Post: #1
Title: فرســان في الميــدان..و..رقيــص الرقبـــة
Author: سجيمان
Date: 10-12-2004, 02:11 AM
قربت اصل ارزل العمر.....لكن لي حسي....كبكابة....وبشجع اللعبة الحلوة.....وما بدسو.... البيتعجبني....اي زول بيعرف انها عاجباني...... يعني الفضيحة والفضيحة متباريات...
حاسد ومغيوظ من ناس فرسان في الميدان..... البيقدمو البرنامج.....حاسدهم علي البنيات السميحات.....وبي يجن يسعلوهن....ولاّ يجن يقولن شعر....ولاّ يغنن.........
قلت امشي اقدم في التفلزيون....معاهم...يمكن ياخدوني معاهم في البرنامج دا....ويخلوني اقدم البرنامج..واتكبكب بي مزاااااااااج.......
أي بت تجي اسعلها اساعدها في الاجابة وممكن اجاوب لها........ أي ولد اعقدو....واطلع عينو....واسعلو اسعلةتكرهوو الكتابة والقراية...وتاني يافطة في الشارع ساكت ما يقراها..........
السعوال الاول....لبنتنا عواطف.....لما اجي اسعلها اعاين لها من فوق النضارة....واقعد اتحرقص واتنى واتلولو..زيادة رشاقة وكدا....واقول لها...عواطف دايرك تركزي معاي كويس....ماشاء الله عليكي.... فستانك حلو والله.....وعيونك فيهن ماس...واضنينك فيهن ماس....وكلك ماس في ماس....يا المافي غيرك في الناس. ورموشك ترمش سطر وتفط سطر...وباين عليكي زكية....ونابغة..........ا
السوعال هو:-
حيوان اليف..... عندنا في بيوتنا...ودائما مارق لسانو وراقد تحت المزيرة....عندو ضنب طويل وملوي.....وبيقول....هوْ هوْ هوْ.........ناس بيسموهو بوبي.....وناس بيسموهو جرقاس.....اها يا عواطف دا يطلع شنووووووو؟
عواطف....تبتسم..وتجر طرحتا فوق راسا....وتقول لي....... الاسد؟؟؟؟؟؟
انا اقولها..قرررررررررربتي..... بس ركزي شوية وعشان اسهل لك السوعال.... انا عارفو هو سوعال صعب...عشان اسهلو ليكي....الحيوان دا..... غير انو بيقول هوْ هوْ هوْ.....واقعد اهوهيو......انتي لما تنهريهو بتقولي ليهو....جرْ جرْ جرْ..........هنا عواطف تطير عيونا وتقول لي الكلب؟؟؟؟؟
انا انط واطلع فوق التربيزة واصفق....والكز الجماعة يصفقو....واخلي البنات الفي الاستديو كلهن يزغرتن.......وتجي واحدة من المذيعات وترقص رقيص رقبة وتدي عواطف شبال وتجي تديني انا شبال والجماعة الجنبي كل واحد شبال....وتمشي لي حمدي تديهو شبال....وتوزع علي الناس كلها شبالات حتى المصورين والمخرج.........ويقوم واحد اخو بنات من الجعليّن الحاضرين الحلقة....ويملص جلابتو ويحلف عليهو بالطلاق علا ينجلد في ضهرو عشرين جلدة اكراما وتقديرا للنابغة عواطف........
ويجي دور واحد من الاولاد المشاركين في الحلقة.....وانا جني وجن الضكور.....اول حاجة اجر فيهو نور طويل جدا......واصر ليهو صرة شديدة..... لحدي ما بطنو تكركب......واعاين ليهو باشمئزاز.....واتشهد.. لا اله الا الله.......يا ولدي حسي في ضمتك دي نخرة تجي تقابل بها الناس؟.....وأشر عليهو....واعاين لي حمدي بدر الدين...اقول لو..... انتو يا حمدي الحاجات دي؟ قاعدين تلقوها واقعة وين؟.....والوي شلوفتي احتقارا وا سعلو من اسمو......يقول لي اسمي......عبد التام جبر الله.......بالله حسي دا اسم تحوم بيهو في الحلة وتجي بيهو التلفزيون....وكمان خانق لي رقبتك بي لستك عجلة وعاملو كرفتة؟ واللستك فيهو ستاشر رُقعة؟....وبعدين دي حلاقة شنو؟ دي؟.... انت حالق عن ترزي؟.......... المهم احبطو.... واجيب نفسياتو في الواطة...عشان تاني مافي ولد يتشنّط في بنطلونو ويقول ماشي فرسان في الميدان......
