2
Quote: اول حاجة طولنا منك يا بت مهدي سلام كتييييييييييير
الصادق مشتاقين يا حبيب
Quote: بعدين الجماعة امس رسلوني جبت ليهم لحم العجالي لزوم الشرموط وكده جيتهم راجع البيت لقيت اللحمة مفرومة و واضعنها عشان تنشف قلت ليهم حليل زمن الشرموط البيعلقوه في الحبل عشان ينشف وبعدين بقوه في الفندك
وإنتا بس مراسيل ساكت؟وكمان جايي تتفلهم عليهم
Quote: (ما عارف كلامي دي مفهوم ليك ولا عاوز ترجمه:
آي ما أنا السودان دة قاعدة أمر بيهو ترانزيت بس
Quote: بليلة الكبكبي
المقادير 2 كبايةشاي كبير يغسل جيداً يبل بالماء لمدة 5 ساعات بعد ذلك يضع على نار هادئة لمدة ساعة يقدم دافي عند الفطور .
إتخيل:معاهم حق يخلوك بس للمراسيل و يمنعوك منعاً باتاً من دخول المطبخ طالما نسيت الملح لمن سويت بليلة الكبكبيك والعجب بليلة الكبكبيك دي نحمصها ساكت كدي في الحلة؟ما بيختو ليها موية و لا أي شي؟؟؟ الله يجيب وراق و الضحك يكتلني
Post: #5 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: مريم بنت الحسين Date: 09-04-2007, 01:37 PM Parent: #1
لنا.. جيت من السودان كزبرتي ما مرقتها من الشنط لسه.. بجي اكتب ليكم كم وصفة هنا..
بنت الحسين
Post: #7 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: Raja Date: 09-04-2007, 01:56 PM Parent: #1
لنا يا حبيبة وضيوفك الكرام..
كل عام وأنتو طيبين، وتصومو وتفطرو على خير..
رمضان الفات كان في نيالا.. وكان عندنا طباخة الله يخليها ويبارك في أولادها.. كانت بتعمل لينا البنطلبو.. للأسف العصيدة والملاح كانو ضيوف خجلانين في سفرتنا. لأننا كنا 2 سودانيين. وبصراحة خذلتا زميلي خالد لأني ليس من مريدي العصيدة واللذي منه. لكن نجح خالد في فرض قوة العصيدة وساعده جيراننا الكرام الكانو كل مغرب بيرسلو لينا ألوان من الملاحات و....... الطعمية.. رمضان ده أول مرة احس بأني (عزابية). لأني برااااااي زي القرد .. غايتو إلا امشي انحًل (حلوة أنحًل دي لأني إتعملتها جديد بعد ضهب ).. لكني ناوية أعمل مفاجاة لي روحي دي وأرتب فطوراتي بمزااااج في بيتي. ده لو ما البلية لعبت وقمت كده عزمت الصديقات الموجودات يوم عزومة كااااربة .. وبالمناسبة دي طبعا غادة نوري بعد شفائها بإذن الله لازم تضوق من أيدي.. ومن هسع العمود حيجهز..
طبعا الفصاحة دي كلها وما عندي لا حلو مر ولا ويكة ولا شطة ولا شرموط ولا التكتحني..
لكن أكيد رمضان المرة دي غير.. وكدي النشوف ممكن يتصام بدون حلو مر ولا لأ ..
مرة تانية.. رمضان كريم عليكم وعلى كل الأحباب
Post: #10 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-06-2007, 07:40 AM Parent: #7
Quote: لنا يا حبيبة وضيوفك الكرام..
كل عام وأنتو طيبين، وتصومو وتفطرو على خير..
وإنتي طيبة يا حبيبة
Quote: رمضان الفات كان في نيالا.. وكان عندنا طباخة الله يخليها ويبارك في أولادها.. كانت بتعمل لينا البنطلبو.. للأسف العصيدة والملاح كانو ضيوف خجلانين في سفرتنا. لأننا كنا 2 سودانيين. وبصراحة خذلتا زميلي خالد لأني ليس من مريدي العصيدة واللذي منه. لكن نجح خالد في فرض قوة العصيدة وساعده جيراننا الكرام الكانو كل مغرب بيرسلو لينا ألوان من الملاحات و....... الطعمية..
