أسميني شنو؟؟؟؟؟؟؟؟ ����� �������� ���
����� �������� ���

أسميني شنو؟؟؟؟؟؟؟؟


06-14-2003, 04:29 AM


  » http://sudaneseonline.com/cgi-bin/sdb/2bb.cgi?seq=msg&board=65&msg=1137369153&rn=0


Post: #1
Title: أسميني شنو؟؟؟؟؟؟؟؟
Author: بدرالدين شنا
Date: 06-14-2003, 04:29 AM

بسم الله الرحمن الرحيم

سلام إخوتي وأخواتي أبائي وأمهاتي

يا جماعة أنتو كلكم متغتيين ليكم بي أسماء تخينة ومخليني أنا للبرد والحر والمطر والصواعق براي؟؟؟

عشان كدا أنا قررت أغير إسمي في البورد من بدرالدين شنا إلى .... شنو ما عارف وذلك لعدة أسباب

أولاً
الإسم دا بيشفط حبر قلمي في بعض البوستات

ثانياً
الإسم دا ماعايز أكملو عشان بعدين أرجع بيهو السودان

وأسباب أخرى

والسؤال هنا
أسميني شنو؟؟؟

ً

Post: #2
Title: Re: أسميني شنو؟؟؟؟؟؟؟؟
Author: HOPELESS
Date: 06-14-2003, 04:32 AM
Parent: #1

اسميك

لولو الحنكوش




-

Post: #3
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-14-2003, 05:11 AM
Parent: #1

بسم الله الرحمن الرحيم

الغالي جمال
سلام وإحترام

ياخي معقول من الشين للحنكوش مرة واحد؟؟؟

Post: #4
Title: Re: أسميني شنو؟؟؟؟؟؟؟؟
Author: HOPELESS
Date: 06-14-2003, 05:15 AM
Parent: #3

حبيبنا بدرالدين شنا..سابقا
لولو الحنكوش ..حالياً
سلام واحترام

يا زول انت ما بتتحمل النعمه ولا شنو..؟
اربط

Post: #5
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-14-2003, 05:34 AM
Parent: #1

بسم الله الرحمن الرحيم


جمال أخوي
هسع إنت تكرر في (لولو الحنكوش) كدي كأنك مرقت لي عنقريبي للسقط تاني

أنا عايز الناس يقترحوا الأسماء وبعداك أنا بختار منهن الإسم التخين عشان لمن البسه ما في زول يعرف أنا منو وبي كدا أقدر أتحرك بي حرية وأكتب بي حرية

Post: #6
Title: Re: أسميني شنو؟؟؟؟؟؟؟؟
Author: HOPELESS
Date: 06-14-2003, 05:41 AM
Parent: #5

يا حبيبي يا لولو الحنكوش

الزول لمن يجي يتنكر بيختار شكل بعيد عن شكلو عشان الناس ما تاخد باله

ولا ما كدا يا ابو اللا..؟؟

Post: #7
Title: Re: أسميني شنو؟؟؟؟؟؟؟؟
Author: soma
Date: 06-14-2003, 05:44 AM
Parent: #1

سلام يا اولاد اهلى الطيبين ..البدرى وجمال ..
طبعا يا جمال انا قدمت البدرى عليك لانه حاج وكبير ..وركبته واجعاه ..
اسمع يا البدرى ..بقت فيها تغيير اسامى كمان
انت سماية روى لسه ما بردت ..داير تدخل انت فى سماية تانية كمان ..
وانت براك القاعد بى اسمك ..ما هدا جمال ده تحت كاتب اسمو ..واختك سومه دى زاتها انت عارف اسمها .. حتى سومه دى ياهاو الاسم ..يعنى ما فى جديد ..
على قول جمال الحنكشه ليك شنو .. داير تغير اسمك .معناها داير تتحنكش ..داير تتحنكش . معناها داير تسمى اسمك اسم خواجه زى الخواجه العيفه القاعد معاك هناك .. داير تسمى اسمك اسم خواجة .. معناها ده ميلادك التانى .. وانا عارفه ليك ميلاد واحد حقيقى .. معناها بعد كده انا اتصل تلفون .. كفاية صبرنا كتير نحن لوووول اها عاد بتقبل وين ؟؟ اى زول بنادى لى الزوله الدايره اتكلم معاها ..اكان مرقت فى طرف الحلة .التلفون قاعد راجينا ..دحن يا خوى استهدأ بالله ..وخليك بى اسمك ده .. والغنماية الجاتك هدية دى ..خليها لى كرامة الحج باذن الله..ولا شن قولك يا جمال ود عمى عبد الرحمن .. فتكم بالف عااااافية

