Post: #1
Title: السفارة السودانية.... تلقي القبض على الهكــر
Author: سجيمان
Date: 08-04-2004, 00:42 AM
قالو الاي بي بتاع الهكر من السعودية....وبصراحة انا لحمي اكلني...وخفت بعد شوية يجي زول ويقول..سجيمان هو الهكر....وفي واحد قال الاي بي دا بتاع جهاز في مطار الملك خالد بالرياض..... لكن احمدك يا الله انا في بلد اخر مرة شفت طيارة قبال سنة.... وقت نشوف الطيارة ... انا ووليداتي وامهم نطلع راس البيت ونقعد نكورك "ولاد الريف..... رمو لنا رغيف"....يعني انا براءة...براءة المُر اخوي من سرقة الكعك الاكانت قاعدة تدسو امي في الدولاب وتربط المفتاح في طرف توبا....والغريبة بعد دا كلو تجي تلقى الكعك اتسرق...ونحن عرفنا انو في البيت في هكر...واكيد دا المُر...لكن في النهاية طلع براءة واتضح انو الهكر فار.... لقد ظلمناك يا مر بالرغم من اننا واثقين انك بتريد الكعك...ولا انسى اذ انسى عيد رمضان داك.... القضيتو كلو انت في الادبحانة....والسبب الكعك.....
نرجع لهكر السعودية..... انا اقترح علي السفارة بالرياض.... تجمع السودانين... كلهم....وتزيد الطاقم بتاعا...وتجيب بوكسي مليان مصاحف.... ويقعدو يحلفو الناس..واي زول عليهو ضرائب ما يحلف علا بعد يدفع الضرائب.. و كل زول عشان يحلف ويبري ضمتو..لازمن يدفع خمسين ريال...رسوم حليفة...وعشرة ريال خدمات حليفة..واي زول يحلف بالتكسرو انو هو ما الهكر..وان بقى هو الهكر ان شاء الله يتقلب بظبورتي...وكل سنتين يلمو فيهو ناس السفارة ويجدعوهو من مكتب لي مكتب....ويقعد في جيب سيدو جنب كيس الصعوط وتجيهو حساسية....وجلدو الاخدر من وقفت الشمش يجيهو بهق ويتقلب بنفسجي......
واووووووعك يا القنصل تأجل لي زول الحليفة دي...عشان ما عندو قروش.......وبعدينك... عشان الشفافية انت تحلف اول زول انك ما الهكر...واكان بقيت انت الهكر تتقلب مغترب وراعي...وتجي السفارة تجدد جوازك....سلامتك يا يابا انت من المغتربين...وتبرا من الرعية.... والسكن في ود رعية
|
Post: #2
Title: Re: السفارة السودانية.... تلقي القبض على الهكــر
Author: Ali Alhalawi
Date: 08-04-2004, 01:30 AM
Parent: #1
سجيمان أخوى .. الناس ديل ما بتنفع معاهم حليفة مصاحف .. أقترح نوديهم يحلفوا فى بير سعد الله
|
Post: #6
Title: Re: السفارة السودانية.... تلقي القبض على الهكــر
Author: سجيمان
Date: 08-04-2004, 06:35 AM
Parent: #2
الحلاوي
ازيك
| Quote: أقترح نوديهم يحلفوا فى بير سعد الله |
شاورت سعد الله؟
|
Post: #3
Title: Re: السفارة السودانية.... تلقي القبض على الهكــر
Author: جمال السنوسي
Date: 08-04-2004, 02:54 AM
Parent: #1
يااخي سجيمان
انا ما بعرف حاجة غايتو غير بفتح الانترنت والايميل
وده كفاية علي لحدي هنا
بالله يا سجيمان خسمتك بالنبي عندي موضوع عايزك تكتبو لي في بوست معتبر بكريقتك الحلوة دي
أهاعندي سلطة ( بفتح السين واللام ) ختيت لي فيها عجور وطماطم وجرجير وخس وخيار وبقدونس وشمار وزيت سمسم وزيت زيتون ونعناع وبصل اخضر وشطة خدرا وفول حاجات اها عملت لي صحن كبير ودايرك تقسمو لينا
يعني تقسم لينا السلطة دي (بفتح السين الله يفتحها عليك ) وياريت كمان تقسم معاها الثورة الجاية
جمال
|
Post: #8
Title: Re: السفارة السودانية.... تلقي القبض على الهكــر
Author: سجيمان
Date: 08-05-2004, 04:01 AM
Parent: #3
جمال .... شوف البوست بتاع الفسيفسائية
|
Post: #4
Title: Re: السفارة السودانية.... تلقي القبض على الهكــر
Author: Elmosley
Date: 08-04-2004, 04:34 AM
Parent: #1
 
|
Post: #5
Title: Re: السفارة السودانية.... تلقي القبض على الهكــر
Author: MASSOUB
Date: 08-04-2004, 05:51 AM
Parent: #1
العزيز / سجيمان
طيب لو القنصل طلع قريبى وماقسمت اليمن
اه موقفك هيكون شنوة ?