عافية منو القدر يفرض حاجة عليكي..يا متمردة
Quote: رمضان ده أول مرة احس بأني (عزابية). لأني برااااااي زي القرد .. غايتو إلا امشي انحًل (حلوة أنحًل دي لأني إتعملتها جديد بعد ضهب ).. لكني ناوية أعمل مفاجاة لي روحي دي وأرتب فطوراتي بمزااااج في بيتي. ده لو ما البلية لعبت وقمت كده عزمت الصديقات الموجودات يوم عزومة كااااربة .. وبالمناسبة دي طبعا غادة نوري بعد شفائها بإذن الله لازم تضوق من أيدي.. ومن هسع العمود حيجهز..
شوفي يا رجو لحدوت تجهزي فطورك أنحنا معاكي لكن، المائدة الكاربة لآخرين نظراً لانعدام ظروف تنشئتها كما سيتبين من كلامك الحأجيبو أدناه فأرجوكي أصرفي نظر
Quote: طبعا الفصاحة دي كلها وما عندي لا حلو مر ولا ويكة ولا شطة ولا شرموط ولا التكتحني..
يا سلاااااااام الحقيقة كنت اتمنى أكون موجودة و آكل تقلية أماني بلقمة أمنيات و أشرب حلو مر تمنّي و أقزقز ببليلة منى غادة نوري إنتي في فترة نقاهة..أرفضي أي عزومة مشبوهة عوامل قيامها منتفية(555 وجه باسم) رجو خليكي في النحل بس
Quote: لكن أكيد رمضان المرة دي غير.. وكدي النشوف ممكن يتصام بدون حلو مر ولا لأ ..
بالله شوفو الحالة الصعبة دي..بنرسل ليكي آبري ياخي
Post: #8 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-04-2007, 02:04 PM Parent: #1
Quote: لنا.. جيت من السودان كزبرتي ما مرقتها من الشنط لسه.. بجي اكتب ليكم كم وصفة هنا..
بنت الحسين
الحبيبة مريوم والله فرحتا لي رجعتك من السودان أول شي لأنو جبتي لينا معاكي الكسبرة و الكلكاب وثانياً لأننا حنشوفك بي جاي كتير يللا فكفكي الشنط و رسلي حاجاتي بالدي إتش إل
Post: #9 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: Rawia Date: 09-04-2007, 04:22 PM Parent: #8
كل سنة وانتو طيبين وحلوين وملمومين في الخير يارب وربنا يدي كل زول مناهو وطلبو في الدنيا ويخلي لينا اولادنا وامهاتنا وابهاتنا وكل حبيب
ويالنا يااقرب من الروح ربي يديك الفي مرادك ويفرحك ويدي دكوني عروس سماحتها لا حكت لابقت -كان يهدا ويهبط في بطن الواطـة دي- ويدي كل زول مراده يارب
اما مفاجأة الموسم لرمضان دا حتكون حاجة ماحصلت
Post: #12 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-13-2007, 09:26 AM Parent: #9
Quote: كل سنة وانتو طيبين وحلوين وملمومين في الخير يارب وربنا يدي كل زول مناهو وطلبو في الدنيا ويخلي لينا اولادنا وامهاتنا وابهاتنا وكل حبيب
راوية الحبيبة
Quote: ويالنا يااقرب من الروح ربي يديك الفي مرادك ويفرحك ويدي دكوني عروس سماحتها لا حكت لابقت -كان يهدا ويهبط في بطن الواطـة دي- ويدي كل زول مراده يارب
شكلك فيكي شي لله يا حبيبة و دعواتك مستجابة
Quote: اما مفاجأة الموسم لرمضان دا حتكون حاجة ماحصلت
يا حبيبة رمضان خشا الليلة يللا أثناء ما بتظبطي لينا النعيمية و اللقمة تعالي أحكي أها سامعين
Post: #11 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: د.محمد حسن Date: 09-06-2007, 09:03 AM Parent: #1
الاخت لنا
نسبة لظروفي الاسرية القاهر
الرجاء الوان الملحات عشان صبا والتومات
وفي انتظار القراصة بالكاتش اب
Post: #13 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: Shayma Date: 09-13-2007, 10:16 AM Parent: #11