Post: #9
Title: Re: أسميني شنو؟؟؟؟؟؟؟؟
Author: HOPELESS
Date: 06-14-2003, 05:49 AM
Parent: #7

عداك العيب يا بنت العم
بس البيقنع لولو شنو

[/
GREEN]


-

Post: #8
Title: Re: أسميني شنو؟؟؟؟؟؟؟؟
Author: bushramk
Date: 06-14-2003, 05:47 AM
Parent: #1

بدرو شنونة

Post: #10
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-14-2003, 06:09 AM
Parent: #1

بسم الله الرحمن الرحيم


يا جمال يا ود عبدالرحمن
إنت خت لي في الكشف الإسم الدايرو وخلي غيرك يختوا وبعد داك أنا بشوف الختة الغليدة وبلبسها

سوما العسل
سلام وإكرام

البركة الشفنا حروفك طيبة
يا بت أمي أنا داير أغير إسمي لأنو في ناس طالبني قروش في البورد دا
أنا بعد البس الإسم الجديد بكلمك بيهو لأنك هددتيني بالتلفون
بس إنتي كمان كبري الختة في الكشف شوفي لي الإسم السميك

الغالي بشرى مك
سلام وبشرى

بدور شنونة؟؟؟
يعني دقيت ليها عامود؟؟؟

Post: #11
Title: Re: أسميني شنو؟؟؟؟؟؟؟؟
Author: Ahlalawad
Date: 06-14-2003, 06:47 AM
Parent: #1

ود الصافية
أو
صافي
صابون صافي الصافي
الحير أوصافي

Post: #12
Title: Re: أسميني شنو؟؟؟؟؟؟؟؟
Author: Osama Mirghani
Date: 06-14-2003, 07:17 AM
Parent: #1

أقترح: سفينة الصحراء
أو ود مرمول....أنا فعلا أعتقد حكاية الشنا دي مافي ليها داعي..لأنو في بت حلوة كده-حنكوشه- زي ما بقولو الأيام دي... في مسقط قالت لي( والله ياعمو أسامة الزول ده ما شين للدرجه دي) ..يا بختك يا عم

Post: #13
Title: Re: أسميني شنو؟؟؟؟؟؟؟؟
Author: bushramk
Date: 06-14-2003, 07:18 AM
Parent: #1


يجازى محنك يا بدر الدين

قطعت مصارينى الله يديك العافية

طيب ........بدير البان يا فنان

Post: #14
Title: Re: أسميني شنو؟؟؟؟؟؟؟؟
Author: ابو جهينة
Date: 06-14-2003, 07:31 AM
Parent: #13

بدر الدين

سلام كبير

مادام الحكاية فيها ناس دايرين منك قروش ، هاك الأسماء دي :
صقر الخلا
عشا البايتات
جداع بعيد
ود الأجاويد
الدخري
زاد السفر
هلم جرا

يلا إختار يا أبو البدور

Post: #15
Title: Re: أسميني شنو؟؟؟؟؟؟؟؟
Author: almulaomar
Date: 06-14-2003, 07:43 AM
Parent: #1

