بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأسواق!

بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأسواق!


03-11-2009, 09:50 PM


  » http://sudaneseonline.com/cgi-bin/sdb/2bb.cgi?seq=msg&board=64&msg=1282367726&rn=0


Post: #1
Title: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأسواق!
Author: بكري الصايغ
Date: 03-11-2009, 09:50 PM

المواصفات تحذر:
حلويات إسرائيلية مجهولة تغزو الأسواق!!
----------------------------------------
©2007 Alwatan News صحيفة الوطن. All rights reserved.
2009-11-03
***- حذرت الهيئة السودانية للمواصفات والمقاييس جميع الموردين بعدم التعامل مع حلويات الاطفال التى تأتى فى هيئة (بيضة) وبداخلها إستيكر يحتوى على علم إسرائيل وقالت إنها غير معروفة المصدر.

***- واشارت الهيئة انها من جانبها ستشدد الر قابة منعاً لدخول مثل هذه الحلويات وماشابهها وذلك بمنعها من اجل حماية المستهلك من مخاطر السلع المجهولة والمستهدفة لمعتقداته.
----------------------------------------------------------------------
***- ***- وتمامآ كما دخل من قبل ( البراز ) الطازة المستورد من اليونان وسكتت عنه الحكومة وقتـها ورفضـت الادلاء باي تصريحات حول من من كبار رجالات الحزب الحاكم او من الوزراء واستوردها ولماذا، تسكت الحكومة اليوم مرة اخري عن كيف دخلت الحلويات الاسرائيلية وغـزت الاسواق!!!، ومقدمآ نقول، ان الصحـف المحلية سـتصمت صـمت القبور ولن تـجرؤ علي فتـح مواضيع استثمارات الاجانب واعمالهم ومشاريعهم بالسودان... فهـم اجانب وضيوف ومافيات وعصابات غسيل اموال.... فوق النقد!!!

***- يعنـي عاوزين تقنعونا ياناس الحكومة انكم انتو ماعارفين كيف دخلت الحلويات السودان، وانتو عندكم الأمن والامن القومي وأمن الدولة وأمن الثورة وبوليس النظام العام والاستخبارات?!!!والفريق عـطا.. والفريق عطـا!!!

***- ياحكومة!!!، ماتطـبعوها وريـحو نفسكم!!!

Post: #2
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: احمد الدسكو
Date: 03-11-2009, 09:55 PM
Parent: #1

السودانيين في اسرائيل بالكووووم وكمان برسلو مصاريف لاهلهم في امانة الله
جات على الحلويات ..

Post: #3
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: بكري الصايغ
Date: 03-11-2009, 10:21 PM
Parent: #1

الأخ الـحـبـيـب الـحـبـوب،
احمد الدسكو،
تـحـياتي ومـودتي،
وألـف شكـر علي مشاركتك القيـمة،

***- تعرف ياأحـمد، السودان مليان بالاستثماريين العرب، فيهم كمية من تجار وشيوخ وامراء قطر، وزي ماانت عارف ياأحمـد، قطر علاقاتها مع اسرائيل سـمن علي عسل، وعلاقة قطر بالانقاذ عسل علي طحينة، يعني لو مستثمر قطري قام ودخل حاويات من بضائع اسرائيلية للسودان، شيـئ حلويات، وشيئ معلبات وكبابي وفواكه وادوات كهربائية ونزلها باسواق مدن السودان... في زول يقعد يمنعه?!!!

***- هـي لله ...هي لله... يااحمد!!!
***- لك مودتي.

Post: #4
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: بكري الصايغ
Date: 03-11-2009, 10:40 PM
Parent: #1

ضبط حلويات إسرائيلية بها هرمونات أنثوية وذكورية بميناء بورتسودان
-----------------------------------------------------------------------
http://www.moheet.com/show_news.aspx?nid=122218&pg=34
المـصـدر: حقوق النشر والطبع © 2002.
بتاريـخ:السبت , 10 - 5 - 2008.

