صلاح غريبة، لي جادات: فيك عرق ولاحاجة...

?

Quote: دقة شديدة في الفبركة الاخ صلاح اشك في انك سوداني راجع جنسك شوية فيك عرق ولا حاجة ......

Re: غنائم ثمينة لمعارك الحمرة علي بعد 5 كيلو من كادقلي ( صور + فيديوه]

جيب الكوت..
مبدئيا لو ثبت هذا.. مرفوض و مدان..و صلاح غريبة غلطـــأن و غرقان في الغلط لإضنين حبوبتو كمان..!
بشاشا ازيك يا صديقي..وين الحي بيك..

كبر

عزيزي القارئ،

في العادة لا احد يابه للمدعو صلاح غريبة، او بوستاتو تعاني الطناش من الجميع.

لانو الانطباع العام عنو، انو كسدنة مايو، فالرجل كما سبدرات، نفعي او متسلق ليس الا!

ولكن فيما يبدو هناك بعد اخر في تشبثو باهداب نظام القتلة، مجسد في كلامو اعلاه لي صلاح جادات، كيف جادات "فيهو عرق"!

طبعا للما عارفين، في قاموس الاستعلاء الجلابي، المقصود بالتعبير "الكود" ده، انو صلاح، من سلالة "الفروخ" او كده، بالفهم الجلابي المعشعش في كيان امثال البشير او خالو من رسالي الجلابة، حماة "شرع الله" او كده.

طبعا في المثل، الولد خال!

كبر مرحب بيك

، الكوت اعلاه لعنايتك.

كلام مرفوض و مدان و اطالب صلاح غريبة بسحبه و الإعتذار عنه..!
العنصرية ذهبت بالجنوب..و يجب الأ تستمر..!

كبر

هلا يا بشاشا
وده كلام قبيح وعنصري في حق العضو جادات
والعنصرية في المنبر ده لو الناس ما اتحزمت واتلزمت ليها وتعاملت معها بمسئولية وحساسية عالية حتصبح خطاب يومي
وسمة بغيضة في فضاء هذا المنبر
والامر داير تجرد عالي وشجاعة في المواجهة ومبادرة

Quote: كلام مرفوض و مدان و اطالب صلاح غريبة بسحبه و الإعتذار عنه..! العنصرية ذهبت بالجنوب..و يجب الأ تستمر..!

كبر مرحب تاني،

هو ياريت، لو القال غريبة ده، كان مجرد كلام، يدان، يعتذر، او ينتهي الموضوع.

ابدا!

الذهنية الانجبت الكلام ده، هي اساس الدويلة ذات نفسها، او بالتالي هي اس البلاء، الابادة، المحارق، والحروب العبثية يا كبر.

لازم نفكر في "الكلام" ده بالطريقة دي يا عزيزي، عشان نمشي خطوة لي قدام او نعمل حاجة.

التشخيص السليم هو نصف العلاج.

بالفهم ده، وصف تخرصات الجلابي ده، بي مجرد "كلام" مش فعل، وعلي مستوي الدولة، فيهو اختزال شديد، ضار جدا، دفعو تمنو الملايين بالدماء والدموع.

غريبة طبعاً قال الكلام البيتقال وراء الابواب من الكيزان وحكومة المؤتمر الوطني، والكلام دا ممكن بسهولة قراءته مع الهيجان الشديد الحاصل هسه لمن احتلت دولة الجنوب هجليج، أي زول عاقل حيعرف إنو سبب الهيجة دي هو الآتي:

كيف يجرؤ "العبيد" على الاعتداء على أملاك السادة

لكن اسياد الامس المصريين لمن يحتلوا ارض السودان في حلايب، المكافأة بتكون أنو نديهم ارض زيادة، ونسمح ليهم بالتملك كمان.

بشاشا
كيفك اشتقنا للدواس معاك إن شاء مطول معانا المرة دي ومافي كسح وصعداء وخلافوووو

Quote: وده كلام قبيح وعنصري في حق العضو جادات

عبدالكريم مرحب تاني،

البحيرني، في زمن زي ده، مكان زي ده، كلام زي ده لسة بتقال!

طبعا ما قصدنا نقول انو التفكير الزي ده انتهي، ولكن علي الاقل، ماممكن يكون بي قوة العين والجراة دي، في ظرف زي ده او ساحة زي دي، وان كانت جلابية صرفة!

غريبة هذا لايختلف قط عن اي شمالي كقاعدة، او بالذات افراد الاسرة المتولية زمام الامور في الدويلة الابارثيدية، ولكن ان تكون له مثل هذه الجرأة او في هذا الظرف، او في هذا المكان، هو المحتاج لي تفكير بالنسبة لي.

