سوداني واحد

بسم الله الرحمن الرحيم

بحكم عملي في منطقة بدو وبحكم وظيفتي التي تفرض علي التعامل المباشر مع الزبائن تعرضت اليوم لي شكلة طويلة عريضة وكادت أن تؤدي بحياتي لو لا لطف المولى عز وجل
يازول بإختصار البدوي زعل وكان داير يفطسني عديل كدا لكن الحمد لله بيناتنا كان في حيطة وشباك البيع ما بدخلو فقعد يرغي زي الجمل ويضرب في الحيطة المهم لمن غلب حيلة تب بدأ يجمع كل ما يمكلك من زخيرة الشتم والسباب وفرشها قدامو عشان يختار أقذعها وأكثرها إيلاماً عشان يرميني بيها وأنا شايف الشتائم مفروشات قدامو فيهن واحدات طعن في الشرف وواحدات سب للأب والأم وفيهن واحدات عرقيّات وأنا متابع حركة أصابعينو وسط هذه الشتمات والسبات وخايفو يشيل واحدة منهن لكن ربك ستر شال ليهو واحدة هو بفتكرها كيماوية عديل وممكن تقضي علي في اللحظة المهم ملأ بيها خشمو تب وفكّاها لي بي الشباك
سوداني واحد
أها بعد فات عرفت من الجماعة إنو الراجل خلاص فكّا آخرو يعني دي منها والسكين
فقلت معناها لو كنت الماني حايقول لي الماني واحد أو أمريكي واحد فتمنيت لو كنت من مدغشغر ولا جزر الفوكلاند عشان اشفوا بنطقها كيف؟؟؟
إذا كان شكلة واحدة قال لي سوداني واحد طيب الزميلة سودانية 2000 دي تكون عملت كم شكلة؟؟؟
غايتو أنا كلمتكم والداير يبقى سوداني إتنين يجي بسرعة وأي زول يتأخر ما يلومني

لوووووووووووووووووووووووووووول
وتانى
لوووووووووووووووووووووووووول
لكن ما بالغتا يا سودانى واحد
الزول دا لازم تجيبو يشترك فى بورد
بكرى دا عشان ينضم لناس الشتائم ويخترع لينا شتائم زى دى
جديدة كرت
عشان تحيرنا فى معانيها

بسم الله الرحمن الرحيم

الغالية د. بيان
سلااااااااااااااام وإحترام

هي يايما البركة الجيتي الراجل ما كان داير يكتلني
إنت عارفة دا لو إنضم للبورد أول بوست حايدخل فيهو (طالعني الخلا) لكن كان حايطفش ناس كتار وبعدين لو عايز ترد ليهو زي دا ما تقول ليهو ياشفيف أو ياكثيف دا تقول ليهو هيع الله منك آب صدر

والله الله يشرح صدرك شرحتا صدرى
ضحكت شديد الليلة
حاسب بس
سؤال برئ ليه اى راجل يتشاكل مع راجل
يجى يقول طويل وسمين
لووووووووول

سودانى واحد ؟
وفى سودانى اتنين ؟

حياك الله يا استاذ بدرالدين السمح والله
وربنا ينجيك من العوارض
ومن الحاجات ام طرقا عراض

يا بدر الدين حلا .. انت ما فهمت الحكاية الظاهر عليك
الزول ده ح يحسب ليك لحد تلاتة .. وبعد داك لو حصلت شكلة .. بتكون النهاية
الشكلة الجاية سوداني اتنين
والبعدها سوداني تلاتة .. كُفْ حجّار .. و ديك بتكون آخر فرصة ليك