***- رفضت السلطات بميناء بورتسودان وان تقول وقتـها من هو او اسم الشركة او المستورد للبضاعة!!!، وبعد نشر هـذا الخبر سكتت كل الجهات السودانية، ومنعت الصـحف من التعليق. هذه العملية تمت في شهر مايو عام 2008، وتكررت مرة اخري قبل ايام قليلة مضـت، تري هل المستوردون للحلويات سابقآ والان هـم نفس الاشخاص?!!اسرائيليون من داخل السودان... او عرب خليجـيون... او واحـدآ من وزراء الحكومة?!!

Post: #5
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: Rashid Elhag
Date: 03-11-2009, 10:47 PM
Parent: #4

عزيزنا بكري الصايغ...سلامات...ياخي يا ريت لو بقت علي الحلويات...الموضوع أسوأ مما تتصور....ولا تستبعد أن يكون هناك سرآ تعاون بين جهاز المخابرات السوداني وجهاز المخابرات الإسرائيلي (الموساد)....أما تعاونهم مع جهاز السي آي أيه فلم يعد سرآ....تحياتي

راشد

Post: #6
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: بكري الصايغ
Date: 03-11-2009, 11:38 PM
Parent: #1

ياللسعادة...Rashid Elhag
بـجـلالة قـدره وعـظمـته... معانا في البوست!!، قيام.. جلوس!!
لك شكري ياسيـد البلد علي الزيارة،

***- وتاكيـدآ علي كلامك علي علاقة النظام السوداني بالحكومة الاسرائيلية، رجاء طالع الـــرابـــط ادناه:

الـي صلاح غوش:
هل سمعت بحكاية اسرائيل تفرض الامن في شوارع الخرطوم بدلآ عـن جهازك الآمني!!.
-------------------------------------------------------------------
الـي صلاح غوش: هل سمعت بحكاية اسرائيل تفرض الامن في شو... عـن جهازك الآمني!!.
المصدر: مكتبة د.ابو بكر سيد احمد الصايغ(بكري الصايغ):
الـي صلاح غوش:
هل سمعت بحكاية اسرائيل تفرض الامن في شوارع الخرطوم بدلآ عـن جهازك الآمني!!.

04-12-2006.
بكري الصايغ.

***- لك مودتي Rashid Elhag

Post: #7
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: Tragie Mustafa
Date: 04-11-2009, 00:33 AM
Parent: #6

عارف يا استاذنا بكري الصايغ
متابعتك للجماعه ديل وكم المعلومات
البتجيبها ضحكتني لانك ذكرتني بنكته
سفيهه لكن تستحق ان تقال لهم.

قالوا واحده لا مؤاخذه فاكه الحبل عن القارب
ومهيصه....وولدت بالحرام 5 عيال كل زول ابوهو براه
ولسه كرعيها غبش نظام عامله فيها لسه بنت وما متزوجه!
اها لمت فيها امرأه عجوزة من حلتهم....وقالت لها انت يا
فلانه الغبشه عليك شنو ما تتحنني وتتدخني راجيه شنو بعد ده!!


اها نان حكومتنا دي زي فلانه دي
كل بوادر التطبيع سوتها طيب
ما يتحننوا ويدخونا عديل
ويعلنوا هذا الزواج بدلا عن
التطبيع سرا ونحن شايفين
عيالهم(وجه ميت من الضحك)

Post: #8
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: بكري الصايغ
Date: 04-11-2009, 09:12 PM
Parent: #1