Quote: دقة شديدة في الفبركة الاخ صلاح اشك في انك سوداني راجع جنسك شوية فيك عرق ولا حاجة

سلام يا بشاشا

الكلام ده انا فهمت منه انو بيسأل:
إنت فيك عرق ما سوداني ولا شنو؟؟؟
(يعني يشير للوطنية)

Quote: لكن اسياد الامس المصريين لمن يحتلوا ارض السودان في حلايب، المكافأة بتكون أنو نديهم ارض زيادة، ونسمح ليهم بالتملك كمان.

سلام الصادق او مرحب بيك.

كلامك الفوق اعلاه، بالمناسبة كبير جدا، بي معني انو بالفعل، الفهم ده، فعلا حاصل، بل اساس السياسة الخارجية للدويلة منذ زرعها في 56م.

وزير دفاع النظام الحالي، اب ريالة، قاعد يمشي لحدي دار الخديوية، او بقولا ليهم عديل كده:

تعالو يا مصريين، انتو اهلنا، او اولي بالسودان من "العبيد"!

لاحظ انو الزول ده "نوبي" بالفهم الحالي المتداول للمفردة، او مش "عربي" زي الطيب مصطفي، بذات معيار هذا الفهم، او بعد ده، الزول ده، او معاهو مصطفي اسماعيل ايضا من نواحي دنقلا، عديل كده، بيعتبرو قدوم المحتلين المصريين، لي ديارنا تحسين للنسل!

نعم، تحسين للنسل البقول عليهو قيادي اخر في المنبر ده، اسمو مين كده "الرقيق"، "نسل نجس"!

واضح يا الصادق انك هبشتا بي سطرينك اعلاه، موضوع ضخم حقيقة يلخص حقيقة ماستنا كشعب!

لي قرابة الكم طاشر شنة، بردد في الاسافير انو الدويلة العربية الجلابية، الحالية، دي، صنيعة احتلال ثنائي، صيغت بي طريقة محددة، لخدمة اهداف محددة، علي راسها، حماية ظهر مصر الخديوية!

تقريبا، في اي انقلاب عسكري من 56م، فقرة "حماية ظهر مصر" كان البند الثنائي في اي بيان، اذيع من "هنا امدرمان"!

مع انو كلام خطير كهذا لا ينبغي ولا يصح ان يذاع علنا!

ياخي بابكر عوض الله، رئيس القضاء الجلابي السابق، بي حالو، لما سالوهو، كيف رئيس قضاء يشارك في انقلاب عسكري علي الدستور، او يقبل بالعمل تحت امرة واحد زي نميري، قال بالحرف الواحد:

من اجل مصر!

نعم من اجل مصر، النظام الحالي، والدويلة المصرية العربية، الحالية، ممكن تعمل اي شئ.

بالفهم ده، الاحتلال الاجنبي، لي اراضي "السودان" حاصل في هجليج، مش حلايب!

لانو احتلال هجليج يهدد ظهر مصر!

تذكرو كيف في لاشعور المصري، اصلا مافي حاجة اسمها سودان بالمناسبة، الذي حصلو عليه بوضع اليد، لو متذكرين الكلام، اللي الي اليوم بيردد او كمان علنا، في مصر!

كل الدمار، الخراب، المحارق، والحروب العبثية، الغبية، في ديارنا، لامصلحة لنا، فيها، قط، كشعب!

خراج حمم الحجيم الصابة في اراضينا من نصف قرن، بروح لي مصر الخديوية!

تذكرو انو مصر، اصلا ما عندها التكتح، كدولة، من حيث الموارد، ولا مخرج للمصريين، قط، بخلاف الزحف جنوبا!

عشان نستوعب تصرفات الطيب مصطفي، البشير، اب بزاغ، الطفل المعجزة، لازم نفهم الحتة دي فهم دقيق!

اذن طبيعي جدا، استعادة بعض "السودانيين"، لي اراضي اجدادم في هجليج، يثير حنق او غضب امثال الطيب مصطفي، سليل الخائن علي ودسعد، اكثر من احتلال الخديوية لي اراضي السودان!

بالنسبة لي، هجليج تم تحريرا من دنس الاحتلال العربي!

نعم، كما المصريين، انا ذاتي لا اري وجود لي حاجة اسمها سودان، علي مستوي الدولة، الا في الجنوب!

في فهمنا السودان الي اليوم محتل!

كلام ماقالو زول في الجنوب، ولكن بقولو انا، الجلابي، اي الشمالي!

اقر واعترف اني، انا كمال بشاشا، الجلابي زول لي روحي، محتل، مستعمر، مستلب او مستعبد، عربيا!

قد يبدو هذا غريب اليوم، او شاذ!

ولكن، غريب اليوم من الوعي والكلام، هو قاعدة بكرة، بينما ماهو قاعدة اليوم، حيكون نشاذ بكرة!

او بكرة يا قلبي الحزين، تلقي السعادة!