أخي الكريم أبو RUBA
والله يا بدر الدين يا أخوي إسم بنتك ده صعب شديد بالعربي وبيدخل الواحد في متاهات أو قل حيص بيص ، لذلك قررت التعاون مع الغرب في المسألة الإسمية لإبنتكم الأمورة وبهذا أعلن على رأس الأشهاد أنني أتعاون مع العلوج والطراطير على رأي عمدتنا قرشو لكن هذا التعاون ولله الحمد محدود بحدود إسم الأمورة إبنتكم.
أما في مسألة تغيير إسمكم فالمسألة ليست ساهله فهنا أخي الكريم الإسم لا يرد ولا يستبدل لكن تقديراً لظروفك وإهتمامك ومشاركاتك وإمتاعك لجمهور النظارة قرر مجلس العلوج البريطاني وهو أعلى سلطة تشريعة تحت التاج البريطاني الموافقة على تغيير إسمك وأيضاً تمثالك في متحف الشمع بشرط أن يسبق تغيير الإسم ما يلي:
شهادة تثبت خلوكم من الأمراض الوراثية والعاهات
شهادة تثبت أنه لا علاقة لك بفرق الهلال والمريخ والموردة
نشر الإسم الجديد جنباً إلى جنب في الصحف السيارة والكواكب السيارة وتلفزيون المستقبل
يشترط بعد الموافقة على تغيير الإسم ذبح كبشين أقرنين أملحين فور ويل درايف فل أتوماتيك
شهادة إعفاء من الخدمة الإلزامية
شهادة خلو طرف من الضرائب والزكاة
شهادة تثبت أنك أنت بدر الدين شنا
شهادة سكن وشهادة حسن سير وسلوك
وأن لا يكون لك أى علاقة بالأحزاب السياسية أو الجماعات الدينية والطرق الصوفية.
-----
وأقترح عليك أخي الأسماء التالية ولا تسألني عن المعني حيث أن الأسماء وبحسب ما جاء على لسان العالم الكبير أهل العوض في قناة الجزيرة الفضائية الذي إستضافه وعلى الهواء مباشرة في برنامج شاهد على العصر والمغرب أنها – أى الأسماء – لا تعلل رغم إنه في نوع أسماء تجيب العلة وحروف العلة كلها:
كاب اللبوس
دابي الروم
عاشميق
عوج الدرب
آية الله العظمى بدر الدين شنا

Post: #16
Title: Re: أسميني شنو؟؟؟؟؟؟؟؟
Author: shiry
Date: 06-14-2003, 07:50 AM
Parent: #15

سلام مربع

بدر شو

او ادغمه

برميشو

Post: #17
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-14-2003, 08:15 AM
Parent: #1

بسم الله الرحمن الرحيم


أهل العوض والرأي
سلام وشوق

إسم جميل ينظر ويفاد
صفوة جمالك صاف الماء على البلور
وما تتحير يا حبيب

الجميل أسامة ميرغني
سلام وفرحة بي شوفت صورتك

قلت لي سفينة الصحراء أو ود مرمول
كدي ختهن جنب (ود الصافية) بتاع أهل العوض وسلم لي على الأمورة الكضابة القالت ما شين دي

الغالي بشرى مك
سلام وإحترام

بدير البان يا فنان
إنت داير بكري يقول لي إسمك ملأ الباندوث ولا البان جديد ما عارف

صديقي أبو جهينة
سلام يا غالي

جداع بعيد
زاد السفر

شايفني رابط لي قربة موية في سيخي؟؟؟
عشان بعد شوية كمان يسموني يا أبو مروّة؟؟؟

المحبوب الملا عمر
سلام يارائع

ياخي أنا عايز أغير إسمي ما عايز أغير لي كلية ولا عامود طوالي ولا قطعة أرض ولا رئيس الجمهورية بس مجرد تغيير إسم وبعدين ياخي مش أساميك دي ما دايرها إذا كان تستوجب كل هذه الشروط والله أنا ممكن أحصل أسامي في ورشة سجيمان بي رماد وشها


المحترمة شيريشو
الشرام عليكم

سلام مربع دي تابعة للأسماء؟؟؟
مشتاقيين يا هتراشة
كدي هترشي تاني كان القى لي إسم مهترش بي شطة ولا تبش

Post: #23
Title: Re: أسميني شنو؟؟؟؟؟؟؟؟
Author: almulaomar
Date: 06-14-2003, 11:29 AM
Parent: #17

أخي بدر الدين شنا
أولاً قرأت كلية على وزن كلية الهندسة وكلية البوليس وكلية الفنون وكلها كليات بعدين العمود أو العامود ذكرني بمستشفى العيون بالخرطوم لمن جدي عليه رحمة الله وهو قريب الشبه بالمناسبة من آية الله الخميني في الشكل ، الغريبة لم يخطر على بالي كلية الطب أو عمود طوالي وعندها كان يمكن تقريب المسافات في خيالي المبرطع والبرطعة هي الجري دون هواده أو بجنون وهي عادة ما تعبر عن الهروب عن الواقع الأليم أو المرفوض في نظر المبرطع ، وقد جاء في أمثال العرب المستعربة في هذا الشأن عايره و أدوها سوط والمثل يشرح نفسه أو يشرحه أهل العوض لمن أراد مزيداً من التفسير. دعنا من الحمير وحمر النعم حتى ولنرجع لإسمك فهو أمانه تماماً مثل صورة عبد الله عبد القادر البعيو لن نفرط فيهو ، لذلك فهو ليس ملكاً لك وحدك بل ملك لجميع أعضاء المنتدى لذلك يجب أن تتحلي بشئ من الديمقراطية وأن تدخل مسألة الإسم في عملية إقتراع ليس على طريقة طره وكتابه بل على طريقة الإقتراع الحر ومن ورااء حجاب كمان. قلت شنو