الأخـت الـحـبيـبة الـحـبـوبـة،
Tragie Mustafa
تـحياتي ومـودتي، وشكري علي المشاركة بالمادة المرحة ونقول، والله ناس الأنقاذ عايزين ليهم اي فرصة عشان يعلنوا التطبيع مع اسرائيل عديل يمـكن انفرج ضايقهم وتنحل مشاكلهم مع اميريكا ودول الغرب. والله يأخت تراجي، عندي ملف معاي هنا في المانيا اسمه ( ملف العلاقات السودانية-الاسرائيلة 1956-2009) فيه وثائق كتيرة تؤكد ان العلاقات بين الدولتين موجودة ومتطورة، وانا بجـمع كل القصاصات الصحـفية حول الموضوع من صحـف ومجلات عربية واوربية وكمان اسرائيلية،واغلبها مقالات في صـحف مشهود لها بالنزاهة ودقة الخبـر، وكلما سنـحت الفرصة حابث موضوع من الملف.وهاك صـورة من الملف...وشوفي الرابـط!!

الرئيس جعفر نميري مع شارون والخاشوـقجي
----------------------------------------------
http://www.marefa.org/images/thumb/9/98/%D8%AC%D8%B9%D9...8%B9%D9%81%D8%B1.jpg

***- لك اخـتي تراجـي كل الـمودة.

Post: #9
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: عاطف عبدون
Date: 04-11-2009, 09:39 PM
Parent: #8


استاذنا بكري سلام

ممكن نصدق انو الحلاوه دخلت علي غفله

لكن البمبان الاسرائيلي دخل كيف؟



بس ليهم حق ينكروا

المساكين ما فضلت ليهم دوله يعلنو معاداتها غير اسرائيل ناس روسيا وامريكا خلاص (دنا عناقهم)

وكان لازم تفضل اسرائيل عشان لمن يحصل زلزال في اندونيسيا يقولوا ديل الاسرائليين ويطلعو مسيرات غضب تلف كل شوارع الخرطوم

إلا شارع (علي عبد اللطيف) الفيهو اصحاب اسرائيل ما يقربو ليهم وهو غضبانين

Post: #10
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: Nazar Yousif
Date: 05-11-2009, 11:14 PM
Parent: #9

فوق

Post: #11
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: بكري الصايغ
Date: 06-11-2009, 01:42 AM
Parent: #1

الأخ الـحـبـيـب الـحـبـوب،

عاطف عبدون،
تحياتي ياعـبدون وسلامي الكتير،

***- تعرف ياعبدون، زمان وقبل مايجينا الاستعمار التركي، السودان ده كان اسمه (الارض التي لاسيد لها)، وكان عنده اسم تاني ( الرجل المريض )، ويبدو ان اسم ( الارض التي لاسيد لها ) حيلازمنا لحد يوم الدين وماحيزح من السودان. لو استعرضت تاريخ البلد ده من سنة 1956 لحد الان، حتلقي انو فعلآ البلد ده ماعنده سيـد!!،

***- امبارح جات الاخبار تفيد بان متمردي (جيش الرب) اليوغندي اتحركوا من المناطق الجنوبية للغرب ومالقوا اي معارضة او مشاكل، واتحركوا بالياتهم ومدافعهم وباعداد هائلة وسمعنا اخبارهم من صـحف الحكومة!!!، وماتنسي ياعبدون حكاية الطيارات الاسرائيلية الدخلت شرق السودان وضربت قافلة (كنفوي) وماسمع بها وزير الدفاع الا بعـد اربعة شـهور!!!!

***- الطيارات التشادية تدخل وتضرب وتوصل لغاية الفاشر وترجع بسلام، لابتعرضها طيارات ولاطيارات بدون طيارين!!!

***- القوات الاثيوبية مرتاحة في اراضـي الفشقة، زيها وزي القوات الكينية في مثلث نيما!!!!

***- البناغلة اتطردوا من الكويت رحبت بهم حكومة السودان، ووصل عـددهم في الخرطوم بس دون باقي المدن 63 ألف بنغالي وفلبيني!!، عن الاثيوبيين والارتريين والتشاديين ديل بقوا عـددهم اكتر من عـدد سكان الكويت في بلدنا الهامل!!!