يا بدر انا كنت واقف هو قال ليك بي خشم مليان ... روووح سوداني واحد وبعدها قمنا قسنا ليهو الضغط ليقناهو نزل كتير مع انو في بدايه الشكله كان ضغطو عالي جدا عموما بعد داك عملنا ليهو جلسه علاج نفسي لقينا انو المشكله الاساسيه في حياتو جايه من الدريول الهندي الذي يجد في البيت حظوه من الصغير والكبير اكثر منه هو من يدفع . غايتو صاحبك اعتزر لما عرف انك احتمال تكون مش سوداني وكان ممكن تكون اي جنسيه تانيه واتفق معانا وهو يهز راسه وقال ( اي والله ايش كان يكون حالي لو كان الريال هندي الله يلعنك يا ابليس ) هذا ما قاله طويل العمر
ما تزعل ياخ ديل ما بينزعل منهم

بدر الدين السمح
انا كنت فاكرة العمانيين ديل والله مؤدبين
يعني كدة خاتاهم نمرة اتنين كان ما كان واحد بين الخليجيين
يمكن عشان هم اصلا ما خليجيين مية في المية

لاكن زعلتني كيف تخليهو يمشي ساي كدة
مش الشباك فيه شبك؟
ولو ما كان فيه شبك برضو عندنا ليك ردود




تحياتي
زولة123

بسم الله الرحمن الرحيم

بيان بت أخوي
سلااااااااااااااام طاااااااااااااااااااااااعم

إنتي عارفة أنا عمك؟؟؟
إنتي بيان رقم واحد وأنا سوداني واحد
أصلو أنا و(رقم) أخوان وجدّناالله يرحمو واحد
أها (واحد) الله يرحمو جاب رقم وجاب سوداني

فهمتي ولا لع؟؟؟


حبيبي الفاتح
سلااااااام وحب شديد
أيوة في سوداني إتنين وفي سودانية 2000 كان ما عجبك
ربنا يحفظك من كل بلا


الظريف شنتير وليس شانتير
سلااااااااااام من جوا قلبي
ياخوي أنا بعد الشفتو في فيلم سوداني واحد أظني أغير لي سينما تانية
قال سوداني تلاتة قال


ياحمامة السلام
سلاااااااااام وإحترام
هو فعلاً قال رووووووووح سوداني واحد
الله يقطع الدريول الهندي كان قطع نفسي
هو دا عليك الله ضغط ولا بورصة عملات البرفعها هندي وينزلها سوداني؟؟؟
لكن أوعدك يا حمامة إني ما حا أكررها تاني


الغالية زولة 123
سلااااااااام وإكرام
لا عليك الله ما تغيري رأيك في العمانيين والله والله ديل أطيب شعب والله الواحد بيناتهم ما بشعر بي إنو غريب وأنا أكاد أجزم إنو ما في شعب متسامح زي العمانيين لكن أنا بتكلم عن شريحة بسيطة وغير مؤثرة لم تنل حظها من التعليم وهي شريحة البدو وصدقيني إنهم كرماء وحصل لي معاهم مواقف كتير نختلف ونتصافى في نفس الجلسة لكن بعض الأوقات يتدخل الشيطان وخاصة في مسائل المال
فعليك الله رجعي الفكرة بتاعتك وختيها في تربيزتها الكانت فيها
وتسلمي يازولة

بدر الدين

سلام وكلام

عليك الله الزول دا زي ما قلت فك آخره
يعني ألعن من سوداني واحد مال قلى ليك شتيمة
بس أنا مافهمت وين الشتيمة في حروفه دي
بالله فتش في مجتمعه ودردش ولف ودور وأفهم لينا البدوي دا قاصد شنو
أنا .. في انتظارك

تحياتي

بسم الله الرحمن الرحيم

الشفيف سنجاوي
سلاااااااااااام بقدر محبتي لسنجة

عند محاولتي لسبر أغوار هذه الشتمة أو السبّة (سوداني واحد) وجدت التحليل الآتي
عندنا هنا في هذه البقعة من الخليج (عمان) هناك عمانيين أصليين وهناك عمانيين جاءوا من زنجبار وذلك للعلاقة التاريخية التي تربط بين الشعبين والتصاهر الذي حدث وهناك عمانيين جاءوا من بلوشستان منذ زمن بالإضافة للعمانين أصحاب الجبل وهؤلاء يتمركزون في مدينة صلالة الجميلة وكل هؤلاء يرفرف فوق سقوفهم العلم العماني ولابد للنظرة الإستعلائية والعرقية أن تعيش وتنمو ففي أحايين كثيرة تجد العمانيين الأصليين إذا إحتدم النقاش يقولك هذا زنجباري واحد أو بلوشي واحد وهي للتقليل يعني زي لمن تقول (حتة سوداني لايودي ولا يجيب) وهذا ما توصلت إليه من تحليل من شخصي حسب تواجدي بينهم لمدة لا تقل عن الأحد عشر سنة
لك تحياتي

لك التحية أخي ..