السوعال.....ركز معاي ما تتلفت......انا عارفك بليد وما منك فايدة....... السوعال هو:-
وكافٍ وكِف كافٍ وكفي..... بكفها
وكفَ كفوف الماءِ من كفها انهمل
ما هو اسم أم الشاعر؟
واسم أم...... بوش؟
واسم أم..... بلير؟
واسم أم كوفي عنان؟
تقول اسامي النسوان ديل كلهن....وان بقيت ماك عارف تلبس نعلاتك وتمشي اهلك......وتاني اووووووووعى اشوف كريعاتك ديل حايمات جنب النلفزيون................
|
Post: #2
Title: Re: فرســان في الميــدان..و..رقيــص الرقبـــة
Author: Ali Alhalawi
Date: 10-12-2004, 02:27 AM
Parent: #1
| Quote: ورموشك ترمش سطر وتفط سطر |
أنا فاطى سطرين .. ممكن أشترك معاكم فى البرنامج؟؟
|
Post: #4
Title: Re: فرســان في الميــدان..و..رقيــص الرقبـــة
Author: saif massad ali
Date: 10-12-2004, 02:35 AM
Parent: #2
انشاءالله تجيك واحده من بنات الصين المولدات في السودان عشان عين واحدة تشوفها مافي
|
Post: #6
Title: Re: فرســان في الميــدان..و..رقيــص الرقبـــة
Author: سجيمان
Date: 10-12-2004, 12:15 PM
Parent: #4
سيف مساعد علي
| Quote: انشاءالله تجيك واحده من بنات الصين المولدات في السودان عشان عين واحدة تشوفها مافي |
تعرف زي ديل حلاة عيونن في الكتاحة بتاعت السودان ديك.... لا يغمدن ولا حاجة
|
Post: #5
Title: Re: فرســان في الميــدان..و..رقيــص الرقبـــة
Author: سجيمان
Date: 10-12-2004, 07:10 AM
Parent: #2
الحلاوي
| Quote: أنا فاطى سطرين .. ممكن أشترك معاكم فى البرنامج؟؟ |
تشترك لكن تاخد شبالك وتدينا عجاج كرعيك
|
Post: #3
Title: Re: فرســان في الميــدان..و..رقيــص الرقبـــة
Author: المكاشفي الخضر الطاهر
Date: 10-12-2004, 02:33 AM
Parent: #1
كلامك دا ذكرني نكتة
فى واحدة سمحة وبليدة وواحدة ما سمحة وشاطرة والاستاذ سئل السمحة قال ليها بلد المليون شهيد ياتو دولة ؟؟
قالت ليهو الجزائر
الاستاذ صفق وقال مبروك
سأل الما سمحة قال ليها احسبيهن ؟
|
Post: #8
Title: Re: فرســان في الميــدان..و..رقيــص الرقبـــة
Author: سجيمان
Date: 10-13-2004, 01:01 AM
Parent: #3
المكاشفي الخضر الطاهر
| Quote: سأل الما سمحة قال ليها احسبيهن ؟ |
اوعى يكون عاوزا تقول اساميهم؟؟؟؟؟؟؟؟؟
|
Post: #13
Title: Re: فرســان في الميــدان..و..رقيــص الرقبـــة
Author: سجيمان
Date: 10-13-2004, 08:49 PM
Parent: #8
|
Post: #7
Title: Re: فرســان في الميــدان..و..رقيــص الرقبـــة
Author: كبسيبة
Date: 10-12-2004, 12:30 PM
Parent: #1
سجيمان - يديك العافية
رأيك شنو ننفذ السيناريو بتعاك ده ونجيب أحلى وحدة في البورد
ونلبسك نظارة نص كم بي لستك بتاع طيانة ونجيب ناس هناي وهناي ديلك منافسين لهناية دي ونعمل حلقة تست VHS ونشترك في المسابقة بتعت BNTV
وفي النهاية أنا حغني ليك (الحاصل بي سببو انت)
|
Post: #10
Title: Re: فرســان في الميــدان..و..رقيــص الرقبـــة
Author: سجيمان
Date: 10-13-2004, 04:30 AM
Parent: #7
كبسيبة
| Quote: وفي النهاية أنا حغني ليك (الحاصل بي سببو انت) |
اوووعى تشبكني يا اخوي
حسي مشاكل السودان كلها قالو سببا انا......