للجميع الود
مسؤب
|
Post: #9
Title: Re: السفارة السودانية.... تلقي القبض على الهكــر
Author: سجيمان
Date: 08-05-2004, 04:13 AM
Parent: #5
مسؤب
اسمك غريب
| Quote: اه موقفك هيكون شنوة ? |
تكون انت الهكر
|
Post: #7
Title: Re: السفارة السودانية.... تلقي القبض على الهكــر
Author: essam&amal
Date: 08-04-2004, 07:44 AM
Parent: #1
سجيمان الظريف
عليك الله البعرف ربنا وبخاف من القسم بالمصحف بعمل كده ؟؟؟؟
سجيمان كلامك ده خلانى زى المجنونه اضحك براى معى صديقتى من ايران ماشه وراى وتقول لى ( انت فى مجنون اليوم ) .
احكى ليك حكايتى مع السفارة السودانية فى ابو ظبى وحليفة المصحف
قدمت لأقامة لوالدتى ( الله يرحمها ) طبعا هنا ماعندنا تعقيدات زيكم وقع لى مدير عام الجوازات بالموافقة على ان اقدم ما يثبت ذلك من السفارة ، مشيت السفارة ، جاب لى المصحف قال لى تحلفى القسم وتدفعى ثلاثمائة درهم ، قلت ليه لو ما امى الجابرنى شنو اجيب لى واحدة واعمل ليها اقامة خمسة سنوات من غير ما تكون امى ، عموما انا ما بحلف المصحف حتى لو صادقة ، والحاجة دى امى ، قال لى خلاص ما تحلفى ادفعى الرسوم القلتها ليك هناك ونحن بنديك شهادة انها امك ، قلت ليه وتدينى شهادة على حاجة انت ما متأكد منها انت العرفك شنو انها امى ، وطبعا بعد الفصاحة والشكل ودخلت فى الحكومة والشتائم ليها رفض ما يعمل لى الشهادة ، مشيت الصباح لمدير الجوازات وانا اعلم تماما انه عمره ما رفض شىء لسودانى ابدا وفاءا للسودان قال درس فى كلية الشرطة فى السودان ، مشيت على طول وقلت ليه والله عملت مشكلة فى السفارة ورفض يدينى شهادة لكن انا مستعدة احلف ليك القسم انت قال لى بنشوف ليك حل ان شاء الله وفجأة ربنا حلانى من المشكلة ووفر لى قريشاتى ( الانقاذ معدمانا القرش من الضرائب انا ادفع وابو وضاح يدفع ) شاف جواز امى عنوانها بالسودان بواسطة ابنها و مكتوب عنوان شقيقى بالكامل وقارنه مع اسمى وعمل لى الاقامة .
عشان كده ما غريبة يحلفوكم بخمسين ريال ؟؟ انتوا بتحلموا فيك الخير قول متين ريال .
الله يبارك فيك يا سجيمان كان طلعتنى من الزهج الانا فيه وخليتنى اضحك .
