Post: #1
Title: المعاه (قزاز) عفواً الفاظ
Author: بدرالدين شنا
Date: 10-02-2004, 09:03 PM
الشكية لي الله الديمقراطية قاطعة عندنا ليها يومين
والألفاظ الفي التلاجة كلها باظت وهسع ما عارفين نطبخ شنو للضيوف والزوار البجونا من برا
هسع أنا قلت أمشي السوق أملا التلاجات الصغار ديل إحترام وتقبل للآخر وشفافية لكن أنا قايل الألفاظ حقة الأكياس ماها سمحة أخير حقة الوزن
تحياتي وإحترامي للجميع
|
Post: #2
Title: Re: المعاه (قزاز) عفواً الفاظ
Author: المسافر
Date: 10-02-2004, 10:07 PM
Parent: #1
العزيز بدر
أيوة راحاتك
وثلج الحلة كلو في ماياتك
مع فائق الإحترام
|
Post: #4
Title: Re: المعاه (قزاز) عفواً الفاظ
Author: omer almahi
Date: 10-02-2004, 11:56 PM
Parent: #2
بدر
ممكن عندكم فيران بتتلف ""السلوك ""
|
Post: #3
Title: Re: المعاه (قزاز) عفواً الفاظ
Author: بدرالدين شنا
Date: 10-02-2004, 10:40 PM
Parent: #1
يا المسافر حبي ليك ماليهو آخر
Quote: أيوة راحاتك
وثلج الحلة كلو في ماياتك |
اللهم اثلج ماياتي ومايات المؤمنين أجمعين
الأحياء منهم والمايات
لك ودي
|
Post: #5
Title: Re: المعاه (قزاز) عفواً الفاظ
Author: محمد سر الختم
Date: 10-03-2004, 00:07 AM
Parent: #1
UP
|
Post: #6
Title: Re: المعاه (قزاز) عفواً الفاظ
Author: newbie
Date: 10-03-2004, 00:37 AM
Parent: #5
بدر الدين
هسي كان دقيتو الويكة(بت الكب)ونشفتو الخدرة و .....مطو اللحم ويبستو الكجيك ,,,, كان حصل عليكم ده ؟ انتو ما عارفين التلاجات ليها يوم
يمهل ولا يهمل
|
Post: #7
Title: Re: المعاه (قزاز) عفواً الفاظ
Author: الجندرية
Date: 10-03-2004, 00:43 AM
Parent: #1
بدرالدين
والله عاد الشكية لله والرسول
بالله بعد ما تملأ تلاجاتك ديل
تعال كبهم لينا في البورد دا
عسى ولعل
|
Post: #8
Title: Re: المعاه (قزاز) عفواً الفاظ
Author: بدرالدين شنا
Date: 10-03-2004, 01:59 AM
Parent: #1
صديقي عمر الماحي
سلامي وإكرامي
| Quote: ممكن عندكم فيران بتتلف ""السلوك "" |
That is (Fair) aaaaaaaaaaaaaaaaan
الحبيب محمد سر الختم
سلام وشكر
أشكرك على الأبوَّة
الجميل نيوبي
سلام يحمل كلام وشوق
القزازة دي حقتك؟؟؟
العفيفة الجندرية
سلامي وإحترامي
خلاص أنا بملاهن بس إنتو نضفوا المواعين
تسلمي
|
Post: #9
Title: Re: المعاه (قزاز) عفواً الفاظ
Author: Ahmed Alrayah
Date: 10-03-2004, 03:47 AM
Parent: #8
بدر الدين...
أسألك سؤال: هل أنت من غنى ذات عرض تلفزيوني لفرقة الأصدقاء (إجلي النظر يا صاح)؟ الكلام ده كان زمااان.
عذراً للانصرافيّة... والتحيّة عبرك ل...