Post: #26
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-14-2003, 02:16 PM
Parent: #23

بسم الله الرحمن الرحيم

الملا بن عمر
سلام وتوقير

إنت قريتها كليّة وأنا قصدت كلوة وجمعها كُلى يعني تقدر تقول مستشفى الكُلى
أما مسألة تغيير الإسم فصدقني أنا جادي فيها وفعلاً كنت أتمنى أن أعرف أراء الإخوة في البورد ولكن يبدو أن الناس عاملوني معاملة محمود الكذاب واعتبروني بهظر وأنا لو صبرت على هذا الإسم ربما حتى شهر يوليو أي مرور سنة على إشتراكي وبعدها سأقوم بتغيير كل الجهاز الفني لهذا الإسم

Post: #18
Title: Re: أسميني شنو؟؟؟؟؟؟؟؟
Author: Dafi
Date: 06-14-2003, 08:22 AM
Parent: #1

يا بدر الدين..والله جيتني في جرح بي بوستينك الليلك ده
انا لي زمن ..شايل لي اغنيه كده في جيب جلابيتي دي ..وكايس لي حجه عشان اهديها ليك
لكن يا كافي البلاء..لا عيد ميلاد لا عيد زواج ..لا بطيخ
طبعا انت مننا وفينا..ناس ولدوني سنة الجراد..وعرست سنة القاش كسر نادي الميرغني
الليله الصباح قلت لي روحي ..ازرعها في البورد ..واقول مهداه الي بدر الدين شناه بمناسبه عيد الفصح..مع انو ما عارف عيد الفصح ده متين
لكن الحمد لله ريحتني بي سمايتك دي
الاغنيه مهداه الي تمبس بمناسبه الشغل الجديد..والي دكين مع انو اشتر ما بفهم في الغنا..والي اهل العوض....والاخت الجندريه مع التحيه
كما اهدي الاغنيه..الي تماضر..وبت قضيم وشيري وود العجمي ..مع عاطر الاشواق
اعزائي المستمعين..لكم ولهم يغنينا..محمود عبد العزيز
يخجل البدر..ويخمد المصباح
يا ليل..يا ليل..هات لينا صباح
نحن كل صباح ..نبني في الامال..ما وجدنا رباح
سرنا المكتوم بالدموع انباح
والسهاد اصبح امرو لينا مباح

<BGSOUND src=http://www.sudan2day.com/Music/Mahmoud/hat%20lena%209aba7.MP3 style="color:black;background-color:white">

Post: #19
Title: Re: أسميني شنو؟؟؟؟؟؟؟؟
Author: maia
Date: 06-14-2003, 08:52 AM
Parent: #1

الاخ بدرالدين
لو قلنا أبو ربا يكون كويس لكن انت بوستاتك معروفة بنكهتها الجميلة يعني لو سميت نفسك فلاديمير ود الفكي برضو حتتعرف انك بدرالدين الماشين
تسلم يا سيدي
غايتو برشح ليك ابو ربا

Post: #20
Title: Re: أسميني شنو؟؟؟؟؟؟؟؟
Author: AlRa7mabi
Date: 06-14-2003, 09:50 AM
Parent: #1

بدر الدين

تبــادل

وتدفع الفرق

شايفك جننتا الألوان جن

رحمابي

Post: #21
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-14-2003, 10:49 AM
Parent: #1

بسم الله الرحمن الرحيم



دافيني كيف حالك
دافيني دي معناها دافي صاحبي
سلام وحب شديد

إنت معلق الشيخ البرعي فوق راسك وتجيب لي محمود؟؟؟
حمداً لله على سلامة العودة
وناسك الهديت ليهم الأغنية دي كلمهم خليهم يجو يشيلوها أنا ماعندي شافع أرسلو ليهم
أكرر فرحتي بعودتك صديقي المشاغب