ام وضاح
|
Post: #10
Title: Re: السفارة السودانية.... تلقي القبض على الهكــر
Author: سجيمان
Date: 08-05-2004, 04:32 AM
Parent: #7
ام وضاح
ناس السفارة انا قاعد اديهم واحلف....لكن وحات الله اقعد اداعي فيهم من امرق منهم لحدي ما اصل اهلي....وعند اهلي اجيب الوليدات وامهم ونقعد نداعي....... لكن الغريبة دعانا ما قاعد يسوي لهم اي شي
|
Post: #11
Title: Re: السفارة السودانية.... تلقي القبض على الهكــر
Author: ناجى الزبير الملك
Date: 08-05-2004, 05:57 AM
Parent: #10
انـــــــــــــــــــــا
غايتو بحلف
لكن ما بدفع
|
Post: #12
Title: Re: السفارة السودانية.... تلقي القبض على الهكــر
Author: سجيمان
Date: 08-05-2004, 10:08 AM
Parent: #11
ناجي
عشان تحلف.... لازم تدفع رسوم حليفة... انت قايل الحليفة دي هينة؟
|
Post: #13
Title: Re: السفارة السودانية.... تلقي القبض على الهكــر
Author: ayooby
Date: 08-05-2004, 10:57 AM
Parent: #12
والله الهكر ده يا سجيمان من ما قمنا وفتحنا بنعرفو انو الحاجة القديمة المجدوعة فى المخزن ومنسية ومافى زول جايب خبره !! وبعد شوية بقينا نعرف الهكر انو دى العربية القديمة ومكركبة ودخانه ما يديك الدرب وانت راقد فى بيتكم تعرف انها وصلت الحلة وهى لسة على بعد شارعين من بيتكم ولا الصباح بدرى يدقو ليك بابكم عشان اللزة لامن نفسك ينقطع .... لكن جنس هكركم الهسى ده يطرشنى ويعمينى !!!!
|
Post: #14
Title: Re: السفارة السودانية.... تلقي القبض على الهكــر
Author: Outcast
Date: 08-05-2004, 11:20 AM
Parent: #13
اهه يا سجيمان .. و ناس السفارة البحلفهم منو ؟؟ و ح يدفعوا رسوم حليفة ولا ح يحلفوا مجانا كمان ...
الله ديل هاكرين الناس فى عينهم عديل .. ولا داسنوا ....
------------------------------------
|
Post: #21
Title: Re: السفارة السودانية.... تلقي القبض على الهكــر
Author: سجيمان
Date: 08-05-2004, 11:24 PM
Parent: #14
Outcast
| Quote: اهه يا سجيمان .. و ناس السفارة البحلفهم منو ؟؟ |
ديل يجيبوهم في برنامج ليلة سمر مع عوض ابراهيم عوض....ويحلفو على الهواء مياشرة......وبعد حليفة المصحف..... يحلفو طلاق
|
Post: #15
Title: Re: السفارة السودانية.... تلقي القبض على الهكــر
Author: سجيمان
Date: 08-05-2004, 11:24 AM
Parent: #13
ايوبي
انت دياشي؟............. صلاتي علي ابو ابراهيم...... اوعى تقول لي ابراهيم منو؟
|
Post: #16
Title: Re: السفارة السودانية.... تلقي القبض على الهكــر
Author: Rama
Date: 08-05-2004, 12:09 PM
Parent: #13
ممكون صابر
|
Post: #17
Title: Re: السفارة السودانية.... تلقي القبض على الهكــر
Author: osly2
Date: 08-05-2004, 12:46 PM
Parent: #16
الهكر داخل البوست على مسؤلية كاتبه
|
Post: #18
Title: Re: السفارة السودانية.... تلقي القبض على الهكــر
Author: HOPEFUL
Date: 08-05-2004, 01:21 PM
Parent: #17
Quote: -08-2004, 11:09 ص
Rama
.