***- المصريين والسوريين والفلسطنيين واخيرآ الاتراك ديل كمان عملوا ولاية لنفسهم!!!

***-
***- نجئ للكلام عن البضائع الدخلت السودان عن طريق التهريب وبلا اي رقابة!!، الفياغرا بتحتل المرتبة الاولي في قائمة سلع التهريب وبتدخل للسودان عن طريق افريقيا الوسطي، الكحوليات والخمور بتدخل جهارآ نهارآ من اثيوبيا ومعها العطور الفرنسية، اما الادوات الكهربائية فبتدخل مهربة من مواني ارتيريا، طبعآ التهريب بين مصر والسودان بدخل بالكوتات (والكنتينرات) الكبيرة زي الاسمنت المضروب وناقص الجودة والمعلبات القديمة!!!. والجرايد كل يوم بتشتكي من التهريب ولكنها مابتتكلم عن المهربيين!!!،

***- عندي صديق من السودان قال، في سوق ليبيا اي شيئ في وموجود، بس انت يكون عندك فلوس تشتري اي حاجة في بالك من الصاروخ للابرة!!! عاوز كلاشينكوف اسرائيلي ولامدفع بازوكة لبناني ولا مسدس اميريكاني كلو موجـود!!!، ويقول صـديقي بسخرية شـديدة ( يااخي بلدنا دي فيها ممكن تشتري وتبيع البني ادم زاتو!!!.... نسيت حكاية الفرنسيين الدخلوا السودان واشتـرو اطفال وتم اعتقالهم!!، اشـمعني نحنا من دون ناس العالم الفرنسيين ديل جو السودان واشترو اولادنا بالذات دون باقي الدول التانية?........... لانو بلـدنا بلد هامل بلا سـيـد!!

***- لك مودتي عـبدون.

Post: #12
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: بكري الصايغ
Date: 06-11-2009, 07:28 PM
Parent: #1

الأخ الـحـبيـب الـحـبـوب،
Nazar Yousif
تـحياتي ومـودتي،
وشكـرآ لدعـمك واهتـمامك بالموضوع،

***- تعرف يانزار، قصة وجود بضائع اسرائيلية باسواق السودان ماهيبالظاهرة الملفتة للنظر ولاغريبة علي السودانيين. في سنوات السبعينيات كانت بعض البضائع المهربة تدخل من اسرائيل من اثيوبيا وافريقيا الوسطي سرآ (وكلمة سرآ دي بعدها الف علامة تعجـب )!!...لان الكميات الكبيرة والكانت موجودة بالأسواق تؤكد انها سلع دخلت البلاد ومرت من فوق البساط الاحـمر!!!

***- طبعآ يانزار بتكون بحكاية عـضو مجـلس السيادة ايام الديمقراطية، واستغل منصبه الهام بالقصر وقام
بعمل صفقة تجارية مع اسرائيل واستورد منها ادوات منزلية واكواب وسلع زجاجية،وانكشف امر السلع بعد دخولها السودان ورواجـها بلأسواق وعليها الديباجات (صنع في اسرائيل)، وقامت الصحـف المحلية وقتها وأدبته ادب المدائح، فاضطر للاستقالة .......ولكن السلع بقيت بلا مصادرة!!!

***- لك مودتي اخي نزار.

Post: #13
Title: Re: بعد قصف الطائرات الأسرائيليةالسودان،والغاءاسم اسرائيل من الجواز،حلويات إسرائيلية تغزو الأس
Author: بكري الصايغ
Date: 12-11-2009, 05:45 PM
Parent: #1

اتهام وزراء ودستوريين باستيراد نفايات
إلكترونية مسرطنة و الجمارك تقر بوصولها فى حاويات.
-----------------------------------------------------------
اتهام وزراء ودستوريين باستيراد نفايات إلكترونية مسرطنة ...ر بوصولها فى حاويات
الـمصـدر: سودانيزاون لاين - المنبـر العام.
12-11-2009.
اسعد الريفى-

***- في عهد الأنقاذ اصبح السودان ( برميل قمامة العالـم)!!!