يتسالموا بي البوسة ويتخاصموا بالخوسة

عجيب أمر هذا المنبر الحر
تلقى الخطاب في الأول
المبدع صاحب الحرف الأنيق .....
الشفيف الوريف ......
الصديق الصدوق ....
وينقلب الخطاب في أول حالة إصطدام إلى
أنت أيها الغارق في الدونية ...
أنت ايها العنصري ...
أنت أيها الدجاجة أراك تساندك تلك الطحالب ....
وبعداك يجيب ليك سيرتك الذاتية من زمنك الشغال في ود العباس لغاية ما جيت تكساس ... عرفها كيف الله أعلم
عشان كدا أنا اصلو ما بخش لي في مشكلة ولا بوست زي دا عشان ما ينط لي واحد ويقول لي
هل نسيت إيهاالقبيح تلك الأيام؟؟؟
وأنا بي صراحة خائف من تلك الأيام
مع إنو أنا ما عنديش أيام
لكم التحايا

بدر الدين السمح

يا شفاف....

قلت ما عندك ايام؟......دي علي منو؟.....كدي ابقى فالح وناضمني

الجميل حد الوصف سجيمان
سلام

Quote: يا شفاف....

شفاف الشعود؟؟؟
لك حبي واصلي ما بنضم معاك

أخي بدر الدين ما قلت لي يا تو نوع من البوس فهناك الكثير من الأنواع بوس ديو وبوس بالطماطم وبوس وإنت سافي تمباك وبوس بالأنياب وهو أسوأ أنواع البوس. أما الخوسه دي فكدي أصبر لمن حبوبتي تجي من البلد ده كان لقت مواصلات عشان أسألها منها لأنني سمعتها مرة بتغني في البانيو "حليل موسى يا حليل موسى ، حليل موسى للرجال خوسه" وتحت تحت عرفنا إنو موسي ده يطلع موسى ود دكين شفت الهوى التاريخي ده.
بعدين فيها شنو يعني لمن تقول لي يا جداده أو دجاجه ، إنت هسي غنوا ليك الجداد ما غنوا ليهو وعملوا منو أمثال كمان إنت ما سمعت بي المثل البيقول جدادة الخلا الطردت جدادة البيت ، ويبدو إنو جدادة البيت إياها كانت من النوع البيطري يعني سماحة جمل الطين ، ولو كانت زي جدادتنا والله يا البدري ما تقدر تطردها دي كان ترجعه ليك للخلا والرفيق الفسل ، ودي نحن عشان نشيل بيضه من تحتها إلا نجهز البيت كلو لمعركة العاديات ضبحا حتى يا دوب نسرق لينا بيضه.
أما حكاية عنصري فأحسب أن العناصر الموجودة في الطبيعة كثيرة وأن كلامي ده بجيب لي الهوا وأنني برئ من مقالك هذا وأن الخواف ربى عيالو وأنني دخلت بالحسني لكين شكلي أتوكرت وطلوعي من المقال ده يشبه طلوع لوري تعبااااان من خور في فصل الخريف.
ويا النسيت أيامنا ، حتى وأنت تنتقد موقف معين تضع البسمة والفرحة أيها الفنان الإنسان أبو أواب.

شفاف صعود والله هبوط؟
يا رقيق تجارى؟؟
انور

بدر الدين السمح

وهسع برضو ربنا يسلم ليك بوستيك ده ما يجوك
وقولوا ليك دي انهزامية ولا انصرافية ولا جبن
مش جبن الدويم والله يا اخوي انا زيك كل شئ
ولا الدكشمان والكلمات المقاطعة الطائرة وبيني
وبينك في ناس الشتيمه عندهم اسهل من الشعر عند
المتنبئ اها بمناسبة المتنبئ دي خليني الحق الديوان
مع ايهاب الطيب دي المغارة حقتنا

البدري

ما سمعت بالسوداني الجا بلد عربي

وعندما اقبل عليه القوم يبوسونه ترحيبا

فما كان منه الا ان استل سكينه

Quote: ما قلت لي يا تو نوع من البوس فهناك الكثير من الأنواع بوس ديو وبوس بالطماطم وبوس وإنت سافي تمباك وبوس بالأنياب وهو أسوأ أنواع البوس

البوس أبو نقطتين
شفتا البوسة قدر شنو؟؟؟
أخي وملاي أو أخي وملاعمري إنت زول غنيان وكثيف وأنا بخاف من عكاز حروفك


حبيب قساي أنور
سلامي وشوقي
ياخي أنا في الإجازة الأخيرة دي مشيت بيتكم ما كلموك حتى أنني حاولت مقابلة صلاح ولكنني لم أجده ووجدت باقي ناس البيت وعزيتهم في المرحوم الهادي الله يرحمو ويحسن إليه
لك حبي وتقديري وصحبتي


الغالي ود الشيخ
سلام وإحترام
أنا لغاية إنصرافية ما عندي مانع بس بخاف من (الآيدولوجية) والديلاكتيك والكونفدرالية والآفروآسيوية والفرنكفونية
ربنا يحفظنا أنا وإنت وكل إنسان طيب


صديقي وحبيبي قرجة
إنت عارف أنا بحبك؟؟؟
وبرتاح لي بوستاتك وليس بوساتك طالما فيها طليع سكاكين
لك تقديري خاص مافي زول عارفو أنا خاتيهو ليك تعال بعدين شيلو

البدري الغالي..

لووووووووووول.. اتاريك داير البوسة بس وزايغ من الخوسة..

غايتو انا بريد أسالم على الحبان.. وما بسلم على زول لابد لي في الدرة (الذرة بالمصري).. اعمل زيي..

العزيزة الغالية جداً رجاء
سلام من الحبان وللحبان
أنا بقدر ابقى زيك؟؟؟
إنتي في الإبداع بتلبس كم؟؟؟
لك كل الود