العزيزة لنا والمشاركين والجميع كل سنة وانتو طيبين وتصوموا وتفطروا على خير فكرة البوست دي عجبتني وباين حأكون مرابطة هنا طوالي، زمان كنت مع الصيام والجوعة والعطشة الحارة ديك بجيب المجلات وافتح صفحات الطبخ والوصفات ولما انتهي من القراية ومشاهدة الصور بحس اني شبعت اها حسي حأبدل المجلات دي بي بوستك دة بالله كترو الاصناف وما تنسو التحلية ورمضان باين عليه السنة دي حار شوية زيدوا طرقات الحلومر......... تسلمي ويسلم قلمك
شَيْماء
Post: #22 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-13-2007, 05:23 PM Parent: #13
Quote: العزيزة لنا والمشاركين والجميع كل سنة وانتو طيبين وتصوموا وتفطروا على خير فكرة البوست دي عجبتني وباين حأكون مرابطة هنا طوالي، زمان كنت مع الصيام والجوعة والعطشة الحارة ديك بجيب المجلات وافتح صفحات الطبخ والوصفات ولما انتهي من القراية ومشاهدة الصور بحس اني شبعت اها حسي حأبدل المجلات دي بي بوستك دة بالله كترو الاصناف وما تنسو التحلية ورمضان باين عليه السنة دي حار شوية زيدوا طرقات الحلومر......... تسلمي ويسلم قلمك
شَيْماء
الحبيبة شيماء ألف مرحب بيك بين أخواتك و أخوانك هنا رمضان كريم تصومو و تفطرو على خير شكلك بتحبي الحلويات عشان كدة أرشح ليكي القطايف انا ما بحب القطايف جاهزة بحب اعملها في البيت لاكين كمان ما بحبها لدرجة إني أعملها من مرحلة العجين لكن بجيب قطايف نية ما محشية بعمل خلطة من فول وداني دراش، جوز هند، زبيب دائرة عليهو السحانة نصف دورة(يعني "كر" بس عشان ما يتهرد )، سكر و يفضل السكر الما ناعم شديد تحشى القطائف بالخطلة الفوق دية تحمر في الزيت ونصب عليها الشربات بشرط يا القطايف تكون حارة و الشربات بارد أو العكس ما بنفعو الإتنين يكونو حارين او باردين وبالهنا و الشفا
Post: #14 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-13-2007, 11:02 AM Parent: #11
Quote: الاخت لنا
نسبة لظروفي الاسرية القاهر
الرجاء الوان الملحات عشان صبا والتومات
وفي انتظار القراصة بالكاتش اب
أخي الحبيب دكتور مصطفى أنا الشيفات ديل محيرني شديد مشو وين البنات؟؟؟ أها داب ما يجوك ملاح الروب البيج(دة عشان التومات و صبا) المقادير 3 كوب روب أو زبادي 1 كوب ماء بصلة متوسطة ملح و فلفل حسب الرغبة 3 ملعقة طعام دقيق ذرات ويكة سمن لتزيين الوجه الطريقة يضاف الماء إلى الروب أو الزبادي و يضرب جيداً بمضرب البيض تقشر البصلة و تضاف سالمةلخليط الروب و الماء تترك لتغلي مع المزيج عندما يتشبع الروب برائحة البصلة المسلوقة معه و يصر وجهه قليلاً تسحب البصلة و يترك الروب وحيداً يضاف الدقيق و يضرب بسرعة حتى لا يتدردم نغلق النار نضيف ذرات الويكة و الملح و الفلفل عند التقديم تضاف السمنة السايحة و يؤكل مع اللقمة ووحياتك بالرغيف و ان شاء الله بدون اي شي لذيذ و اسأل بنت الحسين الدست كزبرتها
Post: #16 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: د.محمد حسن Date: 09-13-2007, 11:22 AM Parent: #14
Quote: أخي الحبيب دكتور مصطفى
يا حليلك اليلة اول يوم
انت قايلة سموا لي بي عتود
خروف 4wHEEL
وسموني محمد
رمضان كريم