تاريخ التسجيل: 04-09-2002
مجموع المشاركات: 9
|
الشئ دا حمامه ولا صقر
غايتو نحن في حواك يا سجيمان
|
Post: #19
Title: Re: السفارة السودانية.... تلقي القبض على الهكــر
Author: Abureesh
Date: 08-05-2004, 01:27 PM
Parent: #17
سجيمــان وأم وضــاح،
انت محظـوظـة يا ام وضـاح لأنهـم ما طلبـو منك تجيبى واحـدة تانيـة معاكى، لأنـو شـهـادتك عنـدهـم نص.. المرة التانيـة سـوقى معاكى صديقتك الايرانيـة، فقط للظروف.
لكن انتو نسيتـو انـو دى حكـومـة التأصيل الحضـارى،
يا جماعـة البقولو ليكم عنـو مصحف دا هـو جهـاز أشعـة تحت الحمــراء، موصل لاسلكيـا بالكمبيـوتـر بتاعهـم، وهـو بيقـرأ البصمـات ويرسلهـا للكمبيـوتـر.. الكمبيـوتـر يقارنهـا بالمعلومـات المخـزنـة عنـدو عن مقـدم الطلب، ومنهـا إسـم الوالـد والوالـدة وهـكذا الخ.
|
Post: #24
Title: Re: السفارة السودانية.... تلقي القبض على الهكــر
Author: سجيمان
Date: 08-06-2004, 07:24 AM
Parent: #19
ابو الريش
| Quote: يا جماعـة البقولو ليكم عنـو مصحف دا هـو جهـاز أشعـة تحت الحمــراء، |
كان كدي انا شيعوني الف مرة
|
Post: #23
Title: Re: السفارة السودانية.... تلقي القبض على الهكــر
Author: سجيمان
Date: 08-06-2004, 07:19 AM
Parent: #17
: osly2
?????????????
|
Post: #22
Title: Re: السفارة السودانية.... تلقي القبض على الهكــر
Author: سجيمان
Date: 08-06-2004, 07:15 AM
Parent: #16
راما
انا شفتك وين؟
|
Post: #20
Title: Re: السفارة السودانية.... تلقي القبض على الهكــر
Author: MASSOUB
Date: 08-05-2004, 03:36 PM
Parent: #1
العزيز/ سجيمان ههههههه
مسؤب هي كلمة نوبية وبالتحديد هي صفة
اهاجوابتك على سوالك وفى انتظار اجابتك
تحياتي
|
Post: #25
Title: Re: السفارة السودانية.... تلقي القبض على الهكــر
Author: سجيمان
Date: 08-06-2004, 07:28 AM
Parent: #20
مسؤب
| Quote: اهاجوابتك على سوالك وفى انتظار اجابتك |
لو كان القنصل قريبك وما حلفك؟
نخلي ناس الجالية يحلفوك
|
Post: #26
Title: Re: السفارة السودانية.... تلقي القبض على الهكــر
Author: Abureesh
Date: 08-06-2004, 08:58 AM
Parent: #25
سجيمـأن،
أدفعـوا ليهـم أى حاجـة، ما أصلـو حيخصمـوهـا من الضـرائب فى نهايـة السنــة.
بس احتفظـو بالإيصالات.
|
Post: #27
Title: Re: السفارة السودانية.... تلقي القبض على الهكــر
Author: سجيمان
Date: 08-07-2004, 04:55 AM
Parent: #26
ابو الريش
| Quote: بس احتفظـو بالإيصالات. |
ايصالات السفارة...انا مسوي ليهن سحارة
|
Post: #28
Title: Re: السفارة السودانية.... تلقي القبض على الهكــر
Author: حبيب نورة
Date: 08-07-2004, 06:29 AM
Parent: #27
ههههههههههههههههههههه
|
Post: #29
Title: Re: السفارة السودانية.... تلقي القبض على الهكــر
Author: سجيمان
Date: 08-07-2004, 10:02 AM
Parent: #28
حبيب نورة
نجاملك يا يابا كدي.....وانت عريس
|
Post: #30
Title: Re: السفارة السودانية.... تلقي القبض على الهكــر
Author: صديق الموج
Date: 08-09-2004, 07:30 AM
Parent: #1
سجيمان يا اخوى الهاكرز ديل دحين ما اولاد عم الجانجويد والا تشابه اسماء ساكت
باقى نحن اميين فى الكمبيوتر،،،
|
|