محمد نعيم سعد،
أمير عبدالله،
محمد السني دفع الله،
عبدالمنعم عثمان،
فيصل أحمد سعد،
جمال عبدالرحمن،
محمد المهدي الفادني،
موسى الأمير،
وكل أعضاء فرقة الأصدقاء الموهوبين الذين لم تسعفني الذاكرة في استرجاع أسماءهم.
احترامي وودّي،
احمد الريّح
|
Post: #10
Title: Re: المعاه (قزاز) عفواً الفاظ
Author: بدرالدين شنا
Date: 10-03-2004, 05:12 AM
Parent: #1
هي الزول البريدو جاني براهو في بوستي
الزول الموضوعي صاحب الكلام الموزون
صاحب العقل الراجح
الشفيف أحمد الريح
سلام وإحترام وإعجاب
أما بخصوص سؤالك إن كنت أنا من غنَّا ضمن مجموعة الأصدقاء فالإجابة يا صديقي نعم أنا والعياذ بالله من كلمة أنا فغنيت معهم أغاني كثيرة ولكن الأغنية المشهورة والتي قدمتني للجمهور فهي أغنية أحرموني ولا تحرموني سنة الإسلام السلام فقد غنيتها في المحطة الأهلية (الفنان السمح والفنان الشين) وغنيتها مرة أخرى قلدت فيها بعض الفنانين عبر الحقب
فلك ودي وأنا سعيد بزيارتك لهذا البوست وتحياتك ستصل بإذن الله
عفواً يا شباب أن تماديت في تعريف نفسي ولكن أعتقد أن (القزاز) بخير ولم يصبه شئ
|
Post: #11
Title: Re: المعاه (قزاز) عفواً الفاظ
Author: عمر بانقا
Date: 10-03-2004, 06:39 AM
Parent: #10
الحبيب بدرالدين
وينك يارجل ولا وينى انا ماعارف ؟
المهم اشواق وتحيات مطر
وانشاءالله يكون (قزازكم) شغل برا
لانو المحلى طمم بطنا
تحياتنا يامبدع
عمر بانقا
|
Post: #12
Title: Re: المعاه (قزاز) عفواً الفاظ
Author: Raja
Date: 10-03-2004, 06:48 AM
Parent: #1
البدري الغالي..
اللهم لا نسألك رد القضاء..
|
Post: #13
Title: Re: المعاه (قزاز) عفواً الفاظ
Author: محمد سر الختم
Date: 10-03-2004, 11:27 AM
Parent: #1
بدر اللذيذ
أنا ما كان قصدي بـ UP أرفع البوست
أنا كنت عاوز أقول ليك UPشيبة إزيك لكن الديمقراطية قصدي الكهربا قطعت عندنا قبل ما أتم الباقي
تاني ما تفهمني غلط
|
Post: #14
Title: Re: المعاه (قزاز) عفواً الفاظ
Author: AttaAli
Date: 10-03-2004, 01:38 PM
Parent: #13
up
|
Post: #15
Title: Re: المعاه (قزاز) عفواً الفاظ
Author: Ahmed Alrayah
Date: 10-03-2004, 03:49 PM
Parent: #14
... شكراً يا بدر الدين على كلماتك الطيّبة (اسمح لي بمخاطبتك هكذا بلا ألقاب رغم اعترافي بموهبتك الجميلة)، أمّا عن (ديمقراطيتكم القاطعة ليها يومين)... فالحمد لله أمريكا ما بتقطع فيها الديمقراطيّة !!