Post: #21 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-13-2007, 05:06 PM Parent: #16
Quote:
Quote: Quote: أخي الحبيب دكتور مصطفى
يا حليلك اليلة اول يوم
انت قايلة سموا لي بي عتود
خروف 4wHEEL
وسموني محمد
رمضان كريم
قالو صحي العما ولا الطشاش دكتور محمد رمضان كريم والله القهوة عملتا فيني دابي فتحتا
Post: #15 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: طارق جبريل Date: 09-13-2007, 11:04 AM Parent: #1
لنا كيفنك وكل سنة وانت طيبة
ويييييييين كمونية تيسير
Post: #23 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-13-2007, 05:28 PM Parent: #15
Quote: لنا كيفنك وكل سنة وانت طيبة
ويييييييين كمونية تيسير
أخي الحبيب طارق وإنتا طيب و سالم و فرحان عاد كمونية تيسير لو فطرنا بيها الناس في رمضان المنبر بعدم نفاخ النار
Post: #17 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: أحمد الشايقي Date: 09-13-2007, 11:59 AM Parent: #1
وبستفيد كتير من بوستك دا, .......................................................... الله يتقبل منكم
قبيل لو كنتو قريبين كا ننعزم عندكم , أهي كلها 30 يوم ....
أحمـد
Post: #24 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-13-2007, 07:06 PM Parent: #17
وإنت طيب و بخير و عافية أخي الحبيب أحمد
Quote: تعرفي أنا القراصة ما بعرف أرميها
وبستفيد كتير من بوستك دا, .......................................................... الله يتقبل منكم
قبيل لو كنتو قريبين كا ننعزم عندكم , أهي كلها 30 يوم ....
أحمـد
ياخي لو ماشالتكم الأرض نشيلكم في راسنا ياريت لو جنبنا القراصة سر نجاحها يا حبيب إنو تتعجن بموية دافية و يكون معاها بيكينج باودر و خميرة فورية سوا بس الخميرة مقدارها يكون ثلث مقدار البيكنج باودر ويكون قوام العجين سايل أكتر من كونه جامد وتتغطى القراصة ساعة النجاض عشان تعرق
Post: #18 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: محمد مكى محمد Date: 09-13-2007, 12:38 PM Parent: #1
رمضان كريم يا لنا وتصوموا وتفـطروا على خير
3 كوب روب أو زبادي
ما فهمت عندنا عدة احجام من اكواب الزبادى, ياريت تحددى بالملليتر.... تحياتى
.......... عندى جماعة حاتمرن فيهم رمضان دة..منهم والى الدين الفكى
Post: #19 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: amin siddig Date: 09-13-2007, 03:42 PM Parent: #18
سلام كل المتداخلين و رمضان كريم لنا يا ست المطبخ / أو التكل كيفما أتفق ... أنا ما من الشرائح المدعوة للقراءة أنا من شريحة الأغلبية لكن أنا الوحيد فيهم العندي شجاعة بطنية ، عفواً أدبية أنا خاشي البوست ده أشان أشان أقنع روحي إني قاعد آكل و أتخيل كده لحدي المغرب يجي ولو ساعدتينا كمان بصور الأكلات في شكلها النهائي تكوني ما قصرتي الله يستر ما يلقوني عاضي الكيبورد
Post: #20 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: حيدر حسن ميرغني Date: 09-13-2007, 04:44 PM Parent: #19
رمضان كريم يا لنا
هدية لمطبخك العامر
Post: #25 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: Shayma Date: 09-14-2007, 10:32 AM Parent: #20
أبـ ...
(ز) آند داونز
Post: #30 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-15-2007, 12:01 PM Parent: #20
حيدر أخي الحبيب أريتو يا يابا مطبخ هند مطبخ السرور بالله لو في حلقات تانية جيبها لينا و ألف شكر مقدماً و رمضان كريم جعلك الله من عتقاء الشهر الفضيل -- يا حمد بدل الاحتجاج تعال شوف كيكة الجبن و الخضار دي الفي حلقة هند و فيديو حيدر مرشحاها ليك لفطور الليلة
Post: #27 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-15-2007, 11:01 AM Parent: #19
Quote: سلام كل المتداخلين و رمضان كريم لنا يا ست المطبخ / أو التكل كيفما أتفق ... أنا ما من الشرائح المدعوة للقراءة أنا من شريحة الأغلبية لكن أنا الوحيد فيهم العندي شجاعة بطنية ، عفواً أدبية أنا خاشي البوست ده أشان أشان أقنع روحي إني قاعد آكل و أتخيل كده لحدي المغرب يجي ولو ساعدتينا كمان بصور الأكلات في شكلها النهائي تكوني ما قصرتي الله يستر ما يلقوني عاضي الكيبورد
وأنت طيب و بخير و سلام أخي الحبيب أمين لي حسة ما هزينا الكانون سمح يعني شيماء بدت بالحلويات وأحمد الشايقي القراصة أها و وصفة ملاح الروب من أختك لبنات د. محمد حسن جايين لقصص النعيمية والتقلية و الذي منو بالصور رمضان كريم
Post: #26 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-14-2007, 12:50 PM Parent: #18
Quote: رمضان كريم يا لنا وتصوموا وتفـطروا على خير
3 كوب روب أو زبادي
ما فهمت عندنا عدة احجام من اكواب الزبادى, ياريت تحددى بالملليتر.... تحياتى
كباية الشب يا حبيب محمد المكي او ال Mug في إطار العصر يكون حجم متوسط 6 من فناجيل الشاي حق الصباح لاكين قصة الملليلتر دي ما بعرفها..بالتقدير كدي زمان في الأدفنتست درسونا في حصص التدبير أن الكوب المتوسط =220 مل على ذمتهم يا حبيب ..........
Quote: عندى جماعة حاتمرن فيهم رمضان دة..منهم والى الدين الفكى
الله معاهو قول ليهو لنا قالت ليك الخرطوم في رمضان السنة دي طراوة و رشاش مطر و نسيم فواح فسيب ايرلندا و أرجع بسرعة
Post: #28 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: حمد فتح الرحمن Date: 09-15-2007, 11:23 AM Parent: #1
شنو يا لنا حنقعد 30 يوم ديل بي ملاح الروب بتاعك دا و لا ايه السنة الفاتت عبير خيري فتحت بوست زي دا بقينا كل يوم مساسقين و راجين الاكل بعد شوية خشو باقي النسوان و قلبوا البوست قطيعة ساكت . رمضانا كلو قضينة بي نفس ملاح الروب بتاعك دا زايد كتر خيرو واحد عمل لينا سلطة دكوة .
تجو تختو لينا اكل زي الناس ولا عندي وصفة تركين جاهزة اجي الصقا ليكم هنا و اليحصل يحصل .
Post: #29 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: Shayma Date: 09-15-2007, 11:42 AM Parent: #28
أها يا لنا عشان الاخ حمد فتح الرحمن ما يزعل دة بروست زيييييي بتاع المطاعم اتعلمته من واحدة مصرية بعد تقطيع الدجاج قطع صغيرة اضربي بيضة + ملح وفلفل وتوم ..الخ من البهارات تدخل كل قطعة من الدجاج في البيض ثم في دقيق (او بقسماط طبعا) ثم في البيض تاني ثم في الدقيق تاني اقفليه في اناء ساعتين تقريبا اشتري أصغر حلة ضغط ممكنة (خليها مخصوص للموضوع دة) وصبي فها زيت للنص او اكتر شوية (طبعا عرفتو لييه حلة صغيرة) سخني الزيت ضعي قطع الدجاج واقفلي ونزلي النار للآخر لمدة تلت ساعة
ولااااااااااااااااااااااا هيرفي
Post: #31 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-20-2007, 09:51 AM Parent: #1
وا شري عايشين على القطايف و الشوربة من يوم 1 رمضان؟يا حليلكم أمانة أختكم أخت التاباني شسماء محرسنك البيت فوق كم؟
Post: #32 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: Shayma Date: 09-20-2007, 10:14 AM Parent: #31
Quote: عايشين على القطايف و الشوربة من يوم 1 رمضان؟يا حليلكم أمانة أختكم أخت التاباني
وشمساء دي اوعى بس اكون انا سمح مقبولة منك لغاية 30 رمضان وبيني وبينك هو صاح الشمس حارة شوية رمضان دة
Post: #33 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-20-2007, 10:27 AM Parent: #32
غايتو يا شسماء-شيماء لنا مهدي رمضان دة آخر طشاش دكتور محمد اقول ليهو دكتور مصطفى و انتي شسماء غايتو المهم يا شيماء الكلام موجه ليكي ..حرسناكي البيت فوق كم؟يمشو اخياتك العزابة يجيبو أكل جاهز وللا شنو؟؟ الغريبة عنوان المنبر بقى المدخل لأرشيف الربع الثالث وبرضو البوستات فيها خاصية الرد يكون دة برضه من رمضان يا الله؟؟
Post: #34 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: Shayma Date: 09-20-2007, 10:36 AM Parent: #33
Quote: الغريبة عنوان المنبر بقى المدخل لأرشيف الربع الثالث وبرضو البوستات فيها خاصية الرد يكون دة برضه من رمضان يا الله؟؟
لنّوية غايتو اتخيل لي رمضان داخل عليك دخلة عدوك واظننا( كان ما انا برلومة وفي حاجات لسة فايتة علي) انحنا داخلين على الربع الرابع ما التالت مش دي آخر 3 شهور في السنة؟ ولا انا غلطانة
Post: #35 Title: Re: رمضان كريم..(ركن المطبخ) للعزابة و المتزوجات حديثاً و راغبات التمرّن في أزواجهن والقرّبن يت Author: lana mahdi Date: 09-20-2007, 10:54 AM Parent: #34
Quote:
Quote: الغريبة عنوان المنبر بقى المدخل لأرشيف الربع الثالث وبرضو البوستات فيها خاصية الرد يكون دة برضه من رمضان يا الله؟؟
لنّوية غايتو اتخيل لي رمضان داخل عليك دخلة عدوك واظننا( كان ما انا برلومة وفي حاجات لسة فايتة علي) انحنا داخلين على الربع الرابع ما التالت مش دي آخر 3 شهور في السنة؟ ولا انا غلطانة
شيماء العسل رمضان كريم اها رمضان منو الدخل العضم؟ أنا بتكلم عن المنبر دة اللي اتأرشف و بقى عنوانه مدخل لأرشيف الربع الثالث.. الله يدققك يا المدفع يا بقية المداخلين أنا كل ما أجي أرد عليكم الآنسة اللطيفة دي تقاطعني أها يتأرشف المنبر دة و ما أقدر أرد عليكم معناتها تفطرو شوربة و قطايف برضو
.. غايتو إلا امشي انحًل (حلوة أنحًل دي لأني إتعملتها جديد بعد ضهب
.. وبالمناسبة دي طبعا غادة نوري بعد شفائها بإذن الله لازم تضوق من أيدي.. ومن هسع العمود حيجهز..
..
..