الغالية جداً ميا
سلام وإحترام
أشكرك على الإطراء ومدح بوستاتي وإن شاء الله ديماً مبوستة ببوستاتي

الشفيف الرحمابي
سلام وطيب كلام

أدفع فرق ليه إنت إسمك دا مصفّح؟؟؟

Post: #22
Title: Re: أسميني شنو؟؟؟؟؟؟؟؟
Author: Al-Masafaa
Date: 06-14-2003, 10:57 AM
Parent: #21

بدر الدين اخوى انا عندى ليك اسمين و اوعك تجلي منهم و عارفم بعجبوك
أب شيبة
بدروسيم

رايك شنو؟

Post: #24
Title: Re: أسميني شنو؟؟؟؟؟؟؟؟
Author: soma
Date: 06-14-2003, 11:40 AM
Parent: #1

سلام يا البديرى .. بلا عسل . بلا بصل .. بتصل ..يعنى بتصل ..
بعدين العسل ده عسل شنو السميتنى بيه الليله ده ..طلعت من علبك وسميتنى بالعسل .. عسل القصب ..ولا مولاصو ؟ لوول ..والله اياها يسرية محمد الحسن زاااااااتها لووول البدرى ..
والله لكن فى البلبصة الليله فت اوااااب ..
لكن ما فى ليك طريقة برضو بتصل ..
عندى شهود ..جمال ود عمى عبد الرحمن .. اها شيل شيلتك

Post: #25
Title: Re: أسميني شنو؟؟؟؟؟؟؟؟
Author: aboalkonfod
Date: 06-14-2003, 12:00 PM
Parent: #24



الأخ .. الأخ .. منو .. الذي في حالة فراغ دستوري المحترم
وسابقاً الشين ودشن .. بدرالدين

والله يا أخوي أنحنا شغل السماسرة، وشخيطون في الأرض،
ما بركب لينا في راسنا الشين دة، عندي ليك إقتراح
زي السم، إيه رأيك نتبادل الأسماء، لكن تدفع الفرق

وأوعك تقول لي "قرون بقر" طقة بي طقة يعني ، لأنو
الكنفد وين .. وين .. والشين وين ،
الكنفد في الدورين، والشين .. في الوحل والطين
فرق شيري وقمر الدورين .. من ناس قيريحتي راحت
والسوميت بت الكجيك .. أها رأيك شنو؟

Post: #27
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-14-2003, 02:17 PM
Parent: #1

بسم الله الرحمن الرحيم


المحبوب/ المسافة
سلام بقدر المسافة

ممكن أفكر في (بدروسيم) لكن (أبو شيبة) دي بتجيب لي سيد الدكان وجزار حلتنا مع بعض


سوما ساكت بس
سلام وإعتذار

أنا قلت ليك يا عسل عشان ما توصلي الكلام للبلد
لكن مدام مصرّة وعندك شهود بقول ليك سوما القوالة


أبو الكنفد سلام عليك
إنت بعد التغتغت والإسم التخين جايب لها كمان شوك
وبعدين عايزني أدفع فرق إنت قالولك أنا إسمي دا مسويبو حادث قبل دا ولا شنو؟؟؟

Post: #28
Title: Re: أسميني شنو؟؟؟؟؟؟؟؟
Author: بت قضيم
Date: 06-14-2003, 02:31 PM
Parent: #1

حقو تسمي روحك العجب
ونعمل دويتو
فالشناة للشناة رحمة
مع انك لو سميت العجب انا زاتي بغير اسمي بسميني رهام

المشكلة يا بدر الدين ما الاسم،، المشكلة البصمة ودي ما ليها بديل

دفدف
تسلم للاهداء

Post: #29
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-15-2003, 05:01 AM
Parent: #1

بسم الله الرحمن الرحيم

الغنيّة/ بت قضيم
سلام وإحترام
Quote:
المشكلة يا بدر الدين ما الاسم،، المشكلة البصمة ودي ما ليها بديل



كلامك صاح يا بت قضيم البصمة هي الأهم بصمة الفنان في اللوحة بغض النظر إن كانت خطوطها طولية أو عرضية رائعة أو هزيلة دا كلو مفهوم وممكن تتلحف بيهو وتنوم لكن الإسم للشخص المعروف هو البجيب البرد والصواعق والطوفان