أحمد الريّح
|
Post: #16
Title: Re: المعاه (قزاز) عفواً الفاظ
Author: ابو جهينة
Date: 10-03-2004, 09:45 PM
Parent: #15
شقيقي الحاج بدر
سلام كبير
| Quote: لكن أنا قايل الألفاظ حقة الأكياس ماها سمحة أخير حقة الوزن |
لا فض فوك و بس
|
Post: #17
Title: Re: المعاه (قزاز) عفواً الفاظ
Author: بدرالدين شنا
Date: 10-03-2004, 09:56 PM
Parent: #1
المبدع الفنان عمر بانقا
سلامي وإشتياقي الصريح
Quote: وانشاءالله يكون (قزازكم) شغل برا
لانو المحلى طمم بطنا |
خلاص إنت (قزقز) معانا بالمحلي وأملا بطنك من البرا
الحبيبة رجوية الحلوة
سلام بعدد تلاجاتك
ما دام جابت ليها صف تلاجات أنا الأول مش بوستي؟؟؟
الغالي محمد سر الختم
سلام واريحية
| Quote: أنا كنت عاوز أقول ليك UPشيبة إزيك لكن الديمقراطية قصدي الكهربا قطعت عندنا قبل ما أتم الباقي |
أضحكتني يا رجل بهذه الطرفة التي تنم عن موهبة
لك حبي وترحابي
الحبيب عطا علي
أو عتَّالي
سلام وترحيب وشكر
أشكرك وأنت تقيم حفل (تأبيب) لهذا البوست
النفيس أحمد الريح
سلام ورحابة
| Quote: اسمح لي بمخاطبتك هكذا بلا ألقاب رغم اعترافي بموهبتك الجميلة) |
ما مشكلة مسموح بس رجع لي شناتي لو سمحت
| Quote: أمريكا ما بتقطع فيها الديمقراطيّة !! |
دي ديمقراطية رخيصة رخص (البوش) والأشياء (الكيري)
|
Post: #19
Title: Re: المعاه (قزاز) عفواً الفاظ
Author: abuguta
Date: 10-03-2004, 10:36 PM
Parent: #17
المعاه جركانات
بدر الدين فى واحد كان بنادى بهذا النداء داخل العمارات وحايم ويكورك المعاه جركانات
وهو من عربنا اهل العوض..ما حصل بعت العدة ولا شنو يابدر...انا بعت الاكياس والشاى فى سوق ابقوتة..واحد من الشباب كان بدرس فى جامعة الخرطوم كلية العلوم..اها فى الاجازة ببيع العدة...قام مشى حلة من الحلال ..ويكورك عدة وصوانى ..اها نادته مرة كبيرة....عشان نشوف عنده شنو...شالت من سيرمس....قامت نادت بنتها ياعوضية..تعالى شوفى السرمس دا بنفع معاك عشان تشليوه معاك الداخلية...اها لما جاءت لقت بايع العدة زميلها...ضحكت ضحكة خفيفة تحت توبها..قال ليه اسمك منو ياد قال ليها كمال...قامت لفت بالحلة وجابت ليه النسوان كلهن عشان يشترن منه...وفى واحدات طلق ليهن...وعوضية اشتغلت معاه محصل وشالت القروش لما مشت الداخلية.....
المعاه جركانات....عرت عرت هش هش هش
عندنا ناس جدادة...تجار دجاج....من قرية اسمها ام شبع..اها ناسك ديل معتادين يجو سوقنا طوالى اثنين وخميس....يوم من الايام بعد نهاية السوق جاءت مطرة..اها قامو بيتو فى ابقوتة وبعد ما شربو الشاى ركبو حميرهم ..ونزولو فى قرية فى نص الطريقة اسمها بجيجة...قيلو وصلو فيها صلاة الجمعة..واظاهر اول مرة يصلو فيها جمعة....وفاتو وفات معاهم الزمن...جماعتك ديل الزمن سعدلهم وخلا واحد منهم بصلى....يوم بعد نهاية السوق قال لاخوه احسن ننهر عشان نصلى الضهر فى بجيجة...رد الثانى قال ليه ناس بجيجة ديل زماااااااان بصلو الضهر ركعتين ليوم الليلة تلقاهم خلوها.....