كمان انت داير تجيب لي نصيبة تانية.......واللهِ اياهو
|
Post: #9
Title: Re: فرســان في الميــدان..و..رقيــص الرقبـــة
Author: صديق الموج
Date: 10-13-2004, 01:59 AM
Parent: #1
| Quote: ما هو اسم أم الشاعر؟ |
اسم ام الشاعر هو :ام تسعة وتسعين قبلة..وفى رواية اخرى واحدة على عجل حديد،،،
|
Post: #11
Title: Re: فرســان في الميــدان..و..رقيــص الرقبـــة
Author: سجيمان
Date: 10-13-2004, 08:04 AM
Parent: #9
صديق الموج
| Quote: اسم ام الشاعر هو :ام تسعة وتسعين قبلة |
صديق الموج.... ايها الشفيف اللفيف..... عليك الله شفت الكضب دا؟..قال تسعة وتسعين...هو في زول عندو نفَس قدر دا؟
|
Post: #12
Title: Re: فرســان في الميــدان..و..رقيــص الرقبـــة
Author: سجيمان
Date: 10-13-2004, 09:30 AM
Parent: #11
نارك قايدة..... يا السادة
وحبـــك..... سواني..قُـرادة
|
Post: #14
Title: Re: فرســان في الميــدان..و..رقيــص الرقبـــة
Author: قلقو
Date: 10-13-2004, 11:46 PM
Parent: #1
حبيبنا سجيمان..
انت ياخوى الغتاتة بتاعتك دى ما داير تخليها؟
يعنى عليك الله تسأل عبدالتام من اسم ام بوش منو ؟ عليك الله دة سؤآل؟ ماطبعا اسمها ام بوش على وزن ام على..معضلة دى ؟
ارجوك سيب الأنحياز بتاعك دة للضكورة وخليك حنين شوية على الجنس اللطيف.
|
Post: #15
Title: Re: فرســان في الميــدان..و..رقيــص الرقبـــة
Author: سجيمان
Date: 10-14-2004, 04:15 AM
Parent: #14
قلقو
| Quote: ارجوك سيب الأنحياز بتاعك دة للضكورة وخليك حنين شوية على الجنس اللطيف. |
انا ما مكجن في الدنيا دي شي غير الضكور.....واشحد في الله اصبح يوم والقى الدنيا كلها مليانة نسوان.....مافي ولا ضكر حايم
|
Post: #16
Title: Re: فرســان في الميــدان..و..رقيــص الرقبـــة
Author: قلقو
Date: 10-14-2004, 04:40 AM
Parent: #15
وطيب مالك واقع عليهن اسئلة تعجيزية كدة ؟
يعنى هسى سؤآلك البيقول( هو هو) دة ما سؤآل تعجيزى ياحاقد ؟
|
Post: #17
Title: Re: فرســان في الميــدان..و..رقيــص الرقبـــة
Author: سجيمان
Date: 10-14-2004, 04:53 AM
Parent: #16
قلقو
| Quote: يعنى هسى سؤآلك البيقول( هو هو) دة ما سؤآل تعجيزى ياحاقد ؟ |
ههههههههههههههههههههه
هههههههههههههههههههههه
الله يجازيك..... يا عاملات ناس المنبر
حسي عليك الله عاين للفي الصورة الممشطة دي......زي دي لا بسعلا ولا بتلتا و لا بدردرا تجي البرنامج... اجيبا الاولى وهي راااااقدة عند اهلا.....وكل حلقة اجيبا الاولى.....علا يرفدوني
|
Post: #19
Title: Re: فرســان في الميــدان..و..رقيــص الرقبـــة
Author: سجيمان
Date: 10-14-2004, 09:50 AM
Parent: #18
آآآآآآآآآآآآآآآآآآمييييييييييين
|
|