Post: #30
Title: Re: أسميني شنو؟؟؟؟؟؟؟؟
Author: دورنقاس
Date: 06-15-2003, 07:54 AM
Parent: #1

الاخ بدرالدين شنا


احمد الله اسمك ماقاعد تكتبو كدا شنأ
كان معناهوكما جاء فى معجم الميط فى اللغة
يستوجب التغير ... وعشان انك امير اسمك جميل ولابق عليك والمابيعرف العنب حامض عنو يقول
شانه تعرفاولاحنكشة مبتعرفا
قديمك نديمك لو الجديد اغناك
ولوانت مصر حرم خروف السماية على
التهانى ليك

Post: #31
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-15-2003, 10:35 AM
Parent: #1

بسم الله الرحمن الرحيم

الحبيب دورنقاس
سلام وفرحة بالقدوم

Quote:
احمد الله اسمك ماقاعد تكتبو كدا شنأ
كان معناهوكما جاء فى معجم الميط فى اللغة
يستوجب التغير



معناها اللغم في الهمزة الفوق دي ... يازول الله بيني وبينها
ياخي إسم (الميط) دا ما تديني ليهو أحسن لي من الخروف

Post: #32
Title: Re: أسميني شنو؟؟؟؟؟؟؟؟
Author: دورنقاس
Date: 06-15-2003, 10:55 AM
Parent: #31

الاخ بدرالدين شنا

والله ماعارف الميط دى جات كيف
خطأ
والصاح المحيط
اها الخروف ولا الشى العميق دا
جيت تغير الاسم بقيت ليك فى غرق يا كافى البلا وحايد المحن
ليك السلامة

Post: #33
Title: Re: أسميني شنو؟؟؟؟؟؟؟؟
Author: Elmosley
Date: 06-15-2003, 10:58 AM
Parent: #31

بما انك من مبدعي المعهد اقترح تيمنا بالكوريين نسميك
شينشونغ

Post: #34
Title: Re: أسميني شنو؟؟؟؟؟؟؟؟
Author: soma
Date: 06-15-2003, 11:30 AM
Parent: #1

لووووووووووووووووووووول موصلى
وانا برضو بتصل ..اها شن قولك يا البدرى ..والله الا تقول الرووووب الكنت بتريدو براه ..

Post: #35
Title: Re: أسميني شنو؟؟؟؟؟؟؟؟
Author: Ahlalawad
Date: 06-15-2003, 11:47 AM
Parent: #1

غايتو لو داير تنبز ليك زول قول ليه يا مطلش . والله يا بدر الدين أظني بدور تجيني الطرطشة . يعني بوستك دا أتختراهو جاي وجاي ما داير أدخلو , وأول ما أدخل أسمع الأغنية الجميلة دي؟ وأرى زي الحلم مداخلة من دافي . ثم أعلم بعد كل ذلك أنه هو الذي نزل الأغنية؟ وفوق كل ذلك يهديها لي وللأهل بتبوسة والقمز والددنقة وشارف والقضارف كما يهديها إلى الخطيبة العارفة نفسها ؟ وبرضو تقول لي ما مطلش؟

شكرا دافي وعوداً حميداً

Post: #36
Title: Re: أسميني شنو؟؟؟؟؟؟؟؟
Author: بدرالدين شنا
Date: 06-15-2003, 12:08 PM
Parent: #1

بسم الله الرحمن الرحيم

الغالي دورنقاس
سلام

ياخي إنت إسمك دا صعب خلاص دا دورنقاس ولا الدور العاشر؟؟؟
أخير لي الخروف أول بعدين المرفعين وأرجع بي الخروف وأشيل القصب وارجع أشيل الخروف
لك التحية

الحبيب الموصلي
سلام وإكرام

شينشونغ
هسع الحروف التلاتة الأولى دي دحين ما حقاتي القدام
حبي وتقديري

سوما الروب
سلام وإحترام

أسمعي الروب الفوق دا ما خوف دا ليكي إنتي أشربيهو كان ينومك ولا ينسيك ... هع أنا أبوك آوّاب

هوي المطرطش دا
سلام عليك
تعال شيل الأغنية دي فرقا على أهلا مساهرة بي وحامياني النوم خايف يجي زول يشيلها وأنا دافي قال لي خليها أهلها بجوها
تسلم يا مطرررررررررررررر (ز) بالجمال