Post: #1
Title: امين المنبرعبد العاطي: رودا فاشية!
Author: Bashasha
Date: 09-29-2004, 07:31 AM
العزيز عادل عبد العاطي امين المنبر.
هاهو المحظور يقع! ان تكون خصم وحكم في ان معا!
ياعزيزي اخلاقيا ومؤسسيا هذا خطأ! انك تنزل الي حلبة الصراع الفكري بكامل اسمك ورسمك الرسمي!
ده غلط ذي ما نبهناك منذ غزوة الموناليز.
بالذت ياعادل انك سعيت من قبل لايقاف رودا، بتوجيه لفت نظر رسمي لها، اضطررت اضطرارا لسحبه.
عشان كده في تقاليد العمل البرلماني، رئيس البرلمان بسمو Mr. Speaker وهو لايتكلم في العادة.
السبب هو اصرار شديد علي شفافية وحيدة من هو في موقع المسؤلية.
هناك اذدواج صارخ ياعادل مابين موقعك الرسمي كمؤتمن علي حق العضوية في التعبير، ومثل هذه الملاكمة الفكرية مع الفارسة رودا.
مافي حجر عليك تنازل رودا، لكن نطالبك بخلع لباس السلطة قبل نزولك للحلبة.
انا في راي عندك واحد من اتنين:
ياتبطل الكتابة يا تتنازل عن موقعك.
انت بتنسي انك طارح نفسك كبديل عن طريق حزبك اللبرالي تحت التشييد. ذي الاذدواجية دي، بتنتقص من قيمة كثير من شعارتك المرفوعة هنا.
ده نموذج سئ وقديم وبالي ياعادل فيما اتصل بي قيم العمل العام الملوثة تلويث كامل في بلدنا، بي تقاليد استغلال النفوذ والمحسوبية "الواسطة".
حتي لو السودان استقر سياسيا، حتظل عقلية الواسطة والمحسوبية هي مشكلتنا الاولي، لعشرات السنين من الان.
والله لو فهمت كلامي، كده ادارة المنبر او اسهامك بالكتابة ماجايب ثمنو.
او ذي ماقالت ليك الصديقة رجاء، اعمل حسابك، لانو ده كلو نازل في الرزمي بتاعك.
عشان ده كلو بكري كان "بجلبغ" في الطرف او ابدا ماخاض في موضوع خلافي، والصاح كده.
اللهم ها بلغت، فاشهد. !
|
Post: #3
Title: Re: امين المنبرعبد العاطي: رودا فاشية!
Author: Bashasha
Date: 09-30-2004, 05:53 AM
Parent: #1
عبدالعاطي
امينا المبجل، من فتحي البحيري مرورا بي رودا، هاهو الان يلتحم بابي امنة!
والله مافاهم عادل ده فاهم شنو؟
الشئ المؤكد انو عادل عمروا ماكان ديمقراطي!
ده القلتو لي للعزيز طه من قبل اليوم!
عادل لازال ثورجي، بالمفهوم الماركسي الغربي للثورية كاداة تغيير اولي ووحيدة.
عشان كده هو بقول لي ناس نقد "القيادة اليمينية"!
خلاصة كلامنا التحام عادل بالعضوية علي هذا النحو، فيهو تغول كبير علي حقهم في التعبير بحرية. فيه استخدام للنفوذ بي صورة فاسدة ومتخلفة جدا، بغض النظر عن النوايا او اللوائح المفصلة علي مقاسو.
الغريب في الامر قصة تعرفي علي عادل وانضمامي للمنبر ذات صلة وثيقة بقضية الدفاع عن حق عادل في التعبير. حاحكي ليكم التفاصيل في البوست القادم.
حتي ذلك الحين، ياعادل تهجمك علي من يخالفونك الراي، وينتقدون قرارتك، فيه ضيق افق وضيق ماعون ديمقراطي، مع فهم بدائي متخلف لي معاني المسؤلية في رحاب العمل العام.
|
Post: #4
Title: Re: امين المنبرعبد العاطي: رودا فاشية!
Author: هاشم نوريت
Date: 09-30-2004, 06:03 AM
Parent: #3
الاستاذ
بشاشا
دبايوا
لن ازيد على كلمة (روق)
|
Post: #5
Title: Re: امين المنبرعبد العاطي: رودا فاشية!
Author: Bashasha
Date: 09-30-2004, 07:13 AM
Parent: #1
هاشم مرحبتين حبابك.
روق؟
انا دايما رايق، مهما غضبت and Never loose my cool! لكن ملاكمة عادل للعضوية تنبئ عن فهم متخلف جدا لي قيم العمل العام. الكلام ده ماجديد، قلتو لي عادل من ايام تجريدة الموناليزا، او قلتو لي طيب الذكر خالد الحاج.
بالحرف الواحد حينها قلت لي عادل:
من حق من يخالفونك الراي حول اسلوب اداءك لي مهامك الادارية، ان يمــــــــسحو بيك الارض، ولاجميلتك، ولا من حقك تقول بغم.
في المجتمعات الديقراطية المسؤول خادم، والناخب سيد. لكن عندنا، السيد علي لو جا شاقي الفريق علي ظهر حمار، المريدين يرفعوا الحمار ذاتو بما حمل، او يتمرغوا بي تراب الحمار، نعم بي موقع حافر الحمار، مش "السيد" علي!
باقيلك بي ساهل احنا في عجز البشرية، كعبيد، نقتات من جحار النمل، رغم كل الخير الفي بلدنا؟
ابدا مابي ساهل!
|
|