ها ها ها ها
المعاه جداد...الماه مح.....الماه بيض.....فى الهند بقلولو المعاه جرايد....
news papers......pappppaers
وما عنده حمار لا حاجة درداقة ومدردقة اماهمه
بدر شكرا لهذا الابداع
|
Post: #18
Title: Re: المعاه (قزاز) عفواً الفاظ
Author: بدرالدين شنا
Date: 10-03-2004, 10:21 PM
Parent: #1
شقيقي وشفيفي جلال
سلام وفرحة
لأنك شقيقي بتفهمني بسرعة
لا فض فهمك وبس
|
Post: #20
Title: Re: المعاه (قزاز) عفواً الفاظ
Author: توما
Date: 10-04-2004, 00:59 AM
Parent: #1
لخبت لخبت معليش
خلاص من الاول
|
Post: #21
Title: Re: المعاه (قزاز) عفواً الفاظ
Author: توما
Date: 10-04-2004, 01:00 AM
Parent: #1
صحيح صحيح
|
Post: #22
Title: Re: المعاه (قزاز) عفواً الفاظ
Author: بدرالدين شنا
Date: 10-04-2004, 02:56 AM
Parent: #1
صديقي أحمد صديق أبوقوتة
سلام وإجتياح أشواق
والله فكرت أمس أفتح بوست اسال منك وإنت عارف لمن تفتح بوست زي الفاتح ليك موية في القمح لازم تحرسها
| Quote: رد الثانى قال ليه ناس بجيجة ديل زماااااااان بصلو الضهر ركعتين ليوم الليلة تلقاهم خلوها..... |
والله لوووووووووووول
يا راجل ما تغيب الله يرضى عليك
الحبيبة الرائعة توما
سلام ملخبت
اللخبات ما بريدو (القزازة) تقطع إيدو
توما ياخي والله داير أعزمك على حاجة جميلة بس ما عارف ليك عنوان
كدي رسلي لي في العنوان المؤقت دا
>>>>>>>>>>>>>>>>>>
وخلي رسالتك تكون واضحة عشان ما أمسحها يعني ممكن تدقي الباب أول وتقولي (رسالة من توما) غير كدا بمسحها عشان بخاف
ديل جماعتنا
|
Post: #23
Title: Re: المعاه (قزاز) عفواً الفاظ
Author: مراويد
Date: 10-04-2004, 03:25 AM
Parent: #1
شنا
زير تسامح ... و قربه بارده فيها احترام للاخر المختلف معك و عنك
ينفعو معاك؟؟؟؟
و .... تيبار بلدنا و لا تلاجة ال....
ياخى زمان سالتك : ده شعرك جد جد ولا الموضه الايام دى كده؟؟؟
الوجه وجه صبي فرنكشع
والشعر شعر عجوز سمنطشع
|
Post: #24
Title: Re: المعاه (قزاز) عفواً الفاظ
Author: عوض الله الفولانى
Date: 10-04-2004, 04:49 AM
Parent: #23
بدر الدين
ســـــــــــــلامات
بصــلح سراير حديييييييد ,,,, شوالات ,,, صفايح ,,, المعاه قزاز
كبكبى تررررررمس ,,, الشغلة ما شغلتنا لكن الظروف جبرتنا....