كنت تقول ليه ..والف كمان !!..مش واحد
الم يسمع بأنه يكفي النيل ابونا والجنس سوداني
هو كان ما ..الجبر ..السودان بنفات
الله يحفظكم ..ويعود كل الطيور المهاجرة ..سالمين ..غانمين

البدري

والله ياخوي يبدو إنك أحسن حالا مني .. فقد حاول واحد أن يشتم أمامي رئيسنا الهمام عمر البشير إثر نقاش حاد ، فرمى بآخر ما في كنانته قائلا : سوّد الله ها الويه (الوجه) – إبن الزول ... طبعا بعد أن لكت هذه الكلمة كوييييس .. اتضح لي بأنها أقسى ما يمكن أن يذهب إليه ساب من سباب ... استعمل كلمة زول في أسوأ معانيها ... والله بيني وبينك نحن زااااتنا بنجيب السب لي نفسنا .

بدر الدين
سلام بالكوم
قول لى البدوي دة وين عشان أرسل ليهو الصحفي إياه ، زول خشمو فالت و عضلاتو تبش. و الله نضمي بياكلو ، ضرب بيدشدشو لأنو ما شاء الله قبضة إيدو زى كلاى.
تسلم

الاخ سودانى واحد
اوبس اقصد البدرى

والله تفسيرك معقول
البدوى فقد المنطق
زى شكل غير الناطقين بها
الكلو الويل لك يا هذا وثكلتك امك
وبيهناك السودانى يكون فرش كل حصيلتو الشتائمية

سلام مربع

يا بدر
معليش ياسيدي الجاتك من الشباك
سامحتك
موش اخير ماكان رسل ليك
ضربة قوية

اهو كده كده ربنا شافك
لازم تضبح خروف
واحد
وتوزعوا على البورد

شيري ، مع احترامي لإقتراحك لكن أنا غايتو حقي في الخروف أدوني ليه كهربة ..... جيت من السودان كرهان اللحم ... قربت أبقى خروف من كتر ما أكلت من لحوم ..

بسم الله الرحمن الرحيم

سلاااااام بنت النيل
كيف حال ابونا النيل والله نحن من ما فارقناهو فارقنا مشهادنا
غايتو زي مابقولوا الترك دارو قلّ مقدارو نسأل الله يحفظ كرامتنا

أهل العوض والعرض
سلاااااااااام وشوق

الويه (الوجه) المسود دا حقك ولا حق الريس؟؟؟
والله يا أهل العوض نحن ما عارفين نلاقيها من منو ولا منو
صحراء وسيرفر ضعيف وفراق أهل وعيال وبدوي غليد مفتول العضلات

الصديق أبو جهينة
سلاااااام مدنكل

والله دا لا ينفع معاهو صحفي ولا أم عطية بس عليك بالتركين
تحياتي


بت كنبتي بيان
سلااااااااااام مشبّع
ثكلتك أمك شنو؟؟؟
دا زول إيقاعو فارق عديل كدا
غايتو ربنا يسامحو وأنا متأكد هسع لو لاقيتو حا يضبح لي ويكرمني


الغالية شيري
سلااااااااااام مسلّح
الراجل ما فقع مرارتي ياشيري
سيرلانكية شنو؟؟؟ دا سيرليستاك ولا سير كهرباء ما عارف
دي دايرة ليها حلة كمونية عديل كدا


أهل العوض والجمال
سلاااااااااام
رأيك شنو في ضب صحراوي؟؟؟