و لك ودى
الفولانى
|
Post: #25
Title: Re: المعاه (قزاز) عفواً الفاظ
Author: ترهاقا
Date: 10-04-2004, 07:43 AM
Parent: #24
بدرالدين صديقنا الزمان
قلنا نجى نغريك السلام وإنشاءالله مويتكم تكون من بره على قول حبيبنا عمر بانقا
|
Post: #26
Title: Re: المعاه (قزاز) عفواً الفاظ
Author: بدرالدين شنا
Date: 10-04-2004, 09:28 AM
Parent: #1
الحبيب الغالي مراويد
سلام وسؤال
إنت من مراويد كم؟؟؟
أشكرك على هذا التسامح والإحترام للآخر يا جميل
أما بخصوص سؤالك عن شعري فهو جد جد ومنذ سن مبكرة والشاعر قال
قد يشيب الفتى وليس عجيباًً ... أن يُرى النوْرَ في القضيب الرطيب
طبعاً البيت الوحيد الحافظو لأنو بخدم القضية
لك حبي
حبيبي الأولاني عوض الفولاني
لينا معاه ذكرى دايرين نعيشا تاني
سلام وإحترام
Quote: بصــلح سراير حديييييييد ,,,, شوالات ,,, صفايح ,,, المعاه قزاز
كبكبى تررررررمس ,,, الشغلة ما شغلتنا لكن الظروف جبرتنا.... |
تأكل معانا في البوست دا ولا نغرف ليك براك؟؟؟
تسلم يا الحبيب
الرائع الجميل الصديق أحمد (ترهاقا)
ياخي الله يسلمك من كل بلاء ويحفظك في غربتك ويردك سالم غانم (شقيق سمير غانم) ومويتي براي بشيلة
لك خالص ودي
|
Post: #27
Title: Re: المعاه (قزاز) عفواً الفاظ
Author: محمد سر الختم
Date: 10-04-2004, 09:48 AM
Parent: #1
بدر اللذيذ
أول مرة أشوف زول مصبغ شعرو UPيض
برضو ما تفهمني غلط
|
Post: #28
Title: Re: المعاه (قزاز) عفواً الفاظ
Author: Rawia
Date: 10-04-2004, 09:59 AM
Parent: #27
عارف يا بدر الدين
الشيب دا سيبه كدا عشان عامل ماتشينق مع خطوط القميص
بالمناسبه سلام كتير شديد للرحمابي واولاده
|
Post: #29
Title: Re: المعاه (قزاز) عفواً الفاظ
Author: بدرالدين شنا
Date: 10-04-2004, 10:45 PM
Parent: #1
الرائع محمد سر الختم
| Quote: أول مرة أشوف زول مصبغ شعرو UPيض برضو ما تفهمني غلط |
ما بفهمك غلط لأنك لم (تتupup) شراً
الحبيبة الغالية راوية
سلام معطَّر
| Quote: الشيب دا سيبه كدا عشان عامل ماتشينق مع خطوط القميص |
إنتو البوست دا طلع لي في راسي ولا شنو؟؟؟
تحياتك لي الرحمابي بتصل يوم الأربعاء إن شاء الله
تسلمي يا راوية
|
Post: #30
Title: Re: المعاه (قزاز) عفواً الفاظ
Author: محمد سر الختم
Date: 10-05-2004, 01:10 AM
Parent: #1
يا بدر الليلة اليوم كلو أنا أضحك براي زي الفاطي سطر (سطر بالسين)وكل البشوفني يخلي لي الشارع، لأني اتذكرت عنوان البوست بتاعك وعرفت السبب، يتخيل لي إنت كنت مع ناس (ومن لفَّ لفهم) أنا اليوم داك شفتك هناك لكن قلت دا ماممكن يكون بدر لأنو دا ود شيوخ وحتى السجارة الحمرا ما بيشربا البوديهو يلف معاهم شنو؟
دحين أنا قررت أحَتِل في بوستيك دا على شرط: إنك تحلف تقول والله أنا ما دكتور عشان اليومين دي ،في السودان وفي البورد، في كشات للأماكن الفيها دكاترة.
لو موافق إنت زولي تـUP
|
Post: #31
Title: Re: المعاه (قزاز) عفواً الفاظ
Author: ابو مهند
Date: 10-05-2004, 03:52 AM
Parent: #1
البدري ازيك علك طيبة,اها يا خوي انتوا البخليكم تعتمدو علي ديمقراطية الخواجات شنو عشان تجو تقولوا الكهرباء والجناربتر ما كان احسن ليكم ديمقراطية الله والرسول واهلنا ناس التقابة واللوح ديل ناس نضميهم سمح بالحيل,,,اها ودعتك الله
|
Post: #32
Title: Re: المعاه (قزاز) عفواً الفاظ
Author: بدرالدين شنا
Date: 10-05-2004, 03:58 AM
Parent: #1
أخ العرب محمد سر الختم
كيف حالك؟؟؟
| Quote: لو موافق إنت زولي تـUP |
تـupاً لك إيها الغلام
|
Post: #34
Title: Re: المعاه (قزاز) عفواً الفاظ
Author: عشة بت فاطنة
Date: 10-05-2004, 05:21 AM
Parent: #32
والله عاد كان كدي فعلا الشكية لابيدا قوية ، خلاس الديمقراطية فندكتوها و..طوها وشريتوها في القزاز كان كدي عاد ما في سنا تضحك دا شيتا ماشي علينا كراع كراع والله اجيب العواقب سليمة والله يكفينا شر الدعت ، ما هو اصلو الضلام دا بجيب لينا البلاوي وناس الانقلابات البصادرو قزازاتنا حتى القاعدات ف يالبترينا والفضية ..اللهم اجعلو خير الله يدحر الافات .. قت ليك يا بدر الدين انت ورجا التلاجات جبتوها من وين رمضان قرب وتلاجتنا باظت بس ما يطلعن من سيد العدة بتاع العمارات ..
|
Post: #33
Title: Re: المعاه (قزاز) عفواً الفاظ
Author: بدرالدين شنا
Date: 10-05-2004, 04:49 AM
Parent: #1
الشفيف أبومهند سلامي وإحترامي وجارف إشتياقي
| Quote: ما كان احسن ليكم ديمقراطية الله والرسول واهلنا ناس التقابة واللوح ديل ناس نضميهم سمح بالحيل |
والله نحن ديمقراطية الله والرسول ما بناباها لكن إنت الفيك إنعرفت
رجل اصيل وكلامك موزون وعندك لفظ
تحياتي وتقديري لك وللأسرة
|
Post: #35
Title: Re: المعاه (قزاز) عفواً الفاظ
Author: Tumadir
Date: 10-05-2004, 08:53 AM
Parent: #33
تـUP
طب العصب؟؟
مالك يابدرالدين شناه؟؟
نعل الكوميديا ما ملتهبة عليك اليومين ديل..
شايفاك الكراع داخلة ومارقة ...على بوستاتك.
مما شفتهم اتخلعت وبقيت اسرخ على واحد راسى...بدرالدين الليلة قايمة عليه الكوميديا..
(وبقيت اسرخ على واحد راسى) رايك شنو فى الطعبير ده
الله يجازي الكوميديا ... السنة الفاتت ....قربك تاخد اجلنا ..كان ما السغالات ..بارك الله فيها ...جات نشفت ريق..الموقف
كان حسة فى عداد الاموات
اها ياود امى عندى ليك وصفة ..
الكوميديا دى او من تحس بيها...متحركة...طوالى اغرف البلاعة....ولا ولع المكوه نصة نهار ..وناس تقول ليك شراب الموية بعد القرينفرت وكان ماعندكم قرينفرت. شكر الراكوبه فى الخريف
المهم اتصرف و... الكمدة بالرمده..تمرق من جلدك متل الليد للخشم (ولا متل الشنو كده ما بعرفو)
اها ابقو اظهروا
|
Post: #36
Title: Re: المعاه (قزاز) عفواً الفاظ
Author: تاج السر حسن
Date: 10-05-2004, 11:42 AM
Parent: #35
يابدرالدين اللاك سمح ولا شين !!!
قالوا واحد عندو صاحبو بحب شراب (المويه) عارفه؟؟؟ وشين شنه مره ونقتو كتيره، وهو ما بحب غير شراب (موية الله والرسول وبس) قام البحب شراب المويه التانيه جاء يبيت مع صاحبو، أها زولنا قام ساقو وداهو لى صاحبو التانى عشان أقعد أشرب معاهو المويه، لكن الأخير ده مابحب النقه والكلام الكتير خلال شراب تلك الموية أم لونا(عسلى).
قام زولنا هرا ليك الزول القعدو معاهو بالنقه الكتيره، ور..ور..ور
كرهو ليك السودان.
تانى يوم زولنا المابيشرب غير (موية الله والرسول وبس)، مشى سأل صاحبو الهروهو نقه وقال ليه: أها رايك شنو فى صاحبى؟؟
رد عليهو بى زعل: زول كويس جدا لو بطل شناتو الكثيره دى.
ملحوظه: التحية موصوله للأخ/ محمود يوسف الحسين من أوائل مؤسسى فرقة الأصدقاء التى تكونت بالمهديه الحارة الأولى.
|
Post: #37
Title: Re: المعاه (قزاز) عفواً الفاظ
Author: Dr. Moiz Bakhiet
Date: 10-05-2004, 02:25 PM
Parent: #36
الغالي بدر الدين..
والله إنت أحلى زول في البتاع دة
|
Post: #38
Title: Re: المعاه (قزاز) عفواً الفاظ
Author: بدرالدين شنا
Date: 10-05-2004, 08:16 PM
Parent: #1
العزيزة اللذيذة عشوشة
سلامات ومشتاقين شدييييييييييد
| Quote: ما هو اصلو الضلام دا بجيب لينا البلاوي وناس الانقلابات البصادرو قزازاتنا حتى القاعدات ف يالبترينا والفضية |
ورقتك دي كبيرة ما عندي ليها فكة .. بعد تفكيها جيبي لي حقي سمح؟؟؟
أستاذتي تماضر
Quote: مالك يابدرالدين شناه؟؟
نعل الكوميديا ما ملتهبة عليك اليومين ديل..
شايفاك الكراع داخلة ومارقة ...على بوستاتك |
هي يا يمة كوميدية السواد واللواد .. كدي عليك الله شوفي النكتة اليمين دي مورما كيفن؟؟ والكرعين الشايفاها داخلة ومارقة ديل الحبان
| Quote: المهم اتصرف و... الكمدة بالرمده |
أنا بتصرف وإن شاء الله الكوميدية بالرمدة
أسعد بك أين ومتى ما حللتي يا تماضر
الشفيف تاج السر الحسن
سلامي وإحترامي وسعادتي بطلتك البهية
| Quote: زول كويس جدا لو بطل شناتو الكثيره دى |
أنا ممكن أبطل شراب الموية ولكنني لن أستغنى عن شناتي
للأسف الشديد لم أحظى بي شوفة محمود يوسف لأنني جيت متأخر ووجدت الفرقة باسنانها ولكنني سمعت عنه وإذا جمعتني به الصدفة سابلغه سلامك
الكثيف المرهف دكتور المعز
سلام وإرتياح وإحتقان حب
| Quote: والله إنت أحلى زول في البتاع دة |
يحلن أيامك ويعلا مقامك يا طبيب يا مداعب الحرف الرطيب
|
Post: #39
Title: Re: المعاه (قزاز) عفواً الفاظ
Author: بدرالدين شنا
Date: 10-06-2004, 03:25 AM
Parent: #1
أستاذتي تماضر تاني
سلام وتذكر
| Quote: الله يجازي الكوميديا ... السنة الفاتت ....قربك تاخد اجلنا |
آي والله بتدور تكمدنا مرة واحدة
| Quote: (وبقيت اسرخ على واحد راسى) رايك شنو فى الطعبير ده |
عبارة عديل كدا ... لكن أنا زعلان منك يعني ليه بتصرخي علي بالسين أنا سغير ولا سغير
|
Post: #40
Title: Re: المعاه (قزاز) عفواً الفاظ
Author: محمد سر الختم
Date: 10-13-2004, 01:11 AM
Parent: #1
Father
|
Post: #41
Title: Re: المعاه (قزاز) عفواً الفاظ
Author: محمد سر الختم
Date: 10-16-2004, 11:52 PM
Parent: #1
Another